ကလေးငယ်များအား တစ်ရက် နှစ်ရက်အတွင်း အကုန်လုံး ကျန်းမာစွာ ပြန်လည်တွေ့ ရှိမည်ဟု မိန့် ကြားခဲ့သည့် မိုင်းဖုန်းဆရာတော် အကြောင်း တစ်စေ့တစောင်း

ပျောက်ဆုံးနေသည့် ထိုင်းကလေးငယ်များအား
တစ်ရက် နှစ်ရက်အတွင်း အကုန်လုံး
ကျန်းမာစွာ ပြန်လည်တွေ့ ရှိမည်ဟု မိန့် ကြားခဲ့သည့်
မိုင်းဖုန်းဆရာတော် အကြောင်း တစ်စေ့တစောင်း
------- ----- --- ---- ----- ----- ---

မိုင်းဖုန်းဆရာတော်ကြီး ဉာဏသံဝရသည် ဇွန် ၂၉ က ထိုင်းကလေးများ
ပျောက်ဆုံးနေသည့် သန်လောင်နန်နွန်ဂူသို့ ရောက်ရှိလာခဲ့ပြီး ဂူအတွင်းသို့ ဝင်ကာ မေတ္တာပို့ ဆုတောင်းပေးခဲ့သည်။
မိုင်းဖုန်းဆရာတော်မေတ္တာပို့ အစားကျွေးနေစဉ် တောအုပ်အတွင်းမှ
တောကြက်နှင့် တောဝက်တို့ ထွက်လာပြီး အစားစားသည့် ထုခြားမှု့ များ၊
ကောင်းကင်တွင် ထူးခြားသည့် ပြောင်းလဲမှု့ များရှိခဲ့ပြီး တောင်တော်ရှင်မ
မျက်လုံးဖွင့်ကြည့်သည့်ပုံစံမျိုးဖြစ်နေသည်ဟု ထိုင်းလူမှု့ ကွန်ရက်များတွင်
ဖော်ပြမှု့ များရှိခဲ့သည်။

ဆရာတော် ဘုရားကြီးကမူ ရောက်စညမှာပင် ထိုင်းမီဒီယာများ၏ ၀ိုင်းဝန်းမေးမြန်းမှု့ အား
" ပျောက်ဆုံးနေသည့် ကလေးငယ်များအား
တစ်ရက် နှစ်ရက်အတွင်း
အကုန်လုံး ကျန်းမာစွာ ပြန်လည်တွေ့ ရှိမည်" ဟု
မိန့် ကြားခဲ့ကြောင်း ထိုင်းမီဒီယာများက ဖော်ပြခဲ့သည်။

ဆရာတော် ဘုရားကြီးမှာ ဇွန် ၃၀ ရက်နေ့ မွန်းလွဲတွင် သန်လောင်နန်နွန်ဂူသို့  ထပ်မံသင်ရောက်ပြီး မေတ္တာပို့ ဆုတောင်းပေးခဲ့သလို ဂူအပြင်သို့ 
ပြန်လည်ထွက်လာချိန်တွင်လည်း ယခင်နေ့ က မိန့် ကြားခဲ့သည့်အတိုင်းပင် " ပျောက်ဆုံးနေသည့် ကလေးငယ်များအား တစ်ရက် နှစ်ရက်အတွင်း
အကုန်လုံး ကျန်းမာစွာ ပြန်လည်တွေ့ ရှိမည်" ဟု အတည်ပြု မိန့် ကြားခဲ့သည်။

ယနေ့  ဇူလိုင် ၂ တွင် ပျောက်ဆုံးနေသည့် ထိုင်းကလေးများအားလုံးကို
အသက်ရှင်လျက် ပြန်လည်တွေ့ ရှိခဲ့ပြီ ဖြစ်ရာ ထူးခြားစွာမိန့် ကြားခဲ့သည့် မိုင်းဖုန်းဆရာတော်ကြီး ဉာဏသံဝရအကြောင်း တစ်စေ့တစောင်း
အဖြစ် " တောင်တန်းသာသနာပြုဆရာတော် အရှင်သုခမိန္ဒ စ၀်ဆုခမ် "
ရေးသားထားသည့် မိုင်းဖုန်းဆရာတော်ကြီး ဉာဏသံဝရ အကြောင်းနှင့်ကိုးကွယ်သူများက သတိဲပမိထားကြသည့် မိုင်းဖုန်းဆရာတော်ကြီး၏
ထူးခြားချက်များကို The Ladies News ပရိတ်သတ်များအတွက်
ကူးယူပူဇော် ဖော်ပြအပ်ပါသည်။

