ဝင်းနိုင်ဦး ရေးတဲ့သူ့ဘ၀

၂၀၀၂ မှာ ဘီအီးဘွဲ့နဲ့ ကျောင်းပြီးတယ် ။ အလုပ်လက်မဲ့ ဘဝနဲ့ စာသင်ရင်း ရုန်းကန်ရတာ ၂ နှစ်လောက် ။ မစားလောက်တော့ ရည်းစားက သူ့မုန့်ဖိုးကနေ ဖဲ့ပြီး ထမင်းဖိုးပေးကျွေးတယ် ။ လမ်း ၃၀ အထက်ဘလောက် မြောင်းဖုံးပေါ်က အမဲနှပ် နဲ့ တခါပုံစား ကျပ် ၂၀၀ ဆိုတာ ကျေးဇူးရှင်ဆိုင်လေး ။
ချစ်သူနဲ့ လည်း တွေ့ရ မျက်နှာချင်းဆိုင် စကားလည်းပြောရ ညစာလည်းပြီးတဲ့ ဆူးလေ ဘေးက မျက်မှန်ဆိုင်ကို ညဘက်ဖွင့်တဲ့ ဒေါရိတ်ကြီးဟာမြန်မာစာဌာနက ဆရာမဆိုင် ၊ သူ့ဆိုင်မှာ ညပေါင်းရေတွက်ရင် ရာဂဏန်းမက အားပေးခဲ့ရတယ် ။

အလုပ်ခေါ်စာ ဆိုတာ လိပ်ကျောပေါ်က အမွေးလို ရှားတဲ့ခေတ်ပါ ။
ဘာရရ ဘာလာလာ လုပ်မယ် နိုင်ငံခြားသားက ငါ့ကို ခြေထောက်နဲ့ ထိုးပြခိုင်းလည်း လုပ်မယ်လို့ ချစ်သူကို ရင်ဖွင့်ခဲ့ဖူးတယ် ။
နိုင်ငံခြား ပဲ ထွက်အလုပ်လုပ်ချင်တယ် ဆိုတော့ အဒေါ်တွေ အမဝမ်းကွဲတွေက တသက်လုံး ပေါင်လိုက် ရာသီချိန်ရွေးပြီး အလှူမှာဝတ်ပြလိုက် လုပ်နေတဲ့ ရွှေထည်လေးတွေ ချွတ်ပေးတော့ ရန်ကုန်မှာရောင်း ချစ်သူဆီအပ် အလုပ်ပွဲစားလက် ကိုယ့်ဘဝကို အပ်တယ်ပေါ့လေ .....။

ပထမဆုံး စင်ကာပူ အလုပ်အင်တာဗျူး သတင်းသန့်သန့် ကြားလို့ ဆင်ထရယ် ဟိုတယ် ကိုသွား...လားလား ဟိုမှာ HR က တထပ်လုံး ငှားထားတာ လူပေါင်း ၇၀၀ လောက် ၊ မနက် ၈ နာရီကစောင့်တာ ည ၇ နာရီထိုးမှ ဗျူးခွင့်ရ ။ ၃ ခွန်းပဲ ဖြေခဲ့ရပါတယ် ။ ဓာတ်လှေခါး ထဲမှာ မျက်ရည်ပူတွေ ဘယ်ကဘယ်လို ကျလာမှန်း မသိဘူး။

နောက်တော့ ထုံအီသွားတာပါပဲ ။ ထရိတ်ဒါးစ်ဆမ်းမစ်ပါ့ခ်ဗျူး ဆင်ထရယ် ပါ့ခ်ရွိုင်ယယ် ..လူပေါင်း ရာဂဏန်းကြား အင်တာဗျူးတွေ တိုးဝှေ့သွား ။ အနားတောင် သီတမရခဲ့တာတွေလည်း ရှိပါ့ ။
တခါတော့ အမှတ်တရ ရှိ ။ စလုံး အိပ်ခ်ျအာရဲ့ အေးဂျင့် ဖုန်းနံပါတ်တခု တိုက်ရိုက်ရလို့ ဆက်ပြီး သူ့ ဘရိတ်ဖတ်စ်တိုင်းမ်မှာ သွားတွေ့ရ ။ ဟိုကျတော့ ငနဲက ပေါင်ပေါ်မှာ စော်တပွေ တင်လျှက် ကိုယ့်ကို ဗျူးပါတယ်။ သူပေးတဲ့ terms & condition တွေ လက်ခံရင် ပွဲခ ၃ လစာနဲ့ ကိုယ်အလုပ်ရပါပြီ ။ ဒါပေတဲ့ ဖာသည်မ ( ဗမာမ ) တယောက်ကို ပေါင်ပေါ်တင်ထားတဲ့ သူရဲ့ ဒစ်ဂျစ်နတီ ကို ရွံတော့ ကိုယ်က တွန့်နေ ။
တထိုင်တည်း အငြင်းခံရတော့ ပေါင်ပေါ်က ဘဝအထုအထောင်းဒဏ် တေနေတဲ့ အမကြီးက ရိလိုက်တယ် ။ မင်း တကယ်မငတ်သေးလို့ပါကွာတဲ့ ဟားဟာ ။

နောက်တော့ သူငယ်ချင်း အဆက်အသွယ် မစလို့ အမှန်အကန် သူဌေးနဲ့ GM ဗမာ ပြည်ထိလာ ဝန်ထမ်းရှာတာနဲ့တွေ့ ။ ဟုတ်ကောင်း ဟုတ်ရဲ့ အောက်မေ့တာ စင်ကာပူ မဟုတ် ဂျဟိုး ပို့လိုက်တာ ၂ နှစ်ကြာတယ် .။ နှပ်ချခံရတဲ့ ဘဝအစပါ ။
ဂျဟိုး ၂ နှစ်ဟာ အသူရကာယ် ဘုံသား ဘဝပါ . ..။ စာတအုပ်စာ မကပါဘူး။

နောက် စင်ကာပူကို ပြန်ရောက်ဖို့ အလုပ်လျှောက်ခဲ့တာ အလုပ်လျှောက်လွှာပေါင်း ၅၀၀ ထက်မနည်း အီးမေး ပြန်စာ မရခဲ့ပါ။ ၅၀ မဟုတ်ပါ ။ ၅၀၀ ။ ဗမာပြည်အလိုသာဆို ရဲစခန်း ထောက်ခံစာနဲ့ ဒေဝါလီ ခံရမှာပ ။

အလုပ်ရချင်လာတော့ အိပ်ခ်ျအာ အင်တာဗျူး အလွတ်ရပါတယ် ။
တချို့တွေက လက်ရှိ အနေ လေး မြင်ပြီး ဖိုးစီ မင်း ကံကောင်းသာပါလား ဆို မချိတဲ့ ရင်က ရီချင်လာလို့ ဖောက်သည်ချတာ ။
မျက်ရည်ခြူ တာ ကြွားဝါ လိုစိတ် တစိမှ မရှိ ၊ ငါကျိန်၏ ။

အားပျက် စိတ်လျှော့တော့မယ် ဆိုရင် မင်းတို့ ရှေ့က ကွီးတွေ လျှောက်လာတဲ့ လမ်းဟာ ယီးမှ သာယာတယ် ထင်မနေကြနဲ့ စောက်ကလေးတွေရ ။
ဒီအထဲမှာ စစ်အစိုးရ နှိပ်ကွပ်ထားခဲ့တဲ့ ပညာရေးကာလ တစမှ မပါဘူး ။

ဝင်းနိုင်ဦး

Read More

'ကြိုးကြာသံ'

ရေးသူ- ချစ်ဦးညို

{၁၉၇၆ မှိုင်းရာပြည့်မှာ စစ်အစိုးရက လိုက်လံဖမ်းဆီးလို့ ၀ရမ်းပြေးအဖြစ် တိမ်းရှောင်ပြေးခဲ့ရတဲ့ metallurgy (သတ္တုဗေဒ) အင်ဂျင်နီယာ ကျောင်းသား မောင်မောင် (ကွယ်လွန်သူ ဂီတ ပညာရှင် ကိုမောင်မောင် (ခ) အဉ္စလီမောင်မောင်)ကို၊ ၃၂ နှစ်မြောက် မှိုင်းရာပြည့်အရေးအခင်းမှာ အမှတ်တရ ရှိနေတာနဲ့ ၁၉၉၈ မတ်လ မာယာမှာ ဖော်ပြခဲ့တဲ့ ဆောင်ပါးကို ပြန်လည် ဖော်ပြခြင်း ဖြစ်ပါတယ်။}

......ငှက်တို့သည် 'ဟူလို' အမည်ရှိသော ယင်းတို့၏ ခေါင်းဆောင်ကြီးအား "အသင်ခေါင်း ဆောင်ကြီး ငါတို့အား ဘုန်းတန်ခိုးကြီးတော်မူသော အရှင်သခင် ငှက်ဘုရင် 'စီမောင်တော်' ထံသို့ ခေါ်ဆောင် ပေးလော့" ဟု တောင်းပန်တိုးလျှိးကြကုန်၏။ ငှက်ခေါင်းဆောင် 'ဟူလို' ကလည်း ငှက်အပေါင်းအား ယင်းတို့ ချီတက်ဖြတ်သန်းရမည့် ခရီးကန္တာရ၏ ဒုက္ခဆင်းရဲ အထွေထွေ၊ ကြောက် မက်ဖွယ် အပြားပြားတို့ကို ရှည်လျားစွာ ရှင်းလင်းဖော်ပြ၏။ ပျံသန်းကျော်လွန်ရမည့် ခုနှစ်ဆင့်၊ ခုနှစ်တန်သော ချိုင့်ဝှမ်းကြီးများ အကြောင်းကို 'ဟူလို' သည် ဥပမာအမြောက်အများ၊ ဆင်ခြင် သုံးသပ်ဖွယ် အပြားပြားနှင့် ရောပေါင်းယှက်ထွေ ဆာဆာဝေေ၀ ပြောပြလေသည်။

ငှက်တို့ ပျံသန်းကျော်လွန်ရမည့် ချိုင့်ဝှမ်းအစဉ်သည်ကား-
ပထမ- ရှာဖွေခြင်းချိုင့်ဝှမ်း
ဒုတိယ- ချစ်ခြင်းချိုင့်ဝှမ်း
တတိယ- နားလည်ခြင်းချိုင့်ဝှမ်း
စတုတ္ထ- လွတ်လပ်ခြင်းနှင့် အတွယ်လွတ်ခြင်း ချိုင့်ဝှမ်း
ပဉ္စမ-သန့်စင်စွာ တပေါင်းတစည်းတည်း ဖြစ်ခြင်း ချိုင့်ဝှမ်း
ဆဌမ- အံ့သြခြင်း ချိုင့်ဝှမ်း
သတ္တမ- ပစ္စည်းဥစ္စာဆင်းရဲခြင်းနှင့် ပလာဟင်းဖြစ်ခြင်း ချိုင့်ဝှမ်းတို့ ပေတည်း။
[၁၃ ရာစု စာဆို Fard Aladin Attar ၏ The Conference of the Birds ပျို့ ကြီးမှ]
ဘသန်း(ဓမ္မိက) မြန်မာပြန်သော ယောနသံစင်ရော် (သတ္တမအကြိမ်ထုတ်) စာအုပ် နောက်ပိုင်းတွင် ဒဿနပုံဆောင်ဝတ္ထု ၃ပုဒ်ပါရှိခဲ့ရာ အထက်ပါ ဖရာစီ စာဆို ဖရ်ဒ် အာလာဒင် အတ္တား၏ (ငှက်ညီလာခံ) သည် တပုဒ် အပါအ၀င် ဖြစ်၏။ ဒဿနပုံဆောင် ၀တ္ထုသဖွယ်ဖြစ်သော ထိုပျို့ကြီး၌ အထောင်အသောင်းသော ငှက်တို့သည် သမုဒ္ဒရာများ၊ တောင်တန်းများ၊ ကန္တာရများကို ပျံသန်းကျော် ဖြတ်ခဲ့ကြရာ နောက်ဆုံး ငှက်သုံးကျိပ်သာလျင် ခရီးပန်းတိုင်အဆုံးသို့ ရောက်ခဲ့ကြသည်ဟု ဆိုပါသည်။
ကိုမောင်မောင်နှင့် ခင်မောင်တိုး၏ ' ကြိုးကြာသံ ' ကို နားထောင်တိုင်း ကျွန်တော်သည် ဖရ်ဒ် အာလာဒင်အတ္တား၏ ငှက်ညီလာခံပျို့ကြီးမှ ထို ဇာတ်ကွက်ကို အောက်မေ့ဆင်ခြင် နေမိပါသည်။

xxxx xxxx xxxx xxxx xxxx

'ကြိုးကြာသံ' ဟူသော သီချင်းခေါင်းစီး အမည်ကို တွေ့လိုက်သောအခါ 'ကြိုးကြာကရ၀ိတ်၊ တောလုံးတိတ်မျှ၊ ညိတ်ညိတ်တွန်ထူး' ဆိုသည့်၊ ရှေးခေတ်စာဆိုတဦး၏ အဖွဲ့အရ၊ ကြိုးကြာငှက်၏ သာယာသော အသံနှင့်အတူ ကြိုးကြာဖိုမတို့၏ ရာသက်ပန် သစ္စာတိုင်အချစ်ကို ကြားရတော့မည်ဟု ထင်ခဲ့မိ၏။ မဟုတ်ပါ။
ကိုမောင်မောင် နှင့် ခင်မောင်တိုးတို့သည် ကြိုးကြာ၏အလှကို အသံတွင်မရှာ၊ အသံတွင် မယူဘဲ 'ပျံသန်းမှု' ဖြင့် ရေးဖွဲ့ သီဆိုလိုက်ကြပါသည်။
'မိုးဦး ၀င်ရောက်လာတဲ့အခါ ရိုးမပေါ် ဖြတ်ပျံရင်း......'
ခင်မောင်တိုးသည် သူ၏ ချိုသော ပင်ကိုယ်သံကို အကွန့်အမြူး၊ အလူးအလွန့် မလုပ်ဘဲ (အသံပရိယာယ် တန်ဆာမဆင်ဘဲ) ရိုးရိုး အေးအေးလေးဖြင့် စဖွင့်လိုက်၏။ ကျွန်တော့် အာရုံထဲတွင် ညို့သော ကောင်းကင်ပြင်ကြီးတခုလုံး ကြိုးကြာငှက်တို့၏ တောင်ပံများဖြင့် ဖွေးဖွေးဖြူသွားသည်။
' ဖြတ်ပျံရင်း.......' စာသားနောက်မှာ တယောသံ (ဟု ကျွန်တော်ကြားသည်) တချက် လွန့်လူး ကပ်ပါလာသည်။ ကြိုးကြာတို့၏ အတောင်ပံ ခတ်သံလား...၊ လေစီးကြောင်း၏ ဆန့်ကျင် အော်မြည်သံ လား....။
' မြောက်ဖက်ကို ဦးတည်လှည့်ကာ
သားဖောက်ရာ အရပ်ဆီ
မိုင်ထောင်ချီ ပြန်(ပျံ)လေပြီ.........'
သီချင်းစာအုပ်များ၌ (ပြန်လေပြီ) ဟူ၍ (ပြန်) စာလုံးကို သုံးပြထားပါသည်။ သီချင်းနားထောင် ရသူ အဖို့မှာမူ ပြန် (Return) ရော၊ ပျံ (Fly) နှစ်မျိုးစလုံး ခံစားရ၏။
မြောက်ဖက်......ဘယ်အထိနည်း.....။ သားဖောက်ရာ အရပ်ဆီ....... မိုင်ပေါင်းထောင်ချီ ပျံသန်း ကြလေကုန်သည်တဲ့။ တယောသံလေးက ' ပြန်လေပြီ' စာသားနောက်မှာ ကပ်ပါလာပြန်သည်။
'ကြိုးကြာငှက်တို့ရဲ့ မိုင်ထောင်ချီ ခရီးစဉ်'
ပထမပိုဒ် ဤတွင် ပြီးထားပါသည်။ တေးသွား၊ စာသား၊ ခင်မောင်တိုး၏ဆိုဟန် တို့နှင့်အတူ ကျွန်တော် မိုင်ထောင်ချီခရီးစဉ်ထဲသို့ လိုက်ပါ ပျံသန်း သွားခဲ့သည်။ (ကျွန်တော် ကြိုးကြာငှက်တကောင် ဖြစ်သွားသည်။)
ဒုတိယအပိုဒ်တွင်-
' မျိုးဆက်ရဲ့ အားမာန်တခုပါ လမ်းကြောင်းမှန် ရွေးချယ်ခြင်း..........'
အတူလိုက်ပါ ပျံသန်းရင်းမှ (ကြိုးကြာငှက်တကောင်ဖြစ်နေရင်းမှ) ကျွန်တော်သည် သီချင်း နားထောင်သူ အဖြစ်ကိုပါ ရရှိနေပြန်၏။ ပထမအပိုဒ်နှင့် သံစဉ်တူ ဤ 'မျိုးဆက်ရဲ့  အားမာန်တခုပါ' ဒုတိယပိုဒ်သည် ပျံသန်းခြင်း ခရီးစဉ်နှင့်အတူ ပျံသန်းခြင်းသေနင်္ဂဗျူဟာနှင့် ပျံသန်းခြင်း သဘောတရား တခုကို ဖော်ထုတ်လာသည်။
' လမ်းကြောင်းမှန် ရွေးချယ်ခြင်း'
လေစီးကြောင်း၊ တူရူပျံသန်းရမည့်ဒေသ၊ မနားမနေ လှုပ်ရှားနေရသည့် တောင်ပံများ၊ ဟိုး အောက်ဖက်တွင် တောင်တန်းများ၊ သစ်တောများ၊ ပင်လယ်သမုဒ္ဒရာများ၊ မြက်ခင်းပြင်များ၊ လွင်တီး ခေါင် ကန္တာရများ။
' ........အများနည်းတူ သက်လုံမကောင်းရင်
မွေးဖွားရာအရပ်ဆီ၊ မိုင်ထောင်ချီ ပျံနေရင်း........'
တယောသံလေး ၀င်လာပြန်ပြီ။
'....ကြိုးကြာငှက်တချို့လေ ချီလာစဉ် ကျန်ရစ်ပြီ......'
အထောင်အသောင်း အုပ်စုကြီးထဲမှ အချို့ ကြိုးကြာတို့၏ တောင်ပံများသည် စွင့်စွင့်ကားကား ထက်အောက်လှုပ်ရှား နေရာမှ ယွင်းပြိုသွားကြသည်။ ပျံသန်းမှုပုံစံ ပျက်သွားသည်။ ထို့နောက်.....
သူတို့ သမုဒ္ဒရာထဲသို့၊ တောင်တန်း တောအုပ်များထဲသို့ ထိုးစိုက် ကျဆင်းသွားကြ၏။ တကောင်......၊ နောက်တကောင်.....၊ နောက်တကောင်.... အများနည်းတူ သက်လုံ မကောင်းကြ ရှာသူ တွေ၊ ကျန်ရစ်ပြီ။ သက်လုံကောင်းသော ကြိုးကြာတွေကတော့ ဆက်၍ ပျံဆဲ ပျံမြဲ။

xxxx xxxx xxxx xxxx xxxx

သံစဉ်တူသော ပထမပိုဒ် နှင့် ဒုတိယပိုဒ်တို့ကို နားထောင်နေရင်း၊ ရင်ထဲမှာ ကြေကွဲလာသည်။ ပထမပိုဒ်ကို နားထောင်စဉ်က ရရှိသော ခံစားမှုသည် သံစဉ်တူ ဒုတိယပိုဒ် အဆုံးတွင် ပြောင်းလဲ သွား၏။ ကျန်ရစ်ခဲ့သော ကြိုးကြာတို့ကို ပျံသန်းဆဲ ပျံမြဲ ကြိုးကြာတို့ ကယ်တင်မနေအားနိုင်ကြ။ မိမိတို့၏ တောင်ပံများကို တချက်ကလေးမှ မနား၊ လှုပ်ရှားပေးနေကြရသည်။
'သက်လုံမကောင်းသူတို့' ကျန်ရစ်ခဲ့ ကြပေတော့ကွယ်။ ဆက်ပျံသော ကြိုးကြာတို့၏ အတောင် ပံ အောက်က နှလုံးသားထဲတွင် ကျန်ရစ်သူတို့အတွက် ကြေကွဲစွာ နှုတ်ဆက်ခြင်းဖြင့်ပင် မလျော့နိုင် သော အားမာန်ကို အစားဖြည့်လိုက်ကြရ၏။
ကိုမောင်မောင် နှင့် ခင်မောင်တိုး တို့သည် ကြိုးကြာငှက်တို့၏ ပျံသန်းမှုခရီးစဉ်ကို ဤမျှဖြင့် ရပ်နားပြီးဆုံး မထားအပ်ကြောင်း ကောင်းစွာသိကြသော အနုပညာရှင်များ ဖြစ်ကြပါသည်။
ကျန်ရစ်ခဲ့သော ကြိုးကြာငှက်တို့အတွက် ကြေကွဲရသည့် ကျွန်တော့်ကို chorus ပိုဒ်ဖြင့် ပုတ်နှိုး သတိပေးပါသည်။
'ဆုံးဖြတ်ချက် တခုကျမယ့်
အရှုံးနဲ့ အောင်မြင်ခြင်းဟာ
ရှိသင့်တဲ့ အားနဲ့မာန်.... ဟန်နိုင်မှ'
ဒရမ်ချက် (Drum beat) ပြောင်းသွားသည်။ 'ဆုံးဖြတ်ချက်တခုကျမယ့်' နှင့် 'ရှိသင့်တဲ့အားနဲ့ မာန်' တို့သည် စကားလုံး အရေအတွက်ချင်း မတူကြပါ။ (တခုက ခုနှစ်လုံး၊ တခုက ခြောက်လုံး) သို့သော် အချက်ချင်း အတူတူ ဖြစ်သည်။ ခြောက်ခါ။
ထိုခြောက်ခါ၊ ခြောက်နေရာစလုံးမှာ ဒရမ်က ခြောက်ချက်တိုင်တိုင် ၀င်ပေးသည်။ ဂီတဗေဒ အရ ဒါကို ဘာခေါ်သလဲ ကျွန်တော်မသိပါ။ စကားလုံးတိုင်းမှာ ဒရမ်တချက်ဖြင့် ခြောက်လုံးခြောက်ခါ ခြောက်နေရာစလုံး 'ထပ်' ပေးလိုက်ခြင်းသည် သောတ အာရုံမှ သောကဒယကို နိုးနိုးကြားကြား ဖြစ်အောင် လှုံ့  ဆော်ရာရောက်သည်။ ခံစားမှုအားဖြင့်ဆိုလျင် ကျန်ရစ်ခဲ့သော ကြိုးကြာတို့အတွက် ကြေကွဲမှုသည် လျော့ပါးသက်သာသွားကာ တက်ကြွသော ဝေဒနာဖြင့်သို့ ကူးပြောင်းသွားလေသည်။
Chorus အပိုဒ် အဆုံးတွင် 'ဟန်နိုင်မှ' သည် အင်အားကြီးသော အရှိန်တခုကို ထုတ်လွှင့်ပေး လိုက်သည်။ 'မှ' တွင် အသံ တက်ထားသည်။ ပြန်မချ။ Bb7 အသံ အတိုင်းထားသည်။ တချိန်လုံး ချိုမြအေးဆေးစွာ သီဆိုခဲ့သော ခင်မောင်တိုးသည်လည်း 'ဟန်နိုင်မှ' တွင်၊ အသံပေါက်ရော၊ လေပါ အားထည့် လိုက်သည်။
ဒီအချိန်မှာ ကြိုးကြာငှက်တို့ကလည်း ရိုးမ၏ အမြင့်ဆုံးကို ဖြတ်ကျော်နေကြပြီ။

xxxx xxxx xxxx xxxx

'ရိုးမပေါ် ဖြတ်ကျော်လွှားချိန်
စီးလမ်းလေကြောင်းလွှာထဲ
ချဉ်းနင်း ၀င်ရောက်လာ ပြီးရင်
အားစိုက် မျှောလိုက်နဲ့
မိုင်ထောင်ချီ ပြန်(ပျံ)နေပြီ'
တတိယအပိုဒ်သည်လည်း ပထမ၊ ဒုတိယပိုဒ်များနှင့် သံစဉ်တူပင် ဖြစ်သည်။ သို့သော် အရသာချင်း မတူတော့ပါ။ စာသား အပြောင်းအလဲကြောင့် ဖြစ်မည်။ Chorus အပိုဒ်ခုခံပြီးတာကြောင့် လည်းဖြစ်မည်။
'ကြိုးကြာငှက်တို့ရဲ့ မိုင်ထောင်ချီ ခရီးစဉ်.........'
ဤ အချပိုဒ်ပြီးလျှင် 'ဆုံးဖြတ်ချက်တခုကျမယ့်' အဆိုပြန်ဝင်ပြီး အတီးပိုဒ်ဝင်သည်။ တီးပိုဒ်က အဆိုစာသားပိုဒ် သံစဉ်အတိုင်း လိုက်လျောသော တီးပိုဒ် မဟုတ်ပါ။ တေးရေး ကိုမောင်မောင် အနေဖြင့် ဤနေရာမှာ တီးပိုဒ်ကို ဘယ်လို ရည်ရွယ်ချက်နှင့် ထည့်သလဲတော့ ကျွန်တော် မသိနိုင်ပါ။ သို့သော် ကျွန်တော့် အဖို့မူ အလွန်အဆင်ပြေသော တီးပိုဒ် နေရာချထားမှုဟု မြင်သည်။
'ရှိသင့်သော အားမာန်' တို့နှင့် ဟန်ချက်ညီအောင် ထိမ်းသိမ်းထားရင်း၊ ကြိုးကြာတို့ ဆက်ပျံ နေကြသည့် ခရီးကာလ အပိုင်းအခြားတခုကို တီးပိုဒ်က နိမိတ်ဆောင်ပြသည်ဟု ကျွန်တော် ခံစား ရသည်။
တီးပိုဒ်ပြီးတော့ တတိယပိုဒ် 'ရိုးမအပေါ် ဖြတ်ကျော်လွှားချိန်' ပြန်ဆိုသည်။ အဆိုထဲမှာ တယောသံ(?) က လူးလှိမ့်၍ ၀င်သည်။ ထို့နောက် ' ဆုံးဖြတ်ချက်တခု ကျမယ့်' ကိုးရပ်စ် ဆက်ဆို သည်။ 'ဟန်နိုင်မှ' စာသားကို အဆိုဖြင့် တင်ထားခဲ့သည်။ အီးဖလက်၊ စီမိုင်နာ၊ ဘီဖလက်၊ စီမိုင်နာ ကော့ဒ်များဖြင့် ဖွဲ့စည်းသော အတီးသံက တစတစ မှိန်ပျောက်(Fade Out) ဖြင့် ဆုံးသွားသည်။
ကြိုးကြာတို့ ရိုးမပေါ် ဖြတ်ကျော်သွားကြပြီ။ ဟိုး..... မိုးကုပ်စက်ဝိုင်းဆီတွင် တစတစ ဝေးသွားသော ကြိုးကြာတို့ကို ကျွန်တော် မျက်စိတဆုံး မြင်နေရသည်။ အဖြူရောင် ကောင်းကင်ကြီး တဖြည်းဖြည်း သေးငယ်သွားသည်။ သူတို့ ဆက်ပျံသွားကြပြီ။

xxxx xxxx xxxx xxxx

ဆောင်းခိုငှက်တို့သည် မိုင် ၂၀၀၀ ထက် မနည်းသော ခရီးကို သမုဒ္ဒရာဖြတ်၍ ပျံသန်းကြကြောင်း၊ လမ်းခရီးတလျှောက် ရပ်နားစရာ ကျွန်းလုံးဝ မရှိသဖြင့် (ကုန်းမြေတောင်တန်းကို ဖြတ်သန်းရာမှာလည်း သစ်ပင်တောအုပ်များ၌ နားလေ့မရှိ) မရပ်မနား ပျံသန်းကြကြောင်း ဖတ်ဖူး၏။ အာတိတ် စင်ရော်ငှက်မျိုးဆိုလျင် ဆောင်းရာသီ ရောက်လုနီးလာသည့်အခါ သူ၏ ပေါက်ဖွားရာ မြောက်ဝင်ရိုးစွန်းဒေသမှ မိုင်ပေါင်း တသောင်းကျော် ဝေးသော တောင်ဘက် ၀င်ရိုးစွန်းဒေသသို့ ခရီးထွက်ကာ ဆောင်းရာသီ ကုန်ဆုံးတော့မှ မြောက်ဝင်ရိုးစွန်းသို့ ပြန်သည်ဟု ဆိုသည်။
တေးရေး ကိုမောင်မောင်နှင့် သီဆိုသူ ကိုခင်မောင်တိုး တို့သည် ငှက်တို့၏ ဤသဘာဝမှ ကြိုးကြာငှက်၏ ပျံသန်းခြင်းကို ယူကာ ရေးဖွဲ့သီဆို သွားကြသည်။ ကြိုးကြာသံဆိုလျှင် သာယာသော အသံဟု စွဲမှတ်ထားလေ့ရှိကြသည့် ကျွန်တော်တို့အတွက် ကိုမောင်မောင်နှင့် ကိုခင်မောင်တိုးတို့ ပေးပို့လိုက်သော ကြိုးကြာသံကား လှပနက်ရှိုင်းမှု အတိ ရှိနေတော့သည်။
တေးရေးတေးဆို အနုပညာသမားတို့၏ အာရုံကျက်စားမှုနှင့် တဆင့်ပြန်လည် တင်ပြပေးမှုကို ကျွန်တော် လေးစားစွာဖြင့် ကျေးဇူးတင်စကား ဆိုရပါသည်။ 'ကြိုးကြာသံ' သီချင်းသည် နှစ်ခါ သုံးခါ ကြားရုံမှုဖြင့် နားစွဲလွယ်၊ လိုက်ဆိုလွယ်သော သံစဉ်ဖွဲ့စည်းမှု ဖြစ်သည်။ ကိုးရပ်စ်ပိုဒ်နှင့်ပေါင်းပါမှ သံစဉ် နှစ်မျိုးပဲ ရှိသည်။ ဤသို့ ရှင်းလင်းလွယ်ကူခြင်းသည်ပင် ကြိုးကြာသံ၏ လှပသော(ပြည့်စုံသော) အနုပညာ တန်ဆာဆင်မှု ဖြစ်လာသည်။ ရှင်းလင်း လွယ်ကူသော သံစဉ်နှင့် အတူ ရှင်းလင်း လွယ်ကူ သော စာသား(စကားလုံး) များဖြင့် ဖွဲ့စည်းထားသည်။ ဤသည်ပင်လျှင် အကြောင်းအရာနှင့် အာဘော်တို့၏ ကြီးကျယ် လေးနက်မှုကို ကြီးစွာသော အထောက်အပံ့ ဖြစ်စေသည်ဟု ကျွန်တော် ထင်သည်။
ရိုးစင်း ရှင်းလင်းလွယ်ကူမှု၊ မလိုအပ်ပဲ တန်ဆာ ချဲ့ထွင် မွမ်းမံခြင်းမပြုမှုတို့ကို ရေးဖွဲ့သူရော၊ သီဆိုသူပါ ကောင်းစွာ နားလည်ကြပါပေသည်။ ကိုခင်မောင်တိုး သည်လည်း ကြိုးကြာသံသီချင်းတွင် သမားဂုဏ်ပြသည့် အရှိုက်အဟက် အတွဲ့အငင် များဖြင့် ဆော့ကစား မသွားပါ။ သူ၏ အေးဆေး ချိုမြသော အသံဖြင့် ရိုးရိုးလေး ဆိုသွားသည်။ ကြေကွဲပြခြင်း၊ ကြုံးဝါးပြခြင်း စသည်များမလုပ်။
ရေးဖွဲ့သူ၊ သီဆိုသူ၊ တီးခတ်သူ အားလုံးပင် သူတို့၏ ကြိုးကြာသံထဲက 'ရှိသင့်တဲ့ အားနဲ့မာန်-ဟန်နိုင်မှ' အပိုဒ်နှင့်လိုက်လျောညီညွတ် ကြပါပေသည် ဟု လေးစားစွာ ကျေးဇူးတင်စကား ဆိုလိုက် ရပေသည်။

saieainkhan
https://www.facebook.com/groups/237613413278802/permalink/565381270502013/

Read More

ဒေါ်​အောင်​ဆန်းစုကြည်​သ၀ဏ်​လွှာအချိန်​မီမ​ရောက်​

၂၀၁၈ ခုနှစ် မတ်လ ၁၃၊ ကိုဖုန်း​မော်​၊ ကိုစိုးနိုင်​ကျဆုံးခြင်း နှစ်​(၃၀)ပြည့်​နှစ်​ပတ်​လည်​အခမ်းအနားတွင်​ နိုင်​ငံ​တော်​၏
အတိုင်​ပင်​ခံပုဂ္ဂိုလ်​၏ သ၀ဏ်​လွှာ အချိန်​မီမ​ရောက်​လာ
သဖြင့်​ မနှစ်​တုန်းက သ၀ဏ်​လွှာကို ပြန်​ဖတ်​ကြားခဲ့ရ
ပါတယ်​လို့ ကြားသိရပါတယ်​။
စိတ်​မ​ကောင်းဖြစ်​ရပါတယ်​။
ဒီမိုက​ရေစီအ​ရေး​တော်​ပုံအတွက်​ ​ပေးဆပ်​ခဲ့သူများ၊
ပေးဆပ်​​နေဆဲပုဂ္ဂိုလ်​ရဲ​ဘော်​များအား အ​လေးပြုလျက်​
Yan Myo Thein
..........

