အပုတ်အသိုးအမှိုက်တောင်းပါတီမဖြစ်ဖို့ 

 

သို့ ကိုကိုကြီးရေ .....

 ကိုယ့်ထက်အသက်ကြီးပေမယ့် ဦးကိုကိုကြီးခေါ်ရတာထောင့်တောင့်တောင့်ရှိတာနဲ့ ကိုကိုကြီးလို့ ပဲ ရင်းရင်းနှီးနှီးခေါ်ခွင့်ပြုပါ ။ ခင်ဗျားနဲ့ကျွန်တော်လဲ စာပေဟောပြောပွဲတွေမှာ မကြာခနတွဲဟောခွင့်ရခဲ့ပေမယ့် အေးအေးဆေးဆေးကိုစကားမပြောဖြစ်ပါဘူး ။ဟိုတလောက ကျိုက်ကော် သိမ်ဆိပ် ( သုဝဏ္က၀တီမြို့ ) မှာစာပေဟောပြောပွဲ သွားတုန်းကတော့ တစ်လမ်းလုံး ကားပေါ်မှာအေးအေးဆေးဆေးစကားပြောခွင့်ရခဲ့တယ် ။ ဒါပေမယ့် ပြောစရာတွေကများလွန်းတော့ အကြောင်းအရာတွေကုန်အောင်တော့ တစ်ညထဲဘယ်ပြောနိုင်မလဲနော် ။ ခင်ဗျားတို့ ၈၈ အဖွဲ့က ကိုမင်းကိုနိုင်တို့  ကိုကိုကြီးတို့လို စာပေဟောပြောပွဲတွေ မှာဟောနေသူတွေနဲ့တော့ အခါအားလျှော်စွာ ဟောရင်းပြောရင်းတွေ့  ဆုံနေဖြစ်တာကိုက မင်္ဂလာပါ ။ ခင်ဗျားတို့ အဖွဲ့သားတွေအားလုံး ကျန်းမာ စိတ်ပျော်ပြီး နိုင်ငံအကျိုးတွေဆောင်ရွက်နိုင်ပါစေ ။ ခုတလော သတင်းတွေမှာရော အရင်က သိထားခဲ့ရတာတွေရော မကြာခနတွေ့ ရတာက ခင်ဗျားတို့အဖွဲ့  လာမယ့် ၂၀၁၈ နှစ်ဆန်းမှာ နိုင်ငံရေးပါတီတစ်ခုထူထောင်တော့မယ်ဆိုတဲ့သတင်းပါပဲ ။

 မင်္ဂလာသတင်းလို့ကျွန်တော်က ၀မ်းမြောက်ဝမ်းသာကြိုဆိုပါတယ် ။ ၈၈ မျိုးဆက်ကျောင်းသားခေါင်းဆောင်တွေကို နိုင်ငံရေးပါတီထောင်ပြီး နိုင်ငံရေးမှာ အရှိန်မြှင့်ကြဖို့  ၊ အခုရောက်နေတဲ့နေရာလေးမှာပဲ သာယာမနေကြဖို့ ကျွန်တော်အကြိမ်ကြိမ်တိုက်တွန်းတဲ့ဆောင်းပါးတွေရေးခဲ့ပါတယ် ။ နိုင်ငံရေးလုပ်တယ်ဆိုတာ အာဏာရဖို့ လည်းအရေးကြီးတယ် ။ အာဏာဟာလုပ်ပိုင်ခွင့်မို့ လို့ အာဏာလို့ ခေါ်တဲ့လုပ်ပိုင်ခွင့်ရှိမှ သီအိုရီတွေ(စာတွေ့ )တွေဟာ ပရက်တီကယ် (လက်တွေ့ )ဖြစ်လာမယ်ဆိုတာ ကျွန်တော်အကြိမ်ကြိမ်ရေးခဲ့ဖူးပါတယ် ။ တိုင်းပြည်ကိုလက်တွေ့ အကျိုးပြုချင်ရင်တော့ ပါတီထောင် ၊ရွေးကောက်ပွဲ ၀င်တဲ့နည်းအတိုင်းသွားကြရမှာပါ ။ အဲဒိနည်းကိုမှမယုံကြည်ရင် လက်နက်ကိုင်လမ်းစဉ်နည်းပဲ ရှိပါတော့တယ် ။ ဒါပေမယ့် ကိုကိုကြီးတို့ လို ၈၈ မျိုးဆက်ကျောင်းသားတွေဟာ လက်နက်ကိုင်နိုင်ငံရေးလမ်းစဉ်ကိုတော့ ယုံကြည်မှာလုံးဝမဟုတ်ပါဘူး ။ ဒါ့ကြောင့် ပါတီထောင် ၊ ရွေးကောက်ပွဲဝင်မယ်ဆိုတဲ့ ဆုံးဖြတ်ချက်ဟာအလွန်ကိုမှန်ကန်သင့်တော်တဲ့ ဆုံးဖြတ်ချက်ပါ ။ 

