ရခိုင်ပြည်ဒုက္ခသည် နေရပ်ပြန်ရေး အစီအစဉ် တရုတ်ကြားဝင် ညှိနှိုင်

ရခိုင်မြောက်ပိုင်းကနေ ထွက်ပြေးသွားတဲ့ မွတ်ဆလင်ဒုက္ခသည်တွေ ပြန်လည်နေရာ ချထားရေးအတွက် တရုတ်နိုင်ငံအနေနဲ့ သူတို့ တတ်နိုင်တဲ့အနေအထားကနေ အကူအညီတွေပေးနေသလို၊ လက်တွေ့လိုအပ်ချက်တွေနဲ့ နှစ်နိုင်ငံသဘောဆန္ဒအတိုင်း တရုတ်နိုင်ငံ အနေနဲ့ အပြုသဘောဆောင်ရပ်တည်သွားမယ်လို့ တရုတ်နိုင်ငံခြားရေးဌာန က ထုတ်ပြန်လိုက် ပါတယ်။ ရခိုင်အကျပ်အတည်းကူညီဖြေရှင်းရေးအတွက် တရုတ်နိုင်ငံရဲ့ အာရှရေးရာ အထူးသံတမန် Sun Guoxiang ဟာ မြန်မာရော ဘင်္ဂလားဒေ့ရ်ှပါ နှစ်နိုင်ငံစလုံးကိုပါ ဒီရက်ပိုင်းထဲ သွားရောက်ခဲ့တာပါ။

အခုလို ရခိုင်အရေး တရုတ်ရဲ့ ကူညီဖြေရှင်းမှုကို မြန်မာ့အရေးလေ့လာသူအချို့က ကြိုဆိုလိုက်ပေမယ့်လို့ မွတ်ဆလင်ဒုက္ခသည်တွေကိုယ်တိုင်ကတော့ တရုတ်ရဲ့ ကြားဝင်ညှိနှိုင်းမှုအပေါ် သံသယတော့ ရှိနေဆဲပါ။ ကိုသားညွန့်ဦး စုံစမ်းမေးမြန်း ထားပါတယ်။

တရုတ်နိုင်ငံရဲ့ အာရှရေးရာအထူးသံတမန် Sun Guoxiang ဟာ ဖေဖော်ဝါရီလ ၂၅ရက်နေ့ကနေ မတ်လ ၅ ရက်နေ့အထိ မြန်မာရော ဘင်္ဂလားဒေ့ရ်ှကိုပါ သွားရောက်ပြီး အစိုးရခေါင်းဆောင်တွေကို တွေ့ဆုံခဲ့ပါတယ်။ မြန်မာနိုင်ငံ ရခိုင်မြောက်ပိုင်း မောင်တော ခရိုင်က ဒုက္ခသည်တွေပြန်လည်လက်ခံရေးပြင်ဆင်မှုတွေကို သွားရောက်ကြည့်ရှုသလို၊ ဘင်္ဂလားဒေ့ရ်ှနိုင်ငံ Cox’s Bazar မှာရှိတဲ့ ဒုက္ခသည် တွေကိုလည်း ကိုယ်တိုင် ကိုယ်ကျ တွေ့ဆုံခဲ့ပါတယ်။

ဒုက္ခသည်တွေပြန်ပို့ရေး ကိစ္စမှာ တိုက်ရိုက်သက်ဆိုင်တဲ့ နှစ်နိုင်ငံအကြား ရင်းရင်းနှီးနှီး ညှိနှိုင်းအဖြေရှာဖို့ နှစ်ဖက်ခေါင်းဆောင်တွေကို တိုက်တွန်းခဲ့သလို၊ နိုင်ငံတကာ အနေနဲ့ လည်း အပြုသဘောဆောင် အခန်းကဏ္ဍကနေ အကျပ်အတည်း ဖြေရှင်းနိုင်မယ့် အခြေအနေဖန်တီးဖို့ တရုတ်အထူးကိုယ်စားလှယ်က တိုက်တွန်း ထားပါတယ်။ မပြေမလည် ဖြစ်နေတဲ့ မွတ်ဆလင်ဒုက္ခသည်တွေ နေရပ်ပြန်ရေးကိစ္စမှာ တရုတ်နိုင်ငံက အခုလို ကြားဝင်ညှိနှိုင်းပေးတာကို ကြိုဆိုရမယ်လို့ ရခိုင်အကျပ်အတည်း နဲ့ မြန်မာ့အရေးစောင့်ကြည့်သူ ဒေါက်တာခင်ဇော်ဝင်းက ပြောပါတယ်။

"ပွင့်ပွင့်လင်းလင်းပြောမယ်ဆိုရင် ကြိုက်သည်ဖြစ်စေ မကြိုက်သည်ဖြစ်စေ ကြိုဆိုရမယ် အဲဒီဖြစ်စဉ်က လုပ်နိုင်တာ တရုတ်ပဲ ရှိတော့တယ်နော်။ သူတို့ဝင်လာမှပဲ ရတော့မယ် တခြားဘယ်သူမှ လုပ်လို့မရတော့ဘူး။ ယန်ဟီးလီတို့ ကုလသမဂ္ဂ တို့ ပြောမယ်ဆိုရင် အကုန်လုံး ဒီလုံခြုံရေးကောင်စီတို့က အသံပဲရှိတာ ။ ဒါကို အခြေပြုပြီးတော့ပဲ အဖြေတခု ရှာရတော့မှာပါပဲ ။ ဒါကတော့ လက်တွေ့အကျဆုံးပြောတာလေ။ အထူးသဖြင့် ရခိုင်ပြည်နယ်မြောက်ပိုင်း ကို ဘယ်အဖွဲ့အစည်းမှ သွားလို့ရတာ မဟုတ်ဘူး ။ တရုတ်အနေနဲ့ တကယ့်ကို ကြိုဆိုပါတယ်။ နှစ် နိုင်ငံစလုံးကို သွားတာ ။ တစ်နိုင်ငံထဲကို လာပြီးတော့ ဟိုပြောဒီပြော ပြောတာမဟုတ်ဘူး အဓိက နှစ် နိုင်ငံကို သွားတယ်။ ဒုက္ခသည်စခန်းတွေလည်း သွားတယ်ဆိုတော့ တရုတ်က တော်တော်လေး ဒါကို လုပ်နေတာ။ သူတို့ ခုနက UN ပြောတဲ့အတိုင်း ဂုဏ်သိက္ခာရှိရှိနဲ့ လုံလုံခြုံခြုံ ပြန်လို့ရမယ်ဆိုရင် တခြားအဖွဲ့တွေ ထားဦး မြန်မာပြည်ရဲ့ Peace Process ငြိမ်းချမ်းရေး လုပ်ငန်းစဉ်မှာ တခြားနိုင်ငံဘယ်သူမှ မပါဘူး။ ကုလသမဂ္ဂတောင်ပြန်ဆုတ်သွားပြီ။ တရုတ်ပဲရှိတော့တယ် ကောင်းပြီ ထိုနည်းလည်းကောင်း ရခိုင်ပြည်နယ်မှာလည်း ဒုက္ခသည်တွေ ဘယ်နှစ်ယောက်ပဲ ဆိုဆို ပြန်လာနိုင်ဖို့ ဆိုရင် တရုတ်ကပဲ အာမခံပေးမှ ရတော့မယ်။"

တရုတ်အထူးသံတမန် Sun Guoxiang ဟာ ဒီခရီးစဉ်အတွင်း မြန်မာနိုင်ငံမှာ နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်၊ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်တို့နဲ့ တွေ့ဆုံသလို၊ ဘင်္ဂလားဒေ့ရ်ှနိုင်ငံမှာလည်း နိုင်ငံခြားရေး ၀န်ကြီးနဲ့ အခြားအကြီးတန်းတာဝန်ရှိသူတွေကို တွေ့ဆုံပါတယ်။ ဒါ့အပြင် မတ်လ ၃ ရက်နေ့ကတော့ ဘင်္ဂလားဒေ့ရ်ှနယ်စပ် ကူတူးပလောင်ဒုက္ခသည် စခန်းမှာ ဒုက္ခသည်ဖက်က ကိုယ်စားလှယ်အချို့နဲ့ လည်း တွေ့ခဲ့ပါတယ်။ အဲဒီတွေ့ဆုံမှုမှာပါတဲ့ Arakan Rohingya Solidarity for Peace and Human Rights အဖွဲ့ အတွင်းရေးမှူး ဦးမောင်ကျော်မြင့်ကတော့ တရုတ်နိုင်ငံဖက်က အကူအညီပေးဖို့ ကမ်းလှမ်းမှု အချို့ရှိခဲ့တယ်လို့ ပြောပါတယ်။

"အဓိကတော့ သူတို့ကတော့ ပထမဦးဆုံးလာပြီးတော့ ကျနော်တို့ကို မိသားစုအလိုက် ဒေါ်လာ ပေးမယ် ကျနော်တို့ ပြန်နိုင်သလားလို့ ကျနော်တို့ကို မေးပါတယ်။ ဒေါ်လာ ၅၀၀၀ ကနေ ၆၀၀၀ ပါ ။ ကျနော်တို့က ဒေါ်လာ တို့ ပိုက်ဆံက ကျနော်တို့မှာ ဘယ်တော့မှ မလိုဘူး ကျနော်တို့မှာ Justice၊ International Security နဲ့ Citizenship တို့ပဲ လိုတာလို့ ကျနော်တို့ ပြောထားပါတယ်။ အဲဒီအခါ သူက ခင်ဗျားတို့မှာ လိုတာတွေကို မြန်မာနိုင်ငံမှာ သွားပြီးတော့ မြန်မာအစိုးရနဲ့ ညှိနှိုင်းပြီးတော့ တင်ပြလို့ရတယ်လို့ ကျနော်တို့ကိုပြောတယ်။ နောက်ခုကတော့ ARSA နဲ့ ပတ်သက်ပြီးတော့ ကျနော်တို့ဘက်က မေးခွန်းမေးတယ်။

မေး။ ။ ARSA နဲ့ ပတ်သက်ပြီးတော့ ဦးမောင်ကျော်မြင့်တို့က မေးတာလား ၊ တရုတ်သံအမတ်က မေးတာလား။

ဖြေ။ ။ တရုတ်သံအမတ်က မေးတာပါ။ ARSA ဆိုတာ ရှိသလား၊ ARSA ဘယ်မှာလဲ ဘယ်ကလူတွေလဲ လို့ ကျနော်တို့ကို မေးတယ်။ အဲဒါအခါမှာ ကျနော်တို့က ARSA ဆိုတာ ကျနော်တို့ အင်တာနက်ပေါ်မှာပဲ မြင်တယ်။ ဘင်္ဂလားဒေ့ရှ် ဒုက္ခသည်စခန်းမှာ မရှိဘူး။ သူတို့ လှုပ်ရှားနေတာက ရခိုင်ပြည်နယ်မှာပဲ လှုပ်ရှားနေတယ် ။ AA နဲ့ ပေါင်းနေတာလို့ ကျနော်တို့သတင်းရရှိပါတယ်။ ဘင်္ဂလားဒေ့ရှ် ဒုက္ခသည်စခန်းမှာ မရှိဘူးလို့ ပြောထားပါတယ်။

မေး။ ။အခုက ပြောမယ်ဆိုရင် အခုဒီ နေရပ်ပြန်ရေးကိစ္စက စီစဉ်နေတာ နိုင်ငံတကာကလည်း မအောင်မြင်ဘူး။ တရုတ်ကနေပြီးတော့ ကြားဝင်အကူအညီပေးတဲ့ ကိစ္စက အဆင်ပြေနိုင်လား၊ ဦးမောင်ကျော်မြင့်တို့ ဘယ်လိုသဘောရပါသလဲ။

ဖြေ။ ။ဘယ်တော့မှ အဆင်ပြေမှာ မဟုတ်ဘူး ဘာဖြစ်လို့လဲဆိုတော့ တရုတ်နိုင်ငံကလည်း မြန်မာအစိုးရနဲ့ တွေ့ပြီးတော့ မြန်မာအစိုးရတောင်းဆိုချက်ကို အကောင်အထည်ဖော်ဖို့ အတွက်ပဲ လုပ်နေတာ။ "

တရုတ်နိုင်ငံဖက်က ပြန်မယ့်ဒုက္ခသည်တွေကို ငွေကြေး အကူအညီပေးမယ် ဆိုတဲ့ကိစ္စနဲ့ပတ်သက်လို့ တရုတ်အစိုးရဖက်ကရော ဘင်္ဂလားဒေ့ရ်ှဖက်ကပါ တစုံတရာ ထုတ်ပြန်ပြောဆိုတာမရှိပါဘူး။ ဒီအကူအညီကမ်းလှမ်းချက်ကို ဘင်္ဂလားဒေ့ရ်ှ ဒေသတွင်း သတင်းအချို့မှာလည်း ဖော်ပြရေးသားပေးမယ့်၊ ရိုဟင်ဂျာ ဒုက္ခသည်တွေ ပြောစကားကလွဲလို့ သီးခြားအတည်ပြုချက်တော့ ယူလို့မရပါဘူး။

