" မောင်ခင် "
" ဘုရား "
" မင်း ထမင်းစားသလားကွယ့် "
" နေ့တိုင်းစားပါတယ်ဘုရား "
" အချိုလေး အချဉ်လေးများကော မစားဘူးလား "
" စားပါတယ်ဘုရား "
" အချိုအချဉ်ကျတော့ ဘာတွေစားလည်း "
" မှန်ပါ့ အချိုစားချင်တဲ့ခါထန်းလျက် ကြံသကာ
သကြားစားပါတယ်ဘုရား ။ အချဉ်စားလိုတဲ့ခါ
သံပုရာ ရှောက်များ စားပါတယ်ဘုရား "
" အေးအေး အချို၊ အချဉ်ချည်းပဲစားတော့ကော
ထမင်းမစားပဲ နေနိုင်လားကွယ့် "
" ထမင်းမစားပဲ မနေနိုင်ပါဘူးဘုရား "
ဒီလိုပဲမောင်ခင်...
တို့ဘုရားရှင်ရဲ့ အာဏာစက်
တွေက ခုထိပူပူနွေးနွေးရှိသေးတယ် ။
ဘုရားရှင်ရဲ့ ပရိတ်တော်တွေ၊ ပဌာန်းဒေသနာတော်
တွေ၊ ဓမ္မခဏ်တွေကို ထမင်းလို့မှတ်ကွယ့် ။
ရံဖန်ရံခါစားတာက အချိုအချဉ်နဲ့တူတဲ့
ဂါထာ မန္တာန်တွေ ရွတ်ကြတာနဲ့တူတယ် ။
ဂါထာမန္တာန်တွေဆိုတာ သူ့နေရာနဲ့သူ အသုံး
တည့်ပေမယ့်၊ ထမင်းကို လက်လွှတ်လို့မရဘူး
ဟိုဂါထာကောင်းနိုးနိုး၊ ဒီဂါထာက အစွမ်းထက်
နိုးနိုးနဲ့ ရွတ်နေလို့ကော အကျိုးထူးပါ့မလားကွယ့်
" မထူးပါဘူးဘုရား "
ဥပမာ တစ်ခုပြောပြမယ် …
တစ်ခါက ခရီးသွားတစ်ယောက်ဟာ
ရေမွတ်သိပ်လာလို့၊ ရေရရှိနိုင်မဲ့
နေရာတွေကို တူးသတဲ့၊ တွင်းတွေသာ
တစ်တွင်းပီး တစ်တွင်းများလာတယ်
ဘယ်တွင်းကမှ ရေမရဘူးကွယ့် ။
ဒီလိုနဲ့ လက်မှိုင်ချနေတုန်း လူတစ်ယောက်
ရောက်လာပီး သည်လိုတူးနေလို့တော့
သည်တစ်သက် ရေသောက်ရမှာ မဟုတ်ဘူး ။
တူးလက်စ တွင်းတွေထဲက အနက်ဆုံးတွင်းကို
ရှာပီးဆက်တူးပါလို့ ပြောပီးထွက်သွားသတဲ့ ။
ဒီတော့မှ ဟုတ်သားပဲဆိုပီး သူတူးထားတဲ့တွင်း
တွေထဲက အနက်ဆုံးတွင်းကို ဆက်တူးလိုက်တဲ့
ခါကျတော့မှ ရေကြည်တွေ ထွက်လာတယ်တဲ့။
အေး … အဲသည်လိုပဲ ဂါထာတွေရွတ်တဲ့အခါ
မှာလည်း ကိုယ့်စိတ်နဲ့ တစ်ထပ်ထဲကျတဲ့
ဂါထာကို ထုံနေအောင် စွဲစွဲ မြဲမြဲ ရွတ်ရတယ်ကွယ့်
ဘယ်အရာမဆို ထက်သန်တဲ့ ဇွဲလုံးလနဲ့၊
တစိုက်မတ်မတ်လုပ်မှ၊ ရေတွင်းတူးသမားလို
ရေကြည် သောက်ရမယ်ဆိုတာ မှတ်ထားကွယ့်။
တို့ဘုရားအာဏာစက်က ဇာတိခေတ်၊
အာဏာခေတ်၊ ဝိသယခေတ်ဆိုတဲ့
စကြာဝဠာကုဋေတစ်သိန်းမှာ ခုထိပျံ့နှံ့နေဆဲကွယ့်၊
ပရိတ်တော်တွေမဆိုထားနဲ့ ၊ ဘုရားရှင်ရဲ့
ဒေသနာတွေတောင် အစွမ်းထက်တာကလား
(ကပ္ပိယံကရောဟိ)မျှပင် ဥာဏ်ရှိသလိုသုံးကြည့်
အလွန်အသုံးတည့်တာ တွေ့လိမ့်မယ် ။
အေးအေး ဘာတွေပဲစားစား၊
ထမင်းကိုတော့ လက်မလွှတ်နဲ့ကွယ့်ကြားလား ။
" မှန်ပါ့ လိုက်နာမှတ်သားပါ့မယ်ဘုရား "
.
#ကျေးဇူးရှင်လယ်တီဆရာတော်ဘုရား၏ သြဝါဒ
Credit to Aung Naing Naychi
No comments:
Post a Comment