    မြန်မာနိုင်ငံမှာ အဓိကပါတီကြီးနှစ်ခုရှိပါတယ် ။အားလုံးသိကြတဲ့အတိုင်း အမျိုးသားဒီမိုကရေစီအဖွဲ့ချုပ် ( NLD ) ရယ် ပြည်ထောင်စုကြံ့ခိုင်ရေးနဲ့ဖွံ့ ဖြိုးရေးပါတီ ရယ်ပါ ။ ဒီပါတီနှစ်ခုဟာ အင်အားအကောင်းဆုံးပါတီကြီးနှစ်ခုဖြစ်ပြီး ၂၀၁၀ ရွေးကောက်ပွဲနဲ့ ၂၀၁၅ ရွေးကောက်ပွဲတွေမှာ တလှည့်စီအနိုင်ရပြီး အစိုးရဖွဲ့နိုင်တဲ့အထိ နိုင်ငံတော်အာဏာကိုရယူနိုင်ခဲ့တဲ့ပါတီ နှစ်ခုဖြစ်ပါတယ် ။ ဒီကြားထဲမှာ တိုင်းရင်းသားပါတီတွေ ပေါ်ပေါက်လာပေမယ့် လူမျိုးစုတစ်ခုကိုပဲ ကိုယ်စားပြုဖွဲ့စည်းထားတဲ့ပါတီဖြစ်တာကြောင့် သူတို့သက်ဆိုင်ရာလူမျိုး ကလွဲရင် ကျန်တိုင်းရင်းသားလူမျိုးများနဲ့မဆိုင်လိုဖြစ်နေတတ်ပါတယ် ။ အဲဒါကြောင့်လူများစုကြီးအတွက် အစိမ်းရောင်လားအနီရောင်လားဆိုပြီးရွေးချယ်စရာ ပါတီကြီးနှစ်ခုပဲ အဓိကတွေ့ ရမှာဖြစ်ပါတယ် ။

 အစိမ်းကိုလဲမကြိုက်ဘူး ၊အနီကိုလဲအားမရဘူးဆိုသူများအတွက်တော့ အခြာရွေးချယ်စရာ တတိယမြောက်အင်အားစုဟာ လောက်လောက်လားလားမရှိကြပါဘူး ။ သမ္မတအကြံပေးဟောင်းတစ်ယောက်ဦးဆောင်ဖွဲ့စည်းထားတဲ့ ပါတီတစ်ခုပေါ်လာသော်လည်း တကယ့်တတိယအင်အားစုစစ်စစ်မှန်မှန်မဟုတ်တဲ့အခါမှ လူထုရဲ့ စိတ်ဝင်စားမှုထောက်ခံမှု မယ်မယ်ရရမရှိပါဘူး ။ အဲဒါကြောင့် ပြောရရင် မြန်မာနိုင်ငံမှာ အစိမ်းလဲမဟုတ် အနီလဲမဟုတ်တဲ့ ကြားအင်အားစုကြီးတစ်ခုပေါ်ပေါက်လာဖို့ လူတွေကတောင့်တကြပါတယ် ။ ဒါပေမယ့်တောင့်တပုံတောင့်တနည်းတော့ကွဲလွဲကြမယ်ထင်ပါတယ် ။ ကျွန်တော့်အယူအဆကိုရှင်းအောင်ပဲပြောပါ့မယ် ။ 

