မြန်မာနိုင်ငံရဲ့ ပထမဆုံး အလှအပရေးရာနဲ့ အမျိုးသမီး Lifestyle blogger မ၀င်းမင်းသန်းပြောပြတဲ့ သူမရဲ့အကြောင်း

 ခင်ဆွေသက် on 2016-11-10 12:45

အသက် ၂၁ အရွယ်ကတည်းက မလေးရှားကို ထွက်ခွာသွားခဲ့ပြီး အသက်၂၃ နှစ်အရွယ်မှာ ကနေဒါ နိုင်ငံသို့ရောက်ရှိကာ Fashion နယ်ပယ်တစ်ခုမှာ ကျင်လည်ခဲ့သူ မ၀င်းမင်းသန်းဟာ   ရန်ကုန်ကို ပြန်မလာခင်၂ နှစ်လောက်အလိုမှာ Yangon In My Heart ဆိုတဲ့ အလှအပဆိုင်ရာ Page လေးတစ်ခုကို စထောင်ခဲ့ပါတယ်။ မြန်မာနိုင်ငံရဲ့ ပထမဆုံး Beauty Blogger အနေနဲ့စလုပ်ခဲ့တဲ့ ဒီPage လေးဟာ တစ်ဖြည်းဖြည်းလူသိများလာခဲ့တဲ့အပြင် သူမရန်ကုန်ပြန်ရောက်လာတဲ့အချိန်မှာတော့ တော်တော့်ကိုအောင်မြင်တဲ့ page လေးတစ်ခု ဖြစ်နေပါပြီ။ ရန်ကုန်ပြန်ရောက်လာပြီးနောက်ပိုင်းမှာလဲ သူမဟာ ဒီ page လေးမှာ ချစ်စရာကောင်းတဲ့ အပြောအဆိုနဲ့ တိုတိုထွာထွာ ဗီဒီယိုလေးတွေ တင်ပေးတာတွေကြောင့်ရော၊ အလှအပနဲ့ပတ်သက်ပြီး ပြင်ဆင်ခြယ်သပုံတွေ၊ product review လေးတွေ ပုံမှန်ရေးသားပေးခဲ့တာကြောင့် အမျိုးသမီးပရိသတ်တွေရဲ့ အားပေးချစ်ခင်သဘောကျခြင်းကို ခံခဲ့ရပါတယ်။  ဒါ့ကြောင့် သူမကိုချစ်ကြတဲ့ခင်ကြတဲ့ အားပေးကြတဲ့ အမျိုးသမီးထုပရိသတ်ကြီးအတွက် သူမအကြောင်းလေးတွေကိုပြည့်စုံစွာ သိရှိစေနိုင်ဖို့ သူမရှိရာသို့သွားရောက်တွေ့ဆုံမေးမြန်းဖြစ်တဲ့အခါ

-အစ်မရဲ့အကြောင်းလေးကို အရင်ဆုံးပြောပြပေးပါဦး။

အစ်မရဲ့ မိသားစုကတော့ အစ်မရယ်၊ အစ်မအမေရယ် နှစ်ယောက်ပဲရှိပါတယ်။ အစ်မက အစ်မအမေကို အပြည့်အ၀တာဝန်ယူပြီး ရပ်တည်နေပါတယ်။




-လက်ရှိအလုပ်အကိုင်အနေနဲ့ကရော ဘာတွေလုပ်ဖြစ်နေလဲ။

လက်ရှိကတော့ အစ်မ လောလောဆယ် အထူးသဖြင့် သင်တန်းတွေပေါ့။ Personality Development Talk Show တို့သင်တန်းတို့သွားရတယ်။ တီဗီအစီအစဉ်တွေမှာလဲ သူတို့ရဲ့ဖိတ်ခေါ်မှုအရ တစ်ခါတစ်လေကျရင်လဲ ဒီစိတ်ပိုင်းဆိုင်ရာ ဖွံ့ဖြိုးရေးနဲ့ပြောတဲ့ဟာတွေ၊ နောက်အမျိုးသမီးတွေအတွက် အားပေးအားမြှောက်ပြောတဲ့ဟာတွေရော ၊ လူငယ်တွေအတွက် အဓိကပေါ့။ အလှအပရေးရာနဲ့ပတ်သက်တဲ့ ပွဲတွေ event အခမ်းအနားတွေမှာလဲ ဖိတ်ကြားတဲ့အတွက်ကူညီပြီးပြောပေးတာမျိုးတွေရှိပါတယ်။