ရခိုင်မြောက်ပိုင်းက မွတ်ဆလင်ဒုက္ခသည်တွေ နေရပ်ပြန်ရေးကိစ္စကို မြန်မာနဲ့ ဘင်္ဂလားဒေ့ရ်ှနှစ်နိုင်ငံအကြား သဘောတူစာချုပ်တွေ ချုပ်ဆိုနိုင်ခဲ့ပေမယ့်၊ နေရပ်ပြန်ရေးအစီအစဉ်တွေ လက်တွေ့မှာ ဖြစ်မလာခဲ့ပါဘူး။ ကုလသမဂ္ဂနဲ့ နိုင်ငံတကာအသိုင်းအ၀ိုင်းကတော့ ရိုဟင်ဂျာဒုက္ခသည်တွေ နေရပ်ပြန်ရေးဟာ ဂုဏ်သိက္ခာရှိရှိ လုံခြုံမှုရှိရှိနဲ့ ဒုက္ခသည်တွေ သဘောဆန္ဒအတိုင်းဖြစ်ရမယ်လို့ ဆိုနေပါတယ်။ မြန်မာအစိုးရဖက်ကတော့ ရိုဟင်ဂျာဆိုတဲ့အသုံးအနှုန်းကို လက်မခံပေမယ့်၊ မြန်မာပြည်ကထွက်ပြေးသွားတဲ့ မွတ်ဆလင်ဒုက္ခသည်တွေကို ပြန်လည်လက်ခံဖို့ သူတို့ဖက်က အဆင်သင့်ရှိနေတယ်လို့ ပြောနေပါတယ်။

သားညွန့်ဦး  / ဗွီအိုအေ (မြန်မာပိုင်း)
https://burmese.voanews.com

Read More

မစ္စယန်ဟီးလီ ဒုက္ခသည်တွေနဲ့ တွေ့ဆုံ

ဘင်္ဂလားဒေ့ရ်ှနိုင်ငံက မွတ်စလင်ဒုက္ခသည်စခန်းကို သွားရောက်ခဲ့တဲ့ ကုလသမဂ္ဂ မြန်မာနိုင်ငံဆိုင်ရာ လူ့အခွင့်အရေး အထူးကိုယ်စားလှယ် မစ္စယန်ဟီးလီ ကို တွေ့ရစဉ် / Photo - Khin Mg

ကုလသမဂ္ဂ မြန်မာနိုင်ငံဆိုင်ရာ လူ့အခွင့်အရေး အထူးကိုယ်စားလှယ် မစ္စယန်ဟီးလီဟာ ဘင်္ဂလားဒေ့ရ်ှနိုင်ငံ ကော့ဇ်ဘဇားမြို့က ဒုက္ခသည်စခန်းမှာ ခိုလှုံနေကြတဲ့ ရိုဟင်ဂျာဒုက္ခသည်တွေနဲ့ ဒီနေ့ နေ့လယ်ပိုင်းမှာ တွေ့ဆုံခဲ့ပါတယ်။

လိင်ပိုင်းဆိုင်ရာ အကြမ်းဖက်ခံရတဲ့ကိစ္စ၊ ဒုက္ခသည်ပြန်လည်လက်ခံရေးကိစ္စနဲ့ ကုလသမဂ္ဂမဟာမင်းကြီးများရုံးနဲ့ မြန်မာအစိုးရတို့ရဲ့ သဘောတူညီမှုယူထားတဲ့ကိစ္စတွေနဲ့ ပတ်သက်ပြီး ဆွေးနွေးခဲ့တယ်လို့ တွေ့ဆုံခဲ့တဲ့ ဒုက္ခသည်တစ်ဦးက ပြောပါတယ်။

မစ္စယန်ဟီးလီက ဘင်္ဂလားဒေ့ရ်ှအစိုးရ နဲ့ ကုလသမဂ္ဂမဟာမင်းကြီးများရုံးနဲ့ တွေဆုံပြီး ရိုဟင်ဂျာဒုက္ခသည်တွေအရေးကို ဆွေးနွေးသွားမယ်လို့ ပြန်လည်ပြောဆိုခဲ့ကြောင်းလည်း သိရပါတယ်။

မြန်မာနိုင်ငံကို ပြည်ဝင်ခွင့် အပိတ်ခံထားရတဲ့ မစ္စယန်ဟီးလီဟာ အရပ်သားတွေကို ထိခိုက်မယ့် ကြမ်းတမ်းမှုတွေကို တပ်မတော်နဲ့ AA အဖွဲ့တို့ မလုပ်သင့်ဘူးလို့ ပြီးခဲ့တဲ့ရက်ပိုင်းက ပြောလိုက်ပါတယ်။

ဒါ့အပြင် ပဋိပက္ခဖြစ်ပွားတဲ့နေရာတွေကို လူသားချင်းစာနာမှုဆိုင်ရာ အဖွဲ့အစည်းတွေ သွားရောက်ခွင့်မပေးတဲ့ ဆုံးဖြတ်ချက်ကို ချက်ချင်းပြင်ပြီး အားလုံးကို  သွားခွင့်ပေးဖို့လည်း တိုက်တွန်းလိုက်ပါတယ်။

ဒီသတင်းကို RFA သတင်းထောက် ကိုထက်အာကာ ပေးပို့တာပါ။

RFA Burmese
https://www.rfa.org/burmese

Read More

စစ်ရှောင်စခန်းသို့ အရပ်ဝတ်ဖြင့် ရိက္ခာလာယူသော AA အဖွဲ့ဝင်များအား ဖမ်းဆီးရမိ

ရခိုင်ပြည်နယ် ဘူးသီးတောင်မြို့နယ် ကြာညိုပြင်ဘုန်းတော်ကြီးကျောင်းတွင် ဖွင့်လှစ်ထားသော စစ်ရှောင်စခန်းနှင့် အခြားစစ်ရှောင်စခန်းများတွင် ရိက္ခာသယ်ယူရန်လာသည့် AA အဖွဲ့ဝင် ၁၅ ဦး အား ဇန်နဝါရီလ ၁၃ ရက်နေ့တွင် ဖမ်းဆီးရမိခဲ့ကြောင်းသိရသည်။

ကြာညိုပြင် ဘုန်းတော်ကြီးကျောင်း စစ်ဘေးရှောင်စခန်းရှိ ဒုက္ခသည်တစ်ဦးက “သူတို့ AA အဖွဲ့ တွေက အရင်ကတည်းက ရွာတွေမှာ ရိက္ခာတွေ၊ ဆက်ကြေးငွေတွေတောင်းပြီး အစိုးရကို တော်လှန် နေတာ...အခုတိုက်ပွဲတွေက နေရာတိုင်းမှာဖြစ်နေတော့ ရွာသားတွေလည်း အားလုံးထွက်ပြေး ရတယ်၊ ရွာသားတွေမရှိတော့ သူတို့လည်းရိက္ခာမရှိတော့ဘူးပေါ့..ဒါကြောင့် အခုလို စစ်ဘေးရှောင် တွေကိုထောက်ပံ့တဲ့ရိက္ခာတွေကို သူတို့လာယူကြတာ...”ဟု ပြောဆိုခဲ့သည်။

ဘူးသီးတောင်မြို့နယ် အမျိုးသားလွှတ်တော်ကိုယ်စားလှယ် ဦးမောင်ကျော်ဇံ၏ ပြောကြားချက် အရ ယခုအဖမ်းခံရသော AA သောင်းကျန်းသူများမှာ သရက်ပြင်အုပ်ချုပ်ရေးမှူးနှင့် သရက်ပြင် ရွာသားတစ်ဦး၊ ပြင်ချောင်းရွာသား ၇ ဦး၊ ကျောက်တော်မြို့နယ် အပေါက်ဝရွာသား ၂ ဦး၊ နေပူခံရွာ သားတစ်ဦး၊ ရေကောင်းချောင်းရွာသားတစ်ဦးနှင့် အခြားရွာများမှ ၃ ဦးတို့ဖြစ်ကြောင်း သိရသည်။

AA အဖွဲ့သည် ရခိုင်ပြည်နယ်အတွင်းသို့ စတင်အခြေချစဉ် ချင်းပြည်နယ် ပလက်ဝဒေသ၌ လှုပ်ရှား စဉ်အချိန်ကပင် ဒေသခံရွာသားများအား လက်နက်ပြ၍ ခြိမ်းခြောက်ပြီး ဆက်ကြေးငွေကောက်ခံ ခြင်း၊ ရိက္ခာတောင်းခံခြင်းများပြုလုပ်ခဲ့ပါသည်။ ထို့အပြင် ARSA အဖွဲ့နှင့်ပူးပေါင်း၍ ဘင်္ဂလား ဒေ့ရ်ှနိုင်ငံအတွင်းသို့ မူးယစ်ဆေးဝါးများရောင်းချခြင်း လုပ်ငန်းများလည်း လုပ်ကိုင်နေကြောင်း သိရသည်။

ဇန်နဝါရီလ ၄ ရက်နေ့ ရဲကင်းစခန်းများအား AA အဖွဲ့မှ တိုက်ခိုက်ပြီးနောက်ပိုင်းတွင် အစိုးရ တပ်မတော်နှင့် AA သောင်းကျန်းသူအဖွဲ့တို့ တိုက်ပွဲများပြင်းထန်ခဲ့သည်။ တိုက်ပွဲများတွင် AA အဖွဲ့ ထိခိုက်ကျဆုံးမှုများနေသည့်အပြင် ဒေသခံရွာသားများထံမှလည်း ရိက္ခာရရှိမှုမရှိသဖြင့် ယခု ကဲ့သို့ စစ်ဘေးဒုက္ခသည်များအား ထောက်ပံ့သော ရိက္ခာများကို ရွာသားဟန်ဆောင်၍ လာရောက် ယူဆောင်စဉ် ဖမ်းဆီးခံခဲ့ရခြင်းဖြစ်ကြောင်းသိရသည်။

ထွန်းဝေ
ရခိုင်/မြန်မာ သတင်းစုံ

Read More

ရှမ်းပြည်လက်နက်ကိုင်များအကြား တိုက်ပွဲ ဒုက္ခသည် ၂၀၀၀ တိမ်းရှောင်

ရှမ်းဒုက္ခသည်များ

ရှမ်းပြည်နယ်အတွင်းမှာ တိုင်းရင်းသားလက်နက်ကိုင်အဖွဲ့အချင်းချင်းအကြား စစ်ရေးတင်းမာနေမှုကြောင့် ဒေသခံ ကျေးရွာသား (၂၀၀၀)ခန့် စစ်ဘေး တိမ်းရှောင်နေရတာပါ။ ပအိုဝ့်လက်နက်ကိုင်အဖွဲ့ PNLOနဲ့ တောင်ပိုင်း ရှမ်းပြည်တပ် ဖွဲ့ တို့အကြား တိုက်ပွဲကြောင့်မိုင်းပန်ဒေသခံ(၅၀၀)ခန့်ဟာ UWSA ၀တပ်ဖွဲ့ နယ်မြေထဲ တိမ်းရှောင်နေရ သလို ရှမ်းတပ်ဖွဲ့အချင်းချင်းအကြားတိုက်ပွဲကြောင့် သီပေါမြို့နယ်ထဲမှာစစ်ဘေးရှာင်ထောင်ချီ သောင်တင်နေ ဆဲဖြစ်ပါ တယ်။ ဒီအကြောင်းထိုင်းအခြေစိုက်သတင်းထောက်နိုင်ကွန်းအိန်ကနေသတင်းပေးပို့ထားပါတယ်။

ရှမ်းပြည်တောင်ပိုင်း မိုင်းပန်မြို့နယ်မှာ PNLO ပအိုဝ်းအမျိုးသား လွတ်မြောက်ရေးအဖွဲ့ချုပ်နဲ့ RCSS တောင်ပိုင်းရှမ်း ပြည်တပ်ဖွဲ့တို့အကြားတိုက်ပွဲဖြစ်ပွါးမှုကြောင့် သံလွင်မြစ်ကိုဖြတ်ပြီး နေရပ်ကနေတိမ်းရှောင်လာတဲ့ပအိုဝ်းဒုက္ခ သည် (၅၀၀)ခန့်ကို UWSA"ဝ" တပ်ဖွဲ့တွေကနေ နေရာချထားပေးတယ်လို့ ပြင်ပဆက်ဆံရေးရုံး တာဝန်ခံ ဦးညီရမ်းက ဗွီအိုအေကိုပြောပါတယ်။

“ဒီမိုင်းပန် ပန်ပိနယ်ဘက်ကနေ ရွှေ့ပြောင်းလာတဲ့စစ်ရှောင်တွေ ကျွန်တော်တို့ ဒီဇင်ဘာ(၂၅)ကနေ အခုချိန်ထိ ပေါ့နော်။ အယောက်(၅၀၀)၀န်းကျင်ထိရှိပါပြီးနော်။ ပြောင်းရွှေ့လာတဲ့ပအိုဝ့်တိုင်းရင်းသားတွေကို ကျွန်တော်တို့ အတတ်နိုင်ဆုံး ဆေးဝါးကုသမှုတွေ နေထိုင်စားသောက်မှုတွေကျွန်တော်တို့အတတ်နိုင်ဆုံး ပြင်ဆင်ထားတာ တွေရှိပါတယ်။ လောလောဆယ်တော့ ဒီခိုက်လုံမြို့နယ် ပင်းဆန်းကျေးရွာမှာကျွန်တော်တို့ သူတို့နေထိုင်ဖို့ ပြင် ဆင်ထားပါတယ်နော်။”

