မြစ်ရေတင်လုပ်ငန်း ၁၇ဝ ဖျက်သိမ်းမည်ဟုဆို


ရန်ကုန် မေ ၉

မြန်မာနိုင်ငံတစ်ဝန်းတွင် ဆောင်ရွက်ပြီး၊ ဆောင်ရွက်ဆဲ မြစ်ရေတင်လုပ်ငန်း ၃၇၉ ခုရှိသည့်အနက် မြစ်ရေတင်လုပ်ငန်း ၁၇ဝ ကို ဖျက်သိမ်းရန် စီစဉ်လျက်ရှိကြောင်း ဆည်မြောင်းနှင့် ရေအသုံးချစီမံခန့်ခွဲရေးဦးစီးဌာန ညွှန်ကြား ရေးမှူးချုပ် ဦးကျော်မြင့်လှိုင်ထံမှ သိရသည်။

''မြစ်ရေတင်လုပ်ငန်းပေါင်း ၃၇၉ ခုရှိတဲ့အထဲကမှ ၁၇ဝ ကို ကျွန်တော်တို့ လုံးဝဖျက်သိမ်းဖို့ အနေအထားရှိပါတယ်။ ဖျက်သိမ်းမယ့် မြစ်ရေတင်လုပ်ငန်း တစ်ခုချင်းအလိုက်ကိုလည်း စာအုပ်ပေါင်း ၁၇ဝ လုပ်ပြီး တင်ပြထားပါတယ်။ ဝန်ကြီးကလည်းလက်ခံထားတယ်။ အစိုးရအဖွဲ့ကို ဆက်တင်သွားမယ်'' ဟု ဦးကျော်မြင့်လှိုင်က ပြောသည်။

မြန်မာတစ်နိုင်ငံလုံးရှိ ဆောင်ရွက်ပြီး၊ ဆောင်ရွက်ဆဲ မြစ်ရေတင်စီမံ ကိန်းများတွင် လျှပ်စစ်ဓာတ်အားတစ်ဆက်တစ်စပ်တည်းရရှိမှုလျော့နည်း ခြင်း၊ ဗို့အားအပြည့်အဝမရရှိခြင်း၊ အရည်အသွေးနိမ့်သည့် ရေစုပ်စက်နှင့် လျှပ်စစ်ပစ္စည်းများကိုသုံးစွဲရခြင်း၊ လျှပ်စစ်ရေတင်ခနှုန်းထားများကို တောင်သူများက ပေးချေလိုမှုမရှိခြင်းများရှိနေသည်ဟု ဆည်မြောင်းနှင့် ရေအသုံးချ စီမံခန့်ခွဲရေးဦးစီးဌာန၏ ထုတ်ပြန်ချက်များမှ သိရသည်။

ထို့အပြင် လက်ရှိမြစ်ရေတင်စီမံကိန်းများ၏ရေပေးမြောင်းများသည် မြေသားမြောင်းများဖြစ်ခြင်းကြောင့် ရေလေလွင့်ဆုံးရှုံးမှုနှင့် မြောင်းများကျိုးပြတ် ပျက်စီးခြင်း၊ မူလမြစ်ရေတင်စီမံကိန်း၏ ရေအရင်းအမြစ် မြစ်ချောင်းများတွင် ရေလမ်းကြောင်းပြောင်းလဲကာ သဲသောင်များဖြစ်ထွန်းခြင်း၊ ရေတိုက်စားမှုကြောင့် ကမ်းပါးပြိုမှုများ ဖြစ်ပွားခြင်း၊ မြစ်ရေတင် ဒီဇိုင်းရေးဆွဲရေးအဖွဲ့နှင့် တည်ဆောက်ရေးလုပ်ငန်း အဖွဲ့များမရှိခြင်းစသည့် ပြဿနာများနှင့်လည်း ကြုံတွေ့နေရသည်ဟု ဆည်မြောင်းနှင့်ရေအသုံးချ စီမံခန့်ခွဲရေးဦးစီးဌာနမှ သိရသည်။

လက်ရှိတွင် ဆောင်ရွက်လျက်ရှိသည့် မြစ်ရေတင်အထူးစီမံကိန်း ၁၅ ခုအနက် ဒုံသမိနှင့် ကျုံစုပ်အထူးစီမံကိန်းရှစ်ခုကို ဖျက်သိမ်းသွားမည်ဖြစ်သည်။ ထို့ပြင် ဆောင်ရွက်ဆဲ မြစ်ရေတင် ဌာနလုပ်ငန်း ၂ဝ အနက်မှ သစ်ခြောက်ခင်၊ မိုးသစ္စာ၊ မတော့ကုန်း၊ ရေကာ၊ စမုံဆင်ချီတိုင်၊ အစုကြီး (သီတာအေး)၊ အလိန်လည် (ကြို့ကုန်း-တိုးချဲ့)၊ မင်းလှဝ၊ ချမ်းမြေ့သာယာ၊ နောင်ခေါနှင့် နောင်ဟင် စီမံကိန်း ၁၁ ခုကို ဖျက်သိမ်းတော့မည် ဖြစ်သည်ဟု အဆိုပါစီမံခန်ခွဲမှုဦးစီးဌာန၏ ထုတ်ပြန်ချက်တွင်ပါရှိသည်။

