"မြင့်မြတ်သော ရှာဖွေခြင်း"

 

"မြင့်မြတ်သော ရှာဖွေခြင်း"
**********************

သုတ္တန်တစ်ခုမှာ မြတ်စွာဘုရား ဟောထားတာ ရှိတယ် ။ 
အဲဒီသုတ္တန်မှာ ရှာဖွေခြင်း ( ၃ )ရပ်ကို မြတ်စွာဘုရား ဟောထားတယ်။

( ၁ ) ကာမေသနာ - ကာမဂုဏ်အာရုံတွေကို ရှာဖွေခြင်း။

ဒါ ခြုံငုံပြောမယ် ဆိုရင် , 
- မျက်စိ က မြင်ရပြီးတော့ နှစ်သက်စရာ အဆင်းတွေ ။
- နား က အသံကြားပြီးတော့ နှစ်သက်စရာ အသံတွေ။
- နှာခေါင်း ကရှူပြီးတော့ ရတဲ့ နှစ်သက်စရာ အနံ့တွေ ။
- လျှာက အရသာခံလို့ရတဲ့ နှစ်သက်စရာ အရသာတွေ။
- ခန္ဓာကိုယ်က ထိတွေ့ရတဲ့ နှစ်သက်စရာ အထိအတွေ့တွေ။
- အဲဒါတွေကို ကာမလို့ ခေါ်တယ် , လိုချင်စရာ အာရုံတွေ ။

ဘယ်သူ ဘာရှာရှာ အားလုံး ဒီထဲမှာပဲ ရှာနေတယ်။
နာမည်တွေသာ အမျိုးမျိုး ပြောမယ် ။
"မင်း ဘာရှာတာတုန်း" ?
- ကားရှာတယ် , အိမ်ရှာတယ် , တိုက်ရှာတယ် , ပိုက်ဆံရှာတယ် 
လို့ ပြောချင်ပြောမယ် ။ ဘာရှာတာတုန်း ? 
အဓိက ကတော့ ဟောဒီ ကာမအာရုံတွေ ရှာနေတာ ။

အဲဒီ ကာမဂုဏ်အာရုံတွေကို ရှာဖွေခြင်းဟာ လူ့လောကမှာ
မြန်မာတစ်နိုင်ငံသာမက ကမ္ဘာမှာ လူသားတွေ ရှိသမျှ ရှာနေတာ , 
အားလုံးဟာ ဒါကို ရှာနေတယ် ။ 
ဒီ ရှာဖွေမှုဟာ ဘယ်တော့ အဆုံးသတ်မှာလဲ ။ 
ဘယ်တော့မှ အဆုံးမသတ်ဘူး ။

ဒါဖြင့် ဒီရှာဖွေမှုက အဆုံးသတ်တဲ့ နည်းကို ဗုဒ္ဓဘာသာမှာ
ရှာတွေ့နိုင်တယ် ။
ဝိပဿ နာ ကျင့်စဉ် တစ်ခုကို ကျင့်ပြီးတော့ -
သောတာပတ္တိမဂ် , သကဒါဂါမိမဂ် , အနာဂါမိမဂ် , သောတာပတ္တိဖိုလ် , သကဒါဂါမိဖိုလ် , အနာဂါမိဖိုလ် ရလို့ အနာဂါမ် ဖြစ်သွားပြီ ဆိုရင် - 

အဲဒီ ကာမဂုဏ်အာရုံတွေကို ရှာတဲ့လုပ်ငန်းဟာ အပြီးသတ်သွားပြီ။
အနာဂါမ် ဖြစ်မှ ဒီရှာဖွေခြင်းဟာ ရပ်တယ် တဲ့ ။ သောတာပန်တောင် ရှာတုန်းပဲ ။

-------------------------------

( ၂ ) ဘဝေသနာ - ဘဝကို ရှာနေတာ ။

ဘဝကို ရှာတယ် ဆိုတာ ခုနက အနာဂါမ် ဖြစ်သွားဦး ။ သူက ဘဝကို ရှာသေးတယ် ။ ဘယ်ဘဝကို ရှာတာတုန်း ?

သူ့မှာ ကာမဘုံ ဆိုတဲ့ အောက်သံယောဇဉ် မရှိတော့ဘူး ။
ဗြဟ္မာပြည် ဆိုတဲ့ အထက် သံယောဇဉ် ရှိသေးတယ် ။

ဒါကြောင့်မို့ တစ်ချို့များ ရှာတယ်လေ , 
ဒီဘဝက မနေရလို့ သေသွားသောအခါ ဒီကုသိုလ်ကောင်းမှုကြောင့် နောင်ဘဝမှာ " ဆိုပြီးတော့ . . . ဟုတ်လား ။

တစ်ချို့ ဆုတောင်းထဲ ထည့်တောင် ထည့်သေးတယ်။
သူဌေးတောင် တစ်ယောက်တည်း မဟုတ်ဘူး , ဇောတိက ,ဇဋိလ 
အကုန်လုံး ထည့်လိုက်တာ ။
တစ်ယောက်တည်းနဲ့ အကုန်လုံး ဖြစ်ချင်တာနော် ။
ဒီထက်ကောင်းတဲ့ဘဝကို မျှော်လင့်ချက်တွေနဲ့ ဒီလို ရှာကြတယ်။