မိုင်းပန်မြို့နယ်အတွင်း နောင်ချိုရွာ၊ မိုက်ပုတ်ရွာ၊ ပန်ပိရွာက ကျေးရွာသားတွေဟာ ဒီဇင်ဘာ လကုန်ပိုင်းလောက် မှာ ဖြစ်ပွါးခဲ့တဲ့ ပအိုဝ့်လက်နက်ကိုင်အဖွဲ့နဲ့တောင်ပိုင်းရှမ်းပြည်လက်နက်ကိုင်နှစ်ဖွဲ့အကြားစစ်ရေးပဋိပက္ခကြောင့် ဒီဇင်ဘာ(၂၅) ကနေ ယနေ့အထိ ထွက်ပြေးလာနေတယ်လို့ ဦးညီရမ်းကဆိုပါတယ်။

တိုက်ပွဲတွေကြောင့် ပအိုဝ့်ရွာသားတွေနေရပ် ကနေတိမ်းရှောင်နေရတဲ့ဖြစ်စဉ် အပေါ်PNLO ပအိုဝ်းအမျိုးသား လွတ် မြောက်ရေး အဖွဲ့ချုပ် ဗဟိုအလုပ်မှုဆောင်ကော်မီတီဝင် ဗိုလ်မှူးခွန်မင်းသိန်းကအခုလိုပြောပါတယ်။

“စစ်ရေးပဋိပက္ခရဲ့နောက်ဆက်တွဲလို့ပြောလို့ရ။ အဓိကကတော့ RCSS တပ်သားတွေ ကခြိမ်းခြောက် တာပေါ့နော်။ ခြိမ်းခြောက်လို့ဘဲ ရွာသားတွေကအဲဒီမှာမနေနိုင်တော့ အဲဒီလိုမျိုးထွက်ပြေးရတဲ့ဘ၀လေးတွေဖြစ်တာပေါ့နော်။”

ပအိုဝ့်ရွာသားတွေနေရပ်ကနေတိမ်းရှောင်နေရတာဟာRCSSရဲ့ခြိမ်းခြောက်မှုကြောင့်လို့ PNLAစွပ်စွဲချက်ဟာ မဟုတ်မှန်ကြောင်း RCSSပြောခွင့်ရ ဗိုလ်မှူးကြီးစိုင်းဦး ကငြင်းဆိုပါတယ်။

“မိုင်းပန်ဖက်မှာပေါ့နော်။ ပန်ပိဖက်မှာပေါ့။ ပအိုဝ့်ရွာသားတွေတချို့ပေါ့နော်။ အနောက်ဖက်ခြမ်း ကိုပြေးရှောင်နေကြ တယ်လို့ သူတို့အဲဒီလိုပြောတယ်။ အမှန်ဆိုရင် ကျွန်တော်တို့နယ်ခံတပ်တွေက အစည်းဝေးခေါ်တာတို့ ပြည်သူ တွေခြိမ်းခြောက် တာတို့မလုပ်ရဘူး။ မလုပ်ဘူး။”

ရှမ်းပြည်နယ်မြောက်ပိုင်း သီပေါမြို့နယ်အတွင်းတောင်ပိုင်းရှမ်းပြည်တပ်ဖွဲ့RCSS/SSAနဲ့ မြောက်ပိုင်း ရှမ်းပြည် တပ်ဖွဲ့SSPP/SSAတို့အကြား မနေ့ကညနေပိုင်းမှာ တိုက်ပွဲဖြစ်ပွါးနေခဲ့တယ်လို့ ဒေသခံတဦးက အခုလိုပြော ပါတယ်။

“တိုက်ပွဲဖြစ်တာနောင်ကောကျေးရွာအနောက်မှာဗျ။ သီပေါမြို့နယ်ထဲကဘဲ။ မနေ့က တနာရီခန့်ကြာတာ သိပါ တယ်ဗျ။ RCSSနဲ့SSPPဗျ။ ရွာသားကတော့ဘာမှမဖြစ်ပါဘူးဗျ။ သူတို့တောထဲမှာဖြစ်တာကိုးဗျ။”

RCSSဘက်ကတော့ တိုက်ပွဲဖြစ်ပွါးကြောင်းအတည်မပြုနိုင်သေးပေမဲ့ အဲဒီဒေသဘက်မှာ ရှမ်းတပ်ဖွဲ့နှစ်ဖွဲ့ လှုပ်ရှား နေတာကိုတော့ အတည်ပြုပြောဆိုပါတယ်။

ရှမ်းပြည်နယ်မြောက်ပိုင်းသီပေါမြို့နယ်အတွင်းရှမ်းလက်နက်ကိုင်အဖွဲ့နှစ်ဖွဲ့တို့အကြား တိုက်ပွဲကြောင့် စစ်ရှောင်(၁၄၀၀)ရောက်ရှိနေတယ်လို့ သီပေါမြို့နယ် နယ်စည်းမခြားအကူညီပေးရေးအဖွဲ့ တာဝန်ခံ ကိုမျိုးကပြောပါတယ်။

“တိမ်းရှောင်လာတဲ့ ဒီဘုန်းကြီးကျောင်းတွေမှာတော့ အားလုံးပေါင်း လူဦးရေ(၁၄၈၀)ရှိတယ်။ ရွာတွေကများတယ်ဆို တာက ကျွန်တော်တို့တွန်ကျိုင်း နားဟယ် ကုန်းဆော့ပေါ့နော်။ ဟိုနားရွာ တာလုံရွာပေါ့နော်။ ကျွန်တော်တို့နန့်မော် လုံ ကုန်းဆာရွာ အဲဒီရွာကနေပြီးမှထွက်လာကြတယ်လေ။”

စစ်ရှောင်ရွာသားတွေဟာ သီပေါမြို့ဘုန်းကြီးကျောင်းတိုက် ၉ ခုမှာ ခိုလှုံနေကြတာဖြစ်ပြီး နေရပ်ရင်းကိုမပြန်နိုင် သေးတဲ့အခြေအနေမှာရှိနေပါတယ်။

ဒီဇင်ဘာ ၂၂ ရက်နေ့မှ ၂၅ ရက်နေ့အထိ သီပေါမြို့နယ်အတွင်း ရှမ်းတပ်ဖွဲ့နှစ်ဖွဲ့ အကြားတိုက်ပွဲ ဖြစ်ပွားမှုကြောင့် ရွာပေါင်း ၁ဝ ရွာမှ လူဦးရေ ၁,၂ဝဝ ကျော် နေရပ်စွန့်ခွာနေရတယ်လို့ ကုလသမဂ္ဂ လူသားချင်းစာနာမှု အကူအညီ ပေးရေးဆိုင်ရာ ညှိနှိုင်းရေးရုံး (UNOCHA) ကနေ သတင်းထုတ်ပြန်ထားပါတယ်။

ဒီဇင်ဘာလ ၃၁ ရက်နေ့ကနေ ၂၀၁၉နှစ်သစ်ကူးနေ့အထိ နမ္မတူမြို့နယ်အတွင်း တောင်ပိုင်းရှမ်းပြည်တပ်ဖွဲ့ နဲ့ တအာင်းပလောင်တပ်ဖွဲ့တို့အကြား တိုက်ပွဲကြောင့် မန်စံဘုန်းကြီးကျောင်းမှာ စစ်ဘေးရှောင်ခိုလှုံနေရတဲ့ နားငူး၊ နားဟန်း၊ နောင်အော် ရွာကရွာသားတွေ ၄၀၀ ကျော်ဟာ ဒေသအတွင်းအခြေအနေငြိမ်သက်လို့ မနေ့က နေရပ်ရင်းကိုပြန်သွားခဲ့ပြီးလို့ မန်စံစစ်ရှောင်ကူညီရေးအဖွဲ့ဝင်တွေကပြောပါတယ်။

လက်ရှိရှမ်းပြည်နယ်အတွင်းမှာ မြန်မာ့တပ်မတော်နဲ့တိုင်းရင်းသား လက်နက်ကိုင်အဖွဲ့တွေအကြား တိုက်ပွဲငြိမ် သက်နေပေမဲ့ အဖွဲ့အချင်းချင်းအကြားမှာ နယ်မြေပိုင်ဆိုင်မှုပြဿနာကြောင့် စစ်ရေးတင်းမာနေဆဲဖြစ်သလို ပဋိပက္ခဖြစ်ပွါးရာဒေသကကျေးရွာသားတွေကလဲ စစ်ဘေးရှောင်အဖြစ်နေရပ်ကနေ တိမ်းရှောင်နေရဆဲဖြစ်ပါတယ်။

နိုင်ကွန်းအိန်  / ဗွီအိုအေ (မြန်မာပိုင်း)
https://burmese.voanews.com

Read More

တောင်မင်းကုလားကျေးရွာသို့ စစ်ဘေးရှောင် ၇၁၃ ဦး ထွက်ပြေးရောက်ရှိ

နိရဉ္စရာ၊ ဒီဇင်ဘာ ၂၃

တိုက်ပွဲများ ဆက်လက်ဖြစ်ပွားနေသဖြင့် ကျောက်တော်မြို့နယ် ကျေးရွာ ၄ ရွာမှ လူပေါင်း ၇၁၃ ဦးသည် ၎င်းမြို့နယ် အတွင်းရှိ တောင်မင်းကုလား ကျေးရွာသို့ ရောက်ရှိနေသည်ဟု သိရသည်။

၎င်းတို့အား လက်ရှိတွင် တောင်မင်းကုလားကျေးရွာရှိ ဘုန်းတော်ကြီးကျောင်းတွင် နေရာချပေးထားသည်။

၎င်းစစ်ဘေးရှောင်များမှာ လမုကိုင်း၊ ငါးစွေ၊ ပါချေနှင့် ပညာဝကျေးရွာများမှ ဖြစ်ကြပြီး မြန်မာ့တပ်မတော်နှင့် ရက္ခိုင်တပ်မတော် (AA) တို့အကြား တိုက်ပွဲများဖြစ်ပွားနေသဖြင့် ကြောက်လန့်ထွက်ပြေးကြခြင်း ဖြစ်သည်ဟု သိရသည်။

တောင်မင်းကုလားရွာသို့ ရောက်ရှိလာကြသော စစ်ဘေးရှောင်များမှာ လမုကိုင်းကျေးရွာမှ မိသားစု ၄၃ စု၊ လူဦးရေ ၁၈၇ ဦး( ကျား ၇၈ + မ ၁၀၉ ) ၊ ငါးစွေကျေးရွာမှ မိသားစု ၂၆ စု၊ လူဦးရေ ၈၇ ဦး (ကျား ၂၇+ မ ၆၀)၊ ပါချေကျေးရွာမှ မိသားစု ၁၀ စု၊ လူဦးရေ ၃၆ ဦး(ကျား ၁၆+ မ ၂၀) ၊ ပညာဝကျေးရွာမှ မိသားစု ၇၁ လူဦးရေ ၄၀၃ ဦး (ကျား ၂၀၈ +မ ၁၉၅ ) စုစုပေါင်း ၇၁၃ ဦးရှိသည်ဟု သိရှိရသည်။

နောက်ထပ်လည်း စစ်ဘေးရှောင်များ တိုးလာနိုင်သူဟု တိမ်းရှောင်လာကြသူများက ပြောသည်။

စစ်ဘေးရှောင်များမှာ ဒီဇင်ဘာလ ၂၂ ရက်နေ့နှင့် ၂၃ ရက်နေ့တွင် ရောက်ရှိလာကြသူများ ဖြစ်ပြီး တောင်မင်းကုလားကျေးရွာ ဘုန်းတော်ကြီးကျောင်းတွင် ယာယီတဲထိုး၍ ဖြစ်သလို နေနေကြသည်ကို တွေ့ရသည်။

စံမောင်သန်း၊ စစ်တွေ
Narinjara
https://www.facebook.com/Narinjara

Read More

တိုက်ပွဲဆက်ဖြစ်ပွားနေသဖြင့် ရွာသား ၃၀၀ နီးပါးထပ်မံထွက်ပြေး

(များမကြာမီက ဘူးသီးတောင်မြို့နယ် စည်တောင်သို့ ထွက်ပြေးလာကြရသည့် လသားကလေးများနှင့် မိခင်များ)

