သမၼတ လုပ္ပိုင္ခြင့္နဲ႔ ေက်ာင္းသားေတြ လႊတ္ဖို႔ ေတာင္းဆို


ပင္မေက်ာင္းသားသပိတ္ အၾကမ္းဖက္ႏွိမ္နင္းခံရစဥ္ (မတ္လ ၁၀ ရက္ ၂၀၁၅)
အစိုးရသစ္ လက္ထက္ သမၼတသစ္အေနနဲ႔ ႏိုင္ငံေတာ္ကာကြယ္ေရးနဲ႔ လံုျခံဳေရးေကာင္စီ ကာလံုနဲ႔ညိႇႏိႈင္းၿပီး အဖမ္းဆီးခံ သပိတ္ေမွာက္ ေက်ာင္းသူေက်ာင္းသားေတြကို သမၼတသစ္ရဲ႕ လုပ္ပိုင္ခြင့္အာဏာ နဲ႔ အျမန္ဆံုး လႊတ္ေပးေစလိုပါတယ္ လို႔ ေက်ာင္းသားမိဘေတြနဲ႔ ေက်ာင္းသားအေရး တက္ၾကြလႈပ္ရွားသူေတြက ေတာင္းဆိုလုိက္ပါတယ္။ သပိတ္ေမွာက္ေက်ာင္းသားေတြနဲ႔ ဝန္းရံျပည္သူေတြကို ေထာင္သြင္း အက်ဥ္းခ်ခံထားရတာ တစ္ႏွစ္ေက်ာ္သြားၿပီျဖစ္လို႔ အျမန္ဆံုးလႊတ္ေပးဖို႔ အစိုးရသစ္ကို အခုလို ေတာင္းဆိုေနတာလည္းျဖစ္ပါတယ္။ အျပည့္အစံု မဆုမြန္ စုစည္းတင္ျပေပးထားပါတယ္။

သာယာဝတီ အက်ဥ္းေထာင္မွာ အထိန္းသိမ္းခံ ထား ရတဲ့ ေက်ာင္းသားေခါင္းေဆာင္ေတြ သပိတ္ေမွာက္ ေက်ာင္းသား၊ ေက်ာင္းသူေတြ ဒီေန႔ဧၿပီလ ၅ရက္ေန႔ အဂၤါေန႔ သာယာဝတီခ႐ိုင္တရား႐ံုးမွာ ႐ံုးထုတ္စစ္ေဆးၿပီး ဧၿပီလ ၈ရက္ေန႔ ႐ံုးခ်ိန္းျပန္ခ်ိ္န္းထားပါတယ္။

ဒီမိုကေရစီ ပညာေရးစနစ္ ျဖစ္ေပၚလာေရး မႏၱေလးကေန ရန္ကုန္အထိ သပိတ္ေမွာက္ ခရီးရွည္ ခ်ီတက္လမ္းေလွ်ာက္ဆႏၵျပရင္း လက္ပံတန္းၿမိဳ႕မွာ အၾကမ္းဖက္ၿဖိဳခြင္းခံရလို႔ ၿပီးခဲ့တဲ့ႏွစ္ မတ္လ ၁၀ရက္ေန႔ကစလို႔ ဖမ္းဆီးထားၿပီး သာယာဝတီတရား႐ံုးအျပင္ ရန္ကုန္ၿမိဳ႕က တရား႐ံုးေတြမွာ တရားရင္ဆိုင္လာခဲ့ရတာ တစ္ႏွစ္ေက်ာ္လာၿပီျဖစ္ပါတယ္။

အစိုးရေဟာင္းအာဏာမလႊဲခင္ ေက်ာင္းသားေတြကို လႊတ္ေပးခဲ့ဖို႔ ေတာင္းဆိုခဲ့သလုိ အာဏာလႊဲေျပာင္းၿပီးေနာက္ပိုင္း အခုအစုိးရသစ္ လက္ထက္မွာလည္း အဖမ္းဆီးခံ ေက်ာင္းသားေတြကို အျမန္ဆံုးျပန္လႊတ္ေပးဖို႔ ေက်ာင္းသားမိဘေတြကေတာ့ ေမွ်ာ္လင့္ေနၾကတာပါ။