-ရန်ကုန်ပြန်ရောက်တာရော ဘယ်လောက်ကြာသွားပြီလဲ။

တစ်နှစ်တင်းတင်းပြည့်ပါပြီ။

-ဟိုမှာဘယ်လောက်ကြာခဲ့လဲ။

မလေးရှားကို အသက် ၂၁ မှာသွားတယ်။ ၂၃မှာကနေဒါကိုရောက်တယ်။ ကနေဒါမှာဆယ်နှစ်ကြာတယ်။ ကနေဒါနိုင်ငံ Toronto မြို့က Mall တစ်ခုမှာအစ်မဖက်ရှင်ပိုင်းနဲ့ပတ်သက်ပြီး အလုပ်လုပ်တယ်။  ပြီးတော့ အခုရန်ကုန်ပြန်ရောက်လာတာ တစ်နှစ်ရှိပါပြီ။




-Yangon In My Heart Page လေးကရော ဟိုမှာကတည်းကလုပ်ခဲ့တာလား။

ဟိုမှာကတည်းကလုပ်ခဲ့တာပါ။ ပွင့်ပွင့်လင်းလင်းပြောရရင်တော့ အစ်မဗမာပြည်ပြန်လာမယ်လို့ဆုံးဖြတ်လိုက်တဲ့အချိန်ကတည်းကစပြီးတော့ ဗမာပြည်ပြန်လာရင် ဘာလုပ်ရမလဲဆိုတာတွေးတယ်။ ဘာလို့လဲဆိုတော့အစ်မမှာ ကျောထောက်နောက်ခံမိဘလက်ငုတ်လက်ရင်း မရှိဘူး။ ကိုယ်ရှာတာ ကိုယ်သုံးပြီးကိုယ့်ဟာကိုယ် ရပ်တည်ရမယ်။ နောက်တစ်ခုက အမေလဲရှိတယ်ဆိုတော့ ဘယ်လိုမျိုးအနေအထားနဲ့ရန်ကုန်ကိုပြန်လာမလဲ။ ဘယ်လိုဆက်လက်ရပ်တည်မလဲပေါ့။ ဟိုမှာနေခဲ့တုန်းကတော့ အဆင်ပြေတယ်။ Fashion လောကထဲမှာ အလုပ်လုပ်ခဲ့တယ်။ ဒါပေမဲ့ဗမာပြည်ပြန်လာတဲ့အချိန်မှာ ဟိုဖက်က ဖက်ရှင်လောကနဲ့ဒီဘက်ကဖက်ရှင်လောကနဲ့ကမတူဘူးလေ။ ဟိုဖက်မှာလုပ်ခဲ့တဲ့ဟာမျိုးလဲ ဒီဖက်မှာပြန်မလုပ်ချင်ဘူး။ အဲ့ဒီတော့ မိဘလက်ငုတ်လက်ရင်း မရှိတဲ့အခါမှာဘာလုပ်မလဲ ဆိုတာစဉ်းစားလိုက်တဲ့အခါမှာ ဘာလုပ်ရမလဲဆိုတာတွေးတယ်။ အဓိက ဒီကိုပြန်လာတာကလဲ အမေ့ဘေးနားမှာရှိချင်တဲ့သဘောပေါ့။ ဟိုမှာ အစစအရာရာအဆင်ပြေတယ်။ အစကအမေကိုခေါ်မလို့ပဲ။ ဒါပေမဲ့ မခေါ်ပဲနဲ့အမေဆီပြန်လာမယ်ပေါ့။ ရန်ကုန်ရောက်တဲ့အခါမှာ ဘာအလုပ်ပဲ လုပ်လုပ် ကိုယ့်ကိုလူသိနေရင်ပိုပြီးအဆင်ပြေတယ်။ ပိုပြီးယုံကြည်မှုလဲပိုရတယ်။ နာမည်ရှိပြီးသားဆို ကိုယ့်ကိုလူတွေယုံတယ်။ ကိုယ်ကလဲလူတွေဆီက ယုံကြည်မှုကိုယူတဲ့သဘော ကိုယ့်ကိုကိုယ်ပြန်ပြီးလဲထိန်းတဲ့ သဘောပေါ့လေ။ အလုပ်တစ်ခုလုပ်တဲ့အခါ ကိုယ်ဘယ်သူလဲဆိုတာအထူးတလည်မိတ်ဆက်ပေးစရာမလိုတော့ဘူးဆိုတဲ့သဘောနဲ့ဒီ page လေးကိုစထောင်ဖြစ်ခဲ့တာပါ။

