Latest News

CREDIT

သတင်းစုံပျော်ဝင်အိုးကြီးတွင် ဖော်ပြထားသည့် သတင်း၊ဓာတ်ပုံများသည် သက်ဆိုင်သူများ၏မူပိုင်သာဖြစ်ကြောင်း အသိပေးအပ်ပါသည်။

Sunday, May 6, 2018

ဂျီအသေများနှင့် တောကြောင်များ တရားမဝင် သယ်ဆောင်လာသူအား အရေးယူထား


၂၀၁၈ ခုနှစ်၊ မေလ ၄ ရက်နေ့ ည ၇ နာရီ ၁၀ မိနစ်အချိန်ခန့် တွင် ရှမ်းပြည်နယ်၊ လားရှိုးမြို့နယ်၊ မြို့ရှောင်လမ်းနှင့် နမ္မတူလမ်းဆုံအနီးတွင် မန္တလေးဘက်မှ မူဆယ်ဘက်သို့ မောင်းနှင်လာသည့် 4J/×××× TOYOTA Wish ယာဉ်အား ရပ်တန့် စစ်ဆေးရာ ယာဉ်ပေါ်မှ တရားမဝင်တင်ဆောင်လာသည့် ဂျီအသေ(၃၃)ကောင်နှင့် တောကြောင်အသေ(၉)ကောင် တွေ့ရှိသိမ်းဆည်း ရမိခဲ့ကြောင်း မြန်မာနိုင်ငံရဲတပ်ဖွဲ့ ၏ သတင်းထုတ်ပြန်ချက်အရ သိရပါသည်။

 သစ်တောလုံခြုံရေးရဲတပ်ဖွဲ့မှ တပ်ဖွဲ့ဝင်များ၊ သစ်တောဦးစီးဌာနမှ ဝန်ထမ်းများပါဝင်သည့် ပူးပေါင်း အဖွဲ့သည် သက်သေများနှင့်အတူ လားရှိုးမြို့နယ် မြို့ရှောင်လမ်းနှင့် နမ္မတူလမ်းဆုံအနီးတွင် ပိတ်ဆို့ ရှာဖွေရေးများဆောင်ရွက်နေစဉ် မန္တလေးဘက်မှ မူဆယ်ဘက်သို့ လားရှိုးမြို့၊ အဝေရာလမ်းနေ ဦးအေးညွန့်(၅၅)နှစ်မောင်းနှင်လာသည့် 4J/×××× TOYOTA Wish ယာဉ်အား ရပ်တန့် စစ်ဆေးရာ ယာဉ်ပေါ်မှ တရားမဝင်တင်ဆောင်လာသည့် ဂျီအသေ(၃၃)ကောင်(၁၆၅) ပိဿာ၊ တောကြောင်အသေ(၉)ကောင်(၁၈)ပိဿာတို့အား တွေ့ရှိသိမ်းဆည်း ရမိခဲ့ခြင်း ဖြစ်ကြောင်း သိရသည်။

ယာဉ်မောင်း ဦးအေးညွန့် အား လားရှိုးမြို့မရဲစခန်း(ပ)၁၅၂/၂၀၁၈၊ တောရိုင်းတိရစ္ဆာန်နှင့် သဘာဝအပင်များ ကာကွယ်ရေးနှင့် သဘာဝနယ်မြေများ ထိန်းသိမ်းရေး ဥပဒေပုဒ်မ ၃၆(က)ဖြင့် အရေးယူထားကြောင်း သတင်းထုတ်ပြန်ချက်တွင် ဖော်ပြထားပါသည်။

သစ်ထူးလွင်