Latest News

CREDIT

သတင်းစုံပျော်ဝင်အိုးကြီးတွင် ဖော်ပြထားသည့် သတင်း၊ဓာတ်ပုံများသည် သက်ဆိုင်သူများ၏မူပိုင်သာဖြစ်ကြောင်း အသိပေးအပ်ပါသည်။

Wednesday, January 25, 2017

ငယ်ရည်းစားဖြစ်တဲ့အပြင် ဘာအနှောင်အဖွဲ့မှ မရှိတော့တာကြောင့် ပြန်လက်တွဲခဲ့တာပါလို့ဖွင့်ဟလာတဲ့ ၀ိုင်းစုခိုင်သိန်း


ခင်ဆွေသက် on 2017-01-26 12:30  

ကားရိုက်ပိုင်းနဲ့ပတ်သက်ပြီး ၂ နှစ်ကျော်နီးပါး မရိုက်ဖြစ်တော့တဲ့ ၀ိုင်းစုခိုင်သိန်းဟာ နယ်ရှိုးတွေမှာသီချင်းတွေဆို အခွေတွေထုတ်ကာ ဂီတဖက်မှာပဲစီးမျောနေပြန်ပါတယ်။ ဂီတနဲ့ပတ်သက်ပြီး ၀ိုင်းစုခိုင်သိန်းဟာ ၂ လပိုင်းထဲမှာ ဂါအမ်တီဗီရိုက်တော့မှာဖြစ်ပြီး Mini Album အတွက်လဲ ပြင်ဆင်နေတယ်လို့သိရပါသေးတယ်။ ဒါ့အပြင် ပရိသတ်တွေစိတ်ဝင်စားနေကြတဲ့ အဆိုတော်အောင်လနဲ့အချစ်ရေးကိုလဲ လူမှုကွန်ယက်ပေါ်မှာဖွင့်ဟ၀န်ခံလိုက်တာမို့သူမရဲ့ အချစ်ရေးနဲ့လက်ရှိမှာဖန်တီးဖြစ်နေတ့ ဂီတအကြောင်းအရာများအကြောင်းကို အခုလိုသွားရောက်မေးမြန်းဖြစ်တဲ့အခါ

-လတ်တလောက အနုပညာလှုပ်ရှားမှု အနေနဲ့ ဘာတွေလုပ်ဖြစ်နေလဲ။

အခုလတ်တလောက ၀ိုင်းစု ဂါ အခွေရဲ့ မြူးဆစ် ဗီဒီယိုရိုက်ဖို့ရှိမယ်။ နောက်ရှိုးပွဲတွေကတော့ ဆက်တိုက်ရှိနေတယ်။ နောက်ဝိုင်းစု Mini Album လေးလုပ်ဖို့စီစဉ်နေတယ်။ တစ်ယောက်တည်းပါပဲ။ Featuring ပါလဲတစ်ယောက်လောက်ပဲပေါ့။ ၆ပုဒ် ( သို့မဟုတ် ) ၇ပုဒ်လောက်တော့ ပါပါမယ်။ သင်္ကြန်အပြီးလောက်တော့ထွက်ဖြစ်မယ်။ ပုံစံလေးတွေနည်းနည်းချိန်းပြီး တချို့သီချင်းတွေကို ၀ိုင်းစုလုပ်နေကြ ပုံစံမဟုတ်တာလေးတွေလုပ်ချင်လို့ပါ။

-မလေးမှာ သီချင်းသွားဆိုမယ်လို့လဲသိရတယ်။

ဟုတ်ပါတယ်။ မလေးမှာပါ။ ၃ ညအိပ် ၄ ရက်ပေါ့။ အလည်အပတ်အနေနဲ့ မလေးမှာတော့မနေဘူး။ မလေးက အပြန် ဘန်ကောက်ကို ခဏ၀င်ပါမယ်။

