 |
| လားရှိုးမြို့မှာ သွေးလွန်တုပ်ကွေးရောဂါကြောင့် ဆေးရုံတက်ရောက်ကုသနေတဲ့ ကလေးငယ်တစ်ဦးကို တွေ့ရစဉ်။ Photo: Kan Thar/ RFA |
တစ်တိုင်းလုံးမှာ သွေးလွန်တုပ်ကွေးဖြစ်ပွားသူ ၇၁၁ ယောက်ရှိနေပြီး အသက် ၅နှစ်ကနေ ၉နှစ်အရွယ်တွေ အများဆုံးဖြစ်နေတယ်လို့ လူမှုရေးဝန်ကြီး ဒေါက်တာ လှမြတ်သွေးက ပြောပါတယ်။
"များလာတယ်ဆိုတာကတော့ ဒီနှစ် ၂၀၁၇ ခုနှစ်မှာ သွေးလွန်တုပ်ကွေးရောဂါဟာ ကပ်ရောဂါအသွင် ဖြစ် လာမယ်လို့ ပညာရှင်တွေက ခန့်မှန်းထား ပါတယ် နောက်ဆုံးစာရင်းအရ ၇၁၁ ယောက်ဖြစ်ပါတယ် သေဆုံး သူက ၁၀ ဦးပါ အဖြစ်အများဆုံးအသက်အရွယ်က ၅ နှစ်ကနေ ၉ နှစ်ပါ ဒုတိယအဖြစ်အများဆုံး ကတော့ ၁ နှစ်ကနေ ၄ နှစ်ပါ"
မအူပင်မြို့နယ်က ရောဂါဖြစ်ပွားသူအများဆုံးဖြစ်ပြီး လက်ရှိပြုစုထားတဲ့စာရင်းဟာ ဆေးရုံမှာ ဆေးကုသမှု ခံယူနေသူစာရင်း ပါဝင်သလို ဆေးကုသမှုမခံယူ ထားသူအရေအတွက်လည်း ပါဝင်တယ်လို့ သိရပါတယ်။
ရောဂါဖြစ်ပွားမှုနဲ့ပတ်သက်ပြီး တိုင်းဒေသကြီးအစိုးရအဖွဲ့က ဆေးကုသမှုတွေကို ကြပ်မတ်ဆောင်ရွက်နေပေ မယ့် သွေးလွန်တုပ်ကွေးရောဂါ ကြိုတင် ကာကွယ်ရေးနည်းလမ်းတွေကို ပြည်သူတွေက လိုက်နာဆောင်ရွက်ဖို့ လိုအပ်နေတယ်လို့ ၀န်ကြီးက ပြောပါတယ်။
မနှစ်က တစ်နှစ်လုံးဖြစ်ပွားသူ ဦးရေ ၅၀၀ နီးပါးသာရှိခဲ့ပြီး ဒီနှစ်မှာ မေလနဲ့ ဇွန်လ ၂ လအတွင်းမှာ ၇၀၀ ကျော် ရှိနေတာဖြစ်ပါတယ်။
RFA Burmese
http://www.rfa.org/burmese
No comments:
Post a Comment