■ တစ်ပတ်မှာ ၁၁ နာရီပဲ အိပ်ပြီး ကြိုးစားခဲ့တဲ့ လီဆောင်ဂွန် ■






By သီဟပျံချီ
ကိုရီးယားမင်းသားတွေထဲမှာ လီဆောင်ဂွန်ဟာ တခြားမင်းသားတွေလိုပဲ အလုပ်တအားများတယ်။ အလုပ်များပြီး ရေမချိုးဖြစ်ဘူးဆိုရင် မနေ့က အ၀တ်အစားနဲ့ပဲလာလေ့ရှိတယ်။ ပေါ့ပေ့ါပါးပါး သွက် သွက်လက်လက် ပွင့်ပွင့်လင်းလင်းပဲ။ သူနာမည်ကြီးတဲ့အချက်ကလည်း ထူးဆန်းတယ်။ တခြားသူတွေလို တောက်တောက်ပြောင်ပြောင်၊ ခမ်းခမ်းနားနားစတိုင်လ်တွေကြောင့် ထင်ရှားရတာ မဟုတ်ဘဲ သာမန်ထ သွားထလာ အ၀တ်အစားတွေနဲ့ ပိုပြီး ထင်ရှားလူသိများတယ်။ ပေါ့ပေ့ါပါးပါး လွတ်လွတ်လပ်လပ် နေတတ်တဲ့ သူ့စတိုင်လ်ကြောင့် သူ့ ကို ပရိသတ်က ပိုအသိများကြ တယ်။
လီဆောင်ဂွန်ဟာ ဇာတ်ပို့ နေရာတွေမှာ သရုပ်ဆောင်ပြီး အဓိကဇာတ်ဆောင်အဖြစ် သရုပ်ဆောင်ခွင့်ရလာတဲ့ မင်းသားတစ်ယောက်လည်း ဖြစ်ပါတယ်။ မြန်မာပရိသတ်ကတော့ သူ့ကို ဟာသကားတွေနဲ့ပတ်သက်ပြီး သိကြပါတယ်။ သူ့အကြောင်း အင်တာဗျူးနဲ့ သူ့အပြောလေးတွေကို ဖော်ပြလိုက်ရပါတယ်။
Q. ခင်ဗျားရဲ့ Pasta ကားကို ကျွန်တော်တို့ ကြည့်ပြီးသွားပြီးပြီ။ ဒီကားမှာ ခင်ဗျားဟာ အတော်လေး ကို အားထုတ်ထားတယ်လို့ ကြားတယ်။ ကြားတဲ့အတိုင်းပဲ ခင်ဗျား သရုပ်ဆောင်သွားတာတွေက တကယ့်ကို ရင်သပ်ရှုမောဖွယ်ရာ ပါပဲ။
A. ဝေါင်း ... ကျွန်တော် သေလို့ရပြီ။ တကယ်။ ကျွန်တော့် ကားကို အခုလို အားပေးကြတဲ့ အတွက် တကယ်ကျေးဇူးတင်ပါတယ်။ ကျွန်တော် တစ်ပတ်လုံးမှ ၁၁ နာရီပဲ အိပ်ခဲ့ရတယ်။ ဇာတ်ညွှန်းကလည်း ကြောက်ဖို့ ကောင်းတယ်။ ကျွန်တော့်ဇာတ်ကောင်အတွက် စာတွေ အရမ်းများတယ်။
Q. ကျောင်းတုန်းက အိပ်မက်က မင်းသားလုပ်ဖို့ မဟုတ်ဘူးလို့ ကြားတယ်။ ဘာများဖြစ်လေမလဲ။