-ဂါအခွေထဲက သီချင်းတော်တော်များများကိုလဲ ပရိသတ်လက်ခံကြတယ်နော်။

ကြိုက်ကြပါတယ်။ များသောအားဖြင့်နဲ့က လှည့်စားပါနဲ့ ကောင်းကင်နဲ့ကိုပိုကြိုက်ကြတယ်။ တခြားအပုဒ်တွေလဲမျှပြီးကြိုက်ကြတယ်။

-ဂါသီချင်းက ကော်ပီသီချင်းလို့ပြောနေကြတဲ့အပေါ် ကိုနေ၀င်းကတော့ အမ်တီဗီထွက်ရင်တီးလုံးတွေပြန်ပြောင်းမယ်လို့ပြောတယ်။ အဲ့ဒီအပေါ် ၀ိုင်းစုအမြင်ကိုလဲသိချင်ပါတယ်။

အဲ့ဒါဆိုရင်တော့ သူပြောင်းမယ်ထင်တယ်။ သူတို့ရေးတာဆိုတော့ ဟုတ်မှာပါ။ ဒီမှာကတော့ များသောအားဖြင့် Reference တွေယူတာများတာပေါ့။ ကော်ပီတော့တိုက်ရိုက်ကြီးတော့မယူပါဘူး။ ဒါပေမဲ့ တီးလုံးပြန်ပြောင်းမယ်ဆိုရင်လဲ ဘယ်လိုလုပ်မလဲတော့မသိဘူး။ ၀ိုင်းစုနဲ့တော့မပြောရသေးဘူး။

-သီချင်းရွေးတဲ့နေရာမှာလဲ ၀ိုင်းစုက အနေအထားပေါ်မူတည်ပြီးရွေးတတ်တာကိုတွေ့ရတယ်။

သီချင်းရွေးတာကတော့ ဒီအချိန်မှာဘာဖြစ်မယ်ဆိုပြီးရွေးလို့မရဘူး။ သီချင်းတစ်ခွေလုပ်တယ်ဆိုတာ အနည်းဆုံးတစ်နှစ်လောက်တော့ အချိန်ယူရတယ်။ တစ်ခါတစ်လေ နှစ်နှစ်၊ သုံးနှစ်ကြာသွားတာမျိုးလဲရှိတယ်။ ကြိုပြီးရွေးရတာပေါ့။ ဒီအချိန်မှာဘာဖြစ်မယ်ဆိုပြီးတော့ သီချင်းကိုကြိုရွေးလို့မရဘူး။ အဓိကကတော့ ၀ိုင်းစုဘယ်လိုယှဉ်လဲဆိုတော့ အရင်အခွေတုန်းက ဘာပါပြီးပြီလဲ။ ဘာအကြောင်းလဲ။ ဘယ်လိုပုံစံမျိုးလဲပေါ့။ အဲ့ဒီဟာတွေနဲ့မတူတဲ့ဟာမျိုးကို တတ်နိုင်သမျှရွေးပြီးထည့်တာပေါ့။

-သီချင်းရွေးရင် ဂျီးများတယ်လို့လဲကြားတယ်။ ဒါပေမဲ့ ထုတ်သမျှအခွေတိုင်းက ပေါက်တယ်ဆိုတော့ ဂျီးများရကျိုးနပ်တယ်လို့ပြောလို့ရမလား။

သီချင်းကရွေးနိုင်မှတော်ကာကျတယ်ပေါ့။ တချို့သီချင်းတွေကျတော့ မကောင်းဘူးမဟုတ်ဘူး။ ကောင်းတယ်။ ဒါပေမဲ့ ၀ိုင်းစုနဲ့မလိုက်ဖက်ဘူး။ ကိုယ်ဆိုမဲ့အစား တခြားသူတစ်ယောက်ဆိုရင်ဒီသီချင်းကပေါက်ရင်ပေါက်သွားမယ်။ အဲ့ဒီလိုမျိုးလေးတွေကိုရွေးရတာပေါ့။ တစ်ခါတစ်လေကျရင်လဲ တချို့သီချင်းတွေကိုဝယ်ထားတယ်။ ဒါပေမဲ့ပုံစံတူနေရင်နောက်တစ်ခွေကျမှထပ်ထည့်တယ်။ ပုံစံအရမ်းတူတဲ့သီချင်းမျိုးတစ်ခွေထဲမှာထည့်လိုက်ရင်လဲ မပေါက်ပြန်ဘူးပေါ့။ စိစစ်ပြီးထည့်ရတာပေါ့။

