CREDIT
သတင်းစုံပျော်ဝင်အိုးကြီးတွင် ဖော်ပြထားသည့် သတင်း၊ဓာတ်ပုံများသည် သက်ဆိုင်သူများ၏မူပိုင်သာဖြစ်ကြောင်း အသိပေးအပ်ပါသည်။
ဓါးဒဏ်ရာ ၁၄ ချက်နဲ့ သေဆုံးသူကို ရေခဲတိုက်သို့ပို့ဆောင်စဉ် ( ဓါတ်ပုံ -Bernama)
မလေးရှားနိုင်ငံ ပီနန်ကျွန်း Bukit Minyak စက်မှုဇုံက တိုက်ခန်းတခုမှာ နိုင်ငံခြားသား အလုပ်ရှာဖွေရေး အေဂျင်စီကလူတဦး ဓါးဒဏ်ရာ ၁၄ ချက်နဲ့ သေဆုံးမှုအတွက် သံသယရှိသူ မြန်မာနိုင်ငံသား ၅ ဦးကို မလေးအာဏာပိုင်တွေက ဖမ်းဆီးလိုက်ပါတယ်။ အဲဒီ ၅ဦးထဲမှာ အမျိုးသား ၄ဦးနဲ့ အမျိုးသမီး တဦးတို့ပါဝင်ကြပါတယ်။ အဖမ်းခံရသူ မြန်မာနိုင်ငံသားတွေဟာ အသက် ၂၇ ကနေ ၄၀ ကြားရှိကြပြီး၊ Bukit Minyak ဒေသက စက်ရုံအသီးသီးမှာ အလုပ်လုပ်နေသူတွေ ဖြစ်တယ်လို့ Seberang Perai Tengah ရဲဌာန အရာရှိက ပြောပါတယ်။ လူသတ်မှုအတွက် သံသယရှိသူ မြန်မာ ၅ဦးဟာ သေဆုံးသူနဲ့အတူ နေထိုင် သူတွေဖြစ်တယ်လို့ ရဲက ပြောပါတယ်။ R. Manogaran အမည်ရှိ သေဆုံးသူဟာ အသက် ၅၅ နှစ်အရွယ်ရှိပြီး နေ့ခင်းပိုင်းမှာ သူ့ကိုလာရှာတဲ့ စက်ရုံ ကားဒရိုင်ဘာတယောက်က အခန်းတခုထဲ သေဆုံးနေတာကို စတင်တွေ့ရှိခဲ့ကြောင်း၊ သေဆုံးသူဟာ မြန်မာနိုင်ငံသားတွေကို စက်ရုံတွေမှာ အလုပ်သွင်းပေးလေ့ရှိသူဖြစ်ကြောင်း၊ သူဟာ မြန်မာ ၁၀ဦးနဲ့ တိုက်ခန်းမှာ အတူနေတယ်လို့ ယူဆရကြောင်း ကားဒရိုင်ဘာက ပြောပါတယ်။ ဒီအတောတွင်း မလေးရှားရဲတွေက သေဆုံးသူနဲ့အတူနေပြီး လောလောဆယ် ပျောက်နေတဲ့ နောက်ထပ် မြန်မာ ၅ဦးကို ထပ်မံရှာဖွေနေပါတယ်။ ဒီလူသတ်မှုဖြစ်ရတာဟာ အလုပ်သမားတွေရဲ့ လုပ်ခလစာကိစ္စနဲ့ သက်ဆိုင်နိုင်သလို၊ အလုပ်သမားခံစားခွင့် အပြည့်အဝ မရတာနဲ့လည်း သက်ဆိုင်နိုင်တယ်လို့ ခန့်မှန်းကြောင်း ကားဒရိုင်ဘာက ရဲတွေကို ပြောပါတယ်။ ဗွီအိုအေ (မြန်မာပိုင်း) https://burmese.voanews.com
ပီနန်ကျွန်းအရှေ့မြောက်ပိုင်းက George Town မြို့မြင်ကွင်းတခု (၂၀၁၇)
မလေးရှားနိုင်ငံ ပီနန်ကျွန်းအရှေ့မြောက်ပိုင်းက George Town မြို့မှာ တနင်္ဂနွေနေ့က မြန်မာအမျိုးသားတဦးဟာ သူနဲ့တအိမ်ထဲ ငှါးရမ်းနေထိုင်သူ တဦးနဲ့ ရန်ဖြစ်ရာကနေ ဓါးနဲ့ထိုးခံရတဲ့အတွက် သေဆုံးသွားတယ်လို့ George Town ရဲတပ်ဖွဲ့က ပြောပါတယ်။ သေဆုံးသူ အသက် ၂၉ နှစ်အရွယ် မြန်မာအမျိုးသားဟာ ရင်ဘတ်၊ လက်မောင်းနဲ့ နောက်ကျောမှာ ဓါးဒဏ်ရာ ၅ ချက်နဲ့ သေဆုံးခဲ့တာ ဖြစ်ပြီး သူ့ရုပ်အလောင်းကို ခွဲစိပ်စစ်ဆေးဖို့ ပီနန်ဆေးရုံကို ပို့ထားပါတယ်။ သေဆုံးသူဟာ ပီနန်မြစ်နားက Lebuh Sungai Pinang က အရက်ကုမ္ပဏီ တခုမှာ ကားမောင်းတဲ့ အလုပ်လုပ်သူ ဖြစ်မယ်လို့ ရဲက ပြောပါတယ်။ သေဆုံးသူကို တနင်္ဂနွေနေ့က သူအလုပ်လုပ်တဲ့ဆိုင်ရှိရာ ဝင်းထဲမှာတွေ့ခဲ့ရတာပါ။ သူ့ကို ဓါးနဲ့ ထိုးသူအပါအဝင် တခြား မြန်မာတွေနဲ့အတူ သူဟာ Siam လမ်းက ၂ ထပ် အဆောက်အဦးတခုမှာ ငှါးရမ်းနေထိုင်သူ ဖြစ်ကြောင်းလည်း ရဲရဲ့ ကြေညာချက်မှာ ဖေါ်ပြ ပါတယ်။ သူနဲ့အတူငှါးရမ်းနေထိုင်သူ မြန်မာ ၁၁ ဦးကို စစ်ဆေးမေးမြန်းဖို့ ရဲက ဖမ်းဆီးထားပြီး ဓါးနဲ့ ထိုးသူကတော့ ထွက်ပြေးသွားတာကြောင့် ရှာဖွေနေဆဲပဲလို့ ရဲက ပြောပါတယ်။ ဒီလူသတ်မှုအတွက် မျက်မြင် သက်သေ ၃ ဦးရှိပြီး တဦးကတော့ အခင်းဖြစ်ပွါးစဉ်က ဝဲဘက်လက်မှာ ဓါးဒဏ်ရာရခဲ့သူ ဖြစ်ပါတယ်။ လူသတ်သမား အသုံးပြုခဲ့မယ်လို့ ယုံကြည်ရတဲ့ဓါးကိုတော့ အခင်းဖြစ်ပွါးရာ နေရာမှာ တွေ့ရှိခဲ့တယ်လို့ ဖေါ်ပြထားပါတယ်။ ဗွီအိုအေ (မြန်မာပိုင်း) https://burmese.voanews.com
မလေးရှားနိုင်ငံ ကွာလာလမ်ပူမြို့က ကွာလာလမ်ပူ စီးတီးစင်တာကို တွေ့ရစဉ်
မလေးရှားနိုင်ငံမှာ တရားမ၀င် အလုပ်လုပ်နေတာကြောင့် အဖမ်းဆီးခံရတဲ့ မြန်မာအလုပ်သမားတွေကို နိုင်ငံသား စိစစ်ပြီး မြန်မာနိုင်ငံကို ပြန်ပို့နေတာ ၂၀၁၈ ခုနှစ် ဇန်န၀ါရီကနေ စက်တင်ဘာအထိ ၉ လအတွင်း လူ ၃၃၀၀ ကျော်ရှိနေပြီလို့ မလေးရှားနိုင်ငံဆိုင်ရာ မြန်မာသံရုံးကနေ သိရပါတယ်။ မလေးရှားနိုင်ငံမှာ တရားမ၀င်အလုပ်လုပ်လို့ အဖမ်းခံရတဲ့သူတွေကို မလေးအစိုးရက ထောင်ဒဏ် ၃ လ ဒဏ်ချမှတ်ပြီးတဲ့နောက် ထိန်းသိမ်းရေးအကျဉ်းစခန်းတွေကို ပို့ဆောင်ထိန်းသိမ်းထားတာဖြစ်ပါတယ်။ အဲဒီစခန်းတွေကနေမှ မြန်မာနိုင်ငံသား ဟုတ် မဟုတ် စိစစ်ပြီး ပြန်ပို့ပေးတာဖြစ်တယ်လို့ မြန်မာသံရုံးအတွင်းဝန် ဒေါ်မေသူဖြူက ပြောပါတယ်။ မလေးရှားအစိုးရကနေ ဖမ်းဆီးထားတဲ့ တရားမ၀င် အလုပ်သမားအရေအတွက် တိတိကျကျတော့ မသိရဘူးလို့ ပြောပါတယ်။ ပြီးခဲ့တဲ့ အောက်တိုဘာ ၁၆ ရက်နေ့တုန်းကလည်း မလေးရှားနိုင်ငံကို တရားမ၀င် အလုပ်လုပ်ဖို့လာတဲ့ မြန်မာ အလုပ်သမားတွေကို ထိုင်းနိုင်ငံစစ်ဆေးရေးစခန်းတွေကနေ ဖမ်းမိတာတွေရှိတယ်လို့ ထိုင်းနိုင်ငံဆိုင်ရာ မြန်မာသံရုံးကနေလည်း သတင်းထုတ်ပြန်ထားပါတယ်။ မလေးရှားနိုင်ငံမှာ တရားဝင်အလုပ်လုပ်တဲ့ မြန်မာအလုပ်သမား အယောက် ၂ သိန်းလောက်ရှိပြီး တရားမ၀င် လုပ်ကိုင်နေတဲ့ အရေအတွက်ကတော့ ၃ သိန်းလောက်ရှိနေတယ်လို့ မြန်မာသံရုံးကနေ သိရပါတယ်။ RFA Burmese https://www.rfa.org