မိုင်းဖုန်းဆရာတော် ဉာဏသံဝရ
----- ---------- ------ ---------

( ရေးသားသူး အရှင်သုခမိန္ဒ စ၀်ဆုခမ် )

မိုင်းဖုန်းဆရာတော်ဟာ ထူးခြားတဲ့ ပါရမီရှင် တစ်ပါးဖြစ်ပါတယ်။
မွေးဖွားစဉ်က မိုးတွေအဆက်မပြတ် ရွာသွန်းဖြိုးခဲ့တာကြောင့်
အဖွားဖြစ်သူက ဘုန်းကံထူးတဲ့ကလေးကို ရှမ်း ဘာသာအားဖြင့်
“ပုခေ်းrဝုမ့်” အဆက်မပြတ်သော မိုးစက်ကဲ့သို့ ပုညကောင်းမှုရှိတဲ့သူဟု အမည်ပေးခဲ့ပါတယ်။

အသံဖလှယ်စနစ်ဖြင့် “ပ”ကို “မ”သို့ပြောင်း၊ “မ”မှ “ဝ”သို့ပြောင်းကာ
ရှမ်းလို “ကျောက်ဝုမ်းစုမ့်”ဟု ခေါ်တွင်ပါတယ်။ နေထိုင်သီတင်းသုံးတဲ့
ဒေသကို အစွဲပြုပြီး“မိုင်းဖုန်းဆရာတော်”ဟုလည်း ခေါ်ကြပါတယ်။

ပါရမီရှင်ရဲ့ ဘဝနိဒါန်းကတော့ ညိုးနွမ်းတာနဲ့ စခဲ့ရပါတယ်။
တစ်ဝမ်းတစ်ခါးအတွက် ရိုးသားစွာ တောင်းစားခဲ့ရရှာတယ်။မုဆိုးမ
မိခင်ကြီးကိုရော အရွယ်မရောက်သေးတဲ့ ညီမလေးကိုရော အရွယ်
နဲ့မမျှအောင် ပြုစုစောင့်ရှောက်လာခဲ့ရတယ်။

ကိုရင်ဘဝ ထူးခြားလှ
----- ----

နောက်ပိုင်းပါရမီရဲ့အရှိန်ကြောင့်သာမဏေဘောင်ကို ရောက်လာပါတယ်။ ၁၁နှစ်သား သာမဏေလေးဘဝကပင် ရှမ်းပြည်နယ်အရှေ့ပိုင်းနဲ့
ထိုင်းနိုင်ငံ မြောက်ပိုင်းမှာ “ပါရမီရှင် ကိုရင်လေး” ဆိုပြီး လူသိများလာခဲ့တယ်။ လူသိများတဲ့ အကြောင်းရင်းက ကိုရင်လေးဘဝနဲ့ ကျောင်းတော်
ကြီးကို ဦးဆောင် ဆောက်လုပ်လှူဒါန်းနိုင်ခြင်း၊ ရလာသမျှ အလှူပစ္စည်းများကို တွယ်တာမှုအလျဉ်းမရှိဘဲ ပြန်လည်စွန့်လွှတ်လှူဒါန်းခြင်း၊
ကိုရင်လေးဘဝကပင် ဝါတွင်း ၃ လပါတ်လုံး ဂူအောင်း တရားကျင့်ခြင်း၊ ယခုလို လူသိမများသေးတဲ့အချိန် မိမိရဲ့ မွေးနေ့မှာ သက်ကြီးရွယ်အိုများကို ဝတ်စင်ဖြူများလှူဒါန်းခြင်း၊ သီလပေးခြင်း၊ တရားဟောခြင်းများ
ပြုလုပ်ခဲ့ပါတယ်။

အထူးသဖြင့် ဆရာတော်လောင်းလျာ ကိုရင်လေး ဉာဏသံဝရရဲ့ သီလ
ဂုဏ်၊ ရဲရင့်ရက်ရောတဲ့ဂုဏ်အပြင် ဖြူစင်တဲ့ မေတ္တာစိတ်ရင်းကြောင့်
လူချစ်လူခင်၊ ရှင်ချစ် ရဟန်းချစ် ဆရာတော်ကြီးများပါမကျန် ကိုရင်လေးကို မေတ္တာရောင်ပြန်ဓာတ် ထင်ဟပ်ခဲ့ပါတယ်။ ကိုရင်လေး
တာချီလိတ်မြို့ မဟာမြတ်မုနိဘုရားကို ရောက်လာရင် လာရောက်
ဖူးမျှော်တဲ့ ပရိသတ်များလွန်းတာကြောင့် ကိုရင်လေးကို အများမြင်အောင်ဆိုပြီး မဟာမြတ်မုနိ ဆရာတော်ဘုရားကြီး ဘဒ္ဒန္တပညာသာမိက
မိမိရဲ့ရင်ဝယ်သားကဲ့သို့ ပွေ့ချီပြီး ပရိသတ်ဖူးမြင်နိုင်အောင် လုပ်ခဲ့သလို တာချီလိတ် နဂါးနှစ်ကောင် ဆရာတော်ဘုရားကြီးလည်း
သားတပည့်လို အမြဲတမ်း သွန်သင်ဆုံးမခဲ့ပါတယ်။

