ဝိုင်း ရေ
မင်းပြောတဲ့ ရုပ်ရှင်လောက ဆိုတာကြီးအတွက်
တခွဲသားနဲ့ ငါ့မာနတွေ မြေခ လည်းငါမမှု ၊
ငါ့အလုပ်က လူချစ်အောင်လုပ်ရတဲ့သရုပ်ဆောင်
လူမုန်းများလည်း ငါ့ရှေ့ဆက်ခဲ့ ၊
လှတ ပ တ နဲ့ နုရွအောင်နေဖို့လိုပေမယ့်လည်း
ခု ငါ့ရုပ်ကြီး အိုစာကျ ၊
ရှုတင်ကိုအမြဲအချိန်မှန် ခဲ့တဲ့ လူမင်း ခု အမြဲနောက်ကျနေရတာ ငါ ၊
မင်းပြောတဲ့ ခေါင်းဆောင် တယောက်
ငါ ဖြစ်ချင်ခဲ့တာမဟုတ်ဘူး ၊
( ဒီခေတ် ဒီအခြေအနေမျိုး မှာ )
တာဝန်ယူမယ့် သူ
တာဝန်ယူရဲ သူ
တာဝန်ယူနိုင်မယ့် သူ မရှိလို့ ငါ ဝင် ရင်းတာ ၊
အခု ကိုမျိုးမင်း ကိုနို့တစ် စာပို့ရတဲ့ ကိစ္စ
ဒီလိုတွေ မဖြစ်ချင်လို့  ငါ ဘယ်လောက်အထိ
သည်းခံခဲ့တယ်ဆိုတာ မင်းအသိဆုံးပါ
မီဒီယာပေါင်းစုံမှာကြိမ်ဖန်များစွာပြောလိုက်တာ ဆိုတာ ရစရာ မရှိဘူး
ငါ့အစား ပေါက်ကွဲချင်တဲ့ သူတွေကိုတောင် ငါ
ထိန်းခဲ့တာ ၊
ပြီးခဲ့တဲ့ အကယ်ဒမီ ပွဲ ဂယက်တုန်းကလဲ
မီဒီယာ စုံညီရှေ့မှာ သူ့ကို ငါဖြေရှင်းခဲ့တယ်လေ
အဲဒီနောက်ပိုင်း အစည်းအရုံးကလုပ်တဲ့ဆွေးနွေးပွဲတိုင်းမှာလည်း သူ့ကိုအမြဲ ဂရုတစိုက်ဖိတ်ကြားပြီး ငါကိုယ်တိုင်လက်ဆွဲနှုတ်ဆက်လို့ လောကအရေး အကြိမ်ကြိမ်ဆွေးနွေး ခဲ့ကြတယ်လေ
ရုပ်ရှင်လောကဖွံ့ဖြိုးတိုးတက်ရေးဖိုရမ်ကြီးတောင်
အတူတူလုပ်ခဲ့ကြသေးတာဘဲ ၊
ဒီလို အခြေအနေ နဲ့ အခုလိုဒို့လောကကိုဝိုင်းပြီးပြစ်တင်ရှုတ်ချခံနေရတဲ့ အချိန်အခါမျိုးမှာ (မင်းပြောသလို)
လုပ်သင့် မလုပ်သင့် နဲ့ ချင့်ချိန်တွေးဆနိုင်မှု
သူ့ဘက်က ဘာလို့အားနည်းခဲ့ရတာလဲ ၊
အပြာကား ဆိုတာဘယ်လိုဟာကိုခေါ်တယ်
တဏှာရူး ဆိုတဲ့စကားဟာဘယ်လိုအဓိပ္ပါယ်သက်ရောက်တယ်ဆိုတာ လူတိုင်းနားလည်တယ်
အဲဒီတော့ နှုတ်တစ်ရာ စာတစ်လုံးဖြစ်သွားပီ
ငါ့ရဲ့ လူပုဂ္ဂိုလ် ဂုဏ်သိက္ခာ ၊
