 |
| IS စစ်သွေးကြွအဖွဲ့ဝင်တစ်ချို့အားတွေ့ရစဉ် (ဓါတ်ပုံ-အင်တာနက်) |
လူပေါင်းများစွာ ကို ကွပ်မျက်ခဲ့သော IS စစ်သွေးကြွအဖွဲ့ မှ အစွန်းရောက်အဖွဲ့ဝင်တစ်ဦး သည် အီရတ်နိုင်ငံ အရှေ့ပိုင်း Diyala ပြည်နယ်တွင် ဗုံးပေါက်ကွဲမှုတစ်ခုကြောင့် သေဆုံးခဲ့ကြောင်း ပြည်နယ်ဆိုင်ရာ တာဝန်ရှိသူတစ်ဦးက နိုဝင်ဘာ ၁၄ ရက်တွင်ပြောကြားခဲ့သည်။
Al-Sayaf (ခေါ်) Abu Yaqoub အမည်ရှိ အစွန်းရောက်အကြမ်းဖက်သမားသည် Diyala ပြည်နယ် နှင့် Salahudin ပြည်နယ် အကြားနယ်စပ် အနီး ရွာတစ်ခုရှိ ပုန်းခိုရာနေရာတစ်ခု၌ရှိနေစဉ် ဗုံးပေါက်ကွဲမှုဖြစ်ပွားခဲ့၍ သေဆုံးခဲ့ပြီး ၎င်းဘေးမှ လူ၂ဦး ထိခိုက်ဒဏ်ရာရရှိခဲ့ကြောင်း Diyala ပြည်နယ်ကောင်စီ လုံခြုံရေးကောင်စီ အကြီးအကဲ Sadiq al-Husseini က ဆင်ဟွာသို့ပြောကြားခဲ့သည်။
Husseini က Abu Yaqoub သည် Diyala မှ ဒေသခံတစ်ဦးဖြစ်ပြီး ၎င်းသည် ၂၀၁၄ခုနှစ်ကတည်းက လုံခြုံရေးတပ်ဖွဲ့ဝင်များ နှင့် အပြစ်မဲ့ပြည်သူများစွာကို သတ်ဖြတ်မှုဖြင့် အလိုရှိနေသည့် အလွန်အရေးကြီးသည့် ရာဇဝတ်သားတစ်ဦးဖြစ်ကြောင်း ပြောကြားခဲ့သည်။
Diyala ပြည်နယ်တွင် စစ်ဘက်စစ်ဆင်ရေးများစွာ ထပ်ခါထပ်ခါပြုလုပ်ခဲ့သော်လည်း အီရန်နှင့် ကပ်လျက် နယ်စပ်အနီးတွင် IS စစ်သွေးကြွအကြွင်းအကျန်များ ပုန်းအောင်းနေဆဲဖြစ်ကြောင်း သိရသည်။
(Xinhua)
http://www.xinhuamyanmar.com
No comments:
Post a Comment