Showing posts with label Speech. Show all posts
Showing posts with label Speech. Show all posts
Wednesday, December 11, 2019
Wednesday, December 26, 2018
ပြည်သူကိုမထိနဲ့
“ပြည်သူကို ဟိန်းဟယ်၊ ဟောက်ဟယ်၊ ကြိမ်းမောင်းခြိမ်းခြောက်တာတွေ မလုပ်ပါနဲ့လို့ ကျနော် ပြောထားတယ်။ ကိုယ်အဲဒီလို ဘဝမျိုးကို ဖြတ်သန်းစဉ် တုန်းက ကိုယ်ဘယ်လို ခံစားခဲ့ရလဲ။ ကိုယ်နှစ်သက်ခဲ့လား။ ကျေနပ်ခဲ့လား။ ကိုယ်မကျေနပ်လို့၊ မနှစ်သက်လို့ ဒီအလုပ်လုပ်ပြီး ဒီနေရာတွေရတော့မှ ကိုယ်က အဲဒီလို ပြန်လုပ်မယ်ဆို ကိုယ်ချင်းစာကြပါ။ လူဆိုတာ ကိုယ်ချင်းစာတရား ထားရတယ်”။
“ပြည်သူတွေဟာ နှစ် ၅၀ ကျော်ကာလ ဒုက္ခသုက္ခ၊ အနာတရတွေ မမေ့ပျောက်သေးပါဘူး။ အဲဒီလိုအနာတရ၊ ဒုက္ခသုက္ခတွေ မမေ့ပျောက်သေးတဲ့ ကာလမှာ ကိုယ့်ကြောင့် နောက်ထပ်ပြီးတော့ ဒုက္ခသုက္ခ အနာတရတွေ ပြည်သူကို မပေးပါနဲ့"။ “အခုကျနော်တို့ တွေ့နေရတာက ဘယ်လိုဖြစ်နေသလဲ ဆိုတော့ ပြုပြင်ပြောင်းလဲရေးတော့ ပြောနေကြတယ်။ ကိုယ်ကိုယ်တိုင်က မပြုပြင်၊ မပြောင်းလဲဘူး။
လုပ်ပိုင်ခွင့် ရှိသွားတဲ့လူတွေက ကိုယ့်အလှည့် လည်းကျရော ရှိရင်းစွဲ အမြင်တွေ၊ အတွေးတွေ ပြန်ရောက်ပြီး ကိုယ်က အဲဒီလို ပြန်ကျင့်သုံးချင်နေတယ်။ ဒါက ပြုပြင် ပြောင်းလဲရေး သမားမဟုတ်ဘူး”။ “ဘာလုပ်လုပ် ဥပဒေသမားနဲ့ တိုင်ပင်ပါ။ ဘာဖြစ်လို့လဲ ဆိုတော့ တရားဥပဒေ စိုးမိုးမှု မရှိဘဲ ဒီမိုကရေစီကို သွားလို့ မရဘူး။ ဒီမှာလည်း ရှိပါတယ်၊ တချို့ ပြည်နယ်နဲ့ တိုင်းတွေမှာလည်းရှိတယ်။ ဘာလဲဆိုတော့ ကိုယ်လုပ်ချင်တာပဲ စွတ်ပြီး လုပ်ချင်နေသလား မသိဘူး။ ဥပဒေချုပ်တို့ စာရင်းစစ်ချုပ်တို့ကို မတိုင်ပင်ဘူး။ လွဲတော့ မှားတော့ ဘယ်သူ ခံရမလဲ။ ကိုယ်ပဲခံရမှာ”။ “ကျနော် တည့်တည့်ပြောမယ်။ ကျနော်ငွေစာရင်း နာမလည်ဘူး။ ဒါအမှန်ပဲ။ ကိုယ်နား မလည်တာ နားမလည်ဘူး ပြောတာ ဘာမှ ရှက်စရာ မဟုတ်ဘူး"။ "ဒါပေမယ့် လွှတ်တော်မှာဖြစ်ဖြစ်၊ အခုသမ္မတ ရုံးမှာဖြစ်ဖြစ် ငွေစာရင်းနဲ့ ပတ်သတ်လို့ ရှိရင် ကျနော်ကြည့်တယ်။ မရှင်းရင် သေချာမေးတယ်။ သေချာရှင်းခိုင်းတယ်။
စာရင်းအင်း ပညာရှင်ခန့်ထားတာ အလကား မဟုတ်ဘူး။ စာရင်းစစ်ချုပ်၊ ဥပဒေချုပ်ဆိုတာ ပြည်နယ်နဲ့တိုင်း အစိုးရကို အထောက်အပံ့ ဖြစ်ပါစေတော့ ဆိုပြီး အဆောင်အယောင်၊ လစာ ခံစားခွင့်၊ ချီးမြှင့်ငွေတွေ ပေးထားတာ အလကား သက်သက်ပေးထားတာ မဟုတ်ဘူး။ ဒါတွေ တိုင်ပင်ဖို့လိုတယ်”။ “ပြောင်းပါ၊ အချိန်ရှိပါသေးတယ်။ ကြိုးစားပါ။ ကျနော် ပွင့်ပွင့်လင်းလင်း ပြောပါမယ်။ ဆန္ဒရှိတယ်၊ ဝိရိယရှိတယ်၊ ဉာဏ်ပညာ ရှိတယ်။ လုံ့လရှိတယ်ဆိုရင် ပြောင်းလဲစရာရှိတယ်။ "ဒီလိုမဟုတ်ဘဲနဲ့ လစာနဲ့၊ အဆောင်အယောင်နဲ့၊ ချီးမြှင့်ငွေပေါ်မှာ သာယာပြီးတော့၊ ဒီရာထူးအပေါ်မှာ ပျော်မွေ့ပြီးတော့၊ မလုပ် မရှုပ်မပြုတ် လုပ်မယ်ဆိုရင်တော့ ကျနော်တို့သွားချင်တဲ့ ရည်ရွယ်ချက်၊ ကျနော်တို့ လျှောက်ချင်တဲ့ပန်းတိုင်နဲ့ ဝေးနေဦးမှာပဲ”
နိုင်ငံတော်သမ္မတကြီးဦးဝင်းမြင့်
Thursday, December 20, 2018
ခေါင်းဆောင်ဆိုတာ ....(ဒေါ်အောင်ဆန်းစုကြည်)
ရာစုနှစ်တစ်ခုရဲ့  တစ်ဝက်ကျော်ဟာ အာဏာရှင်စနစ်အောက်မှာ နေခဲ့ရတော့ ခေါင်းဆောင်ဆိုတဲ့ အဓိပ္ပါယ်ကို တချိူ့ က သိတ်မသိကြဘူး။ `ခေါင်းဆောင်ဆိုတာ ရှေ့ ကနေပြီးတော့ အခွင့်အရေးအများဆုံးယူတာလို့ ´ ဒီလိုပဲ မြင်ကြတယ်။ ဒါလည်း အမှန်အတိုင်းပဲ။ အဲဒီလို ဖြစ်ခဲ့တယ်။
`ခေါင်းဆောင်အမိန့် ဆိုရင် အားလုံးနာခံရမယ်- ခေါင်းဆောင်ကြိုက်တာ လုပ်ရမယ်- ပြန်ပြီးမမေးရဘူး- မှားလား မှန်လား- လုပ်သင့်လား မလုပ်သင့်ဘူးလား စဉ်းစားစရာကိုမလိုဘူး။ အဲဒါကို ခေါင်းဆောင်လို့  မြင်နေကြတယ်´ ။
အဲဒါ တကယ့်ခေါင်းဆောင် မဟုတ်ပါဘူး။ ဒါကတော့ အာဏာနဲ့ ယူထားတဲ့ ခေါင်းဆောင်များရဲ့ လုပ်ရပ်ပါပဲ။ အဲဒီတော့ ကျွန်မတို့ အားလုံး ဒါတွေကို ပြင်ယူရမယ်။
ခေါင်းဆောင်ဆိုတာ - ပြည်သူကို လုပ်ကျွေးဖို့ ။ ပြည်သူ့ ဝန်ကို ထမ်းပေးဖို့ ။ တာဝန်ကျေအောင် လုပ်ဖို့ ။ ပြည်သူ့ ရဲ့ လိုအပ်ချက်တွေကို ဖြည့်ဆည်းပေးဖို့ # ဒီလိုပဲ ဖြစ်ရမယ်။
ဒေါ်အောင်ဆန်းစုကြည်
Friday, December 14, 2018
Sunday, December 9, 2018
ကျွန်မတို့နိုင်ငံရဲ့ အားနည်းချက်တစ်ခုက အစုအဖွဲ့နဲ့ လုပ်တတ်တဲ့ အရည်အချင်း မရှိတဲ့ဟာပါပဲ
“ကျွန်မတို့နိုင်ငံရဲ့ အားနည်းချက်တစ်ခုက အစုအဖွဲ့နဲ့ လုပ်တတ်တဲ့ အရည်အချင်း မရှိတဲ့ဟာပါပဲ။
ကျွန်မတို့ ပညာရေးစနစ်မှာ အစုအဖွဲ့နဲ့အတူတူ လုပ်တတ်ဖို့၊ လုပ်ဆောင်ဖို့ မသင်ပေးတာကြောင့်မို့လို့ ကိုယ်တစ်ယောက်ထဲ အမှတ်အများဆုံးရအောင်လုပ်တဲ့ စနစ်ကနေပြီးတော့ ထွက်ပေါ်လာတဲ့ စိတ်ဓာတ်တွေဟာ ကျွန်မတို့နိုင်ငံရဲ့ ညီညွတ်ရေးအတွက်၊ စုပေါင်းလုပ်ဆောင်ရေးအတွက် အထောက်အကူ မဖြစ်ပါဘူး”
ဒေါ်အောင်ဆန်းစုကြည်
Saturday, December 1, 2018
ကားအပျက်ကြီးမောင်းနေရသော ဗိုလ်ချုပ်
အင်္ဂလိပ်ဟာ အင်္ဂလိပ်ဥပဒေ ဖြစ်နေပေမဲ့ အုပ်ချုပ်တဲ့သူက ကျုပ်က အုပ်ချုပ်နေတယ်။
ဥပမာပြရလျှင် ကျုပ်ကို အင်္ဂလိပ်က မော်တော်ကား အပျက်ကြီးကို ပြင်မောင်းခိုင်းတာဘဲ ။ အမောင်းခိုင်းပေမဲ့ အချုပ်အခြာ အာဏာက အင်္ဂလိပ်လက်ထဲမှာ ရှိနေတော့ ကျုပ်တို့က ဘာမှ မပြင်နိုင်သေးဘူး ။ မော်တော်ကား အပျက်မို့ အမောင်းဘယ်လောက်ကောင်းကောင်း စက်မကောင်းတော့ လိုရာကိုမြန်နိုင်သလောက် မြန်အောင် မရောက်နိုင်ဘူး ဒီစက်ကြီးနဲ့သာ ဆိုရင် တာရှည်ကျုပ်မအုပ်ချုပ်နိုင်ဘူး"
ဆက်လက်ပြီး ဗိုလ်ချုပ်က တိုင်းသူပြည်သားများ စိတ်ပြောင်း သင့်ပီဖြစ်ကြောင်း
လွတ်လပ်ရေးရံပုံငွေထည့်ရန် လိုကြောင်း စသည်များကို အကျယ်တ၀င့် မိန့်ကြားပြန်သည်။ ဗိုလ်ချုပ်က -
" အခုခေတ်မှာ ဘုရင်ခံတောင်မှ ဇွတ်အတင်းမလုပ်နိုင်ဘူး ။ အားလုံးအတွက် စီမံကိန်းစွဲပြီး လုပ်လာခဲ့ပါပြီ။ ခင်ဗျားတို့လည်း လုပ်ကြည့်ပါ။ ညီညွတ်လို့မရနိုင်ဘူးဆိုလျှင် အစိုးရတွေ ခေတ်ပြောင်းတိုင်း စိတ်ပြောင်းပါ။
စိတ်မပြောင်းဘဲ ကိုးရိုးကားယား လုပ်လျှင် ဘုရင်ခံ လုပ်လျှင် ဘုရင်ခံ တိုက်မည်။ အောက်ကလူတွေလုပ်လျှင် ဖိနှိပ် ပေးမယ်။
သို့သော်လည်း လူကြီးဆိုလျှင် လူကြီးနှင့်တူအောင် အရေးယုမည်။
ကျုပ် လွယ်လွယ်နဲ့ ကတိမပေးလိုဘူး။ လူထုဘက်ကကြည့်ရင် ဗမာပြည် လွတ်လပ်ပြီ ထားပါတော့ ။ လူထုကိုယ်စားလှယ်တွေချည်း အုပ်ချုပ်လို့ရမယ်ထင်သလား ။ ဒီလူတွေ ဘယ်လောက်ညစ်ပတ်ညစ်ပတ် ခဏတော့သုံးရအုံးမှာပဲ
အင်္ဂလိပ် တွေရှိနေရင်လည်း ဗမာအဖြစ်နဲ့နေရမှာဘဲ။ အုပ်ချုပ်တဲ့လူတွေ ကလည်း ဗမာတွေဘဲ။ ဗမာစိတ်ပေါက်ပြီး ဗမာပြည်မှာနေတဲ့သူတွေ ကတော့ ဗမာတွေဘဲရယ်လို့ မှတ်ထားရမယ်
ရှော်တဲ့လူတွေကိုလည်း ကျုပ်တို့က ထုတ်ပစ်ရမှာဘဲ
နိုင်ငံရေးဘက်ကနေ ကြည့်လျင် လူထုခေါင်းဆောင်လုပ်နေတဲ့လူတွေ၊ဘ၀င်မြင့်နေတဲ့ လူတွေ မြင့်နေတယ်။ မှားနေတာတွေလည်းရှိတယ်။ မှန်တယ်ထင် တိုင်းလည်း မပြောရဘူး" ။
" အင်္ဂလိပ်ကို သခင်တင်မနေနဲ့ ။ ကျုပ်တို့မကြာခင် သခင် ဖြစ်တော့မယ်။ အစိုးရအမှုထမ်းများကို မဆဲပါနှင့်။ နောက်ပီး လွတ်လပ်ရေးရအောင် လုပ်တဲ့အခါမှာ အချင်းချင်း ခြေထိုးမှုတွေလုပ်တာရှိတယ် ။ အချင်းချင်း ညီညွတ်အောင်လုပ်ကြပါ။ အကြောက်မလွန်ပါနှင့်။ အစိုးရဘက်ကော လူထုဘက်ကော ကျုပ် ပြုပြင်ခဲ့ပါမယ်" ဟုပြောသည်။
၂၅.၃.၄၇ နတ်မောက်ရောက်မိန့်ခွန်း
Monday, November 26, 2018
နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ၏ ဟားဗတ်မိန့်ခွန်း
ဒီဆုကို ကျမဆောင်ရွက်ခဲ့တာတွေအတွက် အသိအမှတ်ပြုပြီးပေးတာလို့ရော၊ အနာဂတ်မှာ ကျမတို့ ရအောင်ကြံဆောင်ရမယ့်အရာတွေအတွက် အတိတ်နိမိတ်ကောင်းအဖြစ်ပါ ကျမ သဘောထားပါတယ်။ ဘာလို့လည်းဆိုတော့ ကျမတို့ ပြည်သူတွေ လွတ်လပ်မှုရော၊ လုံခြုံမှုရော ရှိနေပြီလို့ ပြောနိုင်တဲ့အထိရောက်ဖို့ အဝေးကြီးလိုသေးလို့ပါ။ လွတ်လပ်ခြင်းနဲ့လုံခြုံခြင်းကို မျှမျှတတရဖို့ ဆိုတာ ဘ၀မှာ လူတွေ အတောင့်တဆုံးအရာတွေပါဘဲ။ ဒါကြောင့် ဒီနေ့ ကျမဒီလိုလာနိုင်အောင် အခွင့်အရေးပေးခဲ့ကြတဲ့ လူကြီးမင်းတွေရော၊ ကျမကို ချီးကျူးပြောဆိုခဲ့သူတွေရော အားလုံးကို ကျေးဇူးတင်ပါရစေ။
''ပညာရေးဆိုတာ တခြားလူတွေရဲ့ စိတ်တွေကို နားလည်ဖို့ လုပ်တာဘဲ'' လို့ မိန့်ခွန်းအစပိုင်းမှာ ပြောခဲ့တဲ့ ဒေါက်တာ Khurana ကိုလည်း ကျေးဇူးတင်ပါတယ်။ ကျမစိတ်ထဲ သိပ်ကို ထိသွားစေတဲ့စကားပါဘဲ။ စာဖတ်တာကို ကျမသဘောကျရတာကလည်း ဒါကြောင့်ပါဘဲ။ စာဖတ်ခြင်းက တခြားလူတွေရဲ့စိတ်တွေဘယ်လိုရှိသလဲဆိုတာ စူးစမ်းလေ့လာဖို့အခွင့်အရေးပေးပါတယ်။ စာရေးဆရာရဲ့ စိတ်ကူးကိုတင် ဖတ်လို့ရတာမဟုတ်ဘဲ ဇာတ်ကောင်တွေရဲ့ စိတ်တွေကို စူးစမ်းလို့ရတယ် ။ စိတ်ကူးယဉ်ဝတ္တုဘဲဖြစ်ဖြစ် ၊ ၀တ္တုမဟုတ်တာမှာဘဲ ဖြစ်ဖြစ် ကိုယ်မဟုတ်တဲ့လူတွေအကြောင်းကို အများကြီး လေ့လာလို့ရပါတယ် ။
(ဒေါက်တာ Khurana ဒီလိုပြောတာကို နားထောင်ခွင့်ရတာက) ဒီဆုရဲ့ အကောင်းဆုံးအပိုင်းပါဘဲ ....... အဆိုးဆုံးအပိုင်းကတော့ ကျမမိန့်ခွန်းပြောရတာပါဘဲ (ရယ်သံများ)။ ကျမက မိန့်ခွန်းတွေ ပြောရတာ မကြိုက်ပါဘူး။ ဒါကြောင့်ဘဲ လူတွေက ကျမကို မေးကြရော.....( မကြိုက်ဘူး ဆိုပြီး ) တနိုင်ငံလုံးမှာရော နိုင်ငံခြားမှာပါ မိန့်ခွန်းပေါင်းများစွာ ပြောခဲ့တယ်နော်တဲ့။ ဒါပေမယ့် ကျမက လူထုကို စကားပြောတဲ့အခါတိုင်း လူတွေ သောင်းနဲ့ သိန်းနဲ့ ချီနေပါစေ သူတို့ကို မိန့်ခွန်းခြွေနေတယ်လို့ ကျမ မခံစားရပါဘူး ၊ သူတို့နဲ့ အတူတကွ စကားပြောနေတယ် လို့ ခံစားရပါတယ် ၊ ဘာလို့လည်းဆို သူတို့နဲ့မျက်လုံးချင်းဆုံလို့ရတယ်၊ ကျမ ပြောတဲ့အကြောင်းအရာအပေါ် သူတို့ဘယ်လိုခံစားရတယ်ဆိုတာကို မြင်ရတယ်။ ပြီးတော့ လူထုကို စကားပြောပြီးတိုင်း သူတို့မေးချင်တာတွေမေးလို့ရအောင်လည်း အမြဲကြိုးစားပေးပါတယ်။ ဒါမှလည်း တစ်ယောက်နဲ့တစ်ယောက်နားလည်လို့ရအောင်ပါ။
ဒါပေမယ့် အခုလိုနေရာမျိုးမဟုတ်ဘဲ တကယ့်အခမ်းအနားနဲ့ပြောရတဲ့အခါကျရင်တော့ ပရိသတ်နဲ့တကယ်ထိတွေ့နေရတယ်လို့ မခံစားရပါဘူး ။ ဒါမျိုးက ကျမအတွက်တော့ နှစ်ဦးနှစ်ဖက်စကားပြောနေတဲ့ ပုံစံမျိုး မဟုတ်ပါဘူး ။ ဒိုင်ယာလော့ဆိုတာက ကိုယ်ပြောချင်တာကို တစ်ဦးချင်းစီပြောနေတာမျိုးထက် ပိုတဲ့အရာပါဘဲ ။
အမေရိကန်မှာ အစိုးရအဖွဲ့ထဲအလုပ်လုပ်ရင် ရတဲ့ခံစားခွင့်တစ်ခုက ပြောရမယ့်အကြောင်းအရာ (talking point) ကို ကိုယ့်ရုံးက အဆင်သင့်ရေးပေးတယ်လို့ ကျမ သိရပါတယ် (ရယ်သံများ)။ ဒါဆိုရင် ကိုယ်တိုင် ဘာမှတောင် လုပ်စရာမလိုဘူး ပေါ့။ ရေးပေးတာကို အသင့်ဖတ်ရုံဘဲ တဲ့။ ဒီ (talking point) တွေကို ဖတ်တိုင်း ကျမ စဉ်းစားမိတယ် .... ဒါက ကျမပုံစံမှ မဟုတ်တာဘဲ၊ ကျမက သူများပြောခိုင်းတဲ့ အကြောင်းအရာကို ပြောတဲ့သူ မဟုတ်ဘူး ... လို့ပါဘဲ။ ဒီတော့လည်း အဲဒီ လှလှပပ talking points ဆိုတာတွေကို ကျမကတော့ များသောအားဖြင့် လျှစ်လျူရှုလိုက်တာပါဘဲ။
ကျမ ဘာအကြောင်းပြောရမယ်ဆိုတာကို ဟားဗတ်ကလည်း ကြိုပြောထားသေးတယ်.....အဲဒါ မင်းတို့ သိကြသလား (ရယ်သံများ)။ တကယ်တမ်းပြောရရင် အဲလိုပြောပြထားတော့ ကျမက ကြိုက်တောင် ကြိုက်ပါသေးတယ်၊ ပြောရမယ့်အကြောင်းအရာကို သိပ်တွေးစရာတောင် မလိုတော့ဘူးလေ (ရယ်သံများ)။ ကျမအနေနဲ့- '' ယဉ်ကျေးမှုမတူသူ ၊ လူမျိုးမတူသူ၊ နောက်ခံသမိုင်းမတူသူ၊ ကိုးကွယ်ရာ မတူသူအချင်းချင်းကြားက ငြိမ်းချမ်းရေးကို တိုးတက်အောင်ဆောင်ရွက်ခြင်းရဲ့ အရေးပါပုံ'' ကို ပြောရမယ်ဆိုဘဲ ..... ရှုည်လျားလိုက်တဲ့ အမိန့်ပါလား (ရယ်သံများ)။
ဒါပေမယ့်လည်း တကယ်တော့ အခုအချိန်ဟာ ဒီအကြောင်းတွေကို ပြောဖို့အကောင်းဆုံးအချိန်ပါဘဲ။ ခုနက ပြောတဲ့ ယဉ်ကျေးမှုအချင်းချင်းကြားက၊ တိုင်းရင်းသားအချင်းချင်းကြားကနဲ့၊ နိုင်ငံတွေကြားက ငြိမ်းချမ်းရေးအကြောင်းတွေပေါ့လေ..... ။ ဘာလို့လည်းဆိုတော့ ဒါတွေက တကယ်ဘဲ ကျမတို့ရအောင် ကြိုးပမ်းနေတဲ့အရာတွေ ဖြစ်လို့ပါဘဲ ။ ဒါနဲ့ ဒီနေ့ ကျမရဲ့ နိုင်ငံအကြောင်းပြောကြတော့ တချို့က မြန်မာလို့ ပြောကြတယ် ၊ တချို့က ဘားမား လို့ ပြောကြတာ ကျမ ချက်ချင်းသတိထားမိပါတယ် ။ ကျမတို့ ပြသနာတွေက အဲဒီက စတာပါဘဲ ......ကိုယ့်နိုင်ငံကို ဘယ်လိုခေါ်ရမယ်ဆိုတာတောင် ကျမတို့တတွေ သဘောထားမတိုက်ဆိုင်ကြဘူး (ရယ်သံများ) ။
