Latest News

CREDIT

သတင်းစုံပျော်ဝင်အိုးကြီးတွင် ဖော်ပြထားသည့် သတင်း၊ဓာတ်ပုံများသည် သက်ဆိုင်သူများ၏မူပိုင်သာဖြစ်ကြောင်း အသိပေးအပ်ပါသည်။

Saturday, November 4, 2017

Always be my maybe



တကယ်တော့ ဖိလစ်ပိုင် ဟာ အာရှတိုက်ရဲ့ သက်တမ်း အရင့်ဆုံး ရုပ်ရှင်ထုတ်လုပ်ခဲ့တဲ့နိုင်ငံပါ။မြန်မာ ပြည်ထက် အများကြီး စောပါတယ်။၁၉၁၉ ခုနှစ်ကထဲက ဇာတ်လမ်းရုပ်ရှင်ကို စတင်စမ်း သပ်နေတဲ့နိုင်ငံပေါ့။

မာကိုစ် သမ္မတ ဖြစ်လာတော့ တိုင်းပြည်ကို စစ်အုပ်ချုပ်ရေးနဲ့ထိန်းကျောင်းလိုက်တာ ရုပ်ရှင် လောက ဟာ ၀ါဒဖြန့်ချိရုံသက်သက်ဖြစ်ခဲ့ရပါလေရော။

၂၀၀၀ပြည့်နှစ် သည်ဖက်ပိုင်းတွေကျမှ ရုပ်ရှင်လုပ်ငန်း ဟာ ပြန်လည် ဦးမော့လာတာပါ။ဒါကလဲ အစိုးရ ကောင်းတစ်ရပ် ရဲ့ စနစ်ကျနတဲ့ ပြုစုပျိုးထောင်မှုလို့ ပြောရပါလိမ့်မယ်။၂၀၁၁ခုနှစ်မှာ ဖိလစ်ပိုင် ဖလင် အကယ်ဒမီ ကိုတည်ထောင်ပေးခဲ့ပြီး ရုပ်ရှင် အနုပညာရှင် အတတ်ပညာရှင်တွေ မွေးထုတ်ပေးခဲ့ ကြပါတယ်။

တစ်ခါအင်မတန်အားရစရာကောင်းတဲ့အချက်တစ်ခုရှိပါသေးတယ်။၂၀၀၉ ခုနှစ်မှာ ရုပ်ရှင်အကဲဖြတ်အဖွဲ့(ဆင်ဆာ Censor လို့ မသုံးနှုန်းပါဖူး။ Regulator စိစစ်ပေးသူပေါ့) ကနေ ရုပ်ရှင်ဇာတ်ကားတွေကို အဆင့်အတန်း သတ်မှတ်ပေးပါတယ်။ အားလုံး ကြည့်လို့ရတဲ့အဆင့်၊ အသက်၁၃နှစ်အောက်ကလေးတွေ မိဘနဲ့  ကြည့်ရမဲ့အဆင့်၊ ၁၈နှစ်အောက် ကလေးတွေ မကြည့်ရမဲ့အဆင့် စသဖြင့် စံနှုန်းတွေ သတ်မှတ်ပေးတဲ့ စနစ်ကို ပြောင်းလဲ ကျင့်သုံးခဲ့ပါတယ်။ဒါကိုပြီးပြီးရော ကျင့်သုံးခဲ့တာ မဟုတ်ပါဖူး။ဆုပေးဒဏ်ပေးစနစ်နဲ့ပါ။

တကယ်လို့ ရုပ်ရှင် ဇာတ်ကားတစ်ကားဟာ အရွယ် သုံးပါး မရွေး ကြိုက်တဲ့အချိန် ကြိုက်တဲ့ နေရာမှာ ကြည့်ခွင့် လက်မှတ် G ဆိုတဲ့ အမှတ်အသားရခဲ့ရင် ဖျော်ဖြေရေးအခွန် ၃၀ ရာခိုင်နှုန်း ကို နိုင်ငံတော် ကရုပ်ရှင်ထုတ်လုပ်သူကိုပြန်လည်ပေးအပ်ခဲ့ပါတယ်။ရုပ်ရှင်ထုတ်လုပ်သူတွေ၊ရုပ်ရှင်ရုံလုပ်ငန်းလုပ်ကိုင်လိုသူတွေ၊ပြည်တွင်းဈေးကွက်မှာ နိုင်ငံခြား က လာရောက်ရင်းနှီးမြှုပ်နှံလို သူတွေအတွက် VAT ခေါ် Value added Tax ၁၂ ရာခိုင်နှုန်း ကို သက်သာခွင့်ပေးလိုက်ပါတယ်။