ရေဒီယို သတ္တိကြွပစ္စည်း ပျောက်ဆုံး
ဩဂုတ်လ ၁၀ ရက်နေ့ က အဲဒီ ရေဒီယို သတ္တိကြွ ပစ္စည်း ပါဝင်တဲ့ သတ္တုပုံး ကို ကားတစီး ပေါ် တင်ဆောင် လာခဲ့ပြီး ကွာလာလမ်ပူ မြို့ ကနေ တခြား ပြည်နယ် တခု ဖြစ်တဲ့ ရှား အလမ်း ပို့ဆောင်ရာကနေ လမ်းမှာ ပျောက်ဆုံး သွားခဲ့တာပါ။ ဓါတ်မှန် ရိုက်ကူး တဲ့ စက်မှာ တပ်ဆင် အသုံးအပြုတဲ့ သတ္တု ပုံး ကို ရောင်းချဖို့ ဖြစ်ဖြစ်၊ တခြား နေရာ ရွှေ့ပြောင်းဖို့ ဖြစ်ဖြစ် တစစီ ဖြုတ်တာတို့၊ ဖျက်ဆီး လိုက်တာ တို့ လုပ်ဆောင်ခဲ့မယ် ဆိုရင် ရေဒီယို သတ္တိကြွ ပစ္စည်း တွေဟာ ပြင်ပ ကို ပျံ့နှံ့ ရောက်ရှိသွားမှာ ကိုလည်း တာဝန် ရှိသူတွေ က စိုးရိမ် နေပါတယ်။ နောက်ပြီး အဲဒီ အထဲမှာ ပါတဲ့ ရေဒီယို သတ္တိကြွ ပစ္စည်း တွေဟာ မသမာသူ အကြမ်းဖက် သမားတွေ ရဲ့ လက်ထဲကို ရောက်သွားခဲ့ရင်လည်း ပေါက်ကွဲအား ပြင်းထန် တဲ့ ဗုံး တစ်လုံး အဖြစ် အသွင်း ပြောင်း လိုက်မှာ ကိုလည်း စိုးရိမ် နေရပါတယ်။ အဲဒီ ရေဒီယို သတ္တိကြွ ပစ္စည်း ပါဝင်တဲ့ သတ္တုပုံး ကို ပိုင်ဆိုင်တဲ့ ကုမ္ပဏီဟာ စက်သုံးဆီ နဲ့ သဘာဝ ဓါတ်ငွေ့ တွေကို စမ်းသပ် စစ်ဆေးမှု လုပ်ငန်းတွေကို ဆောင်ရွက် ပေးတဲ့ ကုမ္ပဏီ တခု က ပိုင်ဆိုင်တာ ဖြစ်ပါတယ်။ ၂၃ ကီလို အလေးချိန်ရှိတဲ့ သတ္တုပုံး ကို သံမဏိတွေကို ထွင်းဖောက်တဲ့ လုပ်ငန်း ဆောင်ရွက်ရာမှာ သုံးတဲ့ စက်ထဲမှာ ထည့်သွင်း အသုံးချ တယ် လို့လည်း ဆိုပါတယ်။ ဒါပေမယ့် လုံခြုံရေး အခြေအနေ အရ ကုမ္ပဏီရဲ့ နာမည် ကို တော့ ထုတ်ဖော် ပြောဆို တာမျိုး မလုပ်သေးပါဘူး။ လောလောဆယ်မှာ သတ္တုပုံး သယ်ဆောင်ရာမှာ အသုံးပြုတဲ့ ကားကို မောင်းနှင်ခဲ့တဲ့ မလေးရှား နိုင်ငံသား ၂ ဦး ကိုတော့ အမှု ဖြစ်စ မှာ ဖမ်းဆီး မေးမြန်း ခဲ့ပေမယ့် လက်ရှိအချိန်မှာတော့ အာမခံနဲ့ ပြန်လွှတ် ပေးထားတယ်လို့ ရှား အလမ်း ပြည်နယ် ရဲမှူးကြီး မိုဟာမက် ဖူဇီ ရာဟွန်း က ပြောပါတယ်။
မြို့အဝင် အထွက်တွေမှာ ရှာဖွေ စစ်ဆေးမှုတွေ ရှိ
မလေးရှား သတင်းတွေ ထဲမှာတော့ ရေဒီယို သတ္တိကြွ ပစ္စည်းတွေ ပါဝင်တဲ့ သတ္တုပုံး ကို ကွာလာလမ်ပူ ကနေ ရှားအလမ်း ပြည်နယ် ကို အသွား ကား နောက်ခန်း ထဲမှာ ထည့်ပြီး သယ်ဆောင် လာရာ ကနေ ပျောက်ဆုံး သွားခဲ့တာ ဖြစ်တယ်လို့ ပြောဆို နေပါတယ်။ မြို့တွင်း မြို့ပြင် ပိတ်ဆို့ ရှာဖွေနေမှုတွေ ရှိပေမယ့် အထူး တလည် ရှာဖွေ တာမျိုး မဟုတ်ဘဲ သာမန် လုပ်ရိုး လုပ်စဉ် ဖြစ်တဲ့ အထောက်အထား မဲ့ နိုင်ငံခြားသား အလုပ်သမား တွေကို ရှာဖွေ နေမှု ပုံစံမျိုးပဲ လုပ်ဆောင် နေကြောင်း မလေးရှား နိုင်ငံ သီတဂူ အထောက်အကူပြု အဖွဲ့ ခေါင်းဆောင် ကိုသီဟမောင်မောင် က ဘီဘီစီကို ပြောပါတယ်။ အဲဒီ ရေဒီယို သတ္တိကြွ ပစ္စည်း ရေဒီယမ် ပါဝင်တဲ့ သတ္တုပုံးဟာ အခိုး ခံရတာလား၊ ကားမောင်းနေရင်း နောက်ခန်း ထဲ ကနေ ပြုတ်ကျ သွားတာ လား ဆိုတာကလည်း ရှင်းရှင်းလင်း မရှိသေးပါဘူး။ အီရီဒီယမ် ၁၉၂ ကီလိုဂရမ် ပါဝင်တဲ့ သတ္တုပုံး ပျောက်ဆုံးသွားခဲ့တာ မှန်ပေမယ့် လက်ရှိ အချိန်မှာတော့ အခြေအနေ အားလုံးကို ထိန်းသိမ်း ထားနိုင်တယ်လို့ မလေးရှား ပြည်ထဲရေး ဝန်ကြီး အဇစ် ဂျန်မန် က ပြောပါတယ်။ နိုင်ငံတကာ အနုမြူ စွမ်းအင် အေဂျင်စီ အဖွဲ့ က ထုတ်ပြန် ချက် အရ သတ္တု ဒြပ်စင် အီရီဒီယမ် ၁၉၂ ကီလိုဂရမ် ကို နာရီပေါင်းများစွာ ကိုင်တွယ် ခဲ့မယ် ဆိုရင် ဓါတ်ရောင်ခြည်သင့်တဲ့ ဒဏ် ကို တသက်လုံး ခံစား ရနိုင်တယ်လို့ ထုတ်ပြန် ထားပါတယ်။ BBC Burmese https://www.bbc.com/burmese
မလေးရှားနိုင်ငံ ကွာလာလမ်ပူမြို့က မြန်မာသံရုံးကို တွေ့ရစဉ်။ Photo: Myanmar Embassy in Kuala Lumpur, Malaysia