နိရဉ္စရာ၊ ဒီဇင်ဘာ ၁၄

မြန်မာတပ်တော်နှင့် ရက္ခိုင့်တပ်မတော် (အေအေ) တို့အကြား တိုက်ပွဲများဆက်လက်ဖြစ်ပွားနေသဖြင့် လုံခြုံမဲ့နေသော ပုဏ္ဏားကျွန်း မြို့ ကျောက်ဆည်တောင်၊ မောင်နှမ၊ သပြုချောင်းကျေးရွာမှ ရွာသား ၂၉၀ သည် သူတို့၏ ရွာကို စွန့်ခွာပြီး ပို၍ လုံခြုံရေးကောင်းရာ အထက်သင်ပုန်းတန်းကျေးရွာသို့ ထွက်ပြေးလာကြသည်ဟု သတင်းရရှိသည်။

ကျောက်ဆည်တောင်ကျေးရွာမှ ရွာခေါင်းဆောင်တစ်ဦးဖြစ်သူ ဦးလှမောင်သိန်းက “ ကျောက်ဆည်တောင် တစ်ရွာတည်းက ထွက်ပြေးလာတာ လူပေါင်း ၂၃၄ ယောက်ဖြစ်ပါတယ်။ အမျိုးသမီးက ၁၁၂ ယောက်နဲ့ အမျိုးသားက ၁၂၂ ဦးဖြစ်ပါတယ်”ဟု နိရဉ္စရာသတင်းဌာနသို့ ပြောကြားသည်။

မောင်နှမကျေးရွာနှင့် သပြုချောင်းကျေးရွာကထွက်ပြေးလာသူမှာ ၅၆ ယောက်ဖြစ်ကြောင်း၊ စုစုပေါင်း ၂၉၀ ယောက်ဖြစ်ကြောင်း၊ သူတို့ကို အထက်သင်ပုန်းတန်းရွာတွင် အုပ်ချုပ်ရေးမှူးက နေရာချထားပေးကြောင်း ၎င်းက ပြောကြားသည်။

“ ကျွန်တော်တို့ရွာနားက ၂ မိုင်လောက်မှာ စနေချောင်းဆိုတာ ရှိပါတယ်။ အဲဒီမှာ အေအေနဲ့ မြန်မာစစ်တပ်တို့ တိုက်ပွဲ ဖြစ်ပါတယ်။ ဒါ့ပြင် ကျွန်တော်တို့ရွာအထက် ပုဏ္ဏားကျွန်း မြို့နယ်နဲ့ ဘူးသီးတောင်မြို့နယ် အစပ်မှာလည်း တိုက်ပွဲ နှစ်ကြိမ် သုံးကြိမ် ဖြစ်ပါတယ်။ လက်နက်ကြီးသံတွေလည်း ကြားနေရတော့ ကျွန်တော်တို့ ကြောက်လန့်ပြီး ထွက်ပြေးလာကြပါတယ်။ ဒါ့ပြင် ကျွန်တော်တို့ ရွာသားတွေက အထက်ကိုလည်း ဆင်းလို့ မရ၊ အောက်ကိုလည်း ဆင်းလို့မရ၊ အဲသလို ဆက်သွယ်ရေးလည်း ပြတ်တောက်ကုန်ပါတယ်။ အခက်အခဲတွေ တွေ့လာတာတွေလည်း ပါဝင်ပါတယ်” ဟု ဦးလှမောင်သိန်းက ပြောသည်။

၎င်းဒေသတွင် ဒေသခံများမှာ တောင်တောင်များကို အမှီပြု လုပ်စားကြသူများဖြစ်ကြပြီး တိုက်ပွဲများ ဖြစ်ပွားပြီးနောက် တောတောင်ထဲကို ၀င်ရောက်လုပ်ကိုင် စားသောက်၍ မရတော့သဖြင့် စားဝတ်နေရေးလည်း အခက်အခဲ ဖြစ်လာကြသည်ဟု သိရသည်။

ယနေ့ နံနက်ကလည်း တိုက်ပွဲ ဖြစ်ပွားမှု ရှိခဲ့သည်ဟု သတင်းရရှိသည်။

Narinjara
https://www.facebook.com/Narinjara

Read More

နိုင်ငံတကာအန်ဂျီအိုများ၏ စားစရိတ်နှင့်အသုံးစရိတ်စကများက ဘင်္ဂလီဒုက္ခသည်များကို ကူညီငွေထက် များပြားနေ

နိရဉ္စရာ၊ ဒီဇင်ဘာ ၇

ဘင်္ဂလားဒေ့ရှ် နိုင်ငံ ရောက်ရှိနေကြသော မြန်မာမှ နေရပ်စွန့်ခွာ ဘင်္ဂလီများအတွက် အလှူငွေများအနက် အတော်များများကိုနိုင်ငံတကာ အန်ဂျီအိုများ(INGOs) စားစရိတ်နှင့် အသုံးစာရိတ်စကများအဖြစ် သုံးစွဲနေကြဟု လေ့လာသူများကပြောသည်။

အချို့ ကိစ္စရပ်များတွင်၊ ကော့ဘဇား(Cox's Bazar) ရှိ နိုင်ငံတကာအင်ဂျီအိုများ (INGOs) ၏ စားစရိတ်များနှင့် အသုံးစာရိတ်စကများသည် လူသားချင်းစာနာထောက်ထားမှုအစီအစဉ်၏ လိုအပ်ချက်ထက် ၅ ဆပိုပြီး၊ ပြဿနာမှာ နိုင်ငံတကာ အင်ဂျီအို များ (INGOs) များ၏ စားစရိတ်စားခများ၊ အသုံးစရိတ်များမှာ ပွင့်လင်းမြင်သာမှု မရှိခြင်းပင် ဖြစ်သည်ဟုဆိုသည်။

အောက်(စ်)ဖမ်း (OXFAM) ၏မိတ်ဖက်ဖြစ်သော ပင်လယ်ကမ်းခြေနှင့်ဆိုင်သောလူမှုရေး အသွင် ပြောင်းလဲခြင်းရံပုံငွေအဖွဲ့  (COAST) က ဒက္ကားမြို့ CIRDAP ညီလာခံ ခန်းမ စားပွဲဝိုင်းဆွေးနွေးပွဲတွင် ၄င်းတို့ ၏လေ့လာတွေ့ ရှိချက်များကို ဖွင့်ဟပြောဆိုခဲ့သည်။

၎င်း၏လေ့လာသုံးသပ်ချက်များသည်ဒေသခံအန်ဂျီအို ၄၂ဖွဲ့ နှင့် နိုင်ငံတကာအန်ဂျီအို ၁၉ဖွဲ့ သို့ မဟုတ် ကုလသမဂ္ဂအဖွဲ့့အစည်းများအား မေးမြန်းစုံစမ်းလေ့လာချက်များအပေါ်တွင်အခြေခံ၍ပြုစုထားခြင်း ဖြစ်ပါသည်။

စားပွဲဝိုင်းဆွေးနွေးပွဲတွင်တက်ရောက်သူများကတာဝန်ရှိသူများအနေနှင့်ရံပုံငွေများကို ဒေသခံအန်ဂျီအို များထံတိုက်ရိုက်လက်ခံရရှိစေရန်တောင်းဆိုကြပြီး၊နိုင်ငံတကာအန်ဂျီအိုများမှတဆင့်ပေးချေနေခြင်းများကို ကန့် ကွက် ကြသည်။ သို့ မှသာလျှင်လူသားချင်းစာနာထောက်ထားမှုများကိုတုန့် ပြန်ရာတွင် အခြား ကုန်ကျစားရိတ်များကိုလျှော့ချနိုင်မည့်အပြင်၊ ကုလသမဂ္ဂအဖွဲ့ များနှင့်၂၀၁၆ခုနှစ်တွင် လက်မှတ် ရေးထိုးထားသော ဂရန်းဘာဂင် (Grand Bargain) ကတိကဝတ်များနှင့်လည်းကိုက်ညီမည် ဖြစ်သည်ဟု ထောက်ပြပြောဆိုကြသည်။

ပင်လယ်ကမ်းခြေနှင့်ဆိုင်သောလူမှုရေး အသွင် ပြောင်းလဲခြင်းရံပုံငွေအဖွဲ့ COAST ၏ (ပညာရေးနှင့် အစားအစာလုံခြုံစိတ်ချရရေး) လက်ထောက်ညွှန်ကြားရေးမှူး Mujibul Haque Munir က အစိုးရ၊ နိုင်ငံတကာ အန်ဂျီအိုများ (INGOs) ၊ ကုလသမဂ္ဂအဖွဲ့ များ၏ အထင်အရှားရှိနေသည့် မြင့်မားလွန်းလှသည့် ကုန်ကျစာရိတ်များ အကြောင်းကို သူ၏ စာတန်းတွင် ပြုစု တင်သွင်းခဲ့သည်။

ကော့ဘဇားရှိ နိုင်ငံတကာအင်ဂျီအိုများ (INGOs) များတွင် မှတ်ပုံတင်ထားသူ/ မှတ်ပုံမတင်ထားသူ စုစုပေါင်း နိုင်ငံခြားသား ၃၀၀၀ နီးပါးလုပ်ကိုင်နေကြသည်။ နိုင်ငံခြားသား အကူအညီ ပေး ရေးလုပ်သားများ အနေဖြင့် ပျှမ်းမျှတစ်နေ့လျှင် တာကာ ၂၅၀၀၀ (မြန်မာကျပ် ၁၅၀၀၀၀) ကို ပုံမှန်လစာ အဖြစ် ရရှိနေကြပြီး ၎င်းအပြင် နေ့ တွက်စား ရိတ်အဖြစ်ရရှိကြသည်ဟု ဆိုသည်။ ၎င်းဝန်ထမ်းများအတွက် စုစုပေါင်း တနေ့ လျှင် တာကာ ၂ ကုဋေ အသုံးပြုနေကြသည်။

ယင်းကုန်ကျစားရိတ်သည် ဒေသခံ အင်ဂျီအိုများ၏ စားရိတ်စားကများထက်၅ဆပိုများနေကြောင်း Munir က သည်ဒေးလီးစတား (The Daily Star) ကိုပြောပါသည်။

ဤလေ့လာတွေ့ ရှိချက်သည်၊ ကော့ဘဇား (Cox's Bazar) တွင် လွန်ခဲ့သည့် တနှစ်က ၊ဝန်ထမ်းလေး ၃ - ၄ ယောက်နှင့်လာရောက်လုပ်ကိုင်နေသောနိုင်ငံတကာအင်ဂျီအို(INGO) ၏လုပ်ဆောင်ချက်များ၊ အခြေအနေ များအပေါ်တွင်အခြေခံထားပါသည်။

တွက်ချက်မှု တခုတွင်၊တခုသောနိုင်ငံတကာအင်ဂျီအို(INGO) သည်၊၄င်းအကောင်အထည်ဖေါ်ရမည့် လုပ်ငန်းတွင်၁၈ ရာခိုင်နှန်းသာသုံးစွဲပြီး၊ ၄င်းအင်ဂျီအို (INGO) ၏ စားရိတ်စားကများ နှင့်အသုံးစာရိတ် များအတွက် ၈၂ ရာခိုင်နှုန်းသုံးစွဲခဲ့ကြောင်းသိရှိရသည်။

ဤကဲ့သို့  သော ဖြစ်စဉ်၊ဖြစ်ရပ်များသည်၊ထိုဒေသရှိ နိုင်ငံတကာအန်ဂျီအိုများ (INGOs) အများ အားဖြင့်အတူတူပင်ဖြစ် ကြပါသည်။

နိုင်ငံတကာအင်ဂျီအိုများ(INGOs) ၏ စုစုပေါင်းရံပုံငွေတောင်းခံခြင်းသည် တာကာ ၅.၅၅ ကုဋေ ဖြစ်ပါသည် ဟု အမည်မဖေါ်လိုသူက သည်ဒေးလီးစတား (The Daily Star) ကိုပြောသည်။

ယခုနှစ်ဇန်နဝါရီလမှစ၍၊အလှူရှင်များထံမှအမေရိကန်ဒေါ်လာ ၆၈၂ သန်းရရှိ ခဲ့ ပြီး ၊ဘင်္ဂလီမိသားစု တစ်စု အတွက်ဒေါ်လာ ၃၂၈၄ နှင့်ညီမျှပါသည်။ နိုင်ငံတကာအင်ဂျီအိုများ (INGO) များ၊ကုလသမဂ္ဂအဖွဲ့  အစည်းများ၏ စီမံကိန်း များ၏ ၇၅ ရာခိုင်နှုန်းမှာ ဒေသခံအင်ဂျီအိုများ ၊ အမျိုးသား အင်ဂျီအိုများမှ အ ကောင် အထည်ဖေါ်ဆောင်ရွက်ကြသည်ဟုလေ့လာတွေ့ ရှိချက်များကဆိုပါသည်။

နိုင်ငံတကာအင်ဂျီအိုများ (INGOs) သည်၎င်းတို့ ၏ ငွေ အမြောက်အများကိုသယ်ယူပို့ဆောင်ခြင်း လုပ်ငန်းများတွင်လည်းသုံးစွဲလျှက်ရှိဟုဆိုသည်။