ဆရာတော်လောင်းလျာဟာ ကိုရင်ဘဝကပင် သီရိလင်္ကာ အိန္ဒိယသို့
ဘုရားဖူးကြွခဲ့တယ်။ အိန္ဒိယ၊ နီပေါ ဟိမဝန္တာတောမှာလည်း တစ်ပါတည်း တရားသွားကျင့်ခဲ့သေးတယ်။ အဲဒီအချိန်က သက်တော် ၁၈ လောက်ရှိနေပါပြီ။

တရားသွားကျင့်ချိန် အခက်အခဲ၊ အနှောင့်အယှက်တွေကို ကျော်ဖြတ်နိုင်ခဲ့တယ်။ရေခဲတောင်ကျားအစရှိတဲ့ သားရဲတိရစ္ဆာန်တွေနဲ့လည်းကြုံခဲ့ပါတယ်။
လူဆိုးတွေ ဖမ်းဆီးရိုက်နှက်ပြီး နတ်ပူဇော်ရန် အကျဉ်းချထားခြင်းလည်း ခံရပါသေးတယ်။ ခေါင်းကွဲတဲ့အထိ အရိုက်ခံရလို့ ခုထက်ထိ ဆရာတော်ရဲ့ဦးခေါင်းမှာ ဒဏ်ရာရွတ်တွေ ကျန်နေပါသေးတယ်။

ဖမ်းထားချိန်မှာ လက်ပြန်ကြိုးတုပ်ပြီး ကျွဲချီးအပြည့်ရှိတဲ့ ကျွဲ ခြံထဲမှာ တစ်
ညလုံး ပစ်ထားခဲ့ပါတယ်။ မနက်လင်းမှ လူသတ်ပြီး ယဇ်ပူဇော်မယ်လို့ ဆိုတယ်။ ဆရာတော်လောင်းလျာလည်း တစ်ညလုံး ဘုရားဂုဏ်တော်၊တရားဂုဏ်တော်၊ သံဃာ့ဂုဏ်တော်တွေ နမောတေ ဂါထာတော်တွေ
ရွတ်ဖတ်တဲ့အပြင် လူဆိုးတွေကိုလည်း မေတ္တာပို့ပါတယ်။

နံနက် အရုဏ်လင်းခါနီးမှာ ချည်ထားတဲ့ကြိုးတွေ အကုန်လုံး ပြတ်ကုန်ပါ
တယ်။ ပိတ်ထားတဲ့တံခါးတွေလည်း ဝုန်းကနဲ ပွင့်ထွက်ကုန်တယ်။
တာဝန်ကျ အစောင့်က လန့်ပြီး သူတို့ခေါင်းဆောင်ကို သွားခေါ်လာ
တယ်။ ချည်ထားတဲ့ကြိုးတွေ ပြတ်သွားတာ ခိုင်ခန့်တဲ့ တံခါးတွေ ပွင့်ထွက်သွားတာကို မြင်ရတော့သူတို့တတွေ အနားမှာ မကပ်ရဲကြပါ။

ဆရာတော် လောင်းလျာက နီပေါစကားနဲ့ “ဘာကြောင့် သူ့ကိုဒီလို ဖမ်းရတာလဲ၊ ငါ့မှာ နီပေါသံဃာ့ဥသျှောင်ပေးလာတဲ့ စာတစ်စောင်ရှိတယ် ။
ရော့ဖတ်ကြည့်”ဆိုပြီး သူတို့က အဲဒီစာကို ယူဖတ်ကြည့်ပါတယ်။
(ဆရာတော်သည် ရှမ်း၊ ထိုင်း၊ လော၊ နီပေါ၊ တိဗက် စကားတွေကို ပြောတတ်ပါတယ်) စာဖတ်ပြီးတာနဲ့ သူတို့မှားတဲ့အကြောင်း၊ သူတို့ကို အပြစ်မယူဖို့ တောင်းပန်ကြပါတယ်။ အဲဒီစာက “ကိုရင်လေး ရောက်တဲ့နေရာမှာ ကူညီကြဖို့” နီပေါသံဃာ့ဥသျှောင်ကြီးရဲ့ မေတ္တာ ရပ်ခံစာပဲဖြစ်ပါတယ်။ နောက်ပိုင်း သူတို့လည်း လိုအပ်တာ ပြန်လည် ကူညီခဲ့ကြပါ
တယ်။