မလေးရှားအစိုးရက ပြီးခဲ့တဲ့ ဇွန်လ ၁ ရက်နေ့ကစပြီး တရားမဝင် နိုင်ငံခြားသားအလုပ်သမား ဖမ်းဆီးရေး စီမံချက်ကို စတင်ဆောင်ရွက်နေတာကြောင့် မလေးရှားနိုင်ငံမှာရှိတဲ့ မြန်မာအလုပ်သမားတွေအနေနဲ့ သတိထားကြဖို့ မလေးရှားနိုင်ငံဆိုင်ရာ မြန်မာသံရုံးက မနေ့က ကြေညာချက် ထုတ်ပြန်ခဲ့ပါတယ်။ မြန်မာအလုပ်သမားတွေအနေနဲ့ မလေးရှားကို တရားဝင်နည်းလမ်းနဲ့သာ လာရောက်အလုပ်လုပ်ကြဖို့ မလေးရှားနိုင်ငံဆိုင်ရာ မြန်မာသံရုံးက ပထမအတွင်းဝန် ဒေါ်မေသူဖြူက ပြောပါတယ်။ "သူတို့စီမံချက်တွေထားပြီးတော့ လူအရမ်းစည်ကားတဲ့အချိန်တွေမှာ ဖမ်းတာပဲ။ ကိုယ်တွေကတော့ ကိုယ့်မြန်မာနိုင်ငံသားတွေ ဒီမှာအလုပ်လုပ်ရင်လည်း တရားဝင်ပဲ အလုပ်လုပ်စေချင်တယ်။ တရားဝင် အလုပ်လုပ်တဲ့အခါကျတော့ အလုပ်ခွင်ထဲမှာ ထိခိုက်ဒဏ်ရာရတာပဲဖြစ်ဖြစ် တစ်ခုခုဖြစ်ဖြစ် အစ်မတို့က ဥပဒေကြောင်းအရ သူတို့ကို တောင်းဆိုပိုင်ခွင့်တွေရှိတယ်၊ နောက်ဆုံး သေသွားရင်တောင် လျော်ကြေးတောင်း ပိုင်ခွင့်ရှိတယ်၊အခုဒီမှာကျတော့ မြန်မာပြည်ကနေ ဒီကို အောက်လမ်းကနေ အလွယ်တကူလာလို့ရတော့ တရားမဝင် အလုပ်သမားက များတယ်၊အလုပ်ရှင်တွေဘက်ကကျတော့လည်း တရားဝင်တဲ့ အလုပ်သမား ခန့်အပ်တဲ့အခါကျတော့ သူတို့မှာ တာဝန်ကြီးတယ်၊ တရားမဝင်တဲ့ အလုပ်သမားခန့်တော့ ထိခိုက်ဒဏ်ရာ ရရင်လည်း သူတို့တာဝန်မယူဘူးဆိုရင်လည်း ကိုယ်တွေသံရုံးဘက်က သူတို့ကို ကွန်ပလိန်း တက်လို့မရဘူး ၊အဲဒီတော့ အစ်မတို့က တရားဝင်ပဲ လာအလုပ်လုပ်စေချင်တယ်" မလေးရှားအစိုးရက မလေးရှားနိုင်ငံအတွင်း တရားမဝင် အလုပ်သမားငှားရမ်းတဲ့ အစီအစဉ်ကို ဒီလကုန်ကစပြီး ဆောင်ရွက်ခြင်းမပြုတော့တဲ့အပြင် တရားမဝင်နိုင်ငံခြားသား အလုပ်သမားပြဿနာကို တင်းကျပ်တဲ့ စည်းမျဉ်းဥပဒေတွေနဲ့ အလေးပေးကိုင်တွယ် ဆောင်ရွက်နေတယ်လို့လည်း ပြောပါတယ်။ မလေးရှားမှာ ပြီးခဲ့တဲ့ ဇွန်လ တစ်ရက်နေ့ကစပြီး တရားမဝင် အလုပ်သမားဖမ်းဆီးရေးကို စတင်ဆောင်ရွက်ခဲ့ရာမှာ တရားမဝင်အလုပ်သမား အယောက် ၁၇ဝ ကို ဖမ်းဆီးခဲ့ကြောင်း မလေးရှားနိုင်ငံ ပြည်ထဲရေးဝန်ကြီးကနေ တရားဝင်ကြေညာခဲ့ပေမယ့် အဲဒီထဲမှာ မြန်မာလုပ်သား ဘယ်လောက်ပါတယ်ဆိုတာ မသိရဘူးလို့ ဆိုပါတယ်။ မလေးရှားနိုင်ငံမှာ ထိန်းသိမ်းရေးစခန်း ၁၁ ခုရှိပြီး တရားမ၀င်အလုပ်သမားတွေကို ဖမ်းဆီးပြီးနောက် သတ်မှတ် ပြစ်ဒဏ်ခံရပြီးတဲ့အခါ ထိန်းသိမ်းရေးစခန်းတွေကို ပို့လေ့ရှိပါတယ်။ အဲဒီထိန်းသိမ်းရေးစခန်းတွေကနေ မြန်မာနိုင်ငံကို ပြန်ချင်တဲ့ မြန်မာအလုပ်သမားတွေကို သံရုံးက ပြန်လည် ပို့ဆောင်တာတွေ ဆောင်ရွက်ပြီး မေလအတွင်းမှာ မြန်မာနိုင်ငံကို ပြန်ပို့ခဲ့တဲ့ အလုပ်သမား ၂၀၀ ကျော်ရှိတယ်လို့ သိရပါတယ်။ မလေးရှားနိုင်ငံမှာ လက်ရှ်ိ မြန်မာအလုပ်သမား ၄ သိန်းဝန်းကျင်ရှိပြီး အဲဒီထဲမှာ တရားဝင်အလုပ်သမားက ၂သိန်းဝန်းကျင်သာရှိတယ်လို့ မြန်မာသံရုံးရဲ့စာရင်းတွေအရ သိရပါတယ်။ RFA Burmese https://www.rfa.org/burmese
နေပြည်တော် ဇွန် ၅၊ ၂၀၁၈ မလေးရှားနိုင်ငံတွင် ဖမ်းဆီးရမိခဲ့သည့် မူးယစ်ဆေးဝါးများနှင့် ပတ်သက် ဆက်စပ်သော ကွင်းဆက်တရားခံများကို မြန်မာနိုင်ငံရဲတပ်ဖွဲ့က ဖော်ထုတ် ဖမ်းဆီးရမိခဲ့သည်။ မလေးရှားနိုင်ငံ၊ အကောက်ခွန်ဦးစီးဌာနမှ စီမရစ်မြို့ ကုန်လှောင်ရုံ၌ မေ ၂၂ ရက်နေ့တွင် မလေးရှားနိုင်ငံသား ၃ ဦးနှင့် မြန်မာနိုင်ငံသား ၃ ဦးတို့နှင့်အတူ မက်အဖက်တမင်း (၁၁၈၇) ကီလိုဂရမ်နှင့် ဘိန်းဖြူ (၇၅၀) ဂရမ်တို့အား ဖမ်းဆီးရမိခဲ့ပြီး နောက် ယင်းဖမ်းမိ မူးယစ်ဆေးဝါးများနှင့် ပတ်သက် ဆက်စပ်သော ကွင်းဆက်တရားခံများကို ဖော်ထုတ်ဖမ်းဆီးရမိခဲ့ခြင်း ဖြစ်သည်။ အဆိုပါမူးယစ်ဆေးဝါးများ ဖမ်းဆီးမှုနှင့်ပတ်သက်၍ စိစစ်ခဲ့ရာ ရန်ကုန်မြို့ရှိ Nice Guy Clearence Service Agency မှ ကုန်သေတ္တာအမှတ် (FSCU 9911521) ထဲတွင် စားသောက်ကုန်များဖြင့် မူးယစ်ဆေးဝါးများကို ရောနှောထည့်သွင်း၍ မလေးရှားနိုင်ငံသို့ တင်ပို့ခဲ့ကြောင်း၊ မြန်မာနိုင်ငံမှ တစ်ဆင့် မလေးရှားနိုင်ငံသို့ ပို့ဆောင်ရန်အတွက် တာမွေမြို့နယ်၊ နတ်မောက်ရပ်ကွက်၊ ဖိုးစိန်လမ်း၊ ပထမထပ်၊ မ/၅၀(A)နေ ရှော်ရိတ် အာမောက်၏သား မောင်မောင် (ခ) Hj Yassin (၄၄) နှစ်က လာရောက် ဆက်သွယ်မှုအရ U Kaung Trading Co.Ltd မှ တာဝန်ယူပို့ဆောင်ပေး ခဲ့ကြောင်း သိရှိရပြီး မောင်မောင် (ခ) Hj Yassin နှင့် ပူးပေါင်းပါဝင်သူများ အား စုံစမ်းဖော်ထုတ်နိုင်ရေးအတွက် ဇွန် ၂ ရက်နေ့တွင် ဆိပ်ကမ်း မြို့မရဲစခန်း၌ မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများ ဆိုင်ရာဥပဒေပုဒ်မ ၂၀(က)/၂၀(ခ)/၂၁ ဖြင့် အမှုဖွင့်အရေးယူ စုံစမ်းစစ်ဆေး ခဲ့သည်။