ကျနော်တို့သက်လုံကောင်းကြရမည်
၂၀၁၈ ခုနှစ် မတ်လ(၁၃)ရက် နံနက်ခင်း နေပူတောက်တောက်
ရန်ကုန်နည်းပညာတက္ကသိုလ်(ယခင်-ရန်ကုန်စက်မှုတက္ကသိုလ်)
ကျောင်းဝင်းအတွင်း ရန်ကုန်နည်းပညာတက္ကသိုလ်ကျောင်းသား
သမဂ္ဂက ပထမဆုံးအကြိမ်ဦးဆောင်ကျင်းပခဲ့သည့်
ကိုဖုန်း​မော်​၊ ကိုစိုးနိုင်​ကျဆုံးခြင်း နှစ်​(၃၀)ပြည့်​နှစ်​ပတ်​လည်​
အခမ်းအနားတွင်​ မိတ်ဆွေ၊ ရဲဘော်၊ သူငယ်ချင်းများစွာနှင့်
ပြန်လည်ဆုံတွေ့ရသည်မှာ ၀မ်းမြောက်ဖွယ်ရာပင်ဖြစ်သည်။

လိုအပ်ချက်၊ အားနည်းချက်အချို့ရှိကောင်းရှိမည်ဖြစ်သော်
လည်း ကျောင်းသားသမဂ္ဂကို လက်ဆင့်ကမ်းဦးဆောင်စေ
ခဲ့သည့် အလေ့အထကို အထူးအားပေး၊ ထောက်ခံမိပါသည်။
မျိုးဆက်အလိုက် လက်ချင်းချိတ်ကြရမည်။ ယုံကြည်မှုနှင့်နား
လည်းမှုတည်ဆောက်ကြရမည်။ ဟန်ချက်ညီညီပူးပေါင်းဆောင်
ရွက်နိုင်ကြရမည်ဖြစ်သည်။
ကိုဖုန်းမော်၊ ကိုစိုးနိုင်တို့၏ အသက်စွန့်လွှတ်ခဲ့မှုကိုအကြောင်း
ပြုလျက် ရှစ်လေးလုံးဒီမိုကရေစီအရေးတော်ပုံကြီးမှသည်
တစ်ပါတီအာဏာရှင်အစိုးရပြုတ်ကျခဲ့သည်အထိ ခရီးပေါက်
ခဲ့ရသည်မှာ ဖုံးကွယ်မရသောသမိုင်းအမှန်တရားပင်ဖြစ်သည်။
ဤခရီးနီးသလား၊ မီးရထားမလာသေး ဆိုသည့်သူငယ်တန်း
ဖတ်စာကို အမှတ်ရမိသည်။ ဤခရီးနီးမနီးအတပ်ပြောဖို့ခက်
သော်လည်း၊ ခရီးရှည်ဦးမည်မှာ ငြင်းမရနိုင်ချေ။ ကျနော်တို့
သက်လုံကောင်းကြရမည်။ ကျနော်တို့မျိုးဆက်များ သက်လုံ
ကောင်းကြရမည်။
မောင်ရစ်(မိုးမခ)၊ ဗသက်အောင် နှင့် ကျနော်တို့ အမှတ်တမဲ့
မှ အမှတ်တရဖြစ်ခဲ့သည်။ ကျနော်တို့ လက်ချင်းချိတ်ထားကြရ
မည်။ ကျနော်တို့သက်လုံကောင်းကြရမည်။
ဖိုတိုခရက်ဒစ် - ဗသက်အောင်
လေးစားလျက်-
ဒေါက်တာရန်မျိုးသိမ်း
ရန်ကုန်၊ မြန်မာ။

Read More

မတ် ၁၃ – အေအမ်တီ

ဒါ
ပန်းတပွင့်ကြွေတာမဟုတ်

မြေကြီးကို
အသက်နဲ့ ပုတ်နှိုးခဲ့လေသူ

.နွေဦးမှ မြားဦးသို့
ပန်းတို့
တောက်ခတ် ပြေးထွက်လာခဲ့

လာမယ့် နွေဦး သစ်တိုင်း
အစောဆုံး ပွင့်တဲ့ စွယ်တော်
ဖုန်းမော် ဖြစ်ပစေ။

    အေအမ်တီ
    ၂၀၀၇

Read More

၁၉၈၈ ခုနှစ်၊ မတ်လ ၁၃ ရက် အရေးအခင်း ဖြစ်ရပ်မှန်များ စာအုပ်

(ပုံနဲ့စာကို ကိုမျိုးအေး MyoAye ဆီက ယူပါတယ်)
၁၉၈၈ ခုနှစ်၊ မတ်လ ၁၃ ရက်နေ့ မှာ ကျဆုံးခဲ့တဲ့ ကိုဖုန်းမော်ကို ဂုဏ်ပြုတဲ့အနေနဲ့ ရော၊ အာဏာရှင်ကြီး နေ၀င်း ပြည်သူ့ အချုပ်အခြာအာဏာကို စတင်သိမ်းပိုက်ခဲ့ပြီး မြန်မာပြည်သူလူထုကို ဖိနှိပ်ချုပ်ခြယ် အနိုင်ကျင့်အုပ်ချုပ်ခြယ်ခဲ့တဲ့ ခေတ်အဆက်ဆက်ကာလတွေအတွင်း အာဏာရှင်စနစ်ကို ဆန့် ကျင်ရင်း ကျဆုံးခဲ့ကြရတဲ့ ရဟန်းရှင်လူ ပြည်သူလူထုအပေါင်းကို ဂုဏ်ပြုတဲ့အနေနဲ့ ရော မတ်လ ၁၃ ရက်နေ့ ကို မြန်မာနိုင်ငံလူ့ အခွင့်အရေးနေ့ အဖြစ် - တစ်နှစ်ပြည့် နှစ်ပါတ်လည်နေ့ ဖြစ်တဲ့ ဖုန်းမော်နေ့  (မတ်လ ၁၃ ရက်၊ ၁၉၈၉ ခုနှစ်) မှာ စတင် သတ်မှတ်ခဲ့ကြပါတယ်။

မတ်လ ၁၃ ရက်နေ့  - ဖုန်းမော်နေ့  (သို့  ) မြန်မာနိုင်ငံလူ့ အခွင့်အရေးနေ့ ။

ဓါတ်ပုံက တစ်နှစ်ပြည့် ဖုန်းမော်နေ့  ကျင်းပခဲ့တဲ့ ၁၉၈၉ ခုနှစ်၊ မတ်လ ၁၃ ၇က်နေ့ က မှတ်တမ်း ဖြစ်ပါတယ်။

...........................................................

(ကိုမျိုးအေးရဲ့ ရှာဖွေတင်ပြချက်များပါ)
"၁၉၈၈ ခုနှစ်၊ မတ်လ ၁၃ ရက် အရေးအခင်း ဖြစ်ရပ်မှန်များ စာအုပ်"

၁၉၈၈ ခုနှစ် မတ်လ ၁၃ ရက် အရေးအခင်း ဖြစ်ရပ်မှန်များ- စာအုပ်ကို ဖတ်ရပါတယ်။ ဒီစာအုပ်ဟာ ရန်ကုန်စက်မှုတက္ကသိုလ် ၂၈ ကြိမ်မြောက်၊ ကိုဖုန်းမော်၊ ကိုစိုးနိုင် နှစ်လည်အခမ်းအနား ဖြစ်မြောက်ရေး ကော်မတီက စီစဉ်တာ ဖြစ်ပါတယ်။ ၂၀၁၆ ခုနှစ် မတ်လမှာ ယဉ်မျိုးစာပေက ပထမအကြိမ် ထုတ်ဝေတာ ဖြစ်တယ်။ တန်ဖိုး (ရောင်းရန်မဟုတ်) လို့ စာအုပ်မှာ ရိုက်ထားတယ်။

စီစဉ်သူတွေဟာ ၂၀၁၄ ခုနှစ်က ကိုဖုန်းမော်၊ ကိုစိုးနိုင် နှစ်ပါတ်လည် အခမ်းအနား လုပ်ဖို့ တိုင်ပင်တော့ ဗြူးကုန်းတောရ စာသင်တိုက်မှာ ဆွမ်းကပ်ပြီး အခမ်းအနား လုပ်မယ်လို့ စီစဉ်တယ်။ ၁၉၈၈ မတ် ၁၃ ညမှာ ဒဏ်ရာရသူတွေကို ဆေးရုံလိုက်ပို့ ပေးတဲ့ ဆရာတွေကိုလည်း ဖိတ်တယ်။ ဆွမ်းကပ်ပြီးတော့ ဆရာတွေကပဲ ရေစက်ချ အမျှဝေပေးပါတယ်။ ဆရာတွေနဲ့ စကားပြောဖြစ်တော့ မတ်လ ၁၃ ရက်နေ့နဲ့ ပါတ်သက်ပြီး တလွဲရေးနေကြလို့ အဖြစ်မှန်ကို ရေးစေချင်တဲ့ ဆန္ဒရှိတာနဲ့ သတ္တုဗေဒဌာနက ဆရာဦးညွန့်ဌေးက စကားဝိုင်းကို ဆရာဦးသာလှိုင်အိမ်မှာ စီစဉ်ပေးခဲ့တယ်။ ပြောကြတာတွေကို အသံသွင်းထားခဲ့တယ်။ ဆရာဦးသာလှိုင်အိမ်မှာ ဆရာဦးစိန်မောင်၊ ဆရာဦးသိန်းတန်၊ ဆရာဦးညွန့်ဌေး နဲ့ ဆရာလေးဦးသီဟလတ် တို့ပါတယ်။

ဒီစာအုပ်က ကိုယ်တိုင်ကြုံတွေ့ခဲ့သူတွေရဲ့ ကိုယ်တိုင်ရေး မှတ်တမ်းတွေ၊ ဆရာတွေနဲ့ စကားဝိုင်းက အသံသွင်းစကားတွေကို စုဆောင်း ပူးပေါင်းပြီး ထုတ်ဝေထားတာ ဖြစ်ပါတယ်။

မှတ်တမ်းပြုရာမှာ ပါဝင်ရေးသား ပြောကြားသူတွေ စာရင်းပါတယ်။

၁။ ဦးသာလှိုင် - ဌာနမှူး၊ ရူပဗေဒဌာန
၂။ ဦးစိန်မောင် - လ/ထ ကထိက၊ လျှပ်စစ်အင်ဂျင်နီယာဌာန
၃။ ဦးသိန်းတန် - လ/ထ ကထိက၊ လျှပ်စစ်အင်ဂျင်နီယာဌာန
၎။ ဦးစိုးမြင့် - သင်တန်းနည်းပြ၊ သတ္တုတူးဖော်ရေး အင်ဂျင်နီယာဌာန
၅။ ဦးသီဟလတ် - သင်တန်းနည်းပြ၊ ချည်/ထည် အင်ဂျင်နီယာဌာန
၆။ ကိုသောင်း - ဓါတ်ခွဲခန်းလက်ထောက်၊ မြို့ပြအင်ဂျင်နီယာဌာန
၇။ ကိုအောင်မြတ်ထွတ် - BE(EC) ၁၉၈၇
၈။ ကိုခင်မောင်ရီ - BE(EP) ၁၉၈၇
၉။ ကိုကျော်နိုင်မင်း နောက်ဆုံးနှစ်၊ မြို့ပြအင်ဂျင်နီယာ
၁၀။ ကိုမြင့်ဦး နောက်ဆုံးနှစ်၊ စက်မှုအင်ဂျင်နီယာ
၁၁။ ကိုနေမျိုးအောင် ပဉ္စမနှစ်၊ စက်မှုအင်ဂျင်နီယာ
၁၂။ ကိုတင်မောင်လွင် နောက်ဆုံးနှစ်၊ စက်မှုအင်ဂျင်နီယာ
၁၃။ မတင်တင်ထွေး စတ္တုထနှစ်၊ သတ္တုဗေဒ အင်ဂျင်နီယာ
၁၄။ ကိုကျော်စိုး တတိယနှစ်၊ ရေနံတူးဖော်ရေးအင်ဂျင်နီယာ
၁၅။ ကိုသက်နိုင် ဆရာဦးသာလှိုင်၏သား - တို့ ဖြစ်ကြတယ်။

"ဖြစ်မှဖြစ်ရလေ တာဝန်အရ"

ဆရာဦးသိန်းတန် - ဒါနဲ့ ဆက်စပ်ပြီး ပြောရရင်၊ ဒါပြီးတော့ ကျောင်းတွေ ပြန်ဖွင့်တဲ့အခါကျတော့ "မြက်ခင်းသစ်" ထွက်လာတယ်။ အဲဒီမှာ ဘာရေးထားလဲ ဆိုတော့ "ဖုန်းမော်တို့ကို ဆရာတွေက ဖွက်ထားလို့ သွေးလွန်ပြီး သေတာ" ဆိုပြီး ရေးတယ်။ အဲဒီတော့မှ ဘာဖြစ်သလဲ ဆိုတော့ ကျွန်တော်တို့က မနေနိုင်ဘူး။ ကိုယ်က ဒီမှာ ပါခဲ့တဲ့လူတွေကိုး ဦးသာလှိုင်ကို သွားပြောတယ်။ ဆရာရေ အဲဒီလို ရေးထားတယ် ပြောတော့၊ ဆရာက စိတ်ဆိုးပြီးတော့ class တွေ ပြန်ဝင်တော့ အခန်းထဲမှာ ဆဲတော့တာပဲ။ အဲဒါရဲ့ အကျိုးကျေးဇူးက တပတ်လောက် ရေကြည်အိုင်ထဲ သွားနေရတာပဲ။ သူဆက်ပြောလိမ့်မယ်။ သူလဲ မနေနိုင်ဘူး။ ကျွန်တော်လဲ မနေနိုင်ဘူး။

ကိုသက်နိုင် - အဲဒီ MIက နောက်တော့ အဖေ့ကို လာပြီး တောင်းပန်တယ်။ ကျောင်းသားပဲ။ ကျွန်တော် တာဝန်အရ လုပ်တာပါပေါ့။ ဆရာ့ကို ပြစ်မှားမိပါတယ် ဆိုပြီး လာတောင်းပန်တယ်။ ကျောင်းသား အစစ်ပေါ့။ အဖေကလဲ ကိစ္စမရှိပါဘူး။ မင်းကို ခွင့်လွှတ်ပါတယ်ပေါ့။

ဆရာဦးသာလှိုင် - အတန်းတော့ ဘယ်အတန်းလဲ မမှတ်မိတော့ဘူး။ ရေကြည်အိုင်ကျတော့ သိပ်မမေးတော့ဘူး။ ကျွန်တော် ပြောတာကိုပဲ လိုက်မှတ်တာ။ အမှန်က ကျွန်တော့ကို ဒီလောက်ကြာကြာ (ဆယ်ရက်ကျော်တယ်) မေးစရာမလိုဘူး။ ဗိုလ်ခင်ညွန့်က အဲဒီတုန်းက နိုင်ငံခြား ရောက်နေတာ။ သူပြန်လာမှ ကျွန်တော့်ကို လွှတ် မလွှတ် ဆုံးဖြတ်ရမှာ။

ကိုသက်နိုင် - အဲဒီတုန်းက အဖေ့ကို စစ်တော့ ခုံအမြင့်မှာ ထိုင်ခိုင်းပြီး မီးတွေ ဘာတွေနဲ့ ထိုးထားမှာပေါ့။ ခြေထောက်က လွတ်နေတော့ အဖေညောင်းတဲ့အခါ ခြေထောက်ကို ခုံအမြင့်က အဆင့်လေးမှာ တင်တာကို သူတို့က တင်ခွင့် မပေးဘူး။ တွဲလောင်းချထားရတာ။ အဖေလုပ်ပြတာ၊ အထဲမှာ အဲဒီလို နေရတာ၊ အထဲမှာ ဖျာတချပ်ပဲ ရှိတာ။ ပြောပြတယ်။ ဖျာစလေးတွေ ချိုးပြီး ပုတီးစိတ်တဲ့အကြောင်း။

ဆရာဦးသာလှိုင် - အဲဒီမှာက တဖက်ကို ၄ ခန်း၊ သံတိုင်တွေ ကာထားတယ်။ သီဟိုသရက်ပင်လေးတွေ ရှိတယ်။ ဗိုလ်ခင်ညွန့်နဲ့ တွေ့ရတော့မယ် ဆိုတဲ့ အခါကျမှ ကျွန်တော့ကို ထုတ်ပြီး တွေ့ပေးတယ်။ တေါ့တော့မှ သူက တောင်းပန်တယ်။ ကျွန်တော် မရှိလို့ပါပေါ့။ ကျွန်တော်မရှိရင် သူတို့ ဘာမှ လုပ်လို့ မရဘူး ဆရာတဲ့။ ဒါကြောင့် ဒီလောက်ကြာသွားတာပါတဲ့။ ကျွန်တော်က ပြောလိုက်ပါတယ်။ ကိစ္စမရှိပါဘူးဗျာ၊ ဒီမှာ အေးအေးဆေးဆေး နေရတော့ ပိုတောင် ကောင်းသေးတယ်။ နားရတာပေါ့ဗျာလို့။ သူ ရီနေတယ်။ ၁၀ ရက်ကျော် ကြာတယ်။

ဆရာဦးသိန်းဒန် - ကျွန်တော်တို့က စိတ်ပူတာပေါ့။ ဘယ်ရောက်နေတယ် ဆိုတာလဲ လာမပြောဘူး။ ထောက်လှမ်းရေးက လာခေါ်သွားတယ် ဆိုတာလောက်ပဲ သိတာ။ ဌာနကနေ လာခေါ်သွားတာ။

ကိုသက်နိုင် - ရေကြည်အိုင်ကို တိုက်ရိုက်ခေါ်သွားတာ။ အဖေပြောတာ မှတ်မိတယ်။ မျက်လုံးကို နေကာမျက်မှန် တပ်ပေးထားတာ။ တကယ်က အပြင်ကို ဘာမှ မမြင်ရဘူး။ အပြင်က ကြည့်ရင်တော့ နေကာမျက်မှန် တပ်ထားတာပဲ မြင်ရတယ်။ နေကာမျက်မှန်တပ်ပြီး ဆရာ ကားထဲ ပါသွားတယ်ပေါ့။ အမှန်က ဘာမှ မမြင်ရဘူး။

၁၉၈၈ မတ်လ ၁၃ ရက်။

ကိုအောင်မြတ်ထွဋ် (ကဗျာ - ညီလင်းညို) မှတ်တမ်းမှ …….

" မှတ်မှတ်ရရ အဲသည်နေ့ ညနေ ၇း၀၀ နာ၇ီကျော်လောက်လို့ ထင်တယ်။ ကျွန်တော်ရယ်၊ ရဲမင်းဌေးရယ်၊ အောင်စိုး(မောင်နိုင်လတ် ပျော်ဘွယ်) ရယ် သုံးယောက်သား ကျောင်းဘေးက ခြံမှာ မလေးရှား စုံးကား ဝင်ကြည့်နေတာ။ ကျွန်တော်က ကျောင်းပြီးပြီးသား အနောက်ကြို့ကုန်း၊ ဘီပီအိုင် အဝိုင်းနား ဇေယျာ လမ်းထဲက အဆောင်မှာ နေတာပါ။ ကျန် နှစ်ယောက်က Mechanical က နောက်ဆုံးနှစ်သမားတွေ။

ကျောင်းဝင်းထဲမှာတော့ အဆောင်မီးနဲု့ လမ်းမီးတိုင်တွေ လင်းနေပြီ။ အဆောင်ပေါ်မှာ ကျောင်းသားတွေ စုစု မြင်ရသလို ကျောင်းဝင်းထဲက ကားလမ်း ပလက်ဖောင်းပေါ်မှာရော အဆောင် (၁) ပေါ်တီကို အောက်မှာပါ ထိုင်သူ ထသူ စုရုံး စကားပြောသူတွေနဲ့ ကျွန်တော်တို့လည်း ဟိုမေး သည်မေးနဲ့ ဇာတ်ရည်လည်အောင် လုပ်နေကြတာ၊ သေချာတာကတော့ ကျွန်တော့်အဆောင်ရှိရာ ဘီပီအိုင် လမ်းထဲ ပြန်သွားလို့ မရတာပါပဲ။ ဘီပီအိုင် အဝိုင်းထောင့်က သမဝါယမဆိုင်လည်း မီးလောင်သွားပြီတဲ့။ အင်းစိန်လမ်းမဟာ အလစ်ချောင်းနေတဲ့ မြွေတကောင်လို၊ လမ်းမီးတိုင်တွေက စိုးထိတ်မှုနှဲို့င် အ အ ရပ်နေကြပြီး ရောက်လာမယ့် ကံကြမ္မာ မုန်တိုင်းတခုကို ငေးကြည့်နေကြရဲ့။……"

မုန်တိုင်းထန်တဲ့ည

" မကြာပါဘူး သမိုင်းဘက်ကနေ မီးသတ်ကားတွေ ၂ စီးတွဲ ယှဉ်ပြီး ကျောင်းဘက်ကို မောင်းလာကြတယ်။ ဖြည်းဖြည်းမောင်းလာတဲ့ မီးသတ်ကားတွေနဲ့ အတူ လုံထိန်းတွေ ပါလာကြတယ်။ ကျောင်းသားထုက သည်မြင်ကွင်းကို အေးအေးဆေးဆေးပဲ ထိုင်ကြည့်နေ ကြတာပါ။ အင်းစိန်လမ်းတဖက် စိုက်ပျိုးရေးရုံးဘက်မှာ လုံထိန်း ရှိ မရှိ မသေချာဘူး။ သေချာတာကတော့ ကျောင်းဝင်းဘက်မှာတော့ ပါလာတဲ့ လုံထိန်းမှန်သမျှက ကျောင်းဝင်းထ၇ံအတိုင်း ဂိတ်ပေါက်မကြီးကနေ ကျောင်းသားတွေအခေါ် ဆင်းရဲသား ဂိတ်အထိ တန်းစီ နေရာယူနေကြပါပြီ။ သည်အထိတော့ ပြသနာ မဖြစ်သေးဘူး။ ဖြစ်ချင်တော့ သေနတ်(အမျိုးအစားမသိ) ကိုင်ထားတဲ့ လုံထိန်းတွေက သေနတ်ပြောင်းတွေကို ကျောင်းသားတွေဘက် ထိုးချိန်ထားရာက စတာပါပဲ။

ကျောင်းသားတွေ ရင်ထဲမှာ ဒါဟာ တဖက်သတ် ဖိနှိပ်မယ့် သဘောလို့ ယူဆ လိုက်ကြပြီ။ ကျွန်တော့်အမြင် ပြောရရင် ၁၉၈၇ စက်တင်ဘာလ ငွေစက္ကူတွေ ဖျက်သိမ်းချိန် အာရ်အိုင်တီ ကျောင်းသားထုနဲ့ အရပ်သားတွေ သမိုင်းလမ်းဆုံအထိ ချီတက်ဆန္ဒပြတာကို အညှိုးအတေးနဲ့ ခုကိစ္စမှာ ပိုဖိနှိပ်ဖို့ ကြံရွယ်တယ် ထင်ပါတယ်။

သေနတ်ပြောင်းကို ထိုးအချိန်ခံရတာကြောင့် ကျောင်းသားတွေရဲ့ ဆဲဆိုသံ၊ မကျေနပ်သံတွေ ပေါက်ကွဲထွက်လာပါတယ်။ အတင်းမာဆုံးနေရာက ဆင်းရဲသား ဂိတ်ပေါက်နားမှာပါ။

ရုန်းရင်းဆန်ခတ် အခြေအတင် အော်ဟစ်မှုက ပြင်းထန်လာပြီး ကျောင်းသားတွေက ခဲနဲ့ ပေါက်ကြပြီ။

ရှုတ်ထွေးမောပန်းနေတဲ့ အချိန်မှာ မီးသတ်ကားက ရေနဲ့  စပက်ပါပြီ။ ပထမတော့ အားနည်းနည်း၊ ကျောင်းသားကလည်း သိတဲ့အတိုင်း ခပ်ကဲကဲ ရေပန်းအောက်မှာ ကပြနေသေး။ နောက်တော့ ရေပန်းက ပြင်းလာပြီ။ ကိုယ်တော် လွင့်ပါသွားလေရဲ့။ မကြာခင်ပဲ အနီရဲရဲ အတန်းတတန်းဟာ ကျွန်တော်နဲ့ ဝါးတရိုက် ကျော်ကျော်အကွာ ခါးလယ်အနေအထားလောက်က ဖြတ်ဝင်လာတာ တွေ့လိုက်ရတယ်။ ပေါက်ကွဲသံတွေလည်း မရှေးမနှောင်းမှာ ကြားလိုက်ရပြီ။

ပေါက်ကွဲသံတွေ(သေနတ်သံတွေ)က ညံနေပြီ လုံထိန်းတွေက ပစ်လည်းပစ်၊ ကျောင်းဝင်းထရံကိုလည်း ကျော်ဝင်လိုက်ကြပြီ။ ကျွန်တော်နဲ့ အနီးဆုံးက သူငယ်ချင်း ရဲမင်းဌေး။ ပထမတော့ UTC မှာ သင်ခဲ့ရသလို မိချောင်တက်နဲ့ နှစ်ယောက်သား စဆုတ်တယ်။ ဒါက ကြာကြာ အလုပ်မဖြစ်တော့ဘူး။ ကျောင်းရေပန်းအဝိုင်းကို ပတ်စိုက်ထားတဲ့ ပုဏ္ဏရိပ်ပင်တွေကြား ခေါင်းကို ထိုးမိတော့ နှစ်ယောက်သား ထပြေးရတာပါပဲ။ ဘာမှ မစဉ်းစားနိုင်ဘူး။ သူတို့ကလည်း ဆင်း၇ဲသား ဂိတ်ကစပြီး ကျောင်းပေါ်တီကိုနဲ့ ကျောင်ဆောင်တွေကြား ကွက်လပ်ဂွင်ထဲကိုပဲ အဓိက ထားပစ်တာပေါ သူတို့က မုဆိုး၊ ကျွန်တော်တို့က သားကောင်အနေအထား၊ မှန်သူ၊ လဲသူ၊ ကွဲပြဲသူ အားလုံး ရှုတ်ထွေးတဲ့ အနေအထားပါ။…."

(ဒီစာအုပ်ကို ထပ်မံထုတ်ဝေပေးဖို့  ထုတ်ဝေသူများအား မေတ္တာရပ်ခံပါရစေ)။

Read More

ရန်ကုန်စက်မှုတက္ကသိုလ်ကျောင်းသားအချို့နှင့် ကြို့ကုန်း အနောက်ရပ်ကွက်လူထုအချို့တို့ဖြစ်ပွားသည့်အရေးအခင်း

ရန်ကုန်စက်မှုတက္ကသိုလ်ကျောင်းသားအချို့နှင့် ကြို့ကုန်း အနောက်ရပ်ကွက်လူထုအချို့တို့ဖြစ်ပွားသည့်အရေးအခင်း

Read More

အောင်ကျော်မြတ်၊ မင့်တိုင်းမှူးကိုပြောလိုက် ၊ငါစာသင်နေတယ်

အောင်ကျော်မြတ်၊ မင့်တိုင်းမှူးကိုပြောလိုက် ၊ငါစာသင်နေတယ်

စက်တင် ဘာ ရဲ့  အမှတ်ရ စရာ တွေ ပေါ့ ၊ ၁၉၆၂ စက်တင်ဘာ မှာ ဗိုနေဝင်း က အာဏာသိမ်း တယ်၊ ၁၉၈၉ စက်တင်ဘာ မှာ ဗိုသန်းရွှေ က အာဏာ သိမ်း တယ်၊ ၁၉၉၆ စက်တင်ဘာ မှာ စက်မှု.့ တက္ကသိုလ် ကျောင်း သား တွေ အစပြု တဲ့  ကျောင်းသား တော်လှန်ရေး ဖြစ်ခဲ့ တယ်၊ ၂၀၀၇ မှာ နာမည်ကျော် ရွှေ ဝါရောင် တော်လှန် ရေး တွေ ပေါ်ပေါက် ခဲ့ ပါ တယ် -

၁၉၉၆ မှာ ရန်ကုန် စက်မှု့  တက္ကသိုလ် ကျောင်းသားတွေ အစပြု တဲ့ ကျောင်းသား လှုပ်ရှား မှု.့ ကို စစ်တပ် က သတ်ဖြတ် ဖြို ခွဲပြီး နောက်၊ တက္ကသိုလ် ကျောင်း တွေ ကို မြို.့ စွန်တွေ ပို့ ပစ်ခဲ့ တယ်၊ ကျောင်းသား တွေကို အဆောင်နေခွင့် မပေး တော့ ဖူး ၊ အဆိုးဆုံး က စက်မှု.့ ကျောင်း တွေ ပါပဲ ၊၂၀၀၀ ခုနှစ် မှာ ဖြစ်သလို နေရာ အစုံ မှာ သင်ချင် သလို သင်ပေး ပြီး ဘွဲ.့ ပေး ခဲ့ ပါတယ် -

ခု ကျနော် တင်ပြ တဲ့  ဆရာ ကြီး ဦးလှရွှေ ( မိန်းထဲမှာ A အ ဆောင် မှူး Textile AP ပါ ) အ ကြောင်း ကတော့ ကတော့  ပြည် မှာ စာ သင် ဆောင် မရှိ ဝပ်ရှော့  မရှိဘဲ ဖြစ်သ လို စာသင်နေ ကြစဉ် မှာ ဖြစ်ခဲ့ တာ လေး ဖြစ်ပါတယ်၊ ဆရာ ကြီး လို စေတနာ ၊ ဝါသနာ၊ အနစ်နာ နဲ့  ဆရာ ပီသ လွန်း တဲ့  ဆရာ တွေ ရှိ ကြပေ မယ့်  ဒေါက် တာ အောင်ကျော် မြတ် လို စစ်အာဏာ ရှင် လက်ပါး စေ ဆရာ တွေ လည်း ရှိ ခဲ့  ကြပါ တယ် ၊ ဒီလို ခရိုနီ ကျောင်း ဆရာ ဦးအောင် ကျော် မြတ် ဟာ ထိုစဉ် က ပါမောက္ခ ချူပ် သာပါ၊ သူ့ ဘာ လို့  သပန ထဲ ရောက်ပြီး နေသွေးရွှေအောင် ရဲ.့ ဆရာ ရင်း ဖြစ် လာလည်း ဆို တာ မှတ်တမ်း တခု လည်း တခုဖြစ် ပါတယ် -

၂၀၀၀ ခုနှစ်များ ဆီက ကျနော် တို့ ကျောင်းကို အပိုင်း ပိုင်းခွဲပြီး လှိုင် သာယာ နဲ့ ပြည်ကို ပို့လိုက် တော့ရင် ဆရာကြီး ၊ ဆရာမကြီး တွေဟာ ၁ လကို ၂ ပတ်စီခွဲကာ ကျောင်းသား တွေရှိ ရာ လိုက် သင်ပေးကြ ရပါ တယ် ။ ဒါလဲ စုံစုံလင်လင် မဟုတ် ပါဘူး ။ ဖျက်ဆီး ခံလိုက် ရတဲ့ ကျောင်း ဆို တော့ ကျောင်းသား တွေခ မျာလဲ စေ့ငု အောင် မတက် နိုင်ကြ ပါ ။ ကျနော့် same batch မှာတင် Drop out က ၄၀ % လောက်ရှိ ပါတယ် ။

အဲ့နေ့ ကတော့ PTU စာသင်ခန်း ထဲမှာ ဆရာကြီး နဲ့ ကျနော် ၂ ယောက် ထဲပါ ။ ပြောရ ရင်တော့ ပါမော က္ခ နဲ့ တစ်ဦ ချင်း စာသင်ခွင့် ရခဲ့ တဲ့ အတွက် ကံကောင်း လှတဲ့ ကျနော် လို့တောင် ပြောရ မလို ပါ။

အဲဒီ အချိန်မှာ ကျောင်းဝင်း ထဲကို စစ်ကား တွေ အစီး ၂၀ လောက် ရှေ့ပြေး ပွိုင့်တွေ နဲ့ ၀င်ချ လာပါ တယ် ။ ကျနော် က ပြတင်း ပေါက်က မြင်ရ တဲ့ စစ်ကား တွေ ကို မျက်ရိပ် နဲ့ လှမ်းပြ ပေတဲ့ ဆရာ ကြီးက တစ်ဦး တည်းသော ကျောင်သား ကျနော့်ကို စာသင် ပျက်မ သွားပါ ။ ခဏ နေ တော့ ပါမော က္ခ ချုပ် ဦးအောင်ကျော်မြတ် ၊ မော်ကွန်းထိန်း ( ဦး ) စည်သူ ကျော်တို့ စစ်ဘို စစ် သား များစွာ နဲ့ ကော်ရစ် ဒေါ ကနေ တဖြောင်း ဖြောင်း လျှောက်သွား ကြပါ တယ် ။ အခန်း ရှေ့မှာ ခဏ တုံ့ရပ်ပြီး ကြည့်ကြ ပါသေး တယ် ။ ဆရာကြီး ကတော့ စာသင် မပျက် အေးအေး ဆေးဆေး ပါပဲ ။

ခဏ နေတော့ ရုံးအကူ တစ်ယောက် လာပြီး " ဆရာကြီး ၊ တိုင်းမှူး ရောက်လာ လို့ သြ၀ါဒ ခံယူပွဲ လုပ်ရ မှာမို့ ဆရာ၊ ဆရာမ တွေ အားလုံး အစည်း အဝေး ခန်းကြွ ပါ တဲ့ "