ခ်က္ျခင္းျပန္လႊတ္ေပးမယ္လို႔ ယံုၾကည္မႈ မရွိေပမဲ့ အစိုးရသစ္လက္ထက္မွာေတာ့ တရားဥပေဒနဲ႔အညီ သမာသမတ္ က်က် ဆံုးျဖတ္ၿပီး လႊတ္ေပးလုိက္မယ္လို႔ ထင္ေၾကာင္း ေက်ာင္းသားသပိတ္ဦးေဆာင္သူ ေက်ာင္းသားေခါင္းေဆာင္ မင္းေသြးသစ္ရဲ႕မိခင္ ေဒၚခင္ယုကေျပာပါတယ္။

“မိဘေတြအေနနဲ႔ကေတာ့ ႏွစ္သစ္ကူး မတိုင္ခင္ လႊတ္လိမ့္မယ္လို႔ေတာ့ အားလံုးက ေမွ်ာ္လင့္တာေပါ့ေနာ္။ တမင္သက္သက္ေလ သက္သက္ ယုတ္မာၿပီးေတာ့ ေလးပြင့္ဆိုင္ ကတိေတြလည္း သူတို႔ခ်ိဳးဖ်က္တယ္။ ေက်ာင္းသားေတြက ေအးေအးေဆးေဆးအဖမ္းခံပါ့မယ္လို႔ ေျပာထားတာကိုလည္းပဲ မတရား႐ိုက္ႏွက္ ဖမ္းဆီးၿပီးေတာ့ သားဆိုလို႔ရွိရင္လည္း ေသၿပီ လို႔ေတာင္ သတင္းထြက္တာေလ ကံေကာင္းလို႔ အသက္မေသပဲနဲ႔ အခုအခ်ိန္မွာဆို သူတို႔ ႐ိုက္ႏွက္ထားတဲ့ ဒဏ္ရာေတြနဲ႔ အတြင္းေၾက ဒဏ္ရာေတြရၿပီး အတြင္းေၾကဒဏ္ရာေတြရွိတယ္။ ေရာဂါေတြက သူတို႔မွာ ရွိေနၾကတယ္ေလ။ တစ္ႏွစ္လည္း ေက်ာ္လာၿပီ။ မိဘေတြမွာလည္း ေတာ္ေတာ္ေလးကို ခံစားရတာေပါ့ေနာ္။

အန္တီတို႔မိဘေတြအေနနဲ႔ကေတာ့ ေမွ်ာ္လင့္ခ်က္ေတြကေတာ့ ထားပါတယ္။ ဒါေပမဲ့ ေမွ်ာ္လင့္ခ်က္ထားသလိုျဖစ္မလာလို႔ရွိရင္ ပိုၿပီးေတာ့ ခံစားရမွာမို႔လို႔ အန္တီအေနနဲ႔ကေတာ့ ယံုၾကည္ခ်က္ ေမွ်ာ္လင့္ခ်က္ေတြ တအားေတာ့ မထားဘူးေပါ့။ ဒါေပမဲ့ ျဖစ္ေစခ်င္တာေပါ့။ ဒီမိုကေရစီအစိုးရ သမာသမတ္ မွ်တတဲ့ သမၼတေတြ အစိုးရေတြ တက္ေနၿပီ။ ႏိုင္ငံ့ေခါင္းေဆာင္ေတြ တက္ေနၿပီဆိုေတာ့ အန္တီတို႔အေနနဲ႔ကေတာ့ ပထမအစိုးရထက္ ပိုၿပီးေတာ့ အားကိုးတယ္။ အားထားတယ္ေပါ့ေနာ္။”

အထိန္းသိမ္းခံ ဗကသ ေက်ာင္းသားေခါင္းေဆာင္ မဟန္နီဦးရဲ႕ ဖခင္ ႏုိင္ငံေရး အက်ဥ္းသားေဟာင္းတဦးလည္းျဖစ္တဲ့ ဦးထြန္းဦးကေတာ့ အစိုးရသစ္ရဲ႕ ရင္ဆိုင္ေနရတဲ့ စိန္ေခၚမႈေတြအေပၚ နားလည္ေပမဲ့လို႔ ေက်ာင္းသားေတြ အျမန္ဆံုးလြတ္ေျမာက္ေရး ေဆာင္ရြက္ေပးေစလိုပါတယ္လို႔ အခုလိုေျပာပါတယ္။