သတို့သားလောင်းဘဝ
----- ---- ----- ----

ဟိမဝန္တာမှာ တရားသွားကျင့်စဉ် တစ်ခါတစ်လေ ရွာထဲသွားပြီး ဆွမ်းခံကြွရပါတယ်။ တစ်ရွာဝင်တစ်ရွာထွက်ပါ။ တစ်နေ့တော့ရွာတစ်ရွာ ဆွမ်းခံကြွသွားချိန် အမျိုးသမီးကြီး တစ်ယောက်က ကိုရင်ဉာဏသံဝရကို မြင်တာနဲ့သားအရင်းလို သံယောဇဉ်ဖြစ်မိတယ်။ နောက်တစ်နေ့ သူမ သဘောနဲ့သူကြံစည်ပြီး ကိုရင်ကို အိမ်သို့ပင့်ပါတယ်။ ရွာထဲက လူတွေကိုလည်း အားလုံးဖိတ်လိုက်ပါသေးတယ် ။ ကိုရင်အထင်ကတော့ တစ်ရွာလုံးကျွေးမွေးတဲ့အလှူလို့ထင်ထားမိတယ်။ အချိန်တန်လာတော့ သူမရဲ့သမီးလေးကို သတို့သမီးဝတ်စုံနဲ့ မင်္ဂလာဆောင်ပေးပါတော့တယ် ။

ကိုရင်လည်း အတန်တန်ငြင်းဆိုခဲ့တယ်။ အများနဲ့ တစ်ယောက်ဆိုတော့ ထလို့လည်း မနိုင်၊ ထိုင်လို့လည်း မဖြစ်၊ ကုလားမင်္ဂဆောင်ပွဲကို မနွဲချင်ပေမယ့် နွဲခဲ့ရပါတယ်။ သတို့သမီးနဲ့အတူ ထမင်းစားခိုင်းသော်လည်း ကိုရင်မစားခဲ့ပါဘူး။ မိမိသပိတ်ထဲမှာသာ ဆွမ်းဘုဉ်းပေးခဲ့ပါတယ်။နေ့လည်စာကျွေးပြီး ပရိသတ်တွေလည်းပြန်သွားကြပါပြီ။ ကိုရင်လည်း သပိတ်ဆေးဖို့ ထွက်လာရင်း နမောတေ ဂါထာတော်ကို ရွတ်ဖတ်ပြီး ရွာကနေ ထွက်လာခဲ့တယ်။ တစ်ယောက်တစ်လေမှ သူ့ကို မြင်ခဲ့ဟန်မတူ။

သတို့သားဘဝကနေ ကိုရင်လွှတ်မြှောက် လာခဲ့ပါတယ်။ နောက်ပိုင်း
ကျန်းမာရေး ချို့တဲ့ခဲ့တာကြောင့် ဟိမဝန္တာကနေ ထွက်ခွာပြီး ထိုင်းနိုင်ငံကို ပြန်ရောက်လာပါတော့တယ်။ သက်တော် ၂၀မှာ ရဟန်းဘဝသို့ ရောက်ရှိခဲ့ပါတယ်။

ရဟန်းဘဝ
----- ----

စာရေးသူက မိုင်းဖုန်းဆရာတော်ကို ၁၉၉၃ ခုက ရန်ကုန် ခေမရဌ်ကျောင်းမှာ စတင်ဖူးတွေ့ရပါတယ်။ နဂါးနှစ်ကောင်ဆရာတော်ဘုရားကြီးရဲ့ကျေးဇူးကြောင့် တွေ့ခွင့်ရတာပါ။ မိုင်းဖုန်းဆရာတော်ကို စတွေ့တော့ ဆရာတော်က နူးညံ့သိမ်မွေ့တယ်။ ဂါရဝတရား လွန်စွာ အလေးထားတာတွေ့ရတယ်။ စာရေးသူတို့အဖွဲ့ မိုင်းဖုန်းဆရာတော်နဲ့အတူ ဓာတ်ပုံရိုက်ခွင့်လဲ ရခဲ့တယ်။အဲဒီခေတ်တုန်းက ဖလင်ခေတ်ပါ။
(တချို့ ဓာတ်ပုံဆရာတွေ ခွင့်မရဘဲ မိုင်းဖုန်းဆရာတော်ရဲ့ ပုံကို ရိုက်ယူပေမယ့် ပုံမထွက်ဘူးလို့ ဆိုကြတယ်)

