ေနျပည္ေတာ္၊ ေမ ၂၂
ေနျပည္ေတာ္သို႔ ယေန႔လာေရာက္မည့္ အေမရိကန္ႏိုင္ငံျခားေရးဝန္ႀကီး ဂၽြန္ကယ္ရီသည္ ေဒၚေအာင္ဆန္းစုၾကည္ႏွင့္သာ ေတြ႔ဆံုမည္ဟု ႏိုင္ငံေတာ္သမၼတ္႐ံုးမွ တာဝန္ရွိသူတစ္ဦးက ေအအက္ဖ္ပီကို ေျပာၾကားသည္။
“သူနဲ႔ ႏိုင္ငံေတာ္အတိုင္ပင္ခံပုဂၢိဳလ္တို႔ ေတြ႔ဆံုပါလိမ့္မယ္။ သမၼတနဲ႔ မေတြ႔ပါဘူး” ဟု သမၼတ႐ံုးေျပာေရးဆိုခြင့္ရွိသူ ဦးေဇာ္ေဌးက ေအအက္ဖ္ပီကို ေျပာၾကားသည္။ သမၼတဦးထင္ေက်ာ္သည္ ႐ုရွားႏိုင္ငံမွ အျပန္လမ္းတြင္ပင္ ရွိေနေသးသည္ဟုုလည္း ၎က ျဖည့္စြက္ေျပာၾကားသည္။
ေဒၚေအာင္ဆန္းစုၾကည္ႏွင့္ ဂၽြန္ကယ္ရီတို႔ႏွစ္ဦး ေတြ႔ဆံုရာတြင္ မည့္သည့္အေၾကာင္းအရာမ်ား ေဆြးေႏြးရန္ စီစဥ္ထားသည္ကုိလည္း ၎က ေျပာၾကားျခင္း မရွိေပ။
ဂၽြန္ကယ္ရီႏွင့္ ႏိုင္ငံျခားေရးဝန္ႀကီးဌာန ျပည္ေထာင္စုဝန္ႀကီးႏွင့္ ႏိုင္ငံေတာ္ အတိုင္ပင္ခံပင္ခံ ေဒၚေအာင္ဆန္းစုၾကည္တို႔ေတြ႔ဆံုမႈသည္ အရပ္သားအစိုးရလက္ထက္တြင္ ေနျပည္ေတာ္ႏွင့္ ဝါရွင္တန္တို႔အၾကားပထဆံုးအႀကိမ္ အဆင့္ျမင့္ျမင့္ ေဆြးေႏြးပြဲျဖစ္သည္။
ထို႔ျပင္ ဂၽြန္ကယ္ရီသည္ တပ္မေတာ္ကာကြယ္ေရးဦးစီးခ်ဳပ္ ဗိုလ္ခ်ဳပ္မွဴးႀကီး မင္းေအာင္လိႈင္ႏွင့္လည္း ေတြ႔ဆံုရန္ ရွိသည္ဟု သိရသည္။
၎၏ ေနျပည္ေတာ္သုိ႔ ခရီးစဥ္သည္ ဒီမိုကေရစီနည္းက် ေရြးခ်ယ္တင္ေျမွာက္ျခင္းခံထားရသည့္ အရပ္သားအစိုုးရကို ေထာက္ခံရန္ႏွင့္ ဒီမိုကေရစီႏွင့္ စီးပြားေရး ျပဳျပင္ေျပာင္းလဲမႈမ်ား ဆက္လက္ေဆာင္ရြက္သြားႏိုင္ေရးအတြက္ လာေရာက္ျခင္းျဖစ္သည္ဟု အေမရိကန္ ႏိုင္ငံျခားေရးဝန္ႀကီးဌာန၏ သတင္းထုတ္ျပန္ခ်က္တြင္ ေဖာ္ျပထားသည္။ ၎သည္ ယေန႔တြင္ပင္ ဗီယက္နမ္ႏိုင္ငံသို႔ ဆက္လက္ သြားေရာက္မည္ဟု ထုတ္ျပန္ခ်က္တြင္ ေဖာ္ျပထားသည့္အတြက္ ျမန္မာႏိုင္ငံသို႔ ေန႔ခ်င္းျပန္ လာေရာက္ျခင္း ျဖစ္သည္။