“အစိုးရသစ္ကေတာ့ဗ်ာ ႏွစ္ငါးဆယ္လံုးလံုး အုပ္စိုးခဲ့တဲ့ စစ္အစိုးရ အုပ္ခ်ဳပ္မႈေအာက္က လြတ္ေျမာက္စပဲရွိေသးတယ္ေလ။ ျပည္သူအစိုးရ အေနနဲ႔ အခုမွ စကာစ ဆိုတာေတာင္မွ ေမြးကာစ ကေလးေလးလို႔ေတာင္ ေျပာလို႔မရေသးတဲ့ အေျခအေနမ်ိဳးမွာရွိေတာ့ သူ႔ကို က်ေနာ္တို႔ အမ်ားႀကီးျပဳစုၿပီးေတာ့ အရြယ္ေရာက္ေအာင္ လုပ္ရဦးမယ့္ သေဘာမွာ ရွိပါတယ္။ တခ်ိဳ႕ကိစၥေလးေတြက အားနည္းခ်က္ ရွိေကာင္းရွိႏုိင္တယ္ေလ။ အဲ့ဒီ့အတြက္ေတာ့ က်ေနာ္တုိ႔က နားလည္မႈ ေပးရမွာေပါ့ဗ်ာ။

ဒါေပမဲ့ ျပည္သူလူထု အစိုးရတရပ္ျဖစ္လာၿပီးေတာ့ ပထမဆံုး လုပ္သင့္တာကေတာ့ ေက်ာင္းသားေတြရဲ႕ အခန္းက႑ အလြန္အေရးႀကီး ပါတယ္။ ေက်ာင္းသားေတြကို ဦးစားေပး ပထမဦးဆံုး ေဆာင္ရြက္ေပးႏိုင္ျခင္းကာသာလွ်င္ ေကာင္းမြန္တဲ့ ျမန္မာျပည္ရဲ႕ သမုိင္းကို စမယ္လို႔ ေကာင္းမြန္တဲ့ အစိုးရတရပ္ကို ပိုၿပီး အားျပဳႏုိင္မယ္လို႔ က်ေနာ္ကေတာ့ ထင္ပါတယ္ခင္ဗ်ာ။”

အမ်ိဳးသားဒီမိုကေရစီအဖြဲ႔ခ်ဳပ္ NLD ဦးေဆာင္တဲ့ အစိုးရသစ္လက္ထက္ သမၼတသစ္အေနနဲ႔ ႏိုင္ငံေတာ္ကာကြယ္ေရးနဲ႔ လံုျခံဳေရးေကာင္စီ ကာလံုနဲ႔ညိႇႏိႈင္းၿပီး အဖမ္းဆီးခံ သပိတ္ေမွာက္ ေက်ာင္းသူေက်ာင္းသားေတြကို သမၼတသစ္ရဲ႕ လုပ္ပိုင္ခြင့္အာဏာနဲ႔ လြတ္ေအာင္ လုပ္ေပးေစလိုပါတယ္လို႔လည္း ဒီမိုကေရစီပညာေရးသပိတ္ ေက်ာင္းသားအေထာက္အကူျပဳေကာ္မတီက ဦးေဇာ္ရမ္းကလည္း ေျပာပါတယ္။

“က်ေနာ္တို႔ ဆႏၵအရေတာ့ ခ်က္ျခင္း လႊတ္ေပးေစခ်င္ပါတယ္။ ဘာျဖစ္လို႔လဲဆိုေတာ့ သူ႔ ဖြဲ႔စည္းပံုအေျခခံဥပေဒ ပုဒ္မေတြအရလည္း သမၼတ က လႊတ္ခြင့္ရွိတယ္ေပါ့။ ေနာက္တခုက ကာလံုေပါ့။ ကာလံုနဲ႔ တုိင္ပင္ၿပီးလည္း လႊတ္လို႔ရတယ္ေပါ့။ အဲ့တာက လႊတ္လို႔ရတဲ့ အခင္းအက်င္း တခုေပါ့၊ ေနာက္တခုက ျမန္မာႏုိင္ငံရဲ႕ အေထြေထြနိမ့္က်ေနတဲ့ ပညာေရးကို ျပဳျပင္ေျပာင္းလဲဖို႔ ေတာင္းတဲ့ ေက်ာင္းသားေတြကို ဘယ္လိုအေၾကာင္းေၾကာင္းနဲ႔မွ ဒီအခ်ိန္မွာ ထိန္းသိမ္းထားတာ၊ ဖမ္းထားျခင္းအားျဖင့္ က်ေနာ္တို႔ ဘယ္လုိမွ အက်ိဳးမရွိပါဘူး။ ဒီေက်ာင္းသားေတြကို တစ္မိနစ္ ဖမ္းထားတာကို တစ္မိနစ္ တိုင္းျပည္အတြက္ အက်ိဳး မရွိပါဘူး။ လႊတ္ေစခ်င္ပါတယ္ခင္ဗ်ာ။”