-အဲ့ဒါဆို အခုဖန်တီးနေတဲ့ Mini Album မှာရော ဘယ်လိုပုံစံမျိုးတွေဖန်တီးဖြစ်မလဲ။

သီချင်းကလောလောဆယ် ၂ ပုဒ်ပဲရသေးတယ်။ နောက်ထပ် ၄ ပုဒ်တော့ လိုသေးတယ်။ Mini Album ဖြစ်တဲ့အတွက် နည်းနည်း ပုံစံလေးလဲပြောင်းချင်တယ်။ ကိုရွှေဆီမှာအပ်ထားပြီး အရင်အခွေမှာမထည့်ဖြစ်တဲ့တစ်ပုဒ်ရှိတယ်။ မြူးဆစ်ပုံစံချိန်းပြီးတီးရမဲ့ဟာပေါ့။ အဲ့ဒီလိုမျိုးနောက်ထပ် ၁ပုဒ်၊ ၂ပုဒ်လောက်ထပ်ထည့်ချင်တယ်။ နည်းနည်းလေးတော့ပြင်ဆင်ရတာပေါ့။

-ကိုအောင်လနဲ့ပုံကို Public တင်ထားတောတွေ့ရတယ်။

အဲ့ဒါကတော့ ဘာမှထွေထွေထူးထူးမဟုတ်ပါဘူး။ ၀ိုင်းစုတို့ ဒီအတိုင်းပဲ Relationship တင်လိုက်တဲ့သဘောပါ။

-ပွင့်ပွင့်လင်းလင်းတွဲလိုက်တဲ့အပေါ် ဘယ်လိုခံစားရလဲ။

ဝိုင်းစုအစကတည်းက ပရိသတ်ကို ဘာမှမလိမ်ထားဘူး။ ၀ိုင်းစုအိမ်ထောင်ကွဲတယ်ဆိုလဲကွဲတယ်။ ကြားထဲမှာလဲဘာမှမလိမ်ထားဘူး။ ဒါပေမဲ့ ကြားထဲမှာ ပြောကြတယ်။ ဆိုကြတယ်ဆိုတာကလဲ page တွေက ဘုမသိ၊ ဘမသိရေးတဲ့ဟာတွေကို နယ်ကလူတွေကယုံတယ်။ ပရိသတ်အားလုံးကလဲ ကိုယ်နဲ့ထိတွေ့နေတာမဟုတ်ဘူးလေ။ ကိုယ့်အကြောင်းမသိကြတော့ယုံကြတယ်။ ထင်ယောင်ထင်မှားဖြစ်ကြတယ်။ Page တွေကပြောတာတွေကိုယုံပြီးရေးကြတာပဲရှိတယ်။ ၀ိုင်းစုကတော့ ခိုးကြောင်ခိုးဝှက်ဘာတစ်ခုမှမလုပ်ထားပါဘူး။ အဲ့ဒီတော့ အဲ့ဒီအပေါ်မှာလဲ ဘာမှတော့ခံစားချက်မရှိပါဘူး။ သူ့ဟာသူနားလည်လာမှာပါ။

