Latest News

CREDIT

သတင်းစုံပျော်ဝင်အိုးကြီးတွင် ဖော်ပြထားသည့် သတင်း၊ဓာတ်ပုံများသည် သက်ဆိုင်သူများ၏မူပိုင်သာဖြစ်ကြောင်း အသိပေးအပ်ပါသည်။

Thursday, June 7, 2018

ကျိုက်ထီရိုးစေတီတော်မြတ်မှ ရင်နင့်ဝမ်းနဲဖွယ်ရာမြင်ကွင်းများ အတော့်ကိုစိတ်မကောင်းပါ


ကျိုက်ထီရိုးစေတီတော်မြတ်မှ ရင်နင့်ဝမ်းနဲဖွယ်ရာမြင်ကွင်းများ အတော့်ကိုစိတ်မကောင်းပါတကယ်တော့ကျမတို့ကျိုက်ထီးရိုးစေတီတော်ကို မဖူးဖြစ်တာ ၁၀ နှစ်နီးပါးရှိပါပြီ ။ ပြီးခဲ့တဲ့လ ကမှ Cable လဲစီးပြီးဘုရားဖူးဖြစ်တော့ Cable စီးရတာလူကြီးတွေ အတွက်အတော်လေးအဆင်ပြေတာတွေ့ရပါတယ် ။သိသိသာသာအချိန်ကုန်လဲသက်သာတယ် ။ ရှုခင်းတွေလဲကြည့်ရတယ် ။ တစ်ခုပဲ Cable စီးဖို့ကားကိုအရင်စီးပြီးလမ်းတစ်ဝက်ကျမှ Cable ကိုတက်စီးရတော့ တက်လိုက်ဆင်းလိုက်တော့ဖြစ်တာပေါ့ ။ဘုရားမဖူးဖြစ်တာ ၁၀ နှစ်ကျော်ကြာပြီး အခုပြန်ဖူးရတော့ ရင်ထဲမှာတော်တော်ကိုကြည်ညိုပီတိဖြစ်မိပါတယ် ။

ရင်ပြင်တော်ပေါ်ကအဆောက်အဦးတွေအကုန်လုံးက ၁၀ နှစ်တာကာလနဲ့ယှဉ်ရင်ကျေနပ်စရာကောင်းလောက်အောင်ပြောင်းလဲလာတာတော့မတွေ့ရပေမဲ့ အဆင်ပြေနေပါသေးတယ် ။အဆင်မပြေတာက ဘုရားပေါ်အတက်အဆင်း လမ်းမပေါ်က အလွန်ညစ်ပတ်စွာရောင်းချနေတဲ့ဈေးဆိုင်တန်းများနဲ့ တန်းစီးစနစ်ကိုအခုထိ လုံးဝမလုပ်နိုင်သေးတဲ့ ညံ့ဖျင်းတဲ့ စီမံခန့်ခွဲမှုပါပဲ ။လွန်ခဲ့တဲ့ ၁၀ နှစ်မပြောနဲ့ကျမတို့မမွေးခင်တည်းက ဒီကားတွေကို ခုလ်ိုလုတက်ကြတဲ့စနစ်က ခုချိန်ထိမပြောင်းလဲနိုင်သေးတာ ကျမ တော်တော်လေးကို စိတ်ဓါတ်ကျ မိပါတယ် ။ တာဝန်ရှိလူကြီးမင်းများကိုအခွင့်သာရင် ကျမ ရိုသေစွာသွားပြောပြီးမေးချင်ပါသေးတယ် ။

လက်ရှိတန်းစီစနစ်ကို ကျင့်သားမရသေးတဲ့ ဒီနိုင်ငံကိုပဲအပြစ်မပြောပါနဲ့ ။ ကျမတို့ကိုယ်တိုင် နေရာတကျတန်းစီပြီးတက်ရင်တောင် လူကြီးမင်းတို့ဘက်က တန်းစီစနစ်ကို တင်းကြပ်စွာမလုပ်ထားတဲ့အတွက် ကျမတို့ တန်းစီတဲ့သူတွေ က နောက်ဆုံးမှာဘီးဖက်လိုက်ဖို့ပဲရှိပါတယ် ။တန်းစီတဲ့သူတွေထဲမှာ သက်ကြီးရွယ်အိုတွေ , ဘုန်းကြီးတွေ , နိုင်ငံခြားသားတွေပါနေတာလဲ အလွန်ကိုဝမ်းနည်းစိတ်ပျက်စရာကောင်းနေပါသေးတယ် ။

လာတဲ့ခရီးသည်များကို ကားနံပါတ်အလိုက် ခုံနံပါတ်ကိုဖြတ်ပေးလိုက်မယ်ဆိုရင် ကုန်ကျစရိတ်လဲဘယ်လောက်မှ မတက်သွားသလို သမိုင်းဝင်စေတီတော်ကြီးရဲ့မြင်ကွင်းကိုလဲခုလောက်ထိ အရုပ်ဆိုးစေမှာမဟုတ်ပါဘူး ။နောက်ပြီး လမ်းတစ်လျှောက် ကျမတို့ ဗိုက်ဆာရင် ရင်ပြင်တော်ပေါ်မှာ စားစရာ သန့်သန့်ပြန့်ပြန့်တစ်ဆိုင်မှမရှိတဲ့အပြင် ဆိုင်တန်းအားလုံးနီးနီးက ဖုန်တစ်ထောင်ထောင်း

