Latest News

CREDIT

သတင်းစုံပျော်ဝင်အိုးကြီးတွင် ဖော်ပြထားသည့် သတင်း၊ဓာတ်ပုံများသည် သက်ဆိုင်သူများ၏မူပိုင်သာဖြစ်ကြောင်း အသိပေးအပ်ပါသည်။

Saturday, November 4, 2017

My little baby,Jara


မင်း ပျော် တယ်။ ငါ ပျော် တယ်။ ဒါဆို အားလုံးပျော် တယ်။

ဖေဖေ ၀မ်စူး နဲ့ သမီးလေး ဂျာ ရာ တို့ သိတ်ကြိုက်ခဲ့ ကြတဲ့ တီဗီ ကြော်ငြာလေးပေါ့။တောင်ကိုရီးယားနိုင်ငံရဲ့ ဂန်ဝါဒေသမှာ နေထိုင်တုန်း ကဖေဖေ နဲ့ သမီးလေး တို့ ဘ၀မှာ မြစ်ပြင်ကျယ်ကြီးရယ်၊စင်ယော်ငှက်ကလေးတွေရယ်၊ ဘုရားကျောင်း က သီချင်းသံတွေရယ်၊ဒါတွေပဲ ရှိခဲ့တာ။ ည ကျရင် သားအဖ ၂ယောက် တီ ဗီ တူတူကြည့်ရင်း ဘ၀တွေ ငြိမ်သက်အေးချမ်းခဲ့တာပေါ့။

ဖေဖေ ၀မ်စူး ဟာ Cerebral Palsy လို့ ခေါ်တဲ့ ( လွယ်လွယ်ပြောရရင်) အကြော တွေ အားနည်းလို့  မသန် တဲ့ ရောဂါ တစ်ခု ဖြစ်နေပါတယ်။မွေးရာပါပေါ့။မြန်မာပြည်မှာတော့ အဲလို ဝေဒနာရှင်တွေကို အလွယ်ပဲ ပိုလီယို လို့ ခေါ်ကြလေ့ရှိပါတယ်။

ဖေဖေ ၀မ်စူးကသမီးလေး ကို ပညာတတ် ကြီးဖြစ်စေချင်တယ်။တောကျောင်းလေးမှာတင် မတင်းတိမ်ဖူးပေါ့။ဒီလိုနဲ့ ဆိုလ်း မြို့ရဲ့ အနုပညာ အထက်တန်းကျောင်း ၀င်ခွင့်ရတယ်။သမီး ထက် အဖေ ကပိုပျော် တာပါ။တောင်ကိုရီးယားနိုင်ငံရဲ့ မြို့တော်ကြီးဆီ သူတို့ လှမ်းခဲ့တယ်။သမီးလေး ဂျာရာ အတွက် ဖိနပ်ကောင်းကောင်း၊ကျောပိုးအိပ်ကောင်းကောင်း ၀ယ်ပေးနိုင်ဖို့  ကြိတ်စုထားတဲ့ ပိုက်ဆံတွေ ဖေဖေ ၀မ်စူး သုံးခဲ့ရတယ်။

ဆိုလ်းမြို့ လူဆင်းရဲ ရပ်ကွက် က တိုက်တန်းလျားတစ်ခုခေါင်မိုးပေါ်မှာ သားအဖ ၂ ယောက် အခြေ ချခဲ့တယ်။ဖေဖေ ၀မ်စူးက စက်ရုံကျ အထည်တွေ(ဘေထုပ်ထည်တွေပေါ့)ကို လမ်းဘေးမှာ ရောင်းဖို့ ကြိုးစားတာ ခနခန မောင်းထုတ်ခံရတယ်။ဒါပေမဲ့ သူ အားမလျော့ခဲ့ဖူး။သမီးလေး ဂျာ ရာ ရဲ့ ကျောင်း စရိတ် အတွက် ငွေလိုတယ်လေ။သဘောကောင်းတဲ့ လမ်းဘေးဈေးသည် တစ်သိုက် ကူညီလိုက်လို့ ဖေဖေ ၀မ်စူး ဈေးရောင်းခွင့်ရခဲ့တာပေါ့။

