Latest News

CREDIT

သတင်းစုံပျော်ဝင်အိုးကြီးတွင် ဖော်ပြထားသည့် သတင်း၊ဓာတ်ပုံများသည် သက်ဆိုင်သူများ၏မူပိုင်သာဖြစ်ကြောင်း အသိပေးအပ်ပါသည်။

Tuesday, November 21, 2017

Room Tone


အခုလေးတင် အွန်လိုင်းမှာ မြန်မာရုပ်ရှင်ကား တစ်ကားကို ကြည့်ပြီးလို့ အဓိက ပြောချင်တဲ့ အပိုင်းဖြစ်တဲ့ အသံဖမ်းတဲ့ အပိုင်းနဲ့ ပက်သက်ပြီး ရေးချင်ပါတယ်။ ဇာတ်လမ်းပိုင်း၊ သရုပ်ဆောင်ပိုင်း၊ ဒါရိုက်တာပိုင်း၊ ကင်မရာရိုက်ချက်တွေ၊ မီးအလင်းအမှောင်တွေလည်း တော်တော်လေးကို ကောင်းပါတယ်။ ဇာတ်ကားတစ် ကားလုံးကို ခြုံပြီးပြောရမယ်ဆိုရင်တော့ အသံဖမ်းတဲ့ အပိုင်းကလွဲလို့ အကုန်လုံးကြိုက်ပါတယ်။

ဒါပေမဲ့ ရုပ်ရှင်ထဲက ဇာတ်ကောင်တွေရဲ့ ခံစားချက်နဲ့အတူ ပရိသတ်က လိုက်ပြီးစီးမျောနေရင်း နဲ့ တစ်ချက်တစ်ချက်မှာ အသံက ဆောင့်ပြီးဝင်လာတာမျိုးတွေ၊ ဇာတ်ကောင်တွေ စကားပြော ခဏရပ် သွားတဲ့အခိုက်အတန့်မှာ အသံရဲ့ Continuity ပျက်သွားပြီး၊ တစ်ခါ စကားဆက် ပြီးပြောတဲ့အခါကျမှ အသံက ဝေါကနဲ ၀င်လာတာမျိုးတွေ … အဲဒါမျိုးတွေဖြစ်နေတော့ ဇာတ်လမ်းရဲ့ အရသာ အပြည့်အ၀ မခံစားရဘူးပေါ့။

မြန်မာကား အတော်များများမှာ ပရိသတ်တွေ သတိထားမိကြမှာပါ။ ဇာတ်ကောင်တွေ အပြင်မှာ လမ်းလျှောက် စကားပြောတဲ့ အခန်းတွေမှာဆိုရင် သဘာဝအသံတွေဖြစ်တဲ့ ကားသံတွေရှိမယ်၊ ကျီးကန်းအော်သံ တွေကြားရ မယ်၊ လေယာဉ်ပျံအသံတွေကြားရမယ်။ ဒါပေမဲ့ ဇာတ်ကောင်တွေ လမ်းမပေါ် လမ်းလျှောက်နေစဉ်မှာ ဘာဆို ဘာသံမှ မကြားရဘဲ၊ စကားစပြီးပြောတာနဲ့ စကားပြောသံ နဲ့အတူ အဲဒီ ဆူညံသံတွေက ဝေါကနဲဆို ၀င်လာလိုက်၊ တစ်ခါ စကားပြောတာ ခဏရပ်သွားရင် စကားသံ နဲ့အတူ အဲဒီအသံတွေပါ လုံးဝပျောက်သွား လိုက်နဲ့ အသံအ၀င်အထွက်တွေ မညီဘူးဖြစ်နေရော။
အဲဒီလို အသံတွေ ကြားတစ်ချက်၊ မကြားတစ်ချက်ဖြစ်လိုက်၊ ဆောင့်ပြီးဝင်လာလိုက်၊ ဆောင့်ထွက်သွားလိုက် မဖြစ်အောင် လုပ်ဖို့ နံပါတ် (၁) တာဝန်ရှိတဲ့လူက ရှုတင်မှာ အသံဖမ်း တာဝန်ယူတဲ့သူ (Sound Recordist or Sound Mixer) နဲ့ နံပါတ် (၂)ကတော့ Post Production အပိုင်းမှာ အဓိက တာဝန်ယူရတဲ့ သူတွေထဲက တစ်ဦးဖြစ်တဲ့ တည်းဖြတ်တဲ့သူရဲ့ တာဝန်ပါ။

အဲဒီတော့ ရိုက်ကွင်းမှာ အသံဖမ်းတဲ့သူက ဘယ်လိုအသံဖမ်းရသလဲ?

ပုံမှန်လုပ်ရိုးလုပ်စဉ်အတိုင်း အသံဖမ်းရတဲ့အပြင်၊ ရိုက်ကွင်းနေရာတိုင်း (Shooting Location) မှာ ရိုက်ကူးမှု ပြီးစီးသွားတိုင်း “Room Tone” ကို ထည့်ပြီး အသံဖမ်းရမှာပါ။ အသံဖမ်းတဲ့အပိုင်းမှာ Room Tone ဖမ်းတယ်ဆိုတာက အရမ်းကို အခြေခံကျတဲ့အဆင့်မှာပဲရှိတာပါ။

