တစ်ခါတုန်းက မြတ်စွာဘုရှင်ဟာ ဝေရဉ္ဇဆိုတဲ့
ပုဏ္ဏားကြီးရဲ့. ပင့်ဖိတ်မှု့ အရ ဝေရဉ္ဇာပြည်မှာ ဝါဆို
ုဖြစ်ပါတယ်။
တိုက်တိုက်ဆိုင်ဆိုင်ပါပဲ၊ မြတ်စွာဘုရား ဝါဆိုတဲ့ နှစ်
မှာပဲ ဝေရဉ္ဇာပြည်ဟာ ဒုဗ္ဘိက္ခန္တရကပ် ဆိုက်ရောက်ပါ
တော့တယ်။ လူတွေငတ်မွတ်ပြီဆိုတော့ ရဟန်းတွေ
လည်း ဆွမ်းခံလို့မရတော့ပါဘူး။
အဆိုးထဲက အကောင်းတစ်ခု ဝင်လာတာကတော့
ဥတ္တရာပထတိုင်းက မြင်းကုန်သည်တွေ မြင်းငါးရာနဲ့
ဝေရဉ္ဇာပြည်မှာ တစ်ဝါတွင်းလုံးလာပြီး စတည်းချတာ
ပါပဲ။
ရဟန်းတော်တွေဟာ ဝေရဉ္ဇာပြည်ထဲမှာ ဆွမ်းခံဖို့
အခက်အခဲတွေ့တော့ မြင်းကုန်သည်တွေဆီသွား
ပြီး ဆွမ်းခံပါတယ်။ မြင်းကုန်တွေလည်း သဒ္ဓါတရား
မညံ့ပါဘူး။ ဒါပေမယ့် မုယောဆန်ကြမ်းကြမ်းကိုပဲ
လောင်းနိုင်ရှာပါတယ်။
မြတ်စွာဘုရား အပါအဝင် ရဟန်းတော်တွေ အားလုံး
ဟာ မုရောဆန်ကြမ်းကြမ်းကိုပဲ နေ့စဉ် ဘုန်းပေးနေရ
ပါတယ်။ မြတ်စွာဘုရား မုရောဆန်ကြမ်းကို ဘုန်းပေး
နေရတော့ အရှင်မဟာမောဂ္ဂလန်က မကြည့်ရက်
တော့ပါဘူး။ ဒါကြောင့် မြတ်စွာဘုရားဆီ ဝင်လျှောက်
ရပါတယ်။
မြတ်စွာဘုရား...ဝေရဉ္ဇာပြည်ဟာ ဒုဗ္ဘိက္ခန္တရကပ်ဆိုက်
ပြီး ရဟန်းတော်တွေ ဆွမ်းအခက်အခဲတွေ့ နေရပါ
တယ်ဘုရား၊ မြေကြီးရဲ့ အောက်ပြင်မှာ ပြားသကာလို
ချို မြိန်တဲ့ မြေဆီမြေနှစ်တွေ ရှိနေပါတယ်ဘုရား၊ မြေ
ကြီးကို ဘုရားတပည့်တော် ပြောင်းပြန်လှန်လိုက်ပါ့
မယ်ဘုရား။
ချစ်သားမောဂ္ဂလာန် ဒါဆိုမြေကြီးအောက်မှာတည်နေ
တဲ့ သတ္တဝါတွေကို ဘယ်လိုလုပ်မလဲ၊ ဘုရားတပည့်
တော် လက်တစ်ဖက်ကို မြေကြီးဟန် ဖန်ဆင်းပြီး
အဲဒီဖန်ဆင်းထားတဲ့ မြေကြီးပေါ်မှာ နေစေပါ့မယ်
ဘုရား။
ချစ်သားမောဂ္ဂလာန်...သင်ဒါတွေကို မနှစ်သက်နဲ့၊
ဖောက်ပြန်ခြင်းဆိုတဲ့ လောကဓံတရားကို သတ္တဝါ
တိုင်းကြုံ ရမှာပဲ၊
ဒါဆို မြောက်ကျွန်းကို ဆွမ်းခံကြရင်ကော
ဘုရား၊ ချစ်သား မောဂ္ဂလာန်... သင် ဒါလည်းမနှစ်
သက်ပါနဲ့။
အရှင်မောဂ္ဂလာန်က ဘယ်လောက်ပဲလျှောက်
လျှောက် မြတ်စွာဘုရားရှင်က လက်မခံခဲ့ပါဘူး။
လောကဓံဆိုးကို ရှောင်လွှဲခွင့်ရနိုင်ပေမယ့် မရှောင်
လွှဲဘဲ တစ်ဝါတွင်းလုံး မုယောဆန်ကြမ်းကိုပဲ သည်း
ခံဘုန်းပေးခဲ့ပါတယ်။
ဆက်လက်၍ မြတ်စွာဘုရားရှင်က...
၁။ လာဘ = လာဘ်ရခြင်း။
၂။ အလာဘ = လာဘ်မရခြင်း။
၃။ ယသ = အခြွေအရံ ရှိခြင်း။
၎။ အယသ = အခြွေအရံ မရှိခြင်း။
၅။ နိန္ဒာ = ကဲ့ရဲ့ ခံရခြင်း။
၆။ ပသံသာ = ချီးမွှမ်းခံရခြင်း။
၇။ သုခ = ချမ်းသာခြင်း။
၈။ ဒုက္ခ = ဆင်းရဲခြင်း ဆိုတဲ့...