ဆရာကြီးက " ငါမ အားဘူး ၊ စာသင် နေတယ် ။ ၄ နာရီ ထိုးရင် ပြီးမယ် "

အထွန့် မတက် ရဲတဲ့ ၀န်ထမ်း ကောင်လေး က " ဟုတ်ကဲ့ ဆရာကြီး '' ဆိုပြီးထွက်သွားပါတယ် ။

တစ်မိနစ် လောက် အတွင်း မှာပဲ မော်ကွန်း ထိန်း ရောက်လာ ပြန်ပြီး " ဆရာကြီး ၊ တိုင်းမှူးက surprised ရောက်လာလို့ပါ ။ အားလုံး စုံညီ တွေ့ချင် တယ်လို့ ပြောပါ တယ် "

" အေးပါ ၊ စာသင်ပြီး ရင် လာခဲ့မယ် ။ "

" ပါချုပ်က ဆရာကြီး လာမှ စမယ် လို့ ပြောပါတယ် " လို့ လှည့်ပြီး ပြောပြန်ရော ။

ဆရာ ကြီးက လှည့်မ ကြည့်တော့ ပါဘူး ။ စာပဲ သင်နေ တော့တာ ။ ကျနော် ကလဲ ဒါမှ ငါတို့ ဆရာကြီး ဆိုတဲ့ အထာ နဲ့ ကြိုးစား ပမ်းစား အပြန် အလှန် ဆွေနွေး ကြတာ ပေါ့ ။

စိတ်အ ထင် ၁၅ မိနစ် လောက်ရှိ မယ်ထင် တယ် ။ မော်ကွန်း ထိန်း ဟာ အခန်း ထဲထိ ၀င်ချ လာပြီး " ဆရာ ကြီး ၊ တိုင်းမှူးက ဆရာ၊ ဆရာမတွေ အားလုံး တွေ့ရမှ ဖြစ်မယ် လို့ ပြောနေ လို့ပါ ".. သူ့ အသံ က တုန်ယင် နေပြီး ငိုကာ နီး နေပါ ပြီ ။

ရုတ် တရက် အခန်း ရှေ့မှာ လူရိပ် မြင်လို့ ကျနော် ကြည့် တော့ ဗိုလ်ကြီး သို့မ ဟုတ် ဗိုလ်မှူး တစ်ယောက် ပါ ..။ ဖိုင်တစ် ခုကို ပွေ့ထား ပြီး ကျနော့် ကို ပြုံးရယ် ပြပါ တယ် ..။ တိုင်းမှူး PA ဖြစ်နိုင် တယ် လို့ ကျနော် ထင်လိုက် တယ် ။

ဆရာကြီးဟာ အဲဒီ စစ်ဗိုလ်ကို မြင်တော့ ဒေါသပေါက်ကွဲ သွားပါတယ် ..။

" ဟေ့ကောင် စည်သူ ကျော် ၊ မင့်တိုင်းမှူးကို ပြောလိုက် ၊ ငါစာသင် နေတယ် ။ ကျောင်း ဆရာ စာသင် နေတဲ့ အချိန် ရောက် လာပြီး စာသင် ရပ်ခိုင်း ရအောင် ငါမရပ် နိုင်ဘူး ။ ဒါ ငါ့အလုပ် ငါလုပ် နေတာ ။ တွေ့ချင် သပ ဆို ငါ စာသင် ပြီးအောင် စောင့် ။ ငါလက် ချာ စောဖြုတ် ပေးမယ် ။ ငါလုပ် နိုင်တာ ဒါပဲ ..။ "

မော်ကွန်းထိန်း ဆိုတဲ့ ပုဂ္ဂိုလ် လဲ သံမဏိ လူသားကို အလျော့ ပေးပြီး ထွက်သွား ပါတော့ တယ် ။

ကျနော့် ရင်ထဲ မှာ ဒီ အဖြစ် အပျက် ကို သေသေ ချာချာ ကို မှတ်တမ်း တင်ထား ပါတယ် ။ စစ် အာ ဏာ ဟာ ပညာ ကို ပညာရှင် အစစ်ကို ထိန်းချုပ် မောငိးနှင် ဖို့ စွမ်းအင် မရှိပါ ဘူး ဆိုတာ မျက်ဝါး ထင်ထင် မြင်ခဲ့ ရပါ တယ် ။

ဟုတ်ကဲ့ ..။ အဲဒီ သံမဏိ ဆရာကြီး ခုတော့ ချို့ ချို့ ငဲ့ငဲ့ သေမင်း နဲ့ စစ်ခင်း နေရ ပါပြီ ။ ကျောင်း ကြီးက ထွက်လာ တဲ့ ကျနော့် သူငယ် ချင်းများ တတ်နိုင် ရင် ၀ိုင်းဝန်း ကူညီပြီး contribute လုပ်ကြ ပါလို့ နှိုးဆော် ပါတယ် ။

အကောင့် ထဲက ကျောင်းက သူငယ် ချင်းတွေနဲ့ စီနီယာ ဂျူ နီယာတွေ ကို နှိုးဆော် လိုပါ တယ် ။

ဒါ ဒို့ဆရာကြီး ဦးလှရွှေပါ ။ မိန်းထဲမှာ A အဆောင်မှူး Textile AP ပါ ။

ခုဆရာကြီး ဆေးရုံ ပေါ်က မြင်ကွင်းကို တွေ့ရတော့ ကျနော့်မှာ မျက်ရည် မဆည်နိုင်ပါဘူး ။ RIT / YIT စက်မှု တက္ကသိုလ် က အငြိမ်းစား ပါမောက္ခ အိုကြီး တစ်ယောက်ရဲ့ ပုံပါ ။ ကြည့်ပါဦးဗျာ ..။

တိုင်းပြည်ရဲ့ အတော်ဆုံး ထိပ် ထိပ်ကြဲ ပညာရှင် တွေကို ကျုပ်တို့ အစိုးရ မင်းများ ပေးထားတဲ့ ကျန်းမာ ရေး အာမခံ ဆိုတာ ဘာမှ မရှိလေ တော့ တပည့် ဟောင်းတွေ ဆီက အလှူ ငွေလေးကို ကတုန် ကယင် မြှောက်ပြ ထားရရှာ တာ ..။

လူငယ်ဘ၀ စက်မှု တက္ကသိုလ် ကျောင်းဆ ရာဖြစ် လာတာ ကနေ ပင်စင် သွားသည် အထိ ကျောင်း ဆရာ လစာ ကလေး မဖြစ်စ လောက် ကလွဲ ပြီး ဘာမှ ခံစားခွင့် ရမ သွားရှာ ၊ ယူမ သွားရှာ တဲ့ ကျနော့ ဆရာကြီး ..။

............................

Win Naing Oo

Read More

ခင်ပွင့်ဖြူအတွက် အလွမ်းပွင့်များ

ခင်ပွင့်ဖြူအတွက် အလွမ်းပွင့်များ

အဲဒီနေ့ နေ့လယ် တနာရီထိုးဖို့ဆယ်မိနစ်လောက်အလိုမှာ ကျွန်တော် ရန်ကုန်တက္ကသိုလ် ကျောင်းဝင်းထဲကို ရောက်တယ်။

ရောက်ရောက်ချင်းပဲ မန္တလေးဆောင်ဝင်းထဲမှာ ကားကိုထိုးပြီး ၀င်းအပြင်ကို ကျွန်တော် ပြန်ထွက်လာခဲ့တယ်။ ပြီးတော့ အဓိပတိလမ်းကိုဖြတ်ပြီး အောင်ကျော်ကျောက်တိုင်ရှိရာ အဓိပတိလမ်းရဲ့ညာဘက်ခြမ်းက သမဂ္ဂ၀င်းထဲကို ၀င်လာခဲ့တယ်။

သမဂ္ဂ၀င်းထဲက အောင်ကျော်ကျောက်တိုင်ပေါ်မှာ ခွပ်ဒေါင်းအလံလွှမ်းထားတယ်။ ကျောက်တိုင်ရဲ့ အောက်ခြေမှာတော့ ၅၅ နှစ်မြောက် 7 July အထိမ်းအမှတ်အဖြစ် မနက်က လာချသွားခဲ့တဲ့ ပညာရေး တက္ကသိုလ်ကျောင်းသားများသမဂ္ဂအပါအ၀င် အခြားအဖွဲ့အစည်းတွေရဲ့ပန်းခွေတွေနဲ့ ပြည့်နေတယ်။

ဒီလိုနေ့မျိုး ဒီနေရာမှာ အခြားလူတွေကို ကျိန်းသေပေါက် တွေ့ရလိမ့်မယ်လို့ မျှော်လင့်ထားခဲ့ပေမဲ့ ဘယ်သူ့ကိုမှ မတွေ့ရဘဲ ကျွန်တော်တယောက်တည်း ဖြစ်နေတာနဲ့ အံ့သြနေမိတယ်။

ဝင်းအပြင်ဘက်ကိုကြည့်လိုက်တော့ ၀င်းကို ကာထားတဲ့ သံတိုင်တွေရဲ့ တဖက်ခြမ်းမှာ ခပ်ငယ်ငယ် ဦးပဉ္ဇင်းတပါး ရပ်နေတယ်။

ဒါနဲ့ အပြင်ထွက်သွားပြီး ဦးပဉ္ဇင်းကို ကျွန်တော့်ကို ဓာတ်ပုံရိုက်ပေးဖို့ သွားလျှောက်တယ်။

ဦးပဉ္ဇင်းက လိုလိုချင်ချင် ကျွန်တော်နဲ့အတူ သမဂ္ဂ၀င်းထဲ ပြန်ဝင်လာပြီး အောင်ကျော်ကျောက်တိုင်ကို နောက်ခံထားပြီး ကျွန်တော့်ကို ဓာတ်ပုံရိုက်ပေးတယ်။

ဦးပဉ္ဇင်းက မိုးကုတ်ကနေ ရန်ကုန်ကို ခဏလာလည်တာတဲ့။ အဲဒီမှာပဲ ၀င်းထဲကို မျက်မှန်တပ်ထားတဲ့ အသက် ၆၀ ကျော်အရွယ် လူကြီးတယောက် ၀င်လာတယ်။ ဦးပဉ္ဇင်းဆီက ကျွန်တော့်ဖုန်းကို ကျွန်တော်ပြန် ယူပြီး လူကြီးနဲ့စကားပြောကြည့်လိုက်တော့ ၇၄ ဦးသန့် အရေးအခင်းမျိုးဆက်ကျောင်းသားဟောင်းနဲ့ နိုင်ငံ ရေးအကျဉ်းသားဟောင်းကြီး ဖြစ်နေတယ်။

နာမည်က ဦးခင်မောင်ညွန့်တဲ့။ ဒီနေ့ ဒီနေရာမှာ တယောက်မဟုတ် တယောက်တော့ တွေ့မှာပဲဆိုတဲ့ စိတ်ကူးနဲ့ ဒီရောက်လာတာပါတဲ့။ အဲဒီမှာပဲ ရှပ်အကျီင်္လက်ရှည်နဲ့ဘောင်းဘီရှည်ဝတ်ထားတဲ့ မျက်မှန်နဲ့ လူတယောက်ဝင်းထဲကို ထပ်ဝင်လာတယ်။ ကျွန်တော်နဲ့ ဦးခင်မောင်ညွန့်ပြောနေတဲ့ ဦးသန့်အရေးအခင်း အကြောင်းကြားလိုက်တာနဲ့ ၀င်လာတာပါတဲ့။ ပြီးတော့ သူ့ကိုယ်သူ ကိုစိုးနောင်လို့ မိတ်ဆက်တယ်။

x x x

ကျွန်တော်တို့သုံးယောက် စကားလက်ဆုံကျနေတုန်း ဘောင်းဘီရှည်နဲ့ လူငယ်နှစ်ယောက် ၀င်လာတယ်။ ပြီးတော့ အောင်ကျော်ကျောက်တိုင်ကို နောက်ခံထားပြီး ဓာတ်ပုံရိုက်နေကြတယ်။ အဲဒီမှာပဲ ကျွန်တော်၊ ဦးခင်မောင်ညွန့်နဲ့ ကိုစိုးနောင်တို့ သုံးယောက် နှစ်ယောက်စီတွဲပြီး ဖုန်းကိုယ်စီနဲ့ အပြန်အလှန်အမှတ်တရ ဓာတ်ပုံရိုက်ကြတယ်။

ပြီးတော့ ၀င်းအပြင်အ၀မှာ ထိုင်နေတဲ့ လူတယောက်ကို အကူအညီတောင်းပြီး သုံးယောက်တွဲ ဓာတ်ပုံရိုက်ကြတယ်။ ပြီးတော့ ကျွန်တော်တို့ သုံးယောက် စကားပြောဖို့ ရာမညဆောင် ရှေ့နားက ကင်တင်းဘက်ကို ထွက်လာခဲ့ကြတယ်။

x x x

ရာမညဆောင် ရှေ့နားက အတွဲလိုက် ဆက်လျက်ဖွင့်ထားတဲ့ ကင်တင်းတန်းထဲက ဘယ်ဘက်အစွန်ဆုံး 'ထွန်းတောက်' မှာ ကျွန်တော်တို့ ၀င်ထိုင်လိုက်ကြတယ်။

တနာရီလောက် စကားပြောပြီး နှစ်ချက်ခွဲခါနီးတော့ ကျွန်တော်တို့ ဆိုင်က ထကြတယ်။ အင်္ဂလိပ်စာ ပြနေတဲ့ ကျူရှင်ဆရာဖြစ်သူ ကိုစိုးနောင်က ပြန်ရမယ်။ ဒါနဲ့ပဲ ဘာမှလုပ်စရာမရှိဘဲ အရှင်လတ်လတ်ကြီးကို အားနေတဲ့ ကျွန်တော်နဲ့ ဦးခင်မောင်ညွန့် ကျောင်းထဲကျန်ခဲ့ကြတယ်။ အဲဒီမှာပဲ ကျွန်တော် Facebook ဖွင့်ကြည့်မိတယ်။ Facebook က သတင်းတွေထဲမှာ ဒီနေ့ နေ့လယ် တနာရီက ထောက်ကြန့်မှာ YBS  ကားနှစ်စင်း မျက်နှာချင်းဆိုင် တိုက်မိကြတဲ့ သတင်းတွေ တက်နေတယ်။ တိုက်မိတာက  YBS ၅၅ နဲ့   YBS ၃၇ တဲ့။ ထောက်ကြန့်ကနေ မင်္ဂလာဒုံဘက်ပြန်တဲ့ ၅၅ နဲ့ ထောက်ကြန့်ဘက်ကို လာနေတဲ့ ၃၇ တိုက်ကြတာတဲ့ လူကိုးယောက် ပွဲချင်းပြီး သေဆုံးပြီး လူအများအပြား အပြင်းအထန်ဒဏ်ရာရကြပါသတဲ့။ တဆက်တည်း အဲဒီသေဆုံးတဲ့ လူစာရင်းထဲမှာ အင်းစိန်မှာနေတဲ့ မှော်ဘီနည်းပညာ တက္ကသိုလ်မှာ ကျောင်းတက်နေတဲ့ အင်ဂျင်နီယာ ကျောင်းသူလေးတယောက်ပါသွားမှန်းလည်း အင်းစိန်မှာနေတဲ့ သူငယ်ချင်းတယောက်ရဲ့ Facebook  မှာ တက်လာတယ်။

ကျောင်းသူလေးနာမည်က ခင်ပွင့်ဖြူတဲ့။

ခင်ပွင့်ဖြူတဲ့ . . . ။

x x x

ဇာတ်လမ်းရဲ့အစကို ပြောရရင်တော့ ၁၉၉၆ ကို ပြန်သွားရလိမ့်မယ်။

၁၉၉၆ ဒီဇင်ဘာမှာ ကျွန်တော်တို့ စက်မှုတက္ကသိုလ်ကနေစလို့ အရေးအခင်းဖြစ်အပြီးမှာ တပြည်လုံးက ကျောင်းတွေ ပိတ်သွားတယ်။

၁၉၉၉ ဒီဇင်ဘာမှ ကျောင်းတွေပြန်ဖွင့်ပြီး ကျွန်တော်တို့ စက်မှုတက္ကသိုလ်ကျောင်းကို လှိုင်သာယာကို ရွှေ့လိုက်တယ်။ နယ်က ကျောင်းသားတွေအတွက်တော့ ပြည်နားမှာ PTU ဆိုပြီး ဖုတ်ပူမီးတိုက် အဆောက်အဦတွေ ဆောက်ပြီး ပြည်ကို ရွှေ့လိုက်တယ်။

နောက်တော့  GTI ကို ဖျက်သိမ်းပြီး GTC (Government Technological College)ဆိုပြီး မှော်ဘီနဲ့ သန်လျင်မှာပါ ထပ်ဖွင့်တယ်။

ဆယ်တန်းထပ်အောင်လာတဲ့ ကျောင်းသားသစ်တွေကို သူ့သက်ဆိုင်ရာ မြို့နယ်အလိုက် မှော်ဘီနဲ့ သန်လျင်ကို ခွဲပို့တယ်။ တဆက်တည်း YIT လည်း ပညာရေးဝန်ကြီးဌာနရဲ့ လက်အောက်ကနေ အသစ် ထပ်ပေါ်လာတဲ့ 'သိပ္ပံနှင့် နည်းပညာဝန်ကြီးဌာန'ရဲ့ လက်အောက်ကို ရောက်သွားပြီး YTU (Yangon Technological University)ရယ်လို့ ဖြစ်သွားတယ်။

နောက်ပိုင်း တပြည်လုံးမှာ ကြို့ကုန်းက မိခင်စက်မှုတက္ကသိုလ်ကြီးရဲ့ပုံစံတူကိုယူပြီး နေရာခပ်ကျဉ်းကျဉ်းမှာ တိုင်လုံးကြီးတွေနဲ့ ဆောက်ထားတဲ့ စပ်ဖြဲဖြဲ ဒီဇိုင်းနဲ့ နည်းပညာတက္ကသိုလ်တွေ မှိုလိုပေါက်အောင် ပေါ်လာတယ်။

ကျွန်တော်တို့ခေတ်အနေနဲ့ပဲပြောရရင် ကွန်ပျူတာကျောင်းသားတွေက ရွှေပြည်သာနားက ၀ါးတရာကို ရောက်သွားတယ်။

စီးပွားရေးတက္ကသိုလ်က ရွာသာကြီးကို ရောက်သွားတယ်။

အရင် RC 1,2,3  တွေက သန်လျင်ဘက်က တာဝကို ရောက်သွားတယ်။

အဲဒီကစပြီး မြန်မာနိုင်ငံတ၀န်းလုံးက တက္ကသိုလ်ကျောင်းသားတွေ မြို့တွေနဲ့ ဝေးလံခေါင်ဖျား မြစ်ကူးချောင်းခြား အပင်တပင်မှမရှိတဲ့ လယ်ကွက်ပပ်ကြားအက်ကြီးတွေပေါ်မှာ ဖြစ်သလိုဆောက်ထားတဲ့ ခါတော်မီတက္ကသိုလ်တွေမှာ ပညာစ,သင်ကြားရတယ်။

ရည်ရွယ်ချက်ကတော့ နောင်မှာ ဘယ်အခါမှာမှ ကျောင်းသားအရေးအခင်းတွေ ထပ်မပေါ်ပေါက်ဖို့ဘဲ။

ရှင်းလည်း ရှင်းတယ်၊ ပြတ်လည်း ပြတ်တယ်။ လှိုင်သာယာကပဲ ၂၀၀၂ မှာ ကျွန်တော် ဘွဲ့ရတယ်။

x x x

ဘွဲ့ရကတည်းက လှိုင်သာယာကို ကျွန်တော် ကျောခိုင်းခဲ့တယ်။

နောက်ပိုင်း 'ရန်ကုန်အနောက်ပိုင်းနည်းပညာ တက္ကသိုလ်'လို့အမည်ပြောင်းလိုက်တဲ့ လှိုင်သာယာဟာ ကျွန်တော်တို့ ကျောင်းသားတွေရဲ့ အသည်းထဲမှာ စူးနေတဲ့ ဆူးပဲ။

ကြို့ကုန်းက မိခင်ကျောင်းတော်ကြီးမှာ အနည်းဆုံး တနှစ်လေးပဲဖြစ်ဖြစ် တက်ခဲ့ရတဲ့ မျိုးဆက်တွေထဲ ဒီခံစားချက်ဟာ တသားတည်းပဲ။

ဘွဲ့ရပြီးနောက်ပိုင်း လှိုင်သာယာ ထိန်ပင် သုသာန်အကျော်က အဲဒီတုန်းက ရန်ကုန်နည်းပညာတက္ကသိုလ်ကို ပြန်သွားတဲ့သူ တယောက်တလေလောက်တောင် ကျွန်တော် မတွေ့ရတဲ့အထိ စိတ်ထဲနာကြည်းခဲ့ရတယ်။

ဒီလိုနဲ့ ၂၀၀၈-၂၀၀၉ လောက်မှာ သတင်းတပုဒ်ကြားရတယ်။

လှိုင်သာယာမှာတက်နေတဲ့ ကျောင်းသူလေးတယောက် ကျောင်းမှာ မြွေကိုက်ခံရပြီး အင်းစိန်ဆေးရုံပို့တာ အချိန်မမီဘဲ ဆေးရုံမှာ ဆုံးပါးသွားရပါသတဲ့။

အဲဒီသတင်းကို ကြားကြားချင်းပဲ စိတ်ထဲမှာ ကြို့ကုန်းမှာဆို ဒီလိုဖြစ်မှာ မဟုတ်ဘူးဆိုတဲ့အတွေးဝင်လာတယ်။

အဲဒီ ကျောင်းသူလေးဟာ လယ်ကွင်းပြင်ထဲမှာ တည်ထားခဲ့တဲ့ တက္ကသိုလ်အမည်ခံ ကျောင်းကြီးတွေရဲ့ ပထမဆုံးသားကောင်ဖြစ်ခဲ့တယ်။

x x x

ပြီးခဲ့တဲ့ နှစ်ပတ်လောက်က ၁၀ နှစ်ကျော်ကျော်လောက် မရောက်ဖြစ်ခဲ့တဲ့ ကျောင်းတော်ကြီးကို ကျွန်တော် ပြန်ရောက်သွားတယ်။

စိတ်ထဲမှာ မျှော်လင့်ထားခဲ့တဲ့အတိုင်း ကျောင်းကြီးထဲမှာ လူတွေ ရှင်းနေတယ်။

အီလက်ထရွန်နစ်ဌာနကို လိုက်ရှာတော့ အရင်နေရာမှာ မဟုတ်တော့ဘူးတဲ့။

ဒါနဲ့ပဲ မေးမြန်းစုံစမ်းပြီး ဟိုးနောက်ဘက် L 5 6 7 8  တွေရဲ့အကျော်မှာ ဆောက်ထားတဲ့ ဟိုးအရင်ကမရှိခဲ့တဲ့ အဆောက်အဦသစ်ကြီး နှစ်လုံးထဲက အီလက်ထရွန်နစ်ဌာနရှိတဲ့  HRD အဆောက်အဦကြီးကို ရောက်သွားတယ်။

ဓာတ်လှေကားနဲ့ ကျွန်တော်အပေါ်တက်လာပြီး စာသင်ခန်းတွေ ဖြတ်လာတော့ ကျွန်တော့် ဆရာမ ဒေါ်မြမြအေး လက်ချာသင်နေတာကို တွေ့တယ်။

စာသင်ခန်းထဲကိုကြည့်လိုက်တော့ လူမှ တကယ့်နည်းနည်းလေးပဲ။ ၁၅ ယောက်၊ အယောက် ၂၀ လောက်ပဲ ရှိတယ်။ ကျွန်တော်တို့တုန်းက ကျူရှင်တက်တာ ကျနေတာပဲ။

ဒါနဲ့ပဲ Level 2 မှာရှိတဲ့ အီလက်ထရွန်နစ်ဌာနကိုရောက်ပြီး တွေ့တဲ့ ကျွန်တော့်ဆရာမတွေကို မေးကြည့်တော့မှ အခု ကျောင်းတကျောင်းလုံးမှာမှ ကျောင်းသား ၁၀၀၀ ကျော်လောက်ပဲ ရှိတော့မှန်း သိရတယ်။

အရင်တုန်းက စာသင်နှစ် ခြောက်နှစ်မှာ တတန်းကို လူ ၈၀၀ နှုန်းနဲ့ တွက်ကြည့်ရင် ကျောင်းသား ၅၀၀၀ နီးပါး ရှိခဲ့တယ်။ အခုတော့ ၁၀၀၀ ကျော်တဲ့။

ဘယ်လို ကျောင်းသားတွေက ဒီမှာတက်ရတာလဲမေးကြည့်တော့ အခု ကျွန်တော်တို့ ကြို့ကုန်းက ရန်ကုန်နည်းပညာတက္ကသိုလ်ဟာ ဆယ်တန်းမှာ အမှတ်အမြင့်ဆုံးရတဲ့ ကျောင်းသားတွေသာ တက်ခွင့်ရတဲ့ တက္ကသိုလ်ဖြစ်ခဲ့ပြီတဲ့။

အဲဒီမှာ တက်ဖို့ အမှတ်မမီတဲ့ ကျောင်းသားတွေက ကိုယ်နေထိုင်ရာ မြို့နယ်အလိုက် မှော်ဘီနဲ့ လှိုင်သာယာက ရန်ကုန်အနောက်ပိုင်းနည်းပညာတက္ကသိုလ်တွေမှာ တက်ရတာတဲ့။

ကျွန်တော်တို့တုန်းကလိုပဲ စာသင်နှစ် ခြောက်နှစ်ပြန်ဖြစ်ခဲ့ပြီတဲ့။

အခု လောလောဆယ်တော့ ပဉ္စမနှစ်အထိပဲ ရှိသေးတယ်တဲ့။

နောက်လာမယ့် စာသင်နှစ်မှ ဆဋ္ဌမနှစ်အထိ အပြည့်အစုံ ရှိတော့မှာတဲ့။

ကျွန်တော်တို့တုန်းက မိန်းကလေးဦးရေကို ၂၀ ရာခိုင်နှုန်းသာ လက်ခံတဲ့စနစ်ကိုလည်း ပယ်ဖျက်လိုက်ပြီမို့ အခု ကျောင်းမှာ မိန်းကလေးဦးရေက ယောကျာ်းလေးဦးရေထက်တောင် ပိုများပါသတဲ့။

ဆရာမပြောတာတွေကို နားထောင်ပြီး လူတွေရှင်းနေတဲ့ ကျောင်းဝင်းကြီးထဲ ကျွန်တော် ပတ်ကြည့်မိတယ်။

အတိတ်က အရိပ်တွေက ရင်ထဲပေါ်လာတယ်။ ပြီးတော့ ကျွန်တော် ကင်တင်း ဆင်းထိုင်တယ်။ ပြီးတော့ ကျွန်တော် အိမ်ပြန်လာခဲ့တယ်။

x x x

တကယ်တော့ ကြို့ကုန်းက ကျောင်းတော်ကြီးဟာ ကျွန်တော်တို့ရဲ့ ဘူမိနက်သန်ပဲ။

၁၉၉၉ ဒီဇင်ဘာမှာ ကိုယ့်ကျောင်းကိုခွဲပြီး လှိုင်သာယာမှာ ကျောင်းစတက်ရတော့ ရင်ထဲမှာ နင့်နေတာပဲ။ မီးလောင်သလို ပူနေတဲ့ နေရောင်တွေအောက်မှာ အမြင့်ဆုံးအပင်ဟာ ကျွန်တော့်အရပ်သာသာ လောက်ပဲရှိတယ်။ ကျွန်တော့်နေရာ ရန်ကုန်မြို့ထဲနဲ့ဆို ၂၈ ကီလိုမီတာဝေးတယ်။

အဲဒီ လှိုင်သာယာမှာ နောက်ဆုံးနှစ်စာမေးပွဲရဲ့ နောက်ဆုံးဘာသာကို ဖြေအပြီး နောင်ဘယ်တော့မှ ပြန်မရောက်တော့တဲ့အထိ လှိုင်သာယာကို ကျွန်တော်တို့ နာကြည်းခဲ့ကြတယ်။

ဒါပေမဲ့ ကျွန်တော် ဘယ်လိုနာကြည်း နာကြည်း ကြို့ကုန်းကျောင်းတော်ကြီးရဲ့ တံခါးတွေ ပိတ်မြဲပိတ်ထားပြီး တနှစ်ပြီးတနှစ် အထက်တန်းအောင်လာတဲ့ မျိုးဆက်သစ်ကျောင်းသားလေးတွေ မြို့နဲ့ဝေးလံခေါင်ဖျားက တက္ကသိုလ်မဟုတ်တဲ့ တက္ကသိုလ်တွေမှာပဲ ဆက်တက်ရရင်း အခုဆိုနှစ် ၂၀ တောင်ကြာခဲ့ရပြီပဲ။

အခု နောက်ဆုံးသားကောင်ရဲ့ အမည်လေးက 'ခင်ပွင့်ဖြူ'တဲ့။

ရန်ကုန်မြို့ထဲက ကောင်းပေ့ဆိုတဲ့ အကွက်အကွင်းကျတဲ့နေရာကြီးတွေ မြေကွက်လပ်ကျယ်ကြီးတွေမှာ ကွန်ဒိုအိမ်ရာစီမံကိန်းကြီးတွေ တခုပြီးတခု ပေါ်လာတယ်။

လူတွေ တကယ်နေထိုင်နိုင်ခြင်းမရှိတဲ့ ဟီးထနေတဲ့ ကွန်ကရစ်အဆောက်အဦကြီးတွေ တခုပြီးတခု ပေါ်လာတယ်။ အဲဒီ သွားရလာရ အဆင်ပြေတဲ့နေရာကြီးတွေမှာ ကျွန်တော်တို့ ဘာလို့တက္ကသိုလ်တွေ မဖွင့်နိုင်ရတာလဲ။ ကျွန်တော်တို့ ဘယ်လောက်မိုက်မဲလိုက်သလဲ။

ကြို့ကုန်းက ကျောင်းတော်ကြီးမှာလည်း အရင်က ကျောင်းသား ၅၀၀၀ နီးပါးကို တပြိုင်နက်စာသင် ပေးနိုင်ခဲ့တာပဲ။

မှော်ဘီနဲ့ လှိုင်သာယာကို တနေ့တနေ့ အဝေးကြီး ဆင်းရဲဒုက္ခကြီးစွာ သွားလာနေကြရတဲ့ ကိုယ့် သားသမီးအရွယ် လူငယ်လေးတွေကို ဘာလို့စာသင်မပေးနိုင်ရမှာလဲ။

အဲဒီလို ဝေးလံခေါင်းပါးတဲ့နေရာတွေမှာ ကျောင်းသွားတက်နေရတဲ့ လူငယ်လေးတွေအားလုံး ရန်ကုန်မြို့ထဲမှာပဲ နေကြတာပါပဲ။

ကျွန်တော်တို့ ဘာအဓိပ္ပာယ်တခုမှ မရှိပါဘဲ ဘာလို့ နိုင်ငံခြားကနေ နိုင်ငံခြားငွေနဲ့ ၀ယ်နေရတဲ့ ဓာတ်ဆီတွေကို ဖြုန်းတီးပစ်နေရတာလဲ။ အဲဒီထက် အဖိုးတန်တဲ့ ကျောင်းသားကျောင်းသူတွေရဲ့အချိန်တွေကို ဘာလို့ ဖြုန်းတီးပစ်နေရတာလဲ။ ဒါတွေဟာ အရင်းစစ်ကြည့်လိုက်တော့ အတိတ်ရဲ့ ဆိုးမွေပါပဲ။

ခု ဆုံးပါးသွားခဲ့ရတဲ့ ညီမလေး ခင်ပွင့်ဖြူနေတဲ့နေရာကို ကျွန်တော် ဖတ်ကြည့်လိုက်တော့ အင်းစိန်မှာတဲ့။ ညီမလေးက အင်းစိန်မှာနေတာတဲ့။ ညီမလေးနေတဲ့ အင်းစိန်နဲ့ ကျွန်တော်တို့ရဲ့ ကျောင်းတော်ကြီး တည်နေရာ ကြို့ကုန်းဟာ နီးနီးလေးပါပဲ။

ခုတော့ မိနစ်ပိုင်းသာသာ,သာ လာရမယ့် ကြို့ကုန်းက ကျောင်းတော်ကြီးအစား ညီမလေးခမျာ မှော်ဘီကို သွားခဲ့ရရှာတယ်။

ဒီခရီးဟာ ညီမလေးအသက်ကို ဆွဲနုတ်သွားခဲ့တာပဲ။ ဒီခရီးဟာ ညီမလေးအတွက် သေလမ်းဖြစ်သွားခဲ့တာပဲ။

တကယ်တော့ ရန်ကုန်မြို့ပြင်ဘက်ကို သွားရတဲ့ခရီးတွေမှာသာ ဒီလိုပြင်းထန်တဲ့ မတော်တဆမှုတွေဟာ ဖြစ်နိုင်တာပါပဲ။ ညီမလေးရဲ့အသက်ကို ကြည့်လိုက်တော့ ၂၁ နှစ်တဲ့။

