UAE ကိုနိုင်လိုက်တဲ့ မြန်မာအသင်း၂၀၁၅ ယူ ၂၀ ကမ္ဘာ့ဖလားဝင်ခွင့်ရသွားပြီ

ရန်ကုန်မြို့ သုဝဏ္ဏဘောလုံးကွင်းမှာ မြန်မာ ယူ ၁၉ အသင်းနဲ့ UAE ယူ ၁၉ အသင်းတို့ ကွာတားဖိုင်နယ် အဆင့်ယှဉ်ပြိုင် ကစားခဲ့ကြရာ မြန်မာအသင်းက ၁-၀ မရှိနဲ့ အနိုင်ရရှိပြီး ဆီမီးဖိုင်နယ်အဆင့်ကို တက်ရောက်သွားပြီဖြစ်သလို ၂၀၁၅ နယူးဇီလန်နိုင်ငံမှာ ကျင်းပမယ့် ယူ ၂၀ ကမ္ဘာ့ဖလားပြိုင်ပွဲကိုလည်း ဝင်ရောက်ယှဉ်ပြိုင်ခွင့်ရရှိသွားပြီဖြစ်ပါတယ်။

ဒီကနေ့ပွဲမှာ အရပ်မောင်းတောင့်တင်းပြီး ကစားအားကောင်းတဲ့ UAE အသင်းကို မြန်မာအသင်းဟာ အနိုင်ရရှိရေးအတွက် အကြိတ်အနယ် ယှဉ်ပြိုင်ကစားခဲ့ရပြီး မြန်မာအသင်းအတွက် အနိုင်ဂိုးကို ဒုတိယပိုင်း မိနစ် ၅၀ ကျော်မှာ တိုက်စစ်မှူး သန်းပိုင် က သွင်းယူပေးခဲ့တာဖြစ်ပါတယ်။

ဓာတ်ပုံ - Myanmar Football Federation
Irrawaddy