ဆည်မြောင်းနှင့်ရေအသုံးချ စီမံခန့်ခွဲရေးဦးစီး ဌာနသည် ကျန်ရှိနေသည့် မြစ်ရေတင်လုပ်ငန်းများ အတွက်ရှေ့ဆက်၍ ရေပေးမြောင်းဒီဇိုင်းပုံစံများ ပြန်လည်ပြင်ဆင်ဆောင်ရွက်ခြင်း၊ ထပ်ဆင့်ရေတင်များတွင် ရေလိုအပ်ချက်နည်းသော တောင်သူဝင်ငွေ တိုးစေမည့် သီးနှံများစိုက်ပျိုးခြင်း၊ ရေလေလွင့်ဆုံးရှုံး မှု နည်းစေရန် မြေသားမြောင်းများအားလိုင်နင်စီခြင်း၊ လျှပ်စစ်ဓာတ်အားဗို့အားအပြည့်အဝဖြင့် တစ်ဆက်တစ်စပ်တည်းရရှိစေရန် ညှိနှိုင်းဆောင်ရွက်ခြင်း၊ မြစ်ရေတင်ရေသောက်ဧရိယာရှိလယ်ယာ မြေများအား မြေယာပြုပြင်မှုများဆောင်ရွက်ခြင်း၊ ကမ်းပါးပြိုကျမှုနှင့် သဲသောင်ဖြစ်ထွန်းမှု မဖြစ်ပွားစေရန် ဆောင်ရွက်ခြင်း၊ ရေသုံးစွဲသူများ အဖွဲ့ ဖွဲ့စည်းပြီး ရေစီမံခန့်ခွဲမှုသင်တန်းများ ပို့ချ ခြင်းနှင့် တောင်သူများက စွမ်းအင်ကုန်ကျစရိတ်ကို မိမိအစီအစဉ်ဖြင့် ပေးချေနိုင်ရန် စီမံခန့်ခွဲဆောင် ရွက်ခြင်းများ ပြုလုပ်သွားမည်ဟုသိရသည်။

''မြစ်ရေတင်စီမံကိန်းတွေ ဖျက်ပစ်ဖို့ဆိုတာ သူ့ရဲ့လုပ်ငန်းစဉ်တွေရှိပါတယ်။ ဖျက်သိမ်းမယ့် လုပ်ငန်းတွေအတွက် ကျွန်တော် အခုမှ စာရင်းလုပ်လိုက်တာမဟုတ်ပါဘူး။ ရပ်ထားတာလည်း ကြာပါပြီ။ စာရင်းကိုအခြေခံလိုက်တဲ့အခါ ရာခိုင်နှုန်းတွက်ရင် လက်ရှိရှိနေတဲ့ ရေပေးဝေမှုလုပ်ငန်းတွေက ကျဆင်းသွားလို့ စာရင်းသဘောပဲရှိနေတဲ့ မြစ်ရေတင်လုပ်ငန်းတွေကို ပယ်ဖျက်လိုက်တာ။ ဒီမြစ်ရေတင်စီမံကိန်းတွေကြောင့် ဘယ်သူမှ ဒုက္ခမဖြစ်ဘူး။ အသုံးစရိတ်လည်းမရှိဘူး''ဟု ဆည်မြောင်းနှင့် ရေအသုံးချစီမံခန့်ခွဲရေးဦးစီးဌာန ညွှန်ကြားရေးမှူးချုပ်က ပြောသည်။

ပြင်သစ်ဖွံ့ဖြိုးရေးအေဂျင်စီ (AFD)သည် မကွေးတိုင်းဒေသကြီး မကွေးမြို့နယ်ရှိ မြင်ကွန်း မြစ်ရေတင်လုပ်ငန်းနှင့် မင်းဘူးမြို့နယ်ရှိ ကမ်းနီ မြစ်ရေတင်လုပ်ငန်းများကို ယူရိုငွေ သုံးသန်း အကုန်အကျခံ၍ အဆင့်မြှင့်တင်ခြင်းဆောင်ရွက်မည်ဖြစ်ပြီး အသက်မွေးဝမ်းကျောင်းနှင့် စားနပ် ရိက္ခာဖူလုံရေးရန်ပုံငွေအဖွဲ့ (LIFT Fund) ကလည်း မကွေးတိုင်းဒေသကြီး မင်းဘူးမြို့နယ်ရှိ ပျော့ရွာ မြစ်ရေတင်လုပ်ငန်းအဆင့်မြှင့်တင်ခြင်းအတွက် အမေရိကန်ဒေါ်လာငါးသန်း အကုန်အကျခံ၍ ဆောင်ရွက်ပေးမည်ဖြစ်သည်။

သတင်း - ရဲခေါင်ညွန့်၊ မြတ်သန္တာမောင်
MOI Webportal Myanmar
https://www.facebook.com/MOIWebportalMyanmar
Share on Google Plus

About MP4 YoU

ကမ္ဘာသတင်း၊မြန်မာ့သတင်း ပေါင်းစုံကိုရောသမမွှေဖော်ပြသွားမည့်
MP4 YoU (The Melting Pot For You)