ညီမလေးက ခုမှ ၂၁ နှစ်တဲ့ . . .။

ခုတော့ ကြို့ကုန်းက စက်မှုတက္ကသိုလ်ကြီးရဲ့ ကျောင်းတံခါးတွေ ပိတ်သွားတဲ့ ၁၉၉၆ မှာ လူ့လောကထဲ ရောက်ခဲ့တဲ့ ညီမလေးတယောက် သူဘာမှမသိလိုက်ရတဲ့ အတိတ်ရဲ့ဆိုးမွေတွေအတွက် ရန်ကုန် စက်မှုတက္ကသိုလ်ကြီးရဲ့ ကျောင်းတံခါးတွေ လူတိုင်းအတွက် ပြန်မဖွင့်ခင်မှာ လူ့လောကထဲက ထွက်သွား ခဲ့ရပြီပဲ။

ရေးနေရင်းနဲ့ ခင်ပွင့်ဖြူရဲ့ဓာတ်ပုံကလေးကိုကြည့်ရင်း ကျွန်တော် တွေးနေမိတယ်။

ခင်ပွင့်ဖြူက ကျွန်တော့်ကို ပြောနေတယ်။

“အဲဒီ မှော်ဘီက ကျောင်းတံခါးကြီးပိတ်သွားအောင် လုပ်ပေးပါလား အစ်ကိုရယ်”တဲ့။

အဲဒီကျရင် သူ ငြိမ်းချမ်းစွာ နားနေပါတော့မယ်တဲ့။

သူ တကယ်ပဲ နားပါတော့မယ်တဲ့။

ညိုထက်ညို
http://www.newswatch-mm.com/index.php?article_detail&id=73

Read More

၁၉၉၈ သို့မဟုတ် ခုနစ်ရက် ပညာရေး အလိုမရှိ (နေ့စဉ်မှတ်တမ်း)

၁၉၉၈ သို့မဟုတ် ခုနစ်ရက် ပညာရေး အလိုမရှိ (နေ့စဉ်မှတ်တမ်း)

Aug 27,1998 (ကြာသပတေးနေ့)။ ။ မနက်ဖြန်ကျရင် ကျွန်တော်တို့ တစ်နှစ် နဲ့ ရှစ်လကျော် လုံးလုံး ပိတ်ထားခဲ့တဲ့ ရန်ကုန်စက်မှုတက္ကသိုလ် ကို ပြန်ဖွင့်ပါတော့မယ်။ ကျွန်တော်တို့က တတိယအသုတ်ပါ။ ပထမ နဲ့ ဒုတိယနှစ် နဲ့ တတိယနှစ် တွေပေါ့။ ပထမအသုတ် (နောက်ဆုံးနှစ်) နဲ့ ဒုတိယအသုတ် (ပဉ္စမနှစ် နဲ့ စတုတ္ထနှစ်) တွေက လွန်ခဲ့တဲ့ နှစ်လလောက်ကတည်းက တစ်သုတ်ချင်း ခွဲဖွင့်ပြီး စာမေးပွဲ စစ်ပြီး သွားပါပြီ။ ခုနစ်ရက်စာသင်၊ ပြင်ဆင်ချိန် ဆယ်ရက်ပေးပြီး စာမေးပွဲစစ်ခဲ့ တာပေါ့။ ကျွန်တော့်ဆီကိုတော့ ကျောင်းပြန်ဖွင့် မယ့်အကြောင်း အသိပေးတဲ့စာက လွန်ခဲ့တဲ့ တစ်လလောက်က ရောက်လာပါတယ်။ ဒါနဲ့ပဲ နီးစပ်ရာ သူငယ်ချင်းတွေ စုပြီး ကျူရှင်တွေတော့ ပြန်တက်နေကြ ပါပြီ။ ဒီတစ်ခါ စာမေးပွဲ စစ်ပြီးရင် ကော ကျောင်းဘယ်လောက်ကြာကြာ ထပ်ပိတ်ဦးမလဲ။ နောက်တစ်ခါ ပြန်ဖွင့်ရင်ကော ကျွန်တော်တို့ မူရင်းကျောင်းတော်ကြီးမှာ တက်ခွင့်မှ ရပါတော့မလား။ ကျောင်းတွေ ပိတ်ထားတဲ့ ၁၉၉၇ ခုနှစ်ထဲက ကြားနေရတဲ့ ကျောင်းကို လှိုင်သာယာ ရွှေ့တော့မယ်ဆိုတာ တကယ်လား.... ကျွန်တော့်စိတ်ထဲမှာ ကျွန်တော် ဘယ်လိုမှ မဖြေနိုင်တဲ့ မေးခွန်းတွေနဲ့ ထွေးလုံးရစ်ပတ် နေမိပါတယ်။ တကယ်လို့ ကျောင်းကိုများ ရွှေ့တော့မယ်ဆိုရင် မနက်ဖြန်ကစပြီး လာမယ့်ခုနစ်ရက်ဟာ ကျွန်တော်တို့ ကိုယ့်မိခင် ကျောင်းတော်ကြီးမှာ နောက်ဆုံးတက် ရတဲ့ နေ့တွေ ဖြစ်လာတော့မှာပါ။ ရန်ကုန်တက္ကသိုလ် လှိုင်နယ်မြေ (RC2)၊ ဗိုလ်တထောင်နယ်မြေ(RC1) နဲ့ ကြည့်မြင်တိုင်နယ်မြေ(RC3) က ကျောင်းသူကျောင်းသား တွေဆို ဒီအခွင့်အရေးတောင် မရကြရှာ ပါဘူး။ အခြေခံပညာ အထက်တန်းကျောင်း တွေမှာပဲ သက်ဆိုင်ရာစာမေးပွဲ တွေ သွားဖြေခဲ့ရပါတယ်။ သူတို့ကိုကျတော့ အဝေးသင် နဲ့ သန်လျင် ဘက်ကို ရွှေ့မယ်ဆိုလားပဲ။ ရှေ့ဆက်ဘာတွေ ဖြစ်ဦးမလဲ ဆိုတဲ့ အတွေးနဲ့ပဲ ကျွန်တော် တစ်နေ့လုံး ယောက်ယက်ခတ် နေမိပါတယ်။ ဒီတစ်ခါတော့ နအဖ အစိုးရ ဟာ သတိကြီးကြီး ထားပြီး အစစအရာရာ ပြင်ဆင်ထားပုံ ရတယ် ဆိုတာကိုလည်း ကျွန်တော်သတိထား လိုက်မိတယ်။ ခုနစ်ရက်ကလေး ကျောင်းပြန်ဖွင့် တာတောင် ကျွန်တော်တို့ ခြောက်တန်းစလုံး တပြိုင် နက် မဖွင့်ရဲဘဲ သုံးသုတ် ခွဲဖွင့်တဲ့ အချက်က ဒါကို ပြနေပါတယ်။ ပထမအသုတ် နဲ့ ဒုတိယ အသုတ်ကတော့ ချောချောမောမောပဲ ဘာမှမဖြစ်ဘဲ စာမေးပွဲ စစ်ပြီးသွားပါပြီ။ ကျွန်တော်တို့ နောက်ဆုံး အသုတ်ကကော….။ လွန်ခဲ့တဲ့ နှစ်ရက် (Aug 25 လို့ ထင်ပါတယ်) လောက်ကတော့ ကျွန်တော်တို့ နီးစပ်ရာ ကျောင်းသားတွေစုပြီး လှည်းတန်းလမ်းဆုံမှာ ထိုင်သပိတ်သဘောမျိုး ဆင်နွှဲ ခဲ့ကြပါတယ်။ ချိန်းတဲ့ အချိန် လွဲသွားလို့ ကျွန်တော် ရောက်တဲ့အချိန်မှာတော့ ဘယ်သူနဲ့မှ မတွေ့လိုက်ရပါဘူး။ မနက်ဖြန် အတွက် စာအုပ်သုံးလေးအုပ် ကို လွယ်အိတ်ထဲထည့်ရင်း ကျွန်တော် တသီတတန်းကြီး တွေးနေမိတယ် ။ နောက်ဆုံးအသုတ်….နောက်ဆုံး အခွင့်အရေး…..ကျောင်းရောက်မှ မီးစင်ကြည့်က တော့မယ်ဆိုတဲ့ အတွေးနဲ့ ကျွန်တော် စောစော အိပ်ရာဝင်လိုက်ပါတယ်။ အိပ်မပျော်ပါဘူး။

Aug 28,1998 (သောကြာနေ့)။ ။ ကျွန်တော် ကျောင်းကိုရောက်တော့ မနက် ကိုးနာရီ ထိုးပါတော့မယ် ။ တစ်နှစ် နဲ့ ရှစ်လကျော်ကျော် လောက် ကွဲကွာနေပြီး ခုမှ ပြန်ဆုံကြတာမို့ ကျွန်တော်တို့ ကျောင်းသူ ကျောင်းသားချင်းတော့ နည်းနည်း စိမ်းနေကြပါတယ်။ နောက်တစ်ခုကလည်း အခုဖွင့်တဲ့ အသုတ်က ပထမနှစ်၊ ဒုတိယနှစ် နဲ့ တတိယနှစ် ဆိုတော့ အတန်းကြီးတွေလို အသိအကျွမ်း မများကြသေးပါဘူး။ ပထမနှစ် ကျောင်းသားတွေဆို စုစုပေါင်း ကျောင်းတက်ရက်မှ ၁၉၉၆ တုန်းက သုံးလလောက်ပဲ ရှိခဲ့တာပါ။ သူ့ နီးစပ်ရာ အစုကလေးတွေ အလိုက်ပဲ သွားလာနေကြတာကို ကျွန်တော်တွေ့နေရတယ်။ အချိန်ဇယား တောင် ကျွန်တော် မကြည့်နိုင်သေးဘဲ ကင်တင်းဘက်ကို အရင်ဆင်းသွားလိုက်တယ်။ ၉၆ တုန်းက သူငယ်ချင်းတွေကို တွေ့မလားဆိုတဲ့ အတွေးနဲ့ပါ။ ဘယ်သူနဲ့မှ မတွေ့တာနဲ့ အပေါ်ပြန်တက် လာပြီး စာသင်ခန်းဘက်ကို လာလိုက်ပါတယ်။ အတန်းထဲမှာတော့ လူတော်တော် စုံနေပါပြီ။ နယ်က အဆောင် နေကျောင်းသား တချို့နဲ့တွေ့မှပဲ ကျွန်တော်လည်း အခြေအနေကို တီးခေါက်ကြည့်ရပါတယ်။ စတွေ့တွေ့ ချင်းဆိုတော့ ဘယ်သူကမှ ဘာမှ မပြောနိုင်သေးပေမယ့် နေ့လယ်ထမင်းစားချိန် တွေ့ကြဖို့တော့ ချိန်း လိုက်ကြတယ်။ ကျွန်တော်လည်း တခြားအတန်းတွေကို စနည်းနာဖို့ စာသင်ချိန် မပြီးခင်ဘဲ အတန်းထဲက ပြန်ထွက်လာလိုက်တယ်။ ကင်တင်းဘက် ပြန်သွားရင် ကောင်းမလား… ရှေ့အောက်ချိုင့်ထဲက Mechanical ဆောင်တွေ ဘက်ကိုငေးရင်း ကျွန်တော် စဉ်းစားနေတုန်းမှာပဲ ကျွန်တော့်နာမည် ခေါ်သံကြားလို့ ကျွန်တော် လှည့်ကြည့်လိုက်တယ်။ ကျွန်တော်တို့ ဒုတိယနှစ် Architecture က သူငယ်ချင်း တစ်ယောက်ကို ကျွန်တော် တွေ့လိုက်ရတယ်။ ၁၉၉၆ ကတည်းက ကျွန်တော်တို့ သိကျွမ်းခဲ့တာပါ။ ကျွန်တော်တို့ နှစ်ယောက် ကင်တင်းဘက်ကို ပြန်ဆင်းလာပြီး Mini Hi မှာ ဝင်ထိုင်လိုက်ကြတယ်။ ကျွန်တော်တို့ စကားနည်းနည်းပါးပါး ပြောပြီးတာနဲ့ သူက ကျွန်တော့်ကို ကျွန်တော်တို့ တခုခုလုပ်ရင် ကောင်းမယ် ဆိုတဲ့အကြောင်း စကားစတယ်။ ဒါနဲ့ ကျွန်တော် လည်း သူ့မှာ ဘာအစီအစဉ် ရှိလဲ လို့ သူ့ကို မေးလိုက်တော့ သူက ခဏစဉ်းစားပြီး အခုလောလောဆယ် ရေတိုအနေနဲ့ အခုလုပ်နေတဲ့ ခုနစ်ရက်ပညာရေးကို ကန့်ကွက်ဖို့ သူ စိတ်ကူးရတဲ့ အကြောင်း ကျွန်တော့် ကို ပြောပါတယ်။ ကျွန်တော်တို့ ဆက်ပြောနေတုန်းပဲ ခုနက ကျွန်တော် နဲ့ ချိန်းထားတဲ့ နယ်ကျောင်းသား တွေ ကင်တင်းဆင်းလာတာ တွေ့လို့ ကျွန်တော် လှမ်းခေါ်လိုက်တယ်။ ဒါနဲ့ပဲ ကျွန်တော်တို့ တိုင်ပင်ပြီး ရှေ့ဆက်လုပ်ဖို့ အစီအစဉ် တွေကို အကြမ်းဖျင်း ချမှတ်လိုက်ကြတယ်။ ကျွန်တော်တို့မှာ စုစုပေါင်းမှ အချိန် ခုနစ်ရက်ပဲ ရတယ်။ ဒီခုနစ်ရက်မှာ လုပ်စရာရှိတာကို မြန်မြန် လုပ်ကြမှ ဖြစ်ပါလိမ့်မယ်။ ကျွန်တော်တို့ အစီအစဉ်ကတော့ လက်ရှိစာသင်နေတဲ့ တန်းခွဲတွေ ဆီကနေပြီး ခုနစ်ရက် ပညာရေးကို ကန့်ကွက်တယ်ဆိုတဲ့ အကြောင်းကို လက်မှတ်တွေလိုက်ပြီး ကောက်ခံရမယ်။ တန်းခွဲတစ်ခုကို လူနှစ်ယောက် တာဝန်ယူရမယ်။ ဒါနဲ့ပဲ ကျွန်တော်လည်း ကျွန်တော့်တန်းခွဲဖြစ်တဲ့ ဒုတိယနှစ် Section B အတွက် တာဝန်ယူလိုက်ပါတယ်။ လက်မှတ်စုထိုးကြမယ့် စာရဲ့ခေါင်းစဉ်ကိုတော့ ကျွန်တော်တို့ အမျိုးမျိုး စဉ်းစား ပြီး နောက်ဆုံး “ခုနစ်ရက် ပညာရေး ကို ကန့်ကွက်၍ စာသင်ချိန် တိုးမြှင့်ပေးရန် ပန်ကြားခြင်း“ ဆိုတာကို ပဲ အတည်ပြုလိုက်တယ်။ အစပိုင်းတုန်းက ပိုပြီး ပြင်းထန်တဲ့ စကားလုံးတွေ သုံးဖို့ စိတ်ကူးမိပေမယ့် ကျွန်တော်တို့ ကျောင်းသားထုကြား ညီညွတ်ရေးကို ဘာမှ မတည်ဆောက်ရသေးတာမို့ စကားလုံးတွေ ကို ဖျော့ပေးလိုက်တာပါ။ တချို့ကျောင်းသားကျောင်းသူတွေ လက်မှတ်ထိုးဖို့ လက်တွန့်သွားမှာ စိုးတာလဲ ပါတာပေါ့။ အားလုံးတိုင်ပင်ပြီးတဲ့ အချိန်မှာတော့ ကျွန်တော်က သူငယ်ချင်းကို စည်းရုံးရေး ကိစ္စ အတွက်မေးရတယ်။ တကယ်က ကျွန်တော်က ဒီဘာသာရပ်မှာ ကျွမ်းကျင်သူ မဟုတ်လှပါဘူး။ သူ နဲ့ ကျွန်တော်နဲ့ အသေးစိတ် ထပ်ဆွေးနွေးပြီး လောလောဆယ်အနေနဲ့တော့ အလျားလိုက်စည်းရုံးရေး ကိုပဲ ဦးစားပေးလုပ်ဖို့ သဘောတူဆုံးဖြတ်လိုက်တယ်။ ကျယ်ပြန့်ရေးပေါ့ ။ ဒေါင်လိုက်(မြှင့်တင်ရေး) စည်းရုံးရေး ကိုတော့ နောက်မှပဲ လုပ်ရပါတော့မယ်။ ဟုတ်ပါတယ်။ ကျွန်တော်တို့ အချိန်မရပါဘူး။ ကျွန်တော်တို့ အားလုံး လူစုခွဲတော့ ညနေ သုံးနာရီ ထိုးပါတော့မယ်။ တန်းခွဲတွေက လေးနာရီမှာမှ ပြီးမှာ ဖြစ်ပေမယ့် ကျွန်တော် အိမ်ပြန်ပြီး လိုတာလေးတွေ ပြင်ဖို့ အတွေးနဲ့ ပစ္စည်းမဲ့ ဂိတ်ကလေးဆီ ဦးတည် လိုက်တယ်။ အတန်းမတက်ဖြစ်လိုက်လို့ လွတ်သွားတဲ့ စာတွေကိုတော့ သူငယ်ချင်းတွေဆီကပဲ ဖိုတို ပြန်ဆွဲ လိုက်တော့မယ်။ ဒီလိုတွေးရင်း ကျောင်းဝင်းကအထွက်မှာပဲ ဒီနေ့ဟာ သြဂုတ်လ ၂၈ ရက်နေ့ ဆိုတာ ကျွန်တော် ဖျတ်ခနဲ သတိရလိုက်တယ်။ ကျွန်တော်တို့ ဗမာနိုင်ငံလုံးဆိုင်ရာ ကျောင်းသားသမဂ္ဂ ပြန်လည်ဖွဲ့စည်းတာ ဆယ်နှစ်မြောက်တဲ့နေ့ပါ။ ကျွန်တော့်ရင်တွေ ခုန်နေတယ်….၁၉၉၆ က သွေးတွေနဲ့…..။

Aug 29,1998 (စနေနေ့) ။ ။ ဒီနေ့မနက်တော့ ရှစ်နာရီ လောက်ကတည်းက ကျွန်တော်ကျောင်း ရောက်ပါတယ်။ ကင်တင်းမှာပဲ ကျွန်တော်တို့ လက်မှတ်လိုက်ကောက်ခံမယ့် ကိုယ်စားလှယ်တွေ တွေ့ လိုက်ကြတယ်။ မနက်ကိုးနာရီ စာသင်ခန်းဖွင့်တာနဲ့ ကျွန်တော်တို့ အားလုံး လက်မှတ်ကောက်ခံမယ့် စာရွက်ကိုယ်စီ နဲ့ ကိုယ့်တန်းခွဲကိုယ် သွားလိုက်ကြတယ်။ ပထမ စစချင်း စာရွက်ပေါ်က ကျွန်တော့် ခုံနံ ပါတ်မှာ ကျွန်တော့် အမည် နဲ့ လက်မှတ် ကို ရေးထိုးလိုက်ပါတယ်။ နောက်တော့ ရှေ့မှာ ဆရာစာသင် နေတုန်းပဲ (စာမေးပွဲမှာ ပါမယ့်အပုဒ်တွေကို ရွေးသင်နေတာပါ) ကျွန်တော် နဲ့ နီးစပ်တဲ့ သူငယ်ချင်းတွေ ဆီ တစ်ခုံပြီးတစ်ခုံ ကူးသွားပြီး လက်မှတ်လိုက်စုရတယ်။ တချို့လည်း ချက်ချင်းမထိုးရဲ ကြသေးပါဘူး။ အခြေအနေ စောင့်ကြည့်နေကြ ပါတယ်။ ဒါကြောင့် ကျွန်တော်က လူရင်းတွေဆီ အရင် ချဉ်းကပ်ရတာပါ ။ နေ့လယ် ထမင်းစားချိန်မှာတော့ အတန်းထဲက လူတဝက်ကျော်လောက်ရဲ့လက်မှတ်တွေ ရခဲ့ပါပြီ။ ဒါနဲ့ ကျွန်တော်တို့ အဖွဲ့ ကင်တင်းမှာ ပြန်ဆုံပြီး သူ့အခြေအနေ ကိုယ့်အခြေအနေ ဆန်းစစ်ရပါတယ်။ နေ့လယ် ကျောင်းပြန်တက်ချိန် မှာတော့ ကျန်နေသေးတဲ့ လက်မှတ်တွေကို ထပ်ပြီး လိုက်စုရပါတယ်။ တချို့ကို လည်း အကျိုးအကြောင်း နားဝင်အောင် ရှင်းပြရတယ်။ တခြားသူတွေရဲ့ လက်မှတ်တွေကို ပြရင်း ကျောင်းသားအားလုံးရဲ့ အရေးမို့ ပါဝင် လက်မှတ်ရေးထိုးပေးဖို့ စည်းရုံးရပါတယ်။ ကျွန်တော်တို့မှာ အချိန် အကန့်အသတ် က အလွန်ကြီးမားနေလို့ တစ်ရက်တည်းနဲ့ ပြီးအောင် ကြိုးစားရတာပါ။ ညနေ ကျောင်းဆင်းချိန်မှာတော့ ကျွန်တော့် တန်းခွဲက အားလုံးနီးပါး ရဲ့လက်မှတ်တွေကို ကျွန်တော် ရရှိ ခဲ့ပါပြီ ။ မနက်ဖြန်ကျရင် လက်မှတ်ရေးထိုးထားတဲ့ လျှောက်လွှာတွေကို ပါမောက္ခချုပ် ဦးညီလှငယ် နဲ့ အသစ်ထပ်မံ ဖွင့်လှစ်လိုက်တဲ့ ကျွန်တော်တို့ တစ်ကျောင်းတည်းနဲ့ သက်ဆိုင်တဲ့ သိပ္ပံ နှင့် နည်းပညာ ဝန်ကြီးဌာန ဝန်ကြီး ဦးသောင်း ဆီကို တင်ပြဖို့ သဘောတူလိုက်ကြတယ်။ ကျွန်တော်တို့ အတွက် မိတ္တူတွေကိုတော့ ရဲဘော်တစ်ယောက်က တာဝန်ယူ မိတ္တူ ဆွဲပေးပါတယ်။ ဒါနဲ့ပဲ ကျွန်တော်တို့လည်း လူစုခွဲ လိုက်ကြတယ်။ ညနေငါးနာရီ လောက်ပါ။

Aug 30,1998 (တနင်္ဂနွေနေ့) ။ ။ ဒီကနေ့ မနက် ကျောင်းရုံးခန်း ဖွင့်ဖွင့်ချင်းပဲ ကျွန်တော့် သူငယ်ချင်း က လက်မှတ်ရေးထိုးထားတဲ့ လျှောက်လွှာတွေကို ပါမောက္ခချုပ်ဆီ ကိုယ်တိုင်သွားပေးလိုက်ပါတယ်။ ပြောရမယ်ဆိုရင် မနေ့ကအထိ ကျွန်တော်တို့ လှုပ်ရှားမှု က ဘာမှ တရားဝင် မဖြစ်သေးပါဘူး။ ဒီမနက် မှာတော့ လှုပ်ရှားမှုက စပြီး အသက်ဝင်လာခဲ့ပါပြီ။ ကျွန်တော်တို့ ကင်တင်းမှာ ခဏထိုင်ပြီး ရှေ့ဆက် လုပ်မယ့် အစီအစဉ် တွေကို တိုင်ပင်ရတယ်။ ဒီနေ့ နေ့တွင်းချင်းပဲ ပါမောက္ခချုပ်ဆီက တုံ့ပြန်မှု တစ်ခုခု ကပြန်လာတော့မယ်။ ပြန်လာမယ့် အချိန်မှာလည်း ကျွန်တော်တို့ ဘက်က တန်ပြန်ဖို့ အဆင်သင့် ရှိမှ ဖြစ်ပါလိမ့်မယ်။ နေ့လယ် ဆယ့်နှစ်နာရီ လောက်မှာတော့ ပါမောက္ခချုပ်ဆီက အကျိုးအကြောင်း မေး ကြည့်ဖို့ Building one မှာ လူစစုကြပါတယ်။ တစ်နာရီလောက်မှာတော့ ဦးညီလှငယ် ရုံးခန်းထဲက ထွက် လာပြီး စာမေးပွဲအတွက် ပြင်ဆင်ချိန် နည်းလွန်းတဲ့အတွက် တိုးမြှင့်ပေးဖို့ ကျွန်တော်တို့ရဲ့ တောင်းဆို ချက်ကို မဖြစ်နိုင်တဲ့အကြောင်း ရှင်းလင်းပြောပြ ပါတော့တယ်။ ကျွန်တော်တို့ ဘက်ကလည်း ခုနစ်ရက် သင်ကြားရုံ နဲ့ စာမေးပွဲ ဖြေဆိုဖို့ ဘယ်လိုမှ မလုံလောက်တဲ့ အကြောင်း၊ အထူးသဖြင့် နယ်က ကျောင်း သားများအဖို့ ပိုပြီး ထိခိုက်ကြောင်း၊ ရန်ကုန်က ကျောင်းသားတွေက ကျူရှင်ယူဖို့ ဖြစ်နိုင်သေးကြောင်း ပြန်ပြီး တင်ပြပါတယ်။ ဒါပေမဲ့ မရပါဘူး။ ဒီလို ပါမောက္ခချုပ် နဲ့ ကျွန်တော်တို့ အချီအချ ပြောနေကြတုန်း ပဲ ကျွန်တော်တို့ ကျောင်းပြောင်းရမယ့် ကိစ္စ ရောက်လာပါတယ်။ ဒါကိုတော့ ပါမောက္ခချုပ်က သူ့အနေနဲ့ ဘာမှ တရားဝင် မသိရှိရသေးဘူးလို့ပဲ မယုတ်မလွန် ပြောသွားပါတယ်။ ဒါနဲ့ ကျွန်တော်တို့လည်း ဒီနေ့ ညနေ၊ ဒါမှမဟုတ် မနက်ဖြန်ကျရင် ဝန်ကြီး ဦးသောင်း နဲ့ တွေ့ဆုံလိုတဲ့ အကြောင်း တင်ပြလိုက်ပါတယ်။ ညနေပိုင်းမှာတော့ မနက်ဖြန်ကျရင် ဝန်ကြီး လာလိမ့်မယ် ဆိုတဲ့ သတင်းစကား ကို ကျွန်တော်တို့ ရရှိ ခဲ့ပါတယ်။ လှုပ်ရှားမှုက နောက်တစ်ဆင့် တက်ခဲ့ရပါပြီ။

Aug 31,1998 (တနင်္လာနေ့) ။ ။ ဒီနေ့ နေ့လယ် ဝန်ကြီး ဦးသောင်း ရောက်လာခဲ့ပါတယ်။ ပါမောက္ခ ချုပ်ရုံးခန်း ကနေ ပါမောက္ခချုပ်နဲ့ နှစ်ယောက်တွဲ ထွက်လာပြီး တင်ပြစရာ ရှိတာ တင်ပြကြဖို့ ကျွန်တော် တို့ကို ပြောပါတယ်။ ဒါနဲ့ပဲ သြဘာလမ်းထိပ်မှာ စုထိုင်နေကြတဲ့ ကျွန်တော့် သူငယ်ချင်း အပါအဝင် နယ်ကျောင်းသား အများစု ဖြစ်တဲ့ တခြား ကိုယ်စားလှယ်တွေ တစ်ယောက်ပြီးတစ်ယောက် ထပြီး ကျွန်တော်တို့ရဲ့ လိုလားချက်တွေကို တင်ပြရပါတယ်။ အဓိက ကတော့ စာသင်ချိန်ကို တိုးမြှင့် ပေးဖို့ပါ။ ဒီတောင်းဆိုချက်ရဲ့ နောက်ကွယ်မှာတော့ ကျွန်တော်တို့ လိုလားချက်တွေ အများကြီး ရှိတာပေါ့ဗျာ။ ပင်မ အရေးအကြီးဆုံး အချက်အနေနဲ့က ကျွန်တော်တို့ဟာ ကျွန်တော်တို့ရဲ့ ကျောင်းတော်ကြီး ပြောင်းရွှေ့ခံရတော့မယ့် အရေးကို ကာကွယ်တားဆီးဖို့ လုပ်နေရတာပါ။ ကျောင်းအရွှေ့မခံ ရတော့မှဘဲ ကျန်တဲ့ အရာအားလုံးကို ကျွန်တော်တို့ ဆက်လုပ်နိုင်တော့မှာပါ။ ကျွန်တော်တို့ မနှစ်က အစုလိုက် အပြုံလိုက် အဖမ်းခံရပြီး ထောင်ဒဏ်ကျခံနေရပြီ ဖြစ်တဲ့ ၉၆ ကျောင်းသားလှုပ်ရှားမှု က ရဲဘော်တွေ ပြန်လည်လွတ်မြောက်ရေး တောင်းဆိုဖို့ကော၊ ကျွန်တော်တို့ ကျောင်းသားလှုပ်ရှားမှု တွေ ကွင်းဆက်မပြတ်၊ မျိုးဆက်မပြတ်ဖို့ကော ဒါတွေအားလုံးဟာ ကျောင်းအရွှေ့မခံရရေး အပေါ်မှာပဲ တည်နေမှီနေပါပြီ။ ဒါကြောင့်မို့ပဲ ပထမဆုံး ခြေလှမ်းအနေနဲ့ စာသင်ချိန်ကို အရင်ကလိုပဲ ပုံမှန် စာသင် နှစ်တစ်နှစ် အထိ တိုးမြှင့်ပေးဖို့ တောင်းဆိုနေတာပါ။ အခြေအနေ တစ်ခုလုံးကို ခြုံပြီး ပြောမယ်ဆိုရင် တော့ လမ်းအားလုံးဟာ ရောမမြို့ကြီးကို ဦးတည်နေတယ် ဆိုသလိုပဲ စစ်အာဏာရှင်စနစ် ကို ကျွန်တော်တို့ တိုက်နေတာပါ။ ဒါပေမဲ့လည်း ကျောက်ခဲကို ရေညှစ် နေသလိုပါပဲ။ ဦးသောင်းဆီက ဘာတစ်ခုမှ ရေရေရာရာ စကားထွက်မလာပါဘူး။ နောက်ဆုံးတော့ အထက်က ညွှန်ကြားချက်အရ စာသင်ချိန်ကို တိုးမြှင့် မပေးနိုင်ဘူးလို့ပဲ ယတိပြတ် ပြောချလိုက်ပါတော့တယ်။ စစ်အုပ်စု ရဲ့ သက်တမ်း တလျှောက်လုံး ကျင့်သုံးလာခဲ့တဲ့ တစ်လက်မမှ နောက်မဆုတ်ရေး မူ ကို လက်တွေ့ကျင့်သုံးတာကို ကျွန်တော်တို့ ကြုံရပြန်ပါပြီ။ အရယ်အပြုံး မရှိ၊ ခံစားချက် တစွန်းတစ မထင်တဲ့ ဦးသောင်း ရဲ့ မျက်နှာသေ ကို ကျွန်တော် ငေးကြည့်နေမိပါတယ်။ အဖြေကို ကြိုသိနေပြီး ဖြစ်လို့လည်း ထူးပြီးတော့ မအံ့သြ တော့ပါဘူး။ တစ်ခုပဲ ရှိပါတော့တယ်။ ကိုယ့်အလုပ်ကိုယ် လုပ်ကြဖို့ပါ။

