Latest News

CREDIT

သတင်းစုံပျော်ဝင်အိုးကြီးတွင် ဖော်ပြထားသည့် သတင်း၊ဓာတ်ပုံများသည် သက်ဆိုင်သူများ၏မူပိုင်သာဖြစ်ကြောင်း အသိပေးအပ်ပါသည်။

Wednesday, May 3, 2017

စိတ်ကြွဆေးပြား လေးသိန်းလေးသောင်းနှင့် အတူ ဖမ်းဆီးခံထားရသည့် အရပ်သား နှစ်ဦးကို တရားရုံးတင် ရမန်ယူ



နိရဉ္စရာ၊ မေလ ၃

ရခိုင်ပြည်နယ် မောင်တောမြို့ သုံးမိုင်စိတ်ဆေးရေးဂိတ်တွင် ဖမ်းမိသူ ၄ ဦးထဲမှ အရပ်သား ၂ ဦးကို မေလ ၂ ရက်နေ့က မောင်တောမြို့နယ်တရားရုံးသို့ ပို့အပ် ချုပ်နှောင်ပြီး ရမန်ယူခဲ့သည်ဟု သိရသည်။

၎င်းတို့နှစ်ဦးမှာ ယာဉ်မောင်း သန်းထွန်းနိုင် (၃၆) နှစ် (ဘ) ဦးသာဘန်းညိုနှင့် ဇော်ဦးတို့ ဖြစ်ကြသည်။

ကျပ်သိန်းပေါင်း (၈၈၀၀) ခန့် တန်ဖိုးရှိသော စိတ်ကြွ ရူးသွပ်ဆေးပြား (၄၄၀၀၀၀) နှင့် အတူ လူ ၄ ဦးကို ဘူးသီးတောင်မှ မောင်တောသို့ ပါဂျဲရို ခဲရောင် ယဉ်အမှတ် 4 C / 3192 ဖြင့် မောင်းနှင်ယူဆောင်လာစဉ် မောင်တောမြို့ (၃) မိုင်စစ်ဆေးရေးဂိတ်တွင် နယ်ခြားစောင့်ရဲတပ်ဖွဲ့က မေလ ၁ ရက်နေ့ နံနက် ၁၀ နာရီ ၂၅ မိနစ်တွင် ဖမ်းဆီးမိခဲ့သည်။

ဖမ်းဆီးခံရသူများမှ ယာဉ်မောင်း သန်းထွန်းနိုင် (၃၆) နှစ် (ဘ) ဦးသာဘန်းညိုနှင့် ဇော်ဦး၊ အမှတ် (၅၆၄) ခြေမြန်တပ်ရင်းမှ ကြည်း ၄၀၉၁၀ ဗိုလ်မှူး ရဲဇေယျာ နှင့် ကပ အမှတ် တ/၃၆၅၉၇၈ တပ်သား သိန်းနိုင်တို့ ဖြစ်ကြသည်။

၎င်းတို့ ၄ ဦးအထဲမှ ယာဉ်မောင်း သန်းထွန်းနိုင်နှင့် ဇော်ဦးတို့ကို ပြင်ဖြူ နယ်မြေ စခန်းတွင် ဖမ်းဆီးချုပ်နှောင်ထိန်းသိမ်းခဲ့ပြီး ဗိုလ်မှူး ရဲဇေယျာနှင့် တပ်သား သိန်းနိုင်တို့ကို အနောက်ပိုင်းတိုင်း တိုင်းမှူး၏ နုတ်အမိန့်ဖြင့် အမှတ်(၅၆၄) တပ်ရင်း ယာယီ တပ်ရင်းမှူး ဗိုလ်မှူး ရန်နိုင်ဦးထံ လွဲပြောင်း ပေးအပ်ခဲ့သည်ဟု သိရသည်။

“ မနေ့က တရားရုံးတင် ရမန်ယူပါတယ်။ အရပ်သား နှစ်ဦးကို အခု စစ်ဆေးနေတုန်း ဖြစ်ပါတယ်။ တပ်ကလူတွေကိုတော့ တပ်ကဘဲ စစ်ဆေးနေပါတယ်” ဟု မောင်တောမြို့နယ် ရဲစခန်းမှ ရဲအရာရှိ တစ်ဦးက ပြောသည်။

၎င်းအမှုနှင့် ပတ်သက်ပြီး မောင်တောမြို့နယ် ပြင်ဖြူ ရဲစခန်းမှ မယ(ပ)၆/၂၀၁၇ မူး/စိတ် ပုဒ်မ- ၁၅/၁၉(က)/၂၁ ဖြင့် အမှုဖွင့်၍ ဒုရဲအုပ် နိုင်လင်းထွန်းမှ စစ်ဆေး ဆောင်ရွက်လျှက် ရှိကြောင်း သိရသည်။

မာန်ယုကျော် (ရွှေဝမြေ)
Narinjara
https://www.facebook.com/Narinjara

No comments:

Post a Comment