ဘယ်သူတွေမှာ သွေးကင်ဆာဖြစ်နိုင်ခြေရှိသလဲ

25 JULY 2013 | BY GOOD HEALTH

ဘယ်သူတွေမှာ သွေးကင်ဆာဖြစ်နိုင်ခြေရှိသလဲသွေးကင်ဆာကို သတိထား မိတာက ဒုတိယ ကမ္ဘာစစ် အပြီးမှာပါ။ ဒုတိယ ကမ္ဘာစစ်မှာ အမေရိကန် ပုလဲဆိပ်ကမ်း ကို ဗုံးသွားကြဲတော့ အမေရိကန်က ဂျပန်တွေကို ပြန်တိုက်ရင်းနဲ့ ဟီရိုရှီးမားနဲ့ နာဂါစကီကို ၁၉၄၅ ခုနှစ် ဩဂုတ် ၆ ရက်နဲ့ ၈ ရက်နေ့မှာ နျူကလီးယား ဗုံးကြဲ တယ်။ အဲဒီလိုကြဲတဲ့ အချိန်မှာ နျူကလီး ယားအရှိန်နဲ့ သေသွား တာတွေလည်း အများကြီးပဲ။ သိန်းချီပြီး သေတယ်။ အဲဒီ မျိုးဆက်တွေက နောက် ၁၀ နှစ်၊ ၁၅ နှစ်ကြာတဲ့ အချိန်မှာ သွေးကင်ဆာဖြစ် လာတယ်။ အဲဒါနဲ့ ပတ်သက်တဲ့ ဝတ္ထုလေး တစ်ပုဒ်၊ တကယ့်ဖြစ်ရပ် ပါပဲ။ နာမည် တော့ ဆရာမမှတ်မိဘူး။ အဲဒီတုန်းက ဆရာတို့ဆီက ကျောင်းသားလေး နှစ် ယောက်ကို ပညာတော်သင်ဖို့ ဂျပန်နိုင်ငံ မြို့တော် တိုကျိုမှာ လွှတ်ထားတယ်။ ဟီရိုရှီးမားမှာ ဗုံးကြဲတယ် ဆိုတော့ မြန်မာ လူမျိုးပီပီ အဲဒီမှာ မြန်မာ ကျောင်းသား တွေလည်း လွှတ်ထားတယ် ဆိုတော့ လူတွေက ဒုက္ခရောက်နေတော့ သူတို့ က ဟီရိုရှီးမားမှာ သွားပြီး ကူညီကြတယ်။ အဲဒီအချိန်မှာ သူတို့ ဖျားတာတော့ နည်း နည်း ရှိတယ်။ ပြန်ကောင်း သွားတော့ သိပ်မသိသာဘူး။ မြန်မာနိုင်ငံ ပြန်လာပြီး တချို့ဆို တာဝန်အကြီးကြီးယူရတယ်။ စစ်တပ်မှာ စစ်သံမှူးတို့ ဘာတို့ ဖြစ် လိုက်ကြသေးတယ်။ ဒါပေမဲ့ အငြိမ်းစား ယူခါနီးမှာ သူတို့မှာ သွေးကင်ဆာ စဖြစ် နေပြီ။ နျူကလီးယား ထိတွေ့ပြီး ချက်ချင်း ရောဂါမဖြစ်ပေမယ့် ၁၅-၂၀ နှစ်လောက် ကြာမှ သွေးကင်ဆာဖြစ်လာ ပါတယ်။

သွေးကင်ဆာဆိုတာ

သွေးကင်ဆာဆိုတဲ့ အသုံးအနှုန်းက အားလုံးနဲ့တော့ ရင်းနှီးမှာပါ။ ဥပမာ-ကို ရီးယား ဇာတ်လမ်းတွဲတွေ ထဲမှာဆိုရင် ဇာတ်ကောင်က လူကီးမီးယားလို့ခေါ်တဲ့ သွေးကင်ဆာဖြစ်တယ် ဆိုတာမျိုးတွေ တွေ့မြင်နေရပါတယ်။ ကင်ဆာဆိုတာ ခန္ဓာကိုယ်မှာရှိတဲ့ ဆဲလ်တွေ ထိန်းမရ အောင် ပွားလာတာပါ။ ထိန်းချုပ်လို့ လည်း မရဘူး။ ကင်ဆာဖြစ်ပွားလာရတဲ့ အကြောင်းရင်းကို ဖယ်တာတောင်မှထပ် ဖြစ်နိုင်ပါတယ်။ သွေးကင်ဆာက မျိုးရိုး ဗီဇနဲ့ အဓိကဆိုင်ပါတယ်။ မျိုးဗီဇပြောင်း လဲသွားတာမျိုးနဲ့ ဆိုင်ပါတယ်။