Sept 1,1998 (အင်္ဂါနေ့) ။ ။ မနက်ကိုးနာရီ ဝန်းကျင်လောက်မှာပဲ ကျွန်တော် ကျောင်းကို ရောက်ပါ တယ်။ အတန်းဘက် ခဏသွားကြည့်ပြီး ကင်တင်းဆီ ကျွန်တော် ပြန်ဆင်းလာခဲ့တယ်။ ဆယ်နာရီ လောက်ကျတော့ ကျွန်တော်တို့ အဖွဲ့ လူစုံပြီး ရှေ့ဆက်မတိုးနိုင်ဘဲ ဖြစ်နေတဲ့ ကျွန်တော်တို့ရဲ့ လှုပ်ရှားမှု ကို အဆင့်တစ်ခု ထပ်မြှင့်ဖို့ ဆွေးနွေးရတယ်။ နောက်ဆုံး ကျွန်တော် တို့အားလုံး ကိုယ့်တန်းခွဲကိုယ် သွားပြီး ကျောင်းသားထုကြား ဖြစ်နေတဲ့ သဘောထားတွေကို လက်လှမ်းမီသလောက် တီးကြည့်ခေါက် ကြည့်ဖို့ သဘောရကြပါတယ်။ နေ့လယ်နှစ်နာရီ လောက် ပြန်တွေ့ဖို့လည်း ချိန်းလိုက်ကြတယ်။ ဒါနဲ့ ကျွန်တော်လည်း ကျွန်တော့်တန်းခွဲ ပြန်သွားပြီး အခြေအနေ ကို လေ့လာကြည့်တော့ ထက်သန်တက်ကြွ မှုတော့ နည်းနည်း လျော့ရဲ နေတာကို သတိထားမိပါတယ်။ ပြောမယ့်သာပြောရတယ်၊ ၁၉၉၆ တုန်းက အခြေအနေ ဝန်းကျင်နဲ့ တော်တော် ကွာခြားသွားပါပြီ။ ဒါကလည်း သဘာဝကျပါတယ်။ ဟိုတုန်းကတော့ အတန်းကလည်း ခြောက်တန်းစလုံး၊ လူကလည်း ငါးထောင်နီးပါး၊ နှစ်ပြည့် ကျောင်းတက်နေရတဲ့ အချိန် ၊ တခြား တက္ကသိုလ် တွေနဲ့ ကျောင်းသူကျောင်းသား တွေကလည်း ကိုယ့်အနီးအနားမှာ၊ အားလုံးက တင်းပြည့်ကျပ်ပြည့်ပါ။ အခုကတော့ အတန်းကလည်း သုံးတန်းထဲ၊ လူကလည်း တစ်ထောင်ကျော် ထောင့်ငါးရာ တခြား ကိုယ်နဲ့ တူတူ တိုက်ပွဲဝင်ဖို့ တက္ကသိုလ်တွေကလည်း ပိတ်ထားပြန်တော့ အခြေအနေက ကွာခြား ချင်တိုင်း ကွာခြား သွားပါပြီ။ နေ့လယ် နှစ်ချက်ထိုး လောက်မှာတော့ ကျွန်တော့် သူငယ်ချင်း နဲ့ “မေတ္တာ ပေါင်းကူး“ မှာ ပြန်တွေ့ ကြပါတယ်။ သူ ကျွန်တော့်ကို ကင်တင်းမှာ စကားပြောချင်ပုံ မရဘူး။ ကျွန်တော် လည်း သူ့လိုပါပဲ။ ဒါနဲ့ ကျွန်တော်တို့ နှစ်ယောက် ကင်တင်း ဘေးလမ်းက ဖဲ့ထွက်ပြီး ဘောလုံးကွင်း ဘက်ဆီ လျှောက်လာလိုက်ပါတယ်။ ရာသီဥတု က မှိုင်းညို့နေတယ်။ ဟိုးအဝေးက တလိပ်လိပ်တက် နေတဲ့ မီးခိုးတန်း ဖြူဖြူကလေးကို ကျွန်တော် မြင်နေရတယ်။ ကျွန်တော့် ရင်ထဲမှာလည်း အမျိုးအမည် မသိတဲ့ ခံစားချက်တွေနဲ့ လေးလံတင်းကြပ် နေတယ်။ ဘောလုံးကွင်းနားရောက်တော့ ကျွန်တော်တို့ နှစ်ယောက် လမ်းဘေးမှာပဲ ရပ်လိုက်ကြတယ်။ ခဏ ငြိမ်နေမိကြပြီး သူငယ်ချင်းဆီက စကားသံ တိုးတိုးညင်းညင်း ထွက်လာတယ်။ ကျွန်တော်တို့ ဆီမှာ ရှိတဲ့ အခြေအနေ အတိုင်းအတာ တွေနဲ့ပဲ ကျွန်တော်တို့ လှုပ်ရှားမှု ကို ရှေ့ဆက်မယ် ဆိုတဲ့ အကြောင်းပါ။ ဟုတ်ပါတယ်။ မနက်ဖြန်မှာ ခုနစ်ရက် ပညာရေး ကို ကန့်ကွက်ဖို့ ကျွန်တော့် သူငယ်ချင်း နဲ့ တခြား ရဲဘော်တွေ တိုင်ပင်ပြီးကြပါပြီ။ ဒါနဲ့ ကျွန်တော်လည်း ကျွန်တော်တို့ အလံကို ဘယ်အဆင့်အထိ လွှင့်မလဲ ဆိုတာ သူ့ကိုမေးတော့ သူက “ခုနစ်ရက် ပညာရေး အလိုမရှိ“ ဆိုတဲ့ ကန့်ကွက်ချက် ကိုပဲ ပင်မ အဖြစ်ထားမယ် ဆိုတာ ကျွန်တော့် ကိုပြောတယ်။ တခြား တောင်းဆိုချင်တာတွေကတော့ အရံပေါ့။ ဒါလောက်ဆို ကျွန်တော် နားလည် လိုက်ပါပြီ။ နောက် သူက ကျွန်တော့်ကို အတန်းပြန်ပြီး တတ်နိုင်သမျှ စည်းရုံးထားဖို့လည်း ပြောပါတယ်။ ဒါနဲ့ပဲ မနက်ဖြန် ကိုးနာရီ မှာ ဆုံဖို့ ကျွန်တော်တို့ ချိန်းလိုက်ပြီး အခု လမ်းခွဲဖို့ ဆုံးဖြတ်လိုက်ပါတယ်။ ကျွန်တော်တို့ နှစ်ယောက် လက်ဆွဲနှုတ်ဆက်တော့ ခါတိုင်းထက်ပိုပြီး သူ ကျွန်တော့်လက်ကို ဖျစ်ညှစ် နှုတ်ဆက်တာ ကျွန်တော် သတိထားမိလိုက်တယ်။ ဒီမှာပဲ ကျွန်တော် သူ့မျက်နှာကို တချက် စိုက်ကြည့် မိတယ်။ ပိုင်းဖြတ်ထားတဲ့ သူ့အသွင်ကို ကျွန်တော် မြင်နေရတယ်။ သူပြောချင်တဲ့ စကားအားလုံး ကို ကျွန်တော် ကြားလိုက်ရတယ်။ တိုက်ပွဲ…တိုက်ပွဲ….ဟုတ်တယ်…တိုက်ပွဲ နဲ့ပဲ ကျွန်တော်တို့ အဆုံးသတ် ရတော့မယ်။

Sept 2,1998 (ဗုဒ္ဓဟူးနေ့) ။ ။ ဒီနေ့မနက် အစောကြီး ကျွန်တော် နိုးနေပါတယ်။ အမေ့ကိုတော့ ကျောင်းစောစော သွားမယ့် အကြောင်းပြောပြီး ပြင်ရဆင်ရတယ်။ အားလုံး ပြင်ဆင်ပြီးချိန် မှာတော့ ကျွန်တော့် Drawing board ပေါ်က အောက်ခံ ကတ်ထူပြားကို ကျွန်တော် ဖြုတ်လိုက်တယ်။နောက်ပြီး ၁၉၉၆ တုန်းက ကျွန်တော် ကိုင်ခဲ့တဲ့ ခွပ်ဒေါင်းအလံ ပိုစတာ ကို ကတ်ထူပြားထဲ လိပ်ထည့်လိုက်တယ်။ အတူတူ ကျောင်းသွားနေကျ သူငယ်ချင်းတွေဆီ ဖုန်းခေါ်တော့ တစ်ယောက်မှ ဒီနေ့ ကျောင်းမတက်ဖြစ် ကြပါဘူး။ အိမ်မှာပဲ စာကျက်တော့မယ် လို့ ပြောကြပါတယ်။ ကျွန်တော် နာရီ ကို ကြည့်လိုက်တော့ ခုနစ် နာရီ ကျော်နေပါပြီ။ ကျွန်တော် လူစုဖို့ ဆက်မကြိုးစား တော့ဘူးလို့ပဲ ဆုံးဖြတ်လိုက်ရပါတယ်။ တော်ကြာ နောက်ကျနေပါတော့မယ်။ ကျောင်းကိုရောက်တော့ ရှစ်နာရီခွဲ နေပါပြီ။ ကင်တင်းကို ခဏဆင်းသွားလိုက် ပြီး ကိုးနာရီ ထိုးခါနီးမှာ ကျွန်တော် အတန်းထဲ ဝင်ထိုင်နေလိုက်ပါတယ်။ ကိုးနာရီ အတိမှာတော့ ကျွန်တော့် သူငယ်ချင်း ဦးဆောင်တဲ့ ဆန္ဒပြမယ့် ကျောင်းသားတွေ ပိုစတာကိုယ်စီနဲ့ ကျွန်တော်တို့ အခန်းဝရှေ့ ရောက်လာပါတော့တယ်။ “ခုနစ်ရက် ပညာရေး အလိုမရှိ“ ဆိုတဲ့ ကြွေးကြော်သံ ဆိုင်းဘုတ်တွေ နဲ့ပါ။ ကျွန်တော့် သူငယ်ချင်းက အခန်းထဲ ဝင်လာပြီး ဆရာမကို “ကျွန်တော်တို့ ခုနစ်ရက်ပညာရေး ကို ကန့်ကွက်လိုက်ပါပြီ“ လို့ ရိုရိုသေသေပဲ ခွင့်တောင်းရင်း အတန်းထဲ ထိုင်နေတဲ့ ကျောင်းသားတွေကို လှမ်းကြည့်လိုက်ပါတယ်။ ကျွန်တော်လည်း အိတ်ထဲက အသင့်ပါလာတဲ့ ပိုစတာကို ထုတ်ကိုင်ပြီး အခန်း ဝက သူတို့နဲ့ သွားပူးပေါင်း လိုက်တယ်။ ကျွန်တော့်နောက်က ကျောင်းသား နှစ်ဆယ်လောက် ပါလာ ပါတယ်။ ဒါနဲ့ ကျွန်တော်တို့လည်း စာသင်ခန်း ရှစ်ခန်းကို လှည့်လည်စည်းရုံး ပြီး တိုင်ကြီး ၁၈ တိုင် အောက်ရောက်လာပါတယ်။ အဲဒီအချိန်မှာပဲ “လုံထိန်းတွေ ရောက်လာပြီ လုံထိန်းတွေ ရောက်လာပြီ“ ဆိုတဲ့ အသံကို ကျွန်တော် ကြားလိုက်ရတယ်။ ကျွန်တော့် ခန့်မှန်းခြေ ကျွန်တော်တို့ ဆန္ဒပြတဲ့ အချိန်နဲ့ ငါးမိနစ်တောင် မကွာပါဘူး။ ထောက်လှမ်းရေးတွေ သတင်းပို့လိုက်ပြီ လို့ ကျွန်တော်တို့ တွက်ဆလိုက်ပါ တယ်။ သမိုင်းလမ်းဆုံက အဝါရောင် အဆောက်အဦး ကြီးထဲမှာ လုံထိန်းတပ်ရင်း တပ်စွဲထားတာကိုး။ ဒီအချိန်မှာပဲ ပစ္စည်းမဲ့ ဂိတ်ကလေးဆီကနေ “အပြင်ကနေ ကင်မရာတွေနဲ့ ဗီဒီယို ရိုက်နေတယ်ဟေ့“ ဆိုတဲ့ အသံ ထပ်ထွက်လာပြန်တယ်။ ကျွန်တော်တို့ နည်းနည်းတော့ ရုတ်ရုတ်သဲသဲ ဖြစ်သွားပါတယ်။ လုံထိန်းတွေ ရုတ်တရက် ကျောင်းဝင်းထဲ ဝင်လာရင် ဘယ်လိုလုပ်မလဲ ဆိုတဲ့ အတွေးနဲ့ပါ။ နောက်တော့ Building One ရှေ့မှာ ရပ်ထားတဲ့ တီအီးကားတစ်စီး ကို ကျောင်းသားတစု တွန်းလာပါတယ်။ ကျွန်တော်တို့ကို အပြင်က မြင်ကွင်း ကွယ်သွားအောင် ဆိုတဲ့ သဘောနဲ့ပါ။ ကျွန်တော် ကိုင်ထားတဲ့ ပိုစတာကို ရဲဘော်တစ်ယောက်ကို ပေးပြီး ပစ္စည်းမဲ့ဂိတ်ကလေးဘက် ကျွန်တော် သွားကြည့်လိုက်တော့ လမ်းပေါ်မှာ အတန်းလိုက် နေရာယူထားတဲ့ လုံထိန်းတွေကို တွေ့ရတယ်။ ဒီအချိန်မှာပဲ လူပေါဂိတ်ဘက် သွားကြည့်တဲ့ ကျောင်းသားတွေ ပြန်ရောက်လာပြီး လူပေါဂိတ်ရှေ့ အင်းစိန်လမ်းမ ပေါ်မှာလည်း လုံထိန်းတွေ ရောက်နေပြီ ဆိုတာ ပြောပါတယ်။ ဒါနဲ့ ကျွန်တော်တို့လည်း အားလုံးရဲ့သဘောတူ ဆုံးဖြတ်ချက်အရ ကျောင်းဝင်းထဲမှာပဲ ဆန္ဒပြဖို့ ဆုံးဖြတ်လိုက်ကြတယ်။ ကျွန်တော့် သူငယ်ချင်းဆီက “ ခုနစ်ရက် ပညာရေးကို ကျောင်းသားထုတရပ်လုံးရဲ့ ကိုယ်စား ငါတို့ အခုစတင် ကန့်ကွက် မယ်၊ စည်းကမ်းရှိရှိ ငြိမ်းငြိမ်းချမ်းချမ်း ငါတို့ ဆန္ဒကို ထုတ်ဖော်ကြရမယ်“ ဆိုတဲ့ စကားအဆုံးမှာတော့ “သပိတ် သပိတ် မှောက်မှောက်“ ဆိုတဲ့ အသံက မြည်ဟိန်းသွားပါတော့တယ်။ တပြိုင်နက်တည်းမှာပဲ ကျွန်တော်တို့နဲ့ ထပ်လာပူးပေါင်းတဲ့ ကျောင်းသားကျောင်းသူ အချို့ရောက်လာပါတယ်။ ခန့်မှန်းခြေ စုစုပေါင်း ၁၀၀ နဲ့ ၁၅၀ ကြားလောက်ပေါ့။ ဒါနဲ့ ကျွန်တော်တို့လည်း ကျောင်းဝင်းတလျှောက် ကင်တင်း အပါအဝင် လှည့်လည် ဆန္ဒပြကြ ပါတော့တယ်။ အချိန်က မနက် ဆယ်နာရီခွဲ လောက်ရှိပါပြီ။ ဒီအချိန် မှာဆန္ဒပြတဲ့ သတင်းကို မြို့ထဲက ကြားလို့ လာကြတဲ့ ကျောင်းသားတွေကတော့ သမိုင်းလမ်းဆုံ အကျော်မှာပဲ ပိတ်ဆို့ခံလိုက် ရကြောင်း ကျွန်တော် နောက်ပိုင်းကျမှ ပြန်သိရပါတယ်။ နေ့လယ်ပိုင်းရောက်တော့ ကျွန်တော် အိမ်ကို ဖုန်းဆက်ဖို့ ဆက်သွယ်ရေးရုံးကလေးဘက် ထွက်လာလိုက်တယ်။ ရုံးက ကင်တင်း ထောင့်စွန်းမှာပါ။ ကျွန်တော်ရောက်တော့ ဖုန်းဆက်ဖို့ တန်းစီနေတဲ့ ကျောင်းသူကျောင်းသား တွေကို တွေ့ရတယ်။ ဝင်တန်းစီပြီးကာမှ ကျွန်တော်တစ်ခု သတိရလာတယ်။ ခုလောက်ဆို မြို့ထဲမှာ သတင်း တွေ ပျံ့နေတော့မယ်။ ကျွန်တော် ဆက်ရင် အမေက ကျွန်တော့်ကို ပြန်လာခိုင်းတော့မယ်။ ကျွန်တော် သူရဲကောင်းတစ်ယောက် မဟုတ်ပေမယ့် ဒီအချိန်မှာ မပြန်နိုင်ပါဘူး။ ကျွန်တော် ဆုံးဖြတ်လိုက်ပြီး လူတန်းထဲက ပြန်ထွက်လိုက်တော့တယ်။

ကင်တင်းက ကျွန်တော် ပြန်တက်လာပြီး Building One အောက် ကျွန်တော် ပြန်ရောက်တော့ သူငယ် ချင်းတွေ တိုင်ကြီး ၁၈ တိုင်အောက် ကိုယ့်အစုနဲ့ကိုယ် ထိုင်နေကြတာ တွေ့ရတယ်။ ပြန်ချင်တဲ့သူ တွေကို ပြန်ခွင့်ပေးလိုက်ပြီ ဆိုတာလည်း ကြားရပါတယ်။ နေ့လယ်နှစ်ချက်ခွဲ လောက်မှာတော့ ပါမောက္ခ ချုပ် ရုံးခန်းထဲက ထွက်လာပြီး ကျွန်တော်တို့နဲ့ တွေ့ပါတယ်။ ဒါနဲ့ ကျွန်တော်တို့လည်း စာသင်ချိန် တိုးမြှင့် ပေးဖို့ ကိစ္စကိုပဲ ထပ်ပြီး တင်ပြကြပါတယ်။ ဒါပေမဲ့ ဘာမှမထူးတော့ပါဘူး။ အဖြေကတော့ အရင်အတိုင်း ပါပဲ။ စာသင်ချိန် ခုနစ်ရက်ပဲ ဖြစ်ဖြစ် ခုနစ်လပဲ ဖြစ်ဖြစ် အဆင့်၁ ကနေ ၈၀၀ အထိပဲ ဖြစ်မှာမို့ ဘာမှ မထူးတဲ့ အကြောင်း ထပ်တလဲလဲ လက်ဟန်ခြေဟန် နဲ့ ရှင်းပြနေတဲ့ ဦးညီလှငယ် ကိုပဲ ကျွန်တော် ငေးကြည့် နေမိတော့တယ်။ ညနေလေးနာရီ လောက်မှာတော့ ကျွန်တော်တို့ ဆန္ဒပြ ကျောင်းသားအား လုံး တိုင်ကြီး ၁၈တိုင်အောက် စုထိုင်နေလိုက်ကြတယ်။ တစ်နေ့လုံး မှိုင်းညို့နေတဲ့ ရာသီဥတု အောက် မှာ ကျောင်းကြီးတစ်ကျောင်းလုံး တိတ်ဆိတ်နေပါတယ်။ ဒီအချိန်မှာပဲ ကျောင်းသူကျောင်းသားတွေကို လာခေါ်တဲ့ သူတို့ အိမ်က ကားတွေလည်း အလျှိုအလျှို ရောက်လာကြပါပြီ။ ကားမရှိတဲ့သူ တွေအတွက် တော့ ပြန်ဖို့ ကားနှစ်စီးလားမသိ စီစဉ်ပေးထားပါတယ်။ မိန်းကလေးတွေကတော့ နေ့လယ် နှစ်နာရီ နဲ့ သုံးနာရီ လောက်ကတည်းက အကုန်လုံး ပြန်ကြ ပါပြီ။ တဖြည်းဖြည်းနဲ့ ညနေ ငါးနာရီလောက်မှာတော့ ကျွန်တော်တို့ တိုင်ကြီး ၁၈ တိုင်အောက်မှာ ထိုင်နေတဲ့ ကျောင်းသား ငါးဆယ်ကျော် ခြောက်ဆယ်လောက်ပဲ ကျန်ကြပါတော့တယ်။ ဒီအထဲကမှ အများစုက နယ်ကလာတဲ့ အဆောင်နေ ကျောင်းသားတွေပါ။ တဆက်တည်း ကျွန်တော်တို့ ခုနစ်ရက် စာသင်ကြားရေး အစီအစဉ်ကိုလည်း ဒီနေ့ပဲ အဆုံးသတ်လိုက်ပြီ ဆိုတဲ့ သတင်းလည်း ကျွန်တော် သိလိုက်ရတယ်။ စာမေးပွဲနေ့ကျမှပဲ လာဖြေဖို့ပဲ ရှိပါတော့တယ်။ ညနေ ခြောက်နာရီ လောက်မှာတော့ ကျွန်တော်တို့ တိုက်ပွဲ နိဂုံးချုပ်သွားပြီလို့ ကျွန်တော် နားလည်လိုက်တော့တယ်။ မိုးက တဖြည်းဖြည်း မှောင်လာပြီး မိုးစရွာလာပါတယ်။ နောက်ဆုံးကျန်တဲ့ ကားတစ်စီးစ နှစ်စီးစ ကလွဲလို့ ဘာမှ မကျန်တော့ ပါဘူး။ ကျွန်တော့် သူငယ်ချင်း ကိုလိုက်ရှာတော့ တိုင်ကြီး၁၈ တိုင်ရဲ့ထောင့်စွန်းက တရုတ်စကားပင် နားမှာ ရပ်နေတာကို ကျွန်တော်တွေ့လိုက်ပါတယ်။ ကျွန်တော် သူ့ဆီသွားပြီး နှုတ်ဆက်တော့ “အေးကွာ လုပ်စရာရှိတာ အားလုံး လုပ်ခဲ့ပြီးပြီပဲ“ ဆိုပြီး သူ့ဆီက စကားသံထွက်လာတယ်။ ကျွန်တော် ကိုယ်တိုင် ကတော့ ဘာမှ မပြောနိုင်တော့ပါဘူး။ တည်တည်ငြိမ်ငြိမ် နဲ့ စိတ်ဓာတ်ကျပုံ မရတဲ့ သူငယ်ချင်း ကို ငေးကြည့် နေမိတယ်။ သြော်…ပန်းချီဆရာ ကျွန်တော့် သူငယ်ချင်း။ တိုက်ပွဲကို ရဲရဲရင့်ရင့် ခေါင်းခံ ဦးဆောင်ခဲ့သူ။ ဒေါ်အောင်ဆန်းစုကြည် ပုံတူပန်းချီ ကို အိပ်ခန်းထဲမှာ ဆွဲထားသူ…။ ဒီအချိန်မှာပဲ တိုတောင်းပေမယ့် အမှတ်ရစရာ တွေချည်း ဖြစ်ခဲ့ရတဲ့ ကျွန်တော့်ရဲ့ ကျောင်းသားဘဝ နေ့ရက်တွေဟာ ရုပ်ရှင်အနှေးပြသလို ကျွန်တော့်မျက်လုံး ထဲမှာ တစ်ကွက်ချင်း ပြန်ပေါ်လာပါတယ်။ ရွာကြီး လို့ ကျွန်တော်တို့ ချစ်စနိုး ခေါ်ခဲ့ကြတဲ့ ကျွန်တော်တို့ရဲ့ ကင်တင်း၊ ပစ္စည်းမဲ့ ဂိတ်ကလေးက ဝင်လာပြီး ကင်တင်းကို ဆင်းသွားရာက အပေါ် ပြန်မတက်ဖြစ်တော့တဲ့ နေ့တွေ၊ ကျောင်းသားအများစု ရဲ့ မှီခို အားထားရာ ပဲထမင်း နဲ့ မုန့်ဟင်းရည်၊ “နွေးအေး၊အောင်သိပ္ပံ ၊Mini Hi၊ ကန်သာယာ၊ မေတ္တာပေါင်းကူး၊ ဝင်း နဲ့ အင်းဝ“ ၊ ကျောင်းထဲမှာ ရှိတဲ့ နောက်ဆုံးနှစ် အစ်ကိုကြီး တွေရဲ့ အဆောင်မှာ စက်ကျခဲ့တဲ့ နေ့တွေ၊ သြဘာလမ်းကလေးထဲ ဖြတ်ပြေးဖူးတဲ့နေ့၊ ဟိုးဝေးဝေးက ဂျီဟောလ်၊ စွယ်တော်လမ်းကလေး၊ အစ်ကိုကြီးတစ်ယောက် နဲ့ မတင်မိုးလွင် နောက် တကောက်ကောက် လိုက်ခဲ့ဖူးတဲ့နေ့၊ ကားနဲ့လာရင် ဝင်လာရတဲ့ ခန့်ခန့်ထည်ထည် လူပေါဂိတ်ကြီး၊ ကျွန်တော်ချစ်တဲ့ တိုင်ကြီး ၁၈ တိုင်၊ ပြီးတော့ ကျွန်တော့် ရဲ့သူငယ်ချင်း ညီအစ်ကိုမောင်နှမတွေ၊ ကျွန်တော်လာရင် အမြဲ ပြေးပြေး ကြိုတတ်တဲ့ ကင်တင်းက ခွေးမကလေး မြီးတို၊ ဒါတွေအားလုံး…ကျွန်တော့်နှလုံးသားထဲက အရာအားလုံးနဲ့ ကျွန်တော် အခုခွဲရ တော့မယ်…ဘယ်တော့မှ ပြန်ဆုံမယ်မှန်း မသိတော့တဲ့ ခွဲခြင်းနဲ့ကို ခွဲရပါတော့မယ်။ ကျွန်တော်တင် မကဘူး၊ မြန်မာပြည် ကျောင်းသားထုကြီး တရပ်လုံး အနေနဲ့ပါ ကျွန်တော်တို့ ချစ်မြတ်နိုးတဲ့ တက္ကသိုလ် ကြီးတွေကို အပြီးတိုင် ခွဲရတော့မယ်။ ကျွန်တော်တို့ ညီ ညီမတွေကော၊ နောက်လာမယ့် ကျွန်တော်တို့ မျိုးဆက်သစ်တွေပါ တက္ကသိုလ်ကြီး တွေဆီ ဘယ်တော့မှ ပြန်ရောက်မယ် ဆိုတာ ဘယ်သူမှ မပြောနိုင် တော့ပါဘူး။ ဟစ်တလာ က ဂျူးတွေကို အပြီးသတ်ဖြေရှင်းရေး ဆိုတဲ့ ခေါင်းစဉ်အောက်မှာ လူမျိုးတုံး သတ်ဖြတ်ခဲ့သလိုပဲ၊ ၁၉၆၂ ကစပြီး ကျွန်တော်တို့ ကျောင်းသားတွေကို အငြိုးကြီးကြီး နဲ့ ဖိနှိပ်ချေမှုန်း ခဲ့တဲ့ စစ်အုပ်စုဟာ နောက်ဆုံးအနေနဲ့ ကျွန်တော်တို့ကို တက္ကသိုလ်ကြီးတွေဆီကနေ လယ်ကွင်း ဖုန်းဆိုး မြေကြီးတွေဆီ မောင်းထုတ်တော့မယ်။ တလျှောက်လုံး အကိုင်းအခက်တွေကို ချိုင်ခဲ့ရာက အခု နောက်ဆုံး ပင်စည်ကိုပါ ချိုင်ကြပါတော့မယ်။ အပြီးသတ်ဖြေရှင်းရေး…ရှေ့မှာကြိုနေတော့မယ့် လွင်တီးခေါင် ကျတ်တီးကုန်း မြေယာတွေ…အစိတ်စိတ် ကွဲပြိုအက် နေတဲ့ ကျွန်တော်တို့ရဲ့ အနာဂတ် တွေ…ဒီအတွေးနဲ့ ကျွန်တော့်ရင်ထဲမှာ လှိုက်လှိုက်လှဲလှဲ ဝမ်းနည်းလာပါတယ်။ ဖြန့်ကျက်ထားတဲ့ ကျွန်တော့်လက်ထဲက ခွပ်ဒေါင်းအလံ ပိုစတာကို ကျွန်တော် ပြန်လိပ်လိုက်တယ်။ ထိုင်နေကြတဲ့ ရဲဘော်တွေကို နောက်ဆုံးအနေနဲ့ ကျွန်တော် ကြည့်လိုက်တယ်။ တိုင်ကြီး ၁၈တိုင် နဲ့တကွ ကျောင်းကြီး တစ်ခုလုံးကိုပါ ကျွန်တော် လွှမ်းခြုံကြည့်လိုက်တယ်။ လွယ်အိတ်ကို ပြင်လွယ်ပြီး ကျွန်တော် ချာခနဲ လှည့်ထွက် ခဲ့တော့တယ်။

ကျွန်တော် ကျောင်းဝင်း အပြင်ရောက်တဲ့ အချိန်မှာပဲ စောစောက ဖွဲဖွဲ ရွာနေတဲ့ မိုးစက်တွေက သည်းသည်းထန်ထန် ရွာလာပါတယ်။ နောက်ဆုံး နှုတ်ဆက်ခြင်း အနေနဲ့ ပဲလားတော့ မသိတော့ပါဘူး…အိမ်အပြန် လမ်းတလျှောက်လုံးလည်း တခုတည်းသော အတွေးကိုပဲ ကျွန်တော် ထပ်တလဲလဲ တွေးလာမိတယ်။ ကျွန်တော်တို့ ရှုံးနေပြီလား…ကျွန်တော်တို့ ရှုံးသွားပြီလား ဆိုတဲ့ မေးခွန်းတွေကိုပါ။ ကျွန်တော်တို့ ဒီနေ့ သပိတ်တိုက်ပွဲ အနေနဲ့ကတော့ မအောင်မြင်ခဲ့ပါဘူး။ ဒါပေမဲ့…ဒီမှာပဲ ကျွန်တော့် ခေါင်းထဲ အတွေးတစ်ခု ဝင်လာပါတယ်။ တိုက်ပွဲရှိမှ မျှော်လင့်ချက် ရှိမယ်။ တိုက်ပွဲသေရင် မျှော်လင့်ချက်လဲ သေလိမ့်မယ် ဆိုတဲ့ အတွေးပါ။ အခု အနည်းဆုံး ကျွန်တော်တို့ တိုက်ပွဲရှိနေတယ်။ ဒါဆို မျှော်လင့်ချက်လဲ ရှိသေးတယ်။ ကျွန်တော်တို့ဟာ အာဇာနည်မျိုးတွေ၊ သေရိုးဆိုတာ မရှိဘူး၊ သေတယ်ဆိုတာ မသိဘူး၊ ကျွန်တော်တို့ သေတတ်မှဖြင့် သေခဲ့တာ ကြာရော့မယ်။ ဒါပေမဲ့ ကျွန်တော်တို့ ဘယ်တော့မှ မသေခဲ့ဘူး၊ ကျွန်တော်တို့ မှာ သေရိုးမရှိဘူး…ဒီလိုတွေးရင်း ကျွန်တော် အဖြေတစ်ခု ရလာတယ်။ ကျွန်တော်တို့ အခု တရွေ့ရွေ့ သွားနေတာ ဖြစ်ကောင်းဖြစ်မယ်၊ ဒါပေမဲ့ ဘယ်ကိုလဲ…အောင်ပွဲ ဆီကိုပါ…အပြီးသတ်အောင်ပွဲ ဆီကိုပါ။ ဒီအတွေးနဲ့ ကျွန်တော့်ရင်ထဲ အားသစ်မာန်သစ် တွေပြန်ဝင်လာပါတယ်။ ကျွန်တော် ကားအပြင်ကို တချက် လှမ်းကြည့်လိုက်တယ်။ မိုးက သည်းကြီးမည်းကြီး ကို ရွာချနေတယ်။ ခုနစ်နာရီ ခွဲတော့မယ်။