တစ်ချို့များ သံယောဇဉ် ဘယ်လောက်ကြီးတုန်း ?
ငှက်ဖြစ်ရင်တောင် တစ်ကိုင်းတည်း နားချင်သေးတယ် ။ သူက
အဲလောက်ထိအောင် ရှာတာ ။ မျောက်ဖြစ်ရင်လည်း တကိုင်းတည်းပဲ နေမှာပဲ ။

အဲဒီလို ဘဝကို ရှာမှီးမှုဟာ ဘယ်မှာ အဆုံးသတ်တုန်း ?
ရဟန္တာဖြစ်မှပဲ အဆုံးသတ်တယ် ။ ရဟန္တာ ဖြစ်ပြီ ဆိုရင် " ဘဝေသနာ " ဘဝကို ရှာဖွေခြင်းဟာ လုံးဝ အပြီးသတ်သွားတယ် ။
ကျန်တဲ့သူတွေတော့ ရှာနေဦမှာပဲ ။

---------------------------------

( ၃ ) ဗြဟ္မစရိယေသနာ - အကျင့်မြတ်ကို ရှာဖွေခြင်း တဲ့ ။

သီလ , သမာဓိ , ပညာ ဆိုတဲ့ သိက္ခာသုံးရပ် အကျင့်မြတ်ကို 
ကျင့်ကြံ အားထုတ်တယ် ။ကျင့်ကြံနေတာကိုပဲ ရှာတယ် လို့ 
ပြောတာ ။

ဘုရားသာသနာ နဲ့ ကြုံလို့ -
သီလအကျင့် , သမာဓိအကျင့် , မြတ်သော အကျင့်တွေ ကျင့်တယ်။
ကမ္မဋ္ဌာန်း အားထုတ်တယ် ။ ဒါ ဘာရှာတာတုန်း ? 
"ဗြဟ္မစရိယေသနာ - မြတ်သောအကျင့်ကို ရှာနေတာ ။ 
အဲဒါ ဘယ်ကျမှ အဆုံးသတ်တုန်း ? ရဟန္တာဖြစ်မှပဲ အဆုံးသတ်ရမှာပဲ ။
ဒီရှာဖွေမှု ၃ မျိုးထဲမှာ "ဗြဟ္မစရိယေသန" ဟာ တကယ် မွန်မြတ်တဲ့ ရှာဖွေမှုလို့ ပြောရမယ် ။

ကိုယ်က -
အိုခြင်းသဘော ရှိတော့ အိုခြင်းကင်းတဲ့ နိဗ္ဗာန်ကို ရှာတယ်။
ကိုယ်က -
နာခြင်းသဘော ရှိတော့ နာခြင်းကင်းတဲ့ နိဗ္ဗာန်ကို ရှာတယ်။
ကိုယ်က -
သေခြင်းသဘော ရှိတော့ သေခြင်းကင်းတဲ့ နိဗ္ဗာန်ကို ရှာတယ်။
ကိုယ်က -
ပူပန်ကြောင့်ကြခြင်းသဘောရှိတော့ ပူပန်ကြောင့်ကြမှု မရှိတဲ့ 
နိဗ္ဗာန် ကို ရှာတယ် ။
အဲဒီ နိဗ္ဗာန်ရောက်ကြောင်းကို ရှာတဲ့ " ဗြဟ္မစရိယေသန" ဟာ 
ဒီထဲမှာ အကြုံးဝင်တယ် လို့ ဒီလို ပြောရမယ် ။

အဲဒီတော့ ဒီသုတ္တန်မှာ မြတ်စွာဘုရားက ရှာဖွေခြင်း ၃ရပ်ကို ဒီလို 
ဟောထားတယ် ။

-----------------------------------

ဒါကြောင့် ဘုန်းကြီးတို့တတွေ -
ရှာသင့်တာနဲ့ မရှာသင့်တာ , ရှာနေကြတာတွေ ,
ရှာတာကို အကြောင်းပြုပြီး ရလာတာတွေက -

အိုခြင်းတရားကို ရှာရင် အိုခြင်းတရား ပဲ ပြန်ရမယ် ။
နာခြင်းသဘောရှိတဲ့ အရာကို ရှာရင် နာခြင်းသဘော ရှိတာပဲ ရမယ်။
သေခြင်းသဘော ရှိတာကို ရှာရင် သေခြင်းသဘော ရှိတာကိုပဲ ပြန်ရမယ် ။
ပူပန်ဆင်းရဲရတာတွေ ရှာနေရင် ပူပန်ဆင်းရဲမှုပဲ ပြန်ရမယ် ။

ရှာဖွေခြင်းနဲ့ ရရှိခြင်းက ကိုယ်ရှာတာ ကိုယ်ရမယ်ပေါ့ ။
ဒါ ဆိုလိုတာ ။

နိဗ္ဗာန် ရှာမှ နိဗ္ဗာန် ရမယ် ပေါ့ ။

ဆက်ရန် -
" ဒေါက်တာအရှင်နန္ဒမာလာဘိဝံသ"
( ရှာဖွေခြင်းနှင့် ရရှိခြင်း ၊ စာ - ၂၉ - ၃၆ ) မှ အကျဉ်းအား 
ကောက်နုတ်ပူဇော်ပါ၏။

ဓမ္မ နှစ်သက်သူ
Share on Google Plus

About MP4 YoU

ကမ္ဘာသတင်း၊မြန်မာ့သတင်း ပေါင်းစုံကိုရောသမမွှေဖော်ပြသွားမည့်
MP4 YoU (The Melting Pot For You)