သမၼတဦးသိန္းစိန္ဦးေဆာင္သည့္ ယခင္အစိုးရ အာဏာရရွိၿပီးေနာက္ ၂၀၁၁ ခုုႏွစ္တြင္ အေမရိကန္ႏိုင္ငံျခားေရးဝန္ႀကီး ဟီလာရီကလင္တန္ ျမန္မာႏိုင္ငံသို႔ လာေရာက္ခဲ့သည္။ ၎သည္ ႏွစ္ေပါင္း ၅၀ အတြင္း ျမန္မာႏိုုင္ငံသို႔ ပထမဆံုး လာေရာက္သည့္ အေမရိကန္ ႏိုင္ငံျခားေရးဝန္ႀကီး ျဖစ္သည္။
၎လာေရာက္ၿပီးေနာက္ ျမန္မာႏိုင္ငံႏွင့္ သံအမတ္ႀကီးအဆင့္ ဆက္ဆံေရး ျပန္လည္ထူေထာင္မည္ဟု ၂၀၁၂ ခုုႏွစ္ ဇန္နဝါရီလတြင္ အေမရိကန္က ေၾကညာခဲ့ၿပီးေနာက္ ဒဲရစ္မစ္ခ်ယ္သည္ ၂၂ ႏွစ္အတြင္း ျမန္မာႏိုုင္ငံဆိုင္ရာ အေမရိကန္၏ ပထမဆံုး သံအမတ္ႀကီး ျဖစ္လာခဲ့သည္။
ရာစုႏွစ္ ထက္ဝက္ခန္႔ စစ္အစိုးရအုပ္ခ်ဳပ္မႈေအာက္တြင္ ေနထိုင္ခဲ့ရေသာ ျမန္မာႏိုင္ငံ၏ အံ့အားသင့္ဖြယ္ ဒီမိုကေရစီေရး ျပဳျပင္ေျပာင္းလဲမႈမ်ားတြင္ ပိုုမိုက်ယ္က်ယ္ျပန္႔ျပန္႔ ပူးေပါင္းေဆာင္ရြက္ေရးအတြက္ အေမရိကန္သမၼတဘားရတ္အိုဘားမားသည္ လြန္ခဲ့သည့္ႏွစ္မ်ားအတြင္း ျမန္မာႏိုင္ငံသို႔ ႏွစ္ႀကိမ္တိုင္လာေရာက္ခဲ့သည္။
ျမန္မာႏိုင္ငံအေပၚခ်မွတ္ထားသည့္ စီးပြားေရးပိတ္ဆို႔အေရးယူမႈအား အေမရိကန္က ေမ ၁၇ ရက္တြင္ ေနာက္ထပ္ သက္တမ္း ၁၂ လ ထပ္တိုးလိုုက္သည္။ သို႔ေသာ္ ႏိုင္ငံပိုင္လုပ္ငန္း ခုနစ္ခုႏွင့္ ႏိုင္ငံပိုင္ဘဏ္ သံုုးခုကိုု စာရင္းမွ ပယ္ဖ်က္ေပးလိုက္သလို စစ္တပ္ပိုင္ ဘဏ္ႏွစ္ခုကိုလည္း ကင္းလြတ္ခြင့္ ျပဳခဲ့သည္။ ဦးထြန္းျမင့္ႏိုင္ဦးေဆာင္သည့္ ေအးရွားေဝါအုပ္စုႏွင့္ ဆက္စပ္ေနသည့္ လုပ္ငန္းေျခာက္ခုအား ပိတ္ဆို႔မႈစာရင္းတြင္ ထပ္မံထည့္သြင္းလိုက္သည္။ အေမရိကန္ဘ႑ာေရးဌာန အေထြေထြ လိုုင္စင္ ၂၀ အရ ေအးရွားေဝါ၏ ဆိပ္ကမ္းမ်ားအား ပိတ္ဆို႔မႈစာရင္းမွ ကင္းလြတ္ခြင့္ေပးထားျခင္းကုိမူ သက္တမ္းတိုုးေပးထားသည္။
ေမ ၁၈ ရက္တြင္ စတင္အသက္ဝင္သည့္ အဆိုပါပိတ္ဆို႔မႈအရ အေမရိကန္ဘ႑ာေရးဌာန၏ ပိတ္ဆို႔အေရးယူသည့္စာရင္းတြင္ ယခင္ကတည္းက ပါဝင္ေနသည့္ ျမန္မာႏိုင္ငံသား ၃၈ ဦးအေပၚတြင္ ပိတ္ဆို႔အေရးယူမႈမ်ား ဆက္လက္တည္ရွိေနမည္ ျဖစ္သည္။
သတင္း- Frontier
......