၁၉၄၈ မှာ ကျမတို့နိုင်ငံလွတ်လပ်ရေးရပြီး ''Union of Burma'' ဆိုပြီး ဖြစ်လာခဲ့ပါတယ် ။ ကျမတို့လည်း သိပ်ဂုဏ်ယူခဲ့ကြတာပေါ့။ ကျမက အဲဒီတုန်းက အသက် ၂ နှစ်ခွဲဘဲ ရှိသေးတော့ လွတ်လပ်ရေးနေ့ အခမ်းအနားကျင်းပတာတွေကိုတော့ မမှတ်မိပါဘူး ။ ဒါပေမယ့် ကျမက လွတ်လပ်ရေးအတွက် ဂုဏ်ယူတဲ့အငွေ့အသက်တွေနဲ့ Union of Burma ဆိုပြီး ဖြစ်လာမှုအပေါ် ပီတိဖြာနေတဲ့ ပတ်ဝန်းကျင်မှာ ကြီးပြင်းလာခဲ့တာပါ။ ဒီတော့ ကျမအတွက် Burma ဆိုတဲ့နာမည်က လှပတဲ့စကားလုံးတစ်ခုပါဘဲ။ ကျမတို့ ဘာသာစကားနဲ့ ခေါ်တာတော့ မဟုတ်ဘူးပေါ့လေ။ ဗမာစကားနဲ့တော့ အခုခေါ်သလို မြန်မာနိုင်ငံလို့ ခေါ်ကြတယ်။ ဒါပေမယ့် မြန်မာလို့ ကမ္ဘာ့အလယ်မှာ နာမည်တွင်သွားရတဲ့ အကြောင်းကတော့ Burma ဆိုတာ ဗြိတိန်ကိုလိုနီအစိုးရရဲ့ ထွင်လုံးတစ်ခုလို့ စစ်အစိုးရက သတ်မှတ်လိုက်လို့ပါဘဲ .....Burma ဆိုတာကို မသုံးသင့်ဘူးဆိုပြီး မြန်မာလို့ ခေါ်ခိုင်းခဲ့တယ်၊ မြန်မာဆိုတာ ကျမတို့နိုင်ငံထဲက တိုင်းရင်းသားအားလုံးကို ရည်ညွှန်းပြီး၊ Burma ဆိုတာက ဗမာတိုင်းရင်းသားတွေကိုဘဲ ရည်ညွှန်းတယ်လို့လည်း စစ်အစိုးရက ရှင်းချက်ထုတ်ခဲ့ပါတယ်။ ဒါက တကယ်တော့ မမှန်ပါဘူး။ ဘာလို့ဆိုတော့ ဗမာဆိုတာကို စာသံပေသံအသုံးတွေမှာ မြန်မာလို့ ရေးလေ့ရှိပါတယ်။ ဗမာဆိုတာကလည်း တကယ်တော့ တိုင်းရင်းသား တစ်မျိုးပါဘဲ။ ဒါကြောင့် ကျမကတော့ နိုင်ငံတကာအလယ်မှာ ပြောရဆိုရရင် မြန်မာဆိုတဲ့စကားကို သိပ်ပြီး မကြိုက်လှပါဘူး ။ ဒုတိယအချက်ကတော့ နိုင်ငံခြားသားတွေအဖို့ မြန်မာဆိုတာကို အသံထွက်မှန်အောင် ထွက်ဖို့ ခက်လိုပါဘဲ......Burma ဆိုတာက ခေါ်ရတာ လွယ်ပါတယ် ( ရယ်သံများ ) ။
ကျမတို့တိုင်းပြည်မှာ အမျိုးသားရင်ကြားစေ့ရေး ရကို ရမှ ဖြစ်မှာပါ။ အခုအချိန်မှာ ကျမတို့အနေနဲ့ မြန်မာဆိုတာကို မသုံးတော့ဘဲ Burma လို့ ပြန်ခေါ်ရမယ် ဆိုပြီး တရားဝင်သတ်မှတ်လိုက်လို့ရပေမယ့် အဲတာမျိုး ကျမတို့လုပ်မှာ မဟုတ်ပါဘူး။ ဘာလို့လည်းဆိုတော့ အာဏာရလာတာနဲ့ ကိုယ့်အလိုကို အာဏာသုံးပြီး လုပ်ခိုင်းတယ်ဆိုတဲ့ ၀ဲဂယက်ထဲကို မကျချင်လုို့ပါဘဲ ။ သူများကို အမိန့်ပေးလို့ရတဲ့နေရာကို ရောက်လာရင် အာဏာကို အလွဲသုံးစားမလုပ်မိဖို့က သိပ်အရေးကြီးပါတယ် ။ ဒါက အမျိုးသားရင်ကြားစေ့ရေးအတွက် အခြေခံပါဘဲ ။ ကျမတို့လိုချင်တာက အာဏာနဲ့လွှမ်းမိုးထိန်းချုပ်မှု မဟုတ်ပါဘူး ၊ သင့်မြတ်ရင်ကြားစေ့ရေးပါ ။ ဒါကြောင့်ဘဲ မြန်မာဆိုတာ ကျမတို့နိုင်ငံရဲ့ တရားဝင်နာမည်အဖြစ် နိုင်ငံတကာအသိုင်းအ၀ိုင်းမှာ သုံးဖို့ ကျမတို့အစိုးရအဖွဲ့က ဆုံးဖြတ်လိုက်ပါတယ် ။ ဒါပေမယ့် Burma လို့ ခေါ်တာကို ပိုကြိုက်လို့ အဲလိုဘဲ ခေါ်ချင်တယ်ဆိုတဲ့သူရှိရင်လည်း ကျမကတော့ သဘောကျပါတယ် ။ နိုင်ငံခြားသားတွေနဲ့ စကားပြောတဲ့အခါ ကျမအနေနဲ့ Burma လို့ ပြောရတာကို ကြိုက်ပါတယ်။
မြန်မာနိုင်ငံမှာ တိုင်းရင်းသား ၁၃၅ မျိုး ရှိပါတယ်။ ကိုးကွယ်တဲ့ဘာသာတွေကလည်း မတူကြပါဘူး။ တိုင်းပြည်မငြိမ်းချမ်းတာကတော့ ၁၉၄၈ လွတ်လပ်ရေးရပြီးကတည်းပါ။ ဘာလို့လည်းဆိုတော့ လွတ်လပ်ရေးရပြီးနောက်မှာ တိုင်းရင်းသားတစ်ဖွဲ့က ပုန်ကန်ခဲ့ကြပါတယ်။ ဗမာတိုင်းရင်းသားတွေအများစုနဲ့ဖွဲ့စည်းထားတဲ့ ဗဟိုအစိုးရကို မယုံတဲ့အတွက်ပါ။ ဒီတော့ လွတ်လပ်ရေးလည်းရ၊ ငြိမ်းချမ်းရေးလည်းဆုံးရှုံးတဲ့အဖြစ်ကို ရောက်ခဲ့ကြတယ်။ ဒါပေမယ့် အရာအားလုံးဆုံးရှုံးသွားတဲ့အဖြစ်မျိုးတော့ မဟုတ်ခဲ့ပါဘူး။ ကျမအမြဲဘဲ ပြောခဲ့ပါတယ်.......ဘာကိုဘဲ ဆုံးရှုံး ဆုံးရှုံး နေလို့ရပါသေးတယ်၊ ဒါပေမယ့် မျှော်လင့်ချက်ဆုံးရှုံးရင်တော့ အားလုံးဆုံးရှုံးသွားတာနဲ့အတူတူပါဘဲ။ မျှော်လင့်ချက်ဆုံးရှုံးသွားရင် ဖြေရှင်းရသိပ်ခက်သွားတတ်ပါတယ်။
တိုင်းရင်းသားအများကြီး၊ ကိုးကွယ်ရာဘာသာမတူတာတွေအများကြီးရှိတဲ့ကျမတို့တိုင်းပြည်အတွက် ကျမ အရမ်းဂုဏ်ယူပါတယ်။ ဒါပေမယ့် ပြီးခဲ့တဲ့နှစ်များအတွင်းမှာ အုပ်စုအချင်းချင်းပဋိပက္ခဖြစ်ပွားမှုတွေ အရင်က မမြင်ဖူးလောက်အောင်အတိုင်းအတာမျိုးနဲ့ ဖြစ်ခဲ့တဲ့အတွက်တော့ ကျမ စိတ်မကောင်းဖြစ်ရပါတယ်။
ကျမရဲ့ စာအုပ်ဖြစ်တဲ့ ''ကြောက်ရွံ့ခြင်းမှ လွတ်ကင်းခြင်း'' မှာ ကျမရေးခဲ့ဖူးပါတယ်........အကြောက်တရားဟာ သွေးကွဲမှုတွေအားလုံးရဲ့အရင်းအမြစ်ပါဘဲ လို့ပါ။ အကြောက်တရားဟာ အမုန်းတရားကို ဖြစ်စေပါတယ်၊ အမုန်းတရားဟာ မယုံကြည်သွေးကွဲခြင်းကို ဖြစ်စေပါတယ်။ အကြောက်တရားမှာ အခြေမခံတဲ့ မုန်းတီးမှု ဆိုတာ မရှိဘူး၊ ရှိရင် သက်သေပြလှည့်ပါ လို့ လူတွေကို ကျမ အမြဲပြောလေ့ရှိပါတယ်။ အမုန်းတရားအားလုံးဟာ အကြောက်တရားမှာ တနည်းနည်းနဲ့အခြေခံနေတာပါဘဲ။ ဥပမာရိုးရိုးလေးဘဲ ပေးရရင် '' မြွေကို မုန်းတယ် '' ဆိုတာ မြွေကို ကြောက်လို့ပါဘဲ။ မကြောက်ဘဲ ဘာကြောင့် မုန်းမှာလဲ။ တစ်ယောက်ယောက်ကို မုန်းတယ် ဆိုတာလည်း အဲဒီတစ်ယောက်အပေါ်မှာ ကြောက်နေလို့ပါဘဲ ....မဟုတ်ရင် ဘာကြောင့် မုန်းမှာလဲ။ သူက ကိုယ့်ထက် ပညာရေးမှာ သာသွားမှာ စိုးလို့လား။ ဒါမှမဟုတ် သူက ကိုယ့်ရည်းစားကို လုယူသွားမှာ စိုးလို့လား (ရယ်သံများ)၊ ဒီတော့ အမုန်းတရားတိုင်းရဲ့ နောက်မှာ အကြောက်တစ်ခုခုတော့ ရှိပါတယ် ။ ဒီတော့ မုန်းတာကို ဖျောက်ချင်ရင် ကြောက်တာကို ဖျောက်ရမယ်။ မုန်းတာကို မပယ်နိုင်ဘဲနဲ့တော့ ဘယ်နိုင်ငံ၊ ဘယ်အသိုင်းအ၀ိုင်းမှာဘဲဖြစ်ဖြစ် ငြိမ်းချမ်းရေး၊ ရင်ကြားစေ့ရေးဆိုတာ ရမှာ မဟုတ်ပါဘူး။
ယဉ်ကျေးမှုမတူသူ၊ ဘာသာမတူသူတွေ ကြားထဲက ငြိမ်းချမ်းရေးကို မြှင့်တင်ဖို့ဆိုရင် အမုန်းတရားရဲ့အရင်းအမြစ်ဖြစ်တဲ့အကြောက်တရားကို ပယ်မှ ရမှာပါ။ ဘာကို ကြောက်နေတာလဲ ဆိုတာ သိဖို့ ရိုးသားမှုတော့ လိုပါတယ် .....သူများနဲ့တင်မကဘဲ ကိုယ့်ကိုယ်ကိုယ်အပေါ်မှာရော ရိုးသားမှ ရပါမယ်။ ဘာလို့လည်းဆို လူတွေက တစ်ခုခု၊ တစ်ယောက်ယောက်ကို မုန်းတယ်လို့သာ ပြောကြတာ၊ များသေားအားဖြင်တော့ ဘာလို့ မုန်းတာလဲဆိုတဲ့ အကြောင်းကိုကျတော့ အမှန်မပြောတတ်ကြပါဘူး။ ပတ်ဝန်းကျင်က လက်ခံမယ်ထင်ရတဲ့ အကြောင်းပြချက်တစ်ခုခုကိုဘဲ ပေးလေ့ရှိကြတယ်။ ကြားတဲ့သူ ကိုယ့်ဘက်ပါလာနိုင်တဲ့အကြောင်းတစ်ခုခုကို ပြလေ့ရှိကြတယ်။ ''ဒီလူ့ကို မင်းမုန်းတာ မင်းမှန်တယ်'' လို့ ပတ်ဝန်းကျင်က လက်ခံလာအောင် လုပ်တတ်ကြတယ်။ ဒီလိုနဲ့ အုပ်စုလိုက်တွေပါ ပါလာတော့တာဘဲ။ အုပ်စုတစ်ခုကို မုန်းချင်ရင် မုန်းဖို့အကြောင်းပြချက်ဆိုတာကတော့ ရှာလို့ရနေတာပါဘဲ ။ ဒါက ကိုယ်နဲ့ဘဲ ဆိုင်ပါတယ် ။ ကိုယ့်အကြောက်တရားကို အမုန်းတရားဖြစ်လာအောင် ကိုယ်ကဘဲ ဖန်တီးခွင့်ပေးလိုက်လို့ပါဘဲ ။ ဒီတော့ ဒါကို ပျောက်ဖို့ နည်းက မရှုပ်ထွေးမခက်ခဲပါဘူး ၊ ကိုယ့်အကြောက်တရားကို ကျော်နိုင်အောင်လုပ်ပါ....ဒါဆိုရင် လူတွေကိုမုန်းတာဖြစ်ဖြစ် ၊ အဖွဲ့အစည်းကို မုန်းတာဖြစ်ဖြစ် ၊ အိုင်ဒီယာတွေကို မုန်းတာဖြစ်ဖြစ် ၊ လှုပ်ရှားမှုတွေကို မုန်းတာဖြစ်ဖြစ် မုန်းနေတာတွေကို လျှော့နိုင်လာပါလိမ် ။ ဒါမှ ညီညွတ်ငြိမ်းချမ်းတဲ့လူ့အဖွဲ့အစည်းတစ်ခုကို ထူထောင်နိုင်မှာပါ ။
''မတူကွဲပြားခြင်းကနေဖြစ်ပေါ်လာတဲ့ညီညွတ်မှု'' အကြောင်းကို ကျမတို့အမြဲပြောလေ့ရှိကြတယ် ။ ကျမတို့တိုင်းပြည်ရဲ့ မတူကွဲပြားခြားနားမှုတွေအတွက် ကျမ သိပ်ဂုဏ်ယူပါတယ် ...ဒါပေမယ့် ဒါကို ကျမတို့အားလုံးအတွက် အင်အားတစ်ရပ်အဖြစ် ပြောင်းလဲနိုင်ခြင်း မရှိသေးပါဘူး ၊ ဒါတွေအတွက် အတူတကွ ဂုဏ်ယူစွာပျော်ရွှင်နေရတာမျိုး မရှိသေးပါဘူး ။ ကျမတို့ တစ်ယောက်နဲ့တစ်ယောက်မှ မယုံကြဘဲလေ ။
မကြာသေးခင်ကဘဲ ကျမတို့ ငြိမ်းချမ်းရေးဆွေးနွေးပွဲတွေကို ကျင်းပခဲ့ကြပါတယ် ။ ဆယ်စုနှစ်ပေါင်းများစွာကြာအောင် လက်နက်စွဲကိုင်တော်လှန်လာတဲ့ တိုင်းရင်းသားအဖွဲ့အစည်းတွေကို ရင်ကြားစေ့ပြေလည်စေဖို့ပါ ။ နှစ်ပေါင်းများစွာ လက်နက်ကိုင်တိုက်ပွဲဝင်လာကြတဲ့ ဒီအဖွဲ့အစည်းတွေကို ညှိနှိုင်းပေးဖို့၊ အပြစ်အခတ်ရပ်စဲရေးစာချုပ်မှာ လက်နက်ထိုးခိုင်းဖို့ဆိုတာ သိပ်ခက်ခဲတဲ့ ကိစ္စပါဘဲ ။ ဘာကြောင့်သူတို့ လက်နက်မဖြုတ်သိမ်းချင်ကြတာလဲဆိုတော့ ကိုယ့်ကိုယ်ကိုယ်ကာကွယ်ဖို့ ၊ ကိုယ့်လူမျိုးကို ကိုယ်ကာကွယ်ဖို့ ၊ ကိုယ်ယုံကြည်ရာကို ကာကွယ်ဖို့ ၊ ကိုယ့်အကျိုးစီးပွာတွေကို ကာကွယ်ဖို့ လက်နက်လိုတယ်လို့ ယုံကြည်ကြလို့ပါဘဲ ။ ဆိုလိုတာကတော့ သူတို့ရဲ့လုံခြုံမှုနဲ့ လွတ်လပ်မှုကို ထိပါးအောင်လုပ်နိုင်တဲ့အာဏာရှိသူတွေကို မယုံလို့ပါဘဲ ။ ဒါတွေအားလုံးဟာ အကြောက်တရားကလာတာတွေပါဘဲ ။
ဒါပေမယ့် ဘာလို့ကြောက်တာလဲဆိုတာထက် ''ဘာကြောင့်ကိုယ့်ကို သူများက ကြောက်နေအောင် လုပ်ရတာလဲ'' ဆိုတဲ့ ကိစ္စကတော့ ပိုတောင် ဆိုးပါသေးတယ် ။ သူများက ကိုယ့်ကို ကြောက်နေတာကိုမှ ဂုဏ်ယူနေသူတွေကို ကျမတွေ့ဖူးပါတယ် ။ အဲဒါဟာ ဂုဏ်ယူစရာလို့ သူတို့က ထင်နေကြတယ် ။ ကျမကတော့ ဒါကို ရှက်စရာလို့ ထင်ပါတယ် ။ သူများက ကိုယ့်ကို ကြောက်နေတယ်ဆိုတာ ရှက်စရာကောင်းတဲ့ကိစ္စပါ ။ ဒါက ကိုယ့်မှာ မမှန်တာတစ်ခုခုရှိနေပြီဆိုတာ ပြတာပါဘဲ.....ကိုယ်ဟာ မျှတသင့်သလောက် မမျှတဘူး ၊ ရက်ရောသင့်သလောက် မရက်ရောဘူး ။ သူများတွေရဲ့ အမြင်တွေအပေါ်မှာ နားလည်သင့်သလောက်နားမလည်ဘူး ၊ မိမိကိုယ်ကိုယ် သင့်တော်သလို မချုပ်တည်းနိုင်ဘူး ဆိုတဲ့ သဘောပါဘဲ ။ ကိုယ့်ကိုယ်ကိုယ် မချုပ်တည်းနိုင်တဲ့ သူတွေကို လူတွေက အမြဲကြောက်လန့်နေတတ်ကြပါတယ် ။ ဒီလူတွေ ဘာထလုပ်မယ်ဆိုတာ ဘယ်သူမှ မသိနိုင်ဘူးလို့ပါဘဲ ။
ဒီတော့ သူများက ကိုယ့်ကို ကြောက်နေတာဟာ ဂုဏ်ယူစရာမဟုတ်ပါဘူး ။ ဒါပေမယ့် တခါတလေကျတော့လည်း '' အရမ်းလေးစားတယ် '' ဆိုတာမျိုး ရှိပါတယ် ၊ ဒါက နည်းနည်းတော့ နားထောင်လို့ ကောင်းပါသေးတယ် ။ အဲလို အရမ်းလေးစားတယ် ဆိုပြီး ရိုးရိုးသားသားပြောတာ ခံစားမိတာကတော့ ကြောက်တာနဲ့မတူပါဘူး ။ ဒါက တဖက်သားရဲ့ ဂုဏ်သိက္ခာ ၊ ဥာဏ်ပညာ ၊ စိတ်ဓါတ် ၊ ဥစ္စာပစ္စည်း စတာတွေနဲ့ ပတ်သက်လို့ ရိုးရိုးသားသား လေးစားမိတဲ့ သဘောပါပါတယ် ။ ဒါပေမယ့် တစ်ယောက်ယောက်ကို ကြောက်နေရတာနဲ့ ကိုယ့်ကို ကြောက်အောင် လုပ်ထားတာဟာ နှစ်ခုစလုံး မကောင်းပါဘူး ။
ဒီတော့ တိုင်းရင်းသားတွေကြား ၊ မတူတဲ့ ယဉ်ကျေးမှုတွေကြား ငြိမ်းချမ်းရေး ရဖို့ဆိုတာ အကြောက်တရားကို အမြစ်ဖြတ်ပစ်မှ ဖြစ်မှာပါဘဲ ။ ဒါပေမယ့် ဒါကို ဘယ်လို အကောင်အထည်ဖော်ရမလဲ ။ ကျမမှာ အဖြေအသင့်ရှိရင် ကျမတို့တိုင်းပြည် ငြိမ်းချမ်းနေတာ နှစ်ပေါင်းများစွာ ကြာလှရောပေါ့ ။ ကျမမှာ အဖြေအားလုံး မရှိပါဘူး ။ ဒါပေမယ့် လူတိုင်းတစ်ယောက်ချင်းစီမှာ ကောင်းတဲ့အချက်လေးတော့ တစ်ခုစီရှိတယ်ဆိုတာကို အမြဲလက်ခံပြီး အစပြုလို့တော့ ရပါတယ် ၊ လူတစ်ဦးချင်းစီမှာ ရှိတဲ့ ဒီကောင်းတဲ့အချက်လေးတွေကို ရှာဖွေဖော်ထုတ်ပြီး လူသားမျိုးနွယ်တစ်ရပ်လုံးရဲ့အကျိုးအတွက် အသုံးချလို့ရပါတယ် ဆိုတာကို လက်ခံပြီး အစပြုလို့ရပါတယ် ။ ဒီအချက်ကို လက်ခံယုံကြည်ရင် အကြောက်တရားဟာ လျော့ပါးလာပါတယ် ။ ဘာလို့လည်းဆိုတော့ တစ်ယောက်ယောက်ကို မကြောက်ဘဲ မုန်းလို့မှ မရတာ ။ ကျမနဲ့ လာပြောဖို့ ကျမ ဖိတ်ခေါ်ပါတယ်....ကိုယ့်ကိုယ်ကို စမ်းစစ်ကြည့်ပါ ။ ဘာကို မုန်းနေသလဲ ။ ဘယ်သူ့ကို မုန်းနေသလဲ ။ အဲဒီမုန်းတဲ့စိတ်ရဲ့အောက်ခြေမှာ ကြောက်တဲ့စိတ်က တကယ်မရှိတာလား ။ ကိုယ့်ကိုယ်ကိုယ် မေးပြီး ရိုးရိုးသားသား ဖြေကြည့်ပါ ။ ''ကျနော် ကျမကဖြင့် အဲဒီလူကို မုန်းပါတယ် ၊ ဒါပေမယ့် လုံးဝတော့ မကြောက်ပါဘူး '' လို့ဆိုရင် ကျမကို လာပြောလှည့်ပါ ။ သိပ်ကို စိတ်ဝင်စားစရာကောင်းမှာ....ဒါပေမယ့် ကျမကတော့ ယုံမယ် မထင်ပါဘူး ......ကျမလက်ခံအောင် ပြောဖို့တော့ လွယ်မှာ မဟုတ်ဘူးနော် ၊ ကြိုးစားကြည့်ပေါ့ ( ရယ်သံများ ) ။ ကျမတို့ဟာ ကမ္ဘာ့ရွာကြီးမှာ နေကြတာပါ ၊ ဒီတော့ လူမျိုးမတူသူတွေ ၊ ဘာသာမတူသူတွေနဲ့ မနေဘူးဆိုပြီး ရှောင်လို့မရပါဘူး ။
အမေရိကန်ပြည်ထောင်စုကို ကျမ လည်ပတ်ကြည့်ရှုရတော့ ကျမရဲ့တိုင်းပြည်ထက် ရော ၊ ကျမရောက်ဖူးတဲ့ တိုင်းပြည်တချို့ထက်ရော သိပ်ကို ချမ်းသာကြွယ်ဝတာကို တွေ့ရပါတယ် ။ ဒါပေမယ့် ဒီချမ်းသာကြွယ်ဝမှုတွေနဲ့ ဘာလုပ်ကြသလဲ ၊ ဘာလို့ ချမ်းသာပြီးရင်း ချမ်းသာချင်နေကြသလဲ ။ ပိုပိုပြီးများပြားတဲ့ ဥစ္စာဓနအင်အားကို ရအောင်လုပ်နေတဲ့ တွန်းအားက ဘာလို့ရှိနေတာလဲ ။ ကျမတော့ နားမလည်ပါဘူး ။ လူဆိုတာ တနေ့ကို အစား ဘယ်နှစ်နပ်စားနိုင်လို့လဲ ( ရယ်သံများ ) ။ ကျမတို့ နိုင်ငံ သိပ်ကို ကျပ်တည်းတဲ့ ကာလမှာ လူတွေ ဒုက္ခရောက်နေတာကို အခွင့်ကောင်းယူပြီး အမြတ်ထုတ်တဲ့လူတချို့ ရှိခဲ့တယ် ၊ သူတို့တတွေ ကားတွေတစ်စီးပြီးတစ်စီး ၊ အိမ်တွေ တစ်အိမ်ပြီးတစ်အိမ် ပွားအောင် လုပ်ကြတာမြင်တော့ ကျမ သိပ်အံ့သြတာပါဘဲ ။ တစ်ကြိမ်မှာ ကားတစ်စီးဘဲ စီးလို့ရတယ် ၊ ဆပ်ကပ်ပြပွဲထဲမှာဆိုရင်တော့ တစ်ခါတည်းနဲ့ မြင်းနှစ်ကောင်စီးတာမျိုး ရှိချင်ရှိမှာပေါ့ ။ ကားကျတော့ တစ်ကြိမ်မှာ နှစ်ကားဆိုပြီး စီးလို့ရတာမျိုးလည်း မဟုတ်ဘူး ( ရယ်သံများ ) ။ အိမ်ဆိုလည်း တစ်ကြိမ်မှာ တစ်အိမ်ဘဲ နေလို့ရတယ် ။ တစ်အိမ်ကတစ်အိမ် ကူးလို့ရပေမယ့် ဒါက ဘာမှ အကျိုးမရှိဘူးဆိုတာ ကျမ သေချာပြောနိုင်ပါတယ် ၊ အခု ကျမဆို ရန်ကုန်အိမ်ကနေ နေပြည်တော်အိမ်ကို ကူးနေရတယ်.....အိမ်နှစ်အိမ်ကို စီမံခန့်ခွဲရတာ တကယ်ဘဲ စိတ်ပျက်စရာကောင်းပါတယ် ။ အိမ်တွေ ဆယ်အိမ် ၊ ဆယ့်တစ်အိမ် ၊ ဆယ့်နှစ်အိမ်ရှိတဲ့လူတွေ ဘယ်လိုများ စီမံနေကြပါလိမ့် ။ တချို့များ သူတို့မှာ အိမ်ဘယ်နှစ်အိမ်ရှိလဲဆိုတာ မှတ်တောင် မမှတ်မိဘူး လို့ ပြောကြတယ် ။