-Page လေးကရော ဘယ်လောက်ရှိသွားပြီလဲ။

သုံးနှစ်ကျော်ပါပြီ။ အစ်မမြန်မာပြည်မှာ အလှအပရေးရာ နဲ့ အမျိုးသမီး Lifesyle blog လုပ်တာ အစ်မပထမဦးဆုံးပါပဲ။

-အစ်မ Page မှာဗီဒီယိုလေးတွေလဲတင်တော့ လူတွေပိုသိလာတယ်။ ဗီဒီယိုလေးတွေလုပ်ဖြစ်တဲ့အကြောင်းကိုလဲပြောပြပေးပါဦး။

ပွင့်ပွင့်လင်းလင်းပြောရရင် အစ်မက စကားလဲများတယ်။ အမြဲတမ်းဟာသ ရွှတ်ရွှတ်နောက်နောက်လဲပြောတတ်တယ်ဆိုတော့ တစ်ခါတစ်လေ ကိုယ်ခံစားရတဲ့ဟာပေါ့။ အစ်မကိုယ်တိုင်သင်တန်းတွေ သွားပေးတယ်ဆိုတာကလဲ သူများဂရုမစိုက်မိတဲ့ အချက်လေးတွေကို သတိပေးတဲ့အနေနဲ့ပဲသွားပေးတယ်ဆိုတော့ အခုဒီဗီဒီယိုလေးတွေဆိုတာကလဲ သူများတွေ ဂရုစိုက်မိပေမဲ့ဘယ်လိုပြောရမှန်းမသိတဲ့ဟာတွေကို ကိုယ်က ကိုယ့်စိတ်ကူးနဲ့ကိုယ့်ဟာကိုယ်ပြောချလိုက်တဲ့အချိန်မှာ အများလက်ခံတဲ့ခံစားချက်လေးနဲ့တိုက်ဆိုင်သွားပြီးတော့သူတို့ဖက်ကလဲ အားပေးတဲ့သဘောပါပဲ။

-ရန်ကုန်ရောက်မှ အစ်မ Page လေးပိုအောင်မြင်လာတဲ့အပေါ် အစ်မရဲ့စိတ်ခံစားချက်လေးကိုလဲသိချင်ပါတယ်။

ဟိုမှာနေတုန်းက အလုပ်ရှိတဲ့အတွက်စိတ်ရောကိုယ်ရောနှစ်ပြီး မလုပ်ခဲ့ဘူး။ အားတဲ့အချိန်မှန်တန်းလေးပဲသွားတယ်။ ဒီရန်ကုန်ကိုပြန်ရောက်လာတဲ့အချိန်မှာ လိုအပ်ချက်တွေလဲမြင်တာရှိတယ်။ ကိုယ်လဲလိုအပ်ပါတယ်။ ဗမာပြည်နဲ့အဝေးကြီးဝေးသွားတဲ့အတွက်ကြောင့် ဗမာပြည်နဲ့ရင်းနှီးကျွမ်းဝင်မှုရအောင်ပြန်ပြီးလုပ်ရတဲ့ သဘောပါပဲ။ ကိုယ့်ရဲ့ဝေးကွာသွားတဲ့အချိန်နဲ့ဒီဖက်မှာရှိတဲ့ကိုယ်မြင်တဲ့ဟာလေးတွေကိုပြောမိတာဆိုတော့ ၀မ်းသာပါတယ်။ များသောအားဖြင့်တော့ ကိုယ့်ိကိုစေတနာမေတ္တာနဲ့တုံ့ပြန်တာကများပါတယ်။ ကြည်လဲကြည်နူးတယ်။ ဒီလိုမျိုးသာအားပေးမှုတွေမရှိရင် ဒီအချိန်ဒီနေရာမှာတစ်ယောက်တည်းရပ်တည်နိုင်မှာမဟုတ်ပါဘူး။ ဒါပေမဲ့တစ်ခါတစ်လေတော့လဲ သဘောထားမတိုက်ဆိုင်မှုတွေလဲ ရှိမှာပေါ့လေ။ တစ်ရာ ရာခိုင်နှုန်းလုံးကြိုက်အောင် လုပ်မယ်ဆိုရင်ဒါဟာပညာပါတဲ့ မားကဒ်တင်း မဟုတ်ဘူးလေ။