သပိတ္ေမွာက္ေက်ာင္းသားကိုယ္စားလွယ္ေတြ၊ အစိုးရနဲ႔ လႊတ္ေတာ္၊ ပညာေရးဝန္ႀကီးဌာနတာဝန္ရွိသူေတြ ၊ NNER တာဝန္ရွိသူေတြ သေဘာတူထားတဲ့ ေလးပြင့္ဆုိင္ေဆြးေႏြးပြဲရလဒ္ေတြ အစိုးရသစ္လက္ထက္ ဆက္အေကာင္အထည္ေဖာ္ႏုိင္ေရး အပါအဝင္ ေက်ာင္းသားေတြရဲ႕ ေတာင္းဆိုခ်က္(၁၁) ခ်က္ေတြ ရရွိေရးကိုလည္း ေက်ာင္းသားေတြက ဆက္လက္ကိုင္စြဲထားၾကဆဲျဖစ္ပါတယ္။

ဒီကေန႔လႊတ္ေတာ္မွာ ပညာေရး၀န္ႀကီးအျဖစ္ ေဒါက္တာမ်ိဳးသိမ္းႀကီးကို အတည္ျပဳခန္႔အပ္လိုက္တဲ့အေပၚ ေပညာေရးေလာကသားေတြအၾကားမွာေရာ အမ်ိဳးသားပညာေရးဥပေဒကို ကန္႔ကြက္ခဲ့ၾကတဲ့ ေက်ာင္းသားေတြ အၾကားမွာပါ ေမးခြန္းထုတ္ခဲ့ၾကပါတယ္။ အထူးသျဖင့္ေတာ့ သူဟာ သမၼတဦးသိန္းစိန္ အစိုးရလက္ထက္ အမ်ိဳသားပညာေရး ဥပေဒေပၚေပါက္ေရးနဲ႕ ပညာေရးျပဳျပင္ေျပာင္းလဲေရးလုပ္ငန္းစဥ္ေတြမွာ ဦးေဆာင္ခဲ့သူျဖစ္တာတာမို႔၊ ပညာေရးေလးပြင့္ဆိုင္ေဆြးေႏြးပဲြေတြမွာ ေက်ာင္းသားေတြနဲ႔ ထိပ္တိုက္ေတြ႔ခဲ့သူတဦးျဖစ္ပါတယ္။

မဆုမြန္ / ဗြီအုိေအ (ျမန္မာပုိင္း)
http://burmese.voanews.com

...................................



ပင်မကျောင်းသားသပိတ် အကြမ်းဖက်နှိမ်နင်းခံရစဉ် (မတ်လ ၁၀ ရက် ၂၀၁၅)
အစိုးရသစ် လက်ထက် သမ္မတသစ်အနေနဲ့ နိုင်ငံတော်ကာကွယ်ရေးနဲ့ လုံခြုံရေးကောင်စီ ကာလုံနဲ့ညှိနှိုင်းပြီး အဖမ်းဆီးခံ သပိတ်မှောက် ကျောင်းသူကျောင်းသားတွေကို သမ္မတသစ်ရဲ့ လုပ်ပိုင်ခွင့်အာဏာ နဲ့ အမြန်ဆုံး လွှတ်ပေးစေလိုပါတယ် လို့ ကျောင်းသားမိဘတွေနဲ့ ကျောင်းသားအရေး တက်ကြွလှုပ်ရှားသူတွေက တောင်းဆိုလိုက်ပါတယ်။ သပိတ်မှောက်ကျောင်းသားတွေနဲ့ ဝန်းရံပြည်သူတွေကို ထောင်သွင်း အကျဉ်းချခံထားရတာ တစ်နှစ်ကျော်သွားပြီဖြစ်လို့ အမြန်ဆုံးလွှတ်ပေးဖို့ အစိုးရသစ်ကို အခုလို တောင်းဆိုနေတာလည်းဖြစ်ပါတယ်။ အပြည့်အစုံ မဆုမွန် စုစည်းတင်ပြပေးထားပါတယ်။