ဒီတော့ ပစ္စည်းဥစ္စကို ပိုပိုလိုချင်တဲ့ဆန္ဒရှိနေတာ ဘာလို့လဲ ။ လုံခြုံမှုအတွက်လား ။ သူများထက်ပိုသာတယ်လို့ သက်သေပြချင်တာလား ။ ကျမဖြင့် တကယ်နားမလည်နိုင်အောင်ပါဘဲ ။
ဒီတော့ ဒီနေ့ ကျမ မေးခဲ့တဲ့
-အကြောက်တရားမပါဘဲ မုန်းလို့ရသလား
-ဘာလို့ ပိုပိုပြီး လိုချင်နေကြတာလဲ ၊ ပိုပိုပြီးချမ်းသာချင်နေကြတာလဲ........ဒီမေးခွန်းတွေရဲ့အဖြေကိုရရင် လူမျိုးမတူသူ ၊ ဘာသာမတူတွေကြား ၊ ဆက်ဆံရေးတွေတိုးတက်စေမယ့်အဖြေတော်တော်များများကို ရပြီးဖြစ်မှာပါဘဲ ၊
အဲဒီအဖြေတွေကိုရရင် လူသားတွေအချင်ချင်းကြားက ဆက်ဆံရေး ဘယ်လိုတိုးတက်အောင်လုပ်မလဲဆိုတာကိုပါ နားလည်လာပါလိမ့်မယ် ။ ကျမက လူသားဆိုတဲ့အပေါ်မှာ ယုံကြည်မှုရှိပါတယ် ၊ တကယ်လို့သာ ကျမတို့လူသားတွေမှာ အပြုသဘောဆောင်တဲ့ စိတ်ဓါတ်ကလေးတွေ မပါလာဘူး ဆိုရင် အခုအချိန်ထိ ဂူတွေထဲဘဲ တစ်ယောက်နဲ့တစ်ယောက် တင်းပုတ်တွေ ၊ ဒုတ်တွေနဲ့ထုရိုက်နေတုန်း ရှိဦးမှာပေါ့။ အခု အဲလိုမျိုးလုပ်မနေကြဘူးဆိုတာ လူသားမျိုးနွယ်ရဲ့ တိုးတက်လာမှုကို ပြတာပါဘဲ ။ ဒီတော့ လူသားတွေရဲ့ရှေ့ကို တိုးတက်အောင် လုပ်နိုင်စွမ်းအပေါ်မှာ ကျမကတော့ ယုံကြည်ပါတယ် ။ ဒါက ကျမအတွက်တော့ ''လူမျိုးမတူသူတွေကြား ၊ ယဉ်ကျေးမှုမတူသူတွေကြား ငြိမ်းချမ်းရေးကို တိုးတက်အောင် လုပ်လို့ရမယ့် နည်းလမ်းပါဘဲ ။ ဟားဗတ်တက္ကသိုလ်ဟာ ဒီလို မတူညီတဲ့နောက်ခံအသိုင်းအ၀ိုင်းကလူတွေ အများကြီး စုဝေးရာ ၀န်းကျင်ပါဘဲ ။ ဒီတော့ အားလုံးပူးပေါင်းအဖြေရှာကြပါစို့ ၊ အဖြေရရင်လည်း ကိုယ့်အတန်းသူအတန်းသားတွေကို ပြောလိုက်ကြပါဦး ။ ဘာလို့လည်းဆိုတော့ ဒီလိုမိန့်ခွန်းတိုတိုလေးတစ်ခုအတွင်းမှာ ကျမအနေနဲ့ ဆွေးနွေးအဖြေရှာဖို့ရာ မတတ်နိုင်လို့ပါ ။ ကျေးဇူးတင်ပါတယ် ( ရယ်သံ ၊ လက်ခုပ်သံများ )
Translated By Spring Flowers
Saturday, November 24, 2018
NLD ဗဟိုအစည်းအဝေးတွင် ပြောကြားသည့်မိန့်ခွန်း ကောက်နှုတ်ချက်
NLD ဗဟိုအစည်းအဝေးတွင် ပြောကြားသည့်မိန့်ခွန်း ကောက်နှုတ်ချက်
ကိုယ်သဘောတူတဲ့ကိစ္စကို ဆုံးဖြတ်လို့ သဘောတူတယ်ဆိုတာ ဘာမှဆန်းတဲ့ ကိစ္စမဟုတ်ပါဘူး။ ဒါ လူတိုင်းလုပ်နိုင်တဲ့ကိစ္စပါ။ ဒီမိုကရေစီကို မနှစ်မြို့တဲ့သူတွေ၊ မလိုလားတဲ့သူတွေတောင်မှ သူတို့ လုပ်ချင်တာကို လိုက်လုပ်ဖို့ဆိုတာ ဝန်လေးတာမဟုတ်ပါဘူး။
ဒီမိုကရေစီရဲ့ ခဲယဉ်းတဲ့တာဝန်ဟာ ဒါပါပဲ။ ကိုယ်ကြိုက်သည်ဖြစ်စေ၊ မကြိုက်သည်ဖြစ်စေ၊ လိုလားသူဖြစ်စေ၊ မလိုလားသူဖြစ်စေ အများကဆုံးဖြတ်ပြီဆိုရင် ကောင်းကောင်းမွန်မွန် လိုက်နာရမှာ ၊ လေးစားရမှာ ဖြစ်ပါတယ်။
ဒီမိုကရေစီနိုင်ငံတွေမှာ ရွေးကောက်ပွဲက ရွေးထုတ်ပေးလိုက်တဲ့သူတွေကို အစိုးရအဖြစ် လက်ခံကြရတာပဲ။ သမ္မတရွေးတဲ့ နိုင်ငံတွေမှာဆိုရင် ရွေးကောက်ပွဲက ရွေးထုတ်လိုက်တဲ့ သမ္မတကို တက်လာတဲ့အခါကျရင် ဒီသမ္မတကို မဲမပေးခဲ့တဲ့သူတွေကလည်း ဒါ နိုင်ငံတော်သမ္မတလို့ လက်ခံရမှာပဲ။
ဒါ ဒီမိုကရေစီနည်းအရ လုပ်ခဲ့လို့ရှိရင် ကိုယ့်ဘက်မှာ ရှုံးတဲ့အခါလည်းရှိမယ်၊ နိုင်တဲ့အခါလည်းရှိမယ်ဆိုတာ တစ်ခါတည်း လက်ခံထားရမှာ ဖြစ်ပါတယ်။
ဒီမိုကရေစီစိတ်ဓာတ်ဆိုတာ ဘာလဲဆိုတော့ လူတိုင်းလူတိုင်းဟာ ကိုယ့်အတွေးအခေါ်နဲ့ လွတ်လွတ်လပ်လပ် တွေးခေါ်ပိုင်ခွင့်ရှိတယ်။ အဲဒီတော့ လူတွေများတဲ့အခါကျတော့ အတွေးအခေါ်က အမျိူးမျိူးရှိတယ်။ သို့သော်လည်း ဒီဟာတွေကို ဆွေးနွေးညှိနှိုင်းပြီး အဖြေရှာတဲ့အပေါ်မှာ အများရဲ့ဆုံးဖြတ်ချက်ကို လေးစားလိုက်နာရတယ်ဆိုတာ ဒါဟာ ဒီမိုကရေစီရဲ့ အနှစ်သာရလို့ ရိုးရိုးပြောလိုက်ရင် ဒါပါပဲ။
ကျမက ဒီမိုကရေစီ ဒီမိုကရေစီ ပြောနေမယ်ဆိုရင် ကမ္ဘာကြီးမှာ ဒီမိုကရေစီနဲ့ ပတ်သက်တဲ့ စာအုပ်စာတမ်းတွေဟာ သောင်းမက၊ သိန်းမကတောင် ရှိမယ်လို့ ကျမထင်ပါတယ်။ အားလုံးကတော့ တစ်မျိူးစီ၊ တစ်မျိူးစီ ပြောကြမှာပဲ။ အခြေခံကတော့ ဒါပါပဲ။
ဒေါ်အောင်ဆန်းစုကြည်
NLD ဗဟိုအစည်းအဝေးတွင် ပြောကြားသည့်မိန့်ခွန်း ကောက်နှုတ်ချက်
Wednesday, October 10, 2018
ဝေဖန်တာမကြိုက်ရင် ဝေဖန်စရာမရှိအောင်နေကြ(ဒေါ်အောင်ဆန်းစုကြည်)
ဝေဖန်တာမကြိုက်ရင် ဝေဖန်စရာမရှိအောင်နေကြ(ဒေါ်အောင်ဆန်းစုကြည်)
Tuesday, August 21, 2018
ဒေါ်စု စင်ကာပူမိန့်ခွန်း ကောက်နုတ်ချက်
 |
| နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် (Myanmar State Counsellor Office) |
မူဝါဒဆိုင်ရာ ဒီမိန့်ခွန်းထဲမှာတော့ လက်ရှိ မြန်မာနိုင်ငံရဲ့ ဦးစားပေးလုပ်ငန်းစဉ်ဖြစ်တဲ့ ငြိမ်းချမ်းရေးလုပ်ငန်းစဉ်နဲ့ နိုင်ငံတကာက အထူးစိတ်ဝင်စားနေတဲ့ ရခိုင်ပြည်နယ်က အကြပ်အတည်းအခြေအနေတွေကို နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က အဓိကထားရှင်းလင်းသွားပါတယ်။ ဒါ့အပြင် မြန်မာ့စီးပွားရေး ရင်းနှီးမြုပ်နှံမှုအခြေအနေ၊ ကျန်းမာရေး ပညာရေး လူမှုရေးဆိုင်ရာ စိန်ခေါ်ချက်တွေနဲ့ မြန်မာနိုင်ငံအသွင်ကူးပြောင်းရေးရဲ့ နိုင်ငံရေးအရ စိန်ခေါ်ချက်တွေကိုလည်း ချပြ ပြောဆိုသွားပါတယ်။ ဖွဲ့စည်းပုံအခြေခံဥပဒေပြင်ဆင်ရေးကို အဓိကထားလုပ်မယ်လို့ ကြွေးကြော်ပြီးတက်လာတဲ့ NLD ပါတီအနေနဲ့၊ သူ့အစိုးရလက်ထက်အတွင်း ဖွဲ့စည်းပုံပြင်ရေးဟာ အတော်လေး အသံမှိန်ခဲ့တာပါ။ ဒါပေမယ့် ဒေါ်အောင်ဆန်းစုကြည်ရဲ့ အခု မူဝါဒဆိုင်ရာမိန့်ခွန်းမှာတော့ ဖွဲ့စည်းပုံပြင်ရေးဟာ အသွင်ကူးပြောင်းရေးအတွက် အဆုံးအဖြတ်ပေးမယ့် လုပ်ငန်းစဉ်ဖြစ်တယ်လို့ ပြောသွားပါတယ်။
“ ဖွဲ့စည်းပုံပြင်ဆင်ရေးဟာ ကျမတို့အစိုးရဲ့ ရည်မှန်းချက်တရပ်ဖြစ်ပါတယ်။ ဒီနေရာမှာတော့ ဒါကို ပြန်ပြီး အလေးထားပြောရမှာပါ။ ဘာကြောင့်လဲဆိုတော့ ကျမတို့ရဲ့ဒီမိုကရေစီအသွင်ကူးပြောင်းရေးလုပ်ငန်းစဉ် အဆုံးသတ်တဲ့နေရာမှာ စစ်မှန်တဲ့ဒီမိုကရေစီနည်းကျ ဖွဲ့စည်းပုံတရပ် အပြီးသတ်ရေးဆွဲချမှတ်မှု ပါဝင်ရမှာဖြစ်ပါတယ်။ အခုအထိတော့ ဒါဖြစ်မလာသေးပါဘူး။ ဒီအတွက် ညှိုနှိုင်းဆွေးနွေးမှုတွေနဲ့ တဖြေးဖြေးလုပ်သွားရမယ်လို့ ကျမတို့ ရည်မှန်းထားပါတယ်။”
နိုင်ငံတကာက အထူးစိတ်ဝင်စားနေတဲ့ ရခိုင်မြောက်ပိုင်းပဋိပက္ခအခြေအနေနဲ့ပတ်သက်လို့လည်း လက်ရှိ မြန်မာအစိုးရဆောင်ရွက်ချက်တွေ ကိုင်တွယ်ပုံတွေကို ဒေါ်အောင်ဆန်းစုကြည်က ရှင်းလင်းပြောခဲ့သလို၊ ဒုက္ခသည်တွေ နေရပ်ပြန်ရေးအတွက် ကုလသမဂ္ဂအဖွဲ့အစည်းတွေနဲ့ ပူးပေါင်းဆောင်ရွက်နေတဲ့အကြောင်းပြောပါတယ်။ ဒါ့အပြင် အကြမ်းဖက်ဝါဒစွဲလုပ်ရပ်တွေဟာ အခုအချိန်အထိ အဲဒီဒေသကို ခြိမ်းခြောက်နေတယ်လို့ ပြောပါတယ်။
“ အကြမ်းဖက်ဝါဒစွဲလုပ်ရပ် ခြိမ်းခြောက်မှုတွေဟာ ရခိုင်ပြည်နယ်က လူသားရပ်တည်မှုအကြပ်အတည်းကို ဖြစ်စေခဲ့တဲ့ ကနဦးအကြောင်းတရားဖြစ်ပြီး၊ ဒီနေ့အထိကို ဒီလုပ်ရပ်က ခြိမ်းခြောက်မှုအဖြစ် ရှိနေပါတယ်။ လုံခြုံရေးဆိုင်ရာ ဒီစိန်ခေါ်ချက်ကို မဖြေရှင်းနိုင်သရွေ့တော့ လူမျိုးရေးဘာသာရေး အကြမ်းဖက်မှုတွေက ရှိနေဦးမှာပါ။ ဒီခြိမ်းခြောက်မှုဟာ မြန်မာနိုင်ငံအတွက်တင်မဟုတ်ဘူး၊ ကျမတို့ ဒေသနဲ့နိုင်ငံတကာကိုပါ ခြိမ်းခြောက်မှုတရပ်ဖြစ်စေပါတယ်။ အကြမ်းဖက်ဝါဒစွဲလုပ်ရပ်တွေကို ဘယ်လိုအကြောင်းတရားနဲ့ပဲ လက်ခံခွင့်လွှတ်လို့မရပါဘူး။”
မြန်မာနဲ့ပတ်သက်လို့ နိုင်ငံတကာအနေနဲ့ လတ်တလော အာရုံစိုက်နေကြတဲ့အထဲမှာ ရခိုင်အခြေအနေပြီးရင်တော့ မြန်မာနိုင်ငံတွင်းရင်းနှီးမြုပ်နှံမှုကိစ္စဖြစ်တယ်လို့ ဒေါ်အောင်ဆန်းစုကြည်က သူ့အမြင် ပြောပါတယ်။ ဒီအတွက်လည်း မြန်မာဖက်က ပြင်ဆင်ဆောင်ရွက်နေမှုကို သူက ရှင်းပြပါတယ်။
“ မြန်မာနိုင်ငံဟာ ရင်းနှီးမြုပ်နှံသူတွေ အဆင်ပြေပြေ ချောချောမွေမွေနဲ့ လုံခြုံစိတ်ချရဖို့၊ သူတို့ရဲ့ အကျိုးစီးပွားနဲ့ ကျမတို့နိုင်ငံဖွံဖြိုးရေးရည်မှန်းချက်တွေနဲ့ ဟန်ချက်ညီဖို့ ဆိုတဲ့ စီးပွားရေးဝန်းကျင်ကောင်းတခုဖြစ်လိုပါတယ်။ နိုင်ငံတွင်းမှာ စီးပွားရေးအလေ့အထကောင်းတွေနဲ့ စီမံအုပ်ချုပ်မှုကောင်းဖြစ်လာဖို့ ရင်းနှီးမြုပ်နှံမှုဆိုင်ရာဥပဒေ၊ စီးပွားရေးကုမဏီလုပ်ငန်းဥပဒေတွေကို အသေအချာ ပြင်ဆင်ရေးဆွဲထားပါတယ်။ အဟန့်အတားတွေကိုဖယ်ရှားပြီး၊ လုပ်ငန်းတွေမြန်မြန်ဆန်ဆန်ဖြစ်ဖို့လည်း ဆောင်ရွက်ထားပါတယ်။”
ဒါ့အပြင်လက်ရှိအစိုးရရဲ့ ဦးစားပေးဆောင်ရွက်ချက်ဖြစ်တဲ့ ငြိမ်းချမ်းရေးလုပ်ငန်းစဉ်ကို ပြောဆိုရာမှာ နှစ်နှစ်အတွင်း ၂၁ ရာစုပင်လုံညီလာခံ သုံးကြိမ်ခေါ်ယူခဲ့တဲ့အတွက် အဲဒီမှာ တိုးတက်မှုရလဒ်တွေရခဲ့တယ်လို့ ပြောပါတယ်။ ဒါပေမယ့်လည်း တဖက်မှာ အခက်အခဲတွေ ရှိနေတာကိုလည်း မငြင်းပါဘူး။
“ စိန်ခေါ်ချက်တွေနဲ့ ကြီးကြီးမားမားရှိနေသလို တပ်မတော်နဲ့ တိုင်းရင်းသားအဖွဲ့တွေအကြားမှာရော တိုင်းရင်းသားလက်နက်ကိုင်အဖွဲ့အစည်းအချင်းအချင်းအကြားမှာရော လက်နက်ကိုင်ပဋိပက္ခတွေ ဆက်ဖြစ်နေပါတယ်။ ဒီစိန်ခေါ်ချက်တွေကို အမြဲမပြတ်စောင့်ကြည့် သတိပြုနေပါတယ်။ ဒီအတွက် အပြန်အလှန်နားလည်မှုတွေနဲ့ ညှိုနှိုင်းဖြေရှင်းဆောင်ရွက်သွာဖို့ ရည်မှန်းထားပါတယ်။”
တချိန်တည်းမှာ ကျန်းမာရေး ပညာရေး လူမှုရေးဆိုင်ရာ မြန်မာနိုင်ငံရဲ့ လက်ရှိအခြေအနေနဲ့ စိန်ခေါ်ချက်တွေကို ချပြခဲ့ပါတယ်။ အခုလိုမြန်မာနိုင်ငံကြုံနေရတဲ့ အခက်အခဲတွေ စိန်ခေါ်ချက်တွေကိုလည်း စင်ကာပူနိုင်ငံအပါအ၀င် အာဆီယံနိုင်ငံအနေနဲ့ အနီးစပ်ဆုံး နားလည်မှုပေးနိုင်မယ်လို့လည်း သူ့အနေနဲ့ ယုံကြည်တဲ့အကြောင်းနဲ့၊ မြန်မာလူထုအနေနဲ့ ဒီ အခက်အခဲတွေကို ကျော်လွှားနိုင်မယ့် စွမ်းပကားရှိတယ်လို့ ယုံကြည်ကြောင်း ဒေါ်အောင်ဆန်းစုကြည်က သူ့မိန့်ခွန်းထဲ ပြောဆိုသွားပါတယ်။
သားညွန့်ဦး / ဗွီအိုအေ (မြန်မာပိုင်း)
https://burmese.voanews.com
Monday, July 30, 2018
၃ နှစ်ဆိုတာ နိုင်ငံ တစ်နိုင်ငံမှာ သိသာထင်ရှားတဲ့ တိုးတက်မှုဖြစ်ဘို့ အချိန် နည်းလွန်းတယ်လို့ မဆိုနိုင်ပါ။
"တချို့ကတော့ ဒီအစိုးရသစ်သက်တမ်း ၃ နှစ် သားဘဲ ရှိသေးတယ်လို့ ဖော့ပြီးပြောပါတယ်။
ကျွန်မက ပြန်ဖြေလိုက်တယ်...အမေရိကန် သမ္မတ က တစ်ခါလျှင် ၄ နှစ်ဘဲ ပြန်အရွေးခံရ ပါတယ်။အဲ့ဒီအချိန်အတွင်းမှာ ပြည်သူတွေရဲ့ မျှော်လင့်ချက်တွေကို လုံလောက်အောင်တော့ ဖြည့်စည်းပေးရပါမယ်။ ၃ နှစ်ဆိုတာ နိုင်ငံ တစ်နိုင်ငံမှာ သိသာထင်ရှားတဲ့ တိုးတက်မှုဖြစ်ဘို့ အချိန် နည်းလွန်းတယ်လို့
မဆိုနိုင်ပါ။ တိုးတက်မှုကလည်း ပြည်သူတို့ရဲ့ ဘဝတိုးတက်မှုနဲ့ ပြရမှာပါ...."****
...........
ဒေါ်အောင်ဆန်းစုကြည်
7 .10 .2013
Monday, June 18, 2018
ဇူလိ်ုင် ၁၃၊ ၁၉၄၇က ဗိုလ်ချုပ်အောင်ဆန်း၏ ပြည်သူသို့ နောက်ဆုံးမိန့်ခွန်း
“တိုင်းပြုပြည်ပြုလွှတ်တော် [ဖော်ဆောင်ရတာဟာ] အိမ်ဟောင်းကို တည်ရုံအလုပ်မဟုတ်ဘဲနဲ့ တခုလုံး ဖျက်ဆီးပြီးတဲ့နောက် အဲဒီပျက်သွားတဲ့ နေရာမှာထပ်ပြီး အိမ်အသစ်ဆောက်တာနဲ့ တူပါတယ်။
ကျွန်တော်တို့ဟာ တိုင်းပြည်ကို ပြောခဲ့တဲ့အတိုင်း လုံးဝလွတ်လပ်ရေးကို ကျွန်တော်တို့ရအောင် လုပ်မယ်ဆိုတဲ့အတိုင်း အဲဒီလုံးဝလွတ်လပ်ရေးကို ကျွန်တော်တို့ ဆုံးဖြတ်ခဲ့တယ်။ ဒီလုံးဝလွတ်လပ်ရေးကို ဆုံးဖြတ်ပြီးတဲ့နောက် ကျွန်တော်တို့ ဒီတိုင်းပြည်ကို ကြေညာထားတဲ့အတိုင်း တနှစ်အတွင်း လုံးဝလွတ်လပ်ရေးရအောင် လုပ်မယ်ဆိုတာလဲ ကျွန်တော်တို့လုပ်နေလျက်ပါပဲ။
ဘယ်အစိုးရမှလဲ ချွတ်ယွင်းချက်မရှိတဲ့ အစိုးရမရှိဘူး။ သို့သော်လဲဘဲ တိုင်းပြည်အပေါ်မှာ စေတနာရှင်းရှင်းထားပြီး တဆင့်ထက်တဆင့် ကျွန်တော်တို့လုပ်လာတဲ့ လုပ်ငန်းဟာ တိုးတက်သလား မတိုးတက်ဘူးလား ဆိုတာခင်ဗျားတို့ ပြန်ကြည့်ပါ။……..နောက်အတော်လေးကြာလာယင် ကျွန်တော်တို့ဟာ တိုင်းပြည်ကို အတိအလင်း ကြေညာနိုင်တဲ့ စကားမျိုးလုပ်လာနိုင်ပါဦးမယ်။
အဲဒီလို လုပ်လာတဲ့အခါမှာ ကျွန်တော်တို့ဟာ လွတ်လပ်ရေးလုပ်ငန်းမယ် ဘယ်ထိအောင် တစခန်း တက်လာပြီး ဘယ်ထိအောင် ပြန်လည်ထူထောင်ရေး လုပ်ငန်းမှာ ဘယ်လို တစခန်း တက်လာပြန်ပြီ အစရှိသည်အားဖြင့် အဲဒီလို အခွင့်အလမ်းတွေကိုလဲ ခင်ဗျားတို့ မြင်ရပါလိမ့်မယ်။ အဲဒီလို တိုင်းပြည် ပြန်လည်ထူထောင်ရေးမယ် လုပ်တဲ့လုပ်ငန်းမှာလဲ တဆင့်တက်လာတာကိုသော်၎င်း၊ အခုလွတ်လပ်ရေးလုပ်ငန်းနဲ့ပတ်သက်
ပြီး တဆင့်တက်လာတာကိုသော်၎င်း အဲဒီလိုတက်လာတာကို ခင်ဗျားတို့ ရက်မကြာမီမှာ မြင်ရပါလိမ့်မယ်။
အဲဒီလို မြင်ရရုံမကဘူး။ ကျွန်တော်တို့ ဒီအစိုးရနှင့် အရင်ကရှိတဲ့ အစိုးရတွေနှင့် ယှဉ်ကြည့်လိုက်ယင် ကျုပ်ပြောရဲတယ်။ ယခု အစိုးရထဲမှာ လာဘ်စားတဲ့လူတွေ မရှိပါဘူးဆိုတာ ကျုပ်ပြောရဲတယ်။
ကျုပ်တို့ဟာ ဒီတိုင်းပြည်မှာ အစိုးရဖြစ်အောင် အတင်းအဓမ္မလုပ်လာလို့ အစိုးရဖြစ်တာ မဟုတ်ဘူး။ တိုင်းပြည်လူထုရဲ့ ထောက်ခံမှုနဲ့ ကျုပ်တို့အစိုးရဖြစ်နေတာ တိုင်းပြည်ကမကြည်ညိုဘူးဆိုတာ ကျုပ်တို့သိတဲ့တနေ့မှာ ကျုပ်တို့လဲ မနေဘူး။ တွယ်မနေပါဘူး။ ထွက်မှာပါဘဲ။ သို့သော်လဲဘဲ တနှစ်လောက် ကျုပ်တို့ကို စောင့်ကြည့်တဲ့အခါမှာ ကျုပ်တို့ဟာ ဘယ်လိုလူစားတွေလဲ။ ရာဇ၀င်မှာ အရေးခံမဲ့ လူစားမျိုးတွေလား။ ရာဇ၀င်မှာ အဆဲခံမဲ့ လူစားမျိုးတွေလားဆိုတာ ခင်ဗျားတို့ ကိုယ်တိုင်သိပါလိမ့်မယ်။……..