-၀ိုင်းစုအခုလက်တွဲထားတဲ့ သူအပေါ်မှာရော စိတ်ကျေနပ်မှုအပြည့်အ၀ရှိရဲ့လား။

ရှိပါတယ်။ အစောကြီးကတည်းက သူနဲ့ဝိုင်းစုကငယ်ရည်းစားတွေပါ။ ဟိုးအရင်ကတည်းကအကြောင်းကြောင်း ကြောင့်လမ်းခွဲပေးလိုက်ရတာပဲရှိတယ်။ အခုချိန်မှာသူရော၊ ၀ိုင်းစုရော ဘာမှအနှောင်အဖွဲ့မရှိတော့ဘူးဆိုတော့ ပြန်လက်တွဲတယ်။ ဒါပါပဲ။ ဘာမှထူးထူးဆန်းဆန်းထွေထွေထူးထူးမရှိပါဘူး။ ပြောရမယ်ဆိုရင် Celebrity ဆိုတော့ အားလုံးက ကရုဏာ ဒေါသောနဲ့ပြောတာပေါ့။ မဖြစ်စေချင်ကြဘူး။။ အိမ်ထောင်မကွဲစေချင်ကြဘူး။ ဒါပေမဲ့ အဆင်မပြေတဲ့ အရာတစ်ခုကိုတော့ ၀ိုင်းစုလဲဆက်မသွားချင်ဘူး။ အဲ့ဒါကြောင့်ရပ်တန်းကရပ်လိုက်တယ်။ ရှေ့တံခါးတစ်ချပ်ကို ပိတ်ပြီးမှ နောက်တံခါးတစ်ချက်ကိုဖွင့်တာပါ။ ၀ိုင်းစုပေါက်တတ်ကရလုပ်တာလဲမဟုတ်ဘူး။ အဲ့ဒီတော့ တဖြည်းဖြည်းချင်းနားလည်လာမှာပါ။ နောက်ပြီးတော့ အိမ်ထောင်ကွဲတယ်ဆိုတာကလဲ ၀ိုင်းစုမှစဖြစ်တာမဟုတ်ဘူး။ တစ်ကမ္ဘာလုံးမှာဖြစ်နေကြတာပဲ။ အိမ်ထောင်ကွဲပြီးရင်နောက်ထပ်လက်တွဲဖော်ရှာတာလဲ ၀ိုင်းစုမှပထမဦးဆုံးမဟုတ်ဘူး။ ဒါပေမဲ့ Celebrity ဖြစ်နေတဲ့အတွက်ထူးဆန်းပြီးပြောကြတာပေါ့။ ပြောကြတယ်ဆိုတာကလဲ ခဏတာအတွက်ပေါ့။ ခဏတာအတွက်ကတော့ အဓိကက သူတို့က ဒီလိုမဖြစ်စေချင်လို့ပြောကြတာ ပိုများတယ်။ အဲ့ဒီအတွက်လဲ နားလည်တယ်။ ၀ိုင်းစုကတော့ ၀ိုင်းစုရွေးချယ်ထားတဲ့သူနဲ့ဘ၀တစ်သက်တာလုံး သာသာယာယာလက်တွဲသွားမယ်။ ၀ိုင်းစုတို့အလုပ်တွေအတူတူကြိုးစားပြီးလုပ်ကြမယ်။ အဲ့ဒီအပေါ်မှာတဖြည်းဖြည်းချင်းပရိသတ်တွေနားလည်လာမယ်။ အခုကတော့ Page တွေကဟုတ်သော်ရှိ၊ မဟုတ်သော်ရှိ လျှောက်ရေးတဲ့အပေါ်မှာယုံပြီးတော့ဖြစ်နေကြတာပေါ့။ အဲ့ဒီအပေါ်မှာဘာသက်သေအထောက်အထားမှလဲမရှိဘူးလေ။ သူတို့ပြောတဲ့အပေါ်မှာ ယုံတဲ့သူတွေကလဲယုံမှာပဲ။ အဲ့ဒီအပေါ်မှာ ၀ိုင်းစုလိုက်ပြီးဖြေရှင်းနေရင်ဖြေရှင်းလေ၊ ပိုဆိုးလေ၊ ဖြေရှင်းလေပိုရေးလေဖြစ်နေလိမ့်မယ်။ သူတို့အတွက်သတင်းဖန်တီးပေးသလိုဖြစ်နေတာပေါ့။

-၀ိုင်းစုတို့နှစ်ယောက် ရဲ့ ကိုယ်ပိုင်ဘ၀လေးကိုရော ဘယ်တော့လောက်တည်ထောင်ဖြစ်မလဲ။

အဲ့ဒီလိုတော့မမှန်းထားပါဘူး။ ဘယ်သူမဆိုဒီနေ့နဲ့နောက်နေ့တောင်ဘာဖြစ်မလဲမသိတာကြိုတော့မပြောတတ်သေးဘူးပေါ့။ အကောင်အထည်ဖော်မယ်ဆိုရင်တော့ပြောမှာပါ။