အစီရင်ခံစာများတွင်ဖေါ်ပြပါရှိခဲ့သည့်အတိုင်း၊နေ့ စဉ်နှင့်အမျှ ကော့ဘဇား (Cox's Bazar) မှ ဘင်္ဂါလီစခန်းများသို့ ကားစီးရေ ၅၄၅ စီး မှ ၅၇၅ စီး လုပ်ရှားသွားလာမှုများရှိခဲ့ရာ ငွေကုန်ကြေးကျများသည် သာမက၊ ဒေသခံကလေးများနှင့် လူငယ်လေးများကိုပါကျောင်းထွက်စေခဲ့သည့်အကြောင်းတရပ် လည်းဖြစ်ပါသည်။

ဖေါ်ပြပါ နိုင်ငံတကာအင်ဂျီအိုများ (INGOs) ၏ စားရိတ်စားကများ၊အသုံးစာရိတ်များလျှော့ချရန်ချာတာဖေါ်ချိန်း (C4C) ကိုလက်ခံဆောင်ရွက်ရန်သဘောတူညီကြပါသည်။ ယင်းတို့ ၏သဘော ထားမှာ လူသားချင်းစာနာထောက်ထားမှုများကိုတုန့် ပြန်ရာတွင်၊၄င်းတို့ ၏နိုင်ငံသားများ ပိုမိုပါဝင် စေပြီး၊ဒေသခံများဦးဆောင်သောလူသားချင်းစာနာထောက်ထားမှု စံနစ်သို့ ပြောင်းလဲရန်ဖြစ်ပါသည်။

၎င်းအပြင်၊နိုင်ငံတကာအင်ဂျီအိုများ (INGOs) ၊ကုလသမဂ္ဂအဖွဲ့ အစည်းများသည်၎င်းတို့ လက်မှတ် ရေးထိုး ထားသော ဂရန်းဘာဂင်(GB) သဘောတူညီချက်အရ၊ ရံပုံငွေ ပွင့်လင်းမြင်သာမှု နှင့်အခြား ကုန်ကျ စားရိတ်များကိုလျှော့ချနိုင်ရေးအတွက်ဒေသခံအင်ဂျီအိုများ၊ဒေသခံအစိုးရအဖွဲ့ အစည်းများ နှင့်ပူးပေါင်းလုပ်ကိုင်ဆောင်ရွက်ရန် နည်းလမ်းများကိုစဉ်ဆက်မပြတ်ရှာဖွေနေကြရပါသည်။

မည်သို့ ပင်ဆိုစေကာမူ၊ နိုင်ငံတကာအင်ဂျီအိုများ (INGOs) သည် ချာတာဖေါ်ချိန်း (C4C) နှင့် ဂရန်းဘာဂင် (GB) ကိုလိုက်နာခြင်းမရှိဘဲ၊ ဒေသခံ အင်ဂျီအိုများအဆိုအရ၊ နိုင်ငံတကာအင်ဂျီအိုများ (INGOs)သည် ဒေသခံအင်ဂျီအိုများအားပေးရန်ရှိသော ရံပုံငွေများကိုပေးချေရန်ပျက်ကွက်ကြပါသည်။

နိုင်ငံခြားရေးဝန်ကြီးဌာန၊ ကုလသမဂ္ဂဆိုင်ရာ ညွှန်ကြားရေးမှူးချုပ် Nahida Sobhan က နေရပ်စွန့် ခွါ ဘင်္ဂါလီများသည် ၊မိမိတို့ သဘောဆန္ဒအရ၊ဘေးကင်းလုံခြုံစိတ်ချစွာ၊နေရပ်ပြန်ရေးသည်၊ကျွန်ပ်တို့ အစိုးရ၏ ပန်းတိုင်ပင်ဖြစ်ပါသည်ဟု ၄င်း၏မိန့် ခွန်းတွင်ထည့်သွင်းပြောကြားခဲ့ပါသည်။

လူသားချင်းစာနာထောက်ထားမှုများကိုတုန့် ပြန်ရာတွင်ဒေသခံအင်ဂျီအိုများနှင့်ပူးပေါင်းညှိနှိုင်းဆောင် ရွက်ကြရန်အထူးပင်လိုအပ်ပါကြောင်း ၄င်းကပြောပါသည်။

ဒေသခံအင်ဂျီအိုများရေးရာဗျူရို ၏ ညွှန်ကြားရေးမှူးချုပ် KM Abdus Salam က၊ ဤလေ့လာတွေ့ ရှိ ချက်သည်၊မည်မျှ မှန်ကန်ကြောင်း၊မေးခွန်းထုတ်ခဲ့သလို၊ COAST ၏ ကြိုးပမ်းမှုကိုလည်းချီးကျူးခဲ့ပါ
သည်။

၎င်းကပင်၊ယခုကဲသို့ လေ့လာသောလုပ်ငန်းစဉ်သည်၊ကျွမ်းကျင်အတတ်ပညာရှင်များနှင့် မိတ်ဆွေ သဘော၊ပူးပေါင်းညှိနှိုင်းဆောင်ရွက်ကြရမှာဖြစ်ပြီး၊တဘက်သားကိုမထိခိုက်စေဘဲ ၊အနှုတ်လက္ခဏာ
သဘောမသက်ရောက်စေဘို့ ပြောပါသည်။ နိုင်ငံတကာနှင့်ဒေသခံအင်ဂျီအိုများအကြား၊ရင်ဆိုင်နေကြ ရသော၊ ပြည်တွင်း၌ဖြစ်သော ပြဿနာကို ဝါသနာစရိုက်တူ၊အကြိုက်တူသော၊အကျိုးသက် ရောက်စေ သော၊မိသားစုသဘော၊ရင်ဆိုင်ဖြေရှင်းကြရန်ကိုကျွန်ပ်အနေနဲ့ အားလုံးကိုအနူးအညွတ်တောင်းဆိုလို ပါသည်ဟုပြောပါသည်။

ကျွန်ပ်တို့ ၏နိုင်ငံသားများ၊ဒေသခံအန်ဂျီအိုများသည်ဘင်္ဂလီများအရေးကိုတုန့် ပြန်စီမံဆောင်ရွက်နိုင်ရန်ကျွမ်းကျင်မှုနှင့် စွမ်းရည်ပါရှိကြောင်း၎င်းကပြောပါသည်။

အန်ဂျီအိုများသည်လူသားချင်းစာနာထောက်ထားမှု အထောက်အပံ့ထက်မပိုစေဘဲ၊ ဘင်္ဂလာဒေ့ရှ် အစိုးရ၏ နေရပ်ရင်းပြန်ပို့ ရေးဆုံးဖြတ်ချက်များကိုမဆန့် ကျင်ကြရန် ၄င်းကတိုက်တွန်းပါသည်။

ကျွန်ပ်တို့ သည်လူသားချင်းစာနာထောက်ထားမှု များကိုတုန့် ပြန်ရာတွင်ပါဝင်သူအားလုံး ကို လေးစား စွာဆက်ဆံသင့်ကြောင်း၊ ကျွန်ပ်တို့ ၏ ရှေ့ ဆက်လျှောက်လှမ်းရမည့်ခြေလှမ်းနှင့်၊ ဖွံ့ဖြိုးမှုများကိုဆောင် ရွက်ရာတွင် နူးညံ့သိမ်မွေ့ စွာပူးပေါင်းဆောင်ရွက်ရမည်ဟုကုလသမဂ္ဂ ဌာနေညှိုနှိုင်းရေးမှူး Mia Seppo ကပြောပါသည်။

ကျွန်ပ်တို့ သည် ဒုက္ခသည်များ၏အခြေအနေပိုမိုကောင်းမွန်လာစေရန်နှင့်၎င်းတို့ နိုင်ငံသို့  ပြန်နိုင်ရန် မြန်မာနိုင်ငံအစိုးရနှင့် လုပ်ကိုင်ဆောင်ရွက်ရပါမည်ဟု UNHCR ၏ ဌာနေကိုယ်စားလှယ် Papa Kysma Sylla ကပြောပါသည်။

ကျွန်ပ်တို့ သည်ဂရန်းဘာဂင်(GB) သဘောတူညီချက်ကိုအားလုံးလက်ခံကြပြီး၊ ဒေသတွင်း ပြဿနာ အဖြစ်လက်ခံဖြေရှင်းကြရန် Concern Worldwide ၏ ဌာနေညွှန်ကြားရေးမှူး AKM Musha ကပြောပါ သည်။

ဤလုပ်ငန်းစဉ်တွင်အလှူရှင်များသည်အဓိကအခန်းကဏ္ဍကပါဝင်ပြီး ၊ နိုင်ငံတကာအင်ဂျီအိုများ (INGOs) သို့ မဟုတ် ကုလသမဂ္ဂအဖွဲ့ အစည်း များမဟုတ်ပါကြောင်း၊ ကျွန်ပ်တို့ သည် ၄င်းတို့ အချင်းချင်း ပူးပေါင်းဆောင်ရွက်လာနိုင်အောင်မည်ကဲ့သို့ လက်တွေ့ စီစဉ်ဆောင်ရွက်ပေးသင့်သည်ကို တိုင်ပင် ဆွေးနွေးကြရန်လိုအပ်ပါသည်ဟု Musha ကပြောပါ သည်။

၎င်းစားပွဲဝိုင်းဆွေးနွေးပွဲကို နိုင်ငံတော်အဓိကအတွင်းဝန်ဟောင်းနှင့် PKSF ၏ ဦးဆောင်ညွှန်ကြားရေး မှူး Abdul Karim ကသဘာပတိအဖြစ်ဆောင်ရွက်ပြီး၊အောက်(စ်)ဖမ်း (OXFAM) အင်တာနေရှင်နယ်မှ Anita Kattakuzhy ၊ ကော့ဘဇား (Cox's Bazar) လူထုအခြေပြုအဖွဲ့ အစည်း၊ ဒေသခံအင်ဂျီအို များဖေါ်ရမ် (CCNF) မှ Abu Morshed Chowdhury တို့ မှလည်းအခြားသူများနှင့်အတူပါဝင်၊တိုင်ပင် ဆွေးနွေးကြပါသည်။

"INGOs Spending on Rohingyas_Translated version _CKK_5.12.2018"

ချစ်ကိုကိုဘာသာပြန်သည်။

Narinjara
https://www.facebook.com/Narinjara

Read More

ဒုက္ခသည်စခန်းမှ ဘုရင်မကြီး ဂုဏ်ပြုတပ်ဖွဲ့ဆီသို့

 ခြေလျင်တပ် သင်တန်းကျောင်းမှာ အောင်မြင်တဲ့ ပထမဆုံး အမျိုးသမီး

ထိုင်းမြန်မာ နယ်စပ် အုန်းဖြန် ဒုက္ခသည် စခန်းမှာ မွေးဖွားခဲ့တဲ့ ကရင်အမျိုးသမီး နော်အနီတာ အောင်ခင်ဟာ အခုတော့ ဗြိတိသျှ တပ်မတော်မှာ တာဝန်ထမ်းဆောင်နေပြီး ဘုရင်မကြီးရဲ့ ဂုဏ်ပြုတပ်ဖွဲ့ဝင်တစ်ယောက် ဖြစ်နေပါပြီ။

ဗြိတိသျှ တပ်မတော်မှာ သူ့ရဲ့အဓိကအလုပ်က Royal Logistic Corps မှာ Logistics supply specialist တာဝန်ထမ်းဆောင်ရပါတယ်။

အဲဒီ ဌာနရဲ့ ဘင်ခရာ အဖွဲ့မှာလည်း ဒရမ်တီးသမားဖြစ်တဲ့ အတွက် လန်ဒန်မြို့တော်က ဘာကင်ဟမ်နန်းတော်၊ ဝင်ဆာမြို့က ဝင်ဆာ ရဲတိုက်ကြီးတို့မှာ နေ့စဉ် ပြုလုပ်တဲ့ အစောင့်တပ်တွေ လဲလှယ်ရာမှာ ပါဝင်ချီတက်ရတဲ့ ဘင်ခရာအဖွဲ့မှာ နော်အနီတာ ပါဝင်ရပါတယ်။

တော်ဝင် မိသားစုနဲ့ ဆိုင်တဲ့ အခမ်းအနားတွေ၊ တပ်မတော် ဘွဲ့နှင်းသဘင် အခန်းအနားတွေမှာ ဖျော်ဖြေတာအပြင် ပြည်တွင်းပြည်ပမှာ လုပ်တဲ့ အခမ်းအနားတွေမှာ ဖျော်ဖြေဖို့လည်း ဂုဏ်ပြု ဘင်ခရာအဖွဲ့နဲ့ အတူ သူလိုက်ပါသွားရပါတယ်။

 ဗြိတိသျှတပ်မတော်မှာ တာဝန်ထမ်းဆောင်နေတာ ၅ နှစ်ရှိပြီ

တော်ဝင်မိသားစုဝင်တွေထဲက ဘုရင်မကြီး၊ အိမ်ရှေ့စံ ဝေလမင်းသား ချားလ်စ်နဲ့ တော်ဝင် မင်းသမီး အန်းတို့ကို တွေ့ဖူးတယ်လို့ အနီတာက ဆိုပါတယ်။