လောကဓံတရား ရှစ်ပါးကို လောကတိုင်းမှာနေတဲ့
သတ္တဝါတိုင်း တစ်လှည့်စီ ကြုံ ရမယ်။ ကြုံ ရတဲ့အခါ
မှာ အဆိုးလောကဓံနဲ့ကြုံ တဲ့အခါရော၊ အကောင်း
လောကဓံနဲ့ ကြုံ တဲ့အခါရော စိတ်တုန်လှုပ်မသွားဖို့၊
ကိုယ်တော်တိုင်ကြုံ ခဲ့ရတဲ့ လောကဓံတရားတွေကို
စိတ်တုန်လှုပ်မသွားအောင် နေနိုင်တာဟာ မင်္ဂလာ
ဖြစ်ပါတယ် ချစ်သားလို့ ဥပမာ သာဓကတွေ ပြပြီး
ဟောတော်မူလေ၏။
တန်ခိုးတော်အန္တနဲ့ ပြည့်စုံတော်မူတဲ့ မြတ်စွာဘုရား
တောင် လောကဓံတရားနဲ့ ကြုံ ရသေးတာဆိုတော့
သာမန်လူသားတွေ လောကဓံတရားနဲ့ကြုံ ရတာ
ဘာမှမပြောပလောက်ပါဘူး။
ဒီနေရာမှာ ပုထုဇဉ်တွေဆိုတော့လည်း အဆိုးလော
ကဓံကို ဘယ်သူမှမကြုံ ချင်ကြပါဘူး။ ဒီတော့ကြုံ
လာရင် စိတ်ညစ်မယ်။ ပုထုဇဉ်ပဲ ညစ်ပေါ့။ တစ်နေ
ရာမှာ သေချာထိုင်တဲ့ပြီး၊ ဒါမှမဟုတ် ခုတင်ပေါ်
သေချာလှဲတဲ့ပြီး အချိန်လေးလည်း သီးသန့်ယူပြီး
အားရပါးရကျေနပ်အောင် စိတ်ကိုညစ်ပြစ်လိုက်ပါ။
ကိုယ့်စိတ်တိုင်းကျ စိတ်ညစ်ပြီးရင်တော့ ကိုယ်လုပ်
စရာလေးတွေ ဆက်လုပ်ဖို့ပါပဲ။ စိတ်ညစ်စရာလည်း
ညစ်၊ တစ်နေ့တာ ကိုယ်လုပ်စရာ ရာရှိတာလည်း
လုပ်ပေါ့။
အဓိကကတော့ စိတ်ညစ်စရာ ရှိပေမယ့် တစ်နေ့တာ
ကိုယ်လုပ်ရမယ့်၊ ဒါန၊ သီလ၊ ဘာဝနာ ဆိုတဲ့...
ကုသိုလ်တရား၊ အလုပ်လေးတွေ ပျက်မသွားဖို့ဘဲ
အရေးကြီးပါတယ်။ စိတ်ညစ်တဲ့အခါ အကောင်းဆုံး
ကုသိုလ်တရားနဲ့ အာရုံပြောင်းလိုက်တာပါပဲ။
ဘဝမှာ ဘယ်လောက်ပဲ အဆိုးလောကဓံတွေနဲ့ပဲ
ကြုံရကြုံရ၊ ဘယ်လောက်ပဲအကောင်းလောကဓံ
တွေနဲ့ပဲ ကြုံရကြုံရ၊ တစ်ချိန်ချိန်ကျရင် " ဒါလည်း
ပြီးသွားမှာပါ " လေ။
& (ပါရာဇိကပါဠိတော်၊ ဝေရဉ္ဇကဏ္ဍ)
@ လောကမှာနေရတဲ့အချိန်၊ လောကရဲ့၊ သဘာဝ
၈- မျိုးကိုတော့ တွေ့နေရမှာပဲ။
ကိုယ်ရချင်တာ ရတယ်ဆိုတဲ့ အလှည့်တွေ့ရသလို၊
ကိုယ်ရချင်တာတွေ မရဘူးဆိုတာလည်း တွေ့လိမ့်
မယ်။
အခြံအရံ ရှိတယ်ဆိုတာလည်း တွေ့ရသလို၊
အခြံအရံ ကင်းမဲ့တဲ့ အခါမျိုးလည်း တွေရမယ်။
ကဲ့ရဲ့. ခံရတဲ့ အခါတွေ့ရသလို၊
ချီးမွမ်း ခံရတာလည်း တွေ့ရလိမ့်မယ်။
ချမ်းသာသုခ ရတယ်ဆိုတဲ့အခါရှိသလို၊
ဆင်းရဲ ဒုက္ခ ကြုံတွေ့ရတဲ့ အခါဆိုတာလည်း ရှိ
လိမ့်မယ်။
@ အဲဒီလို လောကဓံ မုန်တိုင်းတွေနဲ့ ကြုံတွေ့ရတဲ့
အခါတိုင်း...
" သြော်... ဘယ်အရာမှ မမြဲပါလား၊ ထာဝရမ
မဟုတ်ဘူး၊ တက္ခဏသာဖြစ်တယ်လို့" ဆင်ခြင်
ရမယ်။
အကောင်းလောကဓံကြောင့်လည်း လောဘမဖြစ်
အောင်၊ အဆိုးလောကဓံကြောင့်လည်း ဒေါသ မ
ဖြစ်အောင် အမြဲဆင်ခြင်နေရမယ်။
ပါမောက္ခချုပ်ဆရာတော်
ဒေါက်တာနန္ဒမာလာဘိဝံသ။
No comments:
Post a Comment