မြန်မာ့ရေပြင်မှာ ဖမ်းမိခဲ့တဲ့ တစ်ဖက်နိုင်ငံသားများ ပြန်ပို့ပြီ

 ဘင်္ဂလားဒေ့ရ်ှနိုင်ငံသား ရွှေ့ပြောင်းဒုက္ခသည်များကို မေလ ၂၃ ရက်နေ့က အလယ်သံကျော်ကျေးရွာမှာ တွေ့ရစဉ် Photo: Min Thein Aung/RFA

ရခိုင်ပြည်နယ် မောင်တောမြို့အနီး မြန်မာ့ရေပိုင်နက်ထဲ မှာ  ဖမ်းဆီးမိခဲ့တဲ့ ဘင်္ဂလားဒေ့ရ်ှနိုင်ငံသား လှေစီး ဒုက္ခသည် ၂ဝဝ ကျော်ကို ဒီကနေ့ မူလနိုင်ငံကို ပြန် ပို့လိုက်ပြီလို့ ရခိုင်ပြည်နယ် ဝန်ကြီးချုပ် ဦးမောင်မောင် အုန်း က ပြောပါတယ်။

ဒီကနေ့ မွန်းလွဲ ၂ နာရီမှာ နတ်မြစ်တစ်ဘက်ကမ်း  ဘင်္ဂလားဒေ့ရ်ှနယ်စပ်ဘက်ကို ပို့ပေးခဲ့ပြီလို့ ဝန်ကြီးချုပ် ဦးမောင်မောင်အုန်း က RFA ကို ပြောပါတယ်။ သူတို့ ကိုယ်တိုင်က ဘင်္ဂလားဒေ့ရ်ှနိုင်ငံက ဖြစ်တယ် လို့ ပြောခဲ့ကြတယ်လို့ ဆိုပါတယ်။

အခုဖမ်းမိတဲ့သူတွေထဲမှာ မြန်မာနိုင်ငံသား ရှစ်ဦး ပါဝင်ပြီး သူတို့တွေကိုလည်း  မေးမြန်းစိစစ်ပြီး မူရင်းနေရပ်ကို ပြန်လည်ပို့ဆောင်မယ်လို့လည်း  ပြော ပါတယ်။

RFA Burmese
http://www.rfa.org/burmese