ဝန်ကြီးချုပ် ဦးဖြိုးမင်းသိန်းက Eleven ကို တရားစွဲမည်

 ရန်ကုန်တိုင်းဝန်ကြီးချုပ်နှင့် Eleven Media Group
ဝန်ကြီးချုပ် ဦးဖြိုးမင်းသိန်းက Eleven ကို တရားစွဲမည်
ရန်ကုန်တိုင်းဝန်ကြီးချုပ် ဦးဖြိုးမင်းသိန်းက Eleven Media ကို တရားစွဲဖို့ စီစဉ်နေတယ်လို့ အမျိုးသားဒီမိုကရေစီအဖွဲ့ချုပ် NLD ပါတီက ဗဟိုအတွင်းရေးမှူးအဖွဲ့ဝင် ဦးဝင်းထိန်က ပြောပါတယ်။
ရန်ကုန်တိုင်းဝန်ကြီးချုပ် ဦးဖြိုးမင်းသိန်းမှာ ဒေါ်လာတစ်သိန်းတန် နာရီပတ်ထားတယ်ဆိုတာ မဟုတ်မှန်ကြောင်းနဲ့ စွပ်စွဲသလိုသဘောမျိုးဖြစ်တာကြောင့် ဦးဖြိုးမင်းသိန်းက ရန်ကုန်တိုင်းဥပဒေချုပ်နဲ့ တိုင်ပင်ပြီး Daily Eleven သတင်းစာကို တရားစွဲဖို့ စီစဉ်နေကြောင်း ဦးဝင်းထိန်က ဒီကနေ့ နေပြည်တော်မှာ ပြောပါတယ်။
အဲဒီကိစ္စနဲ့ပတ်သက်ပြီး Eleven သတင်းစာကလည်း သတင်းစာရှင်းလင်းပွဲ ကျင်းပခဲ့ပြီး တရားစွဲလာရင် တရားရင်ဆိုင်သွားမယ်လို့ ဒီနေ့ ညနေက သတင်းစာရှင်းလင်းပွဲမှာ အယ်ဒီတာချုပ် ကိုဝေဖြိုးက ပြောပါတယ်။
ပြီးခဲ့တဲ့ နိုဝင်ဘာလ ၆ ရက်နေ့ထုတ် Daily Eleven နေ့စဉ်သတင်းစာမှာ ပါရှိတဲ့ ရွေးကောက်ပွဲတစ်နှစ် ကြာသော်ဆောင်းပါးမှာ လစာဒေါ်လာ နှစ်ထောင့်ငါးရာခန့်ရရှိတဲ့ ဝန်ကြီးချုပ်တစ်ဦး ဒေါ်လာတစ်သိန်းခန့် တန်သည့် Patek Phillipe နာရီဝတ်ဆင်သည် ဆိုသောသတင်းက တစ်နေ့အနည်းဆုံးလုပ်ခ နှစ်ဒေါ်လာခွဲသာရသည့် နိုင်ငံသားတော်တော်များများကို မကျေမနပ်ဖြစ်စေခဲ့သည်ဆိုပြီး ရေးသားဖော်ပြထားတာပါ။ Eleven ရဲ့ဒီကနေ့ ထုတ်ဝေတဲ့ သတင်းစာမှာ သူတို့အနေနဲ့ ဝန်ကြီးချုပ်အမည်လည်း မသုံးသလို အစိုးရကိုလည်း အမည်တပ်ပြီး ရေးသားထားတာ မရှိဘူးလို့ ချေပထားပါတယ်။
အဲဒီဆောင်းပါးမှာ လက်ဆောင်ပေးသူမှာ မကြာသေးမီက မူးယစ်ဆေးဝါးအမှုနဲ့ ထောင်ကလွတ်လာတဲ့ သူဌေးကြီးတစ်ဦးဖြစ်ပြီး အစိုးရအကူးအပြောင်းမှာ မြို့သစ်စီမံကိန်းကို တင်ဒါအောင်မြင်ခဲ့သူတစ်ဦးဆိုတာလည်း ပါရှိပါတယ်။ ဒါပေမဲ့ အမည်တော့ ရေးသားဖေါ်ပြခြင်း မရှိပါဘူး။
Eleven အယ်ဒီတာအဖွဲ့ကလည်း တရားဥပဒေအရ ရင်ဆိုင်သွားမယ်လို့ ဒီကနေ့ သတင်းစာရှင်းလင်းပွဲမှာပြောခဲ့ပါတယ်။
RFA Burmese
( ဓါတ်ပုံ - နိုဝင်ဘာလ ၆ ရက်နေ့ထုတ် Daily Eleven သတင်းစာကို တွေ့ရစဉ် )


Share on Google Plus

About MP4 YoU

ကမ္ဘာသတင်း၊မြန်မာ့သတင်း ပေါင်းစုံကိုရောသမမွှေဖော်ပြသွားမည့်
MP4 YoU (The Melting Pot For You)