Latest News

CREDIT

သတင္းစံုေပ်ာ္၀င္အိုးၾကီးတြင္ ေဖာ္ျပထားသည့္ သတင္း၊ဓာတ္ပံုမ်ားသည္ သက္ဆိုင္သူမ်ား၏မူပိုင္သာျဖစ္ေၾကာင္း အသိေပးအပ္ပါသည္။

Sunday, January 20, 2019

အီရတ္မွာ က်ဆုံးခဲ့တဲ့ ျမန္မာလူမ်ိဳး အေမရိကန္စစ္သား ေဝၿဖိဳးလြင္


အရင္ေရးဖူးၿပီးသားပါ။ ၂၀၀၅ ခုႏွစ္ မတ္လ၂ ရက္ေန႔က အီရတ္စစ္ပြဲမွာ က်ဆုံးခဲ့တဲ့ ျမန္မာႏြယ္ဖြား အေမရိကန္ၾကည္းတပ္က ႐ိုး႐ိုးတပ္သားေဝၿဖိဳးလြင္ပါ။
အဲဒီေန႔က သူတို႔စီးလာတဲ့ ဟမ္းဗီးယာဥ္မိုင္းထိၿပီး က်ဆုံးခဲ့တာပါ။ သူနဲ႔အတူက်ဆုံးခဲ့တဲ့သူက မြတ္ဆလင္ဘာသာဝင္ အဇာအလီဆိုတဲ့ တပ္သားပါ။
သူတို႔ဟမ္းဗီးယာဥ္ဟာ ေလဆိပ္နဲ႔ Green Zone ၾကားထဲမွာ အတိုက္ခံလိုက္ရတာပါ။ ႏွစ္ေယာက္စလုံး အသက္ ၂၇ ႏွစ္ရွိၿပီး အိမ္ေထာင္မရွိသူမ်ားျဖစ္ပါတယ္။
အြန္လိုင္းေပၚမွာသိပ္မေတြ႕ရေပမဲ့ လြန္ခဲ့တဲ့ ၇ ႏွစ္ေလာက္က ဖတ္ခဲ့ဖူးတဲ့Trader Hotel ကထုတ္တဲ့ မဂၢဇင္းတစ္ေစာင္မွာေတာ့ ဂစ္တာႏိုင္ေဇာ္က ေဝၿဖိဳးလြင္အေမနဲ႔ေတြ႕ဆုံေမးျမန္းၿပီး ေဆာင္းပါးျပန္ေရးခဲ့တာရွိပါတယ္။
႐ိုး႐ိုးတပ္သားေလးမ်ားသာျဖစ္တဲ့ သူတို႔အေလာင္းေတြကို အေမရိကန္အထိျပန္သယ္လာၿပီး တိုက္ေလယာဥ္ေတြ၊ ရဟတ္ယာဥ္ေတြပါတဲ့ ဂုဏ္ျပဳတပ္ဖြဲ႕န႔ ဗိုလ္ခ်ဳပ္ႀကီးေတြကိုယ္တိုင္ အေလးျပဳပါတယ္။
ကိုေဝၿဖိဳးလြင္အိမ္မွာ အသုဘအခမ္းအနားက်င္းပတဲ့အခ်ိန္ကေနစၿပီး ၂လျပည့္တဲ့အထိ လိုအပ္တဲ့အကူအညီေပးႏိုင္ေအာင္ဆိုၿပီး အေမရိကန္တပ္မေတာ္က အရာရွိႏွစ္ေယာက္ဟာ
ဘဏ္အေစာင့္ေတြလို အိမ္တံခါးေပါက္မွာ လာေစာင့္ေပးပါသတဲ့။ ေန႔စဥ္ အလွည့္က်ေပါ့။ ႏွစ္ေယာက္ၿပီးရင္ ေနာက္ထပ္ တျခားႏွစ္ေယာက္ေပါ့။
ကိုေဝၿဖိဳးလြင္မိခင္ ေဒၚေမသီခက အားနာလြန္းလို႔ ျပန္ပါေတာ့ ရပါၿပီဆိုတာေတာင္ “အားမနာပါနဲ႔ ဒါ ကြၽန္ေတာ္တို႔ လုပ္ကိုလုပ္ရမယ့္တာဝန္”လို့ ေျပာပါသတဲ့။
ကြၽန္ေတာ္ေတာ့ စဖတ္ခါစက အေတာ္ေလးအံ့အားသင့္သြားမိပါတယ္။ေအာ္ … ဒါ့ေၾကာင့္လည္း အေမရိကန္လူငယ္ေတြ စစ္ထဲဝင္ၾကတာကိုးလို႔ သေဘာေပါက္လိုက္မိပါတယ္။ ေဝၿဖိဳးလြင္ဆိုတာ သာမန္တပ္သားေလးတစ္ေယာက္ပါခင္ဗ်ား …… ။
စစ္အေၾကာင္း မေရးရရင္ မေနႏိုင္လို႔ေရးလိုက္တာပါ။ ျမန္မာျပည္ကအေၾကာင္း မဟုတ္ဘူးေနာ္။ သူမ်ားႏိုင္ငံအေၾကာင္းပါ။
ဘယ့္ႏွယ္ ႀကံႀကံဖန္ဖန္ ရဲေဘာ္ေသတာ အရာရွိႏွစ္ေယာက္က ႏွစ္လေလာက္ အသုဘအိမ္လာေစာင့္ေပးရတယ္လို႔၊ ၾကားၾကားဖူးေပါင္ …. ။ ။