“Room Tone” ဆိုတာကတော့ ရိုက်ကွင်းနေရာ တစ်နေရာမှာ တစ်နေ့စာ ရိုက်ရမယ့် Scene တွေ အ ကုန်ရိုက်ပြီးသွားတဲ့အခါမှာ၊ ဒါရိုက်တာ နဲ့ သရုပ်ဆောင်တွေအပါအ၀င် အဲဒီအချိန်မှာ ရိုက်ကွင်းမှာ ရှိနေသမျှလူ အားလုံးကို အသံဖမ်းတဲ့သူက “Room Tone” လို့ ပြောရပါမယ်။ အသံဖမ်းတဲ့သူက အဲလိုပြောလိုက်တာ နဲ့ ရိုက်ကွင်းမှာရှိသမျှလူအားလုံးက စက္ကန့် (၃၀) ခန့်အကြာ (သတိဆွဲနေသလိုမျိုး မလှုပ်မယှက်) ငြိမ်နေပေးရပါမယ်။ အဲဒီအချိန်အတွင်းမှာ အသံဖမ်းတဲ့သူက recorder နဲ့ စက္ကန့် (၃၀) ကြာ အသံဖမ်းရပါမယ်။ ဘာစကားပြောမှမပါတဲ့ အဲဒီအသံဖိုင်ကို အဲဒီနေရာမှာရိုက်ကူးခဲ့တဲ့ ဇာတ်ဝင်ခန်းတွေက အသံဖိုင်တွေ နဲ့အတူ အုပ်စုတစ်စုထဲမှာထားပြီး သိမ်းထားရမှာပါ။ အဲဒါ ရိုက်ကွင်းနေရာ ပြောင်းပြီးရိုက်တိုင်း၊ အဲဒီနေရာမှာ အဲဒီနေ့အတွက် ရိုက်ကူးရေး ပြီးစီးသွားတိုင်း လုပ်ရမယ့်အလုပ်ပါ။

အဲဒီ Room Tone အသံဖိုင်တွေကို Post Production မှာ အယ်ဒီတာက ဘယ်လို အသုံးပြုသလဲ?

Scene တစ်ခု တည်းဖြတ်နေတဲ့အခါတိုင်း အဲဒီ Scene နဲ့ ပက်သက်တဲ့ အသံ နဲ့ အရုပ်တွေကို Timeline ပေါ်မှာ တင်တာ နဲ့ တစ်ပြိုင်နက် အဲဒီ Scene ရိုက်တုန်းက သွင်းထားတဲ့ Room Tone ကိုပါ Audio Track ထဲမှာ တစ်လိုင်းတင်ထားရမှာပါ။ Room Tone ကို စက္ကန့် (၃၀) စာပဲ အသံဖမ်းထားခဲ့ပေမဲ့ အဲဒီ Scene က စက္ကန့် (၃၀) ထက်ပိုပြီးရှည် မယ်ဆိုရင် အဲဒီ စက္ကန့် (၃၀) စာ Room Tone ကို Copy and Paste လုပ်ပြီး ပွားယူလို့ရပါတယ်။ ဒါပေမဲ့ နောက်ထပ် Location အသစ်တခုမှာရိုက်တဲ့ Scene တစ်ခုကို ဆက်ပြီးတည်းဖြတ်တဲ့ အခါကျရင်တော့ အဲဒီ နောက်ထပ် Location မှာ သွင်းထားတဲ့ နောက်ထပ် Room Tone ကိုပဲ သုံးရမှာပါ။ အရင် Scene မှာ သုံးခဲ့တဲ့ Room Tone ကို ပွားယူပြီး သုံးလို့မရပါဘူး။ တည်းဖြတ်တဲ့ အပိုင်းမှာ Dialogue နဲ့ Room Tone ကို ဘယ်လို သုံးသလဲဆိုတာ အောက်မှာ ဓာတ်ပုံ နမူနာ နဲ့ ပြပေးထားပါတယ်။

အခုပြောသွားတဲ့အပိုင်းက ရုပ်ရှင်ရဲ့ အသံပိုင်းမှာ Continuity ရှိအောင် နဲ့ သင့်တင့်တဲ့ အသံအရည်အသွေးရှိတဲ့ ဇာတ်ကားတစ်ကားဖြစ်ဖို့ အခြေခံအရမ်းကျတဲ့ အသံဖမ်းတဲ့အပိုင်းကို ပြောသွားတာပါ။ ဆူညံသံတွေ၊ လေသံတွေကို ဖျောက်တဲ့အပိုင်းတွေ နဲ့ ဇာတ်ကားအမျိုးအစား (Genre) ပေါ်မူတည်ပြီး၊ ဇာတ်ကားတစ်ကား ရဲ့ အသံဒီဇိုင်း (Sound Design) လိုအပ်ချက်အရ အသံကြိုး (Sound Track) တွေဖန်တီးရတဲ့အပိုင်း၊ ထူးထူးခြားခြား အသံအထူးပြုလုပ်ချက်တွေ ဖန်တီးရတဲ့ အပိုင်းကတော့ အသံ ဒီဇိုင်းပညာရှင် (Sound Designer) ရဲ့ အပိုင်းပါ။

အခုတော့ ဒီလောက်ပါပဲ။ ရုပ်ရှင်ရိုက်ကူးထုတ်လုပ်ရေး (Film Production) အပိုင်းတွေကို မရေးတာ ၃ လ လောက်တောင် ရှိသွားပြီဆိုတော့ အခုတော့ ဒါလေးကို ဖတ်ပြီး ကျေနပ်ကြမယ်လို့ မျှော်လင့်ပါတယ်။

ကျော်သိင်္ခ







No comments:

Post a Comment