နေပြည်တော်၊ မေ ၂၂
နေပြည်တော်သို့ ယနေ့လာရောက်မည့် အမေရိကန်နိုင်ငံခြားရေးဝန်ကြီး ဂျွန်ကယ်ရီသည် ဒေါ်အောင်ဆန်းစုကြည်နှင့်သာ တွေ့ဆုံမည်ဟု နိုင်ငံတော်သမ္မတ်ရုံးမှ တာဝန်ရှိသူတစ်ဦးက အေအက်ဖ်ပီကို ပြောကြားသည်။
“သူနဲ့ နိုင်ငံတော်အတိုင်ပင်ခံပုဂ္ဂိုလ်တို့ တွေ့ဆုံပါလိမ့်မယ်။ သမ္မတနဲ့ မတွေ့ပါဘူး” ဟု သမ္မတရုံးပြောရေးဆိုခွင့်ရှိသူ ဦးဇော်ဌေးက အေအက်ဖ်ပီကို ပြောကြားသည်။ သမ္မတဦးထင်ကျော်သည် ရုရှားနိုင်ငံမှ အပြန်လမ်းတွင်ပင် ရှိနေသေးသည်ဟုုလည်း ၎င်းက ဖြည့်စွက်ပြောကြားသည်။
ဒေါ်အောင်ဆန်းစုကြည်နှင့် ဂျွန်ကယ်ရီတို့နှစ်ဦး တွေ့ဆုံရာတွင် မည့်သည့်အကြောင်းအရာများ ဆွေးနွေးရန် စီစဉ်ထားသည်ကိုလည်း ၎င်းက ပြောကြားခြင်း မရှိပေ။
ဂျွန်ကယ်ရီနှင့် နိုင်ငံခြားရေးဝန်ကြီးဌာန ပြည်ထောင်စုဝန်ကြီးနှင့် နိုင်ငံတော် အတိုင်ပင်ခံပင်ခံ ဒေါ်အောင်ဆန်းစုကြည်တို့တွေ့ဆုံမှုသည် အရပ်သားအစိုးရလက်ထက်တွင် နေပြည်တော်နှင့် ဝါရှင်တန်တို့အကြားပထဆုံးအကြိမ် အဆင့်မြင့်မြင့် ဆွေးနွေးပွဲဖြစ်သည်။
ထို့ပြင် ဂျွန်ကယ်ရီသည် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့်လည်း တွေ့ဆုံရန် ရှိသည်ဟု သိရသည်။
၎င်း၏ နေပြည်တော်သို့ ခရီးစဉ်သည် ဒီမိုကရေစီနည်းကျ ရွေးချယ်တင်မြှောက်ခြင်းခံထားရသည့် အရပ်သားအစိုုးရကို ထောက်ခံရန်နှင့် ဒီမိုကရေစီနှင့် စီးပွားရေး ပြုပြင်ပြောင်းလဲမှုများ ဆက်လက်ဆောင်ရွက်သွားနိုင်ရေးအတွက် လာရောက်ခြင်းဖြစ်သည်ဟု အမေရိကန် နိုင်ငံခြားရေးဝန်ကြီးဌာန၏ သတင်းထုတ်ပြန်ချက်တွင် ဖော်ပြထားသည်။ ၎င်းသည် ယနေ့တွင်ပင် ဗီယက်နမ်နိုင်ငံသို့ ဆက်လက် သွားရောက်မည်ဟု ထုတ်ပြန်ချက်တွင် ဖော်ပြထားသည့်အတွက် မြန်မာနိုင်ငံသို့ နေ့ချင်းပြန် လာရောက်ခြင်း ဖြစ်သည်။