A. ဟုတ်ပါတယ်။ ကျွန်တော် ကိုရီးယားအမျိုးသားအနုပညာ တက္ကသိုလ်က အနုပညာကျောင်းကို မ၀င်ခင်တုန်းက အဲဒီအိပ်မက် မမက်ခဲ့ဘူးပါဘူး။ ကျောင်းရောက်တော့ ကျွန်တော်က ပြဇာတ်ကလပ်မှာ Lighting အဖွဲ့မှာ ပါတယ်။ ဒါပေမဲ့ ကျွန်တော့်စီနီယာတစ်ယောက်က အမြဲတမ်း ကျောင်းပြေး၊ အလုပ်ပြေးတယ်။ ဒါကြောင့် သူ့ နေရာကို အစားထိုး ၀င်လုပ်ပေးရတယ်။ စင်ပေါ်ကို တက်ပြီး သူ့ နေရာမှာ ပထမဆုံး အကြိမ်အဖြစ် ၀င်လုပ်ပေးရတယ်။ ကျွန်တော့်ရဲ့ ပထမဆုံးအကြိမ်ဆိုပေမယ့် ကျွန်တော့်မှာ ကြောက်စိတ်လုံးဝမရှိခဲ့ဘူး။ ဒီလိုနဲ့ မင်းသားဖြစ်လာ တာပါ။ ကျွန်တော်ကတော့ ကံကြမ္မာကြောင့်လို့ ထင်ပါတယ်။
Q. ကံကြမ္မာကြောင့် ဟုတ် လား ..။
A. ကျွန်တော်ပြောပြပါမယ်။ ကျွန်တော့်ကလေး လူ့လောကထဲ ရောက်လာတော့ ဒါဟာ ပြဇာတ်ရုံ ကနေ စလိုက်တဲ့ ကံကြမ္မာလို့ ကျွန် တော်ယုံကြည်မိတယ်။ ကျွန်တော့်ရဲ့ စီနီယာက ကျောင်းမပြေးရင် ကျွန် တော်လည်း စင်ပေါ်တက် သရုပ်ဆောင်ခွင့် ရမှာမဟုတ်ဘူး။ ကျွန်တော့်သူငယ်ချင်းက ကျွန်တော့် မိန်းမဖြစ်လာမယ့်သူကို မိတ်မဆက်ပေးခဲ့ရင်လည်း သူနဲ့ သိကျွမ်းမှာ မဟုတ်ဘူး။ သူနဲ့ မကွဲဘဲ ညားခဲ့တဲ့ အတွက် ဒီကလေးထွက်လာတယ်။ ကျွန်တော့်အမြင်အရ ကံဆိုတာ အတိုင်းအတာတစ်ခုအထိ ရှိနေတယ်လို့ ထင်ပါတယ်။ ပျော်ရွှင်မှုကတော့ ကံအပေါ် ဘယ်လိုသတ်မှတ် မလဲဆိုတာပါပဲ။
Q. Pasta ကားထဲက ဇာတ် ရုပ်နဲ့ The 1st shop of Coffee Prince ကားထဲက ဇာတ်ရုပ်နဲ့ အတော်လေး ကွာတယ်နော်။ ဒီကားက ပရိသတ်ပိုပြီး သိသွားစေ သလိုပဲ။
A. ကျွန်တော့်ဘေးနားက လူတိုင်းက အဲဒီလိုပဲ ပြောကြတယ်။ ဒီဇာတ်ကောင်က ကျွန်တော့်ရဲ့ ပြင်ပတကယ့်စရိုက်နဲ့ အတော်လေး ကို ထပ်တူနီးပါး တူတယ်တဲ့။ ဒါပေမဲ့ ဒီ Pasta ဇာတ်ညွှန်းရရခြင်း ကျွန်တော်ဖတ်ပြီး ဘာလုပ်လို့ ဘာ ကိုင်ရမယ်မှန်း တကယ်မသိ ခဲ့ဘူး။ ဘယ်လို သရုပ်ဆောင်ရမယ်ဆိုတာ မသိခဲ့ဘူး။
■ ငယ်တုန်းကနဲ့အခု
အခုနဲ့ ကောလိပ်တုန်းက ကျောင်းသားဘ၀နဲ့ ဘာကွာသလဲ ဆိုရင် သိပ်ကွာမယ် မထင်ပါဘူး (ရယ်လျက်)။ ကျွန်တော်က လူငယ် လိုနေရတာကို ကြိုက်တယ်။(ရယ် လျက်)၊ ဒါကြောင့် ကျွန်တော်ဟာ တဖြည်းဖြည်း နုပျိုလာနေတယ်လို့ ခံစားနေရတာ ဖြစ်မယ်။
■ တာဝန်ယူစိတ်