တိုင်းရင်းသားအချင်းချင်း ညီညွတ်ရေး၊ တိုင်းရင်းသားလူထု ညီညွတ်ရေး၊ စားဖားသမားတွေ ညီညွတ်တာ ကျွန်တော်မလိုချင်ပါဘူး။ တိုင်းရင်းသား အချင်းချင်းညီညွတ်ရေး၊ တိုင်းသူပြည်သား လူထုညီညွတ်ရေး၊ အဲဒီညီညွတ်ရေး နှစ်ခုမရှိသမျှ ကာလပတ်လုံး၊ ဒီတိုင်းပြည်ဟာ လွတ်လပ်ပင်လွတ်လပ်ငြားသော်လဲ ဘယ်ပါတီတက်တက်၊ ဘယ်အစိုးရလုပ်လုပ်၊ ဖာသယ်တိုင်းပြည်ဖြစ်နေမှာဘဲလို့ကျွန်တော်ပြောချင်တယ်။…..
ဗမာတွေ စိတ်ထဲမှာ ဗမာတွေဟာ စိတ်ဓာတ်ထက်တယ် ဘာညာနဲ့ တလွဲဆံပင်ကောင်းနေတယ်ဆိုတာနဲ့ အတူတူပါဘဲ။ ဒီစကားဟာ ဒီနေရာမှာသုံးဖို့ ဟာတွေပဲ။ ဗမာတွေစိတ်ဓာတ်က မဟုတ်တဲ့နေရာမှာ သွားပြီးကောင်းနေတယ်။ တကယ့်နေရာတွေကျတော့ အသုံးမကျဘူး။ ဗမာပြည် လွတ်လပ်ရေးရအောင် ဆိုတာမျိုးမှာ အသုံးမချတတ်ဘူး။ ဗမာပြည်ပြန်လည်ထူထောင်ရေးလုပ်တဲ့ နေရာမျိုးမှာ အသုံးမချတတ်ဘူး။ ဗမာဗမာချင်း ချဖို့မှာ လုပ်ချင်တယ်။….
ခင်ဗျားတို့ဟာ လွတ်လပ်ရေးကို လိုချင်ယင်၊ လွတ်လပ်ရေးရနိုင်လောက်တဲ့ စည်းကမ်းကို ရှိကြပါ။ လွတ်လပ်ရေးကို လိုချင်လို့ရှိယင် လွတ်လပ်ရေးကို ရနိုင်တဲ့ ညီညွတ်မှုကို ထိန်းသိမ်းထားပါ။ လွတ်လပ်ရေးကို လိုချင်ယင် လွတ်လပ်ရေးကို ရနိုင်တဲ့ ထူထောင်မှုကို လုပ်ကြပါ။ အဲဒီလို လုပ်ပြီးတဲ့နောက် ရှေ့ကို လွတ်လပ်ရေးအရသာကို ခံစားစံစားချင်တယ်ဆိုယင်၊ အလုပ်လုပ်ကြဖို့၊ စည်းကမ်းရှိကြဖို့၊ ယခုကတည်းက ခင်ဗျားတို့ကိုယ်ကို အကျင့်ဆိုးတွေ၊ အကျင့်ဟောင်းတွေ၊ စောက်ကျင့်တွေကိုပြင်ကြဖို့ လိုပြီဆိုတာ ကျွန်တော် ကနေ့ပြောခဲ့ချင်တယ်။”
(စာပေဗိမာန်ထုတ် ပြည်သူ့လက်စွဲစာစဉ်ထုတ် ဗိုလ်ချုပ်အောင်ဆန်းမိန့်ခွန်းများ ၁၉၄၅-၁၉၄၇ စာအုပ်မှ မူရင်းသတ်ပုံအတိုင်း ကောက်နုတ်ဖော်ပြသည်။)
Thursday, April 26, 2018
ဒေါ်အောင်ဆန်းစုကြည၏ မိန့်ခွန်းများ - ၉ [Freedom from Fear - 22]
တပ်မတော်ဟာ ဘယ်သူ့အတွက်လဲ
လူ့ဘောင်သစ်ပါတီရုံး အနော်ရထာလမ်းတွင် ၁၀-၇-၈၉ နေ့က ပြောကြားသည်။
* * *
အခုအချိန်မှာဆိုလို့ရှိရင် ကျမတို့ဟာ ဇူလိုင်လ ၇ ရက်နေ့တုန်းက ကျောင်းသားလူငယ်များ ကျဆုံးခဲ့ခြင်း၊ သမဂ္ဂဖြိုခွဲခံရခြင်း အခမ်းအနားကို နှစ်ပတ်လည် ကျင်းပပြီးခဲ့ပါပြီ။ ဇူလိုင်လ ၁၉ ရက်နေ့မှာ အာဇာနည်နေ့ ဖြစ်တဲ့ ဖေဖေနဲ့တကွ အခြားနိုင်ငံ့ခေါင်းဆောင်များ ကျဆုံးတဲ့နေ့လည်း လာပါဦးမယ်။ အဲ့ဒီတော့ ဒီအချိန်မှာ ကျမတို့အားလုံး စဉ်းစားစရာတွေ အမျိုးမျိုးရှိပါတယ်။ အရင်အပတ်က ဆိုလို့ရှိရင် နိုင်ငံတော်ငြိမ်ဝပ်ပိပြားရေး ဥက္ကဌ ဗိုလ်ချုပ်ကြီးစောမောင်က မိန့်ခွန်းတော်တော်ရှည်ရှည်ပဲ ပြောသွားပါတယ်။ ဒီမိန့်ခွန်းကို ကျမ ပြန်ပြီးတော့ သုံးသပ်လိုက်တဲ့အခါကျတော့ ဘာတွေပေါ်လာသလဲ။ နံပါတ် (၁) ကတော့ ဗိုလ်ချုပ်ကြီးစောမောင်တို့အနေနဲ့ ညှိနှိုင်း၊ ဆွေးနွေး၊ တိုင်ပင်ခြင်းကို မယုံကြည်ဘူးဆိုတာ ပြပါတယ်။ ဒါကိုတော့ ကျမတို့ ကန့်ကွက်ပါတယ်။ နိုင်ငံရေးပြဿနာကို နိုင်ငံရေးနည်းနဲ့ ညှိနှိုင်းရမယ်၊ ဆွေးနွေးရမယ်၊ တိုင်ပင်ရမယ်။ ဒါမှလည်း ပြည်သူလူထု မနာဘူးပေါ့။ နောက်တခုကလည်း ကျမ တွေ့ခဲ့ရတာကတော့ ဗိုလ်ချုပ်ကြီးစောမောင်ရဲ့ မိန့်ခွန်းထဲမှာ ပြည်သူလူထုကို ခြိမ်းခြောက်တာပါတယ်လို့ ကျမ မြင်ပါတယ်။ ဒီလို ခြိမ်းခြောက်တယ်ဆိုတာ နဲနဲမှ မသင့်တော်ပါဘူး။ တို့ဘက်မှာ လက်နက်ရှိလို့ သုံးချင်တိုင်း သုံးနိုင်တယ်လို့ ပြောတဲ့ သဘောဟာ နဲနဲမှ မသင့်တော်ပါဘူး။ ဒါဟာ အစိုးရအနေနဲ့ သုံးသင့်သုံးထိုက်တဲ့ စကားလုံးများလည်း မဟုတ်ပါဘူး။ ပြောသင့်ပြောထိုက်တဲ့ ကိစ္စများလည်း မဟုတ်ပါဘူး။ ထားသင့်ထားထိုက်တဲ့ သဘောထားများလည်း မဟုတ်ပါဘူး။
အခုဆိုလို့ရှိရင် တပ်မတော်ကရော၊ နဝတ ကရော ထပ်တလဲလဲပြောပါတယ်။ ဗိုလ်ချုပ်အောင်ဆန်းဟာ တပ်မတော်ရဲ့ ဖခင်ပါ။ အမျိုးသားခေါင်းဆောင်ကြီးပါ။ အဲဒီတော့ အခု ကျမတို့ ပြန်ပြီးတော့ စဉ်းစားရမယ်။ ဇူလိုင်လ ၁၉ ရက်နေ့ဆိုလို့ရှိရင်၊ ဖေဖေဆုံးသွားတာ ၄၂ နှစ်ပြည့်တော့မယ်၊ အဲဒီတော့ ဒီလို ၄၂ နှစ်ပြည့်တဲ့အခမ်းအနား မတိုင်ခင် ကျမတို့ စဉ်းစားရမယ်။ ဗိုလ်ချုပ်အောင်ဆန်းဟာ တပ်မတော်ရဲ့ ဖခင်လို့ ဆိုလို့ရှိရင် တပ်မတော်ဟာ ဖေဖေလိုချင်တဲ့ အတိုင်း လုပ်နေရဲ့လား။ တပ်မတော်ရဲ့ ဖခင်ဆိုတဲ့ ဗိုလ်ချုပ်အောင်ဆန်း ချမှတ်လိုက်တဲ့ လမ်းစဉ်အတိုင်း ဒီတပ်မတော်ဟာ ဆက်ပြီးတော့ လုပ်နေရဲ့လားဆိုတာ ကျမတို့ မေးရလိမ့်မယ်။ ဒီလိုမေးတဲ့အခါကျမှ ကျမ ဘယ်လိုမြင်ရသလဲဆိုတော့ ဖေဖေဟာ တပ်မတော် လမ်းမှားသွားမှာ အင်မတန်မှ စိုးရိမ်ခဲ့တယ်။ ထပ်တလဲလဲ ပြောခဲ့တယ်။ မင်းတို့လက်ထဲမှာ လက်နက်ရှိလို့ လုပ်ချင်တိုင်းလုပ်လို့ရမယ် မထင်နဲ့။ ပြည်သူလူထုကို ခြိမ်းခြောက်တာ၊ နှိပ်စက်တာ၊ ဖိစီးတာ၊ ဒါတွေမလုပ်နဲ့ဆိုတာ ထပ်တလဲလဲပြောခဲ့တယ်။ ဒီတပ်မတော်ဟာလည်း လူတယောက်ထဲအတွက် မဟုတ်ဘူး။ အဖွဲ့အစည်းတခုအတွက် မဟုတ်ဘူး ဆိုတာလည်း ထပ်တလဲလဲပြောခဲ့တယ်။ တပ်မတော် လမ်းမှားသွားမှာကို ဖေဖေ အင်မတန်မှ စိုးရိမ်ခဲ့တယ်။ ဒီလောက်တောင်မှ စိုးရိမ်နေလျက်နဲ့ ဘာဖြစ်လို့ လမ်းမှားသွားရသလဲ။ ဦးနေဝင်းဟာ တပ်မတော်ကို လမ်းမှားပေါ် တင်ပေးလိုက်တယ်။ အခု ဒီမှာ တပ်မတော်ထဲမှာ ရှိနေတဲ့ တပ်မတော်သားများ၊ အရာရှိများ စဉ်းစားပါ။ တပ်မတော်ရဲ့ ဖခင်ဆိုတာ ဗိုလ်ချုပ်အောင်ဆန်းဆိုပြီးတော့ အတိအလင်းကြေညာထားပြီး ဗိုလ်ချုပ်အောင်ဆန်းဟာ တပ်မတော်ကို ဘယ်လိုအနေအထားရှိစေချင်သလဲဆိုတာ ပြန်ပြီးတော့ သုံးသပ်ပါ။ ဗိုလ်ချုပ်အောင်ဆန်း တပ်မတော်လား၊ ဗိုလ်နေဝင်းတပ်မတော်လားဆိုတာ ဆုံးဖြတ်ရတော့မယ်။ ကျမ ဒါကို ရှင်းရှင်းပဲ ပြောပြမယ်။ ခဏခဏ အမျိုးမျိုးပြောနေလို့ အလကားပဲ။ နောက်ဆုံးတော့ ဒီမေးခွန်းပဲ။ ဗိုလ်ချုပ်အောင်ဆန်းရဲ့ လမ်းစဉ်ကိုလိုက်မယ့် တပ်မတော်လား၊ ဗိုလ်နေဝင်းရဲ့ မဆလ လမ်းစဉ်ကိုလိုက်မယ့် တပ်မတော်လား။ ကျမတို့အနေနဲ့ ဗိုလ်ချုပ်အောင်ဆန်းရဲ့ လမ်းစဉ်ကိုလိုက်မယ့် တပ်မတော်ဆိုလို့ရှိရင် ပြည်သူလူထုနဲ့ တသွေးထဲ၊ တသားထဲဖြစ်သွားမယ်လို့ ယုံကြည်ပါတယ်။ နောက်ပြီးတော့လည်း ဗိုလ်ချုပ်အောင်ဆန်းဟာ အမျိုးသားခေါင်းဆောင်ကြီးဆိုလို့ရှိရင် အမျိုးသားခေါင်းဆောင်ကြီးရဲ့ လမ်းစဉ်ကို လိုက်ရမယ်။ အမျိုးသားခေါင်းဆောင်ကြီးရဲ့ လမ်းစဉ်ဟာ ဒီမိုကရေစီလမ်းစဉ်ပဲ။ ဒီကိစ္စနဲ့ပတ်သက်လို့ အခုအခြေအနေနဲ့ အင်မတန်မှ ဆီလျော်တဲ့ကိစ္စတွေကို ဖေဖေပြောသွားခဲ့ပါတယ်။ ဒါကို နဲနဲ ကျမ ဖတ်ပြပါမယ်။ ဒီမိုကရေစီဆိုတာ ဘာလဲ။ ကျမတို့ ဘယ်လိုအခွင့်အရေးတွေ ရသင့်သလဲဆိုတာ သေသေချာချာ ဖေဖေရေးသွားတာ ပြေသွားတာ ရှိပါတယ်။
“လွတ်လပ်စွာဖော်ပြခွင့်၊ စည်းရုံးခွင့်၊ အစည်းအဝေးခေါ်ခွင့်နှင့် စီတန်းလမ်းလျှောက်ခွင့်၊ လွတ်လပ်စွာ တွေးခေါ်ခွင့်၊ ကိုးကွယ်လိုရာ ဘာသာ ကိုးကွယ်ခွင့်၊ တရားနှင့်မညီသော အဖမ်းအဆီး အချုပ်အနှောင်မှ ကင်းလွတ်ခွင့်၊ ကိုယ်ရေးလွတ်လပ်ခွင့်၊ ကိုယ့်အိမ်ကိုယ့်ယာနဲ့ နေထိုင်ခြင်းကို မတရားသဖြင့် နှောင့်ယှက်ခြင်းမှ လွတ်ကင်းခွင့်၊ လူတိုင်း ပညာသင်ကြားနိုင်ခွင့်၊ အခမဲ့ ဆေးဝါးအကူအညီရရှိခွင့်၊ မတရားသဖြင့် စီးပွားချုပ်ချယ်မှုများမှ လွတ်ကင်းချမ်းသာခွင့်၊ အလုပ်သမား လယ်သမားများရဲ့ အနည်းဆုံးအခွင့်အရေးများကို အစိုးရက စောင့်ရှောက်ပေးရေး၊ တိုင်းပြည်တွင် တိုင်းရင်းသားလူမျိုးတိုင်း ကိုယ့်ဘာသာ၊ ကိုယ့်ဓလေ့၊ ကိုယ့်ယဉ်ကျေးမှုအတိုင်း ဆောင်ရွက်နိုင်ခွင့်၊ အိုစာ၊ နာစာ အထိအခိုက်လျော်ကြေး ရံပုံငွေ အစရှိသည်တို့ကို အစိုးရက ထားပြီး အိုမင်း၍၎င်း၊ ဖျားနာ၍၎င်း၊ ထိခိုက်နာကျင်၍၎င်း၊ အလုပ်လုပ်ချင်သော်လည်း အလုပ်မရှိနိုင်၍ သော်၎င်းး၊ အသက်မွေးဝမ်းကျောင်း မပြုနိုင်သူများသည် အစိုးရ၏ အထောက်အပံ့များကို ရရှိခွင့်၊ ဒီမိုကရေစီအခွင့်အရေးမျိုးတွေ ရရှိရမယ်” တဲ့။
အဲ့ဒီတော့ ဒီအခွင့်အရေးတွေမှ ကျမတို့ ဘယ်လောက်ရှိသလဲ ပြန်ကြည့်ပါ။ လွတ်လပ်စွာဖော်ပြခွင့်၊ စည်းရုံးခွင့်။ ကျမတို့မှာ လွတ်လပ်စွာစည်းရုံးခွင့် မရှိပါဘူး။ ဒီလို လွတ်လပ်စွာ စည်းရုံးခွင့်တွေကို ကျမတို့ တောင်းနေတာတွေကို နဝတက လျစ်လျူရှုထားတယ်။ ဒါ အမျိုးသားခေါင်းဆောင်ကြီး ဗိုလ်ချုပ်အောင်ဆန်းရဲ့ လမ်းစဉ်ကိုလေးစားတာပြတာလား။ မဟုတ်ပါဘူး။ လွတ်လပ်စွာ အစည်းအဝေးခေါ်ခွင့်နှင့် စီတန်းလမ်းလျှောက်ခွင့်။ အခုတော့ ကျမတို့နိုင်ငံမှာ လွတ်လပ်စွာ စီတန်းလမ်းလျှောက်လို့ရှိရင် သေနတ်နဲ့ပစ်မယ်လို့ချည်းပဲ ခြိမ်းခြောက်ခံ နေရပါတယ်။ ဒါဟာ ဦးနေဝင်းရဲ့ စနစ်တွေပဲ။ ဦးနေဝင်းရဲ့ အကျင့်တွေပဲ။ ဘာဖြစ်လို့ ဦးနေဝင်းဟာ အငြိမ်းစား သွားပြီဆိုလို့ရှိရင် ဦးနေဝင်းရဲ့ အကျင့်တွေကို ဆက်ပြီးတော့ ကျင့်နေသလဲဆိုတာ ကျမတို့ မေးရမှာပဲ။ ဒီတော့ ကျမတို့အနေနဲ့ နဝတနဲ့ ဗိုလ်ချုပ်ကြီးစောမောင်ကို ပြောချင်တာကတော့ ဦးနေဝင်း အငြိမ်းစားသွားပါပြီလို့ မပြောပါနဲ့။ ကျမတို့ဟာ တကယ်ပဲ ဦးနေဝင်းဟာ တပ်မတော်အပေါ်မှာရော၊ နဝတအပေါ်မှာရော ဩဇာမရှိတော့ဘူးဆိုတာ ယုံစေချင်တယ်ဆိုလို့ရှိရင် ဦးနေဝင်းရဲ့ ကျင့်ထုံး၊ ကျင့်နည်းတွေကို လုံးလုံးဖယ်လိုက်ပါတော့။ ဦးနေဝင်းရဲ့ ကျင့်ထုံးကျင့်နည်းဆိုတာ လက်နက်နဲ့ ပြည်သူလူထုတွေကို ဖိနှိပ်တဲ့နည်းပဲ။ ပြည်သူလူထုကို လက်နက်နဲ့ ခြိမ်းခြောက်ပြီးတော့ ထိန်သိမ်းတဲ့နည်းပဲ။ မတရားသဖြင့် ဖမ်းဆီးတဲ့နည်းတွေပဲ။ ပြည်သူလူထုရဲ့ လွတ်လပ်မှုကို ချုပ်ချယ်ထားတဲ့နည်းတွေပဲ။ ဒီဟာတွေဟာ ဦးနေဝင်းရဲ့ နည်းတွေပဲ။ အဲ့ဒီတော့ ဗိုလ်ချုပ်ကြီးစောမောင်နဲ့ နဝတဟာ တကယ်ပဲ ဦးနေဝင်းရဲ့ ဩဇာအာဏာအောက်ကနေပြီးတော့ ရုန်းကန်ရဲတဲ့ သတ္တိရှိတယ်ဆိုတာ ပြချင်ရင် ဦးနေဝင်းနည်းတွေကို ဆက်ပြီးတော့ မသုံးပါနဲ့။
နောက်ပြီးတော့လည်း ဆွေးနွေး၊ ညှိနှိုင်း၊ တိုင်ပင်ခြင်း မလိုလားဘူးဆိုတာလည်း ဦးနေဝင်းရဲ့ ထုံးတခုပဲ။ အဲ့ဒီတော့ အခုအထိ ဗိုလ်ချုပ်ကြီးစောမောင်တို့၊ နဝတတို့ဆိုတာဟာ ပြညသူလူထုဘက်က ရပ်တည်နေတဲ့ ဒီမိုကရေစီအဖွဲ့အစည်းများနဲ့ မညှိနှိုင်း၊ မဆွေးနွေးနိုင်ဘူး၊ မတိုင်ပင်နိုင်ဘူးဆိုတာ ဦးနေဝင်းရဲ့ ထုံးတွေကို ထောက်ခံရာရောက်ပါတယ်။ အခုဆိုလို့ရှိရင် အမျိုးမျိုးခြိမ်းခြောက်နေတယ်။ ဦးနေဝင်းကို ထိခိုက်လို့ရှိရင် ကျမကိုလည်း ဆော်မယ်ဆိုတဲ့ သဘောထားမျိုးနဲ့ ပြောနေတာတွေ ကြားနေပါတယ်။ ဒီတော့ ကျမဟာ ဦးနေဝင်းကို ပုဂ္ဂိုလ်အရ ထိခိုက်ချင်လို့ ပြောတာမဟုတ်ပါဘူး။ ဦးနေဝင်းရဲ့ လုပ်ရပ်တွေဟာ တိုင်းပြည်ကို နာ ခဲ့စေလွန်းလို့၊ ဒီလုပ်ရပ်မျိုးတွေ နောက်ဆက်မဖြစ်စေချင်လို့ ပြောရခြင်းဖြစ်ပါတယ်။ အခုအချိန်မှာဆိုလို့ရှိရင် ကျမတို့ဟာ ပြဿနာတွေကို ခေါင်းရှောင်နေလို့တော့ ပြေလည်အောင် ဖြေရှင်းနိုင်မှာ မဟုတ်ပါဘူး။ ဒီပြဿနာတွေကို ကျမတို့ ခေါင်းရှောင်ခဲ့လို့ ဒီနိုင်ငံဟာ ဒုက္ခရောက်နေတာပဲ။ ကျမတို့ဟာ ပြဿနာတွေကို ရင်ဆိုင်ရမယ်။ အခုဆိုရင် ဗိုလ်ချုပ်ကြီးစောမောင်ဟာ confrontation ဆိုတာကို head on ထိပ်တိုက်တွေ့ခြင်းလို့ ပြောသွားပါတယ်။ ကျမတို့ဟာ တခါမှ ဒီလိုထိပ်တိုက်တွေ့ခြင်းကို လိုချင်တာမဟုတ်ပါဘူး။ ပြဿနာတွေကို ရင်ဆိုင်ဖြေရှင်းမယ်၊ ကျမတို့ဟာ စားပွဲဝိုင်းတိုက်ပွဲဝင်ချင်တယ်။ စားပွဲဝိုင်းတိုက်ပွဲကိုတော့ သတ္တိရှိရှိနဲ့ မဝင်ရဲတဲ့လူတွေ ဘာဖြစ်လို့ သေနတ်ကိုင်နေသလဲ။ ဒီတော့ ကျမတို့ဘက်မှာ ပါတီပေါင်း (၈၀) ရှိနေလို့ တယောက်နဲ့ ရှစ်ဆယ် ဖြစ်နေတယ်လို့ ပြောတယ်။ ဘယ့်နှယ့် ဒီလို ပြောနိုင်ပါ့မလဲ။ ဒီလိုဆိုရင် ကျမတို့လည်း ပြောနိုင်ပါတယ်။ ကျမတို့ ပြည်သူလူထုမှာ သေနတ်တလက်မှမရှိလို့ သုညနဲ့ သေနတ်ပေါင်း တသိန်းရှစ်သောင်း ဖြစ်နေပါတယ်။ မပစ်ပါနဲ့၊ ဒီလို အပ်တချောင်းမှမရှိတဲ့ ပြည်သူလူထုကို လက်နက်အင်အားနဲ့ ခြိမ်းခြောက်နေတယ်ဆိုတာ အင်မတန် မကောင်းတဲ့ ကိစ္စတခု ဖြစ်နေပါတယ်။ အင်မတန် အောက်တန်းကျတဲ့ နိုင်ငံရေးလုပ်နည်းလုပ်ထုံး ဖြစ်ပါတယ်။ နိုင်ငံရေးကို မြင့်မြင့်မြတ်မြတ် လုပ်ဖို့ဖြစ်ပါတယ်။ အဲ့ဒီတော့ ကျမတို့ စားပွဲဝိုင်းတိုက်ပွဲဝင်ရမယ်။ တယောက်ချင်းဆိုလည်း စားပွဲဝိုင်းတိုက်ပွဲပဲ။ နှစ်ယောက်ချင်းဆိုလည်း စားပွဲဝိုင်းတိုက်ပွဲပဲ။ ကျမတို့ ဝင်ရဲပါတယ်။ စားပွဲဝိုင်းတိုက်ပွဲဆိုလို့ အဓိက ရည်ရွယ်ချက်ဟာဘာလဲ။ ပြည်သူလူထုအတွက် အောင်မြင်မှုရှာဖို့ပဲ။ တတိုင်းပြည်လုံးအတွက် အကောင်းဆုံးအဖြေ ရှာဖို့ပဲ။ ဒါကြောင့်မို့လို့ ကျမတို့ အခုလို စားပွဲဝိုင်းတိုက်ပွဲဝင်ချင်တာ။ စားပွဲဝိုင်းတိုက်ပွဲဝင်နေတဲ့ တိုက်ပွဲဝင်အားလုံးဟာ တိုင်းပြည်ရဲ့အကျိုးကို ရှေ့ရှုပြီးတော့ လုပ်သွားရမှာဖြစ်ပါတယ်။ ဒီလို တိုင်းပြည်ရဲ့အကျိုးကို ရှေ့ရှုပြီးတော့ မလုပ်သွားနိုင်လို့ရှိရင်တော့ ဒီတိုင်းပြည်ကို မအုပ်ချုပ်သင့်ဘူးလို့ ကျမက ပြောရမှာပဲ။