Ye Kyaw Thura





(Unicodeျဖင့္ ဖတ္ရန္)

အရင်ရေးဖူးပြီးသားပါ။ ၂၀၀၅ ခုနှစ် မတ်လ၂ ရက်နေ့က အီရတ်စစ်ပွဲမှာ ကျဆုံးခဲ့တဲ့ မြန်မာနွယ်ဖွား အမေရိကန်ကြည်းတပ်က ရိုးရိုးတပ်သားဝေဖြိုးလွင်ပါ။
အဲဒီနေ့က သူတို့စီးလာတဲ့ ဟမ်းဗီးယာဉ်မိုင်းထိပြီး ကျဆုံးခဲ့တာပါ။ သူနဲ့အတူကျဆုံးခဲ့တဲ့သူက မွတ်ဆလင်ဘာသာဝင် အဇာအလီဆိုတဲ့ တပ်သားပါ။
သူတို့ဟမ်းဗီးယာဉ်ဟာ လေဆိပ်နဲ့ Green Zone ကြားထဲမှာ အတိုက်ခံလိုက်ရတာပါ။ နှစ်ယောက်စလုံး အသက် ၂၇ နှစ်ရှိပြီး အိမ်ထောင်မရှိသူများဖြစ်ပါတယ်။
အွန်လိုင်းပေါ်မှာသိပ်မတွေ့ရပေမဲ့ လွန်ခဲ့တဲ့ ၇ နှစ်လောက်က ဖတ်ခဲ့ဖူးတဲ့Trader Hotel ကထုတ်တဲ့ မဂ္ဂဇင်းတစ်စောင်မှာတော့ ဂစ်တာနိုင်ဇော်က ဝေဖြိုးလွင်အမေနဲ့တွေ့ဆုံမေးမြန်းပြီး ဆောင်းပါးပြန်ရေးခဲ့တာရှိပါတယ်။
ရိုးရိုးတပ်သားလေးများသာဖြစ်တဲ့ သူတို့အလောင်းတွေကို အမေရိကန်အထိပြန်သယ်လာပြီး တိုက်လေယာဉ်တွေ၊ ရဟတ်ယာဉ်တွေပါတဲ့ ဂုဏ်ပြုတပ်ဖွဲ့န့ ဗိုလ်ချုပ်ကြီးတွေကိုယ်တိုင် အလေးပြုပါတယ်။
ကိုဝေဖြိုးလွင်အိမ်မှာ အသုဘအခမ်းအနားကျင်းပတဲ့အချိန်ကနေစပြီး ၂လပြည့်တဲ့အထိ လိုအပ်တဲ့အကူအညီပေးနိုင်အောင်ဆိုပြီး အမေရိကန်တပ်မတော်က အရာရှိနှစ်ယောက်ဟာ
ဘဏ်အစောင့်တွေလို အိမ်တံခါးပေါက်မှာ လာစောင့်ပေးပါသတဲ့။ နေ့စဉ် အလှည့်ကျပေါ့။ နှစ်ယောက်ပြီးရင် နောက်ထပ် တခြားနှစ်ယောက်ပေါ့။
ကိုဝေဖြိုးလွင်မိခင် ဒေါ်မေသီခက အားနာလွန်းလို့ ပြန်ပါတော့ ရပါပြီဆိုတာတောင် “အားမနာပါနဲ့ ဒါ ကျွန်တော်တို့ လုပ်ကိုလုပ်ရမယ့်တာဝန်”လို့ ပြောပါသတဲ့။
ကျွန်တော်တော့ စဖတ်ခါစက အတော်လေးအံ့အားသင့်သွားမိပါတယ်။အော် … ဒါ့ကြောင့်လည်း အမေရိကန်လူငယ်တွေ စစ်ထဲဝင်ကြတာကိုးလို့ သဘောပေါက်လိုက်မိပါတယ်။ ဝေဖြိုးလွင်ဆိုတာ သာမန်တပ်သားလေးတစ်ယောက်ပါခင်ဗျား …… ။
စစ်အကြောင်း မရေးရရင် မနေနိုင်လို့ရေးလိုက်တာပါ။ မြန်မာပြည်ကအကြောင်း မဟုတ်ဘူးနော်။ သူများနိုင်ငံအကြောင်းပါ။
ဘယ့်နှယ် ကြံကြံဖန်ဖန် ရဲဘော်သေတာ အရာရှိနှစ်ယောက်က နှစ်လလောက် အသုဘအိမ်လာစောင့်ပေးရတယ်လို့၊ ကြားကြားဖူးပေါင် …. ။ ။
Ye Kyaw Thura

No comments:

Post a Comment