Latest News

CREDIT

သတင်းစုံပျော်ဝင်အိုးကြီးတွင် ဖော်ပြထားသည့် သတင်း၊ဓာတ်ပုံများသည် သက်ဆိုင်သူများ၏မူပိုင်သာဖြစ်ကြောင်း အသိပေးအပ်ပါသည်။

Monday, December 4, 2017

တရုတ်နိုင်ငံသို့ မိခင်နှင့်အတူ နှစ်နှစ်အရွယ်ကလေး ရောင်းစားခံရ


မြစ်ကြီးနား ဒီဇင်ဘာ ၄

ကချင်ပြည်နယ် ဝိုင်းမော်မြို့နယ် ရွှေညောင်ပင်ရပ်ကွက်တွင် နေထိုင် သော မိခင်နှင့်အတူ ကလေးငယ်အား တရုတ်နိုင်ငံသို့ ကျပ်သိန်း ၆ဝ ခန့် ဖြင့် ရောင်းစားခံရသည့် ဖြစ်စဉ် ဖြစ်ပွားခဲ့ကြောင်း မြစ်ကြီးနားမြို့ အမှတ်(၁၂) လူကုန်ကူးမှုတားဆီး နှိမ်နင်းရေးရဲတပ်ဖွဲ့မှ သိရသည်။

တရုတ်နိုင်ငံရှိ စက်ရုံများတွင် အလုပ်လုပ်ရန် တစ်လလျှင် မြန်မာ ငွေကျပ်သုံးသိန်းခန့် ရရှိမည်ဖြစ် ကြောင်း မနီနီဝင်းက ဖုန်းဖြင့် ဆက်သွယ်ပြောဆိုလာသဖြင့် လိုက် သွားရာမှ ရောင်းစားခံရခြင်း ဖြစ်သည်။

''အဓိက က ဆင်းရဲတော့ လိမ်ပြီး ခေါ်တာကို တကယ်မှတ်ပြီး လိုက်သွား တာပါ၊ ပါသွားတဲ့ကလေးက နှစ်နှစ်၊ ဒီမှာလည်း ၁၁ နှစ်အရွယ် ကလေး တစ်ယောက် ကျန်ခဲ့တယ်၊ အမျိုးသား ကလည်း ဆုံးသွားပြီ၊ လူကုန်ကူးခံရတဲ့ သားအမိကိုတော့ ရှာမတွေ့သေးဘူး၊ တရုတ်-မြန်မာ နှစ်နိုင်ငံဆက်သွယ်ရေး ရုံးကနေတစ်ဆင့် ရှာခိုင်းထားပါ တယ်'' ဟု မြစ်ကြီးနားမြို့နယ် လူကုန်ကူးမှု တားဆီးနှိမ်နင်းရေး ရဲတပ်ဖွဲ့မှ ရဲအုပ်လှိုင်စိုးက ပြောသည်။

မနီနီဝင်းအား စစ်မေးရာမှ မဆောင်းမီးနှင့် နှစ်နှစ်အရွယ် ကလေးအား နိုဝင်ဘာ ၂၅ ရက်က ကချင်ပြည်နယ် ဝိုင်းမော်မြို့နယ် မီးပွိုင့်လမ်းဆုံတွင် ချိန်းဆို၍ လိုင်းကားဖြင့် ကန်ပိုက်တီမြို့သို့ ခေါ်ဆောင်သွားပြီး တရားမဝင် လမ်းကြောင်းမှတစ်ဆင့် တရုတ်နိုင်ငံ ထိန်ချုံးမြို့၌ အသင့်စောင့်ဆိုင်း နေသော တရုတ်အမျိုးသမီးတစ်ဦးထံ ယွမ်ငွေ သုံးသောင်းဖြင့် ရောင်းစားခဲ့ ပြီး ပြန်လာခဲ့ကြောင်း သိရသည်။

မင်းမင်းဦး
The Mirror Daily
https://www.facebook.com/TheMirrorDaily/

No comments:

Post a Comment