သမ္မတဦးသိန်းစိန်ဦးဆောင်သည့် ယခင်အစိုးရ အာဏာရရှိပြီးနောက် ၂၀၁၁ ခုုနှစ်တွင် အမေရိကန်နိုင်ငံခြားရေးဝန်ကြီး ဟီလာရီကလင်တန် မြန်မာနိုင်ငံသို့ လာရောက်ခဲ့သည်။ ၎င်းသည် နှစ်ပေါင်း ၅၀ အတွင်း မြန်မာနိုုင်ငံသို့ ပထမဆုံး လာရောက်သည့် အမေရိကန် နိုင်ငံခြားရေးဝန်ကြီး ဖြစ်သည်။
၎င်းလာရောက်ပြီးနောက် မြန်မာနိုင်ငံနှင့် သံအမတ်ကြီးအဆင့် ဆက်ဆံရေး ပြန်လည်ထူထောင်မည်ဟု ၂၀၁၂ ခုုနှစ် ဇန်နဝါရီလတွင် အမေရိကန်က ကြေညာခဲ့ပြီးနောက် ဒဲရစ်မစ်ချယ်သည် ၂၂ နှစ်အတွင်း မြန်မာနိုုင်ငံဆိုင်ရာ အမေရိကန်၏ ပထမဆုံး သံအမတ်ကြီး ဖြစ်လာခဲ့သည်။
ရာစုနှစ် ထက်ဝက်ခန့် စစ်အစိုးရအုပ်ချုပ်မှုအောက်တွင် နေထိုင်ခဲ့ရသော မြန်မာနိုင်ငံ၏ အံ့အားသင့်ဖွယ် ဒီမိုကရေစီရေး ပြုပြင်ပြောင်းလဲမှုများတွင် ပိုုမိုကျယ်ကျယ်ပြန့်ပြန့် ပူးပေါင်းဆောင်ရွက်ရေးအတွက် အမေရိကန်သမ္မတဘားရတ်အိုဘားမားသည် လွန်ခဲ့သည့်နှစ်များအတွင်း မြန်မာနိုင်ငံသို့ နှစ်ကြိမ်တိုင်လာရောက်ခဲ့သည်။
မြန်မာနိုင်ငံအပေါ်ချမှတ်ထားသည့် စီးပွားရေးပိတ်ဆို့အရေးယူမှုအား အမေရိကန်က မေ ၁၇ ရက်တွင် နောက်ထပ် သက်တမ်း ၁၂ လ ထပ်တိုးလိုုက်သည်။ သို့သော် နိုင်ငံပိုင်လုပ်ငန်း ခုနစ်ခုနှင့် နိုင်ငံပိုင်ဘဏ် သုုံးခုကိုု စာရင်းမှ ပယ်ဖျက်ပေးလိုက်သလို စစ်တပ်ပိုင် ဘဏ်နှစ်ခုကိုလည်း ကင်းလွတ်ခွင့် ပြုခဲ့သည်။ ဦးထွန်းမြင့်နိုင်ဦးဆောင်သည့် အေးရှားဝေါအုပ်စုနှင့် ဆက်စပ်နေသည့် လုပ်ငန်းခြောက်ခုအား ပိတ်ဆို့မှုစာရင်းတွင် ထပ်မံထည့်သွင်းလိုက်သည်။ အမေရိကန်ဘဏ္ဍာရေးဌာန အထွေထွေ လိုုင်စင် ၂၀ အရ အေးရှားဝေါ၏ ဆိပ်ကမ်းများအား ပိတ်ဆို့မှုစာရင်းမှ ကင်းလွတ်ခွင့်ပေးထားခြင်းကိုမူ သက်တမ်းတိုုးပေးထားသည်။
မေ ၁၈ ရက်တွင် စတင်အသက်ဝင်သည့် အဆိုပါပိတ်ဆို့မှုအရ အမေရိကန်ဘဏ္ဍာရေးဌာန၏ ပိတ်ဆို့အရေးယူသည့်စာရင်းတွင် ယခင်ကတည်းက ပါဝင်နေသည့် မြန်မာနိုင်ငံသား ၃၈ ဦးအပေါ်တွင် ပိတ်ဆို့အရေးယူမှုများ ဆက်လက်တည်ရှိနေမည် ဖြစ်သည်။
သတင်း- Frontier
No comments:
Post a Comment