အခုဆိုလို့ရှိရင်း ဆန်ပြဿနာဟာ အင်မတန်မှ ကြီးထွားနေပါတယ်။ ဒီလို ဆန်ပြဿနာကြီး ကြီးထွားလာတော့လည်း ဆန်ဈေးတက်ခြင်းဟာ နိုင်ငံရေးပါတီတွေကြောင့် ဆိုပြီးတော့ စွပ်စွဲတယ်။ ဒါ တာဝန်ကို မရင်ဆိုင်ရဲတာဘဲ။ အစိုးရတခုဖြစ်နေရင် ပြဿနာတခုဖြစ်နေမှတော့ ဖြေရှင်းပေါ့။ ဖြေရှင်းနိုင်တဲ့ အရည်းအချင်း မရှိဘူးလား။ ဖြေရှင်းနိုင်တဲ့ အရည်အချင်း မရှိလို့ရှိရင် တာဝန်သိသိနဲ့ ဖြေရှင်းနိုင်တဲ့ အစိုးရတရပ်လက်ကို အာဏာ မြန်မြန်ပေးနိုင်ဖို့ စီစဉ်ရမယ်။
နောက်ဆုံး ခြုံပြီးတော့ပြောရင် ကျမတို့ လိုချင်တာဘာလဲ။ တာဝန်သိသိနဲ့ တိုင်းပြည်ရဲ့ပြဿနာများကို ဖြေရှင်းပေးနိုင်တဲ့ သတ္တိ၊ ဖြေရှင်းပေးနိုင်တဲ့ အရည်အချင်းရှိတဲ့ အုပ်ချုပ်မှုစနစ်တခု လိုချင်တာပဲ။ ဒါဟာလည်း ကျမတို့အားလုံး ရသင့်ရထိုက်တဲ့အခွင့်အရေးပဲ။ တိုင်းပြည်တပြည်ကို အုပ်ချုပ်နေမှဖြင့် ပြဿနာတွေကို ခေါင်းရှောင်ပြီးတော့ တံတားတွေဆောက်နေလို့ မဖြစ်ပါဘူး။ ပြဿနာဆိုတာ တံတားနဲ့ ကျော်လို့ မရပါဘူး။ ရင်ဆိုင်ဖြေရှင်းခြင်းအားဖြင့်သာ ကျော်လို့ရမှာ ဖြစ်ပါတယ်။ ဒီတော့ ခုချိန်မှာ ဗိုလ်ချုပ်ကြီးစောမောင်နဲ့ နဝတဟာ သေသေချာချာ စဉ်းစားကြပါ။ ၁၈ ရက်နေ့ စက်တင်ဘာလက အာဏာသိမ်းတယ်၊ အခုဆိုလို့ရှိရင် ဇူလိုင်လ ၁၀ ရက်နေ့ရှိနေပြီ။ ဒီကြားထဲမှာ တိုင်းပြည်အတွက်၊ ပြည်သူအတွက်၊ ဘယ်လိုအကျိုးဆောင်ခဲ့သလဲ။ ကျမတို့ ပန်းခြံတွေဆောက်တယ်လို့တော့ မဖြေပါနဲ့။ တခြားဟာတွေကို ကျမ မေးတာပါ။ ဘယ်လို အကျိုးဆောင်ခဲ့တယ် ဆိုတာ စဉ်းစားပါ။ ပြည်သူလူထုကို ဘယ်လောက်များ အခွင့်အရေးတွေ ပေးခဲ့သလဲ။ ကောင်းပြီ။ နိုင်ငံရေးပါတီတွေတော့ ဖွဲ့စည်းခွင့်ပေးခဲ့တယ်။ ဒီနိုင်ငံရေးပါတီတွေကို လွတ်လွတ်လပ်လပ် လုပ်ပိုင်ခွင့်မှ မပေးဘဲ။ တနေ့နဲ့တနေ့ ဆိုလို့ရှိရင် ဖမ်းဆီးမှုတွေဟာ များများနေတယ်၊ ဖမ်းပုံဆီးပုံတွေကလည်း တရားဥပဒေနဲ့ မကိုက်ညီဘူး။ တရားဥပဒေနဲ့ကိုက်ညီတဲ့ အလုပ်ဆိုလို့ရှိရင် ကျမတို့ ထောက်ခံပါတယ်။ ကျမ အင်မတန်မှ စည်းကမ်းကို ရိုသေတယ်။ လေးစားတယ်။ လိုလားတယ်။ ကျမတို့ ပြည်သူလူထုကိုလည်း စည်းကမ်းရှိစေချင်တယ်။ စည်းကမ်းမရှိဘူးဆိုလို့ရှိရင် ကျမ အင်မတန်မှ မချင့်မရဲဖြစ်တယ်။ ဒါပေမဲ့ မတရားတဲ့ဥပဒေ၊ မတရားတဲ့ လုပ်ဆောင်မှုတွေကို ကျမတို့ ခေါင်းငုံ့ခံလို့တော့ မဖြစ်ဘူး။ အဲ့ဒီလို ခေါင်းငုံ့ခံလို့ရှိရင် ကျမတို့ ပိပြားသွားမှာပဲ။ ဒီလို ကျမတို့ ဆက်လုပ်လို့ မဖြစ်ဘူး။
အာဏာဖီဆန်ရေးနဲ့ ပတ်သက်လို့ ဗိုလ်ချုပ်ကြီးစောမောင်က ကျမကို မလုပ်ပါနဲ့လို့ ပြောပါတယ်။ ကျမ ဒီကနေ ပြန်ဖြေရပါမယ်။ ကျမတို့ကို အာဏာဖီဆန်ရေး မလုပ်စေချင်လို့ရှိရင် တရားဥပဒေနဲ့မကိုက်ညီတဲ့ အမိန့်အာဏာတွေ မထုတ်ပြန်ပါနဲ့။ တရားဥပဒေနဲ့ မကိုက်ညီတဲ့ အမိန့်အာဏာတွေ မထုတ်ပြန်ရင် ကျမတို့ ဘယ်အမိန့်အာဏာမှလည်း ကျမတို့ ဖီဆန်ဖို့ လိုမှာမဟုတ်ပါဘူး။ အခုအချိန်မှာတော့ တရားဥပဒေနဲ့ မကိုက်ညီတဲ့ အမိန့်အာဏာတွေ၊ ပြည်သူလူထုရဲ့ အခွင့်အရေးတွေကို ထိုးနှက်နေတဲ့ အမိန့်အာဏာတွေ ထုတ်ထားလို့ ကျမတို့မှာ ဖီဆန်ဖို့ တာဝန်ရှိတယ်။ ဒီတာဝန်ကို မကျေပွန်လို့ရှိရင်တော့ ကျမတို့ ဆက်ပြီးတော့ တတ်နိုင်မှာ မဟုတ်ပါဘူး။ ဒီမိုကရေစီအောင်ပန်းကို ဆက်ပြီးတော့ ကျမတို့ ပန်နိုင်မှာ မဟုတ်ဘူး။ ဒါပေမယ့် အာဏာဖီဆန်ရေး ဆိုတာဟာ စည်းကမ်းရှိရှိနဲ့ အေးအေးချမ်းချမ်းနဲ့ အာဏာဖီဆန်ရေးဆိုတာ ကျမတို့ ပြည်သူလူထု နားလည်ဖို့ လိုပါတယ်။ တချို့ဆိုလို့ရှိရင် ဖီဆန်တယ်ဆိုတဲ့ စားလုံးကိုပဲ နဲနဲလန့်နေတယ်လို့ ကျမ ကြားရပါတယ်။ ဒါဟာ ကြောက်စရာမဟုတ်ပါဘူး။ ဖီဆန်တယ်ဆိုတာဟာ လက်မခံခြင်းကို ပြောတာပါ။ မလိုက်နာခြင်း၊ လက်မခံခြင်း၊ ကျမတို့ အေးအေးချမ်းချမ်း စည်းကမ်းရှိရှိနဲ့ မတရားတဲ့ အမိန့်အာဏာတွေကို မလိုက်နာဘူးဆိုတာကို ပြရမယ်။ အာဏာဖီဆန်တယ်ဆိုတာဟာ ဆန္ဒပြတာနဲ့ မတူပါဘူး။ စီတန်းလမ်းလျှောက်တာနဲ့လည်း မတူပါဘူး။ ကျမတို့ အာဏာကို နည်းအမျိုးမျိုးနဲ့ ဖီဆန်နိုင်ပါတယ်။ ဥပမာအားဖြင့်ဆိုလို့ရှိရင် ပုံနှိပ်ထုတ်ဝေပိုင်ခွင့် မပေးတဲ့ မတရားတဲ့ အမိန့်အာဏာကို ကျမတို့ ဖီဆန်တယ်။ ဘယ်လိုနည်းနဲ့ ဖီဆန်သလဲ။ စာရွက်စာတမ်းတွေ ကျမတို့ ပုံနှိပ်တယ်၊ ထုတ်ဝေတယ်။ ပြည်သူလူထုအနေနဲ့ ဒီစာရွက်စာတမ်းတွေကို လိုလိုချင်ချင်ဖတ်တယ်။ တဆင့်ထပ်ပြီးတော့ ထုတ်ဝေပေးတယ်၊ ဖြန့်ချီပေးတယ်ဆိုရင် ဒါ ကျမတို့အားလုံး အာဏာကို ဖီဆန်နေတာပဲ။ ကျမတို့ရဲ့ ရသင့်ရထိုက်တဲ့ အခွင့်အရေးအတွက် ဖီဆန်နေတာဖြစ်ပါတယ်။ ဒီတော့ စည်းကမ်းရှိရှိနဲ့ အမိန့်အာဏာကို ဖီဆန်နိုင်တဲ့ ပြည်သူလူထုဖြစ်တယ်ဆိုတာ ကျမတို့ ပြရမယ်။ ဘာဖြစ်လို့ ကျမတို့ ဒီလိုပြဖို့ လိုသလဲ။ အခုအချိန်မှာ ဆိုလို့ရှိရင် ပြည်သူလူထုကို လက်နက်နည်းနဲ့ နှိမ်နင်းချင်တဲ့ အစိတ်အပိုင်းတွေ ရှိနေတာကိုး။ ဘယ်လို ရမယ်ရှာပြီးတော့၊ ပြည်သူလူထုကို ဘယ်လိုလက်နက်ကိုင်ပြီးတော့ နှိမ်နင်းရမလဲဆိုတာ စဉ်းစားနေတဲ့ ပုဂ္ဂိုလ်တွေ ရှိပါတယ်။ ဒါကြောင့် ကျမတို့ဟာ သတိနဲ့နေရမယ်။ ကိုယ့်ဘက် မကျွံပါစေနဲ့။ ကိုယ့်ဘက်က အမှားမပါပါစေနဲ့။ နိုင်ငံရေးဆိုတာဟာ ရေရှည်လုပ်ငန်းပါ။ ဒီလှုပ်ရှားမှုကြီးနဲ့ ပြီးမယ့်ကိစ္စ မဟုတ်ပါဘူး။ ကျမတို့နိုင်ငံအတွက် လုပ်ဖို့ရာကိစ္စ အများကြီးရှိပါသေးတယ်။ ထမ်းဆောင်ဖို့ တာဝန်တွေလည်း အများကြီးရှိပါသေးတယ်။
လက်နက်နည်းဆိုတာဟာ ဖက်ဆစ်နည်းဆိုတာ ဖေဖေလည်း ပြောခဲ့ပါတယ်။ ဒီတော့ ကျမတို့နိုင်ငံမှာ ကျမတို့ နိုင်ငံသူနိုင်ငံသားများ၊ လက်နက်မဲ့ နိုင်ငံသူနိုင်ငံသားများကို နောက်ထပ်ပြီးတော့ လက်နက်နည်းနဲ့ နှိမ်နင်းမယ်ဆိုလို့ရှိရင်တော့ ဒီအစိုးရဟာ ဖက်ဆစ်အစိုးရလို့ ကျမတို့ ကြေညာရမှာပဲ။ လက်နက်နည်းနဲ့ နှိမ်နင်းဖို့ မလိုပါဘူး။ တရားဥပဒေနည်းနဲ့၊ တရားမျှတတဲ့နည်းနဲ့၊ အမှန်တရားနည်းနဲ့ ကျမတို့ ပြည်သူလူထုကို ထိန်းသိမ်းလို့ ရပါတယ်။ ကျမ ဒီကနေပြီးတော့ နဝတကို ပြောရဲပါတယ်။ အခုအချိန်မှာ ဆိုလို့ရှိရင် လက်နက်ကိုင်တပ်ဖွဲ့တွေ ဒီနားမှာမရှိပါဘူး။ ကျမတို့ ယာဉ်ပြရဲတွေပဲ ရှိပါတယ်။ ယာဉ်ပြရဲတွေနဲ့ပဲ ကျမတို့အလုပ်ဟာ ပြီးသွားနိုင်ပါတယ်။ လက်နက်ကိုင်တပ်ဖွဲ့တွေ လုံးလုံးမလိုပါဘူး။ ပြည်သူလူထု သိတဲ့အတိုင်းပဲ လက်နက်ကိုင်တပ်ဖွဲ့တွေ ရောက်လာပြီ ဆိုလို့ရှိရင် ပြည်သူလူထုထဲက လှုပ်လှုပ်ရှားရှားဖြစ်တယ်။ ဘာဖြစ်လို့ လှုပ်လှုပ်ရှားရှားဖြစ်သလဲ။ အရင် ကျမတို့ ပြည်သူလူထုကို လက်နက်နည်းနဲ့ နှိမ်နင်းခဲ့လို့ပဲ။ လက်နက်ကိုင်အဖွဲ့အစည်းတွေကို မြင်လို့ရှိရင် ပြည်သူလူထုဟာ စိတ်လှုပ်ရှားတာပေါ့။ ဒါကြောင့်မို့လို့ ကျမတို့ကို စည်းကမ်းရှိရှိ၊ အေးအေးချမ်းချမ်း နေစေချင်တယ်ဆိုလို့ရှိရင် လက်နက်ကိုင်တပ်ဖွဲ့တွေကို မြို့ထဲကနေပြီးတော့ ရုပ်သိမ်းလိုက်ပါ။ ကျမတို့အနေနဲ့ ပြည်သူလူထုဟာ ဒီလို လက်နက်ကိုင်တပ်ဖွဲ့များကို ရုပ်သိမ်းလိုက်လို့ရှိရင် စည်းကမ်းရှိရှိ၊ အေးအေးချမ်းချမ်းနဲ့ နေနိုင်တယ်ဆိုတာ ပြောရဲတယ်။
နောက်ပြီးတော့လည်း နဝတကို ပြောချင်တယ်။ တပ်မတော်သားများကို ဒီလောက်မနှိပ်စက်နေပါနဲ့။ ပင်ပန်းပါတယ်။ ဒီလောက်တောင်မှ လှည့်ပြီးလုပ်နေရတာ။ ရှေ့တန်းမှာလည်း တိုက်ရသေးတယ်။ မြို့ထဲမှာလည်း တခါထဲ ကားကြီးတွေနဲ့ လှည့်နေရသေးတယ်ဆိုတာ ဒါလည်း မသင့်တော်ပါဘူး။ တပ်မတော်သားများ တပ်ထဲပြန်ပြီး နားကြပါစေ။ ကျမတို့ ပြည်သူလူထုဟာ ကိုယ့်စည်းကမ်းကို ကိုယ်ထိန်းပါ့မယ်။ ကျမတို့ဟာ ကိုယ့်စည်ကမ်းကို ကိုယ်ထိန်းနိုင်တဲ့ ပြည်သူလူထု ဖြစ်ပါတယ်။ အခုဆိုလို့ရှိရင် ကျမတို့နိုင်ငံဟာ ဆင်းရဲနေပါတယ်။ တီအီး 11 တစင်း မြို့တပတ် ပတ်လို့ရှိရင် ဓါတ်ဆီဘယ်လောက်ကုန်သလဲဆိုတာ စဉ်းစားကြည့်ပါ။ ဓါတ်ဆီလည်း ကုန်တယ်။ ရဲဘော်တွေလည်း ပင်ပန်းတယ်။ ပြည်သူလူထုလည်း ခြောက်ခြားတယ်။ အဲ့ဒီတော့ ဒါမလုပ်သင့်၊ မလုပ်ထိုက်တဲ့ ကိစ္စတွေပါ။ နဝတဟာ ဘာကိုကြောက်နေလို့ ဒီလောက်တောင်မှ ရဲဘော်တွေကို မြို့ထဲကို လှည့်ခိုင်းနေတာလဲ။ ကြောက်စရာမလိုဘူးဆိုတာ ကျမ ပြောနိုင်ပါတယ်။ ကျမတို့ရဲ့ ပြည်သူလူထုဟာ မှန်မှန်ကန်ကန် စည်းကမ်းရှိရှိ လုပ်သွားမှာပါ။ စိုးရိမ်စရာရှိလို့ရှိရင်၊ ကြောက်စရာရှိလို့ရှိရင် ကျမတို့နဲ့ ဆွေးနွေးပါ။ တိုင်ပင်ပါ။ အဖြေရှာပါ့မယ်။ ကျမတို့လည်း ပုထုဇဉ်တွေပဲ။ ကျမတို့ဘက်ကလည်း၊ ပြည်သူလူထုဘက်ကလည်း ကြောက်တဲ့ ကိစ္စတွေရှိတာပေါ့။ စိုးရိမ်တဲ့ကိစ္စတွေ ရှိတာပေါ့။ မကျေနပ်တဲ့ကိစ္စတွေ ရှိတာပေါ့။ ဒီကိစ္စတွေကို ညှိနှိုင်း၊ ဆွေးနွေး၊ တိုင်ပင်ပြီးတော့ ပြေလည်အောင် လုပ်လိုက်မယ်ဆိုရင် ကျမတို့နိုင်ငံအတွက် ဘယ်လောက်ဂုဏ်သိက္ခာရှိမလဲ။ နဝတအတွက်ကော ဘယ်လောက် ဂုဏ်သိက္ခာရှိမလဲ။ အခုဆိုလို့ရှိရင် ကျမ မြင်သလောက်တော့ နဝတဘက်နေပြီးတော့ အမှားရှိပါတယ်လို့ ဝန်ခံရမှာ မျက်နှာပျက်တယ်လို့ ထင်ပါတယ်။ တကယ်ဆိုလို့ရှိရင် လူကြီးများအနေနဲ့၊ အာဏာရှိတဲ့ အဖွဲ့အစည်းများအနေနဲ့ မှားတဲ့ဟာကို မှားပါတယ်လို့ ဝန်ခံရတာဟာ အင်မတန်မှ မြင့်မြတ်တဲ့ လုပ်ငန်းတခုပါ။ အဲ့ဒီလို ဂုဏ်သိက္ခာရှိတဲ့ လုပ်ငန်းတခုကို လုပ်ရဲကြပါ။ ပြည်သူလူထုကိုတော့ လက်နက်နည်းနဲ့ နှိမ်နင်းမယ်လို့တော့ ပြောရဲတယ်။ ကိုယ်မှားတဲ့အခါကျတော့ မှားတယ်လို့ ဝန်မခံရဲတဲ့ သတ္တိမျိုးဟာ ဘာသတ္တိလဲ။ နောက်ဆုံးကျတော့ သတ္တိဆိုတာဟာ အမှန်တရားကို ရင်ဆိုင်ရဲတာပဲ။ အမှန်တရားအတွက် ဘာမဆို ရင်ဆိုင်ရဲရမယ်။ ဒါဟာမှ တကယ့်သတ္တိပဲ။ ကိုယ့်အာဏာတည်တံ့ခိုင်မြဲရေးအတွက်၊ ဦးနေဝင်း သဘောကျရေးအတွက် လုပ်ရဲတာဟာ သတ္တိမဟုတ်ဘူး။
ဒီတော့ ကျမတို့နိုင်ငံမှာ အခု ပြတ်ပြတ်သားသား နားလည်ရမယ်။ (၂၆) နှစ်အတွင်းက မဆလစနစ်ကို ထူထောင်ခဲ့တာ ဦးနေဝင်း။ တပ်မတော်ကို လမ်းမှားပေါ်တင်ခဲ့တာ ဦးနေဝင်း။ တပ်မတော်ဘက်ကလည်း ဒါကို သေသေချာချာ နားလည်ဖို့ အချိန်ရောက်လာပြီ။ တပ်မတော်ရဲ့ ဖခင်ဆိုတာ၊ တဦးတည်းသောဖခင်ဆိုတာ ဗိုလ်ချုပ်အောင်ဆန်းသာဖြစ်တယ်ဆိုတာ တပ်မတော်သားများက လက်ခံရမယ်။ ကျမအနေနဲ့ ဒုတိယဖခင်ဆိုတဲ့ အသုံးအနှုန်းကို လုံးလုံးလက်မခံဘူး။ ဗမာ စကားမှာလည်း မရှိပါဘူး။ လူတယောက်ဖြစ်လာမှတော့ ဖခင်ဆိုတာ တဦးပဲရှိနိုင်တယ်ဆိုတာ ကျမတို့ နိုင်ငံသူနိုင်ငံသားအားလုံး သိပါတယ်။ ဒီတော့ တပ်မတော်ထဲမှာ ဖခင်တဦးထဲသာ ရှိပါစေ။ ဒီ တဦးတည်းသော ဖခင်ရဲ့ ညွှန်ကြားချက်များကို လိုက်နာပါ။ လိုက်နာခြင်းအားဖြင့် နောင် တပ်မတော်အတွက်လည်း ဂုဏ်သိက္ခာရှိနိုင်မယ်။ ပြည်သူလူထုနဲ့ တပ်မတော်ကြားထဲမှာလည်း ညီညွှတ်မှုရှိနိုင်မယ်။ ဒီတိုင်းပြည်လည်း တိုးတက်နိုင်မယ်။ ကျမတို့ဟာ မှန်ကန်တဲ့လမ်းစဉ်ပေါ်မှာ လျှောက်သွားချင်တယ်ဆိုလို့ရှိရင် ပြည်သူလူထုနဲ့ အချိန်မရွေး လက်တွဲနိုင်ပါတယ်။ ဒါပေမယ့် ဦးနေဝင်းလမ်းစဉ်အပေါ်မှာ လျှောက်သွားချင်တယ် ဆိုလို့ရှိရင်တော့ ပြည်သူလူထုနဲ့ လမ်းခွဲရမှာ ဖြစ်ပါတယ်။
နောက်တခု ကျမ ပြောချင်ပါတယ်။ ဗိုလ်ချုပ်ကြီးစောမောင်ဟာ ဦးနေဝင်း အငြိမ်းစားသွားပြီလို့ ပြောပါတယ်။ ဦးနေဝင်း အငြိမ်းစားသွားပြီပြောလို့ရှိရင် ဘာဖြစ်လို့ အစိုးရရုံးတွေမှာ၊ တရားရုံးတွေမှာ၊ ဦးနေဝင်းရဲ့ ဓါတ်ပုံကို ဆက်ပြီးတော့ ချိတ်ဆွဲထားသလဲဆိုတာ ကျမ မေးချင်တယ်။ ပြည်သူလူထုအနေနဲ့လည်း ဒါကို ကန့်ကွက်စေချင်ပါတယ်။ အငြိမ်းစားယူသွားပြီဖြစ်တဲ့ ဦးနေဝင်းရဲ့ ဓါတ်ပုံကို အစိုးရရုံးများ၊ တရားရုံးများမှာ မချိတ်ပါနဲ့တော့။ ကျမတို့ဟာထုံးတမ်းစဉ်လာအရ နိုင်ငံခေါင်းဆောင်ကြီးရဲ့ ဓါတ်ပုံကိုသာချိတ်မယ်။ လက်ရှိအစိုးရရဲ့ ဦးစီးတယောက်ရဲ့ ဓါတ်ပုံကိုသာချိတ်တယ်။ ဒါကတော့ ထုံးတမ်းစဉ်လာဖြစ်ပါတယ်။ အဲ့ဒီတော့ ချိတ်ချင်လို့ရှိရင် ဗိုလ်ချုပ်ကြီးစောမောင်ရဲ့ ဓါတ်ပုံကိုတော့ ချိတ်နိုင်ပါတယ်။ ဦးနေဝင်းဓါတ်ပုံကိုလည်း ဖြုတ်ချပါတော့။ ဦးနေဝင်းရဲ့ အမိန့်အာဏာအောက်ကလည်း လွတ်မြောက်အောင်လို့ တပ်မတော်နဲ့ နဝတဟာ ရုန်းထွက်ပါတော့လို့ ကျမ ဒီကနေ မေတ္တာရပ်ခံလိုက်ချင်ပါတယ်။
နိဂုံးချုပ်အားဖြင့် ပြောချင်တာကတော့ ကျမတို့အားလုံးဟာ အေးချမ်းသာယာမှုကို လိုလားပါတယ်။ ကျမတို့ နိုင်ငံတိုးတက်ဖို့အတွက်၊ အေးအေးချမ်းချမ်း နေနိုင်ဖို့အတွက် လိုလားတယ်။ ဒါအတွက် ကျမတို့ဟာ နဝတကို ညှိနှိုင်းပါ။ ဆွေးနွေးပါ။ တိုင်ပင်ပါလို့ ဖိတ်ခေါ်ပါတယ်။ ကျမ ဆက်ပြီးတော့ ဖိတ်ခေါ်တာပဲ။ ဗိုလ်ချုပ်ကြီးစောမောင် အနေနဲ့ ၂/၈၈၊ ၈/၈၈ တို့ကို ရုပ်သိမ်းပေးမှာမဟုတ်လို့ မဆွေးနွေးနိုင်ပါဘူး ဆိုတဲ့သဘောနဲ့ ပြောသွားပါတယ်။ ကျမ ပြန်ပြောချင်တာကတော့ ကျမတို့နိုင်ငံမှာ ၂/၈၈ နဲ့ ၈/၈၈ အပြင် ပြဿနာတွေ အများကြီးရှိပါတယ်။ ဒီပြဿနာ အများကြီးကို ပြေလည်အောင်ဆိုတာ ကျမတို့ ဆွေးနွေးရမယ်၊ ညှိနှိုင်းရမယ်၊ တိုင်ပင်ရမယ်။ ပြည်သူလူထု အများစုကြီးကလည်း ဒါကို နားလည်တယ်လို့ ကျမထင်ပါတယ်။ ဆက်ပြီးတော့လည်း နားလည်စေချင်ပါတယ်။ ကျမတို့ဟာ မတရားတဲ့ အမိန့်အာဏာများကို ဖီဆန်နေတာကတော့ ဆွေးနွေး၊ ညှိနှိုင်း၊ တိုင်ပင်မှု မရှိလို့ပါပဲ။ တကယ်ပဲ ဗိုလ်ချုပ်ကြီးစောမောင်အနေနဲ့ confrontation ဆိုတဲ့ ထိပ်တိုက်တွေ့မှုကို မလိုလားဘူးဆိုလို့ရှိရင် ကျမတို့နဲ့ စားပွဲဝိုင်းမှာ ထိုင်ပြီးတော့ ပြေလည်မှုရှာပါလို့ ကျမ ဒီကနေ ပြောသွားပါတယ်။ ကျေဇူးတင်ပါတယ်။ (စည်းကမ်းရှိရှိနဲ့ လူစုခွဲပေးကြပါ။ ကျမတို့ရဲ့ ယာဉ်ထိန်းရဲများရဲ့ ညွှန်ကြားချက်များကို လိုက်နာပြီးတော့ အားလုံး စည်းကမ်းရှိရှိနဲ့ လူစုခွဲပေးကြပါ။ ကျမတို့ဟာ စည်းကမ်းကို လိုလားတယ်၊ ဥပဒေကို လိုလားတယ်ဆိုတာ ပြကြပါ။ ကျေးဇူးတင်ပါတယ်။)
