မိခင် နို့ရည်ဟာ ရောင်းစရာလား



မြန်မာပြည်မှာ လူသားနို့ရည်ကို စီးပွားဖြစ် ရောင်းချတာမျိုး ရှိပါသလား။

ကမ္ဘောဒီးယား နိုင်ငံမှာတော့ နို့တိုက်မိခင်တချို့ဟာ သူတို့ရဲ့ နို့ရည်တွေကို အမေရိကန်က အမျိုးသမီးတွေကို ရောင်းချလေ့ရှိပါတယ်။ ဒီအငြင်းပွားဖွယ်ရာ စီးပွားလုပ်ငန်းကို အခု အစိုးရက တားမြစ်ပိတ်ပင်ခဲ့ပါတယ်။

ဒီ ရောင်းဝယ်ဖောက်ကားမှု စီးပွားလုပ်ကနေ ကမ္ဘောဒီးယား အမျိုးသမီးတွေ အတွက် အကျိုးဖြစ်စေသလား၊ ခေါင်းပုံဖြတ်ခံရသလို ဖြစ်ခဲ့သလား ဆိုတဲ့ မေးခွန်းတွေလည်း ဖြစ်ပေါ်နေပါတယ်။

လွန်ခဲ့တဲ့ ၂ နှစ် အတွင်းမှာ ကမ္ဘောဒီးယားက နို့တိုက်မိခင်တချို့ဟာ သူတို့ရဲ့ ပိုလျှံတဲ့ နို့ရည်တွေကို အမေရိကန် အမ်ဘရိုစီယာ လက်ဘ် (Ambrosia Labs ) ကုမ္ပဏီကို ရောင်းချခဲ့ပါတယ်။ ကုမ္ပဏီက လူသား မိခင်က ထွက်တဲ့ နို့ရည်တွေကို ပြုပြင်မှုတွေပြုလုပ်ပြီး ဈေးကွက်မှာတင်ကာ နို့မထွက်တဲ့ အမေရိကန် မိခင်တွေကို ရောင်းချခဲ့ပါတယ်။


ပြီးခဲ့တဲ့ အင်္ဂါနေ့က ကမ္ဘောဒီးယားအစိုးရက ချက်ချင်း သက်ရောက်စေတဲ့ အမိန့်နဲ့ ဒီလုပ်ငန်းကို ပိတ်ပင်လိုက်ပါတယ်။ ဒီလို ဘာကြောင့် တားမြစ်မိန့် ထုတ်ပြန်ခဲ့ရသလဲ ဆိုတာတော့ ရှင်းရှင်းလင်းလင်း မသိရပါဘူး။

ဒါပေမယ့် မိခင်နို့ရည် ရောင်းချခြင်း ပိတ်ပင်မှုဟာ လူ့ ခန္ဓာကိုယ် အင်္ဂါ အစိတ်အပိုင်းတွေ ရောင်းချမှု၊ ကိုယ်ဝန် အငှား ကိုယ်စား ဆောင်မှု တွေကို တားမြစ်ပြီးနောက်ပိုင်းမှာ ဆက်တိုက် ထုတ်ပြန်လာတာပါ။

ကမ္ဘာ့ နိုင်ငံ တချို့မှာ ဆိုရင်တော့ လိုအပ်တဲ့ ကလေးငယ်တွေကို တိုက်ကျွေးဖို့ အတွက် နို့တိုက် မိခင် တွေဟာ ပိုလျှံ နို့ရည်တွေ ကို လှူဒါန်း နိုင်တဲ့ လူသားနို့ရည်ဘဏ်တိုက်တွေ တရားဝင် ဖွင့်ထားတာမျိုး ရှိပါတယ်။

အွန်လိုင်း ဝက်ဘ်ဆိုဒ်နဲ့ ပုဂ္ဂလိက ကွန်ရက် တချို့မှာလည်း လူသားနို့ရည် ရောင်းဝယ်ဖောက်ကားတာတွေ ရှိပါတယ်။ တချို့နိုင်ငံတွေမှာ ကန့်သတ်ချက်တွေရှိပေမယ့် ဒီလုပ်ငန်းဟာ ကြီးထွားနေပါတယ်။

ဒီလုပ်ငန်းဟာ လူမှု စီးပွား အဆင်မပြေတဲ့ ဆင်းရဲတွင်းထဲက မိခင်တွေကို ပိုလျှံတာမျိုးမဟုတ်ဘဲ ပိုက်ဆံ ရလိုမှု သက်သက် နို့ရည် ရောင်းချမှုတွေ ဖြစ်စေတယ်လို့ ကုလသမဂ္ဂ ကလေးသူငယ်ဆိုင်ရာ ရန်ပုံငွေအဖွဲ့ (Unicef) က ထောက်ပြပါတယ်။