၁၉၉၆ ခု။ မိုင်းဖုန်းဆရာတော်ရဲ့ မွေးနေ့ကိုကြွခဲ့တယ်။ တိုက်ဆိုင်မှု တစ်ခုပြောပြပါရစေ။ စာရေးသူ မိုင်းဖုန်းကို မသွားခင် တာချီလိတ်ကနေ မန်တုံ ဖတ်ဟိရွာကျောင်းမှာ သွားတည်းခဲ့တယ်။ မန်တုံဖတ်ဟိဆရာတော်က မိုင်းဖုန်းဆရာတော်ရဲ့ ငယ်သူငယ်ချင်းပါ။ ဖတ်ဟိဆရာတော်ကလည်း ထိုင်းနိုင်ငံကနေ အလည်ပြန်ရောက်လာတဲ့ အချိန်ဖြစ်တယ်။

ည စာရေးသူနဲ့ စကားပြောရင်း မိုင်းဖုန်းဆရာတော်အကြောင်း ပါလာတယ်။မန်တုန်ဖတ်ဟိဆရာတော်က ထိုင်းကိုယ်တော် တစ်ပါးနဲ့တွေ့ပြီး အဲဒီထိုင်းကိုယ်တော်ကလည်း ဟိမဝန္တာတောင်ကနေပြန်လာတာ သိပ်မကြာသေးဘူးလို့ ဆိုတယ်။ သူက မိုင်းဖုန်း ဆရာတော် တရားကျင့်သွားတဲ့ နေရာတွေကိုလိုက်ပြီး တရားသွားကျင့်ခဲ့တယ်လို့ ဆိုတယ် ။
ရွာတစ်ရွာရောက်တော့ ကျောင်းဟောင်းတစ်ကျောင်းထဲမှာ သူတရားသွားထိုင်နေချိန် ရွာသားတစ်ယောက် လာဖူးပါတယ်။ နောက်ပြီးတော့
ပစ္စည်း တစ်ခု တယုတယ လာပေးပါတယ်။အဲဒီပစ္စည်းက မိုင်းဖုန်း
ဆရာတော်ရဲ့ ပစ္စည်းမေ့ကျန်ခဲ့တာလို့ ပြောပြီး ပိုင်ရှင်ထံ ကြုံရင် ပြန်
အပ်ပေးဖို့ ပြောပါတယ်။

ထိုင်းကိုယ်တော်လည်းအဲဒီပစ္စည်းကို လက်ခံပြီး ထိုင်းကို ပြန်လာခဲ့
တယ်။ ဘန်ကောက်မှာ ဝမ်တုံဖတ်ဟိဆရာတော် ခူးဝါးခမ်းလှိုင်းနဲ့တွေ့တော့ အဲဒီပစ္စည်းလေး ပေးလာကြောင်း သိရပါတယ်။

စာရေးသူက အဲဒီပစ္စည်းလေးကို ကြည့်ပါရစေဆိုပြီး တောင်းဆိုတော့ ခူးဝါးခမ်းလှိုင်းက အဖုံးပါတဲ့ ဝါးဆစ်ဗူးလေး တစ်ခုကို ယူလာပြတယ်။
ဖွင့်ကြည့်တော့ တောကြက်ဥအရွယ် ကြည်လင်တဲ့ ပယင်းကျောက်တစ်လုံးဖြစ်နေတယ်။ ဝမ်တုံဖတ်ဟိဆရာတော်က မွေးနေ့ရောက်ရင်
မိုင်းဖုန်းဆရာတော်ကို သွားကပ်ပေးမယ်လို့ ပြောပါတယ်။ နောက်တစ်နေ့ စာရေးသူ တစ်ပါးတည်း မိုင်းဖုန်းထံကို ရောက်သွားတယ်။ရောက်ရောက်ချင်းပဲ မိုင်းဖုန်းဆရာတော်ကမေးတယ်။

“နောင်တော် စ၀်ပီဆုခမ်း၊ တပည့်တော်ရဲ့ လွန်ခဲ့တဲ့ ၁၄နှစ်က ပျောက်သွားတဲ့ ကျောက်မယူခဲ့ဘူလားဘုရား”တဲ့။ (စာရေးသူဟာမိုင်းဖုန်းဆရာတော်ထက် ဝါရော သက်တော်ရော ၂ နှစ်ကြီးပါတယ် ။ ဒါကြောင့် စာရးသူကို နောင်တော်လို့ပဲ အမြဲခေါ်တယ်)

စာရေးသူ စဉ်းစားတယ်။ မနေ့ညက ဖတ်ဟိဆရာတော်နဲ့ ၂ ဦးသား
ပြောခဲ့တဲ့စကား မိုင်းဖုန်းဆရာတော် ဘယ်လိုလို့ သိသလဲပေါ့။
“အရှင်ဘုရား ဘယ်လိုလို့ သိသလဲဘုရား တပည့်တော် မယူခဲ့ပါဘူး
ခူးဝါးခမ်းလှိုင် လာမှပဲ ယူလာမှာတဲ့ဘုရား”