(ဒေါ်အောင်ဆန်းစုကြည် အင်္ဂလိပ်လို ရေးသားထားသော “ကြောက်ရွံ့ခြင်းမှ လွတ်ကင်းရေး (Freedom from Fear)” စာအုပ်ကို မြန်မာ ဘာသာပြန်၍ ဒေါက်တာအောင်ခင် တည်းဖြတ်ထုတ်ဝေထားသည့် စာအုပ်မှ ကူးယူးဖေါ်ပြပါသည်။)
ဆက်လက်ဖော်ပြပါမည်။
Monday, March 26, 2018
ဘယ်ပါတီတက်တက်၊ ဘယ်အစိုးရ လုပ်လုပ် ဖာသယ်တိုင်းပြည်ဖြစ်နေမှာပဲ
တိုင်းရင်းသား အချင်းချင်းညီညွှတ်ရေး၊တိုင်းသူပြည်သား လူထုညီညွှတ်ရေး၊
အဲဒီ ညီညွှတ်ရေး နှစ်ခု မရှိသမျှ ကာလပတ်လုံး
ဒီတိုင်းပြည်ဟာ လွတ်လပ်ပင် လွတ်လပ်ငြားသော်လည်း
ဘယ်ပါတီတက်တက်၊ ဘယ်အစိုးရ လုပ်လုပ် ဖာသယ်တိုင်းပြည်ဖြစ်နေမှာပဲလို့
ကျွန်တော် ပြောချင်တယ်။
ဒီတော့ကာ ဒီနှစ်ခုကို ခင်ဗျားတို့ မပျက်ပြားပါစေနဲ့။
ဘယ်သူက ဘာလုပ်လုပ် မပျက်ပါစေနဲ့။
အဲ့ဒါ အင်မတန် အရေးကြီးတယ်။
ဗိုလ်ချုပ်အောင်ဆန်း
ဗမာတွေရဲ့ စိတ်ဓာတ်ဟာ မဟုတ်တဲ့နေရာတွေမှာ သွားပြီး တော်နေကြတာ
ဗမာတွေရဲ့ စိတ်ဓာတ်ဟာ မဟုတ်တဲ့နေရာတွေမှာ သွားပြီး တော်နေကြတာ၊
တကယ့်နေရာတွေမှာ အသုံးမကျဘူး။
ဗမာပြည် လွတ်လပ်ရေး ရအောင် လုပ်ရမယ့် တိုက်ပွဲမျိုးမှာ အသုံးမကျချင်ဘူး။
ဗမာပြည်ပြန်လည် ထူထောင်ရေးမှာ အသုံးမကျချင်ဘူး။
ဗမာ ၊ ဗမာ အချင်းချင်း ချဖို့မှာ လုပ်ချင်တယ်။
အဲဒါမျိုးတွေ လုပ်ချင်တယ်။
ဒါမျိုးတွေ လုပ်ချင်လို့ ဘယ်တော့မှ အကျိုးမရှိဘူး။
ဒီတိုင်းပြည် ဘယ်တော့မှ ပြန်လည် မထူထောင်နိုင်ဘူး။
ဗိုလ်ချုပ်အောင်ဆန်း
Sunday, February 11, 2018
တိုင်းရင်းသားစည်းလုံးညီညွတ်ရေး မှတ်တမ်း - ဆောင်းပါး
တိုင်းရင်းသားစည်းလုံးညီညွတ်ရေး မှတ်တမ်း - ဆောင်းပါး
ဆက်လက်၍ ဗမာပြည်နဲ့ ပေါင်း လိုက်ရင် ခင်ဗျားတို့အပေါ်မှာ အင်္ဂလိပ် တို့က မအုပ်ချုပ်ရဲတော့ဘူး၊ ခင်ဗျားတို့ နယ်ကို ခင်ဗျားတို့အုပ်ချုပ်ရမယ်၊ ဥပမာ- စတီဗင်ဆင်လို အင်္ဂလိပ်အရာရှိက ခင်ဗျားတို့ကို အုပ်ချုပ်စေခိုင်းနေတယ်၊ ဟိုအခါကျရင် သူလိုလူကို ခင်ဗျားတို့က အုပ်ချုပ်စေခိုင်းနိုင်တယ်၊ ဗမာများက ကချင်များအပေါ် စိုးမိုးအုပ်ချုပ်မှာ မဟုတ်ဘူး၊ ကချင်တောင်တန်းနယ်ကို ကချင်များ သဘောကျ အုပ်ချုပ်ကြရမယ်၊ သို့ရာတွင် တစ်ပြည်လုံးနဲ့သက်ဆိုင်တဲ့ ဘဏ္ဍာရေး၊ ကာကွယ်ရေး၊ စီးပွားရေး စသည်တို့ကိုတော့ ကချင်ဝန်ကြီးများ ပါဝင်တဲ့ အစိုးရအဖွဲ့က ဆောင်ရွက်မှာပဲ၊ ဘာသာရေးမှာလည်း လွတ်လပ်စွာ ကိုးကွယ်ချင်တာကို ကိုးကွယ်နိုင်တယ်'' ဟု ရှင်းလင်းပြောကြားခဲ့သည်။
ထို့နောက် ၁၉၄၆ ခုနှစ် ဒီဇင်ဘာ ၁ ရက်တွင် မြစ်ကြီးနားနှင့် ငါးမိုင်ခန့် ဝေးသော မန်ခိန်ရွာ စာသင်ကျောင်းဝင်း အတွင်းရှိ မဏ္ဍပ်တွင် ဗိုလ်ချုပ်အောင်ဆန်း အား အထူးယုံကြည်အားထားရသော မိတ်ဆွေဖြစ်ကြောင်း အထိမ်းအမှတ် အဖြစ် ကချင်အမျိုးသားတို့၏ ဓလေ့ထုံးစံ အတိုင်း ထမင်းကျွေးခြင်း၊ ဓားလွယ် လက်ဆောင်ပေးခြင်းများ ပြုလုပ်ကြ သည်။ ထိုအခမ်းအနားတွင် ဗိုလ်ချုပ် အောင်ဆန်းက ''ကျွန်တော်တို့ လိုလား ချက်က ရှမ်းပြည်၊ ဂျင်းဖော၊ ချင်း တောင်တန်းများကို ဘုရင်ခံက တာဝန် မယူဘဲ ထိုတောင်တန်းနယ်များဆိုင်ရာ ရှမ်း၊ ဂျင်းဖော၊ ချင်းအမျိုးသားများအား တာဝန်ပေးကာ ဆောင်ရွက်စေရန် ဖြစ်ပါ တယ်၊ ယခုလိုဆောင်ရွက်တာပင် ကျွန်တော်တို့က ဂျင်းဖော စတဲ့ တိုင်းရင်းသားတွေအပေါ်မှာ စေတနာ ကောင်း ထားကြောင်း၊ ခင်မင်ရင်းနှီးတဲ့ စိတ်ထားရှိကြောင်း သက်သေများပင် ဖြစ်ပါတယ်''ဟု တိုင်းရင်းသားစည်းလုံးညီညွတ် ရေး၊ တောင်တန်းနှင့် ပြည်မ မခွဲခြားရေး၊ ကိုယ်ပိုင်အုပ်ချုပ်ရေး၊ လွတ်လပ်စွာ ယုံကြည် ကိုးကွယ်ရေးတို့နှင့်ပတ်သက်၍ ပြောကြားခဲ့ သည်။
မွန်၊ ကရင်တိုင်းရင်းသားများ
ကချင်တိုင်းရင်းသားများနှင့် တွေ့ဆုံ ဆွေးနွေးပြီးနောက် ဗိုလ်ချုပ်အောင်ဆန်းသည် ၁၉၄၆ ခုနှစ် ဒီဇင်ဘာ ၁၈ ရက်မှ ၂၆ ရက် အထိ သံဖြူဇရပ်၊ မုဒုံ၊ မော်လမြိုင်၊ ဘားအံ၊ လှိုင်းဘွဲ၊ ကပ္ပလီရွာ၊ သထုံမြို့၊ ရှမ်းပြည်နယ် များသို့ တိုင်းရင်းသားစည်းလုံးညီညွတ်ရေးအတွက် ခရီးထွက်ခဲ့သည်။ ဒီဇင်ဘာ ၂၁ ရက် လှိုင်းဘွဲမြို့နယ် ကပ္ပလီရွာသို့ရောက်ရှိစဉ် ကရင်တိုင်းရင်းသား တစ်ထောင်ကျော်တို့က ချီးကျူးယုံကြည်အားထားမှု အခမ်းအနား ကျင်းပသည်။ လူမျိုးရေးခေါင်းဆောင်ကြီး အစစ်ဖြစ်သည့် ဗိုလ်ချုပ်အား အြ<ွကင်းမဲ့ ယုံကြည်အားထားကြောင်း၊ ဗိုလ်ချုပ်၏ ရှေ့ဆောင်ရာသို့ နောက်မှလိုက်ပါရန် အသင့် ရှိကြောင်း ပဋိညာဉ်ခံဝန်ချက်များ ပေးကြ သည်။ နေ့လယ်ပိုင်းတွင် ကရင်လူထု နှစ်သောင်းကျော်ရှိသော လူထုတရားပွဲကြီး ကျင်းပသည်။
ရှမ်း၊ ကယား၊ ပဒေါင်တိုင်းရင်းသားများ
၁၉၄၆ ခုနှစ် ဒီဇင်ဘာ ၂၃ ရက်တွင် ရှမ်းပြည်နယ် တောင်ကြီးမြို့သို့ ရောက်ရှိသွား သည်။ ဗိုလ်ချုပ်အောင်ဆန်းခေါင်းဆောင် သော ဖဆပလ အဖွဲ့ခေါင်းဆောင်များနှင့် ရှမ်းပြည်မျိုးချစ်လူငယ် ခေါင်းဆောင်များ သည် တူညီသော ယုံကြည်ချက်၊ တူညီသော အယူအဆများကို အရင်းခံ၍ ရင်းနှီးစွာ သွေးစည်းခဲ့ကြသည်။ သို့သော် သွေးစည်းမှုနှင့် မပြီးသေး၊ ရှမ်းပြည်နယ်ရှိ ပဒေသရာဇ် စော်ဘွားများအား စည်းရုံးသိမ်းသွင်းရေးမှာ လွန်စွာလိုအပ်လျက်ရှိကြောင်း ဖဆပလ ခေါင်းဆောင်များနှင့် ရှမ်းလူငယ်များက သိရှိ ကြသည်။ ထို့ကြောင့် ဖဆပလ ခေါင်းဆောင် များသည် စော်ဘွားများအား စည်းရုံးရပြန် သည်။ ထို့နောက် ဗိုလ်ချုပ်နှင့်အဖွဲ့ တောင်ကြီး တွင် ခေတ္တနားပြီးနောက် လွိုင်ကော်သို့ ဆက်လက်ခရီးထွက်ကြပြန်သည်။
လွိုင်ကော်တွင် ဗိုလ်ချုပ်အောင်ဆန်း တည်းခိုရန် ဆောက်လုပ်ထားသောအိမ်တွင် ညောင်ရွှေစော်ဘွား စဝ်ရွှေသိုက်၊ မိုင်းပွန် စော်ဘွား စဝ်စံထွန်း၊ ကရင်နီနယ် သမဝါယမ အသင်းမှ ဦးစိန်၊ ကြယ်ဘိုးကြီးမြို့စား စောရွှေ တို့က ကြိုဆိုကြသည်။ ဒီဇင်ဘာ ၂၄ ရက်တွင် ဗိုလ်ချုပ်အောင်ဆန်းသည် ကရင်နီနယ်နှင့် ပဒေါင်နယ်ကောင်စီဥက္ကဋ္ဌ ဦးဘီ၊ ဒုတိယဥက္ကဋ္ဌ ဦးစောသိန်းတို့နှင့်တွေ့ဆုံ၍ တရားပွဲကျင်းပရာ ဗိုလ်ချုပ်အောင်ဆန်းနှင့် ကရင်ခေါင်းဆောင် စောဘဦးကြီးတို့က မိန့်ခွန်းပြောကြား ကြသည်။ တရားပွဲတွင် နယ်ခြား ဝန်ထောက် စတီဗင်ဆင်က မြန်မာနှင့် တောင်တန်းဒေသများကို သွေးခွဲလျက် ရှိကြောင်း၊ တောင်တန်းသားများကို ချစ်၍မဟုတ်ဘဲ ကြာရှည်အုပ်စိုးလို၍ ဖြစ်ကြောင်း၊ စတီဗင်ဆင်သည် မိမိအား ရင်မဆိုင်ရဲသောကြောင့် မိမိရောက် သောအခါ သံတောင်မှ ဆင်းပြေးပြီ ဖြစ်ကြောင်း၊ ကရင်နီအမျိုးသားတို့အား မိမိတို့နှင့်ပူးပေါင်း၍ လွတ်လပ်ရေး ရစေလိုကြောင်း၊ နယ်ခြားဝန်ထောက်လို အရာရှိ အသေးအမွှားကလေး လက်အောက်တွင် ကရင်နီတစ်မျိုးသားလုံး ကျွန်ဖြစ်နေရသည်မှာ အသည်းနာစရာ ကောင်းလှကြောင်း ပြောကြားသွား ခဲ့သည်။
လွိုင်ကော်တရားပွဲ ပြီးသောအခါ ဗိုလ်ချုပ်အောင်ဆန်းသည် တောင်ကြီးမြို့ သို့ ပြန်လည်ရောက်ရှိသည်။ တောင်ကြီး မြို့တွင် တောင်တန်းဒေသအရေးပိုင်၏ ညစာစားပွဲသို့ တက်ရောက်သည်။ ထိုနေ့ တွင် ရှမ်းပြည်လွတ်လပ်ရေးအဖွဲ့ချုပ် အမှုဆောင်များနှင့် ည ၁၁ နာရီအထိ ဆွေးနွေးခဲ့ကြသည်။ ဒီဇင်ဘာ ၂၅ ရက် တွင် တောင်ကြီးမြို့ ညောင်ရွှေဟော်ကြီး တွင် နယ်ရှင်စဝ်ဖများဖြစ်ကြသော ညောင်ရွှေစော်ဘွား၊ မိုင်းပွန်စော်ဘွား၊ သာမိုင်းစော်ဘွား၊ လွယ်လုံ-ပင်မီ စော်ဘွား၊ ကျိုင်းတုံကိုယ်စားလှယ်၊ ညောင်ရွှေကျမိုင်း၊ စကားကျမိုင်း၊ လဲချား ကိုယ်စားလှယ်၊ ဟိုပုန်းမြို့စား၊ တောင်ကြီး မြို့ကိုယ်စားလှယ် ဦးဘဇံတို့နှင့် တွေ့ဆုံ ဆွေးနွေးကြသည်။
ကောင်းဈာန်သိမ်း(မြန်မာ့အလင်း)
Tuesday, January 9, 2018
နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်
နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က "အမျိုးသားစီမံကိန်းကော်မရှင် အစည်းအဝေးမှာ နိုင်ငံတော်တိုးတက်မှုတွေ ဘာတွေရှိခဲ့ သလဲ။ ဘာတွေဆက်ပြီးတော့ လုပ်ဖို့လိုသလဲ ဆိုတာကို သုံးသပ်ရမှာဖြစ်ပါ တယ်။ ကျွန်မတို့နိုင်ငံအနေနဲ့ လွန်ခဲ့တဲ့တစ်နှစ်ကို ကြည့်လိုက်မယ်ဆိုရင် အားသာချက်တွေ ရှိသလို အားနည်းချက်တွေလည်း ရှိခဲ့ပါတယ်။ အားသာချက်တွေကတော့ နိုင်ငံရဲ့ဘဏ္ဍာငွေနဲ့ ကျခံဆောင်ရွက်တဲ့ လုပ်ငန်းစီမံကိန်း တွေဟာ အရင်ထက်စာရင် ပိုပြီးတော့ တိုးတက်မှုရှိပါတယ်။ ပြည်သူတွေကို ပိုပြီး တော့ အကျိုးပြုစေပါတယ်။ ဒါပေမယ့် လုံလောက်လားဆိုတော့ မလုံလောက်ပါဘူး။
"တကယ်တော့ အစိုးရတစ်ခုဟာ ကိုယ့်ရဲ့လုပ်ငန်းတွေကို ကျေနပ်တယ်လို့ ဘယ်တော့မှ မရှိသင့်ပါဘူး။ ကျေနပ်ပြီဆိုရင် လုံလောက်ပြီလို့ ဆုံးဖြတ်တဲ့ သဘောပါပဲ။ ကျွန်မတို့နိုင်ငံအတွက် လုပ်စရာတွေက အများကြီးလိုပါသေးတယ်။ အားသာချက် တွေအပေါ်မှာ ဆက်ပြီးတော့၊ ပိုပြီးတော့ အားသာအောင်လုပ်ဖို့လိုပါတယ်။ တင်ဒါ ခေါ်တဲ့နေရာမှာဆိုရင် အရင်တုန်းကထက်စာရင် ပွင့်လင်းမြင်သာမှုရှိတယ်။ မှန်ကန်မှု ရှိတယ်ဆိုပြီး ပြည်သူတွေက ဒါကိုလက်ခံပါတယ်။ သို့သော်ငြားလည်း တစ်ရာ ရာခိုင်နှုန်း ကျေနပ်လားဆိုတော့ တစ်ရာ ရာခိုင်နှုန်း မကျေနပ်ပါဘူး။ အခုအထိကို တင်ဒါခေါ်တဲ့ကိစ္စတွေနဲ့ပတ်သက်လို့ ပြည်သူတွေဝေဖန်စရာကိစ္စတွေရှိပါတယ်။ ဒါတွေကို ပြည်ထောင်စုအစိုးရ၀န်ကြီးဌာနတွေ သာမက တိုင်းဒေသကြီးနဲ့ပြည်နယ် အစိုးရတွေက အထူးသတိထားဖို့လိုပါတယ်။
"အရင်တုန်းက အစည်းအဝေးတွေမှာ ပြောခဲ့ဖူးပါတယ်။ ဗဟိုနဲ့ တိုင်းဒေသကြီး/ ပြည်နယ်တွေရဲ့ ဆက်စပ်မှုဟာ အားရှိသင့်သလောက် မရှိဘူးဆိုတာ။ အခုလည်း အားရှိသင့်သလောက် မရှိသေးဘူးလို့ ပြောရမှာပါပဲ။ အရင်တုန်းကထက်စာရင်တော့ တိုးတက်လာပါတယ်။ ဒါပေမယ့် မလုံလောက်သေးပါဘူး။ ဒီစီမံကိန်းတွေအောင်မြင်ဖို့ ဆိုရင် ဗဟိုနဲ့တိုင်းဒေသကြီး/ပြည်နယ်တွေအကြားမှာ ချိတ်ဆက်မှုပိုပြီးတော့ ကောင်း မွန်ဖို့လိုပါတယ်။ ပူးပေါင်းဆောင်ရွက်မှုဟာ ပိုပြီးတော့အားသာဖို့လိုပါတယ်။ ဒီ့အပြင် တိုင်းဒေသကြီးနဲ့ပြည်နယ်တွေ အကြားမှာလည်း ဆက်စပ်မှုတွေ၊ ပူးပေါင်းဆောင်ရွက်မှု တွေ အင်မတန်မှလိုအပ်ပါတယ်။
"မကြာခင်ကာလတုန်းက Video Conferencing နဲ့ တိုင်းဒေသကြီးနဲ့ပြည်နယ် တွေနဲ့ ဆွေးနွေးတဲ့အခါမှာ တိုင်းဒေသကြီးနဲ့ပြည်နယ်အဆင့် ပြီးအောင်လုပ်ရမယ့်ကိစ္စ တွေကို ဗဟိုအစိုးရကို တင်ပြလာတွေလည်း သတိပြုမိပါတယ်။ တိုင်းဒေသကြီးနဲ့ ပြည်နယ် အကြား ညှိနှိုင်းပြီး ပြီးအောင်လုပ်ရမယ့်ကိစ္စတွေကို ညှိနှိုင်းပြီးတော့ ပြီးအောင်လုပ်ဖို့ လိုပါတယ်။ အားသာချက်တစ်ခုကတော့ ဒီနှစ်အတွင်းမှာ လိုအပ်တဲ့ ဥပဒေ၊ နည်းဥပဒေတွေ ပြဋ္ဌာန်းပေးနိုင်ခဲ့ပါတယ်။ ဒါတွေ အားလုံး လုံလောက်ပြီလား ဆိုတော့လည်း မလုံလောက်သေးပါဘူး။ တကယ်တော့ ဥပဒေတွေ၊ နည်းဥပဒေတွေ၊ စည်းမျဉ်းစည်းကမ်းတွေဆိုတာ အချိန်ကာလနဲ့ ကိုက်ညီစွာပြောင်းလဲနေရမှာပါ။ ဘယ်တော့မှ ပြီးတယ်ဆိုတာ မရှိနိုင်ပါဘူး။ ဥပဒေတွေချပြီးရင် ကမ္ဘာ့တစ်သက်ပဲ ဆိုတာ မဟုတ်နိုင်ပါဘူး။ ကျွန်မတို့ ကမ္ဘာကြီးနဲ့ ကျွန်မတို့နိုင်ငံရဲ့ ပြောင်းလဲနေတဲ့ လိုအပ်ချက်တွေအရ အမြဲပဲဒါတွေကို လေ့လာပြီးတော့ ပြောင်းလဲသင့်သလို ပြောင်းလဲနေရမှာဖြစ်ပါတယ်။
"ရင်းနှီးမြှုပ်နှံမှုအတွက် လိုအပ်တဲ့ငွေကြေး ရယူနိုင်မယ့် အစီအစဉ်တွေလည်း ကျွန်မတို့ ဖော်ဆောင်နိုင်ခဲ့ပါတယ်။ ဒါပေမယ့် ရင်းနှီးမြှုပ်နှံမှုတွေဟာ လုံလောက်ပြီလား ဆိုတော့လည်း မလုံလောက်သေးပါဘူး။ စောစောကပြောသလို မကျေနပ်သင့်ဘူး။ ကျေနပ်ပြီးတော့၊ လုံလောက်ပြီဆိုပြီးတော့ စိတ်မထားသင့်ဘူးလို့ ပြောတာမှ အပ တကယ်တော့ ၆ ရာခိုင်နှုန်းကျော်၊ ၇ ရာခိုင်နှုန်းတိုးတက်မှုဆိုတာ တိုးတက်စနိုင်ငံ၊ ကျွန်မတို့နိုင်ငံ တနည်းအားဖြင့် တိုးတက်စနိုင်ငံ၊ အချိန်ယူခါစနိုင်ငံအတွက် မလုံ လောက်ဘူးလို့ ပြောရမှာပါ။ တကယ်အရှိန်ဟုန်နဲ့တိုးတက်ပြီဆိုရင် ဒါထက်ပိုပြီးတော့ တိုးတက်တဲ့ရာခိုင်နှုန်းနဲ့ တိုးတက်နိုင်ရမှာပါ။ အဲ့ဒါအတွက်ကို ဦးတည်စေချင်ပါတယ်။ နောက်ဈေးကွက်ရရှိရေးအတွက် လိုအပ်တဲ့ပံ့ပိုးမှုတွေကိုလည်း လုပ်ထုံးလုပ် နည်းအညီ ဆောင်ရွက်ပေးလျက်ရှိတာကို ကျွန်မတို့ကြိုဆိုပါတယ်။ သို့သော် ဒါလည်းမလုံ လောက်သေးပါဘူး။ ခြုံငုံပြီးအားလုံးပြောရမယ်ဆိုရင် ကျွန်မတို့ ရဲ့အားသာချက် တွေဟာ အားရစရာရှိတယ်ဆိုပေမယ့် ကျေနပ်လောက်အောင်တော့ အားရလို့မဖြစ်ပါ ဘူး။ အဲဒီလိုဆိုရင် ကျွန်မတို့ရဲ့ ၀ါယမစိုက်ထုတ်မှုဟာ နည်းသွားပါလိမ့် မယ်။
