 |
| ရခိုင်ပြည်နယ် မောင်တောမြို့နယ်ထဲမှာ အကြမ်းဖက်စစ်သင်တန်း တက်ရောက်ခဲ့သူတွေကို နယ်မြေလုံခြုံရေး တပ်ဖွဲ့ဝင်တွေက ဖမ်းဆီးထားစဉ်။ Photo: State Counsellor Office Information Committee |
ပြီးခဲ့တဲ့ မေ ၂၉ ရက် ညပိုင်းက မောင်တောမြို့နယ် သရေကုန်းတန်း (အနောက်ရွာ)နေ အဒူရာမန် ကို စစ်ဆေး ရာကနေ အကြမ်းဖက်စစ်သင်တန်း တက်ရောက်ခဲ့သူ နှစ်ဦးနဲ့ မသင်္ကာသူတွေကို ဖမ်းဆီးရမိခဲ့တယ် လို့ နိုင်ငံတော်အတိုင်ပင်ခံရုံး သတင်းထုတ်ပြန်ရေးကော်မတီက ထုတ်ပြန်ထားပါတယ်။
ဖမ်းဆီးရမိထားသူတွေထဲက အဒူရာမန်ကို စစ်ဆေးရာမှာ လေယာဉ်ကွင်းကျေးရွာက ရာအိမ်မှူး နှစ် ယောက်ကို လုပ်ကြံသတ်ဖြတ်ဖို့ စီစဉ်နေတာဖြစ်ကြောင်း၊ လွန်ခဲ့တဲ့ ၆ လလောက်ကတည်းက တစ်ရွာတည်းနေ ဂျော်ဒီ ဟူဆောရဲ့အိမ်မှာ အဖွဲ့ဝင် ၁၂ ဦးကို စစ်သင်တန်းတွေ သင်ကြားပေးခဲ့တယ်ဆိုပြီး ထွက်ဆိုထားတယ်လို့ အဲဒီသတင်းထုတ်ပြန်ချက်မှာ ဖော်ပြထားပါတယ်။
စစ်သင်တန်းတက်ထားသူ ရှော်ရှီးဒူးလ္လာ(ခ)ရှော်ရိတူလ္လာ (၁၉)နှစ် နှင့် ဖူတူးယာ(ခ) အေနာတူလ္လာ ၊ ဆော်လီမူလာ (၅၅)နှစ် အပါအဝင် (၅) ဦးတို့ကို ဖမ်းဆီးရမိခဲ့တာဖြစ်တယ်လို့ ဖော်ပြထားပါတယ်။
RFA Burmese
http://www.rfa.org/burmese
No comments:
Post a Comment