-အနုပညာသမားအချင်းချင်းဆိုတော့ သူကရော ၀ိုင်းစုကိုဘယ်လိုအကူအညီတွေပေးလဲ။

သူကလဲ ၀ိုင်းစုကို အများကြီးသင်ပေးတယ်။ တချို့မသိတဲ့နေရာလေးတွေပေါ့။ ၀ိုင်းစုအတွက်ပိုပြီးတော့အထောက်အကူပိုဖြစ်ပါတယ်။

-ဖေဖော်ဝါရီ ၁၄ အတွက်ရော ဘာအစီအစဉ်ရှိမလဲ။

ဘာမှမရှိသေးဘူး။

-သူ့အတွက် Surprise တစ်ခုခုလုပ်ပေးဖို့ရောစဉ်းစားထားသေးလား။

အဲ့ဒီလိုတော့ မစဉ်းစားထားသေးဘူး။ အဲ့ဒီနေ့က အရမ်းကြီးတော့လဲမဟုတ်ဘူး။ အဓိကက တစ်ယောက်အပေါ်တစ်ယောက်စိတ်ရှိဖို့ပဲလိုတာလေ။ ချစ်သူများနေ့ရယ်လို့မဟုတ်ဘူး။ ဘယ်အချိန်ပဲဖြစ်ဖြစ် တစ်ယောက်အပေါ် တစ်ယောက်စိတ်ရှိဖို့ပဲလိုပါတယ်။ တကယ်ချစ်နေဖို့ပဲလိုပါတယ်။

-၂၀၁၇ ချစ်သူများနေ့ကို ကိုယ့်ရဲ့ ငယ်ရည်းစားနဲ့ဖြတ်သန်းရမဲ့ ခံစားချက်ကရော ဘယ်လိုရှိလဲ။

ခံစားချက်ကတော့ ၀ိုင်းစုအခုပျော်နေတယ်။ ၀ိုင်းစုတကယ်ချစ်တဲ့သူနဲ့ဝိုင်းစုအတူတူသွားမယ်။ ၀ိုင်းစုတို့နှစ်ယောက်လုံးစိတ်ညစ်တာတွေလဲမရှိဘူး။ ကိုယ့်ဟာကိုယ်အလုပ်ကိုကောင်းကောင်းလုပ်မယ်။ ဘာလုပ်မယ်။ ဘာလုပ်မယ်ဆိုပြီး ၀ိုင်းစုတို့မှာ plan တွေရှိတယ်။ အလှူတွေလဲလုပ်မယ်။ ရတဲ့ အနုပညာကြေးကနေ ဆယ်ပုံပုံတစ်ပုံခွဲပြီးလှူသွားမယ်။ အဲ့ဒီလိုလေးတွေစဉ်းစားထားတယ်။ ၀ိုင်းစုတို့လုပ်စရာတွေအများကြီးရှိပါတယ်။