နှစ်ပေါင်း ၂၀ ကျော် တည်ဆောက်လာခဲ့ရတဲ့
ငါ့ရဲ့ အနုပညာ သိက္ခာ ၊
ရုပ်ရှင်အစည်းအရုံးကြီးရဲ့ ဂုဏ်ဒြပ်သိက္ခာ တွေ
အတိအကျ ထိပါးစော်ကားခံလိုက်ရပီသူငယ်ချင်း
သည်းခံခြင်းဆိုတာ အဆုံးမဲ့မဟုတ်ဘူး
ပြီးတော့ အစဉ်အလာကောင်းခဲ့တဲ့ ရုပ်ရှင်အစည်းအရုံးကြီးရဲ့ ဂုဏ်ဒြပ်သိက္ခာကို ကာကွယ်ဖို့ ဥက္ကဌတစ်ယောက်မှာတာဝန်အပြည့်ရှိတယ်
လက်ရှိအမှုဆောင် အဖွဲ့ဆိုတာကလည်း လောကသားတွေကိုယ်တိုင် ရွေးချယ်တင်မြှောက်ထားတဲ့ လူတွေဘဲလေ
( ငါတို့ကမဲပေးတဲ့အထဲမှာ မပါလို့ ငါတို့တင်မြှောက်ထားတာမဟုတ်ဘူးလို့ ပြောမယ်ဆိုရင်လည်း
မဲပေးဖို့ပျက်ကွက်သူရဲ့တာဝန်မကင်းပါဘူး )
ဒီအစည်းအရုံးကြီးရဲ့ ကောင်းသောဂုဏ်သတင်းကို ကျဆင်းစေရန်အတွက် ပြုမှုပြောဆိုရေးသား လှူုံ့ဆော်မှုများ ပြုလုပ်ခဲ့ပါက တည်ဆဲစဉ်းမျဉ်းများအရလည်းကောင်း တည်ဆဲဥပဒေများအရလည်းကောင်း
အရေးယူဆောင်ရွက်သွားမယ်လို့ ကိုဇင်ဝိုင်း လက်ထက်က ဒို့တွေအားလုံး အများသဘောတူ ကြေငြာချက်ထုတ်ပြီးဖြန့်ဝေခဲ့ကြတယ်လေ အခုလည်းဒီအတိုင်းတည်ဆဲပါပဲ ၊
လူ့အခွင့်အရေး လူ့ဂုဏ်သိက္ခာအကြောင်း ငါတို့တိုင်းပြည်မှာ ပြောလို့ရပြီ ဆိုရင်
ဥက္ကဌတစ်ယောက်အနေနဲ့ မဟုတ်ရင်တောင် ၊
ထပ်ဆင့်အကယ်ဒမီ လူမင်း အနေနဲ့မဟုတ်ရင်တောင်
ဒီနိုင်ငံသားတစ်ယောက်အနေနဲ့ ငါ့အခွင့်အရေးနဲ့
ငါ့ ဂုဏ်သိက္ခာကို တရားဥပဒေအရ
မှန်ကန်တဲ့နည်းလမ်းနဲ့ ငါကာကွယ်ပါရစေ သူငယ်ချင်း
မင်းကိုအခုလို တိုင်တည်ပြီးရေးလိုက်ရပေမယ့်
သတင်းအချက်အလက် မြန်ဆန်လွန်းတဲ့ခေတ်ကြီးမှာ
အပြောများ အမှန် ဆိုသလိုဖြစ်နေမှာ စိုးလို့
ပရိသတ်တွေလည်း သိအောင် ငါရင်ဖွင့်လိုက်တာပါ ၊
မင်းရဲ့စေတနာကို နားလည်ပါတယ် ၊
ကျေးဇူးပါ ဝိုင်း ။ ။
လူမင်း
No comments:
Post a Comment