ဆရာအရည္အေသြး ျမႇင့္ဖို႔နဲ႔ မူလတန္းပညာေရး အားလုံးရနိုင္ဖို႔ NLD လုပ္ေဆာင္မယ္

သက္တမ္း ၅ ႏွစ္ အတြင္း အားလုံး လက္လွမ္းမွီ တဲ့ မူလတန္း ပညာေရးမ်ိဳး ဖန္တီး ေပးနိုင္ ဖို႔ လုပ္ေဆာင္ မယ္။

ျမန္မာ နိုင္ငံရဲ့ ပညာေရး က႑ ျမႇင့္တင္ ေျပာင္းလဲ နိုင္ဖို႔ အတြက္ ဆိုရင္ အေျခခံ ပညာ က စလို႔၊ နည္းပညာနဲ႔ အသက္ ေမြး ဝမ္းေက်ာင္း ပညာ၊ အဆင့္ျမင့္ ပညာ စသျဖင့္ သက္ဆိုင္ရာ နယ္ပယ္ ေတြ အတြက္ ပညာေရး ဥပေဒ ေတြ အသီးသီး ထြက္ေပၚ လာေအာင္ ေရြးေကာက္ပြဲ အနိုင္ရ အမ်ိဳးသား ဒီမိုကေရစီ အဖြဲ႕ခ်ဳပ္ NLD ပါတီ အေနနဲ႔ ျပဳလုပ္ သြားမွာ ျဖစ္တယ္ ဆိုၿပီး NLD ရဲ့ ေရြးေကာက္ခံ အမတ္မ်ားရဲ့ ပညာေရး ေကာ္မတီ ဥကၠ ေဒၚစုစုလြင္က ေျပာပါတယ္။

အထူး သျဖင့္ နည္းပညာနဲ႔ အသက္ေမြး ဝမ္းေက်ာင္း ပညာရပ္ ေတြကေန လက္ရွိ အေျခအေန ထက္ အမ်ားႀကီး အခြင့္အလမ္းေတြ ျဖစ္ထြန္း လာေအာင္ ဖန္တီး ေပးနိုင္မွသာ ပညာေရး က႑ ျမင့္မား လာမွာ ျဖစ္တယ္ လို႔ လည္း ေဒၚစုစုလြင္ က ဆိုပါတယ္။

NLD အေနနဲ႔ ဦးစားေပး လုပ္ေဆာင္မယ့္ အထဲမွာ ဆရာ/ဆရာမ ေတြ ရဲ့ အရည္အေသြးနဲ႔ ကၽြမ္းက်င္မွု ေတြ ပိုမို တိုးတက္ ေကာင္းမြန္ လာေအာင္ ေဆာင္ရြက္ ေပးဖို႔ လည္း ပါဝင္တယ္ လို႔ ေဒၚစုစုလြင္က ဘီဘီစီ ကို ေျပာပါတယ္။

က႑ အားလုံးကို တၿပိဳင္နက္တည္း ခ်က္ျခင္း ဆိုသလို ေျပာင္းလဲ သြားေအာင္ လုပ္ေဆာင္ လို႔ မရ နိုင္တဲ့ အတြက္ ဦးစားေပး အေနနဲ႔ လာမယ့္ သက္တမ္း ၅ ႏွစ္ အတြင္း အားလုံး လက္လွမ္းမွီ တဲ့ မူလတန္း ပညာေရးမ်ိဳး ဖန္တီး ေပးနိုင္ ဖို႔ လုပ္ေဆာင္ မယ္ ဆိုၿပီး ေတာ့လည္း ကိုယ္တိုင္ ရန္ကုန္ တကၠသိုလ္ မွာ ကထိက တစ္ဦး အျဖစ္လုပ္ေဆာင္ ခဲ့ဖူးတဲ့ ေဒၚစုစုလြင္က ဆိုပါတယ္။

NLD ဦးေဆာင္တဲ့ အစိုးရသစ္ ေပၚေပါက္ လာတဲ့ အခါ အစိုးရ ဘတ္ဂ်က္ ရဲ့ ဘယ္ေလာက္ ရာခိုင္ႏွုန္း အထိ ပညာေရး အသုံးစရိတ္ အျဖစ္ လ်ာထားမယ္ ဆိုတဲ့ ကိစၥ မ်ိဳး ကို ေလာေလာဆယ္ အတိတက် မေျပာနိုင္ ေသးေပမယ့္ ပညာေရး က႑ အတြက္ ျပည္သူ႔ ဘ႑ာ ေငြေၾကး ေတြ အပါအဝင္ နိုင္ငံတကာ အကူအညီ ေတြကို လက္ေတြ႕က်ၿပီး ထိေရာက္တဲ့ ေနရာေတြမွာ သုံးစြဲ သြားမယ္လို႔ ေဒၚစုစုလြင္ က ေျပာပါတယ္။

BBC Burmese
http://www.bbc.com/burmese

.......................................................

