ဘဝတခုအတွက် ကြံစီရာ
၂၀-၆-၂၀၁၉-ရက်နေ့ ည(၉)နာရီအချိန်ခန့်မှာ မန္တလေး၊ ချမ်းအေးသာစံနယ်ပိုင် တာရိုးအောက် မြစ်ကမ်းဘေး ကျူးတဲတစ်ခုမှာ ရဟန်းနှင့် သီလရှင် အတူရှိနေကြောင်းရပ်ကွက်တာဝန်ရှိသူများတဆင့် သာ/ထိန်းဥက္ကဋ္ဌဆရာတော်ထံ ဖုံးဖြင့် လျှောက်ထား တိုင်ကြားလာလို့ မိမိတို့အဖွဲ့ ကြွရောက်ခဲ့ရပါသည်။
” ဘုန်းကြီးနဲ့သီလရှင်ဆိုရင် ပြဿနာကတော့ ရှင်းလို့ ကောင်းပြီ”လို့ ကြွခဲ့ကြပေမယ့်ကျူးတဲရောက်တော့ အထင်နဲ့ တခြားစီးဖြစ်နေပါသည်။ကျူးတဲထဲမှာ သင်္ကန်းဝတ်ပုဂ္ဂိုလ်(၁)ဦး၊ ၈-နှစ်ရွယ်ခန့် သီလရှင်လေး(၁)ဦး၊ (၄)နှစ်ရွယ်ခန့် ကိုရင်လေး(၁)ဦး တွေ့ရှိရပါသည်။
” ပြောထွက်လိုက်တာ ”
ကိုရင်လေးနဲ့ သီလရှင်ဟာ ကိုယ်တော်နဲ့ ဘာတော်စပ်သလဲလို့ ဥက္ကဋ္ဌဆရာတော်မှ မေးမြန်းရာ အဆိုပါကိုယ်တော်မှ –
“တပည့်တော်ရဲ့ မွေးစားသားနဲ့ မွေးစားသမီးပါ”တဲ့။
သူပါလာတဲ့ ဟန်းဆက်နဲ့ ဆက်သွယ်ရှိရာကို စုံစမ်းလိုက်မှ ” သားအရင်း သမီးအရင်း”ဖြစ်နေကြောင်း သိရတဲ့အခါ “သားသမီးအရင်းကိုပင် မွေးစားသားနဲ့သမီးလို့ ပြောကောင်းရမလားဆိုပြီး ဥက္ကဋ္ဌဆရာတော်လက်နဲ့ မိတ်ဆက်မှုကို ခံရပါတော့တယ်။
ရပ်ကွက်တာဝန်ရှိပုဂဂိုလ်များအထံမှ ကလေးအင်္ကျီအဝတ်အစားများကို အကူအညီတောင်းကာ မြို့နယ်သံဃနာယကအဖွဲ့ရုံးသို့ ခေါ်ဆောင်ခဲ့ကြပါတယ်။
စစ်ဆေးလိုက်တဲ့အခါမှာ ” အိမ်ထောင်ရှင်အမျီုးသမီး ပျက်စီးသွားလို့ စိတ်လေပြီး သင်္ကန်ဆည်းခဲ့ကြောင်း၊ သမီးကို သီလရှင်ဝတ်စေပြီး ပုသိမ်ကြီးမြို့နယ်ထဲက ဘ/ကကျောင်းတစ်ကျောင်းမှာ ထားခဲ့ကြောင်း၊ မကြာမီ သမီးကို ဘ/ကကျောင်းမှ ပြန်လည်ခေါ်ဆောင်ပြီးရံခါရံခါ သမီးသီလရှင်ကို အလှူခံထွက်ခိုင်းစေခဲ့ကြောင်း၊ ယခုအခါ ဇာတိ ရေစကြိုမြို့နယ်ထဲက ရွာသို့ ပြန်ရန် ခရီးစရိတ်မရှိတာကြောင့် ကျူးတဲမှာ သောင်တင်နေကြောင်း သိရှိရပါသည်။
” ထုံးစံကုသိုလ် ”
သားအဖသုံးယောက်လုံးကို လူဝတ်လဲစေပြီး နေရပ်သို့ ပြန်နိုင်ရန် မြို့နယ်သံဃနာယကအဖွဲ့ဥက္ကဋ္ဌဆရာတော်မှ(၁၅၀၀ဝိ)ကျပ်၊ ကလေးများမုန့်ဘိုး (၅၀၀ဝိ)ကျပ်၊ သာ/ထိန်း (အကဆ)ဆရာတော်မှ (၇၀၀ဝိ)ကျပ်၊ သာ/ထိန်းဥက္ကဋ္ဌဆရာတော်မှ စားစရာ မုန့်များ သရက်သီးများ အအေးဗူးများ ထောက်ပံ့စွန့်ကြဲကြပါသည်။
မနက်ပိုင်းကားဖြင့် နေရပ်သို့ ပြန်နိုင်ရန် ညတွင်းချင်းပင် သီရိမန္တလာကားဝင်းသို့ ပို့ဆောင်ပေးခဲ့ကြပါသည်။
” ပဂ္ဂဟ + နိဂ္ဂဟ ”
ချမ်းအေးသာစံမြို့နယ် သံဃအဖွဲ့အစည်းသည် သနားထိုက်သူကိုသနား၊ ထောက်ပံ့သင့်သူကို ထောက်ပံ့၊ ကူညီသင့်သူကို ကူညီလေ့ရှိကြပြီး ပြောဆိုဆုံးမ ဝန်ခံ ကတိ ပေးပြီးဖြစ်ပါလျက် နောက်တစ်ကြိမ် ကျူးလွန်တာ တွေ့ခဲ့ရင်တော့ ဥပဒေအတိုင်းသာ ဆောင်ရွက်လေ့ ရှိပါကြောင်း။ ။
သာသနာထိန်းသိမ်းရေးအဖွဲ့ ချမ်းအေးသာစံ၊ မန္တလေး။
No comments:
Post a Comment