သာယာဝတီ အကျဉ်းထောင်မှာ အထိန်းသိမ်းခံ ထား ရတဲ့ ကျောင်းသားခေါင်းဆောင်တွေ သပိတ်မှောက် ကျောင်းသား၊ ကျောင်းသူတွေ ဒီနေ့ဧပြီလ ၅ရက်နေ့ အင်္ဂါနေ့ သာယာဝတီခရိုင်တရားရုံးမှာ ရုံးထုတ်စစ်ဆေးပြီး ဧပြီလ ၈ရက်နေ့ ရုံးချိန်းပြန်ချိ်န်းထားပါတယ်။

ဒီမိုကရေစီ ပညာရေးစနစ် ဖြစ်ပေါ်လာရေး မန္တလေးကနေ ရန်ကုန်အထိ သပိတ်မှောက် ခရီးရှည် ချီတက်လမ်းလျှောက်ဆန္ဒပြရင်း လက်ပံတန်းမြို့မှာ အကြမ်းဖက်ဖြိုခွင်းခံရလို့ ပြီးခဲ့တဲ့နှစ် မတ်လ ၁၀ရက်နေ့ကစလို့ ဖမ်းဆီးထားပြီး သာယာဝတီတရားရုံးအပြင် ရန်ကုန်မြို့က တရားရုံးတွေမှာ တရားရင်ဆိုင်လာခဲ့ရတာ တစ်နှစ်ကျော်လာပြီဖြစ်ပါတယ်။

အစိုးရဟောင်းအာဏာမလွှဲခင် ကျောင်းသားတွေကို လွှတ်ပေးခဲ့ဖို့ တောင်းဆိုခဲ့သလို အာဏာလွှဲပြောင်းပြီးနောက်ပိုင်း အခုအစိုးရသစ် လက်ထက်မှာလည်း အဖမ်းဆီးခံ ကျောင်းသားတွေကို အမြန်ဆုံးပြန်လွှတ်ပေးဖို့ ကျောင်းသားမိဘတွေကတော့ မျှော်လင့်နေကြတာပါ။

ချက်ခြင်းပြန်လွှတ်ပေးမယ်လို့ ယုံကြည်မှု မရှိပေမဲ့ အစိုးရသစ်လက်ထက်မှာတော့ တရားဥပဒေနဲ့အညီ သမာသမတ် ကျကျ ဆုံးဖြတ်ပြီး လွှတ်ပေးလိုက်မယ်လို့ ထင်ကြောင်း ကျောင်းသားသပိတ်ဦးဆောင်သူ ကျောင်းသားခေါင်းဆောင် မင်းသွေးသစ်ရဲ့မိခင် ဒေါ်ခင်ယုကပြောပါတယ်။

“မိဘတွေအနေနဲ့ကတော့ နှစ်သစ်ကူး မတိုင်ခင် လွှတ်လိမ့်မယ်လို့တော့ အားလုံးက မျှော်လင့်တာပေါ့နော်။ တမင်သက်သက်လေ သက်သက် ယုတ်မာပြီးတော့ လေးပွင့်ဆိုင် ကတိတွေလည်း သူတို့ချိုးဖျက်တယ်။ ကျောင်းသားတွေက အေးအေးဆေးဆေးအဖမ်းခံပါ့မယ်လို့ ပြောထားတာကိုလည်းပဲ မတရားရိုက်နှက် ဖမ်းဆီးပြီးတော့ သားဆိုလို့ရှိရင်လည်း သေပြီ လို့တောင် သတင်းထွက်တာလေ ကံကောင်းလို့ အသက်မသေပဲနဲ့ အခုအချိန်မှာဆို သူတို့ ရိုက်နှက်ထားတဲ့ ဒဏ်ရာတွေနဲ့ အတွင်းကြေ ဒဏ်ရာတွေရပြီး အတွင်းကြေဒဏ်ရာတွေရှိတယ်။ ရောဂါတွေက သူတို့မှာ ရှိနေကြတယ်လေ။ တစ်နှစ်လည်း ကျော်လာပြီ။ မိဘတွေမှာလည်း တော်တော်လေးကို ခံစားရတာပေါ့နော်။

