 |
| မွန်ပြည်နယ် လျှပ်စစ်၊ စွမ်းအင်နဲ့ စက်မှုဝန်ကြီးဌာန ၀န်ကြီး ဦးမင်းထင်အောင်ဟန် ကို တွေ့ရစဉ် / Photo: Kyaw Lwin Oo/ RFA |
ပါတီရဲ့ လုပ်ငန်းလိုအပ်ချက်အရ လူကြီးတွေ စီစဉ်တာကို လိုက်နာတာဖြစ်တယ်လို့ ဦးမင်းထင်အောင်ဟန် က ပြောပါတယ်။
မွန်ပြည်နယ်ဝန်ကြီး ဦးမင်းထင်အောင်ဟန်ကို ရာထူးကနေ နုတ်ထွက်ခွင့်ပြုလိုက်ကြောင်း မနေ့က နိုင်ငံတော် သမ္မတရုံးက ကြေညာချက် ထုတ်ပြန်လိုက်တာဖြစ်ပါတယ်။
သူဟာ မော်လမြိုင်မြို့နယ် မဲဆန္ဒနယ်အမှတ် ၁ ကနေ ပြည်နယ်လွှတ်တော်ကိုယ်စားလှယ်အဖြစ် ရွေးချယ် တင်မြှောက်ခံထားရသူဖြစ်ပြီး ၀န်ကြီးတာဝန် ယူထားစဉ်ကာလအတွင်း ဆောင်ရွက်ချက်တွေအပေါ် ပွင့်လင်း မြင်သာမှု မရှိဘူးဆိုတဲ့ တိုင်ကြားခံရမှုတွေ ရှိတယ်လို့ သတင်းတွေ ထွက်ပေါ်နေသူဖြစ်ပါတယ်။
ပြည်နယ်ဝန်ကြီးချုပ် ဒေါက်တာ အေးဇံ နဲ့ ဦးမင်းထင်အောင်ဟန် တို့အကြား မပြေလည်မှုတွေရှိနေတယ်ဆိုတဲ့ သတင်းတွေနဲ့ပတ်သက်ပြီး ဦးမင်းထင်အောင်ဟန်က ငြင်းဆိုပါတယ်။
ဝန်ကြီးတာဝန်ကနေ နုတ်ထွက်ပြီးနောက် ကိုယ်စားလှယ်တာဝန်တွေ ဆက်လက်ထမ်းဆောင်မှာဖြစ်ပြီး ရွေးကောက်ပွဲ အောင်နိုင်ရေးအတွက် စည်းရုံးရေးလုပ်ငန်းတွေမှာ ပါဝင်ဆောင်ရွက်သွားမယ်လို့ ပြောပါတယ်။
မွန်ပြည်နယ်အစိုးရအဖွဲ့မှာ ၀န်ကြီးချုပ်တာဝန်ကနေ ဦးမင်းမင်းဦး နုတ်ထွက်ပြီးနောက် ဦးမင်းထင်အောင်ဟန်ဟာ ဒုတိယမြောက် နုတ်ထွက်သူ ဖြစ်ပါတယ်။
RFA Burmese
https://www.rfa.org/burmese
No comments:
Post a Comment