-နှစ်ယောက်တွဲပြီး သီချင်းဖန်တီးရင် ပရိသတ်တွေတော်တော်ကြိုက်ကြမယ်နော်။

သီချင်းတွဲလုပ်ဖို့တော့ မသိသေးဘူး။ လုပ်ဖြစ်ရင်လဲလုပ်ဖြစ်မှာပေါ့။

-ငယ်ရည်းစားဖြစ်တဲ့ သူ့အပေါ်မှာထားတဲ့ ၀ိုင်းစုရဲ့ စိတ်ခံစားချက်ကရော ဘယ်လိုရှိလဲ။

အစောကြီးကတည်းက သူနဲ့ဝိုင်းစုနဲ့က လမ်းခွဲပေးလိုက်ရတာပါ။ လမ်းခွဲပေးလိုက်ရတဲ့အပေါ်မှာ အခုဝိုင်းစုတို့ရှေ့မှာရှိခဲ့တဲ့အရာတွေအားလုံးကိုရပ်တန်းကရပ်ပြီးတော့ နှစ်ယောက်စလုံးပြန်လက်တွဲတယ်။ ဘာမှတော့ထွေထွေထူးထူးမရှိပါဘူး။ အဓိက အချစ်ပေါ့။ သူက၀ိုင်းစုကိုတကယ်ချစ်တယ်။ ၀ိုင်းစုကလဲသူ့ကိုတကယ်ချစ်တယ်။ အဲ့ဒါကြောင့် ပြန်လက်တွဲဖြစ်တယ်။ တခြားတော့ထွေထွေထူးထူးမရှိဘူး။ နားလည်မှုဆိုတာက ချစ်ရင်ဘာမဆိုနားလည်နိုင်ပါတယ်။

-အပြန်အလှန်တစ်ယောက်နဲ့တစ်ယောက်ပြန်ရွေးချယ်ကြတဲ့အပေါ်မှာလဲ တချို့သောလူတွေရဲ့ ဝေဖန်မှုကို ခံရတဲ့အပေါ်မှာရော ဘယ်လိုမြင်မိလဲ။

မလိုတဲ့သူကတော့ ၊ မုန်းတဲ့သူကမုန်းတဲ့မျက်စိနဲ့ကြည့်မယ်။ ချစ်တဲ့သူကချစ်တဲ့မျက်စိနဲ့ကြည့်မယ်။ ချစ်တဲ့သူကအကောင်းမြင်ပြီးတော့ မုန်းတဲ့သူကတော့ မကောင်းမြင်မှာပဲ။ အဲ့ဒီတော့ ၀ိုင်းစုတို့ကိုမကြိုက်တဲ့သူလဲရှိမယ်။ မလိုတဲ့သူလဲရှိမယ်။ တခြားတစ်ဖက်ကအသိုင်းအ၀ိုင်းတွေလဲရှိမယ်။ အဲ့ဒီတော့ တခြားဖက်ကအသိုင်းအ၀ိုင်းကတော့ ၀ိုင်းစုကိုမကောင်းပြောမှာပဲ။ မကောင်းပြောတာကို လိုက်ပြီးခံစားနေမဲ့အစားဝိုင်းစုကတော့ ကိုယ့်အလုပ်ကိုပဲ အကောင်းဆုံးကြိုးစားပြီးလုပ်မယ်။ ပရိသတ်မကြိုက်လို့လက်မခံတာကသူတို့အပိုင်းကြိုးစားနေရမှာက ၀ိုင်းစုအပိုင်းပေါ့။ ၀ိုင်းစုအပိုင်းကို ၀ိုင်းစုတာဝန်ကျေအောင်လုပ်မယ်။ အဲ့ဒါပဲဝိုင်းစုခေါင်းထဲထည့်ထားတယ်။

-ရင်ဘတ်မှာ အောင်လဆိုပြီး တက်တူးထိုးဖြစ်တဲ့ စိတ်ကူးကိုလဲသိချင်ပါတယ်။

တက်တူးနဲ့ပတ်သက်ပြီး သူများနာမည်ကို အစ်မခန္ဓာကိုယ်ပေါ်မှာ ထိုးမယ်လို့ဘယ်တုန်းကမှ စိတ်ကူးမရှိခဲ့ဘူး။ ရည်ရွယ်ချက်လဲလုံးဝမရှိဘူး။ ဒါပေမဲ့ အစ်မတကယ်ချစ်လို့ တက်တူးကို အစ်မခန္ဓာကိုယ်ပေါ်မှာထိုးတာပါ။ မချစ်ရင်လုံးဝထိုးမှာမဟုတ်ပါဘူး။ အစ်မရည်ရွယ်ထားတာကအစ်မကလေးမွေးလာရင်အဲ့ဒီကလေးနာမည်ကိုတက်တူးထိုးမယ်လို့ရည်ရွယ်ထားဖူးတယ်။ ဒါပေမဲ့ ကိုယ့်ကလေးကိုယ့်သွေးသား မဟုတ်ပဲနဲ့ကိုယ့်ခန္ဓာကိုယ်ပေါ်မှာထိုးဖို့ဆိုတာ တော်ရုံနဲ့တော့မရဘူး။ အဲ့ဒီတော့ ဒီဟာက၀ိုင်းစုတို့poppin လုပ်နေတာလဲမဟုတ်ဘူး။ တစ်ယောက်နဲ့တစ်ယောက်တကယ်ချစ်လို့ကို အစ်မနာမည်ကိုသူထိုးတယ်။ သူ့နာမည်ကို အစ်မထိုးတယ်။ ဒါပါပဲ။