ဆရာအရည်အသွေး မြှင့်ဖို့နဲ့ မူလတန်းပညာရေး အားလုံးရနိုင်ဖို့ NLD လုပ်ဆောင်မယ်

သက်တမ်း ၅ နှစ် အတွင်း အားလုံး လက်လှမ်းမှီ တဲ့ မူလတန်း ပညာရေးမျိုး ဖန်တီး ပေးနိုင် ဖို့ လုပ်ဆောင် မယ်။

မြန်မာ နိုင်ငံရဲ့ ပညာရေး ကဏ္ဍ မြှင့်တင် ပြောင်းလဲ နိုင်ဖို့ အတွက် ဆိုရင် အခြေခံ ပညာ က စလို့၊ နည်းပညာနဲ့ အသက် မွေး ဝမ်းကျောင်း ပညာ၊ အဆင့်မြင့် ပညာ စသဖြင့် သက်ဆိုင်ရာ နယ်ပယ် တွေ အတွက် ပညာရေး ဥပဒေ တွေ အသီးသီး ထွက်ပေါ် လာအောင် ရွေးကောက်ပွဲ အနိုင်ရ အမျိုးသား ဒီမိုကရေစီ အဖွဲ့ချုပ် NLD ပါတီ အနေနဲ့ ပြုလုပ် သွားမှာ ဖြစ်တယ် ဆိုပြီး NLD ရဲ့ ရွေးကောက်ခံ အမတ်များရဲ့ ပညာရေး ကော်မတီ ဥက္က ဒေါ်စုစုလွင်က ပြောပါတယ်။

အထူး သဖြင့် နည်းပညာနဲ့ အသက်မွေး ဝမ်းကျောင်း ပညာရပ် တွေကနေ လက်ရှိ အခြေအနေ ထက် အများကြီး အခွင့်အလမ်းတွေ ဖြစ်ထွန်း လာအောင် ဖန်တီး ပေးနိုင်မှသာ ပညာရေး ကဏ္ဍ မြင့်မား လာမှာ ဖြစ်တယ် လို့ လည်း ဒေါ်စုစုလွင် က ဆိုပါတယ်။

NLD အနေနဲ့ ဦးစားပေး လုပ်ဆောင်မယ့် အထဲမှာ ဆရာ/ဆရာမ တွေ ရဲ့ အရည်အသွေးနဲ့ ကျွမ်းကျင်မှု တွေ ပိုမို တိုးတက် ကောင်းမွန် လာအောင် ဆောင်ရွက် ပေးဖို့ လည်း ပါဝင်တယ် လို့ ဒေါ်စုစုလွင်က ဘီဘီစီ ကို ပြောပါတယ်။

ကဏ္ဍ အားလုံးကို တပြိုင်နက်တည်း ချက်ခြင်း ဆိုသလို ပြောင်းလဲ သွားအောင် လုပ်ဆောင် လို့ မရ နိုင်တဲ့ အတွက် ဦးစားပေး အနေနဲ့ လာမယ့် သက်တမ်း ၅ နှစ် အတွင်း အားလုံး လက်လှမ်းမှီ တဲ့ မူလတန်း ပညာရေးမျိုး ဖန်တီး ပေးနိုင် ဖို့ လုပ်ဆောင် မယ် ဆိုပြီး တော့လည်း ကိုယ်တိုင် ရန်ကုန် တက္ကသိုလ် မှာ ကထိက တစ်ဦး အဖြစ်လုပ်ဆောင် ခဲ့ဖူးတဲ့ ဒေါ်စုစုလွင်က ဆိုပါတယ်။

NLD ဦးဆောင်တဲ့ အစိုးရသစ် ပေါ်ပေါက် လာတဲ့ အခါ အစိုးရ ဘတ်ဂျက် ရဲ့ ဘယ်လောက် ရာခိုင်နှုန်း အထိ ပညာရေး အသုံးစရိတ် အဖြစ် လျာထားမယ် ဆိုတဲ့ ကိစ္စ မျိုး ကို လောလောဆယ် အတိတကျ မပြောနိုင် သေးပေမယ့် ပညာရေး ကဏ္ဍ အတွက် ပြည်သူ့ ဘဏ္ဍာ ငွေကြေး တွေ အပါအဝင် နိုင်ငံတကာ အကူအညီ တွေကို လက်တွေ့ကျပြီး ထိရောက်တဲ့ နေရာတွေမှာ သုံးစွဲ သွားမယ်လို့ ဒေါ်စုစုလွင် က ပြောပါတယ်။

BBC Burmese

http://www.bbc.com/burmese