တိုက်ပွဲ အတွေ့အကြုံ သုံးသပ်ချက် နှင့် အကျိုးရလဒ် ။ ။

၁၉၉၈ ခုနှစ် ခုနစ်ရက် ပညာရေးကို ကန့်ကွက် ခဲ့ကြတဲ့ သပိတ်တိုက်ပွဲ ဟာ ရုပ်ဝတ္ထု အခြေအနေ အကန့်အသတ် အင်မတန် ကြီးမားနေတဲ့ကြားက မဖြစ်မနေ ဆင်နွှဲ ခဲ့ရတဲ့ တိုက်ပွဲ အမျိုးအစား ဖြစ်ပါတယ်။ တိုတောင်းလွန်းတဲ့ အချိန်အတွင်း အကောင်အထည် ဖော်ခဲ့ရတာမို့ ကျောင်းသားထုကြား စည်းလုံးညီညွတ်ရေးကို လုံးဝနီးပါး တည်ဆောက် နိုင်ခဲ့ခြင်း မရှိဘဲ ရှိသမျှ အင်အားနဲ့ တိုက်ပွဲဝင်ခဲ့ရခြင်း ဖြစ်ပါတယ်။ ဒါကြောင့်မို့လည်း နောက်ဆုံးနေ့မှာ ရည်မှန်းချက်ကို ရရှိဖို့ တိုက်ပွဲကို အဆင့်မမြှင့် နိုင်ခဲ့ရတာ ဖြစ်ပါတယ်။ တဖက်မှာ စစ်အုပ်စု အနေနဲ့ကတော့ ကျောင်းတွေကို နေရာမရွှေ့ခင် နောက်ဆုံး ရင်ဆိုင်ရတဲ့ တိုက်ပွဲ ဖြစ်လို့ သတိအကြီးဆုံး ထားပြီး ကိုင်တွယ်ခဲ့တာ တွေ့ရပါတယ်။ဆန္ဒပြပွဲ ဖြစ်ဖြစ်ချင်းပဲ ကျောင်းသားတွေ လမ်းပေါ် မထွက်နိုင်အောင် လုံထိန်းတပ်ရင်း တွေနဲ့ ကျောင်းပတ်ပတ်လည်ကို ပိတ်ဆို့ခဲ့ပါတယ်။ ဘယ်လောက်တောင် သတိကြီးလည်း ဆိုရင် ကျွန်တော်တို့ သပိတ်တိုက်ပွဲ ကို ဦးဆောင်ဆင်နွှဲ ခဲ့တဲ့ ကျွန်တော့် သူငယ်ချင်း အပါအဝင် နယ်ကျောင်းသား အချို့ကို စက်မှုတက္ကသိုလ် မှာတောင် စာမေးပွဲ ပေးမဖြေဘဲ အင်းစိန် ဂျီတီအိုင် မှာ အများနဲ့ ခွဲပြီး ဖြေခိုင်းခဲ့ပါတယ်။ ဒါကို ကြည့်ခြင်းအားဖြင့် လုံးဝ ချွတ်ချော် တိမ်းစောင်းမှု မရှိအောင် အဘက်ဘက်က ကြိုတင် ပြင်ဆင်ထားခဲ့ကြောင်း သိသာထင်ရှား စေပါတယ်။ စာမေးပွဲ ဖြေအပြီး မှာလည်း ကျောင်းတွေကို နောက်တစ်နှစ်ခွဲ တိုင်တိုင် ဆက်ပိတ်ထား ခဲ့ပြီး ကျောင်းပြောင်းရွှေ့မယ့် အစီအစဉ် ကို အပြီးသတ် အကောင်အထည် ဖော်ခဲ့ပါတယ်။ ကျောင်း တွေကို ပြောင်းရွှေ့လိုက်ခြင်းဟာ မြန်မာပြည် ကျောင်းသားလှုပ်ရှားမှု ကြီး တရပ်လုံး အတွက်ကော မြန်မာပြည် ပညာရေး အဆောက်အအုံကြီး တစ်ခုလုံး အတွက်ပါ အပြင်းထန်ဆုံး ထိုးနှက်ချက် ဖြစ်ခဲ့ရပါတယ်။ အခြေအမြစ် တစ်ခုလုံး ယိုင်လဲပျက်စီး သွားခဲ့ရပါတယ်။ ကျောင်းအားလုံးဟာ မြစ်ကူး ချောင်းခြား အရပ်တွေမှာပဲ ရှိပြီး ရန်ကုန်မြို့ရဲ့ အရှေ့အနောက် တောင်မြောက် တကွဲစီ ရွှေ့ပစ်ခဲ့တဲ့ အတွက် ကျောင်းသားထုကြား တည်ရှိပြီး ဖြစ်တဲ့ စည်းလုံးညီညွတ်မှု ပြိုကွဲ သွားခဲ့ရပါတယ်။ ဆက်သွယ် ရေးလမ်းကြောင်း အားလုံး ပြတ်တောက် သွားခဲ့ရပါတယ်။ နယ်ကျောင်းသားတွေ အနေနဲ့လည်း ရန်ကုန် မှာ တက်ခွင့် မရှိတော့တာကြောင့် အရေးတော်ပုံ အားလုံးလိုလို ရဲ့ အရှိန်ယူ သန္ဓေတည်ရာ ဖြစ်တဲ့ အဆောင်နေ ကျောင်းသား ကလပ်စည်း တွေ ကွယ်ပျောက် သွားခဲ့ရပါတယ်။ နောက် ပိုပြီး ထိခိုက်စေ တဲ့အချက်ကတော့ ကျောင်းတွေကို ပြောင်းရွှေ့လိုက်ခြင်းအားဖြင့် တက္ကသိုလ်တွေရဲ့ ယဉ်ကျေးမှု အဆင်တန်ဆာ ဖြစ်တဲ့၊ အခေါင်အထွတ်ဖြစ်တဲ့ အသင်းအပင်း အနုပညာ အဖွဲ့အစည်း အားလုံး ခြေရာ လက်ရာ မကျန်ရစ်အောင် ပြယ်ပျက် သွားခဲ့ရတာ ဖြစ်ပါတယ်။ တက္ကသိုလ်ရဲ့ Atmosphere ပျက်စီး သွားခဲ့ရပြီး မျိုးဆက်သစ် ကျောင်းသူကျောင်းသား တွေရဲ့ အညွန့်တလူလူ ဖြစ်နေတဲ့ စိတ်တွေအားလုံး အနည်း နဲ့ အများ ဆိုသလို ထိခိုက်ပျက်စီး ခဲ့ရပါတယ်။မြန်မာနိုင်ငံ ပညာရေးစနစ် တစ်ခုလုံး အခြေအမြစ်ကနေ ဗုံးဗုံးလဲ ပြိုကျပျက်စီးသွားခဲ့ပြီး မျိုးဆက်ဟောင်း ကျောင်းသားကျောင်းသူ တွေနဲ့ မျိုးဆက်သစ်ကျောင်းသားကျောင်းသူတွေ ကြားမှာ အဆက်အသွယ်ပြတ်တောက်မှု၊ လပ်ဟာမှု ကြီးကြီးမားမားကြီးကို ဖြစ်ပေါ်သွားခဲ့ရပါတယ်။ ယခင်တက္ကသိုလ်ကြီးတွေကို သိမီလိုက်တဲ့ မျိုးဆက်ဟောင်းနဲ့ သိမီခြင်းအလျဉ်းမရှိတဲ့ မျိုးဆက်သစ်တွေ အကြား ထိတွေ့ခွင့်တောင် မပေးခဲ့တဲ့ အထိ ကျူပင်ခုတ် ကျူငုတ်မကျန်အောင် သုတ်သင်ပစ်ခဲ့တာကို ဆိုလိုတာပါ။ လူမျိုးတစ်မျိုး (ဝါ) အဖွဲ့အစည်း တစ်ရပ်ကို နှိမ့်ချချင်ရင် အဲဒီလူမျိုး (ဝါ) အဖွဲ့အစည်းရဲ့ ပတ်ဝန်းကျင်ကို နှိမ့်ချပေးလိုက် ခြင်းအားဖြင့် လူမျိုး (ဝါ) အဖွဲ့အစည်းလဲ အလိုအလျောက် နိမ့်ပါးသွားရမှာသာ ဖြစ်ပါတယ်။ ဒီလို အင်မတန် ရက်စက်တဲ့ အတွေးအခေါ်ကို နအဖအစိုးရဟာ ဖက်ဆစ်ဝါဒကို ကျင့်သုံးတဲ့သူတွေပီပီ တိတိကျကျ အကောင်အထည်ဖော်ခဲ့ခြင်းသာ ဖြစ်ပါတယ်။ ဒီလိုနည်းနဲ့ ၇၅ နှစ်တိုင်တိုင် ထည်ထည်ဝါဝါ ရပ်တည်ခဲ့တဲ့ တက္ကသိုလ်ကျောင်းတော်ကြီး တွေဟာ ကျီးနဲ့ ဖုတ်ဖုတ် ဖြစ်ကျန်ခဲ့ရပြီး မျိုးဆက်သစ် ကျောင်းသူကျောင်းသား တွေရဲ့ နိုင်ငံရေး ရေချိန်လည်း သိသိသာသာ လျော့နည်း ကျဆင်းသွားခဲ့ ရပါတော့တယ်။ ပေးဆပ်ခဲ့ရမှု အနေနဲ့ကတော့ ကျွန်တော့်တို့ ဆန္ဒပြပွဲ မှာ ဦးဆောင်လှုပ်ရှား ခဲ့တဲ့ ကျွန်တော့် သူငယ်ချင်း အပါအဝင် ရဲဘော်ကျောင်းသား အားလုံး စာမေးပွဲ အပြီးမှာ ဖမ်းဆီး ခံခဲ့ရပြီး ထောင်ဒဏ် ခုနစ်နှစ် ပြစ်ဒဏ် စီရင်ချမှတ်ခြင်း ခံခဲ့ရပါတယ်။ အကြီးမားဆုံး နဲ့ တစ်ခုတည်း သော အကျိုးအမြတ်ရလဒ် အနေနဲ့ကတော့ သမိုင်းစဉ် တလျှောက်လုံး ဝံ့ဝံ့ကြွားကြွား ရပ်တည်လာခဲ့တဲ့ မြန်မာပြည် ကျောင်းသားထုကြီး တရပ်လုံးရဲ့ အမျိုးသားနိုင်ငံရေး ဂုဏ်သိက္ခာ နဲ့ ခွပ်ဒေါင်းအောင်လံ ကို ကျောင်းသားထုကြီး တရပ်လုံးရဲ့ ကိုယ်စား တိုက်ပွဲနဲ့ပဲ ဂုဏ်ရောင်ပြောင်ပြောင် ရှေ့လာမယ့် အနာဂတ် ဆီ လက်ဆင့်ကမ်း သယ်ဆောင် နိုင်ခဲ့ခြင်း ပဲ ဖြစ်ပါတယ်။ ဒီလိုနဲ့ပဲ ၁၉၉၈ သို့မဟုတ် ခုနစ်ရက် ပညာရေး အလိုမရှိ သပိတ်တိုက်ပွဲ ဟာ ၂၀ရာစု မြန်မာနိုင်ငံ ကျောင်းသားလှုပ်ရှားမှု ရဲ့ နောက်ဆုံး ကြိုးပမ်းမှု အနေနဲ့ သမိုင်းထဲကို တိုးဝင်သွားခဲ့ ရပါတော့တယ် ။ ။

ညိုထက်ညို



၉၈ နောက်ဆက်တွဲ စာမျက်နှာ

ဧည့်ခန်းမှာ ထိုင်နေတဲ့ သူ့ကို မြင်လိုက်ကတည်းက သူ ကျွန်တော့်ဆီ ဘာအတွက် လာတယ် ဆိုတာ ကျွန်တော် သိလိုက်ပါပြီ။ တကယ်က ဒီအချိန်မှာ အမေက ကျွန်တော့်ကို အပြင် ပေးမထွက်ချင်တော့ပါဘူး ။ စာမေးပွဲပဲ ကပ်လှပါပြီ။ ကျွန်တော် အခုမှ ဟိုပြေး ဒီပြေး နဲ့ မိတ္တူ တွေ လိုက်ဆွဲရနေတာလဲ အမေအသိမို့ အမေက ကျွန်တော့်ကို အပြင် ပေးမထွက်ချင်ပါ။
ဒါပေမဲ့ သူ နဲ့ ကျွန်တော် အပြင်ထွက်ခဲ့ကြပါတယ်။

……………………………… …………………………… ……………………………….

လူအရှင်းဆုံးဆိုင်ကို ကျွန်တော် ရွေးလိုက်ပါတယ်။ တခြား ဘယ်အသိအကျွမ်း နဲ့မှ ကျွန်တော် မတွေ့ချင်လို့ပါ။ ဒါနဲ့ ကျွန်တော် နဲ့ သူ လမ်း၄၀ အလယ်လမ်း ရဲ့ အနော်ရထာ နဲ့ ကပ်နေတဲ့ ထိပ်ဘက်မှာ ဖွင့်ထားတဲ့ ‘သရဝဏ်’ ကို ရောက်ခဲ့ကြပါတယ်။
ပြီးတော့ ကျွန်တော် နဲ့ သူ ဟိုး ဆိုင်အထဲ အရောက်ဆုံး စားပွဲမှာ ထိုင်လိုက်ကြပါတယ်။

ကျွန်တော်တို့ နှစ်ယောက်ရှေ့က လက်ဖက်ရည်တွေ နွေးနေတုန်းမှာပဲ သူက စပြောပါတယ်။

ပြောတယ်ဆိုတာထက် စမေးပါတယ်။
”ငါတို့ ဘာဆက်လုပ်ကြမလဲ” တဲ့။

ကျွန်တော့်မှာလဲ အဖြေမရှိ။
ကျွန်တော် သူ့ပဲ ပြန်ကြည့်နေမိတယ်။
အင်း… သူကတော့ ကျွန်တော့်ထက် တက်ကြွပါပေတယ်။
ကျွန်တော် သူ့ကို ငေးနေတုန်းပဲ သူ က ကျွန်တော့်ကို ထပ်ပြောတယ်။
စာမေးပွဲ ဖြေမယ့်နေ့ ကျရင် မဖြေခင်မှာ ဝင်မဖြေဘဲ ဆန္ဒပြကြမလားတဲ့….
ကျွန်တော် အချိန် အတော်ကြာတဲ့ အထိ အဖြေ မပေးနိုင်ပါ။
ပြီးမှ “တခြားသူတွေ သဘောကော ဘယ်လိုရှိသလဲ” လို့ ကျွန်တော် သူ့ကို ပြန်မေးလိုက်ပါတယ်။
ကျွန်တော့်အမေး ကို သူ မဖြေနိုင်ပြန်ပါ။ ကျွန်တော့် ဘက်ကလည်း အတော် အဖြေရ ခက်နေပါပြီ။
တစ်ဖက်မှာလဲ ဒါဟာ နောက်ဆုံးတိုက်ပွဲ… အခြားတစ်ဖက်မှာလဲ အောင်မြင်ဖို့ အခြေအနေ မှေးမှိန်နေတယ်လို့ ကျွန်တော် ခန့်မှန်းမိ။ စာမေးပွဲတော့ ပျက်မသွားနိုင်။ ကျွန်တော်တို့ တကယ် ပြန်တွေ့ကြတာကလဲ တစ်ပတ်သာသာ။ ယေဘုယျ အနေနဲ့ ကျောင်းသားထုကြား တိုက်ပွဲဝင်စိတ်ဓာတ် လျော့ရဲနေတာကလဲ အရှိတရား ဖြစ်နေပြန်။ အတွေးတွေထဲ ကျွန်တော် နစ်မြုပ်နေမိပြန်ပါတယ်။
ဒါပေမဲ့ တစ်ဖက်မှာလဲ တိုက်ပွဲဝင်စိတ်ဓာတ် ပြင်းထန်လေသူ သူငယ်ချင်း။ ကျွန်တော်တို့ တစ်ယောက်လက် တစ်ယောက်တွဲရမယ့် တာဝန်ဝတ္တရား ရှိပါတယ်။
“အင်း…တော်တော်တော့ ခက်မယ်ထင်တယ်”
ကျွန်တော့်ဆီက အဖြေထွက်လာတယ်။
ပြီးမှ တကယ်လို့ ဆန္ဒပြဖြစ်မယ် ဆိုရင်လည်း ကျွန်တော် ပူးပေါင်းပါဝင်ပါ့မယ် လို့ သူ့ကို ပြန်ဖြေလိုက်ပါတယ်။

အဲဒီနေ့ဟာ စက်တင်ဘာလ ၄ရက်နေ့။
မနက် ဆယ်နာရီ ဆယ့်ငါးပါ။

အဲဒီနေ့ကတည်းက သူ့ဆီက ကျွန်တော် ဘာမှ ပြန်မကြားတော့ပါ။ ဒါနဲ့ စာမေးပွဲ ဖြေမယ့်နေ့ကို ရောက်လာပါတယ်။

အဲဒီနေ့ မနက် က ကျွန်တော်တို့ သူငယ်ချင်းတွေ စုပြီး သူငယ်ချင်း တစ်ယောက် ကားနဲ့ စောစောထွက်လာကြ ပါတယ်။ အဲဒီနေ့မနက်က မိုးတွေ အုံ့နေပါတယ်။ ကျွန်တော်တို့ သွားရိုးသွားစဉ် ပြည်လမ်းအတိုင်း လာခဲ့မိတော့ လမ်းတွေ အကုန် ပိတ်ထားပါတယ်။ နောက်ဆုံး ကမ္ဘာအေးဘုရားလမ်း ဘက်က ပတ်အသွားမှာ လမ်းထပ်ပိတ်ထားလို့ ကျွန်တော်တို့ အားလုံး ကားပေါ်က ဆင်းပြီး အစောင့်ရဲတစ်ယောက် နဲ့ ရန်ဖြစ်ကြပါတော့တယ်။ အဲဒီမှာ ကျွန်တော်တို့ စာမေးပွဲ သွားဖြေမယ့်အကြောင်း ပြောပြတော့ ဟိုးနောက်က ရဲမှူးတစ်ယောက် ထလာပြီး သွားခွင့်ပေးလိုက်ပါတယ်။ ကျွန်တော်တို့ ကျောင်းကို ရောက်တော့ စာမေးပွဲတောင် စခါနီးပါပြီ။

ကျွန်တော် စာမေးပွဲခန်းထဲ ဝင်သွားတော့ လူတွေ အတော်စုံနေပါပြီ။ ကျွန်တော့်ကို လာမေးခဲ့တဲ့ သူငယ်ချင်းက ကျွန်တော်နဲ့ တန်းခွဲမတူလို့ သူ့ကို ကျွန်တော် အတန်းထဲမှာ မတွေ့နိုင်ပါဘူး။ ကျွန်တော်လဲ အခြေအနေကို အကဲခတ်လိုက်ပြီး မလုပ်ဖြစ်တော့ဘူး ဆိုတာ တွက်ဆမိလိုက်ပါတယ်။

ဒုတိယမြောက် စာမေးပွဲဖြေတဲ့နေ့မှာတော့ ကျွန်တော့် သူငယ်ချင်း အပါအဝင် ကျောင်းသား နှစ်ဆယ်အစိတ်လောက် ကျွန်တော်တို့ ကျောင်းမှာ စာမေးပွဲ မဖြေရဘဲ အင်းစိန် ဂျီတီအိုင် မှာပဲ စာမေးပွဲ ဖြေနေရတယ် ဆိုတာ ကျွန်တော် သိလိုက်ရပါတယ်။ အဲဒီနေ့တွေမှာ ကျွန်တော်လဲ အသည်းအသန် စာမေးပွဲ နဲ့ နပမ်းလုံးနေရပါတယ်။ မြန်မာစာ၊ အင်္ဂလိပ်စာ၊ calculus၊ chemistry၊ physics၊ drawing တစ်ခုပြီးတစ်ခု ပြီးသွားပါတယ်။ မေးခွန်းတွေဟာ လွယ်လွန်းလို့ စာတော်သူ စာရင်းထဲ ဘယ်တော့မှ မပါခဲ့သူ ကျွန်တော်တောင် အတော် ဖြေနိုင်ခဲ့ပါတယ်။ ဖြေရတာဟာ ခုနစ်ဘာသာ မို့လို့ ကျွန်တော့် တစ်သက်တာမှာ အများဆုံးပါပဲ။ ဒီလိုနဲ့ နောက်ပိတ်ဆုံး ဘာသာ ဖြစ်တဲ့ workshop ဖြေတဲ့နေ့ကို ရောက်လာပါတယ်။

workshop ကလဲ ပရက်တီကယ် သုံးခါလောက်လုပ်ပြီး နောက်ကျန်တဲ့ ပရက်တီကယ်တွေ တစ်ခုမှ မလုပ်ဖြစ်ခဲ့ပါ။ ဒါပေမယ့် ကျောင်းသားတိုင်း အမှတ်၂၀ ရပြီး ဆိုတာ လူတိုင်း သိနေပါတယ်။ မေးတဲ့မေးခွန်းတွေကလဲ ခပ်လွယ်လွယ်ပဲမို့ အဲဒီနေ့က ကျွန်တော် နေ့လယ် နှစ်နာရီလောက်မှာပဲ အဖြေလွှာကို ဆရာမ ကို ပေးလိုက်ပြီး စာမေးပွဲ အချိန်မစေ့ခင်ဘဲ အပြင် ပြန်ထွက်လာခဲ့ပါတယ်။

ကျွန်တော် L8 နောက်က ထွက်ထွက်ချင်း အိတ်ထဲက ချွေးတွေနဲ့ ညိုညစ်ညစ် ဖြစ်နေတဲ့ လန်ဒန်တစ်လိပ် ထုတ်ပြီး မီးညှိလိုက်ပါတယ်။ ပြီးတော့ လှေကားက ဆင်းပြီး ကျွန်တော် ရှေ့ဆက်ထွက်လာရင်း ညာဘက်က ခရေပင်ကြီးတွေကို ကျွန်တော် ကြည့်မိပါတယ်။ ကောင်းကောင်းမကုန်ချင် သေးတဲ့ မုတ်သုန်ရဲ့ အငွေ့အသက်တွေအောက်မှာ ခရေပင်ကြီးတွေကို ကျွန်တော် တွေ့နေရပါတယ်။ မိုးကလဲ နည်းနည်းအုံ့နေပါတယ်။ ကျွန်တော် ငေးရင်း ဆက်လျှောက်လာနေတုန်းမှာ တိမ်တွေ ဖယ်သွားပြီး နေကထွက်လာပါတယ်။

လမ်းကလေး အဆုံးကို ရောက်တော့ တိုင်ကြီးတွေဆီ ကျိုးတိုးကျဲတဲ အပင်ရိပ်တွေကို ဖြတ်ပြီး ကျွန်တော် တက်လာခဲ့ပါတယ်။ တိုင်ကြီးတွေကို နေပူထဲမှာ ကြံ့ကြံ့ခိုင်ခိုင် မတ်တပ်ရပ်မြဲ ရပ်နေတာ ကျွန်တော် တွေ့ရပါတယ်။ ကျွန်တော် တိုင်ကြီးတွေကြား ဖြတ်ပြီး လျှောက်လာခဲ့ပါတယ်။

ကျွန်တော် နောက်ဆုံးတိုင်ကြီးရဲ့ အရိပ်အောက်ကို ရောက်တာနဲ့ ကျွန်တော့် ခြေလှမ်းတွေက အလိုအလျောက် ရပ်တန့်သွားပါတယ်။ ပြီးတော့ ကျွန်တော့် ရှေ့မှာ မြင်နေရတဲ့ တရုတ်စံကားပင်ကလေးကို ကြည့်ပြီး ကျွန်တော် မတ်တပ်ရပ်နေမိပါတယ်။

ကျွန်တော့်အသက်ဟာ ၂၂ နှစ်။ မာယာကော့စကီး ရေးတဲ့ လူချောလူလှ ၂၂ နှစ်သားကလေး။ ဒီအရွယ်မှာပဲ ကျွန်တော်ဟာ သမိုင်းဝင် ဖြစ်ရပ်တစ်ခုရဲ့ မျက်မြင်သက်သေ တစ်ယောက် အဖြစ်သာမက ကိုယ်တိုင် ကြုံတွေ့ခံစားရသူ အနေနဲ့ပါ တိုင်ကြီးတွေရဲ့ အရိပ်အောက်မှာ ရောက်နေရပါပြီ။

ကျွန်တော် ဒီကျောင်းကြီးကို ဝင်လာတော့ ကျွန်တော့် အတွေးအခေါ်ဟာ နုနုနယ်နယ်။ အခု ကျွန်တော် ထွက်သွားရမယ့် အချိန်ကျတော့ ဘာပဲပြောပြော အတန်အသင့် ရင့်ကျက်ခဲ့ပါပြီ။ ဘဝရဲ့ အရေးပါတဲ့ ကွေ့ချိုးတစ်ရပ်ကို ဖြတ်သန်းခဲ့ရပါပြီ။ အဲဒီမှာပဲ အခု ကျွန်တော် ခံစားနေရတာ တွေဟာ ဘာ့ကြောင့်လဲ။ ကျွန်တော် နဲ့တကွ ကျွန်တော့် မိသားစုဝင် တွေအားလုံး၊ အိမ်နီးနားချင်းတွေ အားလုံး၊ အဆွေအမျိုး တွေအားလုံး၊ ဘာ့ကြောင့် ကြိမ်မီးအုံးသလို ခံစားနေရတာလဲ။ အဲဒီ မေးခွန်းတွေနဲ့ ကျွန်တော် ဆူပွက်လာပါတယ်။

အဲဒီခဏမှာ ကျွန်တော်ဟာ ကျွန်တော် နဲ့တကွ ကျွန်တော်တို့ တိုင်းပြည်မှာ ရှိရှိသမျှ တပ်မတော် အပါအဝင် ပြည်သူပြည်သား မှန်သမျှ ရင်ဆိုင်နေရတဲ့ “စစ်အာဏာရှင် စနစ်ဆိုး” ကြီး ဟာ ကျွန်တော်တို့ တိုင်းပြည်ရဲ့ အကြီးမားဆုံး ရန်သူ စင်စစ်ပဲ ဆိုတာ ခံစားသိနဲ့ ရုတ်တရက် သိလိုက်ပါတယ်။ အဲဒီခဏမှာပဲ ကျွန်တော်တို့ ပထမနှစ် တုန်းက ထုတ်ခဲ့တဲ့ စက်မှုမဂ္ဂဇင်းမှာ ပါခဲ့တဲ့ ဆရာကြီး ဦးသာလှိုင် ဆောင်းပါးထဲက “မြို့မကျောင်းက သူ့ကို အမျိုးသားရေး အမွေပေးခဲ့တယ်” ဆိုတဲ့ စကားကို ကျွန်တော် ပြန်ကြားမိပါတယ်။ တစ်ဆက်တည်း ကျွန်တော့်ကိုလဲ ရန်ကုန် စက်မှုတက္ကသိုလ်က၊ တိုင်ကြီးတွေက အမျိုးသားရေး အမွေ ပေးလိုက်ပြီ ဆိုတာ ကျွန်တော် သိမြင်လိုက်ပါတယ်။ တိုင်ကြီးတွေက
“တိုင်းပြည်ဟာ မလွတ်လပ်လို့ ကျွန်တော်တို့ ဒီလို ခံကြရတယ်။ ကျွန်တော်တို့ဟာ အမျိုးသားရေး တာဝန်တစ်ရပ် အနေနဲ့ တိုင်းပြည် လွတ်လပ်ရေး ပြန်ရအောင် လုပ်ကြရတော့မယ်။ တိုင်းပြည်ဟာ အရေးပေါ် အခြေအနေကို ကြုံနေရပြီ ဖြစ်တယ်။ ပြည်ထောင်စုသား အားလုံး ကျောသားရင်သား မခွဲခြားဘဲ တတ်နိုင်သမျှ တတ်နိုင်တာ မှန်သမျှ လုပ်ကြရတော့မယ်။ ပေးကြရတော့မယ်။ အနိမ့်ဆုံးအဆင့် စစ်အာဏာရှင် စနစ်ကို မပံ့ပိုးစတမ်း ဆိုတဲ့ သီလကိုတော့ စောင့်ကြရတော့မယ်” တိုင်ကြီးတွေက ကျွန်တော့်ကို အဲဒီလို ပြောနေကြပါတယ်။
အဲဒီ တိုင်ကြီးတွေက ပေးတဲ့ အမျိုးသားရေး အမွေကို ကျွန်တော် ကျေကျေနပ်နပ် ခံယူလိုက်ပါတယ်။ ပြီးတော့ ကျွန်တော် ဘယ်နေရာ ဘယ်ဘဝ ရောက်ရောက် တတ်နိုင်တဲ့ဘက်က တိုင်းပြည်အတွက် စစ်အာဏာရှင်စနစ် ကို ဆန့်ကျင်ပါ့မယ်။ လွတ်လပ်ရေး ကြိုးပမ်းမှုကို မမေ့မလျော့ ထောက်ခံ အားပေးပါ့မယ်။ ပါဝင်ဆောင်ရွက်ဖို့လဲ ကြိုးစားပါ့မယ် လို့ ကျွန်တော်တို့ ကျောင်းသား အားလုံးကို ကိုယ်စားပြုပြီး စိတ်ညွှတ်လိုက်ပါတယ်။

အဲဒါတွေပြီးရင်တော့…
ကျွန်တော် မျိုးဆက်သစ် ကျောင်းသားတွေ နဲ့အတူ…
ပြန်လာခဲ့မှာပါ တိုင်ကြီးတွေရယ်…
ကျွန်တော် အဓိပ္ပာယ်တွေ တသီတတန်းကြီး တွဲခိုနေတဲ့ မျက်လုံးတွေနဲ့ တိုင်ကြီးတွေကို ကြည့်လိုက်တယ်။

နောက်ဆုံးတိုင်ကြီးရဲ့ အရိပ်အောက်က ပြန်ထွက်ခဲ့ပြီမို့ နေပူကြီးထဲမှာ ကျွန်တော် တစ်ယောက်တည်း။ ။

ညိုထက်ညို

Read More

အနစ်နာခံခဲ့သူများသို့တမ်းချင်း

အနစ်နာခံခဲ့သူများသို့တမ်းချင်း

‘သားရယ်၊ စစ်အင်ဂျင်နီယာ တက်ပါလားကွယ်။ မင်းအဖေနဲ့သိတဲ့ဗိုလ်မှူးကြီးက လျှောက်လွှာကို
ထောက်ခံပေးမယ်လို့ ပြောတယ်။ သားရဲ့ အောက်မှာ ညီလေး၊ ညီမလေး ရှိသေးတယ်လေ။ သား၊ မင်း
သိတဲ့အတိုင်း အမေက လည်ပင်းကြီး ရောဂါနဲ့၊ မောလို့ ကျောင်းမှာ စာသင်ပြီးရင်အိမ်မှာ စာမသင်နိုင်ဘူး။
မင်းအဖေရဲ့ အင်္ဂလိပ် ဂရမ်မာ ကျူရှင်ကလည်း အမြဲတမ်း ကျောင်းသားရှိနေတာ မဟုတ်ဘူးလေ’ လို့
အမေက သားကိုလှမ်းပြောတယ်။

‘အမေ၊ သားက စစ်တပ်လို ပုံစံခွက်နဲ့ကိုယ့်ကို ချုပ်ချယ်တာမျိုး မကြိုက်ဘူး။ ပြီးတော့ အမေသိတဲ့
အတိုင်းပဲ။ ၈၈ အရေးအခင်းတုန်းက စစ်သားတွေ ပစ်သတ်တာကို သားတို့ ရွှေဂုံတိုင်ကုန်းပေါ်က တွေ့ဖူး
တာပဲ။ လုံးဝ မကြိုက်ဘူး။ မဖြစ်နိုင်ပါဘူး၊ အမေ’

‘သားရယ်စစ်အင်ဂျင်နီယာ တက်ရင်လခလည်းရ။ ပညာလည်းတတ်၊ ငွေလည်း မကုန် ဖြစ်မှာ
ပေါ့။ ရိုးရိုးအင်ဂျင်နီယာဆိုတာ ခြောက်နှစ်လောက်တက်ရမယ်။ ပိုက်ဆံတွေ အများကြီး ကုန်မှာပေါ့’ ဘေးမှ ညီနှင့် ညီမတို့ မျက်နှာသေလေးတွေနဲ့ ငြိမ်ကုပ်နေကြတယ်။ တစ်ချိန်လုံးငြိမ်ပြီး ဘေးမှ
နားထောင်နေတဲ့အဖေက ဒီလိုပြောပြီး စကားဝိုင်းကိုအဆုံးသတ်လိုက်တယ်။

‘အေး၊ သားရေ။ တက္ကသိုလ်ရွေးချယ်တာဟာ ဘဝကို ရွေးချယ်တာပဲလေ။ မင်းတို့ဟာ အဖေတို့ရဲ့
နွားအို နောက်ကျသား ဖြစ်လို့မင်းတို့အဆင်ပြေကြီးပွားမယ့်အခြေအနေကိုအဖေတို့ မြင်ရမှာ မဟုတ်ဘူး။
အဖေတို့ မရှိတဲ့ နောက်ပိုင်း၊ မင်းတို့ရဲ့ဘဝကို မင်းတို့ဘာသာ လျှောက်ရမှာ။ အဲ့ဒီအခါ အဆင်မပြေခဲ့ရင်
အဖေတို့ရွေးချယ်ပေးခဲ့တဲ့လမ်း ဆိုပြီး သားတွေးလိမ့်မယ်။ အဲ့ဒါကြောင့်သားဘဝရဲ့ လမ်းကြောင်းကို သား
ဘာသာ ရွေးချယ်ခဲ့တယ်လို့ မှတ်ထားလိုက်ပါ။ သားကြိုက်တဲ့ အရပ်ဘက်အင်ဂျင်နီယာကို တက်ဖို့ ရွေး
လိုက်တော့။ အခုအဖေယူလာတဲ့စစ်အင်ဂျင်နီယာ ဝင်ခွင့်ဖောင်ကိုမဖြည့်နဲ့တော့။ သွားမတင်တော့ဘူး။’ 1995 May မှာ YIT ကို ကျွန်တော်တက်ရောက်ခဲ့ပါတယ်။ အထက်တန်းကျောင်းမှ YIT ကို အတူ
ဝင်ခွင့်ရတဲ့ ကျောင်းသားတစ်ယောက်နဲ့အတူ ကျောင်းတော်ကြီးမှ စတင်ပညာသင်ကြားခဲ့ပါတယ်။ တော
ကျောင်းမှ YIT ကို တက်ခဲ့ရသူဖြစ်လို့ ကိုယ်လို သင်းကွဲတွေ၊ အဆောင်ကျောင်းသားတွေနဲ့ပဲ ပေါင်းသင်း
ဖြစ်ခဲ့ရတယ်။ ဝတ္ထုဖတ် ဝါသနာပါလို့ အဆောင်ကျောင်းသားတွေနဲ့ အတူ တွဲဖြစ်ခဲ့တယ်။ သန်းထွတ်၊
ဥာဏ်လင်းမင်း၊ အောင်မြတ်ကျော်တို့နဲ့ အင်းလေးဆောင်အခန်းမှာ စတည်းချလို့ အဆောင်ကျောင်းသား
ဘဝကို တစ်ပိုင်းတစ်စ ခံစားခဲ့တယ်။ သူငယ်ချင်းတစ်ဦး ပြောပေးလို့ အင်းလေးဆောင် စားပွဲထိုး
ဦးလေးကြီးကိုပိုက်ဆံပေးထားပြီး၊ အဆောင်ကျောင်းသား ဟန်ဆောင်ပြီး သွားစားခဲ့ဖူးတယ်။
အဆောင်ကျောင်းသားတွေနဲ့ ယန္တရားဝင်းကြီးထဲမှ လက်ဖက်ရည်ဆိုင်မှာ ထိုင်ရင်း ငွေတောင်
တစ်ပွဲ၊ ချိုပေါ့တစ်ခွက်နဲ့ ဖြစ်တည်မှု ပဓာနဝါဒကို ကိုင်စွဲ၊ မောင်ချောနွယ်ရဲ့ ကဗျာရှည်ကို တဖွဖွရွတ်လို့
လွတ်လပ်မှုအရသာကို မြည်းစမ်းခဲ့ဖူးတယ်။ ဖေါ်ဝေးရဲ့ ကဗျာ၊ မြေချစ်သူကဗျာတွေ ကြိုက်တဲ့သူငယ်ချင်း
နဲ့လည်း ခင်ခဲ့ဖူးတယ်။ ဖျာကြမ်း တစ်ချပ်၊ ခေါင်းအုံးပါးပါး တစ်လုံး၊ အိပ်ယာအောက်မှာ သေတ္တာတစ်လုံး
သာရှိတဲ့အင်းလေးဆောင်က ခပ်မှောင်မှောင်အခန်းလေးမှာ စတည်းချခဲ့ဖူးတယ်။