-ဝေဖန်ကြတဲ့သူတွေအပေါ်အစ်မရဲ့စိတ်ခံစားချက်နဲ့အမြင်ကိုလဲသိချင်ပါတယ်။

အားလုံးကတော့ တူညီစွာနဲ့သဘောထားကွဲလွဲခွင့်ရှိတဲ့အတွက် သူတို့လဲအစ်မရဲ့ပြောချင်တဲ့ သဘောသဘာဝအကြောင်းမှာ ပုဂ္ဂိုလ်ရေးဘယ်တော့မှ မပုတ်ခတ်ဘူး။ မထိခိုက်ပါဘူး။ ကိုယ်ပြောတဲ့ဟာလေးကသူတို့ရဲ့သဘောထားနဲ့မတိုက်ဆိုင်တဲ့အခါမှာ သူတို့ရဲ့သဘောထားကိုလဲ ထုတ်ဖော်ပြောခွင့်ရတော့ သူတို့အတွက်လဲ ထွက်ပေါက်တစ်ခုရတယ်ဆိုတဲ့သဘောပါပဲ။ တစ်ခါတစ်လေသူတို့ပြောတာတွေကို လိုက်တော့လဲ ဖတ်ပါတယ်။ ဒီလိုမျိုးကိုယ့်ကိုမကြိုက်တဲ့ဟာတွေကိုဖတ်မှပဲ ဘာတွေပြင်လို့ရမလဲဆိုတာသိမှာလေ။ ဒါပေမဲ့ဘာမှတော့ဒေါသထွက်တယ်။ ခံစားနေရတယ်။ အမုန်းများတယ်ဆိုတာမျိုးတော့ ဘယ်တော့မှမရှိပါဘူး။

-Beauty Blogger အနေနဲ့အစ်မကပထမဆုံးလုပ်ခဲ့တာဆိုတော့ အခုနောက်ပိုင်းဆက်လုပ်လာတဲ့ လူတွေအပေါ်အစ်မ အမြင်လေးကိုလဲသိချင်ပါတယ်။

ကောင်းပါတယ်။ အမှန်အတိုင်းပြောရရင် ဒီ့ထက်တောင်ပိုပြီးဖြစ်စေချင်တယ်။ ဖြစ်ထွန်းစေချင်တယ်။ တိုးတက်အောင်မြင်စေချင်ပါတယ်။ Beauty Blogger ဆိုပြီး မိတ်ကပ်ဝါသနာပါတဲ့အမျိုးသမီးလေးတွေနေရာရလာမယ်။ သူတို့ရဲ့စားဝတ်နေရေး အစစအရာရာအတွက်ကို သမာအာဇီဝနည်းနဲ့တည်တည်ငြိမ်ငြိမ်တည်တည်ကြည်ကြည်နဲ့ရပ်တည်လို့ရမယ်။ ပြောရရင်တော့ ဒီ့ထက်မကပိုပြီးဖြစ်ထွန်းစေချင်ပါတယ်။

-MRTV -4 ပရိုဂရမ်တွေမှာလဲအစ်မကိုတွေ့လာရတော့ သူတို့နဲ့ကရော ဘယ်လို relationship ရှိလဲ။

