Latest News

CREDIT

သတင်းစုံပျော်ဝင်အိုးကြီးတွင် ဖော်ပြထားသည့် သတင်း၊ဓာတ်ပုံများသည် သက်ဆိုင်သူများ၏မူပိုင်သာဖြစ်ကြောင်း အသိပေးအပ်ပါသည်။

Monday, March 30, 2015

ပြည်ပသို့ တိမ်းရှောင်သွားသည်ဟုဆိုသော ဂရိတ်ဝေါ ဦးတင်မောင်၏ ရှပ်ပြေးယာဉ်အား ဂေါဝိန်ဆိပ်ကမ်းတွင် မြင်တွေ့နေရပြီး နိုင်ငံခြားသား အ၀င်အထွက်ရှိနေဟု မျက်မြင်များဆို


မန္တလေးတိုင်း ဒေသကြီး အစိုးရ အဖွဲ့မှ တရားစွဲဆိုထားသော တော်ဝင်နှင်းဆီ ဆေးရုံ ပိုင်ရှင် ဦးတင်မောင်နှင့် တရုတ် နိုင်ငံသား ၆ဦးတို့အား လက်ရှိ အချိန်ထိ ဖမ်းဆီး အရေးယူနိုင်ခြင်း မရှိသေးသော်လည်း ဂရိတ်ဝေါ ဦးတင်မောင်၏ ရှပ်ပြေး မော်တော်စက်လှေအား မန္တလေး ဂေါဝိန် ဆိပ်ကမ်းတွင် ဆိုက်ကပ်ထားကာ တရုတ်လူမျိုးများလည်း အ၀င်ထွက် ရှိနေသည်ကို မြင်တွေ့နေရကြောင်း ဂေါဝိန် ဆိပ်ကမ်း ရေယာဉ်ပိုင်ရှင် တစ်ချို့က Tomorrowသို့ ပြောကြားခဲ့သည်။

“ကျွန်တော်တို့က ဂျာနယ်တွေမှာ ဖတ်ရတာက ဦးတင်မောင် ဆေးရုံက တရုတ်နိုင်ငံသား ၆ယောက်က တံတားဦး လေဆိပ်ကနေ ထွက်ပြေးသွားတယ်လို့ ဖတ်ရတယ်၊ ဒါပေမယ့် ပြီးခဲ့တဲ့ ဇန်န၀ါရီလ ၂၇ ရက် ည၁၀နာရီလောက်က ကျွန်တော်တို့ ဆိပ်ကမ်းကို တရုတ် နိုင်ငံသား ၆ယောက်နဲ့ မြန်မာ စကားပြန် အမျိုးသမီး တစ်ဦး ဆိပ်ကမ်းကို ဆင်းလာပါတယ်၊ ပြီးတော့ ဦးတင်မောင်ပိုင်တဲ့ စက်လှေပေါ်ကို တက်သွားပါတယ်။ ဦးတင်မောင်က သူ့ရဲ့ရှပ်ပြေး မော်တော် စက်လှေကို ဆိပ်ကမ်းမှာ သီးသန့် တခမ်းတနားထားတာ၊ ကျွန်တော်တို့ စက်လှေတွေနား သိပ်ကပ်တာ မဟုတ်ဘူး၊ မန္တလေးကနေ မောင်းကုန်းကို အဲဒီစက်လှေနဲ့ သွားလာနေတာ၊ ကျွန်တော်တို့က တစ်လမ်းကြောင်းထဲမို့ သိနေတာ၊ စက်လှေမှာက အဲယားကွန်းတွေနဲ့ပေါ့၊ ဦးတင်မောင်ရဲ့ ဂရိတ်ဝေါ စက်လှေဆိုရင် အာဏာပိုင် အဖွဲ့အစည်းက စစ်ဆေးမေးမြန်းတာ မလုပ်ဘူး၊ အဲဒီနေ့က မှတ်မှတ်ရရ မန္တလေးတရုတ် ကောင်စစ်ရုံးရှေ့မှာ လက်ပံတောင်း ကိစ္စနဲ့ ဆန္ဒပြနေကြတဲ့ နေ့က ည ၁၀နာရီလောက်မှာ တရုတ် ၆ဦး စကားပြန်တစ်ဦး သူ့စက်လှေပေါ် တက်သွားတာ မြင်လိုက်ရပါတယ်၊ အဲဒီနောက်ပိုင်းမှာ သူ့စက်လှေကို လူမြင်တဲ့ နေရာမှာ သီးသန့်ရပ်တာ မလုပ်တော့ဘူး၊ သူများ စက်လှေကြားထဲမှာ ကွယ်ပြီးထိုးတယ်၊ သက်ဆိုင်ရာက လာရောက် စစ်ဆေး မေးမြန်းတာမျိုးလည်း ခုထိမတွေ့ရသေးဘူး။ သက်ဆိုင်ရာ အာဏာပိုင် အဖွဲ့အစည်း အနေနဲ့ အမှန်တကယ် သုံးသပ် စိစစ်နိုင်ဖို့ တာဝန်သိပြည်သူ အနေနဲ့ သိသမျှ မြင်တွေ့သမျှ ပြောပြတာပါ၊ ဦးတင်မောင် ဆေးရုံက တရုတ်နိုင်ငံသားတွေဟာ အပြည်ပြည်ဆိုင်ရာ မန္တလေးလေဆိပ် တံတားဦး ကနေ ထွက်သွားတာလား။ ရှပ်ပြေး မော်တော်ယာဉ်နဲ့ မောင်ကုန်းကနေတဆင့် ထွက်ပြေးသွား တာလားဆိုတာ စဉ်းစားစရာပါပဲ”ဟု ဒေးဝန်းရပ်၌နေထိုင်သူ ဦးထိန်လင်းက Tomorrow သို့ ပြောကြားခဲ့သည်။