    ကျွန်တော်တို့ဟာ ကိုကိုကြီးတို့  ၈၈ မျိုးဆက်ကျောင်းသားတွေပါတီထောင်ရင်အားပေးကြမယ်ဆိုတာ ဒေါ်အောင်ဆန်းစုကြည်ကို မုန်းလို့မဟုတ်ဘူး ။ NLD ရဲ့ ပြိုင်ဘက်ဂိုဏ်းသားတွေနဲ့ မဟာမိတ်ဖွဲ့ချင်လို့မဟုတ်ဘူး ။ ၈၈ အဖွဲ့ ပါတီထောင်ရင်ထောက်ခံတယ်ဆိုတာက NLDနဲ့မတူတဲ့ နိုင်ငံရေးလုပ်နည်းကိုင်နည်းလေးတွေနဲ့ တိုင်းပြည်အကျိုးကိုတဖက်တလမ်းကလုပ်နိုင်ကိုင်နိုင်မယ့်လူတွေလို့မြင်တာကြောင့်ပဲဖြစ်တယ် ဥပမာလက်ဘက်ရည်ရယ် ၊ကော်ဖီရယ် ရှိတယ်ဆိုပါစို့  ၊ တတိယမြောက်ရွေးချယ်မှုအဖြစ် နွားနို့ ကိုသောက်ချင်သောက်မယ် အဲဒါဟာ လက်ဘက်ရည်ကိုပုန်ကန်ပြီး ကော်ဖီအဖွဲ့ နဲ့ပေါင်းတာမဟုတ်ဘူး ။ဒါကိုတော့ရှင်းရှင်းလင်းလင်း သိထားစေချင်တယ် 

 ။ဘာ့ကြောင့်လဲဆိုတော့ နိုင်ငံရေးမှာမရိုးသားတဲ့လူတွေရှိတယ် ။ ဒေါ်အောင်ဆန်းစုကြည်ရဲ့အရှိန်အ၀ါကို ဘယ်လိုမှမယှဉ်နိုင်လို့ ကြိတ်ပြီးမစ္ဆရိယပွားနေတဲ့ ပါတီတွေရှိတယ် ။လူပုဂ္ဂိုလ်တွေရှိတယ် ။ကိုကိုကြီးတို့အဖွဲ့ကလည်းပါတီထောင်မယ်ဆိုပြီး အဖွဲ့ ပေါင်းစုံနဲ့ ဆွေးနွေးပွဲတွေလုပ် ပူးပါင်းပါဝင်ဖို့ဖိတ်ခေါ်တာတွေလုပ်နေတာတွေ့ ရတယ် ။ ၆၂ နိုင်ငံရေးမျိုးဆက် ၊ ၇၄ မျိုးဆက် ၊ ၈၈ မျိုဆက်အပြင် နိုင်ငံရေးအယူအဆအမျိုးမျိုး ၊ခံယူချက်အမျိုးမျိုးရှိသူတွေနဲ့ဆက်တိုက်တွေ့ ဆုံပြီး အကြံဥာဏ်ယူနေတာတွေရှိတယ် ။ မတ်လ ၃၀ နဲ့ ၃၁ ရက်နေ့ကပဲ UMFCCI မှာ တွေ့ ဆုံဆွေးနွေးပွဲတစ်ရပ်ကျင်းပခဲ့သေးတယ် ။ ဒါပေမယ့်ကိုကိုကြီးရေ ငါးသိုင်းများဟင်းဟုန်သတဲ့ ။ဆရာများသားသေသတဲ့ ။ လောကမှာ လူတွေအကုန်ထောက်ခံတဲ့ဝါဒ ၊ လူတွေအကုန်ထောက်ခံတဲ့ပါတီဆိုတာမရှိပါဘူး ။ မတူညီတဲ့အဖွဲ့ တွေပေါင်းရင်အားဖြစ်မယ်ထင်ပြီး အောင်စုတင်(ဗိုလ်ချုပ်အောင်ကြီး ၊ ဒေါ်အောင်ဆန်းစုကြည်၊ ဦးတင်ဦး)  အဖွဲ့ ပေါင်းလိုက်တာ နောက်ဆုံး ကွဲတာပြဲတာပဲအဖတ်တင်တယ်မို့ လား ။ ပေါင်းတာကြည့်ပေါင်း၊တွဲတာကြည့်တွဲပါ ။

