မီးရထား တိုင်းအမှတ် (၈) မန်နေဂျာ ဦးစိုးရွှေက မီးရထားပိုင်မြေတွေကို လုပ်ငန်းရှင်တွေထံ ငှားရမ်းဖို့အတွက် ကျူးကျော်အိမ်ခြေအားလုံးကို ဖယ်ရှားမှာဖြစ်တယ်လို့ ဒီနေ့ မော်လမြိုင်မြို့က မီးရထားရုံးမှာ သတင်းထောက်တွေကို ပြောပါတယ်။
"မြန်မာ့မီးရထားဟာ ခရီးသည် သယ်ယူပို့ဆောင်ရေးအတွက် အရှုံးခံပြီး လုပ်နေတယ်ဆိုတာရယ်၊ နည်းလမ်းတွေကို အကျိုးရှိစွာအသုံးချရေးဆိုတဲ့ ဝန်ကြီးဌာနရဲ့ လမ်းညွှန်ချက်၊ အဲ့အတွက်ကြောင့်မို့ ဒီမြန်မာတစ်နိုင်ငံလုံးမှာရှိတဲ့ မီးရထားပိုင်မြေအားလုံးကို ကျနော်တို့က ပုဂ္ဂလိက တစ်ဦးချင်း အနေနဲ့သော်၎င်း၊ ကုမ္ပဏီအဖွဲ့အစည်းနဲ့သော်၎င်း အကျိုးတူပူးပေါင်းဆောင်ရွက်ပြီး မြေငှားမယ်ဗျာ"
မီးရထား တိုင်းအမှတ် (၈) နယ်မြေဟာ မွန်ပြည်နယ် သိမ်ဇရပ်ကနေ တနင်္သာရီတိုင်းဒေသကြီး သရက်ချောင်းမြို့နယ်အထိ မိုင်ပေါင်း ၂၈၅ မိုင်ရှည်လျားပါတယ်။
မီးရထားသံလမ်းကနေ အနည်းဆုံးပေ ၅၀ ကနေ ၁၅၀ အထိကို မီးရထားပိုင်နယ်မြေအဖြစ် သတ်မှတ် ထားပါတယ်။ ဒါပေမဲ့ အဲဒီမီးရထားလမ်းတလျှောက်မှာ နှစ်ပေါင်းများစွာနေထိုင်နေကြသူ အမြောက်အများရှိတယ်လို့လည်း သိရပါတယ်။
ပြီးခဲ့တဲ့ ရက်ပိုင်းက ပေါင်မြို့နယ် မုတ္တကျေးရွာမှာရှိတဲ့ အိမ်ခြေ ၂၀၀ ကျော်ကို တစ်လအတွင်း ပြောင်းရွေ့ပေးဖို့ စာထုတ်ခဲ့တာဖြစ်ပါတယ်။
RFA Burmese
No comments:
Post a Comment