Latest News

CREDIT

သတင်းစုံပျော်ဝင်အိုးကြီးတွင် ဖော်ပြထားသည့် သတင်း၊ဓာတ်ပုံများသည် သက်ဆိုင်သူများ၏မူပိုင်သာဖြစ်ကြောင်း အသိပေးအပ်ပါသည်။

Friday, May 26, 2017

ဆန္ဒပြသူတွေ ငွေမရတဲ့အတွက် ဝန်ကြီးဌာနကို အကြောင်းကြား


သာသနာရေးနဲ့ ယဉ်ကျေးမှုဝန်ကြီး သူရဦးအောင်ကို နုတ်ထွက်ပေးဖို့ နေပြည်တော် ဥတ္တရသီရိမြို့နယ်က ဘောလုံးကွင်းမှာ မေလ ၂ဝ ရက်နေ့က တောင်းဆိုဆန္ဒပြခဲ့စဉ်။ Photo: Win Ko Ko Latt/RFA
နေပြည်တော်ကောင်စီနယ်မြေမှာ ပြုလုပ်ခဲ့တဲ့ သာသနာရေးနဲ့ ယဉ်ကျေးမှုဝန်ကြီး သူရဦးအောင်ကို နှုတ်ထွက်ပေး ဖို့ တောင်းဆိုဆန္ဒပြပွဲကို တက်ရောက်ခဲ့သူတွေထဲက ထောက်ပံ့ကြေးမရသူတွေ နဲ့ နေရပ်ပြန်ဖို့ ငွေကြေး အခက် အခဲဖြစ်ခဲ့သူ အယောက် ၁၀၀ ကျော်လောက်က ဝန်ကြီးဌာနကို အကြောင်းကြားလာတယ်လို့ သာသနာရေးနဲ့ ယဉ်ကျေးမှုဝန်ကြီးဌာနက ပြောပါတယ်။

ဖုန်းဆက်ပြီးပြောတာ၊ E-mail ကပြောတာတွေကို ရရှိထားပြီး မှန်ကန်အောင် စိစစ်နေတယ်လို့ သာသနာရေးနဲ့ ယဉ်ကျေးမှုဝန်ကြီးဌာန ညွှန်ကြားရေးမှူး ဦးအောင်ဆန်းဝင်း က ပြောပါတယ်။

"ဖုန်းတွေနဲ့ ဆက်ပြီးတော့ ပြောတာတို့၊ E-mail ကနေ ပြောတာတို့က အယောက် ၁၀၀ ကျော်လောက် ရှိပါတယ်ခင်ဗျ၊ ကျွန်တော်တို့က တိကျတဲ့ဟာ ဖြစ်အောင်လို့တော့ စိစစ်နေပါတယ်ခင်ဗျ။"

အဲလို ဆန္ဒပြပွဲမှာ ပါဝင်ခဲ့ပြီး နစ်နာခဲ့သူတွေအနေနဲ့ ဝန်ကြီးဌာနကို အသိပေးအကြောင်းကြားနိုင်ကြောင်း ပြီးခဲ့တဲ့မေလ ၂၃ ရက်နေ့က ကြေညာခဲ့တာဖြစ်ပြီး ၃ ရက်အတွင်းမှာ အခုလို အယောက် ၁၀၀ ကျော်က ဆက်သွယ်ပြောဆိုလာတာလည်း ဖြစ်ပါတယ်။

မြန်မာဗုဒ္ဓဘာသာ နိုးကြားရေးအသင်း(ရန်ကုန်)က ပြီးခဲ့တဲ့ မေလ ၂၀ ရက်နေ့က ဝန်ကြီး သူရဦးအောင်ကို နှုတ် ထွက်ပေးဖို့ ပြုလုပ်ခဲ့တဲ့ ဆန္ဒပြပွဲမှာ တက်ရောက်ခဲ့သူ တစ်ယောက်ကို ၇ ထောင်၊ ၁ သောင်း၊ ၂ သောင်း၊ ၃ သောင်း စသဖြင့် ထောက်ပံ့ပေးခဲ့တယ်လို့ လူမှုကွန်ရက်စာမျက်နှာတချို့မှာ ဖော်ပြမှုတွေရှိနေကြောင်း ဝန်ကြီး ဌာနက ထုတ်ပြန်ခဲ့တာဖြစ်ပါတယ်။

အဲဒီပွဲမှာ ပါဝင်ခဲ့သူတချို့က ထောက်ပံ့ကြေးမရတာ၊ အပြန်ခရီးအတွက် အခက်အခဲဖြစ်တာတွေ ကြုံတွေ့ရကြောင်းနဲ့ အဲဒီပွဲအတွက် ငွေကျပ်သိန်း ၈ ထောင်ခန့် သုံးစွဲခဲ့ကြောင်း ကုန်ကျစရိတ်စာရင်းတွေ ခန့်မှန်းတွက်ချက်ထားတာတွေ ကို လူမှုကွန်ရက်စာမျက်နှာတချို့မှာ ဖော်ပြထားတယ်လို့လည်း ဝန်ကြီးဌာနရဲ့ ထုတ်ပြန်ချက်မှာ ပါရှိပါတယ်။

အသိပေး အကြောင်းကြားလာတာတွေကို စိစစ်မှုတွေပြုလုပ်နေပြီး ဆက်လက်ဆောင်ရွက်သွားမယ့်ကိစ္စတွေကို ဝန်ကြီးဌာနကနေ ထုတ်ပြန်ကြေညာပေးသွားမှာလည်း ဖြစ်ပါတယ်။

RFA Burmese
http://www.rfa.org/burmese

No comments:

Post a Comment