       အချို့သောသူများက ဒေါ်အောင်ဆန်းစုကြည်အပေါ်မှာ မနာလိုဝန်တိုနေတဲ့ဓာတ်အခံရှိတယ် ။ ခင်ဗျားတို့ကရိုးရိုးသားသား သွားပူးပေါင်းတာ ။ အချို့သောစားဖားကြီးများက အကွက်ဆိုက်ပြီဆိုပြီး ဒေါ်အောင်ဆန်းစုကြည်မပါသောနိုင်ငံရေးအခင်းအကျင်းဆိုတာကြီးကို အမြဲတမ်း ပုဆိုးခြုံထဲကလက်သီးပုံးပြပြီး ကြိတ်မျှော်လင့်နေခဲ့တာ ။ ၈၈ မျိုးဆက်ကို စေတနာရှိလွန်းလို့ မဟုတ်ပဲ ကိုယ့်အတ္တတွေကိုအကောင်အထည်ဖော်ဖို့  ၀င်လာတဲ့ နိုင်ငံရေးစားဖားကြီးတွေခင်ဗျားတို့အဖွဲ့ ထဲဝင်လာရင်ခင်ဗျားတို့အဖွဲ့ပျက်မှာပဲ ။ ကြားထဲက ၈၈ မျိုးဆက်ကျောင်းသားခေါင်းဆောင်တွေနာလိမ့်မယ် ။ လူတကာပါဖို့ လိုက်ဖိတ်ခေါ်နေတာတွေရပ်ပါတော့ ။ ကိုယ့်ကိုယ်ကိုယုံကြည်မှုရှိရှိနဲ့ ရဲရဲဝံ့ဝံ့ဆက်လျှောက်ပါ ။ ကိုယ့်ယုံကြည်ချက် အတိုင်းပါတီထောင်ပါ ။ကျွန်တော်တို့တတ်နိုင်သလောက်ဝန်းရံအားပေးမယ်။ 

 စားဖားကြီးတွေ ၊ နိုင်ငံရေးမှာ အပုတ်အသိုးဖြစ်နေသူတွေနဲ့ဝေးဝေးနေပါ ။ အဲဒိနိုင်ငံရေးကျားသေတွေ ၀င်ချင်သလိုဝင်ထွက်ချင်သလိုထွက်လာလုပ်မယ်ဆိုရင်တော့ ခင်ဗျားတို့ပါတီဟာ လူထုကမသုံးတဲ့အမှိုက်တွေစုနေတဲ့ အမှိုက်ပုံးပါတီဖြစ်သွားမယ် ။ ၈၈ မျိုးဆက်ကျောင်းသားခေါင်းဆောင်တွေဟာ ဒီလောက်မညံ့ဘူးလို့ကျွန်တော်ယုံကြည်တယ် ။ အပုတ်အသိုးအမှိုက်တောင်းပါတီအဖြစ်ကိုတော့ဘယ်တော့မှအရောက်မခံပါနဲ့ ။ သန့်ရှင်းစင်ကြယ်သော ဒီမိုကရေစီဘက်တော်သားများကိုကိုယ်စားပြုသော တတိယအင်အားစုပါတီအဖြစ် ဂုဏ်သိက္ခာရှိရှိ လွတ်လွတ်လပ်လပ်ရပ်တည်နိုင်ပါစေခင်ဗျား ။

သရ၀ဏ်(ပြည်)