သံမဏိနှင်းဆီဂျာနယ် အယ်ဒီတာကို သတ်သူ ဖမ်းမိ

ပုဇွန်တောင်မြို့နယ်ရှိ သံမဏိနှင်းဆီဂျာနယ် တိုက်ခန်းတွင် ဖြစ်ပွားသော လူသတ်မှုအား သတင်းရရှိသည့် နေ့မှ ၄ ရက်အတွင်း ရန်ကုန်တိုင်း ဒေသကြီးရဲတပ်ဖွဲ့က ပြစ်မှုကျူးလွန်သူအား ဖော်ထုတ်ဖမ်းဆီးရမိ

ရန်ကုန်၊ ဧပြီ ၂၁

၁၆.၄.၂၀၁၇ရက်နေ့ နံနက် ၈နာရီခွဲ အချိန်တွင် ပုဇွန်တောင်မြို့နယ်ရှိ သံမဏိနှင်းဆီဂျာနယ်တိုက်မှ အပုတ်နံ့ထွက်နေကြောင်း ဘေးချင်းကပ်လျက်အခန်းနေသူမှ အယ်ဒီတာဖြစ်သူအားအကြောင်းကြားခဲ့သဖြင့် ဂျာနယ်တိုက်ခန်းအတွင်းသို့ ၀င်ရောက်ကြည့်ရှုရာ အယ်ဒီတာ၏ သားဖြစ်သူ ဝေယံဟိန်းမှာ ဓားဒဏ်ရာများဖြင့် ပုတ်ပွသေဆုံးနေကြောင်း တွေ့ရှိရ၍ ပုဇွန်တောင်မြို့မရဲစခန်းသို့ အရေးယူပေးရန် အမှုဖွင့် တိုင်တန်းခဲ့သော အမှုဖြစ်ပါသည်။

အမှုမှန်အမြန်ဆုံးပေါ်ပေါက်ရေးအတွက် တိုင်းဒေသကြီးရဲတပ်ဖွဲ့မှူးမှ အထူးအမှုစစ်အဖွဲ့အားဖွဲ့စည်း ဆောင်ရွက်စေခဲ့ရာ ပြစ်မှုကျူးလွန်သူအား ၄ ရက်အတွင်းဖော်ထုတ်ဖမ်းဆီးနိုင်ခဲ့ကြောင်း သိရသည်။

အမှုအမြန်ဖော်ထုတ်နိုင်ရေးအတွက် စုံစမ်းခဲ့ရာ သေဆုံးသူ ဝေယံဟိန်းမှာ လွန်ခဲ့သော ၈ လခန့်က မ----နှင့်Facebook မှတစ်ဆင့် ချစ်ကြိုက်ကာ မကြာခဏချိန်းတွေ့ခဲ့ကြကြောင်း၊ မ----မှာ နိုင်ငံခြားသင်္ဘောသား အောင်ကိုကို၏ ဇနီးဖြစ်ပြီး သားတစ်ဦးရှိကြောင်း စုံစမ်းသိရှိရပါသည်။

နိုင်ငံခြားသင်္ဘောသား အောင်ကိုကိုမှာ ၂၀၁၆ ခုနှစ်၊ အောက်တိုဘာလကုန်တွင် စင်္ကာပူနိုင်ငံမှ ရန်ကုန်မြို့သို့ပြန်လည်ရောက်ရှိလာစဉ် ၎င်းတို့မိသားစုနေထိုင်သော မင်္ဂလာတောင်ညွန့်မြို့နယ်၊ သပြေကုန်းရပ်ကွက်ရှိနေအိမ်ရှေ့တွင် ကားတစ်စီးရပ်ထားသည်ကို၎င်းမှ တွေ့မြင်ခဲ့ပြီး ၎င်းကားမှာထွက်ပြေးသွားသဖြင့် ဇနီးဖြစ်သူအားမေးမြန်းရာမှ ဝေယံဟိန်း၏ကားဖြစ်ကြောင်းသိရသည့်အပြင် နိုင်ငံခြားရှိ သူငယ်ချင်းဖြစ်သူတစ်ဦးမှလည်း Facebook Account တွင် ၎င်း၏ဇနီးအား ဝေယံဟိန်းဆိုသူနှင့် ဓာတ်ပုံတွဲရိုက်ထားသည်ကို ပြောပြခဲ့ဖူးသဖြင့် ၎င်း၏ဇနီးနှင့် လူမှုရေးဖောက်ပြန်နေကြောင်း မသင်္ကာဖြစ်ကာ ဝေယံဟိန်းအား ဖုန်းဖြင့်ဆက်သွယ်၍ စကားများခဲ့ဖူးကြောင်း စုံစမ်းသိရသည်။

