 |
| မီးလောင်ပြင်အား မီးငြိမ်းသတ်နေမှုအားတွေ့ရစဉ်(ပြည်ထဲရေး) |
ရန်ကုန်တိုင်းဒေသကြီး၊ မင်္ဂလာဒုံမြို့နယ်၊ စမ်းကြီးဝရပ်ကွက်တွင် ဒီဇင်ဘာ ၂၉ ရက် နံနက် ၆နာရီ ၁၀မိနစ်က ရေခဲသေတ္တာအပူလွန်ကဲ၍ မီးစတင်လောင်ကျွမ်းခဲ့ရာ လူနေအိမ် ၈လုံးထိ ကူးစက်လောင်ကျွမ်းပြီး ဆုံးရှုံးခဲ့ကြောင်း ပြည်ထဲရေးဝန်ကြီးဌာနက ထုတ်ပြန်သော သတင်းအရ သိရသည်။
အဆိုပါ မြို့နယ်အတွင်းရှိ သွပ်မိုး၊ ပျဉ်ကာ၊ ပျဉ်ခင်း ၃ ခန်းတွဲနေအိမ်မှ ရေခဲသေတ္တာအပူလွန်ကဲ၍ မီးစတင်လောင်ကျွမ်းခဲ့ရာ လူနေအိမ် ၈ လုံးအား မီးကူးစက်လောင်ကျွမ်းခဲ့ပြီး အဆိုပါမီးလောင်ကျွမ်းမှု စတင်ဖြစ်ပေါ်ခဲ့သည့် နေအိမ်မှ ကိုသန့်ဇော်အား မင်္ဂလာဒုံမြို့မရဲစခန်း(ပ)၁၃၁၃/၂၀၁၈၊ ရာဇသတ်ကြီးပုဒ်မ ၂၈၅(မီးလောင်မှု)ဖြင့် အမှုဖွင့်စုံစမ်းလျက်ရှိကြောင်း သိရသည်။
“ သွပ်မိုးပျဉ်ကာအိမ်တွေဆိုတော့ မိနစ် ၂၀အတွင်း ၈လုံးအလျင်အမြန်ကူးစက်သွားတယ်၊ မီးဘေးသင့်တဲ့ မိသားစုတွေ အနီးနားက ဘုန်းကြီးကျောင်းမှာ ခေတ္တနေရာချပေးထားတယ်”ဟု စမ်းကြီးဝရပ်ကွက်က တာဝန်ရှိသူတစ်ဦးက ဆိုသည်။
ယင်း မီးလောင်ကျွမ်းမှုကို မြန်မာနိုင်ငံမီးသတ်တပ်ဖွဲ့က Level 2 အဆင့်သတ်မှတ်ပြီး ယာဉ်အုပ်စုများထွက်ခွာ ငြိမ်းသတ်ခဲ့ပြီး နံနက် ၆နာရီ၃၅မိနစ်တွင်မီးထိန်းနိုင်ကာ ၆နာရီ ၄၅ မိနစ်တွင် မီးငြိမ်းနိုင်ခဲ့ကြောင်း ထုတ်ပြန်ထားသည်။
(Xinhua)
http://www.xinhuamyanmar.com/myanmar
No comments:
Post a Comment