ဒီကနေ့ နေပြည်တော် ကျန်းမာရေး ၀န်ကြီးဌာနမှာ ပြုလုပ်တဲ့ မြန်မာ့ ကျန်းမာရေး ကဏ္ဍ ပူးပေါင်းဆောင်ရွက်ရေး ကော်မတီ အစည်းအဝေးမှာ ဒုဝန်ကြီး ဒေါက်တာ ဒေါ်သိန်းသိန်းဌေးက မသင်္ကာတဲ့ အစားအသောက်နဲ့ လူသုံးကုန်ပစ္စည်းတွေကိုတွေ့ရင် နီးစပ်ရာတိုင်းဒေသကြီးနဲ့ ပြည်နယ်တွေက အစားအသောက်နဲ့ ဆေးဝါးကွပ်ကဲရေးဌာနကို အမြန်ဆုံးပို့ပေးကြပါလို့လည်း တိုက်တွန်းပြောကြားခဲ့ပါတယ်။
"ဈေးထဲမှာ ငပိရည်ထဲမှာ အန္တရာယ်ရှိတာပါတယ်ဆိုရင် အစာဆေးဝါးဌာက ဘာလုပ်နေလဲလို့ သူတို့ကထင်တယ်၊ ကျမတို့က ရွာတွေအများကြီးရှိတဲ့ ဆိုင်တွေများကြီးထဲရဲ့ ရောင်းနေတဲ့ဟာတွေကို လိုက်ပြီးတော့ သိလောက်အောင်ရှာတဲ့အထိ ကျမတို့မှာ လူအင်အားမရှိဘူး၊ အရေးအကြီးဆုံးကတော့ တစ်ဦးချင်းမှာ တာဝန်ရှိတယ်၊ ဥပမာ ဈေးသွားတယ်၊ အဲ့ငပိကို မသင်္ကာဘူးဆိုရင်တော့ အဲဒီ့ဆိုင်မှတ်ခဲ့ပြီးတော့ အဲ့ငပိကိုယူလာပြီးတော့ အစာနဲ့ဆေးဝါးကို လာပေးရင် ကျမတို့က ဓါတ်ခွဲပေးတယ်၊ ဆိုလိုတာက ပူးပေါင်းမှုက အရမ်းလိုတယ်"
မကြာခင်ရက်ပိုင်းက နေပြည်တော် သပြေကုန်းဈေးမှာ တားမြစ်ဓာတုဗေဒဆေးဝါးတွေပါဝင်တဲ့ စားသောက်ကုန်နဲ့ အလှကုန်တချို့ကို စစ်ဆေးတွေ့ရှိခဲ့ကြောင်း သိရပါတယ်။
RFA Burmese
No comments:
Post a Comment