အရင်တုန်းက ကျွန်တော်က အရမ်းကို လွတ်လွတ်လပ်လပ်နေတာ။ မိသားစုအတွက် တာဝန်ယူမှု နည်းတယ်။ အခုတော့ မဟုတ်တော့ ပါဘူး။ အခုတော့ အဲဒီလို မိသားစု အတွက် တာဝန်ယူရတာဟာ ကျွန် တော့်အတွက် အပျော်ရွှင်ရ ဆုံးအကြောင်းရင်းပါပဲ။ လက်ထပ် ပြီးသွားတဲ့ နောက်ပိုင်း ကျွန်တော်လို သရုပ်ဆောင်တစ်ယောက်အတွက် ရည်မှန်းချက်တွေ ဘာတွေ ချမှတ် ပြီး ဘ၀ကို ဖြတ်သန်းဖို့ မလိုအပ်ပါ ဘူး။ တခြား ဖခင်တွေလိုပဲ ကျွန် တော်ဟာ အခုလုပ်နေတဲ့ အလုပ်ကို ပိုကြိုးစားပြီး ကောင်းမွန်စွာ လုပ် ဆောင်ဖို့ပဲ လိုပါတယ်။
■ ကံကြမ္မာဆိုတာ
ကျွန်တော်က ဘ၀မှာ ရည် မှန်းချက်တွေ ဘာတွေ ချမှတ်လေ့ မရှိဘူး။ အဲဒီအတွက် ကျွန်တော့် မိတ်ဆွေတွေက ကျွန်တော့်အတွက် စိုးရိမ်ကြတယ်။ ဒါပေမဲ့ ကျွန်တော် က ကံကြမ္မာကို ယုံတယ်။ ဒါကြောင့် ကျွန်တော်အခု အလုပ်ကြိုးစားနေ တာပေ့ါ။ ကျွန်တော် အတိတ်မှာ ချည်း နှစ်မြုပ်မခံချင်သလို အနာ ဂတ်အတွက်လည်း ထိုင်တွေးပြီး ပူပန်နေတဲ့သူလည်း မဟုတ်ပါဘူး။
■ သရုပ်ဆောင်ဆိုတာ
သရုပ်ဆောင်နဲ့ ပတ်သက်လို့ ကျွန်တော်ထင်တာက သဘာဝကျကျ သရုပ်ဆောင်တာက အကောင်း ဆုံးလို့ ထင်ပါတယ်။ ဇာတ်ကောင် တစ်ခုတည်းအပေါ်မှာ နှစ်မြုပ်ထား တာထက် သက်သောင့်သက်သာ လေးနဲ့ တောင့်တောင့်တင်းတင်းကြီး မဖြစ်နေဖို့က ပိုပြီး အရေးကြီးမယ် ထင်ပါတယ်။ သရုပ်ဆောင်တာ တောင့်တောင့်ကြီး ဖြစ်နေရင် ဘယ်လိုမှ သဘာဝ မကျတော့ပါဘူး။ အဓိကက သက်သောင့်သက်သာ ရှိနေဖို့ပါ။ ကျွန်တော်ကတော့ အဲဒီ လို သရုပ်ဆောင်ရတာကို ကြိုက် နှစ်သက်ပါတယ်။
■ ဇာတ်ကောင်
ကျွန်တော် တခြားဇာတ် ကောင်တွေ အများကြီး သရုပ် ဆောင်ချင်ပါသေးတယ်။ ကျွန်တော့် ရဲ့ ဇာတ်ကောင်တွေဟာလည်း အချိန်တိုင်း ပြောင်းလဲနေတယ်လို့ ထင်ပါတယ်။ တစ်ခုတည်းကို အာရုံ စိုက်တာထက် အားလုံးကို လုပ်ချင် တဲ့စိတ် ပိုရှိပါတယ်။
8 DAYS
#8days_a_week_journal

Share on Google Plus

About MP4 YoU

ကမ္ဘာသတင်း၊မြန်မာ့သတင်း ပေါင်းစုံကိုရောသမမွှေဖော်ပြသွားမည့်
MP4 YoU (The Melting Pot For You)