ပြစ်မှုကျူးလွန်ရန် မသင်္ကာသည့် အကြောင်းများကြောင့် ရဲတပ်ဖွဲ့ဝင်များက အောင်ကိုကိုအား စုံစမ်းခဲ့ရာ ၁၅.၄.၂၀၁၇ ရက်နေ့ ညနေ ၅ နာရီအချိန်တွင် ပြင်ဦးလွင်မြို့ရှိ ၎င်း၏မိဘများနေထိုင်ရာ ငါးရံ့ချောင်းရွာသို့ တိမ်းရှောင်ထွက်ပြေးနေကြောင်း စုံစမ်းသိရသဖြင့် သွားရောက်ဖမ်းဆီး
ခဲ့ရာ အောင်ကိုကိုနှင့် ဇနီးဖြစ်သူ မ----တို့အား ၁၉.၄.၂၀၁၇ ရက်နေ့ ညနေ ၆ နာရီအချိန်တွင် ဖမ်းဆီးရမိခဲ့ပါသည်။

အောင်ကိုကို၏ ဖော်ထုတ်ချက်အရ သေဆုံးသူ ဝေယံဟိန်းမှာ ၎င်း၏ဇနီးဖြစ်သူ မ-----နှင့်လူမှုရေးဖောက်ပြန်နေကြောင်းသိရသဖြင့် ၁၁.၄.၂၀၁၇ ရက်နေ့တွင် ဇနီး နှင့်သားဖြစ်သူတို့အား နေအိမ်အတွင်းထား၍ အပြင်မှသော့ခတ်ထားခဲ့ရာ နေအိမ်သို့ပြန်လည်ရောက်ရှိစဉ် ဇနီးနှင့် သားဖြစ်သူတို့မှာ မတွေ့ရှိရသဖြင့် ဇနီးဖြစ်သူအားပြန်လည်တွေ့ရှိနိုင်ရန်အတွက် ၁၂.၄.၂၀၁၇ ရက်နေ့တွင် ဝေယံဟိန်းအား ဖုန်းဖြင့်ဆက်သွယ်ပြီး စုံစမ်းခဲ့သည့်အပြင် ကန်တော်ကြီးဥယျာဉ်သို့ ချိန်းဆို၍ အကူအညီတောင်းခံခဲ့ကြောင်း၊ ၁၄.၄.၂၀၁၇ရက်နေ့တွင် ဝေယံဟိန်းမှ အောင်ကိုကိုထံ ဖုန်းဖြင့် ဆက်သွယ်ပြီး ဒဂုံဧရာအဝေးပြေးဝင်းတွင် မ------နှင့် သားဖြစ်သူအား တွေ့ရှိခဲ့ကြောင်း၊ အကြောင်းစုံသိလိုပါက ၎င်းနေထိုင်သည့် သံမဏိနှင်းဆီဂျာနယ်တိုက်သို့ လာရောက်ရန် ချိန်းဆိုခဲ့ပါသည်။