ဇွန် ၂ ရက် နံနက် ၁၁ နာရီ ၁၀ မိနစ်တွင် ဆက်စပ်တရားခံ အမျိုးသား တစ်ဦးကို ဖမ်းဆီးရမိခဲ့ပြီး အဓိကတရားခံ မောင်မောင် (ခ) Hj Yassin သည် မေလ ၃၀ ရက်နေ့ကတည်းက TOYOTA LEXUS ယာဉ်အမှတ် YGN 5L-8088 နှင့်အတူ ထွက်ပြေးတိမ်းရှောင်နေကြောင်း စိစစ်တွေ့ရှိ ရသဖြင့် ပူးပေါင်းပါဝင်သူများ ဖမ်းဆီးရမိရေးအတွက် စုံစမ်း ရှာဖွေလျက် ရှိသည်။ ဖမ်းဆီးရမိသည့်တရားခံ၏ ဖော်ထုတ်ပြောပြချက်အရ မောင်မောင် (ခ) Hj Yassin သည် မူးယစ်ဆေးဝါးများအား လှည်းကူးမြို့နယ်ရှိ Nice Guy ရေသန့်စက်ရုံမှတစ်ဆင့် အောက်ပုဇွန်တောင်လမ်းရှိ ဂိုထောင်သို့ 3I – 8917 Bongo Box ယာဉ်ဖြင့် သယ်ဆောင်ခဲ့ပြီး ၎င်းမှတစ်ဆင့် သင်္ဘော တင်မှု လုပ်ငန်းများ ဆောင်ရွက်ခဲ့ကြောင်း သိရှိရသည်။ အဓိက တရားခံ မောင်မောင် (ခ) Hj Yassin ၏နေအိမ်သို့ ဝင်ရောက်စစ်ဆေးရာ နေအိမ်ခန်း မီးခံသေတ္တာအတွင်းမှ ခန့်မှန်းတန်ဖိုး ငွေကျပ်သိန်း (၂၅၀) ခန့်ရှိ လက်ဝတ် ရတနာမျိုးစုံ (၁၉)မျိုး၊ YGN 5L-8088 TOYOTA LEXUS ယာဉ်အား ငွေကျပ်သိန်း (၁၀၉၀)ဖြင့် ဝယ်ယူထားသည့် စာချုပ်မူရင်း (၁)စောင်၊ ယာဉ်နှင့် ပတ်သက်သည့် မှတ်ပုံတင်စာအုပ်မူရင်း (၁)အုပ်၊ အာမခံပရီမီယမ် မှတ်တမ်းမူရင်းစာအုပ် (၁)အုပ်၊ ၂၀၁၆ ခုနှစ်မှ ၂၀၁၈ ခုနှစ်အတွင်း လက်ဝတ်ရတနာများ ဝယ်ယူခဲ့သည့် ပြေစာမူရင်း(၈)စောင် တို့ကို တွေ့ရှိ၍ သိမ်းဆည်းခဲ့သည်။ မောင်မောင် (ခ) Hj Yassin ထွက်ပြေးတိမ်းရှောင်စဉ် မောင်းနှင်သွားသော YGN 5L-8088 TOYOTA LEXUS မော်တော်ယာဉ်အား ဇွန်လ ၃ ရက်နေ့ ညသန်းခေါင်တွင် တာမွေဂုံးကျော်တံတားအောက်၌ တွေ့ရှိသဖြင့် သိမ်းဆည်းနိုင် ခဲ့သည်။ ထို့အပြင် တရားခံ မောင်မောင် (ခ) Hj Yassin နှင့် ပူးပေါင်းပါဝင်သူများမှ မြန်မာနိုင်ငံအတွင်းရှိ ဘဏ်အသီးသီး တွင် ငွေစာရင်း ဖွင့်လှစ်ထားရှိမှုကို ဇွန်လ ၄ ရက်တွင် စုံစမ်းစစ်ဆေးခဲ့ရာ ပုဂ္ဂလိကဘဏ် (၂)ခုတွင် မောင်မောင် (ခ) Hj Yassin ငွေစာရင်းနှင့် ဆက်စပ်တရားခံ (၁)ဦးတို့ ငွေစာရင်း၌ ကျပ်သိန်းပေါင်း (၂၈၀၀၀) ကျော်နှင့် ATM ကတ် (၂)ခုတို့အား စစ်ဆေး တွေ့ရှိရသဖြင့် အဆိုပါငွေကြေးများကို ယာယီ ပိတ်သိမ်းထားရှိပြီး ထွက်ပြေးတိမ်းရှောင်နေသည့် မောင်မောင် (ခ) Hj Yassin နှင့် ပူးပေါင်းပါဝင်သူတရားခံများအား အမြန်ဆုံး ဖမ်းဆီးရမိရေး အတွက် မြန်မာနိုင်ငံ ရဲတပ်ဖွဲ့နှင့် အထူးစုံစမ်းစစ်ဆေးရေး ဦးစီးဌာနတို့ ပူးပေါင်း၍ အထူးအမှုစစ်အဖွဲ့ ဖွဲ့စည်းကာ ဆက်လက်စစ်ဆေး ဆောင်ရွက်လျက်ရှိကြောင်း ပြည်ထဲရေးဝန်ကြီးဌာနမှ သိရသည်။ MOI Webportal Myanmar https://www.facebook.com/MOIWebportalMyanmar/
၃၁ မေ မလေးရှားအစိုးရက “မျှော်လင့်ချက်ရောင်ခြည် ရန်ပုံငွေ” ဆိုတဲ့နာမည်နဲ့ နိုင်ငံမှာ တင်နေတဲ့အကြွေးတွေကို ပြန်ဆပ်ရေးအတွက် အလှူငွေထည့်ဖို့ ဆော်သြရာ မလေးလူထုက မလေးရှားရင်းဂစ် ၇ သန်း (အမေရိကန်ဒေါ်လာ ၁.၈ သန်း)ကို ဒီကနေ ညနေ ၃ နာရီအထိ ၂၄ နာရီအတွင်း လက်ခံရရှိပါတယ်။ ဒီရန်ပုံငွေအလှူပွဲဟာ မှတ်တိုင်တစ်ခုဖြစ်သွားပါပြီ။ မလေးလူထုက ကျနော်တို့အားလုံး ချစ်တဲ့နိုင်ငံ ပြန်လည်ထူထောင်ရေးအတွက် တိုင်းပြည်ချစ်စိတ်နဲ့ လှူဒါန်းကြတာပါလို့ ဘဏ္ဍရေးဝန်ကြီး လင်ဂွန်အင်း က ပြောပါတယ်။ ဥပဒေဘွဲ့ရ တက်ကြွတဲ့ လူငယ်တစ်ဦးဖြစ်တဲ့ ရှားဇာရီနာ ဘက်ခ်တီ ရဲ့ မလေးရှားတို့ရဲ့ ရက်ရောခြင်းဆိုတဲ့ အွန်လိုင်းကအလှူကောက်ခံတာကို သဘောကျပြီး မလေးအစိုးရက “မျှော်လင့်ချက်ရောင်ခြည် ရန်ပုံငွေ” ဆိုတာကို တစ်ပတ်အကြာမှာ ဖွဲ့လိုက်တာဖြစ်ပါတယ်။ ပွင့်လင်းမြင်သာမှုရှိအောင် အခုကောက်ခံရရှိတဲ့ ငွေကြေးတွေကို နေ့စဉ် မှတ်တမ်းပြုစုပြီး ဘဏ္ဍရေးဝန်ကြီးရုံး ဝက်ဆိုက်ဒ် နှင့် ဝန်ကြီးရုံးရဲ့ လူမှုဆက်သွယ်ရေးတွေကနေ ဖော်ပြပေးသွားမယ်လို့ မစ္စတာ လင် က ပြောပါတယ်။ MDN ကိုးကား-CNA Myanmar Digital News https://www.facebook.com/MyanmarDigitalNews
မြန်မာနိုင်ငံကလာတဲ့ လက်ဖက်ထုတ်တွေတင်တဲ့သင်္ဘောထဲမှာ မက်သာဖက်တမင်းစိတ်ကြွဆေးပြား ၁ ဒသမ ၂ တန်နဲ့ ဘိမ်းဖြူ ၇၅၀ ဂရမ်ကိုဖမ်းမိလိုက်တယ်လို့ မလေးရှားအာဏာပိုင်တွေက ဒီနေ့ကြေညာ လိုက်ပါတယ်။ မေလ ၂၂ ရက်နေ့က ကွာလာလမ်ပူရ်ဆိပ်ကမ်းကို ရောက်လာတဲ့ အဲဒီသင်္ဘောကို မလေးရှား အကောက်ခွန်အရာရှိတွေရှာတဲ့အခါမှာ အဲဒီမူးယစ်ဆေးတွေတွေ့ရှိပြီး၊ မလေးရှားနိုင်ငံသား ၃ ယောက်နဲ့ မြန်မာနိုင်ငံသား ၃ ယောက်ကို ဖမ်းလိုက်တယ်လို့ဆိုပါတယ်။ ဖမ်းမိတဲ့မူးယစ်ဆေးတန်ဖိုးဟာ အမေရိကန်ဒေါ်လာ ၁၈ သန်းဖိုးလောက်ရှိတယ်လို့ ခန့်မှန်းထားပါတယ်။ RFA Burmese https://www.facebook.com/rfaburmese/
