 |
| ရှေးဟောင်းယဉ်ကျေးမှုနယ်မြေအဖြစ်သတ်မှတ်ထားရာ မြောက်ဦးမြို့မှာပါ တိုက်ပွဲတွေဖြစ်ပွားလာ |
' ' မြောက်ဦးမြို့ အခြေစိုက် ခမရ ၅၄၀ ဘက်ကနေ သေနတ်တွေအတွဲလိုက် ပစ်သံကြားရပြီး လက်နက်ကြီးသံတွေကိုလည်း မြို့ပြင်ကနေ ကြားရတယ်'' လို့ မြောက်ဦး ဒေသခံ တစ်ဦးက ဘီဘီစီကို ပြောပြပါတယ်။
ဒါ့အပြင် တိုက်ပွဲတွေကြောင့် မြောက်ဦးမြို့မဟိန်ကျီရပ်နေ ဦးဘိုဖြူအောင်၊ ဒေါ်စန်းကြည်တို့ရဲ့ နေအိမ်မှာ အိပ်ခန်းတွေထဲထိ ကျည်ဆန်တွေကျရောက်ခဲ့ပြီး လူထိခိုက်ဒဏ်ရာရတာတော့ မရှိခဲ့ဘူးလို့ လည်းဆို ပါတယ်။
အလားတူ ကျောက်တော်မြို့နယ် ကန်စောက် ၅၃၉ တပ်ရင်းကလည်း အမြောက်တွေကို အဆက်မပြတ် ပစ်ခတ်နေတယ်လို့ အဲဒီ တပ်ရင်းအနီးမှာ ရှိတဲ့ ပန်းဘဲချောင်းရွာသားတစ်ဦးက ဘီဘီစီကိုပြောပါတယ်။
ရခိုင်ပြည်နယ် အတွင်း တိုက်ပွဲတွေဟာ နေ့စဉ်ရက်ဆက်ဆိုသလို ဖြစ်ပွားနေတဲ့ အတွက် စစ်တွေအပါ အဝင် မြို့အတော်တော်များမှာ လုံခြုံရေးတွေ တင်းကျပ်ထားသလို စစ်ဆေးမှု၊ ဖမ်းဆီးမှုတွေ လည်း မြင့်တက်နေတယ်လို့ဒေသခံတွေရဲ့ပြောကြားချက်အရသိရပါတယ်။
BBC Burmese
https://www.bbc.com/burmese
No comments:
Post a Comment