ယင်းနေ့ ၁၄၀၀ အချိန်တွင် အောင်ကိုကိုမှ ဂျာနယ်တိုက်သို့သွားရောက်ခဲ့ရာ သေဆုံးသူဝေယံဟိန်း တစ်ဦးတည်းတွေ့ရှိခဲ့ပြီး ၎င်း၏ဇနီးအား ရှာဖွေပေးရန်ပြောဆိုခဲ့ရာ ဝေယံဟိန်းမှ အောင်ကိုကို၏ဇနီး မ---မှာ ၎င်းနှင့်တစ်ဦးတည်း လူမှုရေးဖောက်ပြန်ခဲ့ခြင်း မဟုတ်ဘဲ အခြားအမျိုးသားများနှင့် လည်းပတ်သက်ခဲ့ဖူးကြောင်း၊ ယခု မ----အား လမ်းမတော်မြို့နယ်ရှိ Bilss Guest House အခန်း(၁၀၁)တွင် ဝေယံဟိန်းအမည်ဖြင့် တည်းခိုနေထိုင်စေခဲ့ကြောင်း ပြောဆိုခဲ့ရာမှ တစ်ယောက်တစ်ခွန်း စကားများခဲ့ပြီး စားပွဲပေါ်ရှိ ဓားဦးချွန်ဖြင့် ဝေယံဟိန်း၏ ၀မ်းဗိုက်အား ၁၄ ချက် ၁၅ ချက်ခန့် ထိုးနှက်ခဲ့ကြောင်း၊ ဝေယံဟိန်း၏ iPhone SE ကိုလည်း ယူဆောင်လာခဲ့ကြောင်း၊ ဇနီးဖြစ်သူ မ------နှင့် သားဖြစ်သူတို့ကိုလည်း ၎င်းနေ့ ၁၈၀၀ အချိန်တွင် Bilss Guest
House တည်းခိုခန်းမှ သွားရောက်ခေါ်ယူကာ ရွှေဂုံတိုင်ဟိုတယ်သို့ ပြောင်းရွေ့တည်းခိုခဲ့ပြီး ၁၅.၄၂၀၁၇ ရက်နေ့ ညနေ ၅ နာရီအချိန်တွင် ပြင်ဦးလွင်မြို့ရှိ ၎င်း၏မိဘများနေထိုင်ရာ ငါးရံ့ချောင်းရွာသို့ ထွက်ပြေးတိမ်းရှောင် ခဲ့ကြောင်း ပေါ်ပေါက်ခဲ့ပါသည်။

မ----အားစစ်ဆေးရာတွင် ၁၁.၄.၂၀၁၇ ရက်နေ့ နံနက် ၉ နာရီ အချိန်ခန့်က ၎င်းတို့မိသားစုနေထိုင်သော မင်္ဂလာတောင်ညွန့်မြို့နယ်ရှိနေအိမ်တွင် ခင်ပွန်းဖြစ်သူ အောင်ကိုကိုမှ ၎င်းတို့ သားအမိအား အပြင်မှ သော့ခတ်ထားစဉ် ၎င်းနှင့်ချစ်ကြိုက်နေသူ ဝေယံဟိန်းအား ဖုန်းဖြင့် ဆက်သွယ်ခေါ်ယူခဲ့သဖြင့် ဝေယံဟိန်းနှင့် သော့ပြင်သူတစ်ဦးတို့မှ ည ၈ နာရီအချိန်တွင် ရောက်ရှိလာကြောင်း၊ နေအိမ်တံခါးသော့အား ဖျက်ကာ ၎င်းတို့သားအမိ အားခေါ်ဆောင်၍ လမ်းမတော်မြို့နယ်ရှိ Bilss Guest House သို့ ည ၉ နာရီအချိန်ခန့်တွင်ရောက်ခဲ့ပြီး အခန်းအမှတ်(၁၀၁)တွင် တည်းခိုနေထိုင်စေခဲ့ကြောင်း၊ တည်းခိုနေထိုင်စဉ် ၁၂.၄.၂၀၁၇ ရက်နေ့ နေ့လယ် ၂ နာရီ အချိန်ခန့်တွင် ဝေယံဟိန်းမှ ထမင်းချိုင့်ပို့ပေးခဲ့ကြောင်း၊ သားဖြစ်သူအား ဂိမ်းကစားရန် ဝေယံဟိန်းမှ ၎င်း၏လက်တော့အား ပေးခဲ့ကြောင်းနှင့် ၁၁ ရက်နေ့မှ ၁၄ ရက်နေ့ ညနေပိုင်းအထိတည်းခိုခဲ့ကြောင်း ပေါ်ပေါက်ခဲ့ပါသည်။