အဖေ၊ အမေ၊ ဆရာ၊ ဆရာမရဲ့ မမြင်ကွယ်ရာမှာ အဖေ တစ်သက်လုံး တစ်စက်မှ မသောက်ဖူးခဲ့တဲ့
အရက်ကို ကျွန်တော် စမ်းသပ်ပြီး၊ ရံဖန်ရံခါ သောက်နေတဲ့ ကျွန်တော်။ အရသာထက် စမ်းသပ်ဖို့ကို
ပိုကြိုက်လို့ ဒိုင်ယာစီဖင်တွေလည်း စမ်းသောက်ဖူးပါရဲ့။ အတန်းတွေလစ်၊ အာစီတူးမှာလည်း အချိန်တွေ
ဖြုန်းလို့၊ ပထမနှစ်B ခန်းမှဒုတိယနှစ်D ခန်း။ ဒုတိယနှစ်စာမေးပွဲမှာလည်း ကောင်းကောင်း မဖြေနိုင်တော့
ပါဘူး။

ကျွန်တော်ရွေးချယ်ခဲ့တဲ့ကျွန်တော့်လမ်းမှာ ယိုင်ထိုး ယိုင်ထိုး ဖြစ်နေပါပြီ။ နောက်တစ်ခါ လမ်းဆုံး
မှာလည်း မိသားစုကိုပြောပြီး၊ ကျွန်တော်ဆုံးဖြတ်ချက်ချလိုက်ပါတယ်။ နောက်တစ်နှစ်မှ ဖြေတော့မယ်။
အဖေ့ရဲ့ စကားအတိုင်း ‘ကိုယ့်ဘဝကိုကိုယ်တာဝန်ယူဖို့ဆုံးဖြတ်ချက်ချလိုက်ပါတော့တယ်။’ ဒုတိယနှစ်ကို ဒုတိယအကြိမ် ပြန်တက်ချိန်မှာ ‘မင်း တယောက်ထဲ မဟုတ်ဘူး’ ဆိုတဲ့ စာသား
အတိုင်း၊ တောက်လျှောက်တွဲဖြစ်မယ့် ကျော်မင်းခိုင်၊ နိုင်လင်းအောင်၊ ဝက်ကြီး၊ ဗိုက်ပူတို့နဲ့ ဆုံဖြစ်ပါတော့
တယ်။ အဲ့ဒီနှစ်မှာ ကျွန်တော်နဲ့ လအနည်းငယ်တွဲပြီး ကွဲကွာသွားခဲ့တဲ့ သူငယ်ချင်း နှစ်ယောက်ရှိပါတယ်။

စိုးမင်းနိုင်နဲ့ဇော်မင်းထိုက်ကျော်။
သူတို့နဲ့ ကျွန်တော်သုံး၊ လေးလလောက်တော်တော်တွဲဖြစ်ပါတယ်။ အတန်း အတူတက်၊ ထမင်း
အတူစား။ ဘဝအတွက်ဒုတိယအကြိမ်ပြန်ကြိုးစားနေခဲ့ပါတယ်။
၁၉၉၆ အရေးအခင်းကြီး ဖြစ်ပြီး၊ ကျောင်းတွေ ပိတ်သွားတယ်။ ပြန်ဖွင့်တော့ နှစ်ပတ်လောက်
အတန်းတွေ တက်ပြီး၊ စာမေးပွဲတွေ ဖြေရတယ်။ ရန်ကုန် (YTU) နဲ့ ပြည် (PTU) ဆိုပြီး နှစ်ကျောင်းခွဲ။
ဆရာ၊ ဆရာမတွေ ကားအကြီးကြီး တစ်စီးနဲ့ ဟိုဒီပြေးလွှား၊ နှစ်ဘာသာပေါင်း ၁၅၀ မှတ်အင်ဂျင်နီယာ
အသစ်တွေ၊ ဆရာဖြစ်အင်ဂျင်နီယာတွေ အသစ်မွေးထုတ်ခဲ့။

(၂)

သန်လျင်နည်းပညာ ကောလိပ်ဝင်ပေါက်မှ ဝင်ရင်သီဟိုတောကို ဖြတ်ရပါတယ်။ ပြီးတော့ စာသင်
ကျောင်းဆောင်တွေကို ရောက်မယ်။ ဆက်သွားရင်ကန်တင်း။
ဆက်သွားရင်ဝန်ထမ်းအိမ်ယာနဲ့ဆရာ၊ ဆရာမတွေရဲ့ လုံးချင်းအိမ်လေးတွေ ရှိပါတယ်။ ကျောက်
လမ်းဟာ ကျောင်းအုပ်ဆရာမကြီး အိမ်ထောင့်မှာ ဆုံးသွားပါတယ်။ ကျောက်လမ်းအဆုံးမှ လှမ်းကြည့်ရင်
မြက်လမ်းလေးပါ။ ဘေးမှာ မလေးရှား ပိတောက်ပင်တန်းလေး ရှိပါတယ်။ မြက်လမ်းလေး အဆုံးမှာ
ရေအိုင်လေးကို ဖြတ်ထိုးထားတဲ့ဝါးတံတားလေး ရှိပါတယ်။
အဲဒီတံတားလေးက ရေအိုင်လေးကို ကျော်တဲ့အထိ မရောက်ပါဘူး။ တစ်ဝက်လောက်မှာ
ခြောက်ပေလောက်ကျိုးနေပါတယ်။ အဲ့ဒီနေရာရောက်ရင်ရေအိုင်ထဲကို ဆင်းရပါတယ်။ ဒူးလည်လောက်
အထိနက်ပါတယ်။ ကြည်လင်နေတဲ့အခါ ရေအိုင်လေးထဲမှာ ကျွဲမျှော့ကြီးတွေ တဖျပ်ဖျပ်ကူးသွားတာကို
တွေ့နိုင်ပါတယ်။

လမ်းလေးအတိုင်း ဆက်လျှောက်လာတဲ့အခါ ကြက်တွေမွေးထားတဲ့ တဲကို တွေ့ပါမယ်။ ဆက်
လျှောက်ရင်း ရိုးလေးတစ်ခုကို ဖြတ်ပြီး ကန်ဘောင်ပေါ်မှာ ပေခြောက်ဆယ်ခန့် ရှည်တဲ့ ကြက်တဲ တစ်လုံး၊
ပြီးတော့ ငါးကန်တစ်ကန်၊ ကြက်တဲရဲ့ အမိုးနဲ့ တစ်ဆက်တည်းမှာ တစ်ဘက်ရပ်တဲလေးတစ်လုံး ကို အဖီ
ဆွဲထားပါတယ်။ အဖီအောက်မှာ ဝါးကွပ်ပစ်လေး ရိုက်ထားပါတယ်။ အဲဒီ ကွပ်ပစ်လေးရဲ့ အပေါ်မှာ
အသက်နှစ်ဆယ်ခန့် လူငယ်တစ်ဦးနဲ့၊ အသက်ငါးဆယ်ကျော်လူကြီးတစ်ဦး ထိုင်နေပါတယ်။ သူတို့နှစ်ဦး
အကြားမှာ ထိုခေတ်နာမည်ကြီး မန္တလေးရမ်တစ်လုံး၊ ဖန်ခွက်နှစ်ခွက်၊ အလယ်မှာ ကြွက်ကြော်အမြည်း
တစ်ပွဲနှင့်သောက်ရေကန်ထဲမှခပ်ထားတဲ့ရေဘူးတစ်ဘူး တင်ထားပါတယ်။
လူကြီးရဲ့ မျက်နှာက ခပ်ပြုံးပြုံး၊ တစ်ချက် တစ်ချက် ခေါင်းတဆတ်ဆတ် ငြိမ့်နေရဲ့။ လူငယ်ရဲ့
မျက်နှာက ခပ်ကုပ်ကုပ်မျက်မှောင်ကျုံ့လို့စိတ်အလိုမကျ ဖြစ်နေပုံ။

‘ကဲ မင်း ဖြေကြည့်လေကွာ။ ကိုယ်ကျင့်တရားဆိုတာ ဘာလဲကွ’ လို့လူကြီးက လှမ်းပြောပါတယ်။
‘မင်း နားလည် လက်ခံထားတာကို ပြောကွာ’ လို့ ထပ်ပြောပြီး ဖန်ခွက်ကို နည်းနည်းမော့လိုက်
တယ်။

‘အင်း၊ ကိုယ်ကျင့်တရားဆိုတော့ ငါးပါးသီလပေါ့’ လို့ လူငယ်က ခပ်ထွေထွေ ပြောတယ်။
‘စာအုပ်ထဲ အကိုးအကားကျမ်းတွေ စာပိုဒ်တွေကို ဖတ်ဖူးပေမယ့် ကိုယ်လက်ခံထားတာကို ခပ်လွယ်လွယ်
စကားနဲ့ပြောဖို့တော့နည်းနည်းခက်တယ်’ လို့လူငယ်တွေးနေတယ်။

‘လွယ်ပါတယ်ကွာ။ ကိုယ်ကျင့်တရား ဆိုတာကို လွယ်လွယ်ပြောရရင်မင်း မခံနိုင်တာကို သူများ
ကို သွားမလုပ်နဲ့ပေါ့ကွာ’ လို့လူကြီးက ပြောပြီး အခက်အခဲ အဖြေကို ပြောလိုက်တယ်။ ‘နောက်ပြီး၊ အမှား၊
အမှန်ဆိုတဲ့ ကိစ္စ။ မင်းတို့ ငါတို့ ဘယ်ဟာ အမှန်၊ ဘယ်ဟာ အမှားဆိုတာ လွယ်လွယ်ကူကူခွဲခြားနိုင်ကြ
တယ်ကွ။ ခွဲခြားတတ်ကြတယ်’
‘တကယ်ခက်တာ ခွဲခြားတဲ့ကိစ္စမဟုတ်ဘူးကွ။ လက်ခံတဲ့ကိစ္စ။ လက်ခံတယ်ဆိုတဲ့ သဘောဟာ
ကျင့်သုံးခြင်းရဲ့ အစဦး။ ကျင့်သုံးတယ်ဆိုတာနဲ့အကျိုးဆက်တွေကိုတာဝန်ယူရပြန်ရော’
‘ပိုခက်သွားပြီကွာ။ တစ်ခါတလေ ကိုယ်တစ်ယောက်ထဲရဲ့ ဆုံးဖြတ်မှုကြောင့် ကိုယ့်ဘဝ၊ ကိုယ့်
မိသားစု၊ ကိုယ့်မျိုးဆက်၊ ကိုယ့်နိုင်ငံသား အစရှိတာတွေ ဆက်သွားတတ်တယ်ကွ။ အဲဒီလိုပဲ၊ ငါ့ဘဝမှာ
ထောင်ဆယ့်တစ်နှစ်ကျခဲ့ဖူးတယ်။ နိုင်ငံရေးကြောင့် ငါးနှစ်တစ်ကြိမ်၊ ခြောက်နှစ်တစ်ကြိမ်၊ မင်းက ငါ့ကို
အခု မလုပ်တော့ဘူးလားလို့ဆက်မေးရင်၊ မလုပ်တော့ဘူးလို့ခံဝန်ထိုးထားရတယ်။ မထိုးရင်လည်း ထောင်
ထဲက ထွက်ရမှာ မဟုတ်တော့ဘူးကွ။ ငါဟာ မြန်မာနိုင်ငံ ရှေ့နေများကောင်စီရဲ့ အတွင်းရေးမှူး လုပ်ခဲ့
တယ်’

‘အခု ထောင်က လွတ်တော့ငါ့ရဲ့ လိုင်စင်ကိုသူတို့သိမ်းထားလို့ငါ လုပ်စားလို့မရဘူး။ ကားမောင်း
နေရတယ်။ ဒါပေမယ့်နိုင်ငံရေးနဲ့တော့ငါ အဆက်မပြတ်ပါဘူး’ လို့လူကြီးက တွေးဆဆနဲ့ပြောပြတယ်။
‘အခုလည်း သူငယ်ချင်းတစ်ယောက်ပြောလို့ ငါးခူစမ်းမွေးကြည့်နေတာ။ အခု ငါ့ဘဝမှာ တတ်နိုင်
သလောက်ပေးဆပ်ထားတယ်။ မင်းဟာ နိုင်ငံကျော်RIT ကျောင်းကြီးက ကျောင်းသား။ နိုင်ငံရေးသမား
ကြီးက RIT ကျောင်းသားကိုနိုင်ငံရေးလုပ်ဖို့ဆွယ်မယ်လို့မင်း မထင်နဲ့။ မစိုးရိမ်နဲ့’

‘မင်းကို ငါပြောသလိုပဲ လူဆိုတာ မှားတယ်၊ မှန်တယ်ကို ခွဲခြားရတာ လွယ်တယ်။ ဒါကို နားလည်၊
လက်ခံဖို့ခက်တယ်။ ငါပြောချင်တာက တစ်နိုင်၊ တစ်ကိုယ်စာ တာဝန်ယူပေးပါ။ ဥပမာ မင်းဟာ လမ်းဆုံးမှာ
မတ်တပ်ရပ်နေတယ်။ အဲ့ဒီအချိန်မင်းသိတဲ့ လူတစ်ယောက်ရှေ့က ဖြတ်ပြေးသွားတယ်။ သူ့ကို မင်းသိ
တယ်။ နိုင်ငံရေး လုပ်နေတဲ့လူကောင်း။ သူ့နောက်မှာ လူတွေနဲ့စစ်သားတွေ လိုက်နေတယ်လို့ဆိုပါစို့။

အဲဒီလူတွေ ရှေ့လူကို မျက်ခြေပြတ်သွားလို့ ဘယ်လမ်းကို ဟိုလူသွားသလဲလို့ မေးတယ် ဆိုပါစို့။ မင်း
ဘာလုပ်မှာလဲ။ မင်း ဟိုလူလွတ်အောင်လမ်းလွှဲကို လက်ညှိုး ထိုးပေးလိုက်ရုံပါပဲ။ အဲဒါကြောင့် လက်ညှိုး
လေး ထိုးပေးပြီး မင်းတစ်ကိုယ်စာပဲ တာဝန်ယူပါ’

(၃)

နေရာ - လှည်းတန်းမီးပွိုင့်ဝန်းကျင်
အချိန်- ၂၀၀၃ ခုနှစ်၊ ဖေဖဝါရီလ (ဘွဲ့ယူအပြီး သုံးလခန့်အကြာ)
ခပ်ပိန်ပိန် လူငယ်တစ်ယောက် စည်ကားသာယာလှတဲ့ လှည်းတန်းမီးပွိုင့် တစ်ဝိုက်တွင် လမ်း
လျှောက်နေပါတယ်။

‘ဟာ ဟေ့ကောင်၊ မင်း မင်း စိုးမင်းနိုင်မဟုတ်လား’ လို့ ရှေ့မှ ခပ်ပိန်ပိန်ကလန်ကလား မျက်လုံး
စွေစောင်းစောင်းနဲ့လူငယ်ကိုလှမ်းပြောလိုက်တယ်။
‘ဟာ ဟေ့ကောင်ကြီး’ လို့တွေ့ရမယ့်လူကို ကြိုသိထားသလို လေသံနဲ့ ပြန်ပြောပါတယ်။
ကွဲကွာသွားတဲ့ နှစ်ကာလတွေကို သူအသိအမှတ်မပြုဘူး။ လာကွာ လက်ဘက်ရည်ဆိုင်သွားရ
အောင်။

‘ဘယ်တုန်းက ရန်ကုန်ရောက်နေလဲကွ’ လို့ကျွန်တော်မေးလိုက်တယ်။
‘အေးကွာ။ နှစ်ပတ်လောက်တော့ရှိပြီကွာ’
‘ဘယ်မှာနေလဲ’ လို့ကျွန်တော်မေးလိုက်တယ်။
‘ဟိုရောက်၊ ဒီရောက်ပါပဲကွာ။ အခု အဆောင်မှာနေတယ်။ တစ်ခါတလေ ဘကြီး ဘုန်းကြီးဆီမှာ
သွားခိုးအိပ်တယ်။ အလုပ်တွေကတော့ အများကြီး လုပ်နေတယ်ကွ။ နေတာ၊ စားတာ၊ ကိုယ့်ပိုက်ဆံ
တစ်ပြားမှ မရှိဘူးဟ။ ဟိုကောင်ကို လည်ပင်းညှစ်၊ ဒီကောင်ကို လည်ပင်းညှစ်ပဲ။ ဒီကောင်တွေကလည်း
အခုကျောင်းပြီးလို့ရန်ကုန်မှာ အလုပ်လာရှာနေကြတာဆိုတော့ငါ့အတွက်ကွက်တိပဲပေါ့ကွာ။

ငါ့အကြောင်းကိုတော့ဖြေးဖြေးမှ ပြောတော့မယ်ကွာ’ လို့စိုးမင်းနိုင်က ကျွန်တော့်ကိုလှမ်းပြောတယ်။
‘ပြီးတော့မင်း အကူအညီလည်း လိုတယ်ကွာ’
‘ငါလည်း တော်တော်ရုန်းရတာကွ။ အရင်တုန်းက ကျောင်းမှာ အတူတွဲတဲ့ ကောင်တွေလည်း ငါ့လို
နိုင်ငံရေးနဲ့ ထောင်ကျပြီး ထွက်လာတဲ့ကောင်ကို မခေါ်ချင်၊ မပြောချင်ဘူးကွာ။ ဘကြီး ဘုန်းကြီးကလည်း
ဝန်ကြီးက ကိုးကွယ်ပြီး ကျောင်းဆောက်လှူထားတယ်ဆိုတော့ ငါ့ကို သူ့ဘုန်းကြီးကျောင်းမှာ မနေစေချင်
ဘူးလို့ပြောတယ်ကွ’

‘တစ်ရက်ငါ့အိမ်မှာ ထမင်းလာစားကွ’ လို့ချိန်းပြီး ကျွန်တော်တို့လမ်းခွဲလိုက်တယ်။
မဥက္ကလာ ဘုန်းကြီးလမ်းထိပ်ရှိ လက်ဘက်ရည်ဆိုင်အသေးလေးတစ်ခုမှာ စိုးမင်းနိုင်နဲ့ကျွန်တော်
ထိုင်နေပါတယ်။

‘မင်း သိတဲ့အတိုင်းပေါ့ကွာ။ ရန်ကုန်ကနေ ပြည်ရောက်သွားတယ်။ ဘုန်းမော်နှစ်ပတ်လည်ကဗျာ
စာအုပ်ထုတ်တယ်ကွာ။ ဇော်မင်းထိုက်ကျော်နဲ့ငါ အဖမ်းခံရတယ်’ လို့စိုးမင်းနိုင်က ပြောတယ်။
‘အခုဒီကောင်လွတ်ပလား’ လို့ကျွန်တော်ကြားဖြတ်မေးလိုက်တယ်။

‘ငါကတော့ နိုင်ငံရေး မလုပ်တော့ဘူးဆိုပြီး ခံဝန်ထိုးခဲ့လို့ ထွက်လာတယ်။ ဒီကောင်က ခေါင်းမာ
တယ်ကွ။ ခံဝန်တော့မထိုးနိုင်ဘူး၊ လွတ်ချင်မှလွတ်ဆိုတော့အထဲမှာ ကျန်ခဲ့တာပေါ့။ မင်း လုပ်ပေးနိုင်မယ့်
အကူအညီတစ်ခုတောင်းချင်တယ်ကွာ။ ငါ့အတွက်မဟုတ်ပါဘူး။ အထဲက လူတွေ အတွက်ပါ’

‘ဒီလိုကွာ။ ငါ အပြင်ထွက်လာတော့ အထဲမှာ နိုင်ငံရေးမှုနဲ့ ကျတဲ့ လူတွေစာရင်း လုပ်လာခဲ့တယ်။
ရသလောက်၊ သိသလောက်ပေါ့ကွာ။ တစ်ချို့ဆို မိသားစုက ချို့တဲ့လို့ ထောင်ဝင်စာတောင်မတွေ့နိုင်ဘူး
ကွာ။ အဲဒီလူတွေကို ထောက်ပံ့ချင်တယ်။ ငွေတစ်ခုထဲ မဟုတ်ပါဘူး။ စာအုပ်၊ ဆေးဝါး၊ အစားအစာ အစရှိ
သည်ပေါ့ကွာ။ လူတစ်ယောက်ကို တစ်လ ငါးရာကျပ်ထည့်မယ်ဆိုရင်ဆယ်ယောက်ဆို ငါးထောင်ကျပ်
ပေါ့ကွာ။ ငါ အခုမင်းနဲ့အခြားတစ်ယောက်ကိုထပ်ချိတ်ပေးမယ်။ မင်းတို့နှစ်ယောက်တိုင်ပင်ပြီး လုပ်ပေါ့’

‘လိုချင်တာတွေတော့စုလို့ရပါပြီ၊ ဘယ်လိုအထဲကိုပို့မလဲ’ လို့ကျွန်တော်မေးလိုက်တယ်။
‘အဲဒါတော့ မပူနဲ့။ ငါ ဆက်ပေးမယ်။ ဇော်မင်းထိုက်ကျော်ရဲ့ အစ်မက ရန်ကုန်သားနဲ့ အိမ်ထောင်
ကျပြီး မြောက်ဥက္ကလာမှာ နေတယ်။ သူတို့အိမ်ကို စနေ၊ တနင်္ဂနွေဆိုရင်သူ့အမေ လာတယ်။ ဇော်မင်း
ထိုက်ကျော်နဲ့ထောင်ဝင်စာတွေ့ဖို့သွားရင်ပစ္စည်းတွေ ပေးလို့ရတာပေါ့ကွ’ ဟိုပြောဒီပြော ပြောရင်း စိုးမင်းနိုင်ဟာ သူ့အကြောင်းကို ဒီလိုပြောပြပါတယ်။
‘ငါတော့ကွာ၊ ငါ့ညီမ နှစ်ယောက်ကို ယောက်ျား ပေးစားချင်နေတယ်ကွ’
‘ဟ ဘာဖြစ်လို့လဲ အလောတကြီး’ လို့ကျွန်တော်ပြန်ပြောလိုက်တယ်။
‘ငါ့အိမ်မှာ အရင်တုန်းက ရွှေဆိုင်ရှိတယ်။ သစ်စက်ရှိတယ်ကွာ။ အဆင်ပြေတယ်။ ချုံ့ပြောရရင်
အဲဒီအလုပ်တွေက ငါ နိုင်ငံရေးလုပ်တာနဲ့ ထောက်လှမ်းရေးက နှိပ်စက်လို့ အလုပ် မဖြစ်တော့ဘူး။
တော်တော် မွဲသွားပြီ။ ညီမနှစ်ယောက်ကို အိမ်ထောင်ချပြီးပြီဆိုရင် ငါ စိတ်တိုင်းကျတာ ဆက်လုပ်လို့
ရတာပေါ့ကွာ။ အခုတော့စိတ်မဖြောင့်ဘူး’ လို့အဝေးကိုလှမ်းကြည့်ရင်း စိုးမင်းနိုင်ပြောလိုက်တယ်။
တစ်ကြောင်းထဲ ဖြစ်အောင် ချုံ့ပြောလိုက်ပေမယ့် ဘယ်လောက် အခက်အခဲတွေ ဖြစ်ခဲ့မယ်
ဆိုတာကိုကျွန်တော်တွေးကြည့်ရင်း ငိုင်ကျသွားတယ်။

‘မင်း သတင်းစာဖတ်လား’ လို့သူက ကျွန်တော့်ကိုလှမ်းမေးတယ်။
ကျွန်တော်က ‘မဖတ်ဖြစ်ဘူး’ လို့ ပြန်ပြောလိုက်တယ်။
‘လွန်ခဲ့တဲ့ နှစ်ရက်က တရားဝင်စာ ထုတ်လိုက်ပြီကွ’ လို့ သူ ထပ်ပြောတယ်။ ကျွန်တော်ဘာမှ
နားမလည်ဘူး။

‘မင်း ငါ့ကိုအစ၊ အဆုံးပြောကွာ။ ငါ ဘာမှနားမလည်ဘူး’ လို့ကျွန်တော်ပြောလိုက်တယ်။
‘ဒီလိုကွ၊ ငါ နိုင်ငံရေး မလုပ်တော့ဘူးဆိုပြီး ခံဝန်ထိုးပြီး ထွက်ခဲ့တယ်။ နယ်ပြန်တယ်ကွာ။ အဲဒီမှာ
လူငယ်တွေကို စည်းရုံးတယ်။ စာသင်တယ်။ နောက်ဘာတွေ့လည်းဆိုတော့ ရေငန်ပုဇွန် မွေးမြူရေး
လုပ်ငန်း၊ စစ်တပ်က ကမ်းနားက လယ်တွေကို သိမ်းတယ်။ ပြီးတော့ လုပ်ငန်းရှင်တွေနဲ့ ပေါင်းပြီး ပုဇွန်
မွေးမြူရေး လုပ်တယ်ကွာ။ မင်း သိတဲ့အတိုင်း။ ငါတို့ဆီမှာ လယ်သမားဟာ သူလုပ်ကိုင်တဲ့လယ်ဧက
အလိုက် အစိုးရကို လျှော့ဈေးနဲ့ စပါးရောင်းပေးရတယ်။ ပြဿနာ ဘာဖြစ်လဲဆိုတော့ တရားဝင် မြေပုံ
ပေါ်မှာက လယ်မြေ၊ ဒါပေမယ့် တကယ်က ပုဇွန်ကန်။ အဲ့ဒီတော့ ပုဇွန်မွေးလို့ မရဘဲ လယ်တကယ်စိုက်တဲ့
လယ်သမားတွေဟာ ပုဇွန်ကန်လယ်တွေရဲ့ ကိုယ်တာစပါးကိုပိုပြီး ထည့်ရောင်းပေးရတယ်’
‘အဲဒါကို အဖြစ်မှန်ပေါ်အောင်ငါ မှတ်တမ်း အားလုံးယူဖို့ တပည့်တွေနဲ့ ကွင်းဆင်းတယ်။ Record
ယူတယ်။ နောက်တော့ ငထောက်တွေ သိသွားတယ်ကွ။ အဲ့ဒါ လမ်းပြနဲ့ ရခိုင်ရိုးမ တောထဲကနေ ဖြတ်ပြေး
ရတယ်။ ပြည်ရောက်ဖို့ တစ်ပတ်ကြာတယ်။ ဟိုကောင်တွေက ငါ့ကို ကားဂိတ်၊ လေယာဉ်ကွင်းမှာပဲ ပိတ်
စောင့်နေတာ ဆိုတော့ လွတ်လာတာပေါ့ကွာ။ ထမင်းတောင် ငတ်ခဲ့သေးတယ်ဟ။ ပြည်ရောက်တော့ ငါ
သိတဲ့ကောင်တွေကို လိုက်ရှာ။ ရန်ကုန်သွားဖို့ စရိတ်ကို လည်ပင်းညှစ်ရတာပေါ့ကွာ။ ကိုယ့်ပိုက်ဆံ
တစ်ပြားမှမရှိဘဲ လျှောက်သွားနေနိုင်တဲ့အရည်အချင်းက နည်းတာ မှတ်လို့ကွာ ဟီး’

(၄)

နောက်တစ်ရက်စိုးမင်းနိုင်နဲ့ ကျွန်တော်မြောက်ဥက္ကလာ အဝိုင်းဖက်မှာ လက်ဘက်ရည်ဆိုင်ထိုင်
ဖြစ်တယ်။

သူနဲ့အတူ ပါလာတာ ဟောက်ဆာဂျင်ဆင်းနေတဲ့ ဆရာဝန်တစ်ယောက်။ သူ့ပုံစံက ဆရာဝန်ပုံစံ
သိပ်မပေါက်သလို၊ အရာရာကို စိတ်ဓာတ်ကျနေတဲ့ ပုံပေါ်ပါတယ်။ ဟိုဒီစကားပြောရင်း စိုးမင်းနိုင်ကို
ကျွန်တော်သိချင်တာလေး မေးမိတယ်။

‘အထဲမှာလည်း လူတွေ အများကြီး ရှိတာပေါ့ကွာ။ ငါ သိတဲ့ လူတစ်ယောက်ကို သိမလားလို့’။
‘ဘယ်သူလဲ ပြောလေ’ လို့စိုးမင်းနိုင်ပြန်ပြောတယ်။
‘ရဲကျော်စွာ လို့ ခေါ်တယ်ကွာ။ ငါနဲ့ ကျောင်းမှာ Roll no. ချင်း ကပ်လျက်၊ အခု အရေးအခင်းတွေ
ဖြစ်ပြီးတော့မတွေ့တော့ဘူး’။ ‘သူက ထောင်ကျတာ သေချာရဲ့လား’ လို့ ပြန်မေးတယ်။
‘ကျတယ်လို့ ထင်တယ်ကွ။ ဘာလို့လဲဆိုတော့ ငါနဲ့ သိတဲ့ သူငယ်ချင်းတစ်ယောက်က သူ့
အကြောင်းကို ပြောတယ်။ ဆယ်တန်းအောင် အမှတ်ကောင်းလို့ အာအိုင်တီကို တန်းတက်လို့ မရဘူး။
ထောင်အရင်ကျနေသေးတယ်တဲ့’

‘အရေးအခင်း မဖြစ်ခင်သူနဲ့ ငါ စာအုပ်တွေ အကြောင်း ပြောဖြစ်တယ်။ တော်တော်စာဖတ်ထား
တယ်ကွ’ လို့ကျွန်တော်ပြန်ပြောလိုက်တယ်။

‘ငါနဲ့ ကျောင်းအပြန်ဘတ်စ်ကား အတူတူ စီးတာ၊ ကားပေါ်မှာ သူ့သူငယ်ချင်းတွေနဲ့ တွေ့တယ်။
ဟိုပြော ဒီပြောနဲ့၊ ပြီးတော့ ဘယ်သူ့ကိုတော့ ထောက်လှမ်းရေးက ဆွဲသွားပြီလို့ ပြောကြတယ်။ ပြောတဲ့
ပုံစံဟာ ဒင်းတို့ဘာလုပ်လုပ်ငါတို့ဂရုမစိုက်ဘူးဆိုတဲ့ပုံစံကွ’ ဟိုပြော ဒီပြောလုပ်ပြီး စကားဝိုင်း သိမ်းလိုက်ကြတယ်။
ကျွန်တော်နဲ့ စိုးမင်းနိုင် တစ်ရက်၊ နှစ်ရက်လောက် စမ်းချောင်းဘက်မှာရှိတဲ့ ခရစ်ယာန်
ဘုရားကျောင်းကို သွားကြသေးတယ်။ ကိစ္စကတော့ ဇော်မင်းထိုက်ကျော်ရဲ့အမေ ရန်ကုန်မှာ တည်းမယ့်
လိပ်စာကိုမေးဖို့ပါ။ နောက်တော့သူ့လိပ်စာကိုရလာခဲ့တယ်။

ကျွန်တော်တို့နှစ်ယောက် မြောက်ဥက္ကလာ၊ သုနန္ဒာလမ်းဘက်ကို ထွက်ခဲ့ကြတယ်။ လိပ်စာအရ
အိမ်ကိုလိုက်ရှာရတာပါ။ ကျွန်တော်တို့အိမ်ကို တွေ့တဲ့အခါ လှမ်းမေးလိုက်ပါတယ်။
‘အပေါ်တက်ခဲ့ပါ’ လို့ လူတစ်ယောက် လှမ်းပြောပါတယ်။ ပျဉ်ထောင် တစ်ထပ်အိမ်လေးပါ။
အပေါ်မှာ သပ်သပ်ရပ်ရပ် ရှိပါတယ်။ ပစ္စည်းနဲ့ ပုံစံအနေအထားအရ ခရစ်ယာန်ဘာသာဝင်၊ ကရင်လူမျိုး
တွေပါ။

ကျွန်တော့်ခေါင်းထဲကိုစိုးမင်းနိုင်နဲ့တွေ့ခါစက ဒီကောင်ပြောတဲ့စကားလေးကို ပြန်ကြားလိုက်သလို
ဖြစ်သွားတယ်။

‘ငါနဲ့ ဇော်မင်းထိုက်ကျော်ကို ဖမ်းထားတုန်းက နေရာက အတူတူပဲကွ။ ဒီမအေပေးတွေက ငါတို့
နှစ်ယောက်ကို အခန်းထဲက ထုတ်တယ်။ ပြီးတော့ ရခိုင် ငထောက်တစ်ယောက်နဲ့ ကရင် ငထောက်
တစ်ယောက်ရောက်လာတယ်။ ငါက ရခိုင်ဆိုတော့ ကရင်ငထောက်က ငါ့ကို မင်းလားကွ၊ ရခိုင်ကျောင်း
သားဆိုပြီး ရိုက်တယ်ကွ။ ရခိုင်ငထောက်က ဇော်မင်းထိုက်ကျော်ကို မင်းလားကွ ကရင်ကျောင်းသား ဆိုပြီး
ရိုက်တယ်လေ။’ ခဏနေတော့ အဒေါ်အရွယ် အမျိုးသမီးတစ်ယောက်နဲ့ စိုးမင်းနိုင် စကားပြောနေပါတယ်။
ကျွန်တော့်ကိုခေါ်ပြီး မိတ်ဆက်ပေးပါတယ်။

‘ဒါ ဇော်မင်းထိုက်ကျော်ရဲ့ အမေလေ၊ မင်း နောက်ဆက်သွယ်ပေါ့။’
‘ငါ့မှာတော့ ဒီအဖေ၊ ဒီသားနဲ့ မနားရပါဘူးကွယ်။ စနေ၊ တနင်္ဂနွေဆို ရန်ကုန်တက်လာပြီး၊ ကလေး
တွေကို စာပြရတယ်။ ပိုက်ဆံလေး နည်းနည်းရတာနဲ့ ထောင်ဝင်စာ သွားရတာပဲ။ တော်သေးတာပေါ့။
ကျန်းမာရေးလေး ကောင်းလို့။’