ဒီလိုနဲ့ ဖိလစ်ပိုင် ရုပ်ရှင်ဟာ အရှေ့တောင်အာရှမှာထိုးထောင်တက်လာလိုက်တာ ခုဆို မြန်မာပြည်ရုပ်ရှင်လောကတောင် ဖိလစ်ပိုင်လက်ထဲ လေးပုံတစ်ပုံတော့ ကျရောက်နေပါပြီ။ အထက်က ပြောခဲ့တဲ့ အစီအမံတွေဟာ လွှတ်တော် နဲ့ အစိုးရက ကွပ်ကဲ စီစဉ်ပေးခဲ့တာပါ။

(တနေ့ က ရုပ်ရှင် အစည်းအရုံးကနေ လွှတ်တော် ကို ဥပဒေ မူကြမ်း ကိစ္စ သွားရောက်ရှင်းလင်းတယ်လို့ ကြားရပါတယ်။အဆိုပါ ကိစ္စရပ်တွေ မပါဖူးလို့ လဲ သိရပါတယ်။ လွှတ်တော် ကိုယ်စားလှယ် မင်းများ နဲ့  အစိုးရ အဖွဲ့ တို့ သတိပြုစေလိုပါတယ်။တောင်ကိုရီယား မိုဒယ် ကိုပဲ ယူယူ ဖိလစ်ပိုင် မော်ဒယ်ကိုပဲ တုတု အစိုးရ နဲ့ လွှတ်တော် ပါကို ပါမှ ဖြစ်မယ် ဆိုတာ ပါ)။

ဒီလိုပြုပြင်ပြောင်းလဲ ခဲ့မှု ရဲ့ အကျိုးဆက်ကနေ ခု လို Always be my maybe ရုပ်ရှင်ကားမျိုးတွေပေါ်ထွက်လာခဲ့တာပေါ့။ဒီလို ဒါရိုက်တာ သရုပ်ဆောင်တွေမွေးဖွားခဲ့တာပေါ့။

အချစ်ဟာသ လို့ ဆိုရပေမဲ့ ဒီထက်နက်ရှိုင်းတဲ့ မေတ္တာဘွဲ့ ကိုတွေ့ရပါမယ်။ အင်မတန် ချမ်း သာတဲ့ ဂျိတ် ဟာ အိမ်ထောင်ပြုဖို့ အချိန်ရောက်ပြီ လို့ သူ့ကိုယ်သူ သိလိုက်တဲ့အခါမှာတော့ သူနဲ့တွဲနေခဲ့တဲ့ ကောင်မလေး တွေဟာ ကိုယ်စီ ကိုယ်စီ အိမ်ထောင်ပြုဖို့ အဆင်သင့်ဖြစ်ကုန်နေပါပြီ။

အလွဲလွဲ အမှားမှားနဲ့ လက်ထပ်ခွင့်တောင်းခဲ့ရှာတဲ့ ၈ျိတ် ရဲ့အဖြစ်အပျက်တွေဟာ တော်တော် လေး ဟာသမြောက်ပါတယ်။လက်ထပ်လက်စွပ် တစ်ကွင်းနဲ့ မိန်းမ အရှာထွက်ပုံတွေ ကြည့်ရတာ ဟောလီဝုဒ်ရုပ်ရှင် The Bachelorကို သတိရစေပါတယ်။အမွေဒေါ်လာ သန်းတစ်ရာ မရမှာ ကြောက်လို့  မိန်းမ ရအောင်ယူရတဲ့ ဟာသဇာတ်လမ်းထဲက တချို့ ဇာတ်ကွက်တွေ ယူထားတာ တွေ့လိုက်ရပါတယ်။ အကြံတူနောက်လူ သာစမြဲ ဆိုတာလို ဖိလစ်ပိုင်ရုပ်ရှင်ကတော့ ပို ရီရတာပေါ့။