အဲလစ်ဇဘက်ဘုရင်မကြီးကိုတော့ လန်ဒန် နားက Epsom မြို့မှာ လုပ်တဲ့ မြင်းပွဲကိုလာတုန်း တွေ့ဖူး စကားပြောဖူးတယ်လို့ နော်အနီတာက ပြောပါတယ်။

ဘုရင်မကြီးက သူတို့ တပ်ဖွဲ့တွေကို စစ်ဆေးတယ်၊ တစ်ယောက်ချင်းကို ကောင်းကောင်း မွန်မွန် လိုက်လံ စကားပြောနှုတ်ဆက်ပြီး နေ့စဉ်လုပ်ငန်းနဲ့ အလုပ်အကိုင် အကြောင်းမေးရာမှာ သူ့ကို အလုပ် အကြောင်းမေးတော့ အလုပ် လုပ်တာ ၅ နှစ် ရှိပြီ၊ အဆင်ပြေတယ်ဆိုပြီး ပြန်ဖြေခဲ့တယ်လို့ အနီတာက ပြောပါတယ်။

ဘင်ခရာအဖွဲ့မှာ ပါသူတွေက အနည်းဆုံး တူရိယာ နှစ်မျိုး တီးခတ်တတ်ဖို့ လိုပြီး အနီတာကတော့ ဒရမ်နဲ့ Bugle လို့ ခေါ်တဲ့ ခရာ ကိုပါတီးမှုတ်တတ်ပါတယ်။

 ခြေလျင် တပ်ဖွဲ သင်တန်းကျောင်းဆင်း ပွဲမှာ သင်တန်းသားများနဲ့ နော်အနီတာအောင်ခင်

ဗြိတိသျှ တပ်မတော် ဝင်ဖို့ လိုအပ်ချက်များ

ဗြိတိသျှ တပ်မတော်ကို ဝင်နိုင်ဖို့ အရပ်အမောင်း သတ်မှတ်ချက်က ၅ ပေနဲ့ ၆ လက်မ ဖြစ်ပါတယ်။

အင်္ဂလိပ်စာနဲ့ သင်္ချာ မှာ ဗြိတိန်က သတ်မှတ်ထားတဲ့ GNVQ Level 2 အသက်မွေးဝမ်းကျောင်း ကောလိပ်ဝင်ခွင့် အဆင့် ၂ အောင်ဖို့လို တယ်၊ ကျန်းမာ ကြံ့ခိုင်ရေး ဆေးစစ်ချက်တွေ အောင်ဖို့ လိုတယ်လို့ အနီတာက ပြောပါတယ်။

စစ်ဆေးမှုတွေ အောင်မြင်ရင် တောထဲမှာ လေ့ကျင့်ရတဲ့ တိုက်ခိုက်ရေး သင်တန်း အပါအဝင် တခြား သင်တန်းတွေကို တစ်ဆင့်ပြီး တစ်ဆင့် တက်ရတယ်လို့ ဆိုပါတယ်။

ဒုက္ခသည်စခန်းမှသည် ဘုရင့်တပ်မတော် ဆီသို့

နော်အနီတာအောင်ခင်ဟာ ကရင်လူမျိုးမိဘတွေက မွေးဖွားတဲ့ တိုင်းရင်းသူလေးဖြစ်ပါတယ်။

ထိုင်းမြန်မာ နယ်စပ် ဒုက္ခသည် စခန်းမှာ မွေးတာ ဖြစ်လို့ မြန်မာနိုင်ငံသားလည်း လျှေက်ထားလို့မရ၊ ထိုင်းနိုင်ငံကလည်း အသိအမှတ်မပြုလို့ နိုင်ငံမဲ့ ဘဝနဲ့ နေခဲ့ရပါတယ်။

 ဒုက္ခသည်စခန်းက မရေရာတဲ့ ဘဝတွေ

၂၀၀၆ ခုနှစ် ရောက်တော့ ဗြိတိသျှ အစိုးရရဲ့ ဒုက္ခသည်တွေ နေရာချထားရေး အစီအစဉ်အရ မိသားစုနဲ့ အတူ ဗြိတိန်နိုင်ငံကို ရောက်လာခဲ့ပါတယ်။

အဲဒီအချိန်က အနီတာက အသက် ၁၄ နှစ် အရွယ်ဖြစ်ပါတယ်။

သူ့ရဲ့ မိခင်ဘာသာစကားက ကရင်ဘာသာစကားဖြစ်ပြီး မြန်မာလို အနည်းအပါးသာ ပြောနိုင်ပါတယ်။

ဒုက္ခသည်စခန်းမှာ အလှူရှင်တွေရဲ့ အကူအညီတွေ ရပေမယ့် ကျန်းမာရေး၊ လူမှုရေး၊ ပညာရေး ဘဝ အာမခံချက် မရှိသလို အလုပ်အကိုင် အခွင့်အလမ်း မရှိလို့ ဘဝလုံခြုံမှု မရှိနိုင်ဘူးလို့ ဆိုပါတယ်။

ဗြိတိန်ကို ရောက်လာတော့ ဘာသာစကား အခက်အခဲ၊ နေထိုင်စားသောက်ရေး အခက်အခဲတွေ အများကြီး ကြုံခဲ့ရပါတယ်။

ဒါပေမဲ့ ဗြိတိန်က သူ့ကို ခိုလှုံခွင့် ပေးပြီး နိုင်ငံသား ဖြစ်ခွင့် ရတဲ့ အတွက် နိုင်ငံသား တစ်ယောက် အနေနဲ့ လူ့အခွင့်အရေး အပြည့်အဝ ခံစား ရတယ်လို့ အနီတာက ပြောပါတယ်။

နိုင်ငံမဲ့ ဘဝကနေ ဗြိတိန်နိုင်ငံသား ဖြစ်ခွင့် ရလာတဲ့အတွက် ဒီနိုင်ငံကို ကျေးဇူးဆပ်တဲ့ အနေနဲ့ရော ဝါသနာပါရာ အလုပ်ကို လုပ်ဖို့ အတွက်ပါ တပ်မတော်ထဲ ဝင်ခဲ့တာလို့ သူက ပြောပါတယ်။

အခု ဗြိတိသျှ တပ်မတော်မှာ တာဝန် ထမ်းဆောင်ရတဲ့ အတွက် ဂုဏ်ယူမိတယ်၊ မျှော်လင့်ချက် မရှိတဲ့ ဒုက္ခသည်စခန်းကနေ အခုလို အခြေအနေအထိ ဖြစ်လာဖို့ ကြိုးစားခဲ့ရတာတွေရဲ့ အတွေ့အကြုံအရ တိုင်းရင်းသူတွေအပါအဝင် မိန်းကလေးတွေ ကို လည်း ရည်မှန်းချက်ထားတဲ့အတိုင်း ကြိုးစားလုပ်ဆောင်ရင် မဖြစ်နိုင်စရာ မရှိဘူးလို့ တိုက်တွန်း ပြောဆိုလိုက်ပါတယ်။

Naw Anita Aung Khin 

ရီရီအောင် ဘီဘီစီမြန်မာပိုင်း
BBC Burmese
https://www.bbc.com/burmese

Read More

မိဘမဲ့ ရိုဟင်ဂျာ ဒုက္ခသည်လေးများ ကာကွယ်ရေး

ဘင်္ဂလားဒေ့ရ်ှက ရိုဟင်ဂျာဒုက္ခသည်စခန်းတွေမှာ မိဘမဲ့ကလေးအဖြစ် စာရင်းဝင်နေတဲ့ ကလေးပေါင်း ၁၅,၀၀၀ ကျော်ရှိနေပြီဖြစ်ကြောင်း ဘင်္ဂလားဒေ့ရှ် တာဝန်ရှိသူတွေက ဗွီအိုအေကိုပြောပါတယ်။

ရိုဟင်ဂျာဒုက္ခသည် သန်းတ၀က်ကျော်မှာ ကလေးအရေအတွက် ၆၀% ကျော်ရှိနေပြီး အဲဒီထဲက မိဘမဲ့ကလေး အရေအတွက်ကို သူတို့ ကောက်ခံရာမှာ အချက်အလက်အမှန်ရဖို့ အခက်အခဲတွေရှိပေမယ့် စနစ်တကျဖြစ်အောင် ဘင်္ဂလားဒေ့ရ်ှအစိုးရက ဆောင်ရွက်နေတယ်လို့လည်း ဆိုပါတယ်။

VOA သတင်းထောက်တွေဖြစ်တဲ့ Joe Freeman နဲ့ Muktadir Rashid တို့ ပေးပို့ထားတဲ့ သတင်းကို မအင်ကြင်းနိုင်က ပြောပြမှာပါ။

မိဘအုပ်ထိန်းသူ မပါပဲ ရောက်လာကြတဲ့ ရိုဟင်ဂျာကလေးတွေကို ဒုက္ခသည်စခန်းအတွင်း စာရင်းပြုစုရာမှာ တဦးချင်းစီရဲ့ ပြောဆိုချက်ကို မှန်မမှန်အတည်ပြုနိုင်ရေး အချက်အလက်တွေ ထပ်ပြီးရဖို့ အခက်အခဲတွေရှိပေမယ့် လက်ရှိ စာရင်းကောက်ယူတဲ့ အရေအတွက်အရ မိဘမဲကလေးပေါင်း ၁၅,၀၀၀ အထက်မှာ ရှိနိုင်ကြောင်း ဘင်္ဂလားဒေ့ရ်ှနိုင်ငံ Cox’s Bazar ခရိုင် လူမှုဖူလုံရေးဌာန ရဲ့ လက်ထောက်ညွန်ကြားရေးမှူး Pritam Kumar Chowdhury က ပြောပါတယ်။

“ဘင်္ဂလားဒေ့ရ်ှဘက်မှာ မိဘမဲ့ကလေးအဖြစ် သတ်မှတ်မယ်ဆိုရင် ကျနော်တို့ တာဝန်ရှိသူတွေက သူတို့ရဲ့ တဲအိမ်တွေဆီသွားပြီး အတည်ပြုချက်ယူပါတယ်။ ဒါပေမယ် သူတို့ပြောတဲ့ အချက်အလက် မှန်မမှန် စုံစမ်းနိုင်ဖို့ မြန်မာဘက်အခြမ်းကို သွားလို့ မဖြစ်နိုင်ပါဘူး။ ဒါကြောင့် သူတို့ပြောသမျှအချက်အလက်တွေကိုပဲ ကျနော်တို့က စုဆောင်းကောက်ယူရပါတယ်။”

မိဘမဲ့ကလေးအဖြစ် စာရင်းကောက်ယူရာမှာ အဲဒီကလေးနဲ့အတူ မြန်မာနိုင်ငံကနေ ထွက်ပြေးလာတဲ့ လူတွေ အပြင် အနီးအနားဝန်းကျင်က လူတွေကိုလည်း ဘင်္ဂလားဒေ့ရ်ှတာဝန်ရှိသူတွေက စုံစမ်းမေးမြန်းတယ်လို့ Pritam Kumar Chowdhury ကဆိုပါတယ်။

“တကယ်လို့ သက်သေအထောက်အထားမရှိဘူးဆိုရင် နှုတ်နဲ့ပြောဆိုချက်တွေအပေါ်မှာ အခြေခံပြီး အချက်အလက်ကောက်ယူပါတယ်။ တရားဝင်လုပ်ထုံးလုပ်နည်း အတိုင်းပြည့်စုံအောင် ကျနော်တို့ရဲ့ နည်းဗျူဟာကို ထိန်းသိမ်းထားပါတယ်။ ၁၀၀% ပြည့် မှန်ကန်မှုရှိတယ်လို့ ကျနော်တို့ မပြောနိုင်ပေမယ့် အားလုံးကတော့ အချက်အလက်တွေ မမှားဘူးဆိုတာကိုတော့ ပြောနိုင်ပါတယ်။”

UNICEF ပြောခွင့်ရပုဂ္ဂိုလ် Jean-Jacques Simon က ဗွီအိုအေကို အီးမေးလ်ကတဆင့်အကြောင်းပြန်ကြားရာမှာ ဘင်္ဂလားဒေ့ရ်ှအစိုးရက စာရင်းကောက်ယူထားတဲ့ ရိုဟင်ဂျာမိဘမဲ့ကလေးပေါင်း ၁၄,၇၄၀ ရှိနေကြောင်း အတည်ပြုထားပါတယ်။ စီစစ်သုံးသပ်လို့ ပြီးစီးသွားတဲ့ အရေအတွက် တ၀က်ကျော်ကို ဘင်္ဂလားဒေ့ရှ် လူမှုဖူလုံရေးဝန်ကြီးဌာနရဲ့ database ကွန်ပြူတာ နည်းပညာနဲ့ အချက်အလက် သိမ်းဆည်းတဲ့ စာရင်းထဲ ထည့်သွင်းထားတယ်လို့လည်း ဆိုပါတယ်။

