သရဏဂုံနှင့် ရဟန္တာဖြစ်ကြသူများ

ဘုရားရှင် သက်တော်ထင်ရှားရှိစဉ်အခါတုန်းက သရဏဂုံရဲ့တန်ဖိုးကို သိကြတဲ့အတွက် တချို့  ကိုယ်ဝန်ဆောင် ဒကာမများဆိုရင် မိမိအတွက် သရဏဂုံ ခံယူရုံမျှ မကသေးဘူး။

မိမိဝမ်းထဲမှာရှိနေတဲ့ ကလေးအတွက်ပါ သရဏဂုံခံယူတဲ့ ဒကာမတွေတောင် ရှိခဲ့ဖူးတယ်။

ဘုရားရှင်လက်ထက်တော်က သရဏဂုံကို အကြောင်းခံပြီး ရဟန္တာဖြစ်သွားရတဲ့ ပုဂ္ဂိုလ်တွေလဲ ရှိခဲ့ဖူးတယ် 'သရဏဂုံမထေရ်' လို့ပဲ အမည်တွင်ခဲ့ကြတယ်။

သရဏဂုံစွဲမြဲတဲ့အတွက် ပဒုမုတ္တရ ဘုရားရှင်လက်ထက်ကစပြီး ဘုရား ၁၆-ဆူတိုင်တိုင် ဘဝပေါင်းကို ထား၍ ကမ္ဘာပေါင်းပင် မရေမတွက်နိုင်အောင် အပါယ်လေးပါးဆိုတဲ့ အသံကိုတောင် မကြားရဘူး လူ့ပြည်နတ်ပြည်မှာချည်း အဆင့်တန်းမြင့်မြင့် စည်းစိမ်ခံစားခဲ့ကြရတယ်။

မြတ်စွာဘုရားလက်ထက်တော်က သာဝတ္ထိပြည်မှာ ၇-နှစ်သားအရွယ် သူငယ်ကလေး တစ်ယောက် ရှိခဲ့ဖူးတယ်။

ကလေးတို့ဘာဝ ကစားဖော် ကလေးများနှင့် ဘုန်းကြီးကျောင်းတိုက် တစ်ခုထဲ ရောက်သွားကြတယ်။

ကျောင်းတိုက်ထဲမှာ သီတင်းသုံးတဲ့ ရဟန္တာအရှင်မြတ်တစ်ပါးက ပျူ ပျူ ငှာငှာ ကလေးများကို နှုတ်ဆက်မေးစမ်းပြီး သရဏဂုံသုံးပါးကို ရွတ်ဆိုသင်ပြပေးလိုက်တယ်။

ကလေးနားနဲ့တန်တဲ့ ဆုံးမစကားလည်း ပြောဟောပေးသတဲ့။

သူကြွယ်သားကလေးဟာ 'ဗုဒ္ဓံ သရဏံ ဂစ္ဆာမိ'လို့ ဆိုလိုက်တာနဲ့ ချက်ချင်း
ရိုးတွင်းချ ဉ်ဆီခိုက်အောင် ပီတိတွေဖြစ်သွားတယ်။

အိပ်ပျော်နေရာက ဖြုန်းကနဲနိုးလာပြီး တစ်စုံတစ်ခု သတိရလိုက်သလို မီးခဲပြာဖုံးဖြစ်နေတဲ့ အသိတွေ ဘွားခနဲ ပွင့်သွားတယ်။

သရဏဂုံကို အကြောင်းပြုပြီး ဝိပဿ နာဉာဏ် ဝင်စားလိုက်တာ အဲဒီနေရာမှာပဲ ခုနစ်နှစ်သားကလေး ရဟန္တာဖြစ်တော်မူသွားသတဲ့။

သတ္တဝါတို့မည်သည် နောက်ကြောင်းကိုယ်စီ ရှိကြတယ်။

ဘဝနောက်ခံ ကိုယ်စီပါကြသည်လို့ မှတ်ရမယ်။

အသိဉာဏ်ရှိတဲ့ ဘဝတစ်ခုခုက ထိထိခိုက်ခိုက် နှလုံးသွင်း လေ့ကျင့်ထားတဲ့ အလုပ်တစ်ခုဟာ တစ်သံသရာလုံး အကျိုးဖြစ်စေတယ်။

နှယ်နှယ်ရရ မမှတ်ကြနှင့်။

ဒီ ၇-နှစ်သား သူကြွယ်သားကလေးဟာ ဟိုး ---လွန်ခဲ့တဲ့ ၇-ဆူမြောက် ဝိပဿီ မြတ်စွာဘုရားရှင် လက်ထက်တော်အခါတုန်းက ဗန္ဓု မတီပြည်က မျက်မမြင် ဒုက္ခိတ မိဘနှစ်ပါးကို
ပြု စုလုပ်ကျွေးခဲ့တဲ့သူဖြစ်တယ်။

ရဟန်းတော်တွေရဲ့ဘဝကို ဖူးမြင်ရတိုင်း သူ့မှာ အားကျတဲ့စိတ် ဖြစ်ရှာတယ်။

သို့ပါသော်လည်းပဲ. . .