ဒီလိုနဲ့ မိန်းမ မရ လို့ စိတ်ကျသွားတဲ့ ဂျိတ်ဟာ သူပိုင်တဲ့ ပင်လယ်ကမ်းစပ်က ဟော်တယ်ကိုရောက်လာခဲ့ရတယ်။ဒီမှာ တင်တင် နဲ့တွေ့တော့တာပါပဲ။တင်တင် က မိတ်ကပ်ဆရာမ။Blogger ။ အွန်လိုင်းမှာ အလှအပရေးရာ တွေကို ပုံမှန်တင်ဆက်နေသူပေါ့။ခုလဲ ကြော်ငြာမင်းသမီးတစ်ယောက် ကို အလှပြင်ပေးဖို့ ရောက်လာခဲ့တာပါ။ဟော်တယ်ပိုင်ရှင် ဂျိတ် နဲ့ တင်တင် တို့ စကားတွေ ပြောဖြစ်ကြတယ်။တင်တင်ဟာ ပွင့်လင်းတယ်။ဂျိတ်ကပျော်တတ်တယ်။ မိုးလင်းတဲ့ထိ တူတူသောက်ရင်း ပြောလိုက်ကြတဲ့စကား။

အတိုချုပ်လိုက်ရရင် ခြောက်လလောက် ပင်လယ်ကမ်းစပ်မှာ အချိန်ဖြုန်းနေတဲ့ သူဌေးလေး ဂျိတ် ဟာ မနီလာ ရွှေမြို့တော်ကြီးဆီ ပြန်လာပြီး အလုပ်ဝင်ပါတော့တယ်။တင်တင် နဲ့လဲ ချိန်း ပြီးစကားပြောကြ။ငြင်းကြ။ရန်ဖြစ်ကြပေါ့။

ဒါဆို ဇာတ်လမ်း က ဘယ်လိုရှေ့ဆက်ကြမလဲ။ပြီးရောပေါ့။ဘယ်ဖြစ်ပါ့မလဲ။EX တွေ ၀င်လာပါတော့တယ်။ တင်တင် ရဲ့ချစ်သူဟောင်း၊ပြီးတော့ ဂျိတ် ရဲ့ အဆက်ဟောင်း ထရေစီ။သူတို့တွေက သူတို့ဆုံးဖြတ်ချက်တွေ မှားခဲ့တယ် ဆိုပဲ။

တင်တင် ဟာ ချစ်သူဟောင်း ဂျယ်ရီ ဆီ ပြန်သွားခဲ့လေသလား
ဂျိတ်ကရော ထရေစီ ကို ပြန်လက်ခံခဲ့သလား။
ကိုယ်ထင်ထဲ့အတိုင်းသာ ဖြစ်ခဲ့မယ် ဆိုရင် ဘာလို့ ရုပ်ရှင်တွေ ရိုက်နေကြတော့မှာတဲ့လဲ။လက်တွေ့ဘ၀ ထဲမှာလဲ ထွက်ခွာသွားသူတွေ အတွက် တနေရာ ရှိသင့်သေးရဲ့လား။

သေချာတာတစ်ခုကတော့ ဇာတ်သိမ်းထိ ရီနေရတာပါပဲ။
အထူးချီးကျူးချင်တာကတော့ နောက်ခံတေးဂီတပါ။ဇာတ် တစ်ခုလုံးကိုအကောင်းဆုံးပံ့ပိုးထားနိုင်ခဲ့တာပါ။ဇာတ်ဝင်သီချင်းတွေ ကောင်းလွန်းနေတာကလဲ ဇာတ်ကားအတွက် အင်အားတစ်ခုပေါ့။
စိတ်ညစ်နေရင် ဒီရုပ်ရှင်သာ ကြည့်လိုက်ပါ လို့ ညွှန်းပါရစေ။
ဇာဂနာ