လက်ရှိ အခြေအနေအရ စခန်းတွေထဲမှာ တယောက်ထဲသီးခြားစီနေတဲ့ ကလေးငယ် ၁၅ ဦး စာရင်းရရှိထားပြီး အခု သူတို့ဘယ်နေရာတွေမှာရှိနေလဲ၊ သူတို့ကို အသေအချာ အကာအကွယ်ပေးဖို့ ဒေသဆိုင်ရာ ဘင်္ဂလားဒေ့ရ်ှအစိုးရ အာဏာပိုင်တွေကို ဆက်သွယ်ပြောဆိုထားကြောင်း UNICEF ကပြောပါတယ်။

ဘင်္ဂလားဒေ့ရှ် အရှေ့တောင်ပိုင်းနယ်စပ်က ယာယီဒုက္ခသည်စခန်းတွေမှာ ကလေးတွေနဲ့ ပြည့်ကျပ်နေတာပါ။ လူကြီးတွေနဲ့ အတူနေထိုင်တဲ့ ကလေးတချို့ ရှိနေသလို အုပ်ထိန်းသူလုံးဝ မရှိတဲ့ ကလေးတွေလည်း ရှိနေပါတယ်။ ပရမ်းပတာနဲ့ ၀ရုန်းသုန်းကားဖြစ်နေတဲ့ အခြေအနေတွေဟာ ကလေးတွေအပေါ် နှိပ်စက်ဖို့ အပြင် အခြား အန္တရာယ်တွေကျရောက်စေဖို့ အားနည်းချက်လို ဖြစ်နေပါတယ်။

ဒုက္ခသည် မိဘမဲ့ကလေးတွေအတွက် အဆောက်အဦးဆောက်လုပ်ဖို့ ဘင်္ဂလားဒေ့ရ်ှအစိုးရက စဉ်းစားနေပြီး ဒီအတွက် အထောက်အကူပေးရေး အဖွဲ့အစည်းတွေနဲ့ ဒီသတင်းပတ်အတွင်း ဆွေးနွေးခဲ့ကြောင်း ဘင်္ဂလားဒေ့ရ်ှအခြေစိုက် NGO အဖွဲ့တခုဖြစ်တဲ့ BRAC ရဲ့ ညွန်ကြားရေးမှူး Dr. Erum Mariam ကပြောပါတယ်။

အသစ်ထပ်မံရောက်ရှိလာတဲ့ ရိုဟင်ဂျာဒုက္ခသည် ကလေးတွေရဲ့ ကျန်းမာရေး အတွက်လည်း အရေးပေါ် အကူအညီတွေ အလွန်လိုအပ်နေကြောင်း UNICEF က အင်္ဂါနေ့က ကြေညာချက် ထုတ်ပြန်ထားပါတယ်။

သြဂုတ်လ (၂၅)ရက်နေ့က ရခိုင်ပြည်နယ်မြောက်ပိုင်းမှာ တကျော့ပြန်ဖြစ်လာတဲ့ အကြမ်းဖက်မှုတွေတွေကြောင့် ဘင်္ဂလားဒေ့ရ်ှဘက်ကို ရိုဟင်ဂျာဒုက္ခသည် သိန်းနဲ့ချီပြီး ထွက်ပြေးရာမှာ အဓိက ကလေးတွေဖြစ်ကြပြီး အများအပြားဟာ သူတို့ရဲ့ မိဘတွေကို မြန်မာနိုင်ငံဘက်အခြမ်း ဒါမှမဟုတ် ထွက်ပြေးလာတဲ့ လမ်းမှာ ဆုံးရှုံးခဲ့ကြတာဖြစ်ပါတယ်။ သူတို့ကြုံခဲ့ရတဲ့ အဖြစ်အပျက်တွေအကြောင်း ကလေးငယ်တွေကိုယ်တိုင် ပုံဖေါ်ရေးဆွဲထားတဲ့ ပန်းချီတွေကိုကမ္ဘာ့ကလေးများ ရန်ပုံငွေအဖွဲ့ UNICEF က စုဆောင်းပြသရာမှာ အလွန်ထိတ်လန့်တုန်လှုပ်ဖွယ်ကောင်းတဲ့ ဖြစ်ရပ်တွေကို နိုင်ငံတကာအသိုင်းအ၀ိုင်းက မြင်ခဲ့ကြရပါတယ်။

အင်ကြင်းနိုင် / ဗွီအိုအေ (မြန်မာပိုင်း)
https://burmese.voanews.com

Read More

ဘင်္ဂလားဒေ့ရ်ှရောက် ဟိန္ဒူတို့အတွက် မရေရာတဲ့ အနာဂတ်

ဘင်္ဂလားဒေ့ရ်ှရောက် ဟိန္ဒူတို့အတွက် မရေရာတဲ့ အနာဂတ်
————————————————————————
Joe Freeman/ Myanmar Now
BurmaDemocracy, 9 October 2017

ရခိုင်ပြည်နယ်ကနေ ထွက်ပြေးလာတဲ့ ဟိန္ဒူဘာသာဝင်တွေဟာ ဘင်္ဂလားဒေ့ရ်ှ ယာယီဒုက္ခသည်စခန်းတွေမှာ ခိုလှုံနေ ကြပါတယ် (ဓာတ်ပုံများ - Joe Freeman/Myanmar Now)

ကော့ဘဇား၊ ဘင်္ဂလားဒေ့ရှ် (Myanmar Now) —

ဘင်္ဂလားဒေ့ရ်ှနိုင်ငံတွင်းက ယာယီစခန်းတစ်ခုမှာရောက်နေတဲ့ ဟိန္ဒူဒုက္ခသည်တွေဟာ မြန်မာနိုင်ငံမှာ နေစဉ် သူတို့နဲ့ ရိုဟင်ဂျာမွတ်စလင်တွေ အကြား ညီညီညွတ်ညွတ် နေထိုင်ခဲ့ ကြတဲ့ အခြေအနေတွေကို သတိရနေကြပါတယ်။

“ကျွန်တော်တို့ ပွဲတော်တစ်ခုခုကျင်းပတိုင်း သူတို့ကို ဖိတ်လေ့ရှိသလို သူတို့ပွဲရှိရင်လည်း ကျွန်တော်တို့ကို ဖိတ်ပါတယ်” လို့ ရခိုင်ပြည်နယ် မောင်တောမြို့၊ ဆီယွန်ဆူရီရွာ မြန်မာဘာသာနဲ့ဆိုရင် အလယ်သံကျော်ရွာက ထွက်ပြေးလာသူလို့ ဆိုတဲ့ အသက် ၆ဝ အရွယ် ဘိုလာရန်ရှီက ပြောပါတယ်။

Arakan Rohingya Salvation Army (ARSA) အဖွဲ့နဲ့ တပ်မတော်အကြား သြဂုတ် ၂၅ ရက် ကစလို့ တိုက်ပွဲတွေ ဖြစ်ပွားပြီးတဲ့ နောက်ပိုင်းမှာ သူတို့အသိုင်းအဝိုင်းနှစ်ခု ဆက်ဆံရေး ပျက်စီးသွားတာပါ။ ဒီအခြေအနေဟာ တစ်သက် လုံးလည်း ဖြစ်သွားနိုင်ပါတယ်။

သူတို့ရွာနဲ့ နီးတဲ့ ရဲဘောက်ကျ ရွာက ဟိန္ဒူတွေကတော့ ARSA အဖွဲ့ဝင်တွေဟာ ရဲစခန်းနဲ့ စစ်တပ်ကင်းစခန်းတွေကို တိုက်ခိုက်ပြီး မရှေးမနှောင်းမှာဘဲ သူတို့ဆွေမျိုးအများအပြားကို သတ်ဖြတ်ခဲ့တယ်လို့ ပြောကြပါတယ်။ အခုဆိုရင် ဟိန္ဒူဘာသာဝင် အများအပြားလည်း ပျောက်ဆုံးနေပါတယ်။ ARSA အဖွဲ့ကတော့ ဒါဟာ သူတုိ့လက်ချက် မဟုတ်ဘူးလို့ ဆိုပါတယ်။ မြန်မာအစိုးရကတော့ ARSA လက်ချက်လို့ စွပ်စွဲထားပြီး နယ်စပ်ကို ဖြတ်ပြီးထွက်ပြေးသွားတဲ့ ကျန်ရစ်သူ ဟိန္ဒူတွေကိုလည်း ပြန်ခေါ်ထားပါတယ်။

နေရပ်စွန့်ခွာ ထွက်ပြေးလာတဲ့ ဟိန္ဒူတွေဟာ ရခိုင်ဒေသမှာ အစိုးရက စီစဉ်ပေးထားတဲ့ ဒုက္ခသည်စခန်းမှာပဲ ခိုလှုံနေကြရပါတယ်။ ဘင်္ဂလားဒေ့ရ်ှဘက်ကို ထွက်ပြေးလာကြတဲ့ ဟိန္ဒူဘာသာဝင်တွေကတော့ ရိုဟင်ဂျာတွေနဲ့ နေရတဲ့ ဒုက္ခသည် စခန်းမှာ နှိပ်စက်ခံရမှုတွေ၊ ပစ်ပယ်ခံထားရမှုတွေ၊ မရေရာ တဲ့ အနာဂတ် အခြေအနေတွေနဲ့ ရင်ဆိုင်နေရတယ် လို့ ဆိုပါတယ်။

အများစုကတော့ နေရပ်ကို ပြန်ရကောင်းနိုးနိုး၊ မပြန်ရကောင်းနိုးနိုးနဲ့ ချီတုံချတုံဖြစ်နေကြတာပါ။

“ဘင်္ဂလားဒေ့ရ်ှက မွတ်စလင်နိုင်ငံဖြစ်လို့ အိန္ဒိယကိုပဲသွားချင်တယ်” လို့ ၅၅ နှစ်အရွယ် စီတရိုရန်ဂျွန်ပါးလ်က ပြောပါတယ်။

• အရင်တုန်းကတော့ သူငယ်ချင်းတွေ

ရခိုင်ပြည်နယ်မြောက်ပိုင်းမှာ သူတို့ကိုယ်သူတို့ ရိုဟင်ဂျာလို့ ခေါ်ပြီး မြန်မာအများအပြားက ဘင်္ဂါလီလို့ ခေါ်ဆိုသူတွေကို တွေ့နိုင်ပါတယ်။ အဲဒီမှာ ရိုဟင်ဂျာတွေထက်စာရင် ဟိန္ဒူဘာသာဝင်တွေက ပိုပြီး လွတ်လွတ်လပ်လပ် သွားလာနိုင်ပေမယ့် တချို့ကိစ္စတွေမှာတော့ အနှိမ်ခံရတာချင်း အတူတူပါပဲ။ ဆီယွန်ဆူရီရွာကို ARSA ဝင်လာတဲ့အခါ ဟိန္ဒူဘာသာဝင် တွေနဲ့ မွတ်စလင်တွေ အကြား စိတ်ဝမ်းကွဲသွားကြပါတယ်။

ရိုဟင်ဂျာ/ဘင်္ဂါလီတွေရဲ့ တိုက်ခိုက်မှုတွေဟာ အရင်ကလည်း ရှိနေခဲ့ပေမယ့် ကြာကြာမခံခဲ့သလို အောင်မြင်မှုလည်း မရှိခဲ့ပါဘူး။

ရခိုင်ပြည်နယ်ထဲမှာနေထိုင်တဲ့ ဘင်္ဂါလီ တစ်သန်းကျော်ကို ကန့်သတ်တင်းကျပ်၊ အဲဒီထဲက တစ်သိန်းခွဲကို ပြည်တွင်းက ဒုက္ခသည်စခန်းတွေကို ပို့လိုက်တာကြောင့် ဗုဒ္ဓဘာသာတွေနဲ့ မွတ်စလင်တွေ အကြား တိုက်ခိုက်မှုတွေ ၂ဝ၁၂ မှာ ဖြစ်ပွား ပြီးနောက်ပိုင်း ARSA အဖွဲ့ပေါ်လာပါတယ်။

ပါကစ္စတန်မှာ မွေးတဲ့ ရိုဟင်ဂျာအမျိုးသား အက်တူလာဆိုသူ ဦးဆောင်တဲ့ ARSA အဖွဲ့က လွန်ခဲ့တဲ့နှစ် အောက်တိုဘာ ၉ ရက်မှာ ပထမဆုံး တိုက်ခိုက်ခဲ့ပါတယ်။ အဲဒီတုန်းကအဖွဲ့ရဲ့ အမည်က Harakat Al-Yakin ခေါ် ဘာသာရေးလှုပ်ရှားမှု ဖြစ်ပါတယ်။ တပ်မတော်နဲ့ ပထမအကြိမ် တိုက်ခိုက်ပြီး နောက်ပိုင်းမှာ အဲဒီအဖွဲ့ဟာ လူအင်အား ပိုများလာသလို တပ်မတော်က မုဒိမ်းကျင့်တယ်၊ ဥပဒေဘောင် အပြင်ဘက်က သတ် ဖြတ်မှုတွေ လုပ်တယ်၊ ရွာတွေကို မီးရှို့တယ်လို့ စွပ်စွဲခဲ့ပါတယ်။