“သိတာပေါ့ဘုရား ကိုယ့်ပစ္စည်းမှန်ဆိုတာ ကိုယ့်ထံပြန်ရောက်စမြဲပါဘုရား” နောက်ပိုင်း မိုင်းဖုန်းဆရာတော် မွေးနေ့ကို မကြာ
မကြာ ရောက်ဖြစ်ပါတယ်။

၂၀၀၂ ခုတုံးက ဆရာတော်နဲ့အတူ တရုတ်ပြည် ဆစ်ဆောင်ပန်းနားဒေသနဲ့လောနိုင်ငံကို ရောက်သွားသေးတယ်။ သာသနာပြုခရီး
တစ်လျှောက်လုံးဆရာတော်ကို လာရောက်ဖူးမျှော်ကြတဲ့သူတွေ၊ တောရောမြို့ပါမကျန် နေရာတိုင်းမှာ လူတွေပြည့်လျှံနေတာ တွေ့ရတော့ ဆရာတော်ရဲ့ မေတ္တာဓာတ်ကို ပိုကြည်ညိုလေးစားမိတယ်။ ဆရာတော်နဲ့အတူ လိုက်လေ့ရှိတော့ ဆရာတော် ဘာကြောင့် ဘုန်းကြီးသလဲဆိုတာ သိသာပါတယ်။

ဗုဒ္ဓဿ ပူဇံ မဟာတေဇဝန္တော ဘုရားပူဇော် တန်ခိုးကျော်ဆိုတဲ့အတိုင်း မိုင်းဖုန်းဆရာတော် ဘုရားရှိခိုးတာ မနက်ရော နေ့ခင်းရော ညနေ ညပိုင်းရောဆိုရင် တစ်နေ့ကို အနည်းဆုံး ၆ နာရီရှိပါတယ်။

ကားစီး ခရီးထွက်နေတာတောင်မှ ဆင်းတုတော်ကို ထုတ်ပြီး ပွေ့ထားကာ ဘုရားဝတ်တက် မပျက်ခဲ့ပါဘူး။ ရောက်တဲ့နေရာ သွားတဲ့ခရီးလမ်းတစ်လျှောက်မှာ မေတ္တာပို့တယ်အမျှဝေပါတယ်။ အလှူဒါန အမြဲလုပ်ပါတယ်။ ဆွမ်းစားတာတောင်မှ နီးစပ်တဲ့ ဆရာတော် သံဃာတော်များကို ဆွမ်းတွေ ဆွမ်းဟင်းတွေ စေတနာပါပါနဲ့ အမြဲတမ်း ခူးထည့်ပေးပါတယ်။
ဆရာတော်ကတော့ ဧကာသနိက် တစ်နေ့ကို ဆွမ်းတစ်ထပ်ပဲ ဘုဉ်းပေးပါတယ်။

ဇန္နဝါရီ ၅ ရက် မွေးနေ့မှာ အစာရေစာ မသုံးဆောင်ဘဲ စကားမပြောဘဲ နေသွားပါတယ် ။ငယ်စဉ်ကတည်းက သားငါး စားချင်စိတ်မရှိခဲ့လို့
သက်သတ်လွှတ်ပဲ ဘုဉ်းပေးပါတယ်။

ဝါတွင်း ၃ လပတ်လုံး တစ်ပါတည်း ဂူထဲမှာပဲ သီတင်းသုံးပြီး ကိုယ်ပိုင် လုပ်ငန်းအတွက်တရားကျင့်ပါတယ်။ ဝါပ ၉ လကတော့ အများအကျိုး သာသနာအကျိုးအတွက် သာသနာပြု ခရီးထွက်ပါတယ်။

စာရေးသူကို ဆရာတော်က ပြောဖူးတယ်။ “တချို့လူတွေက မိုင်းဖုန်းဆရာတော်ဟာ ငွေတွေ အများကြီးရှိပြီးဘဏ်မှာ အများကြီး စုထားမယ်လို့ထင်ကြတယ်။ တပည့်တော်က ဘဏ်မှာ ငွေမစုပါဘူး ဘုရား။ ဒါပေမယ့် ဘဏ်တစ်ခုတော့ ရှိထားတယ်။ အမြဲလည်းစုတယ်။ နေရာတိုင်းလည်း အချိန်မရွေး စုပါတယ်။ အဲဒီဘဏ်က နောင်ဘဝအထိ အာမခံခက်ရှိတဲ့ ကုသိုလ်ဘဏ်ပါဘုရား”တဲ့။

မိုင်းဖုန်းဆရာတော် သက်တော်ရာကျော်ရှည်ပါစေ။
သာသနာပြု လုပ်ငန်းများ အစစအရာရာ အောင်မြင်ပါစေ။
Credit-တောင်တန်းသာသနာပြုဆရာတော် အရှင်သုခမိန္ဒ စ၀်ဆုခမ် ။ ။

" မိုင်းဖုန်းဆရာတော်၏ ထူးခြားချက်များ ... "
----- ---------- ------ -------------- ---------- ------ ---------
ဆရာတော်၏ ထူးခြားချက်များမှာ....

