အမြတ်ငွေရရှိမည်ဟုဆိုကာ ငွေကျပ်သိန်းပေါင်းသောင်းချီ လိမ်လည်မှုဖြင့် ကုမ္ပဏီပိုင်ရှင်အား ဖမ်းဝရမ်းထုတ်ထား

ကုမ္ပဏီပိုင်ရှင် ဒေါ်သက်သက်မြိုင်(ခ) ဂျူးဂျူး

ရန်ကုန် ဒီဇင်ဘာ ၂

ရှယ်ယာဝင်များအား အမြတ်ငွေရရှိမည်ဟု ဆိုကာ ငွေကျပ်သိန်းပေါင်းသောင်းချီလိမ်လည် မှုဖြင့်Jude Jude Family ၊Thint Myat Public Holding ကုမ္ပဏီပိုင်ရှင် ဒေါ်သက်သက်မြိုင်(ခ) ဂျူးဂျူးအား ဖမ်းဝရမ်းထုတ်ထားကြောင်း ရန်ကုန် မြို့ ရန်ကင်းမြို့နယ်တရားရုံးမှ သိရသည်။

ကုမ္ပဏီ၏ ဒါရိုက်တာအဖွဲ့ဝင် တစ်ဦးဖြစ်သော ဦးရွှေမိုးစက်

အဆိုပါအမှုတွင် ကုမ္ပဏီ၏ ဒါရိုက်တာအဖွဲ့ဝင် တစ်ဦးဖြစ်သော ဦးရွှေမိုးစက်ကို ပုဒ်မ ၄၂ဝ ဖြင့် အမှုဖွင့်ဖမ်းဆီးထားပြီး ယမန်နေ့က ရန်ကင်းမြို့နယ် တရားရုံး၌ ရုံးထုတ်စစ်ဆေးခဲ့သည်။ ဖြစ်စဉ်မှာJude Jude Family ၊Thint Myat Public Holding ကုမ္ပဏီရုံးတည်ရှိရာ ဆီဒိုးနားဟိုတယ်သို့ ရှယ်ယာဝင်များက နိုဝင်ဘာ ၃ဝ ရက်တွင် သွားရောက်တွေ့ဆုံရာ တိကျသည့်ဖြေရှင်းမှုမရရှိခဲ့ သောကြောင့် ကုမ္ပဏီဒါရိုက်တာအဖွဲ့ဝင် ဦးရွှေမိုး စက်ကို တာဝန်ရှိသူများက ဖမ်းဆီးတရားစွဲဆိုခဲ့ ခြင်းဖြစ်သည်။ အဆိုပါ ဒါရိုက်တာအဖွဲ့ဝင် ဦးရွှေမိုးစက်ကို ရန်ကင်းမြို့နယ် ရဲတပ်ဖွဲ့ ဒုရဲမှူး စိုးနိုင်မှ တရားလိုပြုလုပ်၍ ခြေချုပ်နှင့်ခံဝန်ဥပဒေ၊ ၃(ဂ)၊ လိမ်လည်မှုတွင်ပါဝင်သည်ဟု သံသယဖြင့် တရားစွဲဆိုခြင်းဖြစ်ပြီး လာမည့်ရုံးချိန်းကို ယခုလ ၁၅ ရက်သို့ ပြန်လည်ချိန်းဆိုထားသည်။

အဆိုပါ ကုမ္ပဏီ၏ပိုင်ရှင် ဒေါ်သက်သက်မြိုင် (ခ)ဂျူးဂျူးသည် အစုအစပ်လုပ်ငန်းလုပ်ကိုင်မည် ဟုဆိုကာ ရှယ်ယာများဖိတ်ခေါ်ခဲ့ကြောင်း၊ ကုမ္ပဏီ တွင် ရှယ်ယာထည့်ဝင်သူ ပြည်တွင်း၊ ပြည်ပမှ လူဦးရေ ၁၅ဝဝ ကျော်ခန့်ရှိကြောင်း၊ ရှယ်ယာ ထည့်ဝင်ငွေ အနည်းဆုံးကျပ်ငါးသိန်းမှစပြီး အများ ဆုံးကျပ်သိန်း ၂ဝဝဝ အထိရှိကြောင်းနှင့် လက်ရှိ တွင် ကုမ္ပဏီပိုင်ရှင်က ရှယ်ယာရှင်များအား ရှင်း လင်းပေးခြင်းမရှိဘဲ တိမ်းရှောင်နေကြောင်း ရှယ် ယာရှင်များထံမှ သိရသည်။

မင်းဟိန်း
The Union Daily
https://www.facebook.com/uniondaily.net/

• နာမည်ကြီးတဲ့ရွှေမင်းသမီး ဟန်ဆောင်ဆရာမကို ဖမ်းလိုက်ပြီ