၁။ ပလတ်စတစ်ဗူး သို့မဟုတ် ပြောင်နေတဲ့ ဖန်ဗူးတွေနဲ့ ထည့်ထားတဲ့ သံလွင်ဆီ
သံလွင်ဆီအသန့်ရဲ့ အန္တရာယ်အရှိဆုံး ရန်သူမှာ အောက်ဆီဂျင်နဲ့ နေရောင်ပဲဖြစ်ပါတယ်။ ပလတ်စတစ်ဗူး သို့မဟုတ် ဖန်ဗူးထဲထည့်ထားတဲ့ သံလွင်ဆီကို သင်ဝယ်မိတယ်ဆိုရင် အထဲမှာရှိနေတဲ့ ဆီမှာ အန္တရာယ် ရှိနိုင်ပါတယ်။ အဆင့်မြင့်တဲ့ သံလွင်ဆီတွေဟာ စိမ်းနက်ရောင် သို့မဟုတ် ညှိမဲရောင် ပုလင်းတွေနဲ့ ရောင်းချထားတာတွေ့ရပါလိမ့်မယ်။
၂။ သင့်အိမ်က သံလွင်ဆီကို ပူနေတဲ့နေရာမှာ ထားခြင်း
အိမ်မှာသုံးတဲ့ဆီကို မီးဖိုနား သို့မဟုတ် နေရောင်တိုက်ရိုက်ကျတဲ့နေရာမှာ ထားရင် ပိုးမွှားတွေ ရှိလာနိုင်ပြီး ဆီရဲ့အရသာ ထိခိုက် သွားစေနိုင်ပါတယ်။ မီးဖိုခန်းထဲက ကြောင်အိမ်ထဲမှာပဲ သိမ်းထားသင့်ပါတယ်။
၃။ အရည်အသွေးကို အရောင်အလိုက် အကဲဖြတ်ခြင်း
တချို့ဈေးဝယ်တဲ့သူတွေက ဆီရဲ့အရည်အသွေးကို အရောင်အလိုက် ရွေးချယ် အကဲဖြတ် တတ်ကြပါတယ်။ အရောင်ဟာ သံလွင်ပင်ကို ရိတ်သိမ်းခဲ့တဲ့ အချိန်နဲ့ အဆီထုတ်ခဲ့တဲ့အချိန်တွေကို ဖော်ပြတဲ့အရာ သက်သက်ပဲဖြစ်ပါတယ်။ အဲဒါကြောင့် အရောင်အနည်းငယ် ကွဲပြားခြင်းကြောင့် အဲဒီဆီကို လျော့မတွက်မိဖို့ သတိထားသင့်ပါတယ်။
၎။ ဆီအမျိုးအစား တစ်ခုတည်းကို အစားအသောက် အားလုံးအတွက် အသုံးပြုဖို့ ကိုက်ညီတယ်လို့ ယူဆခြင်း
သံလွင်ဆီ အမျိုးအစားအများကြီးအထပ်လိုက် တင်ထားတဲ့ စင်နားရောက်လာပြီဆိုရင် အများအားဖြင့် အလယ်အလတ်ဈေးနှုန်းကို ဆွဲယူကြတာများပါတယ်။ ပြီးတော့ ဝယ်ထားတဲ့ ဆီတစ်မျိုးတည်းကိုပဲ ဘာပဲချက်ချက် အသုံးပြုတတ်ကြပါတယ်။ ဒီလိုဆိုရင်တော့ အာမခံထားတဲ့ သံလွင်ဆီတွေကိုပဲ ရွေးချယ် အသုံးပြုသင့်ပါတယ်။ အိမ်မှာလုပ်တဲ့ အသုပ်တွေဆိုရင်တော့ သံလွင်ဆီက တောက်ပနေမှ ဖြစ်တာမို့ တစ်မျိုးတည်းနဲ့အားလုံးက အဆင်ပြေကောင်းပြေပါလိမ့်မယ်။
၅။ လွန်ကဲတဲ့ အပူချိန်မှာ ချက်ပြုတ်ခြင်း
အပူချိန်ဟာ လိုအပ်တာထက် လွန်ကဲနေတယ်ဆိုရင်တော့ သင်အသုံးပြုတဲ့ သံလွင်ဆီ အရသာ ပျက်ဆီးသွားနိုင်ပါတယ်။ အပူချိန် ၃၆၀ ဒီဂရီဖာရင်ဟိုက်ထက် များပြီး ချက်ပြုတ်ခြင်း မလုပ်သင့်ပါဘူး။
၆။ အချိန်အကြာကြီး သိမ်းထားခြင်း
သံလွင်ဆီကို ခရားအိုးလိုက်ဝယ်ပြီးတော့ နှစ်နဲ့ချီပြီးသိမ်းထားခြင်းတွေကို မလုပ်သင့်ပါဘူး။ ဆီအသန့်တွေဟာ ၂၄လခန့်ပဲ ထားသင့်ပါတယ်။ အရသာပျက်ဆီးသွားတဲ့သံလွင်ဆီတွေဟာ ကျန်းမာရေးနဲ့လည်း မညီညွတ်တော့တာမို့ သုံးသင့်သလောက်နဲ့ ဝယ်ယူစုဆောင်းထားသင့်ပါတယ်။
Trend Myanmar
http://www.trend.com.mm/
No comments:
Post a Comment