(၁) ငယ်စဉ်ကတည်းကစပြီး သက်သတ်လွတ်ဘုဉ်းပေးခြင်း။
(၂) ငယ်စဉ်ကတည်းကစ၍ကမ္မဋ္ဌာန်းဘာဝနာကျင့်ကြံခြင်း။
(၃) လူသူကင်းမဲ့သည့် တောတောင်အတွင်းရှိ ဂူများတွင် တစ်ပါးတည်းမကြောက် မ ရွံ့တရားအား ထုတ်ခြင်း။
(၄) ဘာသာစကားအမျိုးမျိုး စာပေအမျိုးမျိုး သင်ယူခြင်းမပြုဘဲ အလိုလိုတတ်မြောက်နေခြင်း။
(၅) မတ်တတ်အနေအထားဖြင့် ခုနှစ်ရက်တိုင်တိုင် မလှုပ်မရှားပဲ တစ်ဆက်တည်းကျင့်ကြံနိုင်ခြင်း။
(၆) .ထိုင်လျှက် အနေအထားဖြင့်ခုနှစ်ရက်တိုင်တိုင် တစ်ထိုင်တည်းတရားအားထုတ်နိုင်ခြင်း။
(၇) .၀ါတွင်းသုံးလအတွင်းဂူ(သို့) တောတောင်တစ်နေရာရာတွင် စဉ်ဆက်မပြတ်တရားထိုင်ခြင်း။
(၈) .၀ါတွင်းသုံးလ ဂူအောင်းနေစဉ် ဆွမ်းဘုဉ်းပေးခြင်းမရှိဘဲ သစ်သီး၊သစ်ဥ၊ သစ်ဖုများကိုသာ အဟာရ အဖြစ်မှီဝဲခြင်း။
(၉). ၀ါတွင်းသုံးလ ကာလအတွင်း အမြဲတမ်းဝစီပိတ်ကျင့်ကြံခြင်း။
(၁၀). လူ၊နတ်၊သတ္တ၀ါတို့အား သွန်သင်ဆုံးမသြ၀ါဒစကားကို တရားတော်များနာပွားနေခြင်းမှ အလိုလို ပေါ်ပေါက်လာခြင်း။
(၁၁). လူ၊နတ်၊သတ္တ၀ါအားလုံး အဆင့်အတန်းမခွဲခြားဘဲမျှမျှတတ မေတ္တာထား ဆက်ဆံခြင်း။
(၁၂). အများတကာမှာ အလွန်ချမ်းနေပြီး ဖိနပ်၊ ခြေအိတ် အပြည့်အစုံနှင့် သွားလာနေထိုင် သော်လည်း ဆရာတော်မှာ ဗလာခြေဖြင့်ကြွ တော်မူခြင်း။
(၁၃). အများတကာမှာအလွန်ပူလောင်နေသည့် ကျောက်ခဲ
ကျောက်စရစ်သဲပြင်များတွင် ဖိနပ်ဖြင့်သာသွားလာ၍ရသော နေရာများ တွင်လည်း ဆရာတော်မှာ ဗလာခြေဖြင့်သာ ကြွချီတော်မူခြင်း။
(၁၄). ရွှေ ၊ငွေ၊ ရတနာ အ၀တ်အစား အသုံးအဆောင် အစားအစာများအားလုံး
နှမြောတွန့်တိုခြင်းမရှိဘဲ လူအများသို့ဒါန ပေးလှူခြင်း။
(၁၅).မရေမတွက်နိုင်သော သာသနိက အဆောက်အဦး၊ စေတီ၊ ပုထိုးတည်ဆောက်ရေးလုပ်ငန်း တို့တွင်ပါဝင်လှူဒါန်းခြင်း။
(၁၆). ရပ်နီးရပ်ဝေး မည်သည့်နိုင်ငံ၊မည်သည့်နေရာဋ္ဌာနသို့မဆို အဓိဋ္ဌါန်ပြုပါက အခက်အခဲမရှိ ကြွရောက်တော်မူနိုင်ခြင်း။
(၁၇). မိမိ၏အတိတ်ဘ၀ အဆက်ဆက်ကို သိတော်မူခြင်း။
(၁၈). မိမိ၏ အနာဂတ်ကို ကြိုတင်သိတော်မူခြင်း။
(၁၉).မျက်နှာမြင်ရုံမျှဖြင့်တစ်ဖက်သား၏အတွင်းစိတ်ကို သိတော်မူခြင်း။
(၂၀). နေ့စဉ်နံနက်၊ညမပျက်မြတ်စွာဘုရားထံဝတ်ပြုဆုတောင်းမေတ္တာပို့သခြင်း။
(၂၁).ဗုဒ္ဓသာသနာဆိုင်ရာတန်ခိုးကြီးအထွတ်အမြတ်နေရာဋ္ဌာနအားလုံးကိုသိမြင်တော်မူခြင်း။
(၂၂).သီလ၊သမာဓိဂုဏ်ကြောင့် အဆိပ်ရှိသတ္တ၀ါများ အကိုက်ခံရခြင်းမရှိခြင်း။
(၂၃). ကိုယ်ခန္ဓာမကြီးမသေး၊ မနိမ့်မမြင့်၊ မ၀မပိန်၊ အသံသြဇာရှိခြင်း။ လူအများက သူထက်ငါဖူး မြော်လိုခြင်း၊ တစ်ကြိမ်ထက်မက လှူဒါန်းလိုခြင်း၊ တရားနာပြီးရင်းထပ်မံနာလိုခြင်း၊ သတင်းကြားရုံဖြင့် ဖူးမြော်လိုစိတ် အလိုလိုပေါ်ပေါက်ခြင်း။
(၂၄). မြန်မာနိုင်ငံ၊ ထိုင်းနိုင်ငံ၊ လောနိုင်ငံ၊ တရုတ်ပြည်သူ့သမ္မတနိုင်ငံ၊ ဘူတန်နိုင်ငံတို့မှ ဆရာတော်များကဘွဲ့တံဆိပ် ဆက်ကပ်ခြင်းကို ခံရခြင်း တို့ဖြစ်ကြောင်းထပ်မံသိရသည်။