ကမ္ဘောဒီးယားမှာ ဆိုရင် မြို့တော် ဖနွမ်းပင် အနီးက ဆင်းရဲသားအရပ်တခုမှာ အမ်ဘရိုစီယာ ကုမ္ပဏီ က အခြေစိုက်ပြီး မိခင်နို့ရည် ၁ အောင်စ ကို ဒေါ်လာ ပြား ငါးဆယ် (၁ ဒေါ်လာဝက်) နဲ့ ကောက်ပြီး အမေရိကန်မှာ ၈ ဆ အမြတ် တင်ရောင်းချခဲ့ပါတယ်။

ဒီလုပ်ငန်းက စီးပွားချို့တဲ့တဲ့ မိခင်တွေကို ကိုယ့် ကလေး ကိုယ် နို့တိုက်မယ့် အစား ရောင်းစားစေဖို့ တွန်းအားပေးနေတယ်လို့ ဝေဖန်သူတွေကို ဆိုပါတယ်။

အမ်ဘရိုစီယာ ဘက်ကတော့ ဒီလုပ်ငန်းဟာ မိခင် အမျိုးသမီး တွေကို စီးပွားရေးရာ လုပ်ကိုင်နိုင်ခွင့်တွေ ဖွင့်ပေးပြီး အိမ်ထောင်စု ၉၀ ကို စီးပွားရေး အထောက်အပံ့ ဖြစ်စေတယ်လို့ ပြောပါတယ်။

ဒါ့အပြင် အမ်ဘရိုစီယာက သူတို့ အနေနဲ့ ၆ လ နဲ့ အထက် ကလေးရင်းကို နို့တိုက်ပြီးသူ မိခင်တွေကိုသာ အသုံးပြုတယ်လို့ ဆိုပါတယ်။

ကမ္ဘာ့ကျန်းမာရေးအဖွဲ့ချုပ် (WHO) က ကလေးငယ်တွေကို အနည်းဆုံး ၆ လ၊ တနေ့ ၂ ကြိမ် မိခင်နို့ တိုက်သင့်တယ်လို့ အကြံပြုထားပါတယ်။ အသက် ၂ နှစ် နဲ့ အထက် ရောက်တဲ့ အထိလည်း အခြား အစားအစာတွေနဲ့ အတူ ကလေးငယ်ကို နို့ဆက်တိုက်ဖို့ကိုလည်း WHO အကြံပြုပါတယ်။

ကမ္ဘောဒီးယားမှာ မွေးခါစ ကလေးငယ်တွေကို မိခင် အများစုက နို့ချိုတိုက်ကျွေးလေ့ရှိကြပါတယ်။ ဒါပေမယ့် အခု နှစ်ပိုင်းမှာ ဒီလို တိုက်ကျွေးနှုန်း လျော့ကျသွားတယ်လို့ Unicef က ဆိုပါတယ်။

နို့ချိုတိုက်ကျွေးမှုဟာ ကျယ်ကျယ်ပြန့်ပြန့် ရှိနေဆဲ ဖြစ်ပေမယ့် ကလေးသူငယ် အာဟာရဓာတ်ချို့တဲ့မှု ပြဿနာ ဟာလည်း ပြဿနာကြီး တရပ် အဖြစ် ရှိနေပါတယ်။

အင်္ဂါနေ့ က အစိုးရရဲ့ တားမြစ်မှု ထုတ်ပြန်ချက်မှာ “ကျွန်တော်တို့က ဆင်းရဲမွဲတေနေသေးတယ် ဆိုတာ မှန်ပါတယ်၊ ဒါပေမယ့် လူသားနို့ရည် ထုတ်ရောင်းလောက်အောင်တော့ မမွဲသေးပါဘူး” လို့ ရေးထားပါတယ်။

ကမ္ဘာ တဝှမ်းမှာ မိခင်နို့ရည်ရောင်းချမှု လုပ်ငန်းဟာ အကောင်းအဆိုး အငြင်းပွားစရာတွေ ရှိနေပေမယ့် ကျွမ်းကျင်သူအားလုံး သဘောတူညီနိုင်တာကတော့ ဒီ စီးပွားဟာ ကြီးထွားနေပြီး အလွန့်အလွန် ရှုပ်ထွေးကာ သေသေချာချာ စောင့်ကြည့် စစ်ဆေးသင့်တယ် ဆိုတာပါပဲ။

မြန်မာပြည်မှာကော ဒါမျိုး အလားတူ ဖြစ်စဉ်တွေ ရှိပါသလား။

ဘီဘီစီပရိသတ်တွေရဲ့ အတွေ့အကြုံနဲ့ အမြင်အာဘော်တွေကို အများသူငါ ဆွေးနွေးလို့ရအောင် အောက်မှာ မှတ်ချက်ပြု မျှဝေကြဖို့ ဖိတ်ခေါ်ပါတယ်။

ဘီဘီစီမြန်မာပိုင်း
BBC Burmese
https://www.facebook.com/bbcburmese
Share on Google Plus

About MP4 YoU

ကမ္ဘာသတင်း၊မြန်မာ့သတင်း ပေါင်းစုံကိုရောသမမွှေဖော်ပြသွားမည့်
MP4 YoU (The Melting Pot For You)