သူတို့တွေကကိုယ့်ကို အရင်ဆုံးခေတ်သစ်ပျိုမေမှာ ဖိတ်တယ်။ အဲ့ဒီကနေတစ်ဆင့် Beauty Studio မှာတွေ့တယ်။ ဒီကတွေ့တယ်။ ဟိုကတွေ့တယ်ပေါ့။ သူတို့ဌာနဆိုင်ရာ အချင်းချင်းပေါ့။ ကိုယ်ကလဲသူတို့ဆီသွားပြီဆိုရင်တကယ့်ကိုစိတ်ရင်းအတိုင်းပဲ ရယ်စရာပြောတယ်။ ပေါ့ပေါ့ပါးပါးပဲ။ အချိန်မှန်မှန်သွားတယ်။ အချိန်မှန်မှန် လုပ်ပေးတယ်။ သူတို့ဘက်ကို တစ်ခါမှာစိတ်ငြိုငြင်ရအောင်၊ စိတ်အနှောင့်အယှက်ဖြစ်အောင်မလုပ်ခဲ့တဲ့အတွက် သူတို့တွေဆီကပဲဖိတ်တာပါ။ ဘယ်ပရိုဂရမ်ပါမလဲ ဆိုတာကတော့ တစ်ခါတစ်လေကျရင်လဲ မသိရဘူး။ Style Secret မှာလဲပါတယ်။ The Beauty Studio မှာပါတယ်။ ခေတ်သစ်ပျိုမေမှာ ပါတယ်။ နောက်မင်္ဂလာပါမောနင်းမှာပါတယ်။ အဲ့ဒီလိုလေးတွေပေါ့။ သူတို့ကအစီအစဉ်ဆွဲလိုက်လို့လူငယ်တွေအတွက်၊ အမျိုးသမီးတွေအတွက်၊ အလှအပအတွက်ပါလာရင် ကိုယ့်ကိုခေါ်တယ်။ ကိုယ်ကလဲအားရင်သွားလိုက်တာပါပဲ။

-Beauty Diary နဲ့ကျတော့ရော ဘယ်လိုမျိုး အလုပ်တွဲလုပ်ဖြစ်တာလဲ။

Beauty Diary ကတာဝန်ယူနေတဲ့သူတွေနဲ့အစ်မနဲ့က လသာ ၂ မှာကတည်းက သူငယ်ချင်းတွေပေါ့။ အဲ့ဒီတော့ငယ်ငယ်ကတည်းက သူငယ်ချင်းသံယောဇဉ်လဲပါတယ်။ အခုအချိန်မှာကိုယ်ကအလှအပနဲ့ပတ်သက်ပြီးတော့ပြောနေဆိုနေလုပ်နေကိုင်နေတဲ့ အတွက်ကြောင့်မို့လို့လဲ သူတို့နဲ့ပိုပြီးတော့ရင်းရင်းနှီးနှီးကျွမ်းကျွမ်းဝင်ဝင်လက်တွဲဖြစ်တာလဲပါပါတယ်။

-အခု MRTV-4 အပြင် ဘယ် Channel တွေနဲ့ရော လက်တွဲဖြစ်နေသေးလဲ။

အခုလောလောဆယ်က 7 Days TV မှာကြာသပတေးနေ့တိုင်းမှာ The Best Beauty Tips ဆိုပြီးလုပ်ဖြစ်နေတယ်။ ဘယ် Channel နဲ့လက်တွဲလုပ်နေတယ်တော့ မဟုတ်ဘူး။ ကိုယ့်ဖက်ကပြန်ပြီးပေးနိုင်တာနဲ့သူတို့ဖက်ကလိုအပ်တာနဲ့တိုက်ဆိုင်တယ်ဆိုရင်တော့ ဘယ်သူ့ကိုမဆိုကူညီပေးဖို့အသင့်ပါပဲ။

Copyright:

-Beauty Blogger မလုပ်ခင်ရောအလှအပနဲ့ပတ်သက်ပြီးဘယ်လိုလေ့လာဖြစ်ခဲ့လဲ။

ငယ်ငယ်တုန်းကတည်းကတော့ အလှကြိုက်တယ်။ ဒါပေမဲ့မိတ်ကပ်ကိုအသက်၂၀မှ စလိမ်းဖြစ်တယ်။ ဆယ်ကျော်သက်အရွယ်က မိတ်ကပ်မလိမ်းခဲ့ရဘူး။ ပန်းချီဆွဲတာဝါသနာပါတယ်။ သူများကိုအရမ်းလှစေချင်တယ်။ တကယ်စာရွက်ပေါ်မှာဆွဲဆိုရင် မဆွဲတတ်ဘူး။ ဒါပေမဲ့လက်ငြိမ်တယ်။ မိတ်ကပ်ပြင်ရတာကြိုက်တယ်။ သူငယ်ချင်းတွေနဲ့ရှော့ပင်းထွက်တာကအစ လှစေချင်တယ်။ အချိန်မရွေးနေရာမရွေးပေါ့။ တစ်ခုနဲ့တစ်ခုယှဉ်လာပြလို့ရှိရင် ကိုယ့်ဖက်ကလဲတကယ့်စိတ်ထားသဘောထားအမှန်နဲ့အကြံဥာဏ်ပေးခဲ့တယ်။ သူတို့လိုချင်ချင်မလိုချင်ချင် ၀င်ရောက်စွက်ဖက်ခဲ့တယ်။ ကိုယ့်ဖက်ကပြောလိုက်ရမှ လှတာလေးကို အမြဲမြင်ချင်တဲ့စိတ်ရှိတယ်။ မိတ်ကပ်ပြင်ရတာဝါသနာပါပေမဲ့ အမြဲမိတ်ကပ်လိမ်းလားဆိုတော့မလိမ်းဘူး။ ကိုယ့်ကိုကိုယ်ပြင်ဆင်ပြီးနေရတာထက် မိတ်ကပ်ပညာရဲ့အနောက်က အရောင်ခြယ်သူမှု၊ အရောင်စက်မှုဘယ်လိုလေးခြယ်ရင် ဘယ်လိုလေးပြောင်းသွားမလဲဆိုတဲ့ အသေးစိတ်လုပ်ရတာကိုအရမ်းဝါသနာပါတာစခဲ့တာကတော့ ၂၁ပေါ့။ အဲ့ဒီတုန်းကမလေးရှားကိုရောက်တော့ အလှကုန်တွေ ၀ယ်ရတာတန်တယ်။ နောက်ပစ္စည်းကလဲ စုံတယ်ဆိုတော့ ၂၁ ၊ ၂၂ လောက်ကတည်းကပစ္စည်းတွေ ၀ယ်လိုက်၊ သုံးလိုက်၊ စမ်းသပ်လိုက်နဲ့ကနေဒါရောက်တဲ့အခါ ဖက်ရှင်လောကထဲဝင်တော့ ပိုဆိုးသွားတာပေါ့နော်။ အဲ့ဒီတော့ကိုယ့်ဟာကိုယ်ပဲလေ့လာခဲ့တယ်။ သင်တန်းတွေတော့ မတက်ခဲ့ဘူး။ Youtube ကြည့်တယ်။ Blog တွေဖတ်တယ်။ အဲ့ဒါကတော့ နာရီပေါင်းမနည်းပါဘူး။ သင်ဆရာမရှိပေမဲ့မြင်ဆရာ၊ ကြားဆရာတွေကတော့အများကြီးပါပဲ။

-သင်တန်းတွေဘာတွေရောဖွင့်ဖို့အစီအစဉ်မရှိဘူးလား။

ဖွင့်တော့ဖွင့်ချင်တယ်။ ဒါပေမဲ့သင်တန်းဖွင့်ဖို့အတွက်ကို လက်တွန့်နေတယ်လို့ပဲပြောရမလား။ တစ်ခါတစ်လေကျရင် ကိုယ်ကကိုယ့်ရဲ့ပညာကိုတကယ်ပေးချင်ပေမဲ့သူများတွေက ဘယ်လိုခံယူမလဲတော့မသိဘူးပေါ့။ ရှေ့လျှောက်တော့ ပညာဒါနအနေနဲ့တော့လုပ်ချင်တယ်။ မိတ်ကပ်ပညာကို အခကြေးငွေယူပြီးသင်တာထက်၊ အသက်မွေးဝမ်းကြောင်းပညာရပ်တစ်ခုနေနဲ့သင်ပေးချင်တယ်။ အဲဒီ့အတွက်ကိုလဲနည်းမျိုးစုံနဲ့စဉ်းစားနေတယ်။

