iPhone သုံးစွဲသူတွေ ကိုယ်တိုင် မသိသေးတဲ့ အလွန်အသုံးတည့်တဲ့ လျို့ဝှက်နံပါတ်တချို့


iPhone ဟာ သူ့ရဲ့အံ့မခန်းဖွယ် အသွင်အပြင်၊ ဒီဇိုင်းပုံစံတွေကြောင့် လူတွေကို ရူးသွပ်သွားစေကာ ကမ္ဘာမှာ လူကြိုက်အများဆုံး ဖုန်းဖြစ်ခဲ့ပါတယ်။ လူသန်းချီ iPhone ကိုင်ကြပေမယ့် ဒီကိရိယာမှာ လျို့ဝှက်ထားတဲ့ အံ့အားသင့်ဖွယ် feature အချို့ကို သတိမထားမိကြပါဘူး။ အဲဒါက iPhone သုံးစွဲသူအများစု မသိကြတဲ့ လျို့ဝှက်ကုဒ်နံပါတ် the secret codes တွေပဲ ဖြစ်ပါတယ်။ ဒီ feature တွေဟာ လိုင်းအား (signal strength) အတိအကျ စစ်ဆေးတာကအစ ဖုန်းခေါ်ဆိုမှု တဆင့်လွှဲပြောင်းပေးခြင်း (call forwarding) အထိ အလွန်အသုံးတည့်မယ့်အချက်တွေ ဖြစ်ပါတယ်။

ဒီလျို့ဝှက်ကုဒ်နံပါတ်တွေဟာ (*) နဲ့ (#) သင်္ကေတတွေနဲ့ ပေါင်းစပ်အသုံးပြုထားပါတယ်။

၁။ ဖုန်းခေါ်ဆိုသူရဲ့ အိုင်ဒီကို ဘလော့ခ်လုပ်ထားခြင်း (Block Caller ID)

ဒီကုဒ်နံပါတ်လေး အသုံးပြုခြင်းဖြင့် မိမိဖုန်းနံပါတ်ကို ဖျောက်ထားနိုင်ပါတယ်။ ဘယ်သူခေါ်နေသလဲဆိုတာ တစ်ဖက်လူ မသိရပါဘူး။ ဒီလိုလုပ်ဖို့အတွက် *#31# နဲ့ မိမိဖုန်းနံပါတ်ကို နှိပ်လိုက်ရုံပါပဲ။ ဖုန်းလက်ခံရရှိသူဆီ No Caller ID ဆိုပြီး သွားပေါ်နေပါလိမ့်မယ်။

၂။ လိုင်းအား (Signal strength) စစ်ဆေးခြင်း

Signal ဘားတုံးလေးတွေဟာ လိုင်းကောင်း မကောင်းတိုင်းစစ်ဖို့ အဖြေမှန်မရနိုင်ပါဘူး။ *3001#12345#* နှိပ်ပြီး option list တွေ တက်လာစေပါလိမ့်မယ်။ အပေါ်ဘယ်ဘက်ထောင့်မှာ အတုံးလေးတွေ သို့မဟုတ် စက်ဝိုင်းလေးတွေအစား နံပါတ်တွေ တွေ့ရပါလိမ့်မယ်။ နံပါတ် -4 နဲ့ -80 ကြားဂဏန်းစဉ်က လိုင်းကောင်းကြောင်း ညွန်းပါတယ်။ အဲဒီအောက်လျှော့နေရင် လိုင်းမကောင်းဘူးဆိုတာ ပြပါတယ်။ -140 ထက်လျှော့နေရင် လိုင်းမရှိတာပါ။

၃။ ဖုန်းရဲ့ IMEI ကို ရှာဖွေစစ်ဆေးခြင်း

ဖုန်းတိုင်းမှာ phone settings အတွင်းပိုင်း ဖော်ပြပေးတဲ့ code identifier ဆိုတာ ရှိကြပါတယ်။ *#06# ရိုက်ထည့်ပြီး ကိုယ်ပိုင်ကုဒ်ကို အလွယ်တကူ ကြည့်နိုင်ပါတယ်။

၎။ ဖုန်းခေါ်ဆိုမှု တားဆီးခြင်း

ဒါက ဖုန်းအဝင်အထွက်နှစ်ခုလုံး ဘလော့ခ်လုပ်ပေးပါတယ်။ ဝန်ဆောင်ခတော့ပေးရပါလိမ့်မယ်။ တကယ်လို့ လုပ်ထားပြီးသားဖြစ်ပါက *33*PIN# နှိပ်ပြီး သုံးနိုင်တယ်။ သို့မဟုတ် #33*PIN# ရိုက်ထည့်ပြီးလည်း ပြန်ဖြုတ်နိုင်ပါတယ်။

၅။ ဖုန်းခေါ်ဆိုမှုခေတ္တဆိုင်းထားခြင်း

ဒါကလည်း အခကြေးပေးရတဲ့ ဝန်ဆောင်မှုတစ်ခု ဖြစ်ပါတယ်။ သူက ဖုန်းအဝင် သို့မဟုတ် လတ်တလောဖုန်းအဝင်တွေ ထိန်းထားပေးပါတယ်။ ON သို့မဟုတ် OFF လုပ်ထားနိုင်သလို ကုဒ်နံပါတ်လေးတချို့နဲ့လည်း လုပ်နိုင်ပါတယ်။ Call waiting အကြောင်းသိဖို့ရန်အတွက် *#43# ကို နှိပ်ပါ။ ON လုပ်ထားဖို့အတွက် *43# နဲ့ OFF အတွက် #43# ကို နှိပ်ရပါမယ်။

၆။ ဖုန်းခေါ်ဆိုမှု တဆင့်လွှဲပြောင်းပေးခြင်း (Call Forwarding)

Forwarding call တွေ အသက်ဝင် (activate) ဖြစ်မဖြစ်နဲ့ ဘယ်ကို လွှဲပြောင်းချိတ်ပေးရမယ်ဆိုတာ စစ်ဆေးဖို့ *#21# ကို ဝင်ပါ။

၇။ EFR Mode

EFR ဆိုတာ Enhanced Full Rate ကို ကိုယ်စားပြုပြီး GSM ဝန်ဆောင်မှုတွေအတွက် အသံအရည်အသွေး ပိုမိုတိုးတက်ကောင်းမွန်စေတာပါ။ ဒါကို ဖွင့်ထားဖို့အတွက် *3370# ကို နှိပ်ပါ။ ဒါပေမယ့် ဘက္ထရီတော့ အနည်းငယ် စားပါမယ်။

Ref: alltechbuzz
Trendmyanmar
Share on Google Plus

About MP4 YoU

ကမ္ဘာသတင်း၊မြန်မာ့သတင်း ပေါင်းစုံကိုရောသမမွှေဖော်ပြသွားမည့်
MP4 YoU (The Melting Pot For You)