 |
| ကချင်ပြည်နယ်မှာ ကေအိုင်အေ တပ်သားတချို့ကို တွေ့ရစဉ်။ Photo: RFA |
ကချင်ပြည်နယ် ဖားကန့်မြို့နယ်ထဲက KIA တပ်ရင်း ၆ ရှိရာ တပ်စခန်းနေရာတွေ အနီးကို တပ်မတော်က ချဉ်းနင်းဝင်ရောက်လာတဲ့အတွက် တိုက်ပွဲတွေဖြစ်ပွားရ တာဖြစ်တယ်လို့ ဒုတိယဗိုလ်မှူးကြီး တန်ဆန်းက ပြော ပါတယ်။
"တပ်မတော်ဘက်က တောထဲကိုဝင်တဲ့ အခါကျတော့ ကျနော်တို့ရဲ့တပ်စခန်း အနီးပတ်ဝန်းကျင်ကို ချဉ်းကပ်လာတဲ့အခါကျတော့ အနည်း အကျဉ်းတိုက်ပွဲဖြစ်တာပါ။ ဒီနေ့အထိတော့ လေး ငါး ရက်လောက်ရှိပြီခင်ဗျ။ ဒီနေ့လည်း ခုဖြစ်တယ်လို့ကြားတယ် ဟို ကာမိုင်းနဲ့ မိုးကောင်းကြားမှာ တိုက်ပွဲဖြစ်တယ်လို့တော့ကြားတယ်"
တိုက်ပွဲမှာ နှစ်ဘက်ထိခိုက်ဒဏ်ရာရရှိမူအခြေအနေကို မသိရသေးကြောင်းနဲ့ ဒေသခံ ရွာသူရွာသားတွေ ထိခိုက်မူတော့ မရှိဘူးလို့ ဒုတိယဗိုလ်မှူးကြီး တန်ဆန်း က ပြောပါတယ်။
KIA အဖွဲ့ ပြန်ကြားရေး တာဝန်ခံ ဒုတိယဗိုလ်မှူးကြီး နော်ဘူက နယ်မြေရှင်းလင်းရေး အကြောင်းပြချက်နဲ့ KIA နယ်မြေထဲကို တပ်မတော်က မကြာခဏဆိုသလို ၀င်ရောက်တာ တွေရှိကြောင်းနဲ့ ဖားကန့်ဒေသမှာ တိုက်ပွဲတွေဖြစ်လာရင် KIA အဖွဲ့က ရရှိနေတဲ့ ၀င်ငွေတွေ လျော့ကျလာအောင် ရည်ရွယ်ချက်နဲ့ နယ်မြေ ကျူးကျော်တဲ့ သဘောလို့ ယူဆကြောင်း ပြောပါတယ်။
လာမယ့် မေလ ၂၄ ရက်နေ့မှာ စတင်ကျင်းပမယ့် ၂၁ ရာစုပင်လုံညီလာခံကို KIO အဖွဲ့က တက်ရောက်ဖို့ အလားအလာနည်းကြောင်းနဲ့ မြောက်ပိုင်းမဟာမိတ် အဖွဲ့ ၇ ဖွဲ့အားလုံး တက်ရောက်ခွင့်ပြုမှ တက်ရောက်မယ့် အခြေအနေရှိတယ်လို့ ထင်မြင်ကြောင်း ဒုတိယဗိုလ်မှူးကြီး နော်ဘူက ပြောပါတယ်။
RFA Burmese
http://www.rfa.org/burmese
No comments:
Post a Comment