သွေးကင်ဆာ အမျိုးအစား

သွေးကင်ဆာထဲမှာ ရုတ်တရက်အ ပြင်းအထန်ဖြစ်တဲ့ Acute ဆိုတာ ရှိ တယ်။ Chronic ဆိုတဲ့ နာတာရှည်သွေး ကင်ဆာရှိတယ်။ အဲဒီမှာမှ နားလည် အောင် ပြောရရင် Lymphoid Cells တွေမှာ အဓိကဖြစ်တဲ့ သွေးကင်ဆာတစ် မျိုးကတော့ Lyphoblastic Leukemia တွေမှာဖြစ်တဲ့ သွေးကင်ဆာက Myeloid Cells ဆိုပြီး နှစ်မျိုးရှိပါတယ်။ သွေးကင်ဆာက အများအားဖြင့် ယေဘုယျအနေနဲ့ပြောရ ရင် ရုတ်တရက်နဲ့ နာတာရှည်ရှိတဲ့အထဲ မှာ ရုတ်တရက်က ကလေးတွေမှာ စဖြစ် တာ များပြီး နာတာရှည်ကတော့ အများ အားဖြင့် အသက်ကြီး တဲ့သူတွေမှာ ဖြစ်ပါ တယ်။

သွေးကင်ဆာ ဖြစ်ပွားမှုနှုန်း

မြန်မာနိုင်ငံမှာ သွေးကင်တာ ဖြစ်ပွားမှုနှုန်းက အသင့်အတင့်ရှိပါတယ်။ အတိအကျပြောလို့ မရတာက ကင်ဆာလူနာ တွေကို ကောက်ယူထားတဲ့ စာရင်းက ရန် ကုန်မြို့၊ မန္တလေးမြို့နဲ့ နေပြည်တော်က လွဲလို့ ကျန်တဲ့နေရာတွေမှာက စုစည်းဖို့ ခက်လို့ပါ။ ဒါပေမဲ့ ဖြစ်နှုန်းကတော့ မနည်းလှပါဘူး။ သွေးကင်ဆာ ဖြစ်ပွားစေတဲ့အကြောင်း===== မျိုးရိုးဗီဇအပြောင်းအလဲက အများ ကြီး ပါပါတယ်။ အဲဒီမျိုးရိုးဗီဇကို ပြောင်း စေတဲ့အကြောင်းရင်းတွေကဓာတုပစ္စည်း တွေ၊ ဓာတ်ရောင်ခြည်ပစ္စည်းတွေနဲ့ နျူက လီးယားပစ္စည်းတွေနဲ့ ထိတွေ့မှုတွေ ကြောင့် ဖြစ်နိုင်ခြေများပါတယ်။

ဖြစ်ပွားနိုင်ခြေများသူများ

တကယ်တော့ ဂျပန်တို့၊ ကိုရီးယား တို့မှာ နျူကလီးယား ဓာတ်ပေါင်းဖိုတွေ ရှိတဲ့အတွက် အဖြစ်များတာ တွေ့ရပါ တယ်။ရုရှားမှာဆိုရင်လည်း နျူကလီးယား ဓာတ်ပေါင်းဖိုတွေ ရှိတယ်။ အဲဒါတွေရဲ့ အကျိုးဆက်လေးတွေ စတွေ့နေရပါပြီ။ ဒါက ထင်သာမြင်သာရှိတဲ့ ဥပမာပါပဲ။ ဓာတုဗေဒ ဆေးဝါးတွေကြောင့်လည်း သွေးကင်ဆာ ဖြစ်တတ်ပါတယ်။ က လေးဘဝမှာ ဓာတ်ရောင်ခြည်ကုသမှု ခံယူခဲ့တာတို့ တခြားကင်ဆာဆေးဝါး တွေနဲ့ ကုသမှုခံယူတာတို့ ဆိုရင်လည်း ဖြစ်ပါတယ်။ အဓိက အကြောင်းရင်းက ခရိုမိုဆုမ်းနဲ့ မျိုးရိုးဗီဇကြောင့် ဖြစ်တာပါ။ အဖြစ်များတဲ့သူတွေကတော့ ဓာတု ပစ္စည်းနဲ့ ထိတွေ့တဲ့သူတွေ၊ နျူကလီး ယားဓာတ်ပေါင်းဖိုမှာ အလုပ်လုပ်တဲ့သူ တွေ၊ အဏုမြူဗုံးတွေကြဲခံရတဲ့ နေရာမှာ ရှိတဲ့သူတွေ၊ နျူကလီးယားဓာတ်ပေါင်းဖို စိမ့်ထွက်တဲ့တစ်ဝိုက်မှာ ကြုံခဲ့တဲ့သူတွေ၊ မျိုးရိုးဗီဇရှိခဲ့တဲ့သူတွေပါပဲ။

မျိုးရိုးဗီဇ

တစ်ခါတလေကျရင် အဖေကနေ သား သမီးကို တိုက်ရိုက်မျိုးရိုးလိုက်တာ မဟုတ် ဘဲနဲ့ အဘိုးအဘွားကနေ မျိုးရိုးလိုက်တာ ရှိတယ်။ ပန်းပွင့်လေးတွေလိုပဲ။ တစ်ခါ တလေကျရင် ငုပ်ဗီဇဆိုတာမျိုး တွေ့ရပါ တယ်။ ငုပ်ဗီဇဆိုတာ သားသမီးမှာ မပေါ်ဘူး၊ မြေးမှာ မပေါ်ဘူး၊ မြစ်ကျမှ သွားပေါ်တာမျိုးတွေပေါ့။


ပါမောက္ခဒေါက်တာစိန်လင်း (ခွဲစိတ်နှင့်ကင်ဆာပါရဂူ)
GOOD HEALTH