Latest News

CREDIT

သတင်းစုံပျော်ဝင်အိုးကြီးတွင် ဖော်ပြထားသည့် သတင်း၊ဓာတ်ပုံများသည် သက်ဆိုင်သူများ၏မူပိုင်သာဖြစ်ကြောင်း အသိပေးအပ်ပါသည်။

Friday, May 26, 2017

မောင်တောမြို့နယ်တွင် အကြမ်းဖက်သမား သုံးဦး လုပ်သေနတ်များနှင့်ဖမ်းမိ


နိရဉ္စရာ၊ မေ ၂၆

ရခိုင်ပြည်နယ် မောင်တောမြို့နယ် တောင်ပိုင်း သ၀င်ချောင်းကျေးရွာတွင် အကြမ်းဖက်သမားဟု ယူဆရသူ သုံးဦးကို လုပ်သေနတ် သုံးလက်နှင့် အတူ ဖမ်းဆီးရမိခဲ့သည်ဟု သတင်းရရှိသည်။

ဖမ်းဆီးရမိသူ သုံးဦးမှာ သ၀င်ချောင်းကျေးရွာမှ အာမန်(ဘ)ဦးမာဒူး၊ မာမတ်ရော်ဖိတ်(ဘ)ဦးမာဒူ၊ အဒူလာမိန်(ဘ)ဦးအဆလင် တို့ ဖြစ်ကြကြောင်း နယ်ခြားစောင့်ရဲက ပြောသည်။

လာမည့် မေ ၃၀ ရက် မတိုင်မီ မောင်တောတောင်ခြမ်းရှိ ရဲကင်းစခန်းများအား တုတ်၊ဓါး၊ လုပ်သေနတ်များဖြင့် ၀င်ရောက် အကြမ်းဖက် တိုက်ခိုက်ရန် စီစဉ်နေကြောင်း သတင်းအရ တောင်နားကျေးရွာနေ မာမတ်ရှော်ဘီ(ဘ) ဦးဒူးမာ ၏ နေအိမ်သို့ ၀င်ရောက်ရှာဖွေရာမှ အရှည် ၁ ပေခန့်ရှိ လုပ်သေနတ် ၃ လက်၊ ရာဘာကျည် ၁၁ တောင့်၊ ရာဘာကျည်ခွံ ၂ တောင့်၊ ၅ ဒသမ ၅၆ ကျည် ၇ တောင့်ဖြင့် ဖမ်းမိခဲ့သည်။

၎င်းပြင် မေ ၁ ရက်နေ့ နေစွဲဖြင့် လစာငွေ ပေးထားသည့် လူ ၂၀ ဦး၏ အမည်စာရင်းများနှင့် အတူ ပြေစာ ၁ စောင်အား သိမ်းဆည်းရမိခဲ့ကြောင်းသိရပါသည်။

သေနတ်တွေ့ရှိသူ အိမ်ပိုင်ရှင် မာမတ်ရှော်ဘီ(ဘ) ဦးဒူးမာမှာ ထွက်ပြေးတိမ်းရှောင်နေသည် ရဲက ပြောသည်။

ယာယီတပ်ရင်းမှူး နေထွန်းလင်း ဦးစီးတပ်ခွဲ(၁)အဖွဲ့သည် ဒုရဲမှူးကြီး သန့်ဇင်ဦး ဦးစီး(၅၀)အင်အားဖြင့် ဝင်ရောက်ရှာဖွေ စီးနှင်းခဲ့ခြင်း ဖြစ်ကြောင်းသိရသည်။

နယ်ခြားစောင့်ရဲတပ်ဖွဲ့မှ ပါဝင်ဆက်စပ်သူများကို ဆက်လက် ဖမ်းဆီး နိုင်ရေးနှင့် အတူ နယ်မြေရှင်းလင်းရေးကို ဆောင်ရွက်လျှက်ရှိကြောင်းသိရပါသည်။

အောင်ကျော်မင်း (မောင်တော)
Narinjara
https://www.facebook.com/Narinjara

No comments:

Post a Comment