အန်တီတို့မိဘတွေအနေနဲ့ကတော့ မျှော်လင့်ချက်တွေကတော့ ထားပါတယ်။ ဒါပေမဲ့ မျှော်လင့်ချက်ထားသလိုဖြစ်မလာလို့ရှိရင် ပိုပြီးတော့ ခံစားရမှာမို့လို့ အန်တီအနေနဲ့ကတော့ ယုံကြည်ချက် မျှော်လင့်ချက်တွေ တအားတော့ မထားဘူးပေါ့။ ဒါပေမဲ့ ဖြစ်စေချင်တာပေါ့။ ဒီမိုကရေစီအစိုးရ သမာသမတ် မျှတတဲ့ သမ္မတတွေ အစိုးရတွေ တက်နေပြီ။ နိုင်ငံ့ခေါင်းဆောင်တွေ တက်နေပြီဆိုတော့ အန်တီတို့အနေနဲ့ကတော့ ပထမအစိုးရထက် ပိုပြီးတော့ အားကိုးတယ်။ အားထားတယ်ပေါ့နော်။”

အထိန်းသိမ်းခံ ဗကသ ကျောင်းသားခေါင်းဆောင် မဟန်နီဦးရဲ့ ဖခင် နိုင်ငံရေး အကျဉ်းသားဟောင်းတဦးလည်းဖြစ်တဲ့ ဦးထွန်းဦးကတော့ အစိုးရသစ်ရဲ့ ရင်ဆိုင်နေရတဲ့ စိန်ခေါ်မှုတွေအပေါ် နားလည်ပေမဲ့လို့ ကျောင်းသားတွေ အမြန်ဆုံးလွတ်မြောက်ရေး ဆောင်ရွက်ပေးစေလိုပါတယ်လို့ အခုလိုပြောပါတယ်။

“အစိုးရသစ်ကတော့ဗျာ နှစ်ငါးဆယ်လုံးလုံး အုပ်စိုးခဲ့တဲ့ စစ်အစိုးရ အုပ်ချုပ်မှုအောက်က လွတ်မြောက်စပဲရှိသေးတယ်လေ။ ပြည်သူအစိုးရ အနေနဲ့ အခုမှ စကာစ ဆိုတာတောင်မှ မွေးကာစ ကလေးလေးလို့တောင် ပြောလို့မရသေးတဲ့ အခြေအနေမျိုးမှာရှိတော့ သူ့ကို ကျနော်တို့ အများကြီးပြုစုပြီးတော့ အရွယ်ရောက်အောင် လုပ်ရဦးမယ့် သဘောမှာ ရှိပါတယ်။ တချို့ကိစ္စလေးတွေက အားနည်းချက် ရှိကောင်းရှိနိုင်တယ်လေ။ အဲ့ဒီ့အတွက်တော့ ကျနော်တို့က နားလည်မှု ပေးရမှာပေါ့ဗျာ။

ဒါပေမဲ့ ပြည်သူလူထု အစိုးရတရပ်ဖြစ်လာပြီးတော့ ပထမဆုံး လုပ်သင့်တာကတော့ ကျောင်းသားတွေရဲ့ အခန်းကဏ္ဍ အလွန်အရေးကြီး ပါတယ်။ ကျောင်းသားတွေကို ဦးစားပေး ပထမဦးဆုံး ဆောင်ရွက်ပေးနိုင်ခြင်းကာသာလျှင် ကောင်းမွန်တဲ့ မြန်မာပြည်ရဲ့ သမိုင်းကို စမယ်လို့ ကောင်းမွန်တဲ့ အစိုးရတရပ်ကို ပိုပြီး အားပြုနိုင်မယ်လို့ ကျနော်ကတော့ ထင်ပါတယ်ခင်ဗျာ။”

အမျိုးသားဒီမိုကရေစီအဖွဲ့ချုပ် NLD ဦးဆောင်တဲ့ အစိုးရသစ်လက်ထက် သမ္မတသစ်အနေနဲ့ နိုင်ငံတော်ကာကွယ်ရေးနဲ့ လုံခြံုရေးကောင်စီ ကာလုံနဲ့ညှိနှိုင်းပြီး အဖမ်းဆီးခံ သပိတ်မှောက် ကျောင်းသူကျောင်းသားတွေကို သမ္မတသစ်ရဲ့ လုပ်ပိုင်ခွင့်အာဏာနဲ့ လွတ်အောင် လုပ်ပေးစေလိုပါတယ်လို့လည်း ဒီမိုကရေစီပညာရေးသပိတ် ကျောင်းသားအထောက်အကူပြုကော်မတီက ဦးဇော်ရမ်းကလည်း ပြောပါတယ်။

