ကာယကံရှင် ဆရာတော်ကြီးတွေကို တောင်းပန်ပြီး သွားပြီ။ အရင်တုန်းက အစိုးရ အစဉ် အဆက် တောင်းပန်နေရ ရင်တော့ အဓိပ္ပာယ် မရှိဘူး ဟု သမ္မတရုံးမှ အကြီးတန်း အရာရှိ က ပြောသည်။ လက်ပံတောင်းတောင် သပိတ် စခန်း ဖြိုခွင်းရာ၌ ပြင်းထန်စွာ နှိမ်နင်းခဲ့၍ သံဃာတော် များနှင့် ဆန္ဒပြ နေသူများတွင် ခန္ဓာကိုယ် မီးလောင်မှုများ အပါအ၀င် တခြားထိခိုက် ဒဏ်ရာများ ပြင်းထန်စွာ ရရှိခဲ့သောကြောင့် မုံရွာမြို့နယ် ရွှေစည်းခုံ ဘုရားဝင်းအတွင်း နိုင်ငံတော် သမ္မတရုံး ပြည်ထောင်စု ၀န်ကြီး ဦးလှထွန်း၊ စစ်ကိုင်းတိုင်းဒေသကြီး ၀န်ကြီးချုပ် ဦးသာအေး အပါအ၀င် ရဲတပ်ဖွဲ့ မှ တာဝန်ရှိသူများ က တောင်းပန်မှု များ ပြုလုပ်ခဲ့ကြသည်။
သံဃာတော်များ အနေဖြင့် ခွင့်လွှတ်ပေး သော်လည်း ကံဆောင်မှု အရ တောင်းပန်မှု မရှိပါက သပိတ်လှန်ပေး၍ မရကြောင်း ဦးစန္ဒာသီရိက ရွှေဝါရောင် နှစ်ပတ်လည် အခမ်းအနားတွင် မိန့်ကြားခဲ့သည်။ ရန်ကုန်တိုင်းဒေသကြီး အစိုးရ အဖွဲ့ ၀န်ကြီးချုပ် ဦးမြင့်ဆွေက ရွှေဝါရောင် တော်လှန်ရေး ကာလက ၎င်း၏ ဆောင်ရွက်ခဲ့မှုများနှင့် ပတ်သက်၍ ကြိုးပေးလျှင်လည်း ခံနိုင်ကြောင်း တရားဝင် ပြောကြား ထားသည်။ ဦးမြင့်ဆွေသည် ရွှေဝါရောင် တော်လှန်ရေး ကာလက ရန်ကုန်တိုင်း စစ်ဌာနချုပ် တိုင်းမှူးအဖြစ် နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီ လက်အောက်တွင် တာဝန် ထမ်းဆောင်ခဲ့သူ ဖြစ်သည်။
၂၀၀၇ ခုနှစ်က လောင်စာဆီ ဈေးနှုန်း မြင့်တက်လာ ခြင်းကြောင့် အခြေခံ စားသောက်ကုန် ဈေးနှုန်း မြင့်တက် လာခြင်းကို သံဃာတော်များ ဆန္ဒထုတ်ဖော်ရာ မှ ရွှေဝါရောင် တော်လှန်ရေး စတင် ဖြစ်ပွားခဲ့သည်။ ဆန္ဒထုတ်ဖော်ရာတွင် ပါဝင်သူ သံဃာတော် အများ အပြားမှာ အကြမ်းဖက်နှိမ်နင်း ဖမ်းဆီးခံခဲ့ ရသည်။
messenger
No comments:
Post a Comment