-အစ်မသုံးနေတဲ့ Skin care နဲ့ Cosmetics ပစ္စည်းလေးတွေရှိရင်လဲပြောပြပေးပါဦး။

အစ်မကဗမာပြည်မှာဝယ်လို့ရတဲ့ပစ္စည်းပဲသုံးတယ်။ ဒီမှာရှိတဲ့ပစ္စည်းပဲသုံးတယ်။ အဲဒ့ါတွေကိုပဲ အစ်မ Page မှာ Review ရေးတယ်။ ပြန်ပြီးဝေမျှတယ်။ ဘာလို့လဲဆိုတော့ အစ်မရဲ့အဓိကရည်ရွယ်ထားတဲ့ပရိသတ်က မြန်မာအမျိုးသမီးအလွှာပေါင်းစုံကလူတွေပေါ့။ အစ်မသုံးတာက ဗမာပြည်မှာရှိတယ်။ ၀ယ်လို့ရတဲ့ပစ္စည်းတွေပါပဲ။ Skin Care ကိုပိုဂရုစိုက်တယ်။ အစ်မသုံးနေတဲ့ဟာပဲရေးတယ်။ အခုလက်ရှိတော့ Skin Care အနေနဲ့ဆိုရင် Nuxe ဆိုတဲ့ဟာရယ်၊ Dr .Wu ရယ်သုံးဖြစ်နေတယ်။ တခြားဟာတွေလဲစမ်းသုံးကြည့်နေပါတယ်။ ဒီဟာနဲ့အဆင်မပြေတဲ့သူတွေတခြားဟာသုံးလို့ရအောင်ပေါ့။ မိတ်ကပ်ဆိုရင် Make Up Factory ၊ Clinic ၊ Loreal ၊ Maybelline အစုံပဲသုံးပါတယ်။ အဲ့ဒါလေးတွေတော့သုံးဖြစ်နေပါတယ်။

-တစ်ယောက်တည်းပဲနေတော့မှာလား။

တကယ့်ကိုတစ်ယောက်တည်းပါပဲ။ အလုပ်ရယ်၊ မိသားစုရယ်၊ သူငယ်ချင်းအပေါင်းအသင်းရယ် ပဲရှိပါတယ်။ အစ်မသူငယ်ချင်းတွေကိုအရမ်းချစ်တယ်။ သူတို့နဲ့ပဲအချိန်ကုန်နေတော့ အချစ်ရေးကိုမစဉ်းစားဖြစ်သေးဘူး။ ကံတရားတစ်ခု၊ ရှေးရေစက်ဆိုတာပါလာရင်တော့ ဘယ်သူမှတားဆီးလို့မရပါဘူး။ တစ်ယောက်တည်းပဲနေမှာလားဆိုတော့ မဟုတ်ဘူးပေါ့။ အခုလက်ရှိမှာတော့ တစ်ယောက်တည်းဘ၀ကိုကျေနပ်တယ်။ ရှေ့ဆက်ဖြစ်မယ့်ဟာကတော့ အစ်မရဲ့ကံတရားအတိုင်းပဲပေါ့။
-ဆက်လုပ်သွားမဲ့အလုပ်တွေနဲ့ပတ်သက်ပြီး ပရိသတ်ကိုရော ဘာများပြောချင်သေးလဲ။

ရှေ့ဆက်ပြီးတော့ Training & Development လူငယ်တွေ၊ အမျိုးသမီးတွေအတွက်ကို တစ်တပ်တစ်အားနဲ့ရသမျှပါဝင်ပြီးတော့ကူညီချင်တယ်။ အဲ့ဒါကိုအဓိကထားတယ်။ ဘယ်လိုနည်းနဲ့ပဲဖြစ်ဖြစ်အစ်မက ပရဟိတလုပ်ရတာဝါသနာပါတယ်။ သူများတွေရဲ့တိုးတက်အောင်မြင်မှုကိုကူညီရတာကိုပဲ ကိုယ့်ရဲ့ပျော်ရွှင်မှုတစ်ခုဆိုတော့ ဒီပျော်ရွှင်မှုအတွက်ကိုယ်ကတစ်ကိုယ်ကောင်းဆန်တယ်ပဲပြောရမှာပေါ့။ ဒီပျော်ရွှင်မှုနောက်ကိုပဲကိုယ်လလိုက်မယ်။ အဓိကက ကိုယ်ကြိုက်တာကိုယ်လုပ်မယ်။ ကိုယ်ပျော်တာကိုယ်လုပ်မယ်။ သူများအောင်မြင်ချင်တာကိုမြင်ချင်တာကကိုယ်ကြိုက်တာဖြစ်နေတော့အဆင်ပြေပါတယ်။
Trend Myanmar
Share on Google Plus

About MP4 YoU

ကမ္ဘာသတင်း၊မြန်မာ့သတင်း ပေါင်းစုံကိုရောသမမွှေဖော်ပြသွားမည့်
MP4 YoU (The Melting Pot For You)