‘သူ့အဖေကလည်း ဘာမှ မရှာဖွေနိုင်ပါဘူးဟယ်’ ဆိုပြီး ကရင်လေယူလေသိမ်းနဲ့ ချက်ချင်းတွေ့တဲ့
သူစိမ်းကို အားပါးတရ ပြောပြလေရဲ့။ ကျွန်တော်လည်း လူစိမ်းဆိုတော့ ဘာမှ ဝင်မပြောတော့ပါဘူး။
အလိုက်သင့်အလျားသင့်ပဲ နေလိုက်ပါတော့တယ်။ ခဏနေတော့ဇော်မင်းထိုက်ကျော်ရဲ့ အမေနဲ့အစ်မကို
နှုတ်ဆက်ပြီး ထွက်လာခဲ့တယ်။

အပြန်လမ်းမှာ ကျွန်တော်မသိတဲ့ ဇော်မင်းထိုက်ကျော်အဖေ အကြောင်း နည်းနည်း မေးကြည့်ပါ
တယ်။

‘သူ့အဖေကလည်း ကျောင်းဆရာကြီးကွ။ နိုင်ငံရေးနဲ့ ခြေချုပ်ပေါ့ကွာ။ နယ်ဝေးသွားလို့ မရဘူး
လေ။’ ကျွန်တော်နှုတ်ဆိတ်ခဲ့ပါပြီ။
အဲဒီနေ့က ကျွန်တော့်ကို သူဒီလိုပြောတယ်။ ‘ငါ သွားတော့မယ်။ နယ်စပ်ကို သွားမယ်။ ချိတ်ပြီးပြီ။
ဘယ်ရောက်ဘယ်ပေါက်မလဲတော့ ငါမသိဘူး’ ကျွန်တော် ပိုက်ဆံအိတ်ကို ထုတ်ပြီး ငွေ ၃၀၀၀ သူ့ကို
လှမ်းပေးလိုက်တယ်။ ‘ငါလည်း အများကြီး မတတ်နိုင်ဘူး သူငယ်ချင်း။ စရိတ်ပေါ့ကွာ။’ လက်လှမ်းကာရင်း ကျွန်တော့်ကို ဒီလို ပြောလိုက်တယ်။ ‘နေပါစေကွာ။ မင်းဆီက ငါဘာမှ မလိုချင်
ဘူး။ ငါ့အစီအစဉ်လေးကိုပဲ ရသလောက် လုပ်ပေးပါ။ မင်း အခုလို ငါနဲ့လိုက်ပြီး တတ်နိုင်သလောက်
လုပ်ပေး။ အိမ်မှာ ခေါ်ထမင်းကျွေးတာကို ငါ သိပ်ဝမ်းသာတယ်သူငယ်ချင်း။ ဘာလို့လဲဆိုတော့ ငါတို့လို
နိုင်ငံရေးလုပ်ပြီး ထောင်ထွက်တွေကို အရင်တော်တော်ခင်မင်တဲ့ သူငယ်ချင်းတွေတောင်မခေါ်ချင်ကြဘူး။
ရော့ကွာ ပိုက်ဆံဆိုပြီး၊ နောက် မဆက်ဆံချင်တော့သလို လုပ်ကြတယ်။ ငါလည်း အကူအညီလိုတော့
ယူလိုက်ရတာပဲကွာ’

ဘယ်လိုဆက်ပြောရမှန်း မသိလို့ စားပွဲထိုးလေးကိုပဲ ပိုက်ဆံရှင်းမယ်လို့ ခေါ်လိုက်တယ်။ ‘ကဲ
သွားမယ်ကွာ’ လို့တစ်ချက်လှမ်းနှုတ်ဆက်သွားလေရဲ့။

(၅)

အဲဒီအစဉ်အစဉ်မှာ အလှူငွေရဖို့ကျွန်တော်တော်တော်လေး ကြိုးစားရပါတယ်။ အဓိက အချက်က
အဲဒီခေတ်ကာလဟာ ထောက်လှမ်းရေးခေတ်၊ နိုင်ငံရေးနဲ့ ပတ်သက်သူဆို အားလုံး ဝိုင်းရှောင်ကြတဲ့ခေတ်။
ပြီးတော့ ဒီအစီအစဉ်ကို လူသိအောင် လုပ်ပြီး အလှူခံဖို့ဆိုတာ မဖြစ်နိုင်ပါဘူး။ အဲဒီတော့ ကျွန်တော်နဲ့
ရင်းနှီးပြီး ရနိုင်လောက်တဲ့ သူငယ်ချင်းတွေဖြစ်တဲ့ ဇော်လေး၊ နိုင်ဝင်းဆွေ၊ ကိုမျိုးနန္ဒတို့ ထည့်ဝင်
ပေးပါတယ်။ ကျွန်တော့်အိမ်မှလည်း ငွေထည့်ပါတယ်။ အဓိက ကျွန်တော်ပေးချင်တာ စာအုပ်။ စာအုပ်ဖတ်
မှကျွန်တော်တို့စိတ်ဓာတ်ခွန်အား ရမယ်။ အတတ်ပညာ ရမယ်။

အခြေအနေ တစ်ခုကို လက်ခံနိုင်မယ်။ ပြောင်းလဲဖို့ ကြံဆနိုင်မယ်။ ကျွန်တော်စုဆောင်းထားတဲ့
အင်ဂျင်အတတ်ပညာ စာအုပ်များ၊ ဘာသာရပ်သင်စာအုပ်များ၊ စိတ်ဓာတ်ခွန်အားပေး ဝတ္ထုကောင်းတွေ
ကို ကျွန်တော်လှူဒါန်းခဲ့ပါတယ်။ ကျွန်တော်ခင်မင်ခဲ့တဲ့ နိုင်ငံရေးသမားဟောင်းကြီးလို ထောင်မှထွက်ပြီး
ဘာမှ မလုပ်တတ်ဖြစ်မှာ စိုးရိမ်တယ်လေ။ နိုင်ငံရေးသမားဆိုတာ စာဖတ်တဲ့လူတွေ၊ ဒီလူတွေ ဖတ်ဖို့အခွင့်
အရေးရရင်၊ စာအုပ်ရှိရင်၊ တော်တော်အခြေအနေကောင်းပြီ။ မဖတ်နိုင်အောင်ဆိုးတဲ့ အခြေအနေတွေကို
လည်း ကျွန်တော်ကြားဖူးတယ်။

အစီအစဉ် နှစ်လ၊ သုံးလလောက် ဖြစ်ခဲ့ပါတယ်။ ကျွန်တော်နဲ့အတူ ဆက်လုပ်ဖို့ စီစဉ်ခဲ့သူလည်း
ပါဝင် မလာခဲ့ပါဘူး။ ရန်ကုန်မှာ ဆက်သွယ်ဖို့အိမ်ဟာ ဇော်မင်းထိုက်ကျော် ယောက်ဖ အိမ်ပါ။ သူ့အစ်မ
ဆရာအတတ်သင် သင်တန်း တက်ပြီးလို့ တာဝန်ကျတဲ့နယ်ကို ပြောင်းသွားချိန်မှာ အဆက်အသွယ် မရ
တော့လို့ဆက်မလုပ်ဖြစ်ပါဘူး။

သူတို့ကိုလည်း နားလည်ပေးပါတယ်။ နိုင်ငံရေးသမားကို ထောင်ဝင်စာအတွက်ထောက်ပံ့နေတယ်
ဆိုတာ အဲဒီအချိန်က လွယ်တဲ့ကိစ္စ မဟုတ်ပါဘူး။ မိမိကိုယ်ကိုလည်း နားလည်ဖို့ ကြိုးစားပါတယ်။
ကျောင်းသားဘဝ လူစု၊ လူဝေးနဲ့ ပါဝင်ပြီး၊ နိုင်ငံရေး လုပ်တာထက်၊ ဘွဲ့ရပြီးခါစ ဘာမှ မလုပ်ရသေးမီဒီလို
ပါဝင်လှုပ်ရှားဖို့တော်တော်သတ္တိမွေး ပေးရပါတယ်။

အခုအချိန်ပြန်စဉ်းစားတော့ဘာမှ မဟုတ်တော့သလိုပါပဲ။ တစ်ချိန်က ကူညီရတယ်ဆိုတာလည်း
ဘာမှ မယ်မယ်ရရ မဟုတ်ခဲ့ပါဘူး။ တစ်ခါတလေ ကျွန်တော်ဒီလောက်လေးပဲ လုပ်ပေးနိုင်ခဲ့သလားဆိုပြီး
နောင်တရမိပါတယ်။

အဲဒီနောက်ဒေါက်ဆင်းပြီး၊ သင်္ဘော လိုက်ဖြစ်သွားပါတယ်။
သင်္ဘောသား အရာရှိ စာမေးပွဲဖြေဖို့သူငယ်ချင်းတွေနဲ့ဗိုလ်တထောင်ဘက်မှာ ကျွန်တော်စာကျက်
ပါတယ်။ ဘုရားလမ်းနားမှာ တစ်ခါတစ်ရံ လက်ဖက်ရည်ဆိုင်ထိုင်ကြပါတယ်။ တစ်နေ့ လက်ဖက်ရည်ဆိုင်
ထိုင်အပြီး၊ ပြန်အလာမှာ လူတစ်ယောက်နဲ့တည့်တည့်တိုးပါတယ်။ မေ့ဖို့ခဲယဉ်းတဲ့မျက်နှာပိုင်ရှင်၊ မျက်မှန်
ထူထူနဲ့ခပ်ပိန်ပိန်လူပါ။ အခုခေတ်တေးရေး/ဆို-အရိုးနဲ့ခပ်ဆင်ဆင်တူပါတယ်။
ရဲကျော်စွာ (ခေါ်) ငှက်ကြီး။
‘ဟေ့ခင်ဗျား ဘာလာလုပ်တာလဲ’ လို့ကျွန်တော့်ကိုလှမ်းမေးပါတယ်။
‘ကျွန်တော်ဒီနားမှာ ရေကြောင်းစာမေးပွဲဖြေဖို့စာကျက်ရင်း ခဏလာနေတာလို့ပြောလိုက်တယ်’ သူနဲ့အတူပါလာတဲ့လူဟာ ကျွန်တော့်ကို စူးစိုက်ပြီး ကြည့်ပါတယ်။ သူက ‘ရပါတယ်။ အေးဆေးပါ။
ကျွန်တော်တို့သူငယ်ချင်းတွေပါလို့ပြောတယ်’ ကျွန်တော်လည်း ကိုယ့်သူငယ်ချင်းတွေကို ‘မင်းတို့ သွားနှင့်ပါ’ လို့ လှမ်းပြောလိုက်ပါတယ်။
ရဲကျော်စွာကို မြင်ရတာ ကျွန်တော် စိတ်ချမ်းသာပါတယ်။ ဘာကြောင့်လဲဆိုတော့ ကျောင်းတက်တုန်းက
ပုဆိုးတိုတို၊ ခပ်ကိုင်းကိုင်း၊ လွယ်အိတ် ဘေးလွယ်တဲ့ပုံစံ။ အခုအချိန်မှာ တီရှပ်၊ ဘောင်းဘီရှည်အဖြူနဲ့
သပ်သပ်ရပ်ရပ်ဖြစ်နေပါတယ်။

‘အခု ခင်ဗျားရော ဘာလုပ်နေလဲ’ လို့မေးလိုက်ပါတယ်။ ‘ကျွန်တော်ဝိုင်အိုင်တီတော့ဆက်မတက်
ဖြစ်တော့ဘူး။ အခုNCC တက်နေတယ်’ လို့ပြောတယ်။
‘ခင်ဗျားရော၊ နိုင်ငံခြား မသွားသေးဘူးလား’ လို့ကျွန်တော်မေးလိုက်တယ်။
‘အင်း ကျွန်တော့်အသိတွေဆို တော်တော်သွားကြပြီ။ ကျွန်တော်လည်း သွားမှာပေါ့ဗျာ။ အခုတော့
ကျောင်းတက်လိုက်ဦးမယ်။ ပညာတတ်ဖို့လိုတယ်လေ။ ဟဲဟဲ။’

‘ခင်ဗျားရော ဒီပနီတွေ ဖတ်သေးလား။ ကျွန်တော်တို့ ဆွေးနွေးဖြစ်တာတွေလေ’ လို့ သူချက်ချင်း
အတိတ်က အကြောင်းအရာတွေ ပြန်ပြောတယ်။ ကျွန်တော်တကယ်မမှတ်မိတော့ဘူး။ ရေးတေးတေးပါပဲ။
‘ခင်ဗျားကို ဘယ်လို ဆက်သွယ်ရမလဲ’ လို့ ကျွန်တော် မေးလိုက်တယ်။ ‘အဲ့ဒါ ကျွန်တော့် အီးမေး။
ဆက်သွယ်ပေါ့ဗျာ’ လို့ဆိုပြီး စာရွက်လေးမှာ ရေးပေးခဲ့တယ်။
သူ တိတ်တဆိတ်နှုတ်ဆက်ထွက်သွားတယ်။ အခုအထိကျွန်တော်ကတော့ ဆက်သွယ်ရှာဖွေ
နေရတုန်း။

စာအုပ်အရ (နေလင်း ရေးသားသော လူရှင်သင်္ချိုင်းများ) သူဟာ အသက်၁၅ နှစ်မှာ ထောင်ကျခဲ့
ရသူ။ အခြေခံကျောင်းသားသမဂ္ဂ(အ.က.သ)၊ ဗိုလ်တထောင်မြို့နယ်မှ ပါဝင်သူ။ သူထောင်ထဲမှာနေတုန်း
သူ့အဖေ ဆုံးတာကို တည်ငြိမ်စွာနဲ့ လက်ခံခဲ့သူ။ တမင်တကာ စာမေးပွဲဖြေခါနီးမှ ထောင်မှ လွှတ်ပေးခဲ့
ပေမယ့်စက်မှုတက္ကသိုလ်ဝင်တဲ့အထိတော်ခဲ့သူ။ စာအုပ်ထဲမှာ သူ့ကို ၁၉၉၀ ခုနှစ်၊ ဒီဇင်ဘာ ကျောင်းသား
အခွင့်အရေး လှုပ်ရှားမှုမှာ ပါဝင်ပတ်သက်လို့ ထောင် (၁၉) နှစ်အချခံခဲ့ရတယ်လို့ ရေးသားထားပေမယ့်၊
ကျွန်တော့်အမြင်အရ ၁၉၉၆ ခုနှစ်၊ ဒီဇင်ဘာ အရေးအခင်း ဖြစ်နိုင်မယ်လို့ထင်မိပါတယ်။

အခုဘယ်ဆီကိုမင်းရောက်နေမလဲ... သင်္ဘောရဲ့အရာရှိများ ထမင်းစားခန်းမှာ 3/E နဲ့E/O ထမင်းစားရင်း စကားပြောနေပါတယ်။
‘ဆောရီးပဲ E/O ကြီးရေ၊ ကျွန်တော်ညက များသွားလို့ စကားတွေ မှားသွားတယ်’ လို့ 3/E က
လှမ်းပြောလိုက်တယ်။

‘ရပါတယ်ကောင်လေးရယ်။ ဒီလိုပါပဲ’
‘ရိုးသားတဲ့ ကောင်တွေက မူးအောင်သောက်ပြီး၊ ဟိုပြော ဒီပြော ပြောကြတာပဲကွ။ မရိုးသားတဲ့
ကောင်တွေကတော့နည်းနည်းချိုသောက်သူများပြောတာ နားထောင်ပြီး၊ေ-ာက်တင်းပြောတဲ့ကောင်တွေ။
သင်္ဘောသားတွေ သင်္ဘော မလိုက်တော့ဘူး။ ရပ်တော့မယ်လို့ တော်တော်ပြောတယ်ကွ။ ငါတွေ့ဖူး
သလောက်ကတော့ အသက်၂၀ ပထမဆုံး အခေါက်ကတည်းက ရပ်ဖို့လုပ်တာ အသက်၅၀ ကျော်အထိ
ရေထဲမှာ ရှိတုန်း’

‘မင်းကတော့ ကြီးကြီးကျယ်ကျယ် ဂလိုဘယ်လိုက်ဇေးရှင်းတွေ ဘာတွေ စွတ်ပြော၊ နိုင်ငံရေး
လုပ်ဦးမယ် ဆိုပြီး ပြောတော့၊ လောလောဆယ် ငါ တွေ့တဲ့ သင်္ဘောသားထဲမှာ မင်းဟာ အထူးဆုံး
မဟုတ်ရင်၊ အရူးဆုံးပေါ့ကွာ’ လို့E/O ကြီးကပြောပြီး 3/E ကိုပိဿာလေးနဲ့လှမ်းထုလိုက်ပါတော့တယ်။
3/E ကတော့‘ဟီးဟီး’ တဲ့။


နေရာ - စမ်းချောင်း မကြီးကြီးလမ်းတဝိုက်Beer ဆိုင်ငယ်လေး
အချိန်- ၂၀၀၈ ခုနှစ်ဝန်းကျင်
ပါဝင်သူများ - သင်္ဘောသား နှစ်ဦး၊ ကျူရှင်ဆရာ တစ်ယောက်၊ ဂလိုဘယ်လိုက်ဇေးရှင်း ဆရာကြီး၊
ဂရက်ဖစ်ဒီဇိုင်နာ တစ်ဦး။

‘ဆရာ ဘာသောက်မလဲ’ လို့ ကျူရှင်ဆရာမှ စာရေးဆရာကြီးကို ခပ်တိုးတိုး မေးလိုက်တယ်။
မျက်မှန်ထူကြီးနောက်မှ တွေးဆဆ မျက်လုံးနဲ့ဝင့်ကြည့်ပြီး ‘ကျုပ်အတွက်တော့ဘီယာပဲ လုပ်ပါဗျာ’
‘ကျုပ်ကတော့ လမ်းပေါ်ထွက်တဲ့ နိုင်ငံရေးတွေ မလုပ်စေချင်တော့ဘူးဗျ။ နိုင်ငံ နာလှပြီလေ။
အရေးအခင်း တစ်ခါဖြစ်ရင် တစ်ခါလူငယ်တွေ ကုန်တာပဲဗျ။ ကျုပ်ရေးတဲ့ စာတွေဖတ်၊ ပြီးတော့ နှီးနှော
မေးမြန်းတဲ့ လူငယ်တွေ ရှိတယ်။ စာဖတ်နာသလို ကိုယ်ပိုင်အတွေးအခေါ်လည်း ရှိကြတယ်ဗျ။ ကဲ အခု
အရေးအခင်းလည်း ပြီးရော၊ ထောင်ထဲ ရောက်သူရောက်၊ ပြေးသူပြေးပဲ။ သူတို့ရဲ့ လေ့လာမှုနဲ့ နောက်
ငါးနှစ်လောက်ဆို နေရာအသင့် ရနိုင်တဲ့ လူငယ်တွေ ခါးပြတ်သွားပြီ။ ဒါတွေဟာ မွေးမြူထားတဲ့ ကြက်တွေ
လိုအရေအတွက်အများကြီး မရှိဘူးဗျ။’

‘သဘာဝအလျှောက်တစ်ခါတစ်ရံသာ ပေါ်တဲ့ရှားပါးတွေ။ အခု မြန်မာနိုင်ငံ အာဆီယံ ဝင်တယ်။
ဘာဖြစ်လဲ။ လောလောလတ်လတ် လူငယ်ပညာတတ်တွေ သူတို့ဆီ ရောက်သွားပြီ။ xxx xxx xxx။
နောက်ပြီးတော့လက်ခံဖို့ ခက်ခဲတဲ့ အမှန်တရားတစ်ခု ရှိတယ်။ အားလုံးမှာ တာဝန်ရှိတယ်။ အခု နိုင်ငံဟာ
စစ်အာဏာရှင်စနစ်၊ အဆင်းရဲဆုံးနိုင်ငံ စာရင်းဝင်၊ လုံးဝ အမှန်တရား။ အဲ့ဒီအတွက် ဘယ်သူ့ကြောင့်လို့
မပြောနဲ့။ နည်းတာ၊ များတာပဲ ကွာတယ်ဗျ။ အားလုံးမှာ တာဝန်ရှိတယ်။ တည့်မတ်ဖို့လည်း အားလုံးမှာ
တာဝန်ရှိတယ်။’

(၆)

အနှစ်၂၀
ဟင်ခဏလေးပါလားကွယ်။
နေရာ - ကန်တော်ကြီးပတ်လမ်း White Rice Restaurant
အချိန်- ဒီဇင်ဘာ ၂၆၊ ၂၀၁၅။
ဝင်းထဲသို့ ကားချိုးကွေ့လိုက်သောအခါ ဝင်းတံခါးအနီးတွင် ‘ယနေ့ ဧည့်သည်များ၏ ကြိုတင်
မှာကြားထား၊ နေရာယူထားမှုကြောင့် အခြားဧည့်သည်များကို ယနေ့ လက်မခံနိုင်တော့ပါ’ ဆိုတဲ့ စာသား
လေးကိုတွေ့လိုက်ရတယ်။
လှေကား အတက်နားမှာ စားပွဲတစ်လုံးချပြီး လက်မှတ်နဲ့နာမည်ကဒ်လေးတွေ ယူလို့ရပါတယ်။
အဲဒီနေရာမှာ ဆရာမြတ်မော်ရဲ့ ပြောင်ဖြီးဖြီး မျက်နှာကြီးကို တွေ့လိုက်ရပြီး၊ ‘ကံစမ်းမဲ လက်ဆောင်
လေးတွေ နှိုက်ကြည့်ပါ။ Roll Sheet လေးတွေ လက်မှတ်ထိုးကြပါဦး’ လို့အော်နေပါတယ်။
ကောင်လေး တစ်ယောက်က အစ်ကိုခေါ်ပြီး၊ အိတ်ကို ထိုးပေးပါတယ်။ နှိုက်လိုက်ပြီး၊ အသီးလေး
ကို ပြလိုက်တော့ ‘ပေါက်ပါတယ်’ လို့ပြောပါတယ်။
မဲနှိုက်နေတဲ့ သုံး၊ လေးယောက်လောက်ကို ကျွန်တော်ကြည့်တာ၊ အားလုံး ပေါက်မဲတွေပဲ ဖြစ်နေ
တယ်။ ‘အင်း တော်တော်ပေါက်မဲ များတာပဲ’ လို့တွေးလိုက်မိတယ်။ ‘အားလုံးကို ပျော်စေချင်တဲ့စေတနာနဲ့
(ဗလာမဲများတဲ့ လက်တွေ့ဘဝမှာ မဲပေါက်ခဲ့လို့) အနှစ်၂၀ အစီအစဉ်အဖြစ်ပေါက်မဲတွေချည်း စီစဉ်ထား
တာလား’စားပွဲနားမှာ အလှကုန်ပရိုမိုးရှင်းလုပ်နေတဲ့အလှမယ်ကေခိုင်ကို တွေ့ပါတယ်။ အလှမယ်ကေခိုင်
ရဲ့ ကိုယ်လုံးဟာ နှစ်၂၀ တိုက်စားပေမယ့် နဂိုအတိုင်း ထိန်းထားနိုင်ဆဲပါ။ တစ်ချို့က လှဆဲ၊ တစ်ချို့က
ဝဆဲ ဆိုပါတော့။

မကြာခဏ ဆုံရတဲ့ ဘော်ဒါတစ်သိုက်ကိုလည်း တွေ့ရပါတယ်။ နောက်ထပ်လူတွေ တစ်သုတ်ပြီး
တစ်သုတ် ထပ်ရောက်လာပါတယ်။ အဲဒီအချိန် ဥက္ကဌကြီး ဦးကြာနဲ့ ဆရာကိုကြီးတို့လည်း အပေါ်မှ
ဆင်းလာပါတယ်။
ထုံးစံအတိုင်း သူ့အစုနဲ့သူဓာတ်ပုံရိုက်၊ Selfie ဆွဲကြနဲ့အလုပ်များနေကြပါတယ်။
ကျွန်တော်ဟိုဒီကြည့်ပြီး၊ ပုံရိပ်တွေကို ဖမ်းဆုပ်ဖို့ ကြိုးစားကြည့်ပါတယ်။ ကိုယ်နဲ့ သိပြီး၊ မတွေ့တာ
ကြာပြီဖြစ်တဲ့သူတွေကိုမှတ်မိဖို့ ကြိုးစားသလို၊ ရေးတေးတေး မှတ်မိတဲ့လူတွေကို ပြုံးပြ၊ ပြောင်းလဲသွားတဲ့
မျက်နှာနဲ့ပုံပန်းကို ဖေါ်ဖို့ ကြိုးစားကြည့်ရပါတယ်။
ပုံရိပ်တွေဟာ မြန်ဆန်လွန်းလို့တစ်ခါတလေ ပုံဖေါ်လို့ မဆုံးခင်၊ နောက်မျက်နှာတစ်ခု ထပ်ရောက်
လာပါတယ်။

ခဏကြာတဲ့အခါ အပေါ်ကိုအုတ်လှေကားမှတက်လာခဲ့ပါတယ်။
ဟိုဝိုင်း ဒီဝိုင်း လိုက်ကြည့်၊ ဟာ ဟေ့ကောင် ဆိုတဲ့ အသံတွေ၊ ဝလာတယ်ကွ၊ အရင်အတိုင်းပဲ
ဆိုတဲ့အသံတွေလည်း မကြာခဏ ကြားမိပါတယ်။ မိန်းကလေး ဝိုင်းတွေဟာ ဓာတ်ပုံတွေ တဖျပ်ဖျပ်။
ခေါင်းချင်းဆိုင်ရင်း တခစ်ခစ် ရယ်သံတွေ ပျံ့လွင့်နေပါတယ်။ အစီအစဉ်မှူးတွေဟာ တော်တော်
လေး အော်ပြောကြပေမယ့် ကျွန်တော်ကိုယ်တိုင်အပါအဝင်ချီးယားတွေ တစ်ခါပြီး တစ်ခါလုပ်လို့ ဂရုကို
မစိုက်ကြပါဘူး။

အလယ်မှ စင်မြင့်လေးဟာလည်း ဓာတ်ပုံရိုက်အဖွဲ့သားများရဲ့ အသုံးတော်ခံပေါ့။ အဖွဲ့စီစဉ်သူများ
ရဲ့ စေ့စပ်သေချာ၊ စေတနာကို လုံးဝအတိုင်းသား မြင်ရပါတယ်။ အနှစ်၂၀ အတွင်း ပထမဆုံးအကြိမ်လူ
အများကြီးကိုဆုံတွေ့နိုင်ဖို့စွမ်းဆောင်ပေးတဲ့အတွက်ကျေးဇူးပါ။
ကွယ်လွန်သွားသူများအတွက်ငြိမ်သက်ခြင်းနဲ့အောက်မေ့သတိရဖြစ်လို့...။

....

......

‘ငါ့အနီးအနားက ငါးစာပဲ ငါစားတတ်တော့တယ်’
‘ဒါနဲ့စကားမစပ်ခင်ဗျားနာမည်ဘာပါလိမ့်’
‘တစ်ခန်းထဲ အနေကြာတော့ငါမေ့သွားပြီ’
‘မသက်သာလို့တံခါးကြားက လက်ထုတ်တစ်ညလုံး မအိပ်တဲ့မြို့’ ....

..... ကဗျာတစ်ပုဒ်ကိုဈာန်ဝင်ပြီး၊ သံစဉ်အနိမ့်အမြင့်နဲ့သီချင်းဆိုနေတဲ့ရှမ်းကြီး... ခေတ်က ကိုယ့်အပေါ် တင်ပေးလိုက်တဲ့တာဝန်ကိုဘယ်လောက်ပခုံးထမ်းခဲ့သလဲ... ကိုယ့်ဘဝတူတွေရဲ့ အခွင့်အရေး တိုးတက်ဖို့ဘယ်လောက်လုပ်ပေးခဲ့သလဲ... မတရားမှုကိုခေါင်းနဲ့တိုက်ပြီး၊ တံခါးများကိုဖွင့်ခဲ့သူများ... ချောတိုင်တက်ပွဲမှာ အလံရဖို့အနင်းခံပေးခဲ့သူတွေ... ထိုသို့သော သူတွေအတွက်မမေ့မပျောက်ဒီပွဲမှာ မှတ်တမ်းတင်ခဲ့လို့... မှတ်တမ်းဝင်တွေ ဖြစ်ခဲ့ပြီ...

....

......

‘စက်တွေမှာ သမဂ္ဂမရှိဘူး... စက်တွေမှာ သမဂ္ဂမရှိဘူး’
‘စက်တွေမှာ သမဂ္ဂမရှိဘူး...’
‘ဟုတ်တယ်ခင်ဗျား ပြောသလိုပဲ’
‘လည်ပင်းပေါ်က ရေစိုဘွတ်ဖိနပ်ကြီး ချွတ်ပစ်ရလိမ့်မယ်’
‘ကြာတော့ငါ့အသား ငါတောင်မစားချင်တော့ဘူး’
‘ငါ့အနီးအနားက ငါးစာကိုပဲ စားတတ်တော့တယ်’ ကဗျာရွတ်သံဟာ ဂီတ ရက်သမ်အတိုင်း နိမ့်မြင့်တက်ကျ၊ နီးလိုက်...၊ ဝေးလိုက်...။

ကျွန်တော့်စိတ်တွေလည်း အတိတ်သူငယ်များဆီသို့ ရောက်လိုက်၊ မရောက်လိုက်၊ ရီဝေဝေ ဖြစ်လို့
နေ။ အခမ်းအနားရဲ့ လူရှင်းတဲ့ ဒေါင့်လေးကို တစ်ယောက်ထဲသွား၊ အတိတ်နဲ့ ပစ္စုပ္ပန် လွန်းပျံထိုးပြီး၊
အဖြစ်အပျက်တွေ ပုံရိပ်နဲ့ အသံတွေကို အဇ္ဈတ္တထဲအထိ တိုက်ရိုက်သိအောင် စွမ်းဆောင်ရင်း တခဏ
ရှောင်ခွာ နေကြည့်ခဲ့မိပါတယ်။

နှစ်၂၀ ပွဲမှ ချည်တိုင်သို့ တစ်ယောက်ထဲ ကားမောင်းပြန်ရင်း၊ အမှတ်မထင်စိုင်းထီးဆိုင်သီချင်း
လေးကို ကြားလိုက်ရပါတယ်။
“အလင်းရောင်ရဖို့အပူခံ
အရည်ပျော်ခံတဲ့ဖယောင်းတိုင်ရယ်
ဖယောင်းရည်လေး တစ်စက်စက်ကျတာ
သူ့ရဲ့မျက်ရည်ပဲ
သို့ပေမယ့်လည်း အမှောင်ကိုခွင်းမယ့်အလင်းရောင်သူဆောင်ကြဉ်းမိခိုက်မှာ
ကျေနပ်ရင်းနဲ့တမြေ့မြေ့
ကျွမ်းလောင်ခဲ့ရ သူ့ခန္ဓာ... မိုးသည်းထန်ကျလို့ကြွေပြီ
ကြွေချိန်မတန်တဲ့ပန်းတစ်ခိုင်ရယ်
ပန်းအကြွေတွေ ပွင့်ဖတ်မဲ့ကာ အလှအပမဲ့ပြီကွယ်
သို့ပေမယ့်လည်း ကမ္ဘာမြေ စိမ်းလန်းသွားရင်
အကြွေခံနွမ်းလျမှုကိုကျေနပ်ရင်းနဲ့တရစ်ရစ်
ပျက်ကျေခဲ့ရ သူ့ခန္ဓာ...

(အို.. အို... အို.... စွန့်လွတ်ခဲ့သူတွေ စွန့်လွတ်ရင်းနဲ့ပျက်ကြွေ
မျက်ရည်တွေ
အသက်ပင်သေသေ
အသုံးဝင်မှုတစ်ခုရှိရင်လေ စွန့်လွတ်ရင်းနဲ့နှစ်သိမ့်ကျေနပ်နေ...)” သတိတရ တမ်းတခြင်းဖြင့်

တင်ဝင်းထွန်း

(စာကြွင်း - သူငယ်ချင်း စိုးမင်းနိုင်၊ ဇော်မင်းထိုက်ကျော်၊ ကွယ်လွန်သွားပြီဖြစ်သော ကျွန်တော်ခိုနားခဲ့တဲ့
အင်းလေးအခန်းပိုင်ရှင် ဥာဏ်လင်းမင်း (Chem)၊ သူ့အခန်းဖော် နိုင်ကျဉ်းဖြစ်ခဲ့သူ နေဇာဖြိုး၊ နိုင်ကျဉ်း
ဖြစ်ခဲ့သူအောင်ကျော်ဟိန်း၊ ခဏတာတွေ့ခဲ့သူရဲကျော်စွာ အစရှိတဲ့ စွန့်လွှတ်ခဲ့သူများနှင့် အခြား ကျန်ရှိနေ
သော စွန့်လွှတ်ခဲ့သူများအား အမှတ်တရအဖြစ်ဤစာစုကိုရေးသား လိုက်ရပါတယ်။
ရှမ်းကြီး ရွတ်ဆိုသော ကဗျာမှာ စာသား - ကိုရည်မွန်(ခ) မောင်တင်သစ်။ သံစဉ်- ကိုရာကျော်
ဖြစ်ပါတယ်။

နောက်ဆုံးသီချင်းမှာ စိုင်းထီးဆိုင်၏ ‘စွန့်လွှတ်သူများ အတ္ထုပတ္တိ’ ဖြစ်ပါသည်။)

Read More