အဲဒီအဖွဲ့ဟာ ရွာထဲမှာ လူစုနေတာကို တွေ့ခဲ့ရတယ်၊ လူငယ်တွေနဲ့ သူသိတဲ့သူ တချို့ ပါသွားတယ်လို့ ပါးလ်က ပြောပါတယ်။

“သူငယ်ချင်းတချို့လည်း ARSA ထဲ ဝင်လိုက်ကြတယ်” လို့ ပါးလ်က ဆိုပါတယ်။ ဘာကြောင့် ဒါမျိုးလုပ်ရတာလဲလို့ သူက မေးပါတယ်။ လွတ်မြောက်မှုကို ရချင်တာကြောင့်လို့ သူတို့က ဖြေပါတယ်။

အဲဒီထဲမှာ တစ်ယောက်က သူ့နဲ့ နီးနီးကပ်ကပ်ပေါင်းတဲ့ သူငယ်ချင်းပါ။

“ကျွန်တော်တို့ အတူတူကြီးပြင်းခဲ့တာပါ။ သူ့ကိုရော၊ သူ့ အမည်ကိုရော၊ သူ့အဖေအမည်ကိုရော သိပါတယ်” လို့ ပါးလ်က ပြောပါတယ်။

ဒီပြဿနာမှာ ဝင်မပါဖို့နဲ့ အစိုးရက ဘာဖြစ်ဖြစ် လုပ်ရင်ခံရ မယ်လို့ ပါးလ်က သူ့သူငယ်ချင်းကို တိုးတိုးတိတ်တိတ် တားပါသေးတယ်။ ပါးလ်အနေနဲ့ ဒီကိစ္စကို မကြိုက်ဘူးဆိုလည်း ဘယ်သူ့ကိုမှ အသိမပေးဖို့နဲ့၊ အခြားသူတွေ သိသွားရင် ပြဿနာ ရှိတယ်ဆိုတာ သူ့သူငယ်ချင်းက ပြောခဲ့ပါတယ်။ ARSA တွေဟာ အစိုးရသတင်းပေးတွေကို ပစ်မှတ်ထားနေတာကြောင့် ပါးလ်အနေနဲ့ ဒီကိစ္စကို ရေငုံနှုတ်ပိတ် နေလိုက် ပါတော့တယ်။

သြဂုတ် ၂၅ တိုက်ခိုက်မှုဖြစ်ပွားပြီးနောက်ပိုင်းမှာ ARSA အဖွဲ့ဝင်တွေဟာ မျက်နှာကို အဝတ်နက်တွေစည်း၊ ရွာထဲ လှည့်သွားနေပြီး ရွာသားတွေကို မနှောက်ယှက်ဘူးလို့ ပြောပါတယ်။ တချို့က ပါးလ်ကို ချက်ပြုတ် စားစရာတွေနဲ့ စီးကရက် တွေကိုတောင် ပေးသွားကြပါတယ်။

ဒါပေမယ့် ဆွေမျိုးတစ်ယောက်က သူ့ကိုခေါ်ပြီး ARSA တွေက ဟိန္ဒူဘာသာဝင်တွေကိုပါ သတ်မယ့်အကြောင်း ကြားထားတာ ပြောသလို သူ့ကိုလည်း ထွက်ပြေးဖို့ ပြောပါတယ်။

“အဲဒီမှာ ကျုပ်စပြီး ကြောက်သွားတာပဲ”လို့ သူက ပြောပါတယ်။ အဲဒီကတည်းက ဘင်္ဂလားဒေ့ရှ် ဘက်ကို ထွက်ပြေးလာ ပြီး သူ့သူငယ်ချင်းကိုလည်း ပါးလ် မတွေ့ရတော့ပါဘူး။

• တိုက်ခိုက်မှု

ဘင်္ဂလားဒေ့ရ်ှဘက်ကို ဟိန္ဒူဘာသာဝင် ငါးရာကျော်ထွက်ပြေးခဲ့ပါတယ်။ ဒါဟာ ရိုဟင်ဂျာအရေအတွက် ငါးသိန်း ဆိုတဲ့ ကိန်းဂဏန်းနဲ့ယှဉ်ရင် အဆမတန် ကွာဟနေတာပါ။ ဟိန္ဒူဒုက္ခသည်တွေကို သူတို့ဘုရားကျောင်း အနီးမှာရှိတဲ့ ကြက်ခြံတစ်ခုထဲမှာ သီးသန့်ထားပါတယ်။ သူတို့နေရတဲ့ နေရာက ရိုဟင်ဂျာတွေကို ထားတဲ့ နေရာလောက် ဆိုးဆိုးရွားရွား မဟုတ်ပေမယ့် သူတို့နေခဲ့တဲ့ အိမ်နဲ့တော့ တူနိုင်မှာ မဟုတ်ပါဘူး။

ဘင်္ဂလားဒေ့ရ်ှကို ရောက်ပြီး တစ်ပတ်လောက်အကြာမှာ ဆီယွန်ဆူယီ ရွာသားတွေဟာ အရင်က အိမ်နီးနားချင်းတွေကို ဆက်သွယ်မိပါတယ်။

သူတို့ပြောပြချက်အရ ဟိန္ဒူတွေက သူတို့အိမ်နီးချင်းတွေကို ရောင်းခဲ့တဲ့ တိရိစ္ဆာန်ဖိုးတွေကို သွားတောင်းချင်တယ်။

အဲဒီကိစ္စ ဘယ်လိုဆက်ဖြစ်တယ် မသိပေမယ့် ဟိန္ဒူအမျိုးသားနှစ်ယောက် ပြောတာကတော့ သူတို့ကို မွတ်စလင် ၁၁ ယောက်က လမ်းမှာခြိမ်းခြောက်ပြီး သစ်သားတုတ်၊ သံတုတ်တွေနဲ့ ဝိုင်းရိုက်ပါတယ် တဲ့။

ဟိန္ဒူဘာသာဝင် တစ်ယောက်ကတော့ အရိုက်ခံထားရတဲ့ လက်မောင်း၊ တင်ပါးပေါ်က ဒဏ်ရာတွေကို ပြပါတယ်။

အဲဒီဒုက္ခသည်စခန်းတွေရှိရာ ကော့ဘဇား ခရိုင်ရဲစခန်းအောက်မှာရှိတဲ့ အူခီးယားရဲစခန်းမှူး မိုဟာမက်ကိုင်ကီစလူအင်းက အဲဒီရန်ပွဲက စက်တင်ဘာ ၁၂ ရက်ဝန်းကျင်လောက်က ဖြစ်ခဲ့ပြီး မြန်မာနိုင်ငံကတည်းက ပါလာတဲ့ ရန်ငြိုးရန်စ ဖြစ်တယ်လို့ ပြောပါတယ်။

ရိုက်နှက်တဲ့ အုပ်စုထဲမှာ ပါတဲ့သူအချို့ကို ဒုက္ခသည်စခန်းကနေ တောထဲကို မောင်းထုတ် အပြစ်ပေးလိုက်ပြီလို့ ရဲအရာရှိက ပြောပါတယ်။

“အဲဒီလူအုပ်က ဒီလူနှစ်ယောက်လက်ကို ကြိုးတွေနဲ့ တုပ်ပြီး ရိုက်တာပါ” လို့ အရိုက်ခံရသူတွေရဲ့ တိုင်ကြားချက်ကို သူက ပြောပါတယ်။

ရိုက်ခဲ့သူများမှာ ထွက်ပြေးလွတ်မြောက်သွားပြီး ပြန်မလာတော့ကြောင်း ဟိန္ဒူဒုက္ခသည်တွေက ပြောပါတယ်။

ကိုင်ကီစလူအင်းက သူတို့ရဲတပ်ဖွဲ့အနေနဲ့ လူသေအလောင်း နှစ်လောင်းကို ရှာဖွေတွေ့ခဲ့ပေမယ့် ရုပ်ပျက်ဆင်းပျက် ဖြစ်နေတဲ့အတွက် ယခုဖြစ်စဉ်နဲ့ ပတ်သက်မှုရှိ၊ မရှိ ကောက်ချက် မချနိုင်ကြောင်း ပြောပါတယ်။ မိသားစုဝင်တစ်ဦးက အလောင်းတစ်လောင်းကို လာကြည့်ပြီး သူတို့လူဖြစ်ကြောင်း ပြောခဲ့ပေမယ့် တာဝန်ရှိသူများက သံသယရှိနေကြတာပါ။

“ဒီအလောင်းနှစ်လောင်းကို ဘယ်သူဘယ်ဝါဆိုတာ ဘယ်သူမှ အတည်မပြုနိုင်သေးပါဘူး” ဟု ကိုင်ကီစလူအင်းက ပြောပါတယ်။

အဆိုပါ ကိစ္စရပ်ကို စုံစမ်းနေဆဲဖြစ်ပြီး ရှေ့နောက်မညီတဲ့ ထွက်ဆိုချက်များ ရှိနေကြောင်း ရဲအရာရှိ တစ်ဦးက ပြောပါတယ်။ ပျောက်သွားတယ်လို့ ပြောတဲ့တစ်ယောက်ကို နောက်ပိုင်းမှာ ပြန်တွေ့ခဲ့တာမျိုး ဖြစ်ခဲ့ဖူးတာကို သူက ဥပမာ ပေးပါတယ်။

ဒီဖြစ်စဉ်ကို လူသတ်မှုလို့ပဲ သတ်မှတ်ထားကြောင်း ရဲအရာရှိကိုင်ကီစလူအင်းက ပြောပါတယ်။

• အလောင်းမြှုပ်တဲ့နေရာ

ဂျာဂါဒစ်ရ်ှပါးဟာ သူရဲ့ ဖိနပ်ကိုချွတ်၊ မြစ်ကမ်းဘက်ကို သွားပြီး မြေစာပုံ အသစ်ပေါ်ကို လျှောက်သွားပါတယ်။

သူ့အဖေ ရာဘင်ဒရာပါးကို မြှုပ်ဖို့ ဖြစ်သလိုတူးထားရတဲ့ တွင်းနားမှာ သူဆုတောင်းပါတယ်။ ဟိန္ဒူအယူအဆမှာ ဖခင်သေရင် သားဖြစ်သူ ခေါင်းတုံးတုံးရပါတယ်။

အဲဒီတွင်းကို ဟိန္ဒူတွေအတွက် ယာယီဒုက္ခသည်စခန်းထဲမှာပဲ တူးလိုက်တာပါ။ ဘာအမှတ်အသားမှလည်း မရှိပါဘူး။ တူးတဲ့နေရာက ဗုဒ္ဓဘာသာ သင်္ချိုင်းနဲ့တော့ နေရာ ကန့်ထားပါတယ်။ သင်္ချိုင်းနှစ်ခုစလုံးက တောနံဘေး၊ ဟင်းလင်းပြင်ကွင်းထဲမှာပါ။

ငွေသိမ်းဖို့ သွားခဲ့ပြီး အိမ်ပြန်မလာနိုင်တော့တဲ့ ဟိန္ဒူ ဘာသာဝင် ၁ဝ ယောက်ထဲမှာ သူ့အဖေလည်း ပါတယ်လို့ ပါးလ်က ပြောပါတယ်။ စခန်းမှာရှိသူတွေကလည်း ရုပ်အလောင်းမှာ

ပတ်ထားတဲ့ လက်ပတ်ကို ကြည့်တာနဲ့ ဟိန္ဒူဘာသာဝင် ဖြစ်တယ်ဆိုတာ ခွဲခြားနိုင်တယ်လို့ ပြောပါတယ်။

ပါးလ်နဲ့ သူ့ညီအစ်ကို မောင်နှမ ၆ ယောက်ဟာလည်း ဒီဒုက္ခသည်စခန်းမှာ နေကြပြီး သူ့အမေကတော့ မြန်မာနိုင်ငံဘက် မှာ ကျန်နေတယ်လို့ ဆိုပါတယ်။ ပါးလ်ကတော့ အရင်တုန်းက စစ်တကောင်းမှာ ဆံသဆရာ တစ်ဦးအဖြစ် အလုပ်လုပ်ခဲ့သူပါ။

သူ့အနေနဲ့ နိုင်ငံသားအဖြစ် အသိအမှတ်ပြုခံရပြီး ရန်ကုန်မှာ နေခွင့်ရမယ်ဆိုရင် မြန်မာနိုင်ငံဘက်ကို အပြီးပြန်သွားချင်ကြောင်း ပါးလ်က ပြောပါတယ်။

“ကျုပ်တို့ တစ်ရွာတည်းမှာ သူတို့နဲ့ အတူနေလို့ မဖြစ်တော့ဘူး။ ဘင်္ဂလားဒေ့ရ်ှမှာလည်း မနေချင်ဘူး” လို့ သူက ပြောပါတယ်။

အိန္ဒိယကိုတော့ နေသင့်တဲ့နေရာလို့ သူက ဆိုပါတယ်။

“ကျုပ်တို့အတွက်တော့ ဒီဒုက္ခသည်စခန်းရှိတဲ့နေရာက မလုံခြုံပါဘူးဗျာ”

Myanmar Now မှကူးယူဖော်ပြပါသည်။

Read More