ယင်တစ်လောင်းလောင်းနဲ့ရောင်းနေတဲ့ လမ်းဘေးဈေးသည်တွေချည်းပါပဲ ။ အရင် ဆီထမင်းပူပူလေး ဂျိုးကြော်နဲ့စားရတဲ့ ဆိုင်လဲ ဘယ်နှစ်ရက်က ဆီထမင်းမှန်းမသိ ဂျက်ခဲကြီးကိုဖြစ်လို့ ။အချဉ်ပေါင်းတွေကလဲ ယင်ကောင်ပေါင်းတွေလိုပဲညစ်ပတ်လိုက်တာမှ ရှက်စရာကောင်းလိုက်တာမှ ပုံမှာကြည့်လို့ရပါတယ် ။ကျမ တ်ာတော်ကိုဒေါသထွက်မိပါတယ် ။ ဒါ လမ်းဘေးဈေးဆိုင်တန်းမဟုတ်ပါဘူး ။

ကမ္ဘာတစ်ဝန်းက နိုင်ငံခြားသားတွေကိုယ်တိုင် တလေးတစားလာရောက်ကြည့်ရှု တဲ့ ကျမတို့တစ်နိုင်ငံလုံးရဲ့ အရေးကြီးတဲ့အထွတ်အမြတ်တစ်နေရာ ပါ ။ဒီလောက်ကြီးမြတ်တဲ့နေရာမှာ လမ်းဘေးဈေးဆိုင်တန်းထက်နိမ့်ကျတဲ့ အပြင်အဆင်တွေ , ဈေးသည်တွေဘတ်စ်ကားတိုးစီးတာထက်တောင် ရုပ်ပျက်တဲ့မြင်ကွင်းတွေကို ဘာလို့လက်ခံနေသေးတာလဲ ကျမ စဉ်းစားလို့မရပါဘူး ။

စည်းကမ်းဆိုတာ နိုင်ငံရေးပါ ။ တစ်နိုင်ငံလုံးနဲ့ဆိုင်တဲ့ ဘုရားမှာစည်းကမ်းမရှိတာ ဒါတစ်နိုင်ငံလုံးသိက္ခာနဲ့ဆိုင်တဲ့နိုင်ငံရေးပါပဲ ။ ဒါကြောင့် တာဝန်ရှိသူများအမြန်ဆုံး ဒီကိစ္စတွေကိုဖြေရှင်းပေးကြဖို့ မျှော်လင့်ရင်းနဲ့ ဒီစာကိုတင်လိုက်ပါတယ် ။ကျမ လျှာရှည်တယ်လို့ထင်ကြလဲထင်ကြပါစေ ။ဒါကျမ တစ်ယောက်ထဲနဲ့ဆိုင်တဲ့ကိစ္စမဟုတ်လို့

ကျမ ကြောင့်တစ်ခုခုအရာရောက်သွားရင်လဲ ကျမလျှာရှည်ရကျိုးနပ်ပါတယ် ။ ဒါကြောင့် တစ်ဆင့်စကား တစ်ဆင့်နားနဲ့ ဘုရားနားက လူကြီးမင်းများနဲ့ ဘုရားကြီးအကျိုးတော်ဆောင် ဂေါပကလူကြီးမင်းများထိ ရောက်ရှိဖို့ ကူညီကြပါဦး ။နောက်အခေါက်ခေါက်အခါခါ ကျမတို့မြေးမြစ်တွေထိသန့်ပြန့်သောသာသနာ့နယ်မြေမှာ သန့်ပြန့်သော စားစရာများကိုစားရင်း သန့်ပြန့်သောစည်းကမ်းများဖြင့်သန့်ပြန့်စွားဖူးပါရစေ ဘုရား ။

ထမီကြီးနဲ့ တန်းမစီသူအဖုံးမပါ ယင်ကောင်ပေါင်းများဘာယိုဆိုလား ။ ဘယ်နှစ်ရက်ကြာတဲ့ဟာလဲမသိပါ ။သရက်ယို ဇွန်းကိုလဲကြည့်ကြပါ ။

ယိုက ကပ်တော့ ယင်တွေလဲ ကပ်နေရော ။အချဉ်ပေါင်းတဲ့ ဘုရားရေ ဒါက ပုရစ်ကြော် သန့်သလားမမေးနဲ့ ။ စားလိုက် ။ တန်းခနဲပဲဂျိုးကြော်တဲ့ကွယ် ။ A ကိုက်နေသလားမှတ်ရတယ် ။


ဒါက ကားစပါယ်ယာပါ ။ ကားပေါ်ဖက်တက်ပြီးကားခတောင်းနေတယ် ။ ဒါက မတက်ခင်တည်းက ရုံမှာ လက်မှတ်နဲ့ဖြတ်ပြီး ပိုက်ဆံပေးခဲ့ရမဲ့စနစ် ။ ဒါကို ဖက်ယက်တက်ပြီး တောင်းနေတယ် ။ သူလဲ အန္တရာယ်များတယ် ။ ကားက အရှိန်နဲ့ကွေ့နေတာလေ ။ဒါက Cable စီးတာပါ ။

အတော်လေးအဆင်ပြေပါတယ် ။ ကြာချိန် ၁၀ မိနစ်ခန့်သာရှိပါတယ် ။လမ်းတစ်လျှောက်က နေရာလပ်မကျန်ရှိနေတဲ့ အမှိုက်များ ဆံတော်ရှင် ကျိုက်ထီးရိုးစေတီတော်အား ဦးထိပ်ထားလျှက် ဆုတောင်းပါတယ် ။ ပြောင်းလဲချိန်တန်ပါပြီ ဘုရား ။

ရိုသေစွာဖြင့် ချစ်ထိုက်

Ref – Htike Htike Aung












No comments:

Post a Comment