“ကျနော်တို့ ဆန္ဒအရတော့ ချက်ခြင်း လွှတ်ပေးစေချင်ပါတယ်။ ဘာဖြစ်လို့လဲဆိုတော့ သူ့ ဖွဲ့စည်းပုံအခြေခံဥပဒေ ပုဒ်မတွေအရလည်း သမ္မတ က လွှတ်ခွင့်ရှိတယ်ပေါ့။ နောက်တခုက ကာလုံပေါ့။ ကာလုံနဲ့ တိုင်ပင်ပြီးလည်း လွှတ်လို့ရတယ်ပေါ့။ အဲ့တာက လွှတ်လို့ရတဲ့ အခင်းအကျင်း တခုပေါ့၊ နောက်တခုက မြန်မာနိုင်ငံရဲ့ အထွေထွေနိမ့်ကျနေတဲ့ ပညာရေးကို ပြုပြင်ပြောင်းလဲဖို့ တောင်းတဲ့ ကျောင်းသားတွေကို ဘယ်လိုအကြောင်းကြောင်းနဲ့မှ ဒီအချိန်မှာ ထိန်းသိမ်းထားတာ၊ ဖမ်းထားခြင်းအားဖြင့် ကျနော်တို့ ဘယ်လိုမှ အကျိုးမရှိပါဘူး။ ဒီကျောင်းသားတွေကို တစ်မိနစ် ဖမ်းထားတာကို တစ်မိနစ် တိုင်းပြည်အတွက် အကျိုး မရှိပါဘူး။ လွှတ်စေချင်ပါတယ်ခင်ဗျာ။”

သပိတ်မှောက်ကျောင်းသားကိုယ်စားလှယ်တွေ၊ အစိုးရနဲ့ လွှတ်တော်၊ ပညာရေးဝန်ကြီးဌာနတာဝန်ရှိသူတွေ ၊ NNER တာဝန်ရှိသူတွေ သဘောတူထားတဲ့ လေးပွင့်ဆိုင်ဆွေးနွေးပွဲရလဒ်တွေ အစိုးရသစ်လက်ထက် ဆက်အကောင်အထည်ဖော်နိုင်ရေး အပါအဝင် ကျောင်းသားတွေရဲ့ တောင်းဆိုချက်(၁၁) ချက်တွေ ရရှိရေးကိုလည်း ကျောင်းသားတွေက ဆက်လက်ကိုင်စွဲထားကြဆဲဖြစ်ပါတယ်။

ဒီကနေ့လွှတ်တော်မှာ ပညာရေးဝန်ကြီးအဖြစ် ဒေါက်တာမျိုးသိမ်းကြီးကို အတည်ပြုခန့်အပ်လိုက်တဲ့အပေါ် ပေညာရေးလောကသားတွေအကြားမှာရော အမျိုးသားပညာရေးဥပဒေကို ကန့်ကွက်ခဲ့ကြတဲ့ ကျောင်းသားတွေ အကြားမှာပါ မေးခွန်းထုတ်ခဲ့ကြပါတယ်။ အထူးသဖြင့်တော့ သူဟာ သမ္မတဦးသိန်းစိန် အစိုးရလက်ထက် အမျိုသားပညာရေး ဥပဒေပေါ်ပေါက်ရေးနဲ့ ပညာရေးပြုပြင်ပြောင်းလဲရေးလုပ်ငန်းစဉ်တွေမှာ ဦးဆောင်ခဲ့သူဖြစ်တာတာမို့၊ ပညာရေးလေးပွင့်ဆိုင်ဆွေးနွေးပွဲတွေမှာ ကျောင်းသားတွေနဲ့ ထိပ်တိုက်တွေ့ခဲ့သူတဦးဖြစ်ပါတယ်။

မဆုမွန် / ဗွီအိုအေ (မြန်မာပိုင်း)
http://burmese.voanews.com
Share on Google Plus

About MP4 YoU

ကမၻာသတင္း၊ျမန္မာ့သတင္း ေပါင္းစံုကိုေရာသမေမႊေဖာ္ျပသြားမည့္
MP4 YoU (The Melting Pot For You)