သမီးလေး ၈ျာရာ ဟာ နယ်မှာ တုန်း က ဘုရားကျောင်း က သင်ပေးထားလို့  ကောင်းကောင်းဆိုနိုင်နေသူပါ။ အတန်းထဲမှာ အသံ လာစစ် တော့ သူ အကောင်းဆုံး ဆိုနိုင်ခဲ့သလို ကျောင်းလက်ရွေးစင် အသင်းအတွက်ပါ ပဏာမ ရွေးခံခဲ့ရတယ်။ဒါဟာ ဂျာရာ အတွက် ကောင်းရော အဆိုးပါ ဖြစ်စေခဲ့တယ်။သူဌေးသမီး ကျောင်းအုပ်ချုပ်ရေးအဖွဲ့ဝင် ရဲ့ သမီး ဟေဆွန်း နဲ့ထိပ်တိုက်တိုးတော့တာပါပဲ။ဂျာရာ့  ကို ခင်မိတဲ့ မင်ဂျောင်းဆိုတဲ့ သိုးမလိုနုံအအ ကောင်မလေး ကတစ်ဆင့် ဟေဆွန်းတို့အုပ်စုက ဂျာရာ့နောက်ကြောင်းကိုရှာဖွေတွေ့ခဲ့တယ်။

ဂျာရာက သူ့ကို လူအထင်ကြီးအောင် သူဟာ အထည် အ၀တ် ထုတ်လုပ်တဲ့စက်ရုံပိုင်ရှင်ရဲ့ သမီးလို့ ညာခဲ့တာကိုး။တတိယနှစ်ကျောင်းသား ၊အဆိုအဖွဲ့ခေါင်းဆောင် ယူဂျင်းကလဲ အဆိုကောင်း၊ရုပ်ချော၊ပိုက်ဆံပေါတဲ့ ၈ျာရာ့ ကို အပိုင်ချည်တော့တာ။အကုန်လွဲကုန်တော့တယ်။ဒီမှာတင် ရှက်ရမ်းရမ်းပြီး ဂျာရာကို ဖျက်ဆီးဖို့ ကြံကြတော့တယ်။

သွေးအေးအေး နဲ့ မိန်းကလေးတစ်ယောက် ဘ၀ ကို ၀ိုင်းဖျက်ဆီးကြတာ ရင်နာနာ နဲ့ ကြည့်ခဲ့ရတဲ့ရုပ်ရှင်ပါ။ဒါတွေကို သူ့အဖေ ၀မ်စူ ကမသိရှာဖူး။ဈေးရောင်းကောင်းနေတာကိုး။သမီးလေးဂျာရာက ဖုန်းဖွင့်ပြီး ဖေဖေ လို့  အော်ဟစ် အကူအညီတောင်းခဲ့ပေမဲ့ ဖေဖေ ၀မ်စူး ကတော့ မကြားနိုင်တော့ပါဖူး။တစ်ထည် ၀ယ်ရင် တစ်ထည် အလကားပေးမယ် ဆိုပြီး ဈေးရောင်းနေတာကိုး။

ဂျာရာ ဟာ သူ့အဖြစ်အပျက်တွေကို ဒိုင်ယာရီစာအုပ်ထဲရေးပြီး သူအလုပ်လုပ်တဲ့ စတိုးဆိုင်မှာ ဖွက်ထားခဲ့တယ်။ဂျာရာ စိတ်ထဲမှာ မြစ်ပြင်ကျယ်၊စင်ယော်ငှက်တွေနဲ့ သီချင်းသံတွေပဲ တမ်းတနေမိတယ်။ဂျာရာ ဆိုးလ်မှာ ဘာဆက်ဖြစ်မလဲ။မသန်စွမ်းအဖေကြီးတစ်ယောက်ကရော။ထင်မှတ်မထားတဲ့ ဘ၀ ရဲ့ အလှည့်အပြောင်းတွေက My little baby,Jara ကို ပုံဖော်လိုက်ကြတယ်။

သမီးလေး ဂျာရာ ပြောနေကြစကားလေးပေါ့။
အိမ် ပြန်ရောက်လာရင် အဖေ က အဖေ ပါပဲ တဲ့။

မသန်စွမ်း အဖေကြီးဟာ တကယ် အဖေ တစ်ယောက်လို သူ့သမီးလေးကိုကာကွယ်နိုင်ခဲ့ရဲ့လား။ကြည်နူးလို့ ကျရတဲ့မျက်ရည်၊နာကျည်းလို့ ကျရတဲ့မျက်ရည်၊အော့နှလုံးနာ မခံချိ မခံသာ လို့ ကျရတဲ့ မျက်ရည်။ အဲသလို မျက်ရည် မျိုးစုံ ကို သယ်ယူသွားတဲ့ရုပ်ရှင်ပါ။

ဂျာရာနေရာက သရုပ်ဆောင်တဲ့ အိုရီဆိုး ဟာ ၂၀၁၇ ခုနှစ်အတွက် အကောင်းဆုံး မျက်နှာ သစ်သရုပ်ဆောင်ဆု ရဖို့  လျာထားခံ လိုက်ရပါပြီ။
channelmyanmar.orgမှာ ကြည့်လို့ ရနေပါပြီ။
ဇာဂနာ