ဗိုလ်ချုပ်ခင်ညွန့် အာဏာရှိစဉ်က ဆရာတော်ကို သွားရောက်ဖူးမျှော်ပြီး ငွေသားအမြောက်အများ လှူဒါန်းခဲ့ပေမယ့် အဲဒီအလှူခံ ရရှိငွေတွေ အားလုံးကို ဒကာ၊ ဒကာမတွေကို ပြန်စွန့်ကြဲလှူ လိုက်ပါတယ်ဆိုတာတွေ ပြည်သူတွေ ပါးစပ်ဖျား ပြောစမတ် ဖြစ်ခဲ့ကြသည်။

ဆရာတော်အား သျှမ်းခေါင်းဆောင်များကို စည်းရုံးရေးတရားဟောခြင်း
ပြည်ထောင်စုမှခွဲထွက်ရေး တရားဟောခြင်း များပြုလုပ်ခဲ့သည့်ဟုဆုိုကာ ယခင်အစိုးရမှ မတရားစွပ်စွဲမှုများဖြင့် ၂၀၀၄ ခုနှစ်နှစ် အလည်ပိုင်းတွင် ဆရာတော်အား ဖမ်းဆီးရန် ကြံစည်လာသဖြင့် ဒကာ၊ဒကာမ များ၏ အသနားခံ လျှောက်ထားမူကြောင့် ထိုင်းနိုင်ငံသို့ ခေတ္တ ရှောင်တိမ်းကြွချီရာမှ ပြန်လည် ပြည်ဝင်ခွင့် မပေးတော့ဘဲ ပြည်ဝင်ခွင့် ပိတ်ထားခြင်း
ကြောင့် ထိုင်းနိုင်ငံ၌သာ သီတင်းသုံးခဲ့ရပြီး နောက်ပိုင်းမှ မြန်မာနိုင်ငံသို့
ပြန်လည်ကြွချီနိုင်ခဲ့သည်။

မိုင်းဖုန်းဆရာတော်သည် ငယ်စဉ်ကတည်းက တရားဓမ္မ ကျင့်ကြံ ပွားများအားထုတ်ခြင်း၊ အကျင့်သီလ မြဲမြံမှုရှိခြင်း၊ စေတီပုထိုးများစွာ တည်ထား၍ သာသနာပြုခြင်းတို့ကြောင့် မြန်မာပြည်မှ တိုင်းရင်းသားများ၊
သျှမ်းတိုင်းရင်းသားများအပြင် ထိုင်းနိုင်ငံမှလည်း ကြည်ညိုကိုးကွယ်သူများ များပြားကြောင်းတွေ့ရှိရသည်။

The Ladies News