အဆိုပါ တော်ဝင်နှင်းဆီ ဆေးရုံမှာ Helath News ကျန်းမာရေး ဆေးကုဌာနဖွင့်ကာ တရုတ်နိုင်ငံသား ၆ဦးက တရားမ၀င် ဆေးကုသမှု ပြုလုပ်ပေးနေသည်ဟုဆိုကာ လိင်အင်္ဂါပြောင်းလဲ ကုသခြင်း အပါအ၀င် အလှအပဆိုင်ရာများနှင့် တရားမ၀င် ယောက်ျား လိင်အင်္ဂါပြုပြင် ပြောင်းလဲပေးခြင်း အမျိုးသမီးအား လိုသလို ပြုပြင်ပေးခြင်း ညစ်ညမ်းလက်ကမ်း ကြော်ငြာများ အသုံးပြု ဖြန့်ဝေခြင်းတို့ကြောင့် တော်ဝင်နှင်းဆီ ဆေးရုံပိုင်ရှင် ဦးတင်မောင်နှင့် တရုတ်နိုင်ငံသား၆ ဦးတို့ကို မန္တလေးတိုင်း ဒေသကြီး အစိုးရ အဖွဲ့မှ တရားစွဲဆိုထားသော်လည်း အရေးယူ ဆောင်ရွက်နိုင်ရန် ဖမ်းဆီး မမိသေးကြောင်း သိရသည်။

တော်ဝင်နှင်းဆီဆေးရုံ ပိုင်ရှင် ဦးတင်မောင်နှင့် ဇနီးသည် စင်ကာပူနိုင်ငံတွင် ဆေးဝါးကုသမှု ခံယူရန် ရောက်ရှိနေကြောင်း ပြည်ထဲရေး ၀န်ကြီးဌာနသို့ တင်ပြထားကြောင်း သိရှိရ သော်လည်း ၄င်းနှင့်နီးစပ်ရာ အသိုင်းအ၀ိုင်းမှ ဦးတင်မောင်သည် မြန်မာပြည် အတွင်း၌သာ ရှိနေကြောင်း ပြောကြားလျက် ရှိနေသည်။

မန္တလေး အပြည်ပြည်ဆိုင်ရာ လေဆိပ် တံတားဦးမှတဆင့် ထွက်ပြေးလွတ်မြောက်သွား သည်ဆိုသော တရုတ်နိုင်ငံသား ၆ဦးနှင့် ပတ်သက်၍ တာဝန်ရှိသူများအား ဝေဖန်သုံးသပ်မှုများ ဖြစ်ပေါ်ခဲ့ကာ အမှန်တကယ်ပင် လေဆိပ်မှ ထွက်ခွာသွားခြင်း ဟုတ်မဟုတ် သုံးသပ်ရန် လိုအပ်ကြောင်း မန္တလေး ဂေါဝိန်ဆိပ်ကမ်းမှ ရေယာဉ်ပိုင်ရှင်များက ဝေဖန်ပြောကြားခဲ့ကြသည်။

ဆွေနိုင်စစ်

No comments:

Post a Comment