'သြော်. . .ငါ့မှာ မျက်မမြင်မိဘ နှစ်ပါးကို လုပ်ကျွေးပြု စုရမယ့် တာဝန်ရှိနေတယ်။

သူများလို လွတ်လွတ်လပ်လပ်သာဆိုရင် ရဟန်းပြုရသော် ကောင်းလေစွ'လို့ မကြာခဏ စိတ်ကူးမိတယ်။

နောက်ဆုံးတော့ 'မရနိုင်တာ တောင့်တနေလို့ အကျိုးမရှိဘူး။

သရဏဂုံသုံးပါးနှင့်နေပြီး သရဏဂုံသုံးပါးနှင့် သေရင်လဲ ဒီဘဝ ဒုက္ခတွေက လွတ်မြောက်မှာပါပဲ'ဆိုပြီး နိသဘခေါ်တဲ့ အဂ္ဂသာဝကမထေရ် တစ်ပါးထံမှာ သရဏဂုံ ဆောက်တည်ပြီး စွဲမြဲစွာ နေသွားတယ်။

အဲ. . .ဒီဘဝက သေတဲ့နောက်
တာဝတိံသာမှာ ဖြစ်တယ်။

သရဏဂုံ စွဲမြဲထုံသောကြောင့် အပါယ်လေးဘုံဆိုလျှင် ကြားပင်မကြားရဘဲ ဝိပဿီ သိခီ ဝေဿ ဘူ ကကုသန် ကောဏဂုံ ကဿ ပ ဂေါတမ. . . ဘုရား ၇-ဆူ ကာလတစ်လျှောက်လုံး ကမ္ဘာပေါင်းများစွာ လူ့ပြည် နတ်ပြည်မှာပဲ လှည့်လည်ပြီး အဆင့်တန်းမြင့်မြင့်ချ ည်း ကျင်လည်ခဲ့ရတယ်။

ငါတို့ ဂေါတမဘုရားရှင် လက်ထက်မှာ ခုနက ပြောခဲ့တဲ့အတိုင်း ဒီခေတ်မှာ ပြောနေကြတဲ့ မီလျံနာ-ဘီလျံနာလောက်မက ချမ်းသာကြွယ်ဝတဲ့ မဟာသာလ သူဌေးမျိုးမှာဖြစ်လာကြတယ်။

ဘဝနောက်ခံပါခဲ့သည့်အားလျော်စွာ 'ဗုဒ္ဓံ သရဏံ ဂစ္ဆာမိ'လို့ နှုတ်ကရွတ်ဆိုလိုက်တာနဲ့ ဇာတိဿ ရ ဉာဏ်တွေရ ဘွားခနဲ အတိတ်ဘဝက အလုပ်တွေပေါ်လာပြီး
ဝိပဿ နာဉာဏ် ဝင်စားလိုက်တာ ချက်ချင်း ရဟန္တာဖြစ်တော်မူသွားတယ်။

အားကျ ဖွယ်ကောင်းလိုက်တာလေ။

ဒါကြောင့် အနည်းဆုံး သရဏဂုံနှင့်နေ သရဏဂုံနှင့်သေကြရင် အရိယာဘဝသို့ မရ-မရောက်ကြရသေးစေကာမူ အပါယ်ဘေးကြီးက စိတ်ချရပြီ။

နတ်ပြည် ၆-ထပ် မြင့်မြတ်တဲ့ဘဝတွေကို အသာကလေး ရနိုင်တယ်လို့ မမှိတ်မသုန် ယုံကြည်ကြရမယ်။

သည့်ထက်ကောင်းတဲ့ ဂါထာမရှိဘူးဟူ၍ မှတ်။

ဘယ်လို အန္တရာယ်ကင်းတယ် စီးပွားတက်မယ်ဆိုပြီး သူပြော လူပြော ဘုရားဟော မဟုတ်တဲ့ ဂါထာအသစ်အဆန်းတွေ မလိုက်ကြနဲ့။

'ဗုဒ္ဓံ သရဏံ ဂစ္ဆာမိ' ဆိုတဲ့ သဗ္ဗမင်္ဂလာ ဂါထာတော်ကြီးနှင့် အရဟံ စသော ဂုဏ်တော်မူရင်းတွေထက် ကောင်းတဲ့ဂါထာဘယ်မှာ ရှိလိမ့်မတုန်း။

ဗုဒ္ဓံ သရဏံ ဂစ္ဆာမိ
ဓမ္မံ သရဏံ ဂစ္ဆာမိ
သံဃံ သရဏံ ဂစ္ဆာမိ

နယ်ခြားတောင်တန်းသာသနာပြု
ဆရာတော်ဘုရားကြီး ဦးဥတ္တမသာရ