ဆေးရုံတက်ရောက်ကုသမှုခံယူခဲ့ရသည့် မြန်မာပရိသတ်များအား မြန်မာနိုင်ငံဘောလုံးအဖွဲ့ချုပ်မှ လာရောက် နှစ်သိမ့်(Myanmar Football Federation)
မလေးရှားနိုင်ငံမှာ အိမ်ရှင်အဖြစ် လက်ခံကျင်းပတဲ့ (၂၉)ကြိမ်မြောက် အရှေ့တောင် အာရှ အားကစားပြိုင်ပွဲမှာ သွားရောက်ယှဉ်ပြိုင်နေတဲ့ အားကစားသမားတွေ ကြုံတွေ့နေရတဲ့ အခက်အခဲတွေ၊ လာရောက်အားပေးကြတဲ့ ပရိသတ်တွေရဲ့လုံခြုံရေးနဲ့ ပက်သတ်ပြီး မလေးရှား ဆီးဂိမ်းကော်မတီ၊ မလေးရှား အာဏာပိုင် လုံခြုံရေး အဖွဲ့အစည်းများနဲ့ တွေ့ဆုံဆွေးနွေးသွားဖို့ရှိတယ်လို့ မလေးရှားနိုင်ငံမြန်မာသံရုံးက တာဝန်ရှိသူတစ်ဦးက ဗွီအိုအေကိုပြောပါတယ်။ အပြည့်အစုံကိုတော့ ကိုကောင်းစံဟိန်းကပြောပြပေးမှာပါ။ မလေးရှားနိုင်ငံက အိမ်ရှင်အဖြစ် (၆)ကြိမ်မြောက်လက်ခံကျင်းပနေတဲ့ အရှေ့တောင် အာရှဆီးဂိမ်းအားကစားပြိုင်ပွဲမှာ သွားရောက်ယှဉ်ပြိုင်ကြတဲ့ မြန်မာနိုင်ငံက အားကစားသမားတွေ အနေနဲ့ သွားရေးလာရေးမှာ အခက်အခဲဖြစ်ရုံတင်မက စားရေးသောက်ရေးတွေနဲ့ နေရေးထိုင်ရေးတွေမှာပါအဆင်မပြေတာတွေရှိနေတာပါ။ ဒါ့အပြင်မြန်မာပွဲစဉ်တွေမှာ လာရောက်အားပေးတဲ့ မြန်မာပရိသတ်တွေ ရိုက်နှက်ခံရမှုနဲ့ လုယက်ခံရမှုတွေပါရှိနေတာမို့ လုံခြုံရေးတွေနဲ့ပက်သက်ပြီး သက်ဆိုင်ရာ မလေးရှားအစိုးရအဖွဲ့အစည်းတွေနဲ့ တွေ့ဆုံဆွေးနွေးသွားဖို့ရှိတယ်လို့ မလေးရှားနိုင်ငံမြန်မာသံရုံးက အမြဲတန်းအတွင်းဝန်ဦးသက်ဇော်တိုးကပြောပါတယ်။ “ကျနော်တို့ကတော့လေ အခုက စာတွေဘာတွေပို့ထားတယ်ပေါ့နော် ၊ မနက်ဖြန် ကြတော့လည်း ကျနော်တို့ သံရုံး Website ကနေပြီးတော့ ကျနော်တို့ လုပ်ဆောင်ချက်တွေ ကို ကျနော်တို့တင်ပါ့မယ်။နောက်ဖြစ်လာမယ့်ဟာတွေကို ကျနော်တို့ ကြိုတင်ကာကွယ်တဲ့ အနေနဲ့ ကျနော်တို့ဘက်ကအတတ်နိုင်ဆုံး သူတို့နဲ့ ညှိနှိုင်းဖို့ ဆောင်ရွက်သွားမှာပါ။” သြဂုတ်လ၂၁ရက်နေ့ညက မလေးရှားနိုင်ငံ ကွာလာလမ်ပူမြို့မှာ ကျင်းပခဲ့တဲ့ မြန်မာ-မလေးရှားဘောလုံးပွဲစဉ်အပြီးမှာ လာရောက်အားပေးခဲ့ကြတဲ့ မြန်မာနိုင်ငံသားအချို့ လုယက်ခံရတာတွေ ၊ ရိုက်နှက်ခံခဲ့ရပါတယ်။ အဲဒီလိုတိုက်ခိုက်ခံခဲ့ရတဲ့အထဲ ဆိုးဆိုးရွားရွားတိုက်ခိုက်ခံခဲ့ရတဲ့ မြန်မာနိုင်ငံသား၂ယောက် ရဲ့နောက်ဆုံးအခြေအနေနဲ့ ပက်သတ်ပြီး မလေးရှားရောက် နှလုံးလှပရဟိတအသင်းရဲ့ ဥက္ကဌ ဦးသက်က အခုလိုပြောပါတယ်။ “မစိုးရိမ်ရပါဘူးခင်ဗျ သူတို့ပထမတော့ ခေါင်းမကြည်တာပေါ့ခင်ဗျ။ ထုံဆေး အခြေအနေတွေနဲ့ Operation လုပ်ထားတဲ့ အခြေအနေတွေနဲ့ ဘောလုံးပွဲကြည့်လို့ တနေကုန် အားပေးထားတာအတွက်ကြောင့် weak ဖြစ်တာပါ အဲဒီလို ပင်ပန်းတာတွေ ပါလိမ့်မယ်။ အခုတောင်ခေါင်းသိပ်မကြည်သေးဘူးပေါ့ဗျာ ခေါင်းကိုက်နေသေးတယ်။” မလေးရှားနိုင်ငံမှာရှိတဲ့ မြန်မာပရဟိတအသင်းတွေစုပေါင်းပြီး နောက်လာမယ့် မြန်မာပွဲစဉ်တွေအတွက် ပရိသတ်တွေ အန္တရာယ်ကင်း လုံခြုံစွာ လာရောက်အားပေးနိုင်ဖို့ မလေးရှားဆီးဂိမ်းကော်မတီနဲ့ ညှိနှိုင်းသွားမှာဖြစ်တယ်လို့ နှလုံးလှပရဟိတအသင်း ဥက္ကဌက ဦးသက်ကပြောပါတယ်။ “ဟုတ်ကဲ့ ကျန်တဲ့ မြန်မာပွဲစဉ်အတွက်တော့ ကျနော်တို့ Volunteer အဖွဲ့တွေအနေနဲ့ ကျနော်တို့ အကောင်းဆုံးဖြစ်အောင် Sea Games တာဝန်ရှိသူတွေနဲ့ ကျနော်တို့ တွေ့ပြီးတော့ ဆွေးနွေးဖို့ရှိပါတယ်။ ထပ်ပြီးတော့ ဘယ်လိုမြန်မာပရိတ်သတ်တွေကိုလည်း ဘယ်နေရာ၊ ဘယ်နေရာကိုလာဖို့ ဆော်သြမှုတွေ ၊ ဘယ်လိုနေရာ အနေအထိုင်မျိုး ကိုနေရင် အန္တရာယ်ကင်းကြောင်းတွေ ကျနော်တို့ဖြန့်ကြက်ပြီးတော့ အတည်ပြုပေး သွားမှာပါ။” နိုင်ငံတော်၏ အတိုင်ပင်ခံ ပုဂ္ဂိုလ်ဒေါ်အောင်ဆန်းစုကြည်က အခုကျင်းပနေတဲ့ (၂၉)ကြိမ်မြောက် အရှေ့တောင်အာရှဆီးဂိမ်းအားကစားပြိုင်ပွဲမှာ သွားရောက် ယှဉ်ပြိုင်နေတဲ့ အားကစားသမားတွေကို စိတ်ဓါတ်မကျဖို့ ဥပဒေအတွင်းက အနိုင်ယူပြီး နိုင်ငံ့ဂုဏ်ဆောင်နိုင်ဖို့ မနေ့ကသြဂုတ်လ ၂၂ရက်နေ့ ရက်စွဲနဲ့ သ၀ဏ်လွှာပေး ဖို့ခဲ့တာဘဲဖြစ်ပါတယ်။ ဒီတခေါက်၂၉ကြိမ်မြောက်အရှေ့တောင်အာရှဆီးဂိမ်းပြိုင်ပွဲမှာ အမျိုးသားဘောာလုံးပြိုင်ပွဲမှာ ရွှေတံဆိပ်ဆု ဆွတ်ခူးနိုင်ဖို့ကို မြန်မာပြည်သူပြည်သားတွေ အားလုံးကလည်း မျှော်လင့်တောင့်တနေကြတာဘဲဖြစ်ပါတယ်။ ကောင်းစံဟိန်း / ဗွီအိုအေ (မြန်မာပိုင်း) https://burmese.voanews.com
မလေးရှားနိုင်ငံ အကျဉ်းစခန်း ၁၁ ခုမှာ ထိန်းသိမ်းဖမ်းဆီးခံထားရတဲ့ မြန်မာအလုပ်သမား ၁၃ဝ ကျော်ဟာ ရန်ကုန်မြို့ကို ၂ဝ၁၆ ခုနှစ် သြဂုတ်လ ၈ ရက်ညပိုင်းက ပြန်လည်ရောက်ရှိလာစဉ်။ Photo: Aung Thain Kha /RFA
မလေးရှားနိုင်ငံမှာ တရားမဝင် အလုပ်သမားတွေကို ဖမ်းဆီးတဲ့ စီမံချက်အရ ဇူလိုင်လအတွင်း မြန်မာနိုင်ငံသား ၄ဝဝ ကျော် ဖမ်းဆီးခံထားရတယ်လို့ မလေးရှားနိုင်ငံ လူဝင်မှုကြီးကြပ်ရေးဌာနက ထုတ်ပြန်ထားပါတယ်။ ဖမ်းဆီးခံထားရသူတွေဟာ မလေးရှားနိုင်ငံရဲ့ ဥပဒေအရ ထောင်ဒဏ်ကျခံရနိုင်တယ်လို့ မလေးရှားနိုင်ငံအခြေစိုက် သီတဂူ အထောက်အကူပြုအဖွဲ့က ဦးသီဟမောင်မောင်က ပြောပါတယ်။ "ဇူလိုင် ၁ ရက်နေ့က စပြီးတော့ ဖမ်းထားတဲ့သူတွေဖြစ်တဲ့အတွက် အဲဒီ သူတွေက တစ်လအတွင်းမှာပဲ ဖမ်းထားတဲ့ သူတွေပေါ့နော်။ ဒီ ၄ဝဝ က။ ပုံမှန်အားဖြင့် ကျနော်ပြောသလိုပေါ့။ နဂိုက ဖမ်းထားတဲ့ သူတွေလည်းရှိတယ်ဆိုတော့ နဂိုကဖမ်းထားတဲ့ သူတွေက ပြစ်ဒဏ်ကျခံပြီးပြီ။ ထောင်ကျပြီးပြီဆိုရင် ကမ့်တွေထဲ ပို့တယ်။ အဲဒီ လူတွေကတော့ Process (လုပ်ငန်းစဉ်) မြန်သွားပြီပေါ့နော်။ ဒီ ၄ဝဝ ကတော့ ထောင်ကျတဲ့ အထဲတော့ ပါသွားမှာပေါ" မြန်မာသံရုံးနဲ့ ရွှေ့ပြောင်းလုပ်သား ကူညီရေးအဖွဲ့တွေအနေနဲ့ ဖမ်းဆီးခံထားရသူတွေ ထောင်ဒဏ် ကျခံပြီးနောက် မှသာ နိုင်ငံသားအဖြစ် အတည်ပြုပြီး ဆွေမျိုးသားချင်းတွေနဲ့ ပြန်လည် ဆက်သွယ်ပေးနိုင်မှာ ဖြစ်တယ်လို့ ပြော ပါတယ်။ တရားမဝင် အလုပ်သမားတွေကို မလေးရှား အစိုးရက ပြီးခဲ့တဲ့ ဖေဖော်ဝါရီလက စပြီး ယာယီနေထိုင်ခွင့် ကတ် (E card) တွေထုတ်ပေးခဲ့ပါတယ်။ အဲဒီလို ကတ်ထုတ်ပေးပြီး ၄ လကျော် ကြာပြီးနောက် ဇူလိုင် ၁ ရက်နေ့ကစပြီး ယာယီကတ် မရှိသူတွေကို ဖမ်းဆီးနေတာ ဖြစ်ပါတယ်။ မလေးရှားနိုင်ငံရဲ့ ဥပဒေအရ တရားမဝင် ဝင်ရောက်နေထိုင်သူတွေကို ကြိမ်ဒဏ် ၃ ချက် အပြစ်ပေးဖို့ ပြဌာန်း ထားပေမယ့် ပြစ်မှုကျူးလွန်ထားသူမဟုတ်တဲ့ သာမာန် တရားမဝင် အလုပ်သမားတွေကို ကြိမ်ဒဏ်မပေး ဘဲ ထောင်ဒဏ်သာ ချမှတ်လေ့ရှိတယ်လို့ သိရပါတယ်။ RFA Burmese http://www.rfa.org/burmese
မြန်မာနိုင်ငံသားတွေ အပါအ၀င် မလေးရှားနိုင်ငံမှာ တရားဝင် အထောက်အထားမရှိတဲ့ ရွှေ့ပြောင်းအလုပ်သမားတွေကို နှိမ်နင်းရာမှာ ဒီလထဲမှာတင် ၃ ထောင်ကျော် ဖမ်းဆီးလိုက်တဲ့အတွက် ဒေသတွင်း လွှတ်တော်အမတ်တွေရဲ့ ကန့်ကွက်ဝေဖန်မှုတွေ ထွက်ပေါ်လာပါတယ်။ ရွှေ့ပြောင်းအလုပ်သမားတွေ တရားဝင်မှတ်ပုံတင် စာရင်းသွင်းတဲ့ အစီအစဉ် ပြီးခဲ့တဲ့ဇွန်လကုန်မှာ အဆုံးသတ်ခဲ့ပြီးနောက် တရားမ၀င် နေထိုင်သူတွေကို ဖမ်းဆီးမှုတွေ စတင်ခဲ့ရာမှာ ဇူလိုင်လ ၁၁ ရက်နေ့အထိဆိုရင် ၃၁၀၀ ကျော် ရှိခဲ့ကြောင်း မလေးရှားလူဝင်မှု ကြီးကြပ်ရေးက ပြောဆိုထားတာပါ။ ဖမ်းဆီးခံရသူတွေထဲမှာ အများစုဟာ ဘင်္ဂလားဒေ့ရ်ှနိုင်ငံသားတွေ ဖြစ်ကြပြီး၊ မြန်မာနဲ့ အင်ဒိုနီးရှား နိုင်ငံသားတွေလည်း အများအပြား ပါဝင်ပါတယ်။ တရားမ၀င် အလုပ်သမားတွေကို အကြီးအကျယ် ဖမ်းဆီးနှိမ်နင်းမှုတွေကြောင့် မလေးရှားနဲ့ အိမ်နီးချင်း နိုင်ငံတွေက တက်ကြွလှုပ်ရှားသူတွေ သာမက ဒေသတွင်းက လွှတ်တော်ကိုယ်စားလှယ်တွေ နိုင်ငံရေးသမားတွေကလည်း စိုးရိမ်မကင်းတဲ့ သဘောထားတွေကို ထုတ်ဖော်ပြောဆိုခဲ့ကြတာပါ။ လူ့အခွင့်အရေးဆိုင်ရာ အာဆီယံလွှတ်တော်အမတ်များ အဖွဲ့ကတော့ တိုင်းပြည်မှာ တရားမ၀င် အလုပ်သမားအရေအတွက်ကို လျှော့ချချင်တာနဲ့ အားနည်းတဲ့သူတွေအပေါ် ဖိနှိပ်တာမျိုး မဖြစ်သင့်တဲ့ အကြောင်း ဒီကနေ့ပဲ ကြေညာချက်ထုတ်ပြန် ပြောဆိုလိုက်ပါတယ်။ တရားဝင် အထောက်အထားမရှိတဲ့ ရွှေ့ပြောင်းအလုပ်သမားတွေ အများအပြား ရှိနေတဲ့ ပြဿနာကို မလေးရှားနိုင်ငံက ဖြေရှင်းရမှာ ဖြစ်ပေမဲ့၊ အခြေခံလူ့အခွင့်အရေးတွေကို အကာအကွယ်ပေးဖို့လည်း တာဝန်ရှိတဲ့အကြောင်း သတိပေးခဲ့တာပါ။ တရားဝင် အထောက်ထားမရှိတဲ့ ရွှေ့ပြောင်းအလုပ်သမား သန်းနဲ့ချီ ရှိမယ်လို့ ခန့်မှန်းထားတဲ့ မလေးရှားနိုင်ငံမှာ အခုနောက်ဆုံး အာဏာပိုင်တွေရဲ့ ဖမ်းဆီးနှိမ်နင်းမှုတွေအတွင်း တရားမ၀င်အလုပ်သမားတွေကို ငှားရမ်းခိုင်းစေမှုနဲ့ အလုပ်ရှင် ၆၀ ကျော်ကိုလည်း ဖမ်းဆီးခဲ့ပါတယ်။ ဗွီအိုအေ (မြန်မာပိုင်း) https://burmese.voanews.com
မြန်မာနိုင်ငံရခိုင်ပြည်နယ်အရေးနဲ့ပတ်သက်ပြီး မလေးရှားဝန်ကြီးချုပ်ကိုယ်တိုင် ဦးဆောင်ဆန္ဒပြခဲ့တဲ့ပေါ်မှာ မြန်မာနိုင်ငံခြားရေးဝန်ကြီးဌာန ဒုဝန်ကြီးက မြန်မာနိုင်ငံဆိုင်ရာ မလေးရှားသံအမတ်ကို ခေါ်ယူပြီး အချက် ၄ချက်ပါတဲ့ သတိထောက်လွှာပေးအပ်ခဲ့ပါတယ်။ ဒီသတိထောက်လွှာမှာ မလေးရှားနိုင်ငံခြားရေးဝန်ကြီးဌာနရဲ့ ထုတ်ပြန်ချက်ဟာ အခြေအမြစ်မခိုင်မာတဲ့ သတင်းတွေကို ကိုးကားထားကြောင်းနဲ့ သုံးစွဲတဲ့ ဝေါဟာရတွေဟာ လက်ခံနိုင်ဖွယ်မရှိကြောင်း ပါဝင်တယ်လို့ မြန်မာနိုင်ငံခြားရေးဝန်ကြီးဌာန အမြဲတမ်းအတွင်းဝန်က ပြောပါတယ်။ ဒီသတင်းကိုတော့ ဗီအိုအေမြန်မာပိုင်းရဲ့သတင်းထောက် ကိုမိုးဇော်က တင်ပြထားပါတယ်။ ရခိုင်ပြည်နယ် မောင်တောအရေးကိစ္စနဲ့ပတ်သက်ပြီး ဒီလ ၄ရက်နေ့က ကွာလာလမ်ပူမြို့မှာ မလေးရှားနိုင်ငံဝန်ကြီးချုပ်ဦးဆောင်ပြီး ဆန္ဒပြခဲ့တာဖြစ်ပါတယ်။ ဒီဆန္ဒပြပွဲမှာ မောင်တောဒေသက အစ္စလာမ်ဘာသာဝင်တွေကို လူမျိုးတုံးသတ်ဖြတ်နေတာကို ကန့်ကွက်ကြောင်းနဲ့ အာဆီယံအပါအ၀င် နိုင်ငံတကာအသိုင်းအ၀ိုင်းနဲ့ ကုလသမဂ္ဂ၊ နိုင်ငံတကာရာဇ၀တ်မှုဆိုင်ရာခုံရုံးနဲ့ အစ္စလာမ် ပူးပေါင်း ဆောင်ရွက်ရေး အဖွဲ့ OIC အနေနဲ့ ကြားဝင်ဖြေရှင်းဖို့ကို တောင်းဆိုခဲ့ပါတယ်။ မြန်မာနိုင်ငံနိုင်ငံခြားရေးဝန်ကြီးဌာနက ဆန္ဒပြမှုအခြေအနေအရပ်ရပ်ကို လေ့လာသုံးသပ် ပြီးတဲ့နောက် မြန်မာနိုင်ငံခြားရေးဝန်ကြီးဌာန ဒုဝန်ကြီးက မလေးရှားသံအမတ်ကို ခေါ်ယူခဲ့ပါတယ်။ ဒီကနေ့မှာတော့ မြန်မာနိုင်ငံခြားရေးဝန်ကြီးဌာန ဒုဝန်ကြီးက မလေးရှားသံအမတ်ကို သတိထောက်လွှာပေးအပ်ခဲ့တယ်လို့ မြန်မာနိုင်ငံခြားရေးဝန်ကြီးဌာန အမြဲတမ်းအတွင်းဝန် ဦးကျော်ဇေယျက အခုလို ပြောပါတယ်။ “မလေးရှားသံအမတ်ကြီးကို ကျနော်တို့ ဒုဝန်ကြီးက ဒီကနေ့ နေ့လည် ၂ နာရီမှာ ခေါ်တွေ့လိုက်ပါတယ်။ တွေ့ပြီးတဲ့အခါကျတော့ အချက် ၄ ချက် ပေါ့လေ။ ပေးတာကတော့ ကျနော်တို့ သတိထောက်လွှာအဖြစ်ပေးလိုက်ပါတယ်။” ဒီကနေ့ ပေးအပ်လိုက်တဲ့ သံတမန်ရေးဆိုင်ရာ သတိထောက်လွှာမှာ ပါဝင်တဲ့ အချက်တွေကို ဦးကျော်ဇေယျက အခုလို ဆက်ပြောပါတယ်။ “အဓိက အချက် ၄ ချက်ကတော့ ၁ အချက် ပြောကြားချက်တွေဟာ အခြေအမြစ် ခိုင်ခိုင်မာမာ မရှိတဲ့ သတင်းအချက်အလက်တွေကို ကိုးကားတဲ့အနေအထားကို တွေ့ရတဲ့ဟာကို ကျနော်တို့ ထောက်ပြပါတယ်။ နောက်သူတို့ သုံးတဲ့ Terms တွေပေါ့နော် ဝေါဟာရပေါ့နော်။ အဲဒီ ဝေါဟာရ အပေါ်မှာ ကျနော်တို့ လက်မခံနိုင်တဲ့ ဝေါဟာရတွေကို ကျနော်တို့ ငြင်းပယ်တယ်ဆိုတဲ့ အကြောင်း ကျနော်တို့ ပြောပါတယ်။ နောက်တခါကျတော့ ကျနော်တို့တွေက မနှစ်က ၂၀၁၅ နှစ်ကုန်ပိုင်းမှာ အာဆီယံ အသိုင်းအ၀ိုင်းတခုအနေနဲ့ ပေါ်ထွက်လာတယ်။ အဲဒီတော့ အာဆီယံ အသိုင်းအ၀ိုင်းတရပ်အနေနဲ့ မိသားစုဝင်အချင်းချင်းမှာတော့ အပြုသဘောဆောာင်တဲ့ ထောက်ပြမှု၊ ပြောဆိုမှု၊ ချဉ်းကပ်မှုတွေ လုပ်သင့်တဲ့အကြောင်း ကျနော်တို့က ဘာပဲပြောပြော အာဆီယံ အသိုင်းအ၀ိုင်းဖြစ်နေတဲ့အတွက်ကြောင့် အာဆီယံ စုစည်းညီညွှတ်မှုကို အထိကထားပြီးတော့ ပြောဆိုခဲ့ပါတယ်။” ဒီကနေ့ မနက် ၁၁နာရီခွဲလောက်မှာတော့ နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်နဲ့ ကုလသမဂ္ဂအတွင်းရေးမှုးချုပ်ဟောင်း ကိုဖီအာနန် ဦးဆောင်တဲ့ ရခိုင်ပြည်နယ်ဆိုင်ရာ အကြံပေးကော်မရှင်အဖွဲ့နဲ့ တွေ့ဆုံခဲ့ပါတယ်။ ဒီတွေ့ဆုံပွဲမှာ အကြံပေးကော်မရှင်အဖွဲ့က ရခိုင်ပြည်နယ်မှာ နိုဝင်ဘာလ ၂၉ရက်ကနေ ဒီဇင်ဘာလ ၅ရက်နေ့အထိ လေ့လာတွေ့ရှိချက်တွေကို အကြံပြု ပြောကြားခဲ့တယ်လို့ ဦးကျော်ဇေယျက ပြောပါတယ်။ “အဓိကတော့ သူတို့သွားတဲ့ မြေပြင်မှာတွေ့မြင်ခဲ့တာနဲ့ ပတ်သက်ပြီး အကြံပြုတဲ့သဘောပါ။ ၂ ဘက်အသိုင်းအ၀ိုင်းနဲ့ပတ်သက်ပြီးတော့ ဘယ်လိုမျိုး လူမှုရေးအခြေအနေတွေ ၊ လှုပ်ရှားသွားလာမှုတွေ ဒါနဲ့ ပတ်သက်ပြီးတော့ ဘယ်လိုတိုးတက်ကောင်းမွန်အောင်လုပ်မလဲဆိုတာ အကြံပြုတဲ့ သဘောပါပဲခင်ဗျ။” မြန်မာနိုင်ငံ နိုင်ငံခြားရေးဝန်ကြီးဌာနရဲ့ သတင်းထုတ်ပြန်ချက်မှာတော့ နိုင်ငံတော်၏အတိုင်ပင်ခံပုဂ္ဂိုလ်က နိုင်ငံတကာအနေဖြင့် ဆယ်စုနှစ်များစွာကြာမြင့်နေပြီဖြစ်တဲ့ ပြဿနာတွေကိုဖြေရှင်းဆောင်ရွက်နေရတဲ့ မြန်မာနိုင်ငံအပေါ် အချိန်ယူဆောင်ရွက်ခွင့်ပေးဖို့နဲ့ နားလည်မှုဖို့ လိုအပ်ကြောင်း ပြန်လည် ရှင်းလင်းပြောကြားခဲ့တယ်လို ဖော်ပြထားပါတယ်။ ပြီးခဲ့တဲ့ တနင်္လာနေ့ကလည်း မြန်မာနိုင်ငံကို ချစ်ကြည်ရေးခရီးရောက်ရှိနေတဲ့ မလေးရှားတပ်မတော်ကာကွယ်ရေးဦးစီးချုပ်နဲ့ မြန်မာတပ်မတော်ကာကွယ်ရေးဦးစီးချုပ် ဗိုလ်ချုပ်မှုးကြီးမင်းအောင်လှိုင်တို့ တွေ့ဆုံခဲ့ပါတယ်။ ဒီလို တွေ့ဆုံရာမှာ ရခိုင်ပြည်နယ်အရေးကို မြန်မာနိုင်ငံတည်ဆဲဥပဒေတွေနဲ့ အညီဖြစ်အောင် ကြိုးပမ်းနေကြောင်း၊ လုံခြုံရေးတပ်ဖွဲ့တွေအနေဖြင့် လူ့အခွင့်အရေး ချိုးဖောက်မှုများမရှိကြောင်း။ ဥပဒေချိုးဖောက်မှုရှိပါက အရေးယူသွားမှာဖြစ်ကြောင်း နဲ့ စုံစမ်းစစ်ဆေးမှုတွေကိုလည်း ပူးပေါင်းလုပ်ဆောင်နေကြောင်း ပြောကြားခဲ့တယ်လို့ တပ်မတော်ကာကွယ်ရေးဦးစီးချုပ်ရုံးက သတင်းထုတ်ပြန်ထားပါတယ်။ ကိုမိုးဇော် / ဗွီအိုအေ (မြန်မာပိုင်း) http://burmese.voanews.com
ရန်ကုန် မလေးရှားသံရုံးရှေ့ ကန့်ကွက်ဆန္ဒပြ
ရခိုင်ပြည်နယ်က ရိုဟင်ဂျာအရေးဟာ ပြည်တွင်းရေးသာမက မလေးရှားလို အိမ်နီးချင်း အာဆီယံတနိုင်ငံရဲ့ လုံခြုံရေးကိုပါ သက်ရောက်မှု ရှိလာတဲ့ အတွက် နိုင်ငံတကာ ကိစ္စဖြစ်လာပြီလို့ မလေးရှား နိုင်ငံခြားရေး ဝန်ကြီးဌာန က ကြေညာချက်ထုတ်ပြန်ခဲ့ပါတယ်။ ဒီအခြေအနေတွေဟာ အထူးသဖြင့် လူမျိုးတမျိုးကို ကွယ်ပျောက်အောင် ကြိုးပမ်းဆောင်ရွက်နေတာ ဖြစ်တယ်လို့လည်း ဒီကြေညာချက်ထဲမှာ ဖော်ပြထားပါတယ်။ ဒီကိစ္စကို မလေးရှားအစိုးရအနေနဲ့ ဘာသာရေးကြောင့် မဟုတ်ပဲ လူသားချင်းစာနာမှုဆိုင်ရာကိစ္စအဖြစ် ယူဆ ထုတ်ပြန်ခဲ့ပါတယ်။ မြန်မာနိုင်ငံဘက်ကတော့ ဒီကိစ္စတွေဟာ ပြည်တွင်းရေးသာ ဖြစ်တယ်လို့ နိုင်ငံတော်သမ္မတရုံး ပြောရေးဆိုခွင့်ရှိသူ ဦးဇော်ဌေးက တုံ့ပြန်ထားပါတယ်။ နောက်ပြီး မလေးရှား နိုင်ငံမှာ ရိုဟင်ဂျာ တွေ အရေးနဲ့ ပတ်သက်ပြီး ဝန်ကြီးချုပ် နာဂျစ် ရာဇက် ကိုယ်တိုင် ဆန္ဒပြမယ်ဆိုတာနဲ့ ပတ်သက်ပြီး မြန်မာ အစိုးရဘက် သမ္မတရုံး ပြောခွင့်ရ ဦးဇော်ဌေးက အာစီယံ ပဋိဉာဉ်နဲ့အညီ မစွက်ဖက်သင့်ဘူးလို့ ပြောကြား ခဲ့ပါတယ်။ တခါ စင်္ကာပူက ချယ်နယ် နယူးစ် အေးရှား ရုပ်သံနဲ့ တွေ့ဆုံခန်းမှာလည်း နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်က လူ့အသိုင်းအဝိုင်း ၂ ခု ပြန်လည် သင့်မြတ်ရေးအတွက် နိုင်ငံတကာက ဝင်ပြီး ထိုးဆွ ပေးမယ့်အစား ငြိမ်းချမ်းတည်ငြိမ်မှုတွေ ရှိအောင် ကူညီသင့်တယ်လို့ ပြောကြား ခဲ့ပါတယ်။ ရှုပ်ထွေးတဲ့ အခြေအနေတွေကြားက ပြန်လည် သင့်မြတ်ရေးအတွက် အစိုးရ ကြိုးပမ်း နေချိန်မှာ နိုင်ငံတကာ တုံ့ပြန်ချက်တွေက အထောက်အကူ မဖြစ်ဘဲ အနုတ်လက္ခဏာ ဆောင် နိုင်တယ် လို့လည်း ဦးဇော်ဌေးက ပြောပါတယ်။ ပြည်တွင်းမှာ ပြဿနာ ပေါ်ချိန်မှာ မလေးရှားက လူမျိုးတူတွေရဲ့ ဖိအား၊ ဘာသာရေးအရ စည်းရုံးမှုတွေ လုပ်ဆောင်လာတာကို မလေးရှား အစိုးရ နားယောင်လာတာ ဖြစ်နိုင်တယ်လို့လည်း သူက ဆိုပါတယ်။ နောက်ပြီး ရန်ကုန်က မလေးရှား သံရုံးရှေ့မှာလည်း မလေးရှားက ဝန်ကြီးချုပ် ကို ဆန္ဒပြမှု တချို့ စနေနေ့မှာ ရှိခဲ့ပါတယ်။ မလေးရှားက မြန်မာတွေရဲ့ လုံခြုံရေးနဲ့ ပတ်သက်ပြီး သတိပြုကြဖို့လည်း မလေးရှား မြန်မာ သံရုံးက အရင်ပတ်ထဲမှာ သတိပေးချက် ထုတ်ပြန်ခဲ့ပါတယ်။ BBC Burmese http://www.bbc.com/burmese
ဒီသတင်းကတော့ ဗီအိုအေက တင်ဆက်တဲ့သတင်းပါ။
MP4 YOU ပေ့ခ်ျကတော့
ရိုဟင်ဂျာအရေး မလေးရှားနိုင်ငံမှာ ဆန္ဒပြနေကြစဉ် (နိုဝင်ဘာလ ၂၅ ရက် ၂၀၁၆)
မြန်မာနိုင်ငံ၊ ရခိုင်ပြည်နယ်အတွင်း ရိုဟင်ဂျာတွေအပေါ် ပြုလုပ်နေတဲ့ အကြမ်းဖက် မှုတွေကို ဆန့်ကျင်တဲ့အနေနဲ့ မလေးရှားမှာရှိနေတဲ့ မြန်မာသံအမတ်ထံ မလေးရှား အစိုးရက ကန့်ကွက်စာ ပေးပို့မယ်လို့ မလေးရှားနိုင်ငံထုတ် New Straits Times အွန်လိုင်း သတင်းစာမှာ ရေးသားထားပါတယ်။ ကန့်ကွက်စာ ပေးပို့မယ့်အကြောင်း သောကြာနေ့က ပြုလုပ်တဲ့ အပတ်စဉ် အစိုးရ၀န်ကြီးအဖွဲ့ စည်းဝေးပွဲမှာ ဆုံးဖြတ်လိုက်ခြင်းဖြစ်ကြောင်း မလေးရှား ဒုတိယ၀န်ကြီးချုပ် ဒေါက်တာ Ahmad Zahid Hamidi က ပြောကြောင်း သတင်းစာမှာ ကိုးကား ဖော်ပြထားပါတယ်။ အာဆီယံအဖွဲ့ဝင် နိုင်ငံဖြစ်တဲ့အတွက် တခြား အဖွဲ့ဝင်နိုင်ငံတခုရဲ့ ပြည်တွင်းရေးကို ၀င်ရောက် စွက်ဖက်ခွင့် မရှိပေမယ့် မလေးရှားနိုင်ငံအနေနဲ့ ရိုဟင်ဂျာ အရေးကိစ္စအ တွက် အထူး စိုးရိမ်ပူပန်မိတယ်ဆိုတာကို ကမ္ဘာကသိစေချင်ကြောင်း တက္ကသိုလ်ကျောင်းသားဟောင်းများရဲ့ ညစာစားပွဲ တခုမှာ ဒုဝန်ကြီးချုပ် က ပြောပါတယ်။ ဒါ့အပြင် ရခိုင်ပြည်နယ်အတွင်းက မူဆလင်တွေ၊ ရိုဟင်ဂျာတွေနဲ့ သွေးစည်း ညီညွတ်ကြောင်း ပြသတဲ့အနေနဲ့ ဒီဇင်ဘာလ ၄ ရက်နေ့ မနက် ၉ နာရီမှာ လူတွေ စုဝေးကြဖို့ စီစဉ်ထားကြောင်းလည်း ဒုတိယ ၀န်ကြီးချုပ်က ပြောပါတယ်။ အဲဒီ စုဝေးပွဲ အခမ်းအနားကို ၀န်ကြီးချုပ် Najib Razak ၊ သူနဲ့ တခြား ခေါင်းဆောင်တွေလည်း တက်ရောက်ကြမှာ ဖြစ်တယ်လို့ ဒုတိယ၀န်ကြီးချုပ် ဒေါက်တာ Hamidi က ပြောပါတယ်။ တက္ကသိုလ်ကျောင်းသားဟောင်းတွေနဲ့ တခြား အစိုးရမဟုတ်တဲ့ အစ္စလာမ်မစ် အဖွဲ့အစည်းတွေလည်း အဲဒီ စုဝေးပွဲကို တက်ရောက်ကြဖို့ ဒုဝန်ကြီးချုပ် Hamidi က တိုက်တွန်းထားပါတယ်။ ဗွီအိုအေ (မြန်မာပိုင်း) http://burmese.voanews.com
VIDEO