အခင်းဖြစ်စဉ်က ပြစ်မှုကျူးလွန်သူ အောင်ကိုကိုဝတ်ဆင်ခဲ့သည့် ဂျင်းဘောင်းဘီနှင့် တီရှပ်တို့အား မင်္ဂလာတောင်ညွန့်မြို့နယ်၊ သပြေကုန်းရပ်ကွက်၊ (၁၂၅)လမ်းရှိ နေအိမ်မှသိမ်းဆည်းရမိခဲ့ပြီး အမှုနှင့် သက်ဆိုင်သည့် သက်သေခံပစ္စည်းများဖြစ်သည့် လက်တော့နှင့် iPhone SE
တို့အား အောင်ကိုကိုမှ ဇနီးဖြစ်သူနှင့် ပြင်ဦးလွင်သို့သွားရောက်စဉ် Feel စားသောက်ဆိုင်အနီးရှိ ရေကန်အတွင်းသို့ လွှင့်ပစ်ခဲ့ကြောင်းနှင့် အခင်းဖြစ်စဉ် အသုံးပြုသည့်ဓားကိုလည်း ဂျာနယ်စက္ကူဖြင့် ထုပ်ပိုးပြီး ဂျာနယ်တိုက် မျက်စောင်းထိုးရှိ အမှိုက်ပုံးတွင် လွင့်ပစ်ထားခဲ့ကြောင်း သိရှိရသဖြင့် သက်သေခံပစ္စည်းများ သိမ်းဆည်း ရမိရေးအတွက် ဆက်လက်ရှာဖွေဆောင်ရွက်လျက်ရှိပါသည်။

ယခုလူသတ်မှုဖြစ်စဉ်နှင့်ပတ်သက်၍ အချို့သော သတင်းဌာနများမှ ဖြစ်စဉ်အမှန်အား သိရှိရခြင်းမရှိမီ မလိုလားအပ်သောပြဿနာများ ဖြစ်ပေါ်စေနိုင်သည့် ထင်မြင်ယူဆချက်များနှင့် ဝေဖန်ရေးသားခြင်းများ ဖော်ပြခဲ့သဖြင့် အထင်အမြင်လွဲမှားမှုများ ဖြစ်ပေါ်လာနိုင်ပါသည်။

သို့ဖြစ်ပါ၍ ဖြစ်စဉ်အမှန်ကို မသိရှိသေးမီ ထိုကဲ့သို့ ထင်မြင်ယူဆချက်များ၊ ဝေဖန်ရေးသားချက်များကို ဖော်ပြခြင်းမပြုကြပါရန် မေတ္တာရပ်ခံအပ်ပါကြောင်းနှင့် ရန်ကုန်တိုင်းဒေသကြီးရဲတပ်ဖွဲ့အနေဖြင့် မှုခင်းဖြစ်စဉ်အမှန်ကို အမြန်ဆုံးဖော်ထုတ်ရရှိရေးအတွက် အချိန်နှင့်တစ်ပြေးညီ စုံစမ်းဖော်ထုတ်ခဲ့ကြောင်း အများပြည်သူသိရှိစေရန် အသိပေးဖော်ပြအပ်ပါသည်။

Yangon Police
https://www.facebook.com/yangonpolice/