 |
| ဓားရှည်များကိုင်ဆောင်ရမ်းကားနေသောအုပ်စုအား ရဲတပ်ဖွဲ့ဝင်များက သွားရောက်ရှင်းလင်းရာ ပြန်လည်ခုခံရန်ပြုသဖြင့် ခြောက်လှန့်ပစ်ခတ်ထိန်းသိမ်းခဲ့ရ၊ အဆိုပါရမ်းကားအဖွဲ့မှ တစ်ဦး သေနတ်မှန်သေဆုံး တစ်ဦး သေနတ်ဒဏ်ရာရ |
ဖြစ်စဉ်မှာ မန္တလေးမြို့ အောင်မြေသာစံမြို့မရဲစခန်း (ပ)၁၉၅/၂၀၁၈၊ ရဇသတ်ကြီးပုဒ်မ ၃၈၆ မှ ၃၉၅/ကျင့်၅၁၂ တရားစွဲတင်ထားသောအမှုမှ တရားခံပြေး ကျော်ကျော်(ခ) မင်းသိန်း (ခ) ကျားပေါက် (ခ) ပေါက်စ နှင့် အောင်ကျော်(ခ) ဂျီဆက်တို့ နှစ်ဦးသည် ၆၆×၆၇လမ်းကြား၊ B လမ်းရှိ ထမင်းဆိုင်တွင် ရောက်ရှိနေကြောင်းသတင်းအရ မေ ၃၁ ရက် ည ၉ နာရီအချိန်က မန္တလေးခရိုင် မှု/နှိမ်မှ ရဲအုပ်အောင်ကိုဝင်း၊ ဒုရဲအုပ်ကျော်ဝင်းမောင်၊ မန္တလေးခရိုင်၊ ဦးစီး(၁)ဌာနမှ ရဲအုပ်ကျော်မျိုးလွင်၊ ရဲအုပ်ဇော်မိုးသန့်၊ ဒုရဲအုပ်ချမ်းမြေ့ဇော်၊ ဒုရဲအုပ် သူရအောင်တို့ ပူးပေါင်းအဖွဲ့မှ သွားရောက်ဖမ်းဆီးခဲ့ပြီး ထိုသို့ဖမ်းဆီးစဉ် ၎င်းတို့အဖွဲ့မှ လူ ၁၀ ဦးခန့်သည် C လမ်းနှင့် ၆၂ လမ်းထောင့်တွင် တွေ့ရှိကြောင်း သတင်းအရ လိုက်လံရှာဖွေရာ မတွေ့ရှိသဖြင့် ခရိုင်(မှုနှိမ်)အဖွဲ့နှင့် နယ်ထိန်းခေါင်းဆောင်အဖွဲ့တို့က ဆက်လက်ရှာဖွေခဲ့ကြသည်။
ထိုသို့ရှာဖွေနေစဉ် အမရပူရမြို့နယ်၊ စွယ်တော်ကားကြီးကွင်းအရှေ့ဘက် ၆၂ လမ်းမကြီးပေါ်တွင် လူငယ် ၂၀ ဦးခန့်သည် ကျော်ကျော်(ခ) မင်းသိန်း(ခ) ကျားပေါက်(ခ)ပေါက်စ နှင့် အောင်ကျော်(ခ) ဂျီဆက်တို့ ၂ ဦးအား ဖမ်းဆီးသည်ကိုမကျေနပ်၍ ဓားရှည်များကိုင်ဆောင်ကာ ရမ်းကားနေကြောင်း သတင်းအရ ည ၁၀:၃၀ နာရီချိန်တွင် မြစ်ငယ်ရဲစခန်းမှ ဒုရဲအုပ် သူရအောင် ဦးစီးသည့် ရဲတပ်ဖွဲ့ဝင် ၈ဦးသည် MA-13 ၃ လက်၊ ၎င်းကျည် ၃၀တောင့်နှင့်အတူ သွားရောက်ရှင်းလင်းရာ အဆိုပါလူငယ်အဖွဲ့မှ ပြန်လည်ခုခံရန်ပြုသဖြင့် ဒုရဲအုပ် သူရအောင်မှ MA-13 ဖြင့် ၁ ချက်၊ ရဲတပ်ကြပ်သက်နိုင်မှ MA-13 ဖြင့် ၃ ချက် ခြောက်လှန့်ပစ်ခတ်ခဲ့ရာ ငဆက်(ခ)ဟိန်းမင်းဆက် (၂၄)နှစ်၊ (၁-၃)ရပ်ကွက်၊ ပြည်ကြီးတံခွန်မြို့နယ်နေသူ၏ လည်ပင်းနှင့် ကျောကုန်းတွင် ပေါက်ထွက်ဒဏ်ရာရရှိကာ အခင်းဖြစ်နေရာတွင် သေဆုံးခဲ့ပြီး၊ စိုင်းထူးအောင် ၂၃ နှစ်၊ ၅၈×၅၉ ကြား၊ (၁-၁)ရပ်ကွက်၊ ပံ့သကြီးတံခွန်မြို့နယ်၏ ပါးပေါက်ဒဏ်ရာရရှိခဲ့ရာ မန္တလေးပြည်သူ့ဆေးရုံကြီးသို့ တင်ပို့ကုသပေးလျက်ရှိကြောင်း သိရသည်။
The Mandalay News Journal
https://www.facebook.com/TheMandalayNewsJournal/
No comments:
Post a Comment