-ကားရိုက်ပိုင်းမှာလဲ သိပ်မတွေ့ရတာကြာပြီနော်။

ကားရိုက်ပိုင်းက ၀ိုင်းစုနားထားတာ ၂ နှစ်ခွဲလောက်ရှိပြီ။ ရိုက်မယ်ဆိုရင်တော ၀ိုင်းစုသေချာစီစဉ်ပြီးတော့ ရိုက်နေကျ သမာရိုးကျပုံစံမဟုတ်ပဲ သေသေချာချာလေး ရိုက်ဖို့တော့ အစီအစဉ်ရှိပါတယ်။ အစီအစဉ်ရှိပေမဲ့လဲ လောလောဆယ်တော့ ၀ိုင်းစု စပြီးလုပ်နေတုန်းပဲပေါ့။ ဒါပေမဲ့ကားတိုင်းတော့မရိုက်ဖြစ်တော့ပါဘူး။
Trend Myanmar

 Myanmar SInger Aung La And Actress Wyne Su Khaing Thein on Twitter



 Myanmar Actress Shwe Hmone Yati

 88 Students leader Min Ko Naing was married


 Htoo Eh Lin

သင်ဇာဝင့်ကျော်ရဲ့  လင်းပိုင်ကြီးကိုစီးမယ်  
Myanmar Actress Thin Zar Wint Kyaw
Myanmar Actress Thinzar Wint Kyaw
myanmar actor soe thu and soe myat nandar at birthday

 Myanmar Actress Shwe Hmone Yati

 why guys say I love you

 Actor soe thu wife khin mya mya wut hmone swe

 soe thu's ex wife khin mya mya wut hmone swe

မင်းသမီးအေးမြတ်သူနဲ့ အလန်းစားရိုက်ကူးထားတဲ့ Auto Man  Quick Service Center
 actress Aye Myat Thu
 Actress Aye Myat Thu

 Actor Soe Thu and actress soe myat nandar

စိုးသူ ဇနီးဟောင်း

မင်းသားစိုးသူရဲ့ဇနီးဟောင်းပြောပြတဲ့ တခါက အကြောင်းလေးတွေ-၃
soe thu ex wife


မင်းသားစိုးသူရဲ့(၅၁)နှစ်မြောက်မွေးနေ့အတွက် သမီးငယ်ရဲ့ ချစ်စရာမွေးနေ့လက်ဆောင်စကား 
 Birthday wishes for Dad (actor soe thu)
မင်းသားစိုးသူရဲ့ဇနီးဟောင်းပြောပြတဲ့ တခါက အချစ်ဇတ်လမ်း-၂
 မင်းသားစိုးသူဇနီးဟောင်း

မင်းသားစိုးသူရဲ့ဇနီးဟောင်းပြောပြတဲ့ တခါက အချစ်ဇတ်လမ်း-၁
 myanmar actor soe thu's ex wife

အမေရိကန်နိုင်ငံမှာနေထိုင်တဲ့မင်းသားစိုးသူရဲ့ဇနီးဟောင်းက တရားစွဲချင်ရင်သူ့ကိုစွဲပါ။အားလုံးကိုရင်ဆိုင်ဖို့အသင့်ပါပဲလို့ ပြောလိုက်ပါတယ်။ 
 စိုးသူ ဇနီးဟောင်း

No comments:

Post a Comment