"ကျွန်မတို့အတွက် လုံလောက်တဲ့တိုးတက်မှုမရှိတာကတော့ လယ်ယာစိုက် ပျိုးရေး ကဏ္ဍမှာပါ။ အခြေခံပြဿနာတစ်ခုကတော့ လယ်ယာမြေပိုင်ဆိုင်မှု ဖြစ်ပါတယ်။ လယ်ယာမြေပိုင်ဆိုင်မှုတွေနဲ့ပတ်သက်လို့ မကြာခဏ ပြည်သူတွေဆီကနေ မကျေနပ်တဲ့ အသံတွေလည်း ကြားနေရသလို လွှတ်တော်အသီးသီးကလည်း ဒီအသံ တွေကြားနေရပါတယ်။ ပြည်ထောင်စုလွှတ်တော်တင်မကဘူး တိုင်းဒေသကြီးနဲ့ ပြည်နယ်လွှတ်တော်တွေမှာပါ လယ်ယာမြေကိစ္စတွေနဲ့ပတ်သက်လို့ ပြည်သူတွေရဲ့ မကျေနပ်မှုတွေ ထုတ်ဖော်ပြောတာကို မကြာခဏကြားရပါတယ်။ ကျွန်မတို့ နိုင်ငံမှာ ၇၀ ရာခိုင်နှုန်းသော ပြည်သူတွေဟာ ကျေးလက်တောရွာဘက်မှာနေပြီးတော့ စိုက်ပျိုး ရေးကို အားကိုးနေတဲ့ ပြည်သူများဖြစ်လို့ လယ်ယာမြေကဏ္ဍကို ပြည့်စုံအောင်၊ အများလက်ခံနိုင်အောင်၊ အများကျေနပ်လောက်အောင် မဖြေရှင်းနိုင်သရွေ့တော့ နိုင်ငံရဲ့တိုးတက်မှုဟာ လုံလောက်တယ်လို့ ဘယ်လိုမှပြောလို့ရမှာမဟုတ်ပါဘူး။
"နောက် ပြည်ပနဲ့ကုန်သွယ်မှုလိုငွေပါ။ ဒီဟာလည်း အားလုံးနဲ့ဆိုင်ပါတယ်။ စီးပွားရေးနဲ့ ကူးသန်းရောင်းဝယ်ရေး တစ်ခုတည်းနဲ့ဆိုင်တာမဟုတ်ပါဘူး။ စီမံကိန်းနှင့် ဘဏ္ဍာရေး တစ်ခုတည်းနဲ့ဆိုင်တာ မဟုတ်ပါဘူး။ ပြည်ပနဲ့ကုန်သွယ်မှု လိုငွေမပြဖို့ဆိုရင် တစ်နိုင်ငံလုံးက ပါဝင်ရမယ်။ ကျွန်မတို့ဟာ ဈေးကွက်စီးပွားရေးမှာ လှုပ်ရှားပြီးတော့ အောင်မြင်ဖို့ဆိုရင် ဆန်းသစ်တီထွင်နိုင်တဲ့ အရည်အချင်းတွေ ရှိရပါမယ်။ ကျွန်မ မကြာ ခဏ ပြောပါတယ်။ ဈေးကွက်ရှာရုံနဲ့ မလုံလောက်ဘူး၊ ဈေးကွက်ကို လုပ်ယူရမယ်။ တီထွင်ယူရမယ်။ ကိုယ့်နိုင်ငံမှာရှိတဲ့ ပစ္စည်းတွေအတွက် ဈေးကွက်ကို ထူထောင်နိုင်ရ မယ်။ ဒီလိုဆန်းစစ်ပြီးတော့ တီထွင်နိုင်တဲ့ စိတ်ဓာတ်တွေရှိမှ ကျွန်မတို့ ဟာတိုးနိုင်မှာ။ ကျွန်မတို့ဟာ အနောက်ကနေတက်လာတဲ့ နိုင်ငံဖြစ်လို့ အရှေ့ကိုရောက်ဖို့ဆိုတာ တစ်ခြားနိုင်ငံတွေထက် အဆပေါင်းများစွာ ပိုပြီးဝါယမစိုက်ထုတ်ရမယ်။ အဆပေါင်းများစွာ ဉာဏ်ပညာကို အားကိုးရမယ်။ ကျွန်မတို့နိုင်ငံရဲ့ ပညာရေးစနစ်ကြောင့် ပြည်သူတွေမှာ အားနည်းချက်တွေ ရှိခဲ့တယ်ဆိုပေမယ့်လည်း ဒီအားနည်းချက်တွေကို ဖြည့်ဆည်းနိုင်မယ့် နည်းတွေကိုရှာရမယ်။ တိုင်းဒေသကြီး/ပြည်နယ်တွေကလည်း ၀ိုင်းပြီး တော့ ရှာရမှာဖြစ်ပါတယ်။
"စီမံကိန်းတွေဆိုရင် အများပြည်သူအတွက် ဘယ်လို အကျိုးပြုလဲဆိုတာကို ပထမစဉ်းစားရမှာပါ။ ကိုယ့်ဌာနရဲ့လိုအပ်ချက်အတွက်လည်း မဟုတ်ဘူး။ ကိုယ့်ရဲ့တိုင်းဒေသကြီး/ပြည်နယ် အစိုးရရဲ့ လိုအပ်ချက်အတွက်လည်း မဟုတ်ဘူး။ အများပြည်သူနဲ့ နိုင်ငံတစ်နိုင်ငံလုံးအတွက် ဘယ်လိုအကျိုးပြုနိုင်မလဲ ဆိုတာ ကြည့်ပြီးတော့ ဒီလိုစီမံကိန်းတွေကို ကျွန်မတို့ဆုံးဖြတ်ရမှာဖြစ်ပါတယ်။ ဘဏ္ဍာ ရေးကော်မတီ အစည်း အဝေးမှာတုန်းကဆိုရင် တိုင်းဒေသကြီး/ပြည်နယ် အတော်များ များကနေပြီးတော့ ၀န်ထမ်းအိမ်ရာ လိုအပ်ချက်တွေကိုတင်ပြတာ ကျွန်မသတိပြုမိပါ တယ်။
"၀န်ထမ်းအိမ်ရာလိုအပ်ချက်တွေတင်ပြတယ်ဆိုတာ ၀န်ထမ်းတွေရဲ့ ဘ၀ကို ပိုပြီးတော့ အဆင်ပြေစေချင်လို့။ အဆင်ပြေစေချင်လို့ဆိုတာဟာ ၀န်ထမ်းတွေဟာ နိုင်ငံရဲ့ အကျိုးအတွက် ပိုပြီးတော့ထိထိရောက်ရောက် လုပ်ဆောင်နိုင်စေချင်လို့ ကျွန်မဒီလိုပဲ နားလည်ပါတယ်။ သို့သော်ငြားလည်း ကျွန်မတို့ လုပ်ပေးနိုင်တဲ့အတိုင်း အတာဟာ ကျွန်မတို့မှာရှိတဲ့ ဘဏ္ဍာငွေအင်အားနဲ့လည်း ကိုက်ညီအောင် ဆုံးဖြတ်ရပါတယ်။ တကယ်တော့ပေးနိုင်ရင်တော့ လိုသမျှအားလုံး ကျွန်မတို့ဖြည့်ဆည်း ပေးချင်တာပေါ့။ ပြီးတော့ တိုင်းဒေသကြီးနဲ့ပြည်နယ်တွေကလည်း ကိုယ့်ဘက်ကလည်း ဘယ်လို ပိုပြီးတော့ ၀င်ငွေရှာမလဲဆိုတာလည်း ပိုပြီးတော့ စဉ်းစားစေချင်ပါတယ်။ ကိုယ့်လိုအပ်တဲ့ပံ့ပိုးမှုတွေ၊ အကောင်အထည်ဖော်ချင်တဲ့ စီမံကိန်းတွေ အတွက် တိုင်းဒေသကြီး/ပြည်နယ်တွေကလည်း ပိုပြီးတာဝန်ယူတဲ့ စိတ်ဓာတ်နဲ့ငါတို့ ဒီလို စီမံကိန်းတွေ အကောင်အထည်ဖော်ဖို့အတွက် ဘယ်လိုလုပ်မလဲ။ ဘယ်လို ပုံစံနဲ့ပိုပြီးတော့ ၀င်ငွေရှာမလဲ။ ဘယ်လိုပုံစံနဲ့ ပုဂ္ဂလိကလုပ်ငန်းရှင်တွေနဲ့ ဆက်သွယ်ပြီး တော့ လုပ်မလဲဆိုတာ စဉ်းစားစေချင်ပါတယ်။
"ကျွန်မတို့ နိုင်ငံဟာ Private Public Partanarship။ ပုဂ္ဂလိကနဲ့ အစိုးရနဲ့ ညှိနှိုင်းပြီးတော့ ပူးပေါင်းပြီးတော့ လုပ်တဲ့စီမံကိန်းတွေကို ဦးတည်ဖို့လိုပါတယ်။ ကျွန်မတို့ နိုင်ငံရဲ့ လက်ရှိ စီးပွားရေး၊ နိုင်ငံရေးအခြေအနေအရ ဆိုရင် ဒီလိုပူးပေါင်း ဆောင်ရွက်မှုတွေကို အောင်မြင်အောင်လုပ်ဆောင်နိုင်ခြင်းအားဖြင့် ကျွန်မတို့ စီးပွားရေး တိုးတက်မှု နဲ့ နိုင်ငံရေး တည်ငြိမ်မှုအတွက်အများကြီး အထောက်အကူပြုပေးနိုင်မှာပါ။ ကျွန်မတို့ စီးပွားရေးနှင့်နိုင်ငံရေးကို ခွဲလို့မရပါဘူး။ ဒ့ါကြောင့် ကျွန်မတို့ ဒီလိုစီမံကိန်း တွေ အကောင်အထည်ဖော်တဲ့အခါမှာ စီးပွားရေးအကျိုးအမြတ်တစ်ခုတည်းကိုပဲ ကြည့်နေလို့မရပါဘူး။ ကြည့်လို့မဖြစ်ပါဘူး။ ကျွန်မတို့ နိုင်ငံရေးအတွက် ဘယ်လို ပံ့ပိုးမှုဖြစ်နိုင်မယ် ဆိုတာကို ကြည့်ရပါမယ်။
"နိုင်ငံရေးနဲ့စီးပွားရေးနှစ်ခုကို ဒွန်တွဲပြီးကြည့်မှသာလျှင် ကျွန်မတို့ နိုင်ငံနဲ့သင့်တော်တဲ့ စီမံကိန်းတွေကို ကျွန်မတို့ ဆုံးဖြတ်နိုင်မှာပါ။ အဲဒါကြောင့် ကျွန်မတို့ရဲ့ တိုင်းဒေသကြီး ပြည်နယ်အစိုးရများကလည်း နိုင်ငံရေး၊ စီးပွားရေးအမြင်နှစ်ခုနဲ့ စီမံကိန်းတွေကို ချဉ်းကပ်ပါ။ အောင်မြင်အောင်လုပ်ပါလို့ ကျွန်မအနေနဲ့ ဆော်သြချင်ပါတယ်။ နောက်တစ်ခုက ကျွန်မတို့ အခုနိုင်ငံရေး၊ စီးပွားရေးတိုးတက်မှု တွေရအောင် လုပ်တဲ့နေရာမှာ လွှတ်တော်များနဲ့ အစိုးရများအကြား ပူးပေါင်း ဆောင်ရွက်မှုဟာ အင်မတန်မှအရေးကြီးပါတယ်။ ဒီပြည်ထောင်စုအဆင့်မှာတော့ ပြည်ထောင်စု လွှတ်တော်နဲ့ ပြည်ထောင်စုအစိုးရကြားမှာ ပူးပေါင်းဆောင်ရွက်မှုဟာ အရေးကြီးသလို တိုင်းဒေသကြီးနဲ့ ပြည်နယ်တွေမှာလည်း တိုင်းဒေသကြီး/ ပြည်နယ်လွှတ်တော်တွေနဲ့ အစိုးရတွေကြားမှာ ပူးပေါင်းဆောင်ရွက်မှုဟာ အင်မတန်မှ အရေးကြီးပါတယ်။
"တစ်ချို့တွေက လွှတ်တော်ရဲ့ကဏ္ဍနဲ့ အစိုးရရဲ့ကဏ္ဍကို မြင်တဲ့ဟာမှာ အမြင် နည်း နည်းစောင်းနေတယ်လို့ ကျွန်မတို့ မြင်ပါတယ်။ တစ်ယောက်နဲ့တစ်ယောက်ပြိုင် ဘက်လို တစ်ချို့ကမြင်ပါတယ်။ ဒီလိုတစ်ယောက်နဲ့တစ်ယောက် ထိန်းသွားတယ်ဆို တာဟာ အကောင်းအတွက်ပါ။ တစ်ဘက်ကတစ်ဘက်ကိုမမှားအောင် ထိန်းသွားတဲ့ သဘောပါ။ ထိန်းကွပ်သွားတဲ့သဘောပါ။ ပြိုင်ဘက်အနေနဲ့ ထိန်းကွပ်သွားတာမဟုတ်ပါ ဘူး။ အစိုးရကနေပြီးတော့ လွှတ်တော်ရဲ့ လုပ်ပိုင်ခွင့်ကို ချုပ်ချယ်ချင်လို့။ လွှတ်တော် က အစိုးရရဲ့လုပ်ပိုင်ခွင့်ကို ချုပ်ချယ်ချင်လို့ဆိုတဲ့ စိတ်ဓာတ်နဲ့ ထိန်းကွပ်သွားရမှာ မဟုတ်ပါဘူး။ တစ်ဘက်နဲ့တစ်ဘက် ဘယ်လိုကူညီပြီးတော နိုင့်ငံအကျိုးကို ထမ်း ဆောင်နိုင်မလဲဆို တာကို ကြည့်ပြီးတော့ လုပ်သွားရမှာဖြစ်ပါတယ်။
"ဒီစီမံကိန်းတွေနဲ့ပတ်သက်ရင် အားလုံးသိပြီးသားပါ။ ဒါဟာလွှတ်တော်နဲ့လည်း ဆိုင်တယ်။ အစိုးရအဖွဲ့နဲ့လည်းဆိုင်တယ်။ အစိုးရဘက်က ကိုယ်လိုချင်တဲ့ စီမံကိန်းကို ကိုယ်လုပ်ချင်သလိုလုပ်လို့လည်း အမြဲရတာမဟုတ်ဘူး။ လွှတ်တော်နဲ့ညှိ နှိုင်းပြီးတော့ လွှတ်တော်ရဲ့ သဘောထားယူပြီးတော့ လုပ်ရတာ တွေလည်းအများကြီး ရှိပါတယ်။ ဒါကြောင့် ဆက်ဆံရေးကောင်းဖို့ဆိုတာ အားလုံးမှာ တာဝန်ရှိပါတယ်။ လွှတ်တော်ဘက်မှာ တာဝန်ရှိသလို အစိုးရဘက်မှာလည်း တာဝန်ရှိပါတယ်။
"ကျွန်မတို့နိုင်ငံရဲ့ စီမံကိန်းတွေရဲ့ အခြေအနေကို သမ္မတကြီးက ပြောကြားပြီး သွားပါပြီ။ နောက်ပြီး သက်ဆိုင်ရာ တိုင်းဒေသကြီးနဲ့ပြည်နယ်များရဲ့ အခြေအနေကို အားလုံးသိရှိပြီး ဖြစ်ပါတယ်။ အားလုံးကို ချုံငုံပြီး ပြောရမယ်ဆိုရင် ကျွန်မတို့ တိုးတက်မှု မရှိဘူးလားဆိုတော့ တိုးတက်မှု ရှိပါတယ်။ အရင်နှစ်ကထက်စာရင် တိုးတက်ပါတယ်။ တိုးတက်မှုက အမှန်ပြောရရင် တချို့ထင်တာထက်များပါတယ်။ ကျွန်မတို့ သေသေချာချာ လေ့လာတဲ့အခါကျတော့ ကျွန်မတို့ရဲ့ စီးပွားရေးတိုးတက်မှုက ထင်တာထက်မြန်တယ်။ နိုင်ငံရေးတိုးတက်မှုကလဲ ထင်တာထက် မြန်ဆန်ပါတယ်ဆိုပြီး နိုင်ငံတကာ လေ့လာရေးအဖွဲ့တွေက ကျွန်မတို့ကို ပြောထားတာရှိပါတယ်။
"ဒါပေမယ့် ဒါနဲ့ ကျွန်မတို့ ကျေနပ်နေလို့ မဖြစ်ပါဘူး။ ကျွန်မတို့ နိုင်ငံအတွက် စိန်ခေါ်မှု တွေက အင်မတန်မှများပါတယ်။ အခက်အခဲတွေက အများကြီး ကျော်ဖြတ်စရာ ရှိပါတယ်။ ဒါကြောင့် ဆထက်ထမ်းပိုး တိုးပြီးတော့ ကြိုးစားမှ ကျွန်မတို့ နိုင်ငံအတွက် တိုးတက်မှုရနိုင်မှာပါ။ ပန်းတိုင်လို့ ကျွန်မ မပြောလိုပါဘူး။ နိုင်ငံတစ်နိုင်ရဲ့ ပန်းတိုင်ဆိုတာက ဘယ်တော့မှ ရောက်တယ် မရှိပါဘူး။ ကမ္ဘာကြီးတည်သရွေ့ ကျွန်မတို့ဟာ ရှေ့ကိုဆက်သွားနေရမယ်။ ပန်းတိုင်ကိုရောက်ပါပြီဆိုပြီး ကျွန်မတို့ ထိုင်နေရမယ့် အချိန်ဘယ်တော့မှ ရောက်မှာ မဟုတ်ပါဘူး။ သို့သော်လည်း ရေတို ပန်းတိုင်တွေတော့ ကျွန်မတို့ သတ်မှတ်လို့ရပါတယ်။ ဒီတစ်နှစ်အတွင်း ကျွန်မတို့ ဘယ်လောက်ထိဖြစ် အောင်လုပ်မယ်။ ၆ လအတွင်း ဘယ်လောက်ထိ ဖြစ်အောင်လုပ်မယ်။ တစ်နှစ်အတွင်း၊ ၆ လအတွင်း ဖြစ်မြောက်ရေးအတွက် ဆိုတာ တစ်ရက်ချင်း၊ တစ်ရက်ချင်း လုပ်သွားရမယ့် ကိစ္စတွေဖြစ်ပါတယ်။
"တစ်ရက်ချင်း၊ တစ်ရက်ချင်း လုပ်သွားရမယ့် ကိစ္စဆိုရင် အုပ်ချုပ်ရေးပိုင်းဆိုင်ရာ တွေက အရေးကြီးပါတယ်။ အုပ်ချုပ်ရေးပိုင်းဆိုင်ရာကို ပီပီပြင်ပြင် ကိုင်နိုင်မှသာလျှင် ကျွန်မတို့ရဲ့ စီမံကိန်းတွေကို အကောင်အထည်ဖော်တဲ့ နေရာမှာ လုံလောက်မှာဖြစ်ပါ တယ်။ ပြည်ထောင်စုအစိုးရအဖွဲ့ ၀န်ကြီးဌာနတွေရော၊ တိုင်းဒေသကြီးနဲ့ ပြည်နယ် အစိုးရတွေရော အုပ်ချုပ်ရေးပိုင်းဆိုင်ရာမှာ ပီပီပြင်ပြင် ထိထိရောက်ရောက် လုပ်နိုင်ဖို့ ဟာ အင်မတန်မှအရေးကြီးပါတယ်။ ဒီလို ပီပီပြင်ပြင် ထိထိရောက်ရောက် မလုပ်နိုင်ဘဲ နဲ့တော့ ကျွန်မတို့ စီးပွားရေးဘက်ကော၊ နိုင်ငံရေးဘက်ကကော လိုအပ်တဲ့ တိုးတက်မှု တွေ ကျွန်မတို့ ရနိုင်မှာ မဟုတ်ပါဘူး။
"စောစောက ကျွန်မပြောသွားသလိုဘဲ၊ တစ်ယောက်နဲ့ တစ်ယောက်လဲ ပူးပေါင်း ဆောင်ရွက်ဖို့ကို အလေးထားရမယ်။ တစ်ယောက်နဲ့ တစ်ယောက် ပြိုင်နေတာ မဟုတ် ပါဘူး။ အားလုံးစုပေါင်းပြီး နိုင်ငံအကျိုးအတွက် လုပ်နေတာ ဖြစ်ပါတယ်။ အဲဒီလို စိတ်နဲ့ ဆက်ပြီးကြိုးစားစေချင်ပါတယ်။ သမ္မတကြီး မှာကြားတဲ့အတိုင်း ကျွန်မတို့ရဲ့ နိုင်ငံ အတွက် လိုအပ်တဲ့ တိုးတက်မှုတွေရအောင်လို့ ၀ိုင်းဝန်းပြီးကူညီကြပါ၊ နောင်အနာဂတ်မှာ ဖြစ်ပေါ်လာမယ့်၊ တာဝန်တွေနဲ့ လုပ်ပိုင်ခွင့်တွေ အတွက်လည်းထည့်ပြီး စဉ်စားရပါမယ်။ အဲဒါက ဘာလဲဆိုတော့ တချို့တွေက ရာသီဥတုပြောင်းလဲမှုကိစ္စနဲ့ ပတ်သက်ပြီး ရာသီဥတုပြောင်းလဲမှု ရှိတယ်ဆိုတာ သိရဲ့သားနဲ့ ရာသီဥတုပြောင်းလဲမှုအတွက် ပြင်ဆင်မှုတွေ နည်းနေတယ်လို့ ကျွန်မ မြင်တယ်။ ရာသီဥတု ပြောင်းလဲသွားတယ်၊ တချို့ဆိုရင် မုန်တိုင်းတွေဖြစ်တာကို မထင်မမှတ်တဲ့ သဘာဝဘေးအန္တရာယ်ကျရောက် တယ်လို့ ပြောကြပါတယ်။ အခုက မထင်မမှတ်စရာအကြောင်း မရှိတော့ပါဘူး။ ဒီမုန်တိုင်းတွေက ပုံမှန်လာတော့မယ် ဆိုတာ ရာသီဥတု အပြောင်းအလဲနဲ့ ဆက်စပ် နေပါတယ်။ ဒါကိုလည်း ပညာရှင်တွေက ပြောထားပြီးပါပြီ။ နောင်ရာသီဥတု အပြောင်းအလဲကြောင့် ဒီနိုင်ငံမှာ အရင်လို မဟုတ်တော့ဘူးဆိုတာ ပြောထားပြီးပါပြီ။ နောင်ဖြစ်မယ့်ဟာတွေကို တွက်ထားပြီးတော့ အခုကတည်းကနေပြီး ပြင်ဆင်ပြီး လုပ်ရမှာဖြစ်ပါတယ်။ ဒါစီမံကိန်းတွေကို စီစဉ်တဲ့အခါမှာလည်း ရာသီဥတု ပြောင်းလဲမှုရဲ့ အကျိုးဆက်တွေကို ထည့်တွက်ဖို့ လိုပါတယ်။ ဒါအနာဂတ်အတွက် တွက် တယ်ဆိုတာ ဒါတွေကို ပြောတာ ဖြစ်ပါတယ်။
"အနာဂတ်အတွက် လိုအပ်ချက် တစ်ခုက ကျွန်မတို့ ဦးတည်နေတာ ဘယ်ကို ဦးတည် နေတာလဲ။ အားလုံးသိတဲ့အတိုင်း ကျွန်မတို့ဟာ ဒီမိုကရေစီ ဖက်ဒရယ် ပြည်ထောင်စုကို ဦးတည်နေတာပါ။ ကျွန်မတို့ လုပ်တဲ့၊ အကောင်အထည်ဖော်တဲ့ စီမံကိန်းအားလုံးဟာ ဒီမိုကရေစီ ဖက်ဒရယ်ပြည်ထောင်စု ပေါ်ထွန်းရေးအတွက် အကျိုးပြုရဲ့လားဆိုတာကို ထည့်တွက်စဉ်းစားပြီးမှ အကောင်အထည်ဖော်စေချင်ပါ တယ်။ ဒါကြောင့် ကျွန်မစောစောက ပြောသလို တိုင်းဒေသကြီးပြည်နယ်နဲ့ ဗဟိုအစိုးရ အကြား ဆက်ဆံရေးဟာ အင်မတန်မှ အရေးကြီးပါတယ်။ ဒီမိုကရေစီ ဖက်ဒရယ် ပြည်ထောင်စု တစ်ခုဖြစ်သွားပြီဆိုရင် ပိုပြီးတော့ အရေးကြီးလာပါပြီ၊ အဲဒီဟာအတွက် အခုကျွန်မတို့ကစပြီး အုတ်မြစ်ချရမှာ ဖြစ်ပါတယ်။ ကျွန်မတို့ရဲ့ ဆက်ဆံရေးနဲ့ အုပ်ချုပ် ရေး ကိုင်တွယ်နည်းတွေဟာ အနာဂတ်အတွက် အရေးပါတဲ့ကိစ္စတွေပါ။
"နိဂုံးချုပ်အနေနဲ့ ကျွန်မတို့နိုင်ငံရဲ့ ရင်ဆိုင်နေရတဲ့ စိန်ခေါ်မှုတွေအားလုံးကို ပြည်သူလူထုရဲ့ ညီညွတ်မှု၊ ထောက်ခံမှုနဲ့ ကျော်လွှားနိုင်မယ်ဆိုတာ ယုံမှားသံသယ ဖြစ်စရာ မလိုပါဘူး။ သို့သော်ငြားလည်း ပြည်သူလူထုရဲ့ ညီညွတ်တဲ့ထောက်ခံမှု ရဖို့ဆို တာ ကျွန်မတို့ အစိုးရက တာဝန်ကျေဖို့ လိုပါတယ်။ ပြည်သူနဲ့ ပတ်သက်ပြီး တာဝန်ကျေမှ ပြည်သူတွေရဲ့ ဓမ္မဓိဋ္ဌာန်ကျတဲ့ ရည်မှန်းချက်တွေကို ကျွန်မတို့ ဖြည့်ဆည်းပေးနိုင်မှလည်း သူတို့က ကျွန်မတို့ကို ထောက်ခံမှာပါ။ အားလုံးကို ကျွန်မ မလုပ်ပေးနိုင်ပါဘူး၊ လူတိုင်း လူတိုင်းရဲ့ ဆန္ဒကို ဖြည့်ဆည်းပေးဖို့ဆိုတာ မဖြစ်နိုင်ပါဘူး။ ဒါပေမယ့် ပြည်သူလူထုရဲ့ လိုအပ်ချက်တွေဟာ အမှန်တကယ် ဖြစ်သင့်ဖြစ်ထိုက်တဲ့၊ လုပ်ပေးသင့်ထိုက်တဲ့ ကိစ္စတွေ ဆိုရင် ကျွန်မတို့ဟာ လုပ်ပေးဖို့ တာဝန်ရှိပါတယ်။ ဒီလို မလုပ်ပေးနိုင်ဘဲနဲ့ ပြည်သူရဲ့ ထောက်ခံမှုနဲ့ ပြည်သူရဲ့ ညီညွတ်တဲ့ ပံ့ပိုးမှုကို မျှော်လင့်စရာ အကြောင်းမရှိပါဘူး။ ကိုယ့် တာဝန် မကျေဘဲနဲ့ ပြည်သူကလဲ တာဝန်ကျေမယ်ဆိုပြီး ကျွန်မတို့ ပြောလို့မရပါဘူး။ ဒီလို ပြောခြင်းအားဖြင့် ကျွန်မတို့ အစိုးရက တာဝန်မကျေဘူးလို့ ပြောတာ မဟုတ်ပါဘူး။ တိုင်းဒေသကြီးနဲ့ ပြည်နယ် အစိုးရတွေကိုလည်း တာဝန်မကျေဘူးလို့ ပြောတာ မဟုတ်ပါဘူး။ တာဝန်ပိုသထက် ပိုပြီးတော့ ပိုကျေအောင်လို့ တစ်နေ့ထက် တစ်နေ့ ဆက်ပြီး ကြိုးစားသွားကြပါ။ ကိုယ့်ကို ကျေနပ်ပြီး မနေကြပါနဲ့၊ ဘယ်တော့မှ မကျေနပ်နိုင်ဘူး၊ အစိုးရအလုပ်ဆိုတာ ဘယ်တော့မှ ကျေနပ်နိုင်စရာ မရှိဘူးဆိုတဲ့ စိတ်ထားနဲ့ တိုးတက်မှုကို ဦးတည်ကြပါ”ဟု ပြောကြားသည်။
ထို့နောက် အမျိုးသားစီမံကိန်းကော်မရှင် အတွင်းရေးမှူး စီမံကိန်းနှင့်ဘဏ္ဍာရေး ၀န်ကြီးဌာန ပြည်ထောင်စုဝန်ကြီး ဦးကျော်ဝင်းက ၂၀၁၈ ခုနှစ် ဧပြီလမှ စက်တင်ဘာ လအထိ ၆ လ အမျိုးသားစီမံကိန်း(အဆိုပြုမူကြမ်း) ရေးဆွဲဆောင်ရွက်ထားရှိမှု အခြေ အနေကို ရှင်းလင်းတင်ပြသည်။
တင်ပြချက်များနှင့်ပတ်သက်၍ နိုင်ငံတော်သမ္မတက "ဒီနေ့အစည်းအဝေးမှာ ညှိနှိုင်းဆွေးနွေး အတည်ပြုခဲ့တဲ့ အမျိုးသားစီမံကိန်းဥပဒေကြမ်းဟာ ၂၀၁၈ ခုနှစ်၊ ဧပြီလကနေ စက်တင်ဘာလအထိ (၆)လတာကာလ အတွက်သာ ဖြစ်ပေမယ့် ယခင် နှစ်စဉ် အမျိုးသားစီမံကိန်းဥပဒေကြမ်းများကဲ့သို့ပင် ရေးဆွဲခြင်း၊ အတည်ပြုချက်ရယူ ခြင်း၊ အကောင်အထည်ဖော်ခြင်းတွေကို သတ်မှတ်ပြဋ္ဌာန်းထားတဲ့ နည်းလမ်းတွေ အတိုင်းဆောင်ရွက်သွားရမှာဖြစ်ပါတယ်။ အဲဒီ(၆)လ စီမံကိန်းကို ရေးဆွဲရာမှာ ပြည်သူ တွေရဲ့ လတ်တလောလိုအပ်ချက်တွေနဲ့ တိုင်းပြည် ရေရှည်ဖွံ့ဖြိုးတိုးတက်ရေးအတွက် လိုအပ်ချက်တွေကို နိုင်ငံတော်က ခွင့်ပြုပေးနိုင်တဲ့ ဘတ်ဂျက်ဘောင်အတွင်းက ပေါင်း စပ်ရေးဆွဲတာ ဖြစ်ပေမယ့် တိုင်းရင်းသားစည်းလုံး ညီညွတ်ရေး၊ တရားဥပဒေစိုးမိုးရေးနဲ့ တည်ငြိမ်အေးချမ်းရေး၊ လူသားအရင်းအမြစ်ဖွံ့ဖြိုးရေး၊ သဘာဝပတ်ဝန်းကျင်ထိန်းသိမ်း စောင့်ရှောက်ရေး လုပ်ငန်းတွေကိုလည်း အလေးထားပြီး ပေါင်းစပ်ဆောင်ရွက်ရမှာဖြစ် ပါတယ်။ ဒါ့အပြင် ဘဏ္ဍာရေးမူဝါဒ၊ ငွေကြေးမူဝါဒ၊ ကုန်သွယ်ရေးမူဝါဒတွေနဲ့လည်း အချိတ်အဆက်မိမိ အကောင်အထည်ဖော် ဆောင်ရွက်နိုင်မယ့် အစီအစဉ်တွေကိုလည်း ချမှတ်ရေးဆွဲဖို့လိုအပ်ပါတယ်။
"ပြည်ထောင်စုဝန်ကြီးဌာနတွေနဲ့ တိုင်းဒေသကြီး/ပြည်နယ်တွေအနေနဲ့ စီမံကိန်းတွေ ရေးဆွဲအကောင်အထည်ဖော်တဲ့အခါ နယ်ပယ်ဧရိယာတစ်ခုတည်းမှာ စီမံကိန်း လုပ်ငန်းတွေ ထပ်မနေအောင်လည်း သတိပြုဖို့လိုအပ်ပါတယ်။ စီမံကိန်းတွေ ရေးဆွဲ အကောင်အထည်ဖော်ကြတဲ့အခါမှာ ပြည်ထောင်စုဝန်ကြီးဌာနတွေနဲ့ တိုင်းဒေသကြီး/ ပြည်နယ်တွေအကြား အချင်းချင်းအချိတ်အဆက်မိမိ ဆက်သွယ်လုပ်ဆောင်ဖို့လည်း မှာကြားလိုပါတယ်။
"စီမံကိန်းအကောင်အထည်ဖော်မှု အခြေအနေတွေကို စီမံကိန်းကာလ တစ်လျှောက်လုံး မျက်ခြည်မပြတ် တစိုက်မတ်မတ် ကြီးကြပ်သုံးသပ် ဆောင်ရွက်သွားရမှာ ဖြစ်ပါတယ်။ ဒါမှသာ ရေရှည်တည်တံ့ခိုင်မြဲတဲ့ စီးပွားရေး ပုံသဏ္ဍာန် ပြောင်းလဲမှုနဲ့ အချိုးကျမျှတတဲ့ ဘက်စုံဖွံ့ဖြိုးတိုးတက်ရေး လမ်းကြောင်းပေါ် ရောက်ရှိမှာဖြစ်ပါတယ်။
"၂၀၁၈ ခုနှစ် ဧပြီလကနေ စက်တင်ဘာလအထိ (၆) လတာ ကာလ အမျိုးသား စီမံကိန်းကို ရေးဆွဲအကောင်အထည်ဖော်တဲ့အခါမှာ ယခင်ရေးဆွဲ အကောင်အထည် ဖော်ဆောင်ရွက်ခဲ့တဲ့ အမျိုးသားစီမံကိန်းတွေကနေ ရရှိခဲ့တဲ့ အားသာချက်တွေကို ဆက်လက်ထိန်းသိမ်းရမှာဖြစ်သလို တွေ့ကြုံဖြစ်ပေါ်ခဲ့တဲ့ အားနည်းချက်တွေကို စိစစ် သုံးသပ်ပြီး ပြုပြင်ဆောင်ရွက်ရမှာ ဖြစ်ပါတယ်။
အလားတူ ၂၀၁၈-၂၀၁၉ ဘဏ္ဍာရေး နှစ်၊ အမျိုးသားစီမံကိန်းအတွက် ဦးစားပေးအစီအစဉ်တွေ၊ လုပ်ငန်းရပ်တွေ၊ လုပ်နည်း စနစ်တွေကို ဖော်ထုတ်ချမှတ်နိုင်ဖို့အတွက်လည်း ကြိုတင်ညှိနှိုင်းဆောင်ရွက်ထားဖို့ လိုအပ်ပါတယ်”ဟု မှာကြားသည်။
MSCO
Thursday, October 12, 2017
နိူင်ငံတော်၏ အတိုင်ပင်ခံမှ ပန်ကြားချက် နှင့် သိထားသင့်သော လက္ခံမည့် အသေးစိတ် လုပ်ငန်းစဉ်
နိူင်ငံတော်၏ အတိုင်ပင်ခံမှ ပန်ကြားချက် နှင့် သိထားသင့်သော လက္ခံမည့် အသေးစိတ် လုပ်ငန်းစဉ်
============================================
ဒေါ်အောင်ဆန်းစုကြည်မှ ယမန်နေ့ညက နိူင်ငံတ၀ှမ်းကို အသံလွှင့်ပြောကြားပြီး မည်သည် ခရိုနီ စစ်ဗိုလ်ချုပ်ကြီးမှ အမှီ မလိုက်နိူင်သော သူမတွင် ရှိသည့် ချမ်းသာကြွယ်ဝမှုများ ဖြစ်သော ပြည်သူအများ၏ ယုံကြည်အားကိုး လေးစားမှု ကို အသုံးပြု၍ ရခိုင်ပြည်နယ် ပြန်လည် ဖွံ့ဖြိုး ငြိမ်းချမ်းရေး အတွက် အကူအညီ ပေးကြပါရန် ပန်ကြားလိုက်ပြီ ဖြစ်ပါတယ်။
သူမကိုယ်တိုင်လည်း အဆိုပါ လုပ်ငန်း ကော်မီတီ ကို ဥက္ကဌ အဖြစ် ဦးဆောင်ပြီး ဆောင်ရွက်သွားမှာ ဖြစ်ပါတယ်။
သို့သော် အဆိုပါ မိန့်ခွန်းက သာမန်ကြည့်ပါက ဘင်္ဂါလီများ ကို ပြန်လည် ခေါ်ယူ နေရာချထားပေးရေး လို့ ထင်စရာ ရှိနေပေမယ့် တာဝန်ကြီး သုံးရပ် တွင် နောက်ဆုံး တာဝန် ကို အကောင်အထည် ဖေါ်ရေး အတွက် ပထမ လုပ်ငန်း (၂) ရပ်ကို မဖြစ်မနေ ဆောင်ရွက်ရမှာ ဖြစ်ပါတယ်။
ဒါကလည်း ယခင် စစ်အစိုးရ အဆက်ဆက် က ဦးနေ၀င်း ခေတ်တွင် တကြီမ်၊ ဗိုလ်သန်းရွှေ ခေတ်တွင် တကြိမ် အကောင်အထည်ဖေါ်ခဲ့ပြီး ဖြစ်ကာ ထိုမူ များ နဲ့ အညီ ဆက်လက် လုပ်ဆောင်သွားမှာ ဖြစ်တယ် ဆိုတာ ရှင်းရှင်းလင်းလင်း မြင်တတ်ဖို့ လိုပါတယ်။
အဆိုပါ ကိစ္စကို ပြေလည်အောင် မရှင်းနိူင်ပဲနှင့် ရခိုင်ဒေသ ငြိမ်းချမ်းသာယာ လာဖို့ သည် မည်သို့မျှ မဖြစ်နိူင်ကြောင်း ပြည်သူတရပ်လုံး သဘောပေါက်ထားသင့်လှပါတယ်။
မနေ့က ဂျပန် သတင်းစာစောင် ဖြစ်တဲ့ Nikkei Asian Review နဲ့ လူပြန်ကယ် ၀န်ကြီး ဒေါက်တာ ၀င်းမြတ်အေး တို့ သီးသန့် အင်တာဗျုး တွေ့ဆုံခန်းမှာ ပြောသွားတဲ့ အကြောင်းတွေကို လေ့လာကြည့်ရင် ဘယ်လို ပုံစံနဲ့ ပြန်ခေါ်သွားမလဲဆိုတာ အကြမ်းဖျင်း သိနိူင်ပါတယ်။
မြန်မာဖက်မှလည်း လူဦးရေ စာရင်း အတိအကျ ကောက်ထားပြီးသား ရှိနေပြီး ဖြစ်တဲ့ အတွက် ထိုစာရင်းများ အပေါ် အခြေခံပြီး သေချာစွာ စီစစ်လက်ခံသွားမှာ ဖြစ်တဲ့ အပြင် ဘင်္ဂလားဒေ့ရှ် နဲ့ မကြာသေးမီက ဖွဲ့စည်းခဲ့တဲ့ လုပ်ငန်းကော်မီတီ ရဲ့ လုပ်ဆောင်ချက်များ အပေါ် တည်မှီနေပါတယ်။
ထုံးစံအတိုင်းပင် အဆိုပါ လုပ်ငန်းကော်မီတီ တွင် ဘင်္ဂလားဒေ့ရှ် ဖက်က နှေးကွေးနေတဲ့ အတွက် စနိူင်မယ် ဆိုရင်တောင် နိူဝင်ဘာလ ဆန်းမှ အစောဆုံးထားပြီး စနိူင်မယ်လို့ ၀န်ကြီးက ဆိုပါတယ်။
၎င်းတို့ ပြောနေသည့် ဒုက္ခသည် ငါးသိန်းဆိုသည်ကိစ္စကိုလည်း ၀န်ကြီးက သွယ်ဝိုက် ပါယ်ချလိုက်ပြီး ပြန်လာချင်သူ မှန်သမျှ စီစစ် လက်ခံတာကို ခံရမည် ဖြစ်ပြီး နေထိုင်ကြောင်း အထောက်အထား ပြနိူင်မှသာ ၀င်ခွင့်ပြုမည် ဖြစ်ကြောင်း နဲ့ အချက် (၃) ချက် အပေါ် အဓိက ထားပြီး လက်ခံသွားမှာ ဖြစ်ကြောင်း ပြောသွားခဲ့ပါတယ်။
ပထမ အချက် အနေနဲ့ ပြန်လာချင်သူများသည် မိမိတို့ သဘောဆန္ဒအရ သာ ပြန်လာမည့် သူများ ဖြစ်ရမည်။ ဒုတိယအနေနဲ့ ၎င်းတို့ တင်ပြသော အထောက်အထားများသည် မြန်မာနိူင်ငံဖက်မှ ရှိပြီးသား အိမ်ထောင်စု စာရင်းဝင်များ ဖြစ်ရမည်။ တတိယ အချက်က မိသားစုနှင့် ကွဲကွာသွားသူများ အနေဖြင့် ဘင်္ဂလားဒေ့ရှ် တရားရုံးမှ ထောက်ခံချက် တင်ပြရမည် ဖြစ်ကြောင်း ဆိုပါတယ်။ ဤနေရာတွင်လည်း အမည်၊ အရင်နေထိုင်ခဲ့ဖူးသည့် လိပ်စာ နှင့် မိဘ အမည်များ ကို မြန်မာဘက်ရှိ စာရင်းနှင့် ကိုက်ညီမှသာ ပြန်လည် လက်ခံမှာ ဖြစ်ပါတယ်။
အဆိုပါ လုပ်ငန်းစဉ်များ ပြည့်စုံစွာ စစ်ဆေးရေး အတွက် ပြန်ဝင်လာလိုသူများ တနေ့ သို့ မဟုတ် တရက် နှင့် တရက်ခွဲ အထိ တန်းစီစောင့်ဖို့တော့ လိုပြီး အိမ်များ မီးရှို့ ခံထားရသူများ အနေဖြင့် ၎င်းတို့အား အနီးအနားရှိ ယာယီ စခန်းမှာ အစိုးရက အိမ်များ ပြန်လည်ဆောက်လုပ်ပေးသည့်အထိ ထားရှိမှာ ဖြစ်တယ်လို့ ဆိုပါတယ်။
စီစစ်ရေး လုပ်ငန်းများကို အခုလို အချိန်ယူ ဆောင်ရွက်ရမှာ ဖြစ်တဲ့ အတွက် တရက်ကို အလွန်ဆုံး ၁၅၀ အထိသာ လက်ခံနိူင်မှာ ဖြစ်ပြီး သူတို့ အဆို ၅ သိန်း ခန့်ရှိသည် မှန်ပါက အားလုံးကို လက်ခံဖို့ဆယ်နှစ်အထိ ပင် ကြာနိူင်ကြောင်း အလေးအနက် ပြောသွားခဲ့ပါတယ်။
မြန်မာအနေဖြင့် ကုလ အေဂျင်စီ များကို ကယ်ဆယ်ရေး လုပ်ခွင့်မပြုနိူင်သေးကြောင်း၊ ဒေသခံများက ဘင်္ဂါလီများဖက်ကို အထူးအရေးပေး လုပ်ဆောင်နေသည်ဟု သံသယ ရှိနေ၍ ၎င်းတို့၏ လုံခြုံရေး ကို အာမ မခံနိူင်သေးဖူးလို့ လည်း ပြောသွားခဲ့ပါတယ်။
အဆိုပါ ၀င်ရောက်လာသူများက လူ့အခွင့်အရေး ချိုးဖေါက်ခံထားရကြောင်း တိုင်တန်းပါက စစ်တပ်ပါမကျန် အကုန် အရေးယူသွားမှာ ဖြစ်တယ်လို့ ဆိုပါတယ်။
သို့အတွက် လက်ခံရေး အစီအစဉ်များ အပေါ် သံသယ ရှိသူများ အမြင်ရှင်းသင့်လောက်ပြီဟု ယူဆပါတယ်။
ဒဏ်ရာဒဏ်ချက်ပေါင်းများစွာ နဲ့ နှစ်ပေါင်း ၅၀ ကျော် ဖြတ်ကျော်ခဲ့ရတဲ့ နိူင်ငံတခု အပေါ် တော်ရုံတန်ရုံ စိတ်ဓါတ် လောက်နဲ့ အခုလို အနေအထားထိ ကြာရှည်အောင် အုပ်ချုပ်သွားဖို့မလွယ်တဲ့ အတွက် ဒေါ်အောင်ဆန်းစုကြည်ကို သူတို့ ထင်သလို တွန်းလို့ မရကြောင်း နိူင်ငံတကာ က လည်း သဘောပေါက်စ ပြုလာနေပြီ ဖြစ်ပါတယ်။
သို့အတွက် နိူင်ငံတော်၏ အတိုင်ပင်ခံ ပုဂ္ဂိုလ်မှ ပြည်သူ့ထောက်ခံမှု ကို အရယူ၍ လိမ္မာပါးနပ်စွာ ကိုင်တွယ်သွားနေသည့် ကိစ္စကို အနှောက်အယှက်မပေးသင့်ပဲ ဘယ်လို လုပ်သွားမယ်ဆိုတာ စောင့်ကြည့်သင့်ကြောင်း တင်ပြအပ်ပါတယ်။
Hla Soewai
Monday, October 9, 2017
အရိုက်ခံလိုက်ရတဲ့လူတွေက ကျမတို့ပါ ၊ ဒါပေမယ့် အဖျက်သမားတွေဆိုပြီး ထောင်ချခံရတာလည်း ကျမတို့ပါဘဲ
ဒီမှာ ကျမပြောချင်တာက အရိုက်ခံလိုက်ရတဲ့လူတွေက ကျမတို့ပါ ၊ ဒါပေမယ့် အဖျက်သမားတွေဆိုပြီး ထောင်ချခံရတာလည်း ကျမတို့ပါဘဲ ။
အဲဒီတော့ ကျမတို့ စဉ်းစားမရတာက
ထောင်ကျတာနဲ့ ထိုက်တန်အောင် ( ထောင်ချခံရလောက်အောင် ) ကျမတို့ ဘာများလုပ်ခဲ့မိလို့လဲ ။
လက်ညိုးလေးနဲ့ ရွယ်တာမျိုးတောင် မလုပ်မိပါဘူး ။
ဒါပေမယ့် အဲဒါအတွက်ကြောင့်ဘဲ ကျမကို နောက်ထပ် ( ၆ ) နှစ် အကျယ်ချုပ်ချလိုက်ပြန်တယ် ။
အဲဒါကို နောက်ထပ် တစ်နှစ်ထပ်တိုးတော့ ( ၇ ) နှစ်ဖြစ်သွားခဲ့တယ် ။
ဘာကြောင့်လဲဆိုတော့ ကြားထဲမှာ ကျမအိမ်ကို ရေကူးပြီး ၀င်လာတဲ့ အမေရိကန်တစ်ယောက်ရဲ့ အမှုကလည်း ရှိသေးတယ်လေ ။
ရှင်တို့ဆီက နှုတ်ခွန်းဆက်သမှုတွေကိုလည်း သူက အသေအချာ ယူလာပေးပါရဲ့ ( ရယ်သံများ ) ။ ဒီလိုနဲ့ ကျမလည်း ( ၇ ) နှစ် နေလိုက်ရတယ်ဆိုပါတော့ ။
အဲဒီထပ်တိုးတဲ့ နောက်ဆုံးတစ်နှစ်ခွဲကတော့ ဧည့်သည် ( အမေရိကန် ) ရောက်လာတာကို ရဲကို အကြောင်းမကြားလို့ဆိုပြီး တိုးလိုက်တာပါ ။
ကျမကလည်း တကယ်ဘဲ ရဲကို မအပ်လိုက်ပါဘူး ၊ ဘာကြောင့်လည်းဆိုတော့ အပ်လိုက်ရင် တရားမျှမျှတတလုပ်ကြမယ် မထင်လို့ပါ ။
ကျမတို့ကိုယ်တိုင်လည်း အာဏာပိုင်တွေဆီက တခါမှ တရားမျှတမှု မရခဲ့ဖူးတာကိုး ။ အဲဒီတော့ တရားမျှတမှု ရမှာမဟုတ်ဘူးလို့ သိနေရက်နဲ့ လူတစ်ယောက်ကို သက်ဆိုင်ရာလက်ကို အပ်လိုက်တာ ကျမအနေနဲ့ မမျှတဘူးလို့ ထင်လို့ပါ ။
တကယ်တော့ ကျမအဲဒီလူအတွက် စိုးရိမ်ပေးနေစရာတောင် မလိုခဲ့ပါဘူး ။
သူက နိုင်ငံခြားသားဆိုတော့ မကြာမတင် လွှတ်ပေးလိုက်ကြမှာပါဘဲ ။
ကျမမှာသာ လွတ်မယ့်အချိန်မလွတ်ဘဲ နောက်ထပ် ( ၁၈ ) လ အကျယ်ချုပ်နဲ့ ထပ်နေလိုက်
ရသေးတယ် ။
ဒါကလည်း ( ၂၀၁၀ ) ရွေးကောက်ပွဲတွေ လုပ်နေတုန်း ကျမကို အကျယ်ချုပ်ဆက်ထားချင်လို့
လုပ်တာနဲ့ တူပါတယ် ။
ဒီတော့ အာဏာပိုင်တွေဟာ သူတို့နိုင်ငံရေးအမြတ်အတွက် ဥပဒေကို မှောက်လိုက် လှန်လိုက် လုပ်လို့ ရနေခဲ့တယ် ။
ဒီတော့ ဒါဟာ တရားဥပဒေစိုးမိုးမှု မဟုတ်ပါဘူး ။
ဒါကြောင့်ဘဲ အခု ကျမတို့ဟာ တရားဥပဒေစိုးမိုးရေးကို ပြန်လည်ရရှိဖို့ လွှတ်တော်ထဲမှာ အပြင်းအထန်ကြိုးစားနေပါတယ် ။
ပြီတော့ ဥပဒေစိုးမိုးမှုဟာ တခြားသော ဒီမိုကရေစီပြုပြင်ရေးတွေနဲ့ အတူတကွ ဒွန်တွဲပြီး
သွားနိုင်အောင် ကြိုးစားနေကြပါတယ် ။
ဒေါ်စု-မိန့်ခွန်း-အမေရိကန်နိုင်ငံ-yale-တက